לדלג לתוכן

מקרא מבואר/תצוגה/ספר בראשית/פרשת מקץ

הוספת קישורים
מתוך ויקיטקסט, מאגר הטקסטים החופשי


ראשון

[עריכה]
פ פָּרָשַׁת חֲלוֹמוֹת פַּרְעֹה
מא א וַיְהִ֕י מִקֵּ֖ץ שְׁנָתַ֣יִם יָמִ֑ים וּפַרְעֹ֣ה חֹלֵ֔ם וְהִנֵּ֖ה עֹמֵ֥ד עַל־הַיְאֹֽר׃ בְּסוֹף שְׁנָתַיִם, פַּרְעֹה חָלַם שֶׁהוּא עוֹמֵד עַל יַד הַיְּאוֹר.
ב וְהִנֵּ֣ה מִן־הַיְאֹ֗ר עֹלֹת֙ שֶׁ֣בַע פָּר֔וֹת יְפ֥וֹת מַרְאֶ֖ה וּבְרִיאֹ֣ת בָּשָׂ֑ר וַתִּרְעֶ֖ינָה בָּאָֽחוּ׃ וּמֵהַיְּאוֹר עוֹלוֹת שֶׁבַע פָּרוֹת שֶׁנִּרְאוֹת טוֹב וּשְׁמֵנוֹת, וְהֵן רָעוּ בִּמְקוֹם הַמִּרְעֶה.
ג וְהִנֵּ֞ה שֶׁ֧בַע פָּר֣וֹת אֲחֵר֗וֹת עֹל֤וֹת אַחֲרֵיהֶן֙ מִן־הַיְאֹ֔ר רָע֥וֹת מַרְאֶ֖ה וְדַקּ֣וֹת בָּשָׂ֑ר וַֽתַּעֲמֹ֛דְנָה אֵ֥צֶל הַפָּר֖וֹת עַל־שְׂפַ֥ת הַיְאֹֽר׃ וְהִנֵּה שֶׁבַע פָּרוֹת אֲחֵרוֹת עוֹלוֹת אַחֲרֵיהֶן מֵהַיְּאוֹר, שֶׁנִּרְאוֹת לֹא טוֹב וְרָזוֹת, וְהֵן עָמְדוּ עַל שְׂפַת הַיְּאוֹר לְיַד הַפָּרוֹת הָרִאשׁוֹנוֹת.
ד וַתֹּאכַ֣לְנָה הַפָּר֗וֹת רָע֤וֹת הַמַּרְאֶה֙ וְדַקֹּ֣ת הַבָּשָׂ֔ר אֵ֚ת שֶׁ֣בַע הַפָּר֔וֹת יְפֹ֥ת הַמַּרְאֶ֖ה וְהַבְּרִיאֹ֑ת וַיִּיקַ֖ץ פַּרְעֹֽה׃ הַפָּרוֹת שֶׁנִּרְאוֹת לֹא טוֹב וְהָרָזוֹת אָכְלוּ אֶת שֶׁבַע הַפָּרוֹת שֶׁנִּרְאוֹת טוֹב וְהַשְּׁמֵנוֹת, וּפַרְעֹה הִתְעוֹרֵר.
ה וַיִּישָׁ֕ן וַֽיַּחֲלֹ֖ם שֵׁנִ֑ית וְהִנֵּ֣ה ׀ שֶׁ֣בַע שִׁבֳּלִ֗ים עֹל֛וֹת בְּקָנֶ֥ה אֶחָ֖ד בְּרִיא֥וֹת וְטֹבֽוֹת׃ הוּא יָשַׁן וְחָלַם שֵׁנִית, וְהִנֵּה שֶׁבַע שִׁבּוֹלִים עוֹלוֹת בְּגִבְעוֹל אֶחָד – שְׁמֵנוֹת וְטוֹבוֹת.
ו וְהִנֵּה֙ שֶׁ֣בַע שִׁבֳּלִ֔ים דַּקּ֖וֹת וּשְׁדוּפֹ֣ת קָדִ֑ים צֹמְח֖וֹת אַחֲרֵיהֶֽן׃ וְהִנֵּה שֶׁבַע שִׁבּוֹלִים דַּקּוֹת וּמְיֻבָּשׁוֹת בְּרוּחַ מִזְרָחִית צוֹמְחוֹת אַחֲרֵיהֶן.
ז וַתִּבְלַ֙עְנָה֙ הַשִּׁבֳּלִ֣ים הַדַּקּ֔וֹת אֵ֚ת שֶׁ֣בַע הַֽשִּׁבֳּלִ֔ים הַבְּרִיא֖וֹת וְהַמְּלֵא֑וֹת וַיִּיקַ֥ץ פַּרְעֹ֖ה וְהִנֵּ֥ה חֲלֽוֹם׃ הַשִּׁבּוֹלִים הַדַּקּוֹת בָּלְעוּ אֶת שֶׁבַע הַשִּׁבּוֹלִים הַשְּׁמֵנוֹת וְהַמְּלֵאוֹת, פַּרְעֹה הִתְעוֹרֵר וְהִנֵּה – חֲלוֹם.
ח וַיְהִ֤י בַבֹּ֙קֶר֙ וַתִּפָּ֣עֶם רוּח֔וֹ וַיִּשְׁלַ֗ח וַיִּקְרָ֛א אֶת־כׇּל־חַרְטֻמֵּ֥י מִצְרַ֖יִם וְאֶת־כׇּל־חֲכָמֶ֑יהָ וַיְסַפֵּ֨ר פַּרְעֹ֤ה לָהֶם֙ אֶת־חֲלֹמ֔וֹ וְאֵין־פּוֹתֵ֥ר אוֹתָ֖ם לְפַרְעֹֽה׃ בַּבּוֹקֶר כְּשֶׁהִתְעוֹרֵר הוּא הִתְרַגֵּשׁ מְאוֹד, הוּא שָׁלַח וְקָרָא לְכָל מְכַשְּׁפֵי מִצְרַיִם וּלְכָל חֲכָמֶיהָ, פַּרְעֹה סִפֵּר לָהֶם אֶת חֲלוֹמוֹ, וְלֹא הָיָה מִי שֶׁיָּדַע לִפְתּוֹר אוֹתָם לְפַרְעֹה.
פָּרָשַׁת פִּתְרוֹן יוֹסֵף
ט וַיְדַבֵּר֙ שַׂ֣ר הַמַּשְׁקִ֔ים אֶת־פַּרְעֹ֖ה לֵאמֹ֑ר אֶת־חֲטָאַ֕י אֲנִ֖י מַזְכִּ֥יר הַיּֽוֹם׃ שַׂר הַמַּשְׁקִים דִּבֵּר אֶל פַּרְעֹה וְאָמַר: אֲנִי מַזְכִּיר הַיּוֹם אֶת חֲטָאַי.
י פַּרְעֹ֖ה קָצַ֣ף עַל־עֲבָדָ֑יו וַיִּתֵּ֨ן אֹתִ֜י בְּמִשְׁמַ֗ר בֵּ֚ית שַׂ֣ר הַטַּבָּחִ֔ים אֹתִ֕י וְאֵ֖ת שַׂ֥ר הָאֹפִֽים׃ פַּרְעֹה כָּעַס עַל עֲבָדָיו וְשָׂם אוֹתִי בְּמַעֲצָר בְּבֵית שַׂר הַלּוֹחֲמִים, אוֹתִי וְאֶת שַׂר הָאוֹפִים.
יא וַנַּֽחַלְמָ֥ה חֲל֛וֹם בְּלַ֥יְלָה אֶחָ֖ד אֲנִ֣י וָה֑וּא אִ֛ישׁ כְּפִתְר֥וֹן חֲלֹמ֖וֹ חָלָֽמְנוּ׃ אֲנִי וְהוּא חָלַמְנוּ חֲלוֹם בְּלַיְלָה אֶחָד, כָּל אֶחָד חָלַם חֲלוֹם שֶׁמַּתְאִים לְפִתְרוֹן חֲלוֹמוֹ.
יב וְשָׁ֨ם אִתָּ֜נוּ נַ֣עַר עִבְרִ֗י עֶ֚בֶד לְשַׂ֣ר הַטַּבָּחִ֔ים וַ֨נְּסַפֶּר־ל֔וֹ וַיִּפְתׇּר־לָ֖נוּ אֶת־חֲלֹמֹתֵ֑ינוּ אִ֥ישׁ כַּחֲלֹמ֖וֹ פָּתָֽר׃ וְשָׁם הָיָה אִתָּנוּ נַעַר עִבְרִי עֶבֶד לְשַׂר הַלּוֹחֲמִים, סִפַּרְנוּ לוֹ וְהוּא פָּתַר לָנוּ אֶת חֲלוֹמוֹתֵינוּ, לְכָל אֶחָד פִּתְרוֹן מַתְאִים לַחֲלוֹמוֹ.
יג וַיְהִ֛י כַּאֲשֶׁ֥ר פָּֽתַר־לָ֖נוּ כֵּ֣ן הָיָ֑ה אֹתִ֛י הֵשִׁ֥יב עַל־כַּנִּ֖י וְאֹת֥וֹ תָלָֽה׃ וּכְמוֹ שֶׁפָּתַר לָנוּ כָּךְ הָיָה – אוֹתִי פַּרְעֹה הֶחֱזִיר לְמַעֲמָדִי, וְאוֹתוֹ הוּא תָּלָה.
יד וַיִּשְׁלַ֤ח פַּרְעֹה֙ וַיִּקְרָ֣א אֶת־יוֹסֵ֔ף וַיְרִיצֻ֖הוּ מִן־הַבּ֑וֹר וַיְגַלַּח֙ וַיְחַלֵּ֣ף שִׂמְלֹתָ֔יו וַיָּבֹ֖א אֶל־פַּרְעֹֽה׃ פַּרְעֹה שָׁלַח שְׁלִיחִים וְקָרָא לְיוֹסֵף וְהוֹצִיאוּ אוֹתוֹ בִּמְהִירוּת מֵהַכֶּלֶא, הוּא הִסְתַּפֵּר וְהֶחֱלִיף אֶת בְּגָדָיו וּבָא אֶל פַּרְעֹה.


שני

[עריכה]
טו וַיֹּ֤אמֶר פַּרְעֹה֙ אֶל־יוֹסֵ֔ף חֲל֣וֹם חָלַ֔מְתִּי וּפֹתֵ֖ר אֵ֣ין אֹת֑וֹ וַאֲנִ֗י שָׁמַ֤עְתִּי עָלֶ֙יךָ֙ לֵאמֹ֔ר תִּשְׁמַ֥ע חֲל֖וֹם לִפְתֹּ֥ר אֹתֽוֹ׃ פַּרְעֹה אָמַר לְיוֹסֵף: חָלַמְתִּי חֲלוֹם וְאֵין מִי שֶׁיּוֹדֵעַ לִפְתּוֹר אוֹתוֹ, וַאֲנִי שָׁמַעְתִּי עָלֶיךָ שֶׁאַתָּה יוֹדֵעַ לְהָבִין חֲלוֹם וְלִפְתּוֹר אוֹתוֹ.
טז וַיַּ֨עַן יוֹסֵ֧ף אֶת־פַּרְעֹ֛ה לֵאמֹ֖ר בִּלְעָדָ֑י אֱלֹהִ֕ים יַעֲנֶ֖ה אֶת־שְׁל֥וֹם פַּרְעֹֽה׃ יוֹסֵף עָנָה לְפַרְעֹה וְאָמַר: גַּם בִּלְעָדַי, בְּעֶזְרַת אֱלֹהִים יִנָּתֵן פִּתְרוֹן לְטוֹבַת שְׁלוֹם פַּרְעֹה.
יז וַיְדַבֵּ֥ר פַּרְעֹ֖ה אֶל־יוֹסֵ֑ף בַּחֲלֹמִ֕י הִנְנִ֥י עֹמֵ֖ד עַל־שְׂפַ֥ת הַיְאֹֽר׃ פַּרְעֹה דִּבֵּר אֶל יוֹסֵף: בַּחֲלוֹמִי הִנֵּה אֲנִי עוֹמֵד עַל שְׂפַת הַיְּאוֹר.
יח וְהִנֵּ֣ה מִן־הַיְאֹ֗ר עֹלֹת֙ שֶׁ֣בַע פָּר֔וֹת בְּרִיא֥וֹת בָּשָׂ֖ר וִיפֹ֣ת תֹּ֑אַר וַתִּרְעֶ֖ינָה בָּאָֽחוּ׃ וְהִנֵּה מֵהַיְּאוֹר עוֹלוֹת שֶׁבַע פָּרוֹת שְׁמֵנוֹת שֶׁנִּרְאוֹת טוֹב, וְהֵן רָעוּ בִּמְקוֹם הַמִּרְעֶה.
יט וְהִנֵּ֞ה שֶֽׁבַע־פָּר֤וֹת אֲחֵרוֹת֙ עֹל֣וֹת אַחֲרֵיהֶ֔ן דַּלּ֨וֹת וְרָע֥וֹת תֹּ֛אַר מְאֹ֖ד וְרַקּ֣וֹת בָּשָׂ֑ר לֹֽא־רָאִ֧יתִי כָהֵ֛נָּה בְּכׇל־אֶ֥רֶץ מִצְרַ֖יִם לָרֹֽעַ׃ וְהִנֵּה שֶׁבַע פָּרוֹת אֲחֵרוֹת מִסְכֵּנוֹת שֶׁנִּרְאוֹת מְאוֹד לֹא טוֹב וְרָזוֹת, עוֹלוֹת אַחֲרֵיהֶן, לֹא רָאִיתִי כְּמוֹתָן בְּכָל אֶרֶץ מִצְרַיִם בְּכָזֶה רוֹעַ.
כ וַתֹּאכַ֙לְנָה֙ הַפָּר֔וֹת הָרַקּ֖וֹת וְהָרָע֑וֹת אֵ֣ת שֶׁ֧בַע הַפָּר֛וֹת הָרִאשֹׁנ֖וֹת הַבְּרִיאֹֽת׃ הַפָּרוֹת הָרָזוֹת וְהָרָעוֹת אָכְלוּ אֶת שֶׁבַע הַפָּרוֹת הָרִאשׁוֹנוֹת הַשְּׁמֵנוֹת.
כא וַתָּבֹ֣אנָה אֶל־קִרְבֶּ֗נָה וְלֹ֤א נוֹדַע֙ כִּי־בָ֣אוּ אֶל־קִרְבֶּ֔נָה וּמַרְאֵיהֶ֣ן רַ֔ע כַּאֲשֶׁ֖ר בַּתְּחִלָּ֑ה וָאִיקָֽץ׃ הֵן נִבְלְעוּ בְּתוֹכָן וְלֹא הָיָה אֶפְשָׁר לָדַעַת שֶׁהֵן נִבְלְעוּ בְּתוֹכָן כִּי הֵן נִרְאוּ רַע כְּמוֹ בַּהַתְחָלָה, וְהִתְעוֹרַרְתִּי.
כב וָאֵ֖רֶא בַּחֲלֹמִ֑י וְהִנֵּ֣ה ׀ שֶׁ֣בַע שִׁבֳּלִ֗ים עֹלֹ֛ת בְּקָנֶ֥ה אֶחָ֖ד מְלֵאֹ֥ת וְטֹבֽוֹת׃ וְרָאִיתִי בַּחֲלוֹמִי, וְהִנֵּה שֶׁבַע שִׁבּוֹלִים צוֹמְחוֹת בְּגִבְעוֹל אֶחָד מְלֵאוֹת וְטוֹבוֹת.
כג וְהִנֵּה֙ שֶׁ֣בַע שִׁבֳּלִ֔ים צְנֻמ֥וֹת דַּקּ֖וֹת שְׁדֻפ֣וֹת קָדִ֑ים צֹמְח֖וֹת אַחֲרֵיהֶֽם׃ וְהִנֵּה שֶׁבַע שִׁבּוֹלִים רָזוֹת דַּקּוֹת מְיֻבָּשׁוֹת בְּרוּחַ מִזְרָחִית צוֹמְחוֹת אַחֲרֵיהֶן,
כד וַתִּבְלַ֙עְןָ֙ הַשִּׁבֳּלִ֣ים הַדַּקֹּ֔ת אֵ֛ת שֶׁ֥בַע הַֽשִּׁבֳּלִ֖ים הַטֹּב֑וֹת וָֽאֹמַר֙ אֶל־הַֽחַרְטֻמִּ֔ים וְאֵ֥ין מַגִּ֖יד לִֽי׃ וְהַשִּׁבּוֹלִים הַדַּקּוֹת בָּלְעוּ אֶת שֶׁבַע הַשִּׁבּוֹלִים הַטּוֹבוֹת, אָמַרְתִּי לַמְּכַשְּׁפִים וְאֵין אַף אֶחָד מֵהֶם שֶׁיּוֹדֵעַ לְהַגִּיד לִי אֶת פִּתְרוֹן הַחֲלוֹם.
כה וַיֹּ֤אמֶר יוֹסֵף֙ אֶל־פַּרְעֹ֔ה חֲל֥וֹם פַּרְעֹ֖ה אֶחָ֣ד ה֑וּא אֵ֣ת אֲשֶׁ֧ר הָאֱלֹהִ֛ים עֹשֶׂ֖ה הִגִּ֥יד לְפַרְעֹֽה׃ יוֹסֵף אָמַר לְפַרְעֹה: פֵּרוּשׁ חֲלוֹמוֹת פַּרְעֹה אֶחָד הוּא – הָאֱלֹהִים הוֹדִיעַ לְפַרְעֹה אֶת מַה שֶּׁהוּא עוֹמֵד לַעֲשׂוֹת.
כו שֶׁ֧בַע פָּרֹ֣ת הַטֹּבֹ֗ת שֶׁ֤בַע שָׁנִים֙ הֵ֔נָּה וְשֶׁ֤בַע הַֽשִּׁבֳּלִים֙ הַטֹּבֹ֔ת שֶׁ֥בַע שָׁנִ֖ים הֵ֑נָּה חֲל֖וֹם אֶחָ֥ד הֽוּא׃ שֶׁבַע הַפָּרוֹת הַטּוֹבוֹת הֵן שֶׁבַע שָׁנִים, וְשֶׁבַע הַשִּׁבּוֹלִים הַטּוֹבוֹת הֵן שֶׁבַע שָׁנִים – חֲלוֹם אֶחָד הוּא.
כז וְשֶׁ֣בַע הַ֠פָּר֠וֹת הָֽרַקּ֨וֹת וְהָרָעֹ֜ת הָעֹלֹ֣ת אַחֲרֵיהֶ֗ן שֶׁ֤בַע שָׁנִים֙ הֵ֔נָּה וְשֶׁ֤בַע הַֽשִּׁבֳּלִים֙ הָרֵק֔וֹת שְׁדֻפ֖וֹת הַקָּדִ֑ים יִהְי֕וּ שֶׁ֖בַע שְׁנֵ֥י רָעָֽב׃ וְשֶׁבַע הַפָּרוֹת הָרָזוֹת וְהָרָעוֹת הָעוֹלוֹת אַחֲרֵיהֶן הֵן שֶׁבַע שָׁנִים, וְשֶׁבַע הַשִּׁבּוֹלִים הָרֵקוֹת הַמְּיֻבָּשׁוֹת בְּרוּחַ מִזְרָחִית יִהְיוּ שֶׁבַע שְׁנוֹת רָעָב.
כח ה֣וּא הַדָּבָ֔ר אֲשֶׁ֥ר דִּבַּ֖רְתִּי אֶל־פַּרְעֹ֑ה אֲשֶׁ֧ר הָאֱלֹהִ֛ים עֹשֶׂ֖ה הֶרְאָ֥ה אֶת־פַּרְעֹֽה׃ זֶהוּ הַדָּבָר שֶׁדִּבַּרְתִּי אֶל פַּרְעֹה – אֶת מַה שֶּׁהָאֱלֹהִים עוֹמֵד לַעֲשׂוֹת הוּא הֶרְאָה לְפַרְעֹה.
כט הִנֵּ֛ה שֶׁ֥בַע שָׁנִ֖ים בָּא֑וֹת שָׂבָ֥ע גָּד֖וֹל בְּכׇל־אֶ֥רֶץ מִצְרָֽיִם׃ הִנֵּה שֶׁבַע שָׁנִים בָּאוֹת, יִהְיֶה שָׂבָע גָּדוֹל בְּכָל אֶרֶץ מִצְרַיִם.
ל וְ֠קָ֠מוּ שֶׁ֜בַע שְׁנֵ֤י רָעָב֙ אַחֲרֵיהֶ֔ן וְנִשְׁכַּ֥ח כׇּל־הַשָּׂבָ֖ע בְּאֶ֣רֶץ מִצְרָ֑יִם וְכִלָּ֥ה הָרָעָ֖ב אֶת־הָאָֽרֶץ׃ וְיָבוֹאוּ שֶׁבַע שְׁנוֹת רָעָב אַחֲרֵיהֶן וְיִשָּׁכַח כָּל הַשָּׂבָע שֶׁהָיָה בְּאֶרֶץ מִצְרַיִם – הָרָעָב יַשְׁמִיד אֶת הָאָרֶץ.
לא וְלֹֽא־יִוָּדַ֤ע הַשָּׂבָע֙ בָּאָ֔רֶץ מִפְּנֵ֛י הָרָעָ֥ב הַה֖וּא אַחֲרֵי־כֵ֑ן כִּֽי־כָבֵ֥ד ה֖וּא מְאֹֽד׃ וְאִי אֶפְשָׁר יִהְיֶה לְהַבְחִין שֶׁהָיָה שָׂבָע בָּאָרֶץ בִּגְלַל אוֹתוֹ רָעָב שֶׁאַחַר כָּךְ, כִּי הוּא יִהְיֶה קָשֶׁה מְאוֹד.
לב וְעַ֨ל הִשָּׁנ֧וֹת הַחֲל֛וֹם אֶל־פַּרְעֹ֖ה פַּעֲמָ֑יִם כִּֽי־נָכ֤וֹן הַדָּבָר֙ מֵעִ֣ם הָאֱלֹהִ֔ים וּמְמַהֵ֥ר הָאֱלֹהִ֖ים לַעֲשֹׂתֽוֹ׃ וְעַל חֲזָרַת הַחֲלוֹם אֶל פַּרְעֹה פַּעֲמַיִם – כִּי הַדָּבָר מוּכָן מֵאֵת הָאֱלֹהִים וְהָאֱלֹהִים מְמַהֵר לַעֲשׂוֹת אוֹתוֹ.
לג וְעַתָּה֙ יֵרֶ֣א פַרְעֹ֔ה אִ֖ישׁ נָב֣וֹן וְחָכָ֑ם וִישִׁיתֵ֖הוּ עַל־אֶ֥רֶץ מִצְרָֽיִם׃ וְעַכְשָׁיו, פַּרְעֹה יִמְצָא אִישׁ נָבוֹן וְחָכָם וִימַנֶּה אוֹתוֹ עַל אֶרֶץ מִצְרַיִם.
לד יַעֲשֶׂ֣ה פַרְעֹ֔ה וְיַפְקֵ֥ד פְּקִדִ֖ים עַל־הָאָ֑רֶץ וְחִמֵּשׁ֙ אֶת־אֶ֣רֶץ מִצְרַ֔יִם בְּשֶׁ֖בַע שְׁנֵ֥י הַשָּׂבָֽע׃ פַּרְעֹה יַעֲשֶׂה כַּעֲצָתִי, וִימַנֶּה מְמֻנִּים עַל הָאָרֶץ, וְיִגְבֶּה חֲמִשִּׁית מִכָּל תְּבוּאַת אֶרֶץ מִצְרַיִם בְּשֶׁבַע שְׁנֵי הַשָּׂבָע.
לה וְיִקְבְּצ֗וּ אֶת־כׇּל־אֹ֙כֶל֙ הַשָּׁנִ֣ים הַטֹּב֔וֹת הַבָּאֹ֖ת הָאֵ֑לֶּה וְיִצְבְּרוּ־בָ֞ר תַּ֧חַת יַד־פַּרְעֹ֛ה אֹ֥כֶל בֶּעָרִ֖ים וְשָׁמָֽרוּ׃ וְהֵם יַאַסְפוּ אֶת כָּל הָאוֹכֶל שֶׁל הַשָּׁנִים הַטּוֹבוֹת הָאֵלֶּה שֶׁבָּאוֹת, וְיַאַסְפוּ תְּבוּאָה שֶׁתִּהְיֶה אֵצֶל פַּרְעֹה – שֶׁיִּהְיֶה אוֹכֶל בֶּעָרִים, וְיִשְׁמְרוּ אוֹתָהּ.
לו וְהָיָ֨ה הָאֹ֤כֶל לְפִקָּדוֹן֙ לָאָ֔רֶץ לְשֶׁ֙בַע֙ שְׁנֵ֣י הָרָעָ֔ב אֲשֶׁ֥ר תִּהְיֶ֖יןָ בְּאֶ֣רֶץ מִצְרָ֑יִם וְלֹֽא־תִכָּרֵ֥ת הָאָ֖רֶץ בָּרָעָֽב׃ הָאוֹכֶל יִהְיֶה שָׁמוּר לְקִיּוּם הָאָרֶץ בְּשֶׁבַע שְׁנוֹת הָרָעָב שֶׁתִּהְיֶינָה בְּאֶרֶץ מִצְרַיִם, וְכָךְ הָאָרֶץ לֹא תֹּאבַד בָּרָעָב.
לז וַיִּיטַ֥ב הַדָּבָ֖ר בְּעֵינֵ֣י פַרְעֹ֑ה וּבְעֵינֵ֖י כׇּל־עֲבָדָֽיו׃ הַדָּבָר נִרְאָה טוֹב בְּעֵינֵי פַּרְעֹה וּבְעֵינֵי כָּל עֲבָדָיו.
פָּרָשַׁת מִנּוּי יוֹסֵף
לח וַיֹּ֥אמֶר פַּרְעֹ֖ה אֶל־עֲבָדָ֑יו הֲנִמְצָ֣א כָזֶ֔ה אִ֕ישׁ אֲשֶׁ֛ר ר֥וּחַ אֱלֹהִ֖ים בּֽוֹ׃ פַּרְעֹה אָמַר לַעֲבָדָיו: הַאִם נִמְצָא עוֹד אִישׁ כָּזֶה שֶׁרוּחַ אֱלֹהִים בּוֹ?!


שלישי

[עריכה]
לט וַיֹּ֤אמֶר פַּרְעֹה֙ אֶל־יוֹסֵ֔ף אַחֲרֵ֨י הוֹדִ֧יעַ אֱלֹהִ֛ים אוֹתְךָ֖ אֶת־כׇּל־זֹ֑את אֵין־נָב֥וֹן וְחָכָ֖ם כָּמֽוֹךָ׃ פַּרְעֹה אָמַר לְיוֹסֵף: אַחֲרֵי שֶׁאֱלֹהִים הוֹדִיעַ לְךָ אֶת כָּל זֹאת, אֵין נָבוֹן וְחָכָם כָּמוֹךָ.
מ אַתָּה֙ תִּהְיֶ֣ה עַל־בֵּיתִ֔י וְעַל־פִּ֖יךָ יִשַּׁ֣ק כׇּל־עַמִּ֑י רַ֥ק הַכִּסֵּ֖א אֶגְדַּ֥ל מִמֶּֽךָּ׃ אַתָּה תִּהְיֶה מְמֻנֶּה עַל בֵּיתִי וְעַל פִּי הוֹרָאוֹתֶיךָ יִתְפַּרְנְסוּ כָּל עַמִּי, אֶהְיֶה חָשׁוּב מִמְּךָ רַק בְּכִסֵּא הַמַּלְכוּת.
מא וַיֹּ֥אמֶר פַּרְעֹ֖ה אֶל־יוֹסֵ֑ף רְאֵה֙ נָתַ֣תִּי אֹֽתְךָ֔ עַ֖ל כׇּל־אֶ֥רֶץ מִצְרָֽיִם׃ פַּרְעֹה אָמַר לְיוֹסֵף: רְאֵה, מִנִּיתִי אוֹתְךָ עַל כָּל אֶרֶץ מִצְרַיִם!
מב וַיָּ֨סַר פַּרְעֹ֤ה אֶת־טַבַּעְתּוֹ֙ מֵעַ֣ל יָד֔וֹ וַיִּתֵּ֥ן אֹתָ֖הּ עַל־יַ֣ד יוֹסֵ֑ף וַיַּלְבֵּ֤שׁ אֹתוֹ֙ בִּגְדֵי־שֵׁ֔שׁ וַיָּ֛שֶׂם רְבִ֥ד הַזָּהָ֖ב עַל־צַוָּארֽוֹ׃ פַּרְעֹה הֵסִיר מֵעַל יָדוֹ אֶת טַבַּעְתּוֹ שֶׁבָּהּ הָיָה חוֹתֵם אֶת פְּקֻדּוֹתָיו, וְשָׂם אוֹתָהּ עַל יָדוֹ שֶׁל יוֹסֵף, וְהִלְבִּישׁ אוֹתוֹ בְּבִגְדֵי פִּשְׁתָּן מְשֻׁבָּח, וְשָׂם אֶת מַחֲרוֹזֶת הַזָּהָב עַל צַוָּארוֹ.
מג וַיַּרְכֵּ֣ב אֹת֗וֹ בְּמִרְכֶּ֤בֶת הַמִּשְׁנֶה֙ אֲשֶׁר־ל֔וֹ וַיִּקְרְא֥וּ לְפָנָ֖יו אַבְרֵ֑ךְ וְנָת֣וֹן אֹת֔וֹ עַ֖ל כׇּל־אֶ֥רֶץ מִצְרָֽיִם׃ וְהִרְכִּיב אוֹתוֹ בְּמִרְכֶּבֶת הַסְּגָן שֶׁלּוֹ, וְהִכְרִיזוּ לְפָנָיו: כִּרְעוּ בֶּרֶךְ! וּמִנָּה אוֹתוֹ עַל כָּל אֶרֶץ מִצְרַיִם.
מד וַיֹּ֧אמֶר פַּרְעֹ֛ה אֶל־יוֹסֵ֖ף אֲנִ֣י פַרְעֹ֑ה וּבִלְעָדֶ֗יךָ לֹֽא־יָרִ֨ים אִ֧ישׁ אֶת־יָד֛וֹ וְאֶת־רַגְל֖וֹ בְּכׇל־אֶ֥רֶץ מִצְרָֽיִם׃ פַּרְעֹה אָמַר לְיוֹסֵף: אֲנִי פַּרְעֹה הַמֶּלֶךְ, וַאֲנִי מְצַוֶּה שֶׁלְּלֹא רְשׁוּתְךָ לֹא יְמֻנֶּה אִישׁ לְשׁוּם תַּפְקִיד בְּכָל אֶרֶץ מִצְרַיִם.
מה וַיִּקְרָ֨א פַרְעֹ֣ה שֵׁם־יוֹסֵף֮ צָֽפְנַ֣ת פַּעְנֵ֒חַ֒ וַיִּתֶּן־ל֣וֹ אֶת־אָֽסְנַ֗ת בַּת־פּ֥וֹטִי פֶ֛רַע[1] כֹּהֵ֥ן אֹ֖ן לְאִשָּׁ֑ה וַיֵּצֵ֥א יוֹסֵ֖ף עַל־אֶ֥רֶץ מִצְרָֽיִם׃ פַּרְעֹה קָרָא אֶת שֵׁם יוֹסֵף 'מְפַעֲנֵחַ הַסּוֹדוֹת', וְנָתַן לוֹ אֶת אָסְנַת הַבַּת שֶׁל פּוֹטִי-פֶרַע כֹּהֵן הָעִיר אוֹן לְאִשָּׁה, יוֹסֵף יָצָא לִשְׁלוֹט עַל אֶרֶץ מִצְרַיִם.
מו וְיוֹסֵף֙ בֶּן־שְׁלֹשִׁ֣ים שָׁנָ֔ה בְּעׇמְד֕וֹ לִפְנֵ֖י פַּרְעֹ֣ה מֶֽלֶךְ־מִצְרָ֑יִם וַיֵּצֵ֤א יוֹסֵף֙ מִלִּפְנֵ֣י פַרְעֹ֔ה וַֽיַּעֲבֹ֖ר בְּכׇל־אֶ֥רֶץ מִצְרָֽיִם׃ וְיוֹסֵף הָיָה בֶּן שְׁלוֹשִׁים שָׁנָה כְּשֶׁעָמַד לִפְנֵי פַּרְעֹה מֶלֶךְ מִצְרַיִם, יוֹסֵף יָצָא מִלִּפְנֵי פַּרְעֹה וְעָבַר בְּכָל אֶרֶץ מִצְרַיִם.
מז וַתַּ֣עַשׂ הָאָ֔רֶץ בְּשֶׁ֖בַע שְׁנֵ֣י הַשָּׂבָ֑ע לִקְמָצִֽים׃ בְּשֶׁבַע שְׁנֵי הַשָּׂבָע גִּדְּלָה הָאָרֶץ תְּבוּאָה רַבָּה, מַסְפִּיק גַּם לְאִחְסוּן.
מח וַיִּקְבֹּ֞ץ אֶת־כׇּל־אֹ֣כֶל ׀ שֶׁ֣בַע שָׁנִ֗ים אֲשֶׁ֤ר הָיוּ֙ בְּאֶ֣רֶץ מִצְרַ֔יִם וַיִּתֶּן־אֹ֖כֶל בֶּעָרִ֑ים אֹ֧כֶל שְׂדֵה־הָעִ֛יר אֲשֶׁ֥ר סְבִיבֹתֶ֖יהָ נָתַ֥ן בְּתוֹכָֽהּ׃ הוּא אָסַף אֶת כָּל הָאוֹכֶל שֶׁל שֶׁבַע הַשָּׁנִים הַטּוֹבוֹת שֶׁהָיוּ בְּאֶרֶץ מִצְרַיִם, וְשָׂם אֶת הָאוֹכֶל בְּתוֹךְ הֶעָרִים, הָאוֹכֶל שֶׁל שְׂדֵה הָעִיר שֶׁסְּבִיבוֹתֶיהָ הִכְנִיס בְּתוֹכָהּ.
מט וַיִּצְבֹּ֨ר יוֹסֵ֥ף בָּ֛ר כְּח֥וֹל הַיָּ֖ם הַרְבֵּ֣ה מְאֹ֑ד עַ֛ד כִּי־חָדַ֥ל לִסְפֹּ֖ר כִּי־אֵ֥ין מִסְפָּֽר׃ יוֹסֵף אָסַף הַרְבֵּה מְאוֹד תְּבוּאָה – כְּחוֹל הַיָּם, עַד שֶׁהִפְסִיקוּ לִסְפּוֹר כִּי אִי אֶפְשָׁר הָיָה לִסְפּוֹר.
נ וּלְיוֹסֵ֤ף יֻלַּד֙ שְׁנֵ֣י בָנִ֔ים בְּטֶ֥רֶם תָּב֖וֹא שְׁנַ֣ת הָרָעָ֑ב אֲשֶׁ֤ר יָֽלְדָה־לּוֹ֙ אָֽסְנַ֔ת בַּת־פּ֥וֹטִי פֶ֖רַע[2] כֹּהֵ֥ן אֽוֹן׃ וְלִפְנֵי שֶׁבָּאָה שְׁנַת הָרָעָב הָרִאשׁוֹנָה נוֹלְדוּ לְיוֹסֵף שְׁנֵי בָּנִים שֶׁיָּלְדָה לוֹ אָסְנַת בַּת פּוֹטִי-פֶרַע כֹּהֵן הָעִיר אוֹן.
נא וַיִּקְרָ֥א יוֹסֵ֛ף אֶת־שֵׁ֥ם הַבְּכ֖וֹר מְנַשֶּׁ֑ה כִּֽי־נַשַּׁ֤נִי אֱלֹהִים֙ אֶת־כׇּל־עֲמָלִ֔י וְאֵ֖ת כׇּל־בֵּ֥ית אָבִֽי׃ יוֹסֵף קָרָא אֶת שֵׁם הַבְּכוֹר מְנַשֶּׁה, כִּי אֱלֹהִים נַשַּׁנִי – כְּלוֹמַר הִשְׁכִּיחַ מִמֶּנִּי אֶת כָּל עַבְדּוּתִי וְאֶת כָּל בֵּית אָבִי.
נב וְאֵ֛ת שֵׁ֥ם הַשֵּׁנִ֖י קָרָ֣א אֶפְרָ֑יִם כִּֽי־הִפְרַ֥נִי אֱלֹהִ֖ים בְּאֶ֥רֶץ עׇנְיִֽי׃ וְאֶת שֵׁם הַשֵּׁנִי הוּא קָרָא אֶפְרַיִם, כִּי אֱלֹהִים הִרְבָּה אוֹתִי בְּבָנִים בָּאָרֶץ שֶׁהֻשְׁפַּלְתִּי בָּהּ.


רביעי

[עריכה]
פָּרָשַׁת הָרָעָב
נג וַתִּכְלֶ֕ינָה שֶׁ֖בַע שְׁנֵ֣י הַשָּׂבָ֑ע אֲשֶׁ֥ר הָיָ֖ה בְּאֶ֥רֶץ מִצְרָֽיִם׃ שֶׁבַע שְׁנוֹת הַשָּׂבָע שֶׁהָיוּ בְּאֶרֶץ מִצְרַיִם נִגְמְרוּ.
נד וַתְּחִלֶּ֜ינָה שֶׁ֣בַע שְׁנֵ֤י הָרָעָב֙ לָב֔וֹא כַּאֲשֶׁ֖ר אָמַ֣ר יוֹסֵ֑ף וַיְהִ֤י רָעָב֙ בְּכׇל־הָ֣אֲרָצ֔וֹת וּבְכׇל־אֶ֥רֶץ מִצְרַ֖יִם הָ֥יָה לָֽחֶם׃ וְהִתְחִילוּ שֶׁבַע שְׁנוֹת הָרָעָב לָבוֹא כְּמוֹ שֶׁיּוֹסֵף אָמַר, וְהָיָה רָעָב בְּכָל הָאֲרָצוֹת, וּבְכָל אֶרֶץ מִצְרַיִם הָיָה בַּמַּחְסָנִים אוֹכֶל.
נה וַתִּרְעַב֙ כׇּל־אֶ֣רֶץ מִצְרַ֔יִם וַיִּצְעַ֥ק הָעָ֛ם אֶל־פַּרְעֹ֖ה לַלָּ֑חֶם וַיֹּ֨אמֶר פַּרְעֹ֤ה לְכׇל־מִצְרַ֙יִם֙ לְכ֣וּ אֶל־יוֹסֵ֔ף אֲשֶׁר־יֹאמַ֥ר לָכֶ֖ם תַּעֲשֽׂוּ׃ כָּל אֶרֶץ מִצְרַיִם רָעֲבָה וְהָעָם צָעַק אֶל פַּרְעֹה לְקַבֵּל לֶחֶם, פַּרְעֹה אָמַר לְכָל מִצְרַיִם: לְכוּ לְיוֹסֵף, וּמַה שֶּׁיֹּאמַר לָכֶם – תַּעֲשׂוּ.
נו וְהָרָעָ֣ב הָיָ֔ה עַ֖ל כׇּל־פְּנֵ֣י הָאָ֑רֶץ וַיִּפְתַּ֨ח יוֹסֵ֜ף אֶֽת־כׇּל־אֲשֶׁ֤ר בָּהֶם֙ וַיִּשְׁבֹּ֣ר לְמִצְרַ֔יִם וַיֶּחֱזַ֥ק הָֽרָעָ֖ב בְּאֶ֥רֶץ מִצְרָֽיִם׃ וְהָרָעָב הָיָה בְּכָל שִׁטְחֵי הָאֵזוֹר, יוֹסֵף פָּתַח אֶת כָּל הַמַּחְסָנִים שֶׁיֵּשׁ בָּהֶם תְּבוּאָה וּמָכַר לְמִצְרַיִם, וְהָרָעָב הִתְחַזֵּק בְּאֶרֶץ מִצְרַיִם.
נז וְכׇל־הָאָ֙רֶץ֙ בָּ֣אוּ מִצְרַ֔יְמָה לִשְׁבֹּ֖ר אֶל־יוֹסֵ֑ף כִּֽי־חָזַ֥ק הָרָעָ֖ב בְּכׇל־הָאָֽרֶץ׃ וְכָל תּוֹשְׁבֵי הָאֵזוֹר בָּאוּ לְמִצְרַיִם לִקְנוֹת תְּבוּאָה מִיּוֹסֵף כִּי הָרָעָב הִתְחַזֵּק בְּכָל הָאֵזוֹר.
פָּרָשַׁת יְרִידַת אֲחֵי יוֹסֵף
מב א וַיַּ֣רְא יַעֲקֹ֔ב כִּ֥י יֶשׁ־שֶׁ֖בֶר בְּמִצְרָ֑יִם וַיֹּ֤אמֶר יַעֲקֹב֙ לְבָנָ֔יו לָ֖מָּה תִּתְרָאֽוּ׃ יַעֲקֹב רָאָה שֶׁיֵּשׁ מְכִירַת תְּבוּאָה בְּמִצְרַיִם, וְאָמַר יַעֲקֹב לְבָנָיו: לָמָּה אַתֶּם מַפְחִידִים אֶת עַצְמְכֶם לְלֹא סִבָּה מִלָּלֶכֶת לְשָׁם?
ב וַיֹּ֕אמֶר הִנֵּ֣ה שָׁמַ֔עְתִּי כִּ֥י יֶשׁ־שֶׁ֖בֶר בְּמִצְרָ֑יִם רְדוּ־שָׁ֙מָּה֙ וְשִׁבְרוּ־לָ֣נוּ מִשָּׁ֔ם וְנִחְיֶ֖ה וְלֹ֥א נָמֽוּת׃ וְאָמַר: הִנֵּה שָׁמַעְתִּי שֶׁיֵּשׁ מְכִירַת תְּבוּאָה בְּמִצְרַיִם, רְדוּ לְשָׁם וּקְנוּ לָנוּ מִשָּׁם, וְנִחְיֶה וְלֹא נָמוּת!
ג וַיֵּרְד֥וּ אֲחֵֽי־יוֹסֵ֖ף עֲשָׂרָ֑ה לִשְׁבֹּ֥ר בָּ֖ר מִמִּצְרָֽיִם׃ עֲשֶׂרֶת אֲחֵי יוֹסֵף יָרְדוּ לִקְנוֹת תְּבוּאָה מִמִצְרַיִם.
ד וְאֶת־בִּנְיָמִין֙ אֲחִ֣י יוֹסֵ֔ף לֹא־שָׁלַ֥ח יַעֲקֹ֖ב אֶת־אֶחָ֑יו כִּ֣י אָמַ֔ר פֶּן־יִקְרָאֶ֖נּוּ אָסֽוֹן׃ יַעֲקֹב לֹא שָׁלַח עִם אֶחָיו אֶת בִּנְיָמִין אֲחִיו שֶׁל יוֹסֵף מֵרָחֵל, כִּי אָמַר: שֶׁלֹּא יִקְרֶה לוֹ אָסוֹן כְּמוֹ לְאָחִיו.
ה וַיָּבֹ֙אוּ֙ בְּנֵ֣י יִשְׂרָאֵ֔ל לִשְׁבֹּ֖ר בְּת֣וֹךְ הַבָּאִ֑ים כִּֽי־הָיָ֥ה הָרָעָ֖ב בְּאֶ֥רֶץ כְּנָֽעַן׃ בְּנֵי יִשְׂרָאֵל בָּאוּ לִקְנוֹת בֵּין שְׁאָר הַבָּאִים, כִּי הָרָעָב הָיָה גַּם בְּאֶרֶץ כְּנַעַן.
ו וְיוֹסֵ֗ף ה֚וּא הַשַּׁלִּ֣יט עַל־הָאָ֔רֶץ ה֥וּא הַמַּשְׁבִּ֖יר לְכׇל־עַ֣ם הָאָ֑רֶץ וַיָּבֹ֙אוּ֙ אֲחֵ֣י יוֹסֵ֔ף וַיִּשְׁתַּֽחֲווּ־ל֥וֹ אַפַּ֖יִם אָֽרְצָה׃ וְיוֹסֵף הוּא הַשַּׁלִּיט עַל הָאָרֶץ, הוּא מוֹכֵר אֶת הַתְּבוּאָה לְכָל תּוֹשְׁבֵי הָאָרֶץ, אֲחֵי יוֹסֵף בָּאוּ וְהִשְׁתַּחֲווּ לוֹ עַל פְּנֵיהֶם לָאָרֶץ.
ז וַיַּ֥רְא יוֹסֵ֛ף אֶת־אֶחָ֖יו וַיַּכִּרֵ֑ם וַיִּתְנַכֵּ֨ר אֲלֵיהֶ֜ם וַיְדַבֵּ֧ר אִתָּ֣ם קָשׁ֗וֹת וַיֹּ֤אמֶר אֲלֵהֶם֙ מֵאַ֣יִן בָּאתֶ֔ם וַיֹּ֣אמְר֔וּ מֵאֶ֥רֶץ כְּנַ֖עַן לִשְׁבׇּר־אֹֽכֶל׃ יוֹסֵף רָאָה אֶת אֶחָיו וְהִכִּיר אוֹתָם, הוּא הִתְיַחֵס אֲלֵיהֶם כְּמוֹ זָר וְדִבֵּר אִתָּם דְּבָרִים קָשִׁים, אָמַר לָהֶם: מֵאֵיפֹה בָּאתֶם? אָמְרוּ: מֵאֶרֶץ כְּנַעַן, לִקְנוֹת אוֹכֶל.
ח וַיַּכֵּ֥ר יוֹסֵ֖ף אֶת־אֶחָ֑יו וְהֵ֖ם לֹ֥א הִכִּרֻֽהוּ׃ יוֹסֵף הִכִּיר אֶת אֶחָיו וְהֵם לֹא הִכִּירוּ אוֹתוֹ.
ט וַיִּזְכֹּ֣ר יוֹסֵ֔ף אֵ֚ת הַחֲלֹמ֔וֹת אֲשֶׁ֥ר חָלַ֖ם לָהֶ֑ם וַיֹּ֤אמֶר אֲלֵהֶם֙ מְרַגְּלִ֣ים אַתֶּ֔ם לִרְא֛וֹת אֶת־עֶרְוַ֥ת הָאָ֖רֶץ בָּאתֶֽם׃ יוֹסֵף זָכַר אֶת הַחֲלוֹמוֹת שֶׁחָלַם עֲלֵיהֶם, וְאָמַר לָהֶם: אַתֶּם מְרַגְּלִים! בָּאתֶם לִרְאוֹת אֶת מְקוֹמוֹת הַתֻּרְפָּה שֶׁל הָאָרֶץ!
י וַיֹּאמְר֥וּ אֵלָ֖יו לֹ֣א אֲדֹנִ֑י וַעֲבָדֶ֥יךָ בָּ֖אוּ לִשְׁבׇּר־אֹֽכֶל׃ אָמְרוּ לוֹ: לֹא אֲדוֹנִי, עֲבָדֶיךָ בָּאוּ רַק לִקְנוֹת אוֹכֶל!
יא כֻּלָּ֕נוּ בְּנֵ֥י אִישׁ־אֶחָ֖ד נָ֑חְנוּ כֵּנִ֣ים אֲנַ֔חְנוּ לֹא־הָי֥וּ עֲבָדֶ֖יךָ מְרַגְּלִֽים׃ כֻּלָּנוּ בְּנֵי אִישׁ אֶחָד אֲנַחְנוּ, דּוֹבְרֵי אֱמֶת אֲנַחְנוּ – עֲבָדֶיךָ לֹא הָיוּ מְרַגְּלִים מֵעוֹלָם.
יב וַיֹּ֖אמֶר אֲלֵהֶ֑ם לֹ֕א כִּֽי־עֶרְוַ֥ת הָאָ֖רֶץ בָּאתֶ֥ם לִרְאֽוֹת׃ אָמַר לָהֶם: לֹא נָכוֹן! בָּאתֶם לִרְאוֹת אֶת מְקוֹמוֹת הַתֻּרְפָּה שֶׁל הָאָרֶץ!
יג וַיֹּאמְר֗וּ שְׁנֵ֣ים עָשָׂר֩ עֲבָדֶ֨יךָ אַחִ֧ים ׀ אֲנַ֛חְנוּ בְּנֵ֥י אִישׁ־אֶחָ֖ד בְּאֶ֣רֶץ כְּנָ֑עַן וְהִנֵּ֨ה הַקָּטֹ֤ן אֶת־אָבִ֙ינוּ֙ הַיּ֔וֹם וְהָאֶחָ֖ד אֵינֶֽנּוּ׃ אָמְרוּ: שְׁנֵים עָשָׂר עֲבָדֶיךָ – אַחִים אֲנַחְנוּ בְּנֵי אִישׁ אֶחָד שֶׁבְּאֶרֶץ כְּנַעַן, וְהִנֵּה הַקָּטָן עִם אָבִינוּ הַיּוֹם וְאֶחָד אֵינֶנּוּ.
יד וַיֹּ֥אמֶר אֲלֵהֶ֖ם יוֹסֵ֑ף ה֗וּא אֲשֶׁ֨ר דִּבַּ֧רְתִּי אֲלֵכֶ֛ם לֵאמֹ֖ר מְרַגְּלִ֥ים אַתֶּֽם׃ אָמַר לָהֶם יוֹסֵף: זֶה שֶׁהִשְׁאַרְתֶּם אוֹתוֹ בְּלִי סִבָּה זוֹ הוֹכָחָה לְמַה שֶּׁאָמַרְתִּי לָכֶם: אַתֶּם מְרַגְּלִים!
טו בְּזֹ֖את תִּבָּחֵ֑נוּ חֵ֤י פַרְעֹה֙ אִם־תֵּצְא֣וּ מִזֶּ֔ה כִּ֧י אִם־בְּב֛וֹא אֲחִיכֶ֥ם הַקָּטֹ֖ן הֵֽנָּה׃ כָּךְ תִּבָּדְקוּ: אֲנִי נִשְׁבָּע בְּחַיֵּי פַּרְעֹה שֶׁלֹּא תֵּצְאוּ מִכָּאן אֶלָּא כְּשֶׁיָּבוֹא הֵנָּה אֲחִיכֶם הַקָּטָן!
טז שִׁלְח֨וּ מִכֶּ֣ם אֶחָד֮ וְיִקַּ֣ח אֶת־אֲחִיכֶם֒ וְאַתֶּם֙ הֵאָ֣סְר֔וּ וְיִבָּֽחֲנוּ֙ דִּבְרֵיכֶ֔ם הַֽאֱמֶ֖ת אִתְּכֶ֑ם וְאִם־לֹ֕א חֵ֣י פַרְעֹ֔ה כִּ֥י מְרַגְּלִ֖ים אַתֶּֽם׃ שִׁלְחוּ מֵאִתְּכֶם אֶחָד שֶׁיָּבִיא אֶת אֲחִיכֶם, וְאַתֶּם תִּהְיוּ בְּמַעֲצָר, וְכָךְ יִבָּדְקוּ דִּבְרֵיכֶם אִם אֱמֶת בְּפִיכֶם, וְאִם לֹא יָבִיא – אֲנִי נִשְׁבָּע בְּחַיֵּי פַּרְעֹה שֶׁאַתֶּם מְרַגְּלִים!
יז וַיֶּאֱסֹ֥ף אֹתָ֛ם אֶל־מִשְׁמָ֖ר שְׁלֹ֥שֶׁת יָמִֽים׃ הוּא הִכְנִיס אוֹתָם לְמַעֲצָר שְׁלוֹשָׁה יָמִים.
יח וַיֹּ֨אמֶר אֲלֵהֶ֤ם יוֹסֵף֙ בַּיּ֣וֹם הַשְּׁלִישִׁ֔י זֹ֥את עֲשׂ֖וּ וִֽחְי֑וּ אֶת־הָאֱלֹהִ֖ים אֲנִ֥י יָרֵֽא׃ בַּיּוֹם הַשְּׁלִישִׁי אָמַר לָהֶם יוֹסֵף: אֲנִי מְכַבֵּד אֶת הָאֱלֹהִים, לָכֵן אֲנִי מַרְשֶׁה שֶׁתַּעֲשׂוּ כָּךְ כְּדֵי לְהִשָּׁאֵר בַּחַיִּים:


חמישי

[עריכה]
יט אִם־כֵּנִ֣ים אַתֶּ֔ם אֲחִיכֶ֣ם אֶחָ֔ד יֵאָסֵ֖ר בְּבֵ֣ית מִשְׁמַרְכֶ֑ם וְאַתֶּם֙ לְכ֣וּ הָבִ֔יאוּ שֶׁ֖בֶר רַעֲב֥וֹן בָּתֵּיכֶֽם׃ אִם אַתֶּם דּוֹבְרֵי אֱמֶת – אֶחָד מֵאֲחֵיכֶם יֵאָסֵר בְּבֵית הַמַּעֲצָר, וְאַתֶּם לְכוּ וְתָבִיאוּ אֶת הַתְּבוּאָה שֶׁקְּנִיתֶם לִבְנֵי מִשְׁפְּחוֹתֵיכֶם הָרְעֵבִים.
כ וְאֶת־אֲחִיכֶ֤ם הַקָּטֹן֙ תָּבִ֣יאוּ אֵלַ֔י וְיֵאָמְנ֥וּ דִבְרֵיכֶ֖ם וְלֹ֣א תָמ֑וּתוּ וַיַּעֲשׂוּ־כֵֽן׃ וְתָבִיאוּ אֵלַי אֶת אֲחִיכֶם הַקָּטָן וְכָךְ דִּבְרֵיכֶם יִתְאַמְּתוּ וְלֹא תָּמוּתוּ, וְכָךְ הֵם עֲשׂוּ.
כא וַיֹּאמְר֞וּ אִ֣ישׁ אֶל־אָחִ֗יו אֲבָל֮ אֲשֵׁמִ֣ים ׀ אֲנַ֘חְנוּ֮ עַל־אָחִ֒ינוּ֒ אֲשֶׁ֨ר רָאִ֜ינוּ צָרַ֥ת נַפְשׁ֛וֹ בְּהִתְחַֽנְנ֥וֹ אֵלֵ֖ינוּ וְלֹ֣א שָׁמָ֑עְנוּ עַל־כֵּן֙ בָּ֣אָה אֵלֵ֔ינוּ הַצָּרָ֖ה הַזֹּֽאת׃ הֵם אָמְרוּ אִישׁ לְאָחִיו: אָכֵן אֲנַחְנוּ אֲשֵׁמִים בִּגְלַל מַה שֶּׁעָשִׂינוּ לְאָחִינוּ – שֶׁרָאִינוּ אֶת צָרַת נַפְשׁוֹ כְּשֶׁהוּא הִתְחַנֵּן אֵלֵינוּ וְלֹא שָׁמַעְנוּ אֵלָיו – לָכֵן בָּאָה אֵלֵינוּ הַצָּרָה הַזֹּאת.
כב וַיַּ֩עַן֩ רְאוּבֵ֨ן אֹתָ֜ם לֵאמֹ֗ר הֲלוֹא֩ אָמַ֨רְתִּי אֲלֵיכֶ֧ם ׀ לֵאמֹ֛ר אַל־תֶּחֶטְא֥וּ בַיֶּ֖לֶד וְלֹ֣א שְׁמַעְתֶּ֑ם וְגַם־דָּמ֖וֹ הִנֵּ֥ה נִדְרָֽשׁ׃ עָנָה לָהֶם רְאוּבֵן וְאָמַר: הֲרֵי אָמַרְתִּי לָכֶם: אַל תֶּחֶטְאוּ בַּיֶּלֶד, וְלֹא שְׁמַעְתֶּם בְּקוֹלִי! וְגַם הָעוֹנֶשׁ עַל שְׁפִיכוּת דָּמוֹ הִנֵּה נִדְרַשׁ מֵאִתָּנוּ.
כג וְהֵם֙ לֹ֣א יָֽדְע֔וּ כִּ֥י שֹׁמֵ֖עַ יוֹסֵ֑ף כִּ֥י הַמֵּלִ֖יץ בֵּינֹתָֽם׃ וְהֵם לֹא יָדְעוּ שֶׁיּוֹסֵף מֵבִין, כִּי הָיָה מְתֻרְגְּמָן בֵּינֵיהֶם כְּשֶׁדִּבְּרוּ אֵלָיו.
כד וַיִּסֹּ֥ב מֵֽעֲלֵיהֶ֖ם וַיֵּ֑בְךְּ וַיָּ֤שׇׁב אֲלֵהֶם֙ וַיְדַבֵּ֣ר אֲלֵהֶ֔ם וַיִּקַּ֤ח מֵֽאִתָּם֙ אֶת־שִׁמְע֔וֹן וַיֶּאֱסֹ֥ר אֹת֖וֹ לְעֵינֵיהֶֽם׃ הוּא הִסְתּוֹבֵב מֵהֶם וּבָכָה, וְחָזַר אֲלֵיהֶם וְדִבֵּר אִתָּם, וְלָקַח מֵהֶם אֶת שִׁמְעוֹן וְאָסַר אוֹתוֹ לְעֵינֵיהֶם.
כה וַיְצַ֣ו יוֹסֵ֗ף וַיְמַלְא֣וּ אֶת־כְּלֵיהֶם֮ בָּר֒ וּלְהָשִׁ֤יב כַּסְפֵּיהֶם֙ אִ֣ישׁ אֶל־שַׂקּ֔וֹ וְלָתֵ֥ת לָהֶ֛ם צֵדָ֖ה לַדָּ֑רֶךְ וַיַּ֥עַשׂ לָהֶ֖ם כֵּֽן׃ יוֹסֵף צִוָּה לְמַלֵּא אֶת כְּלֵיהֶם בִּתְבוּאָה וּלְהַחֲזִיר אֶת כַּסְפֵּיהֶם – כָּל אֶחָד לְשַׂקּוֹ, וְלָתֵת לָהֶם צֵדָה לַדֶּרֶךְ, וְכָךְ עָשָׂה לָהֶם.
פָּרָשַׁת שִׁיבַת אֲחֵי יוֹסֵף אַרְצָה
כו וַיִּשְׂא֥וּ אֶת־שִׁבְרָ֖ם עַל־חֲמֹרֵיהֶ֑ם וַיֵּלְכ֖וּ מִשָּֽׁם׃ הֵם סָחֲבוּ אֶת הַתְּבוּאָה שֶׁקָּנוּ עַל חֲמוֹרֵיהֶם וְהָלְכוּ מִשָּׁם.
כז וַיִּפְתַּ֨ח הָאֶחָ֜ד אֶת־שַׂקּ֗וֹ לָתֵ֥ת מִסְפּ֛וֹא לַחֲמֹר֖וֹ בַּמָּל֑וֹן וַיַּרְא֙ אֶת־כַּסְפּ֔וֹ וְהִנֵּה־ה֖וּא בְּפִ֥י אַמְתַּחְתּֽוֹ׃ הָאֶחָד פָּתַח אֶת שַׂקּוֹ לָתֵת מִסְפּוֹא לַחֲמוֹרוֹ בַּחֲנִיַּת הַלַּיְלָה, וְרָאָה אֶת כַּסְפּוֹ וְהִנֵּה הוּא בְּפֶתַח שַׂקּוֹ.
כח וַיֹּ֤אמֶר אֶל־אֶחָיו֙ הוּשַׁ֣ב כַּסְפִּ֔י וְגַ֖ם הִנֵּ֣ה בְאַמְתַּחְתִּ֑י וַיֵּצֵ֣א לִבָּ֗ם וַיֶּֽחֶרְד֞וּ אִ֤ישׁ אֶל־אָחִיו֙ לֵאמֹ֔ר מַה־זֹּ֛את עָשָׂ֥ה אֱלֹהִ֖ים לָֽנוּ׃ הוּא אָמַר לְאֶחָיו: כַּסְפִּי הֻחְזַר וְהִנֵּה הוּא בְּשַׂקִּי! הֵם הִשְׁתּוֹמְמוּ וּפָחֲדוּ וְאָמְרוּ אִישׁ לְאָחִיו: מַה זֶּה עָשָׂה לָנוּ אֱלֹהִים?!
כט וַיָּבֹ֛אוּ אֶל־יַעֲקֹ֥ב אֲבִיהֶ֖ם אַ֣רְצָה כְּנָ֑עַן וַיַּגִּ֣ידוּ ל֔וֹ אֵ֛ת כׇּל־הַקֹּרֹ֥ת אֹתָ֖ם לֵאמֹֽר׃ הֵם בָּאוּ לְיַעֲקֹב אֲבִיהֶם לְאֶרֶץ כְּנַעַן וְסִפְּרוּ לוֹ אֶת כָּל מַה שֶּׁקָּרָה לָהֶם, וְאָמְרוּ:
ל דִּ֠בֶּ֠ר הָאִ֨ישׁ אֲדֹנֵ֥י הָאָ֛רֶץ אִתָּ֖נוּ קָשׁ֑וֹת וַיִּתֵּ֣ן אֹתָ֔נוּ כִּֽמְרַגְּלִ֖ים אֶת־הָאָֽרֶץ׃ הָאִישׁ אֲדוֹן הָאָרֶץ דִּבֵּר אִתָּנוּ דְּבָרִים קָשִׁים וְהֶאֱשִׁים אוֹתָנוּ שֶׁאֲנַחְנוּ מְרַגְּלִים בָּאָרֶץ.
לא וַנֹּ֥אמֶר אֵלָ֖יו כֵּנִ֣ים אֲנָ֑חְנוּ לֹ֥א הָיִ֖ינוּ מְרַגְּלִֽים׃ אָמַרְנוּ לוֹ: אֲנַחְנוּ דּוֹבְרֵי אֱמֶת, לֹא הָיִינוּ מְרַגְּלִים מֵעוֹלָם.
לב שְׁנֵים־עָשָׂ֥ר אֲנַ֛חְנוּ אַחִ֖ים בְּנֵ֣י אָבִ֑ינוּ הָאֶחָ֣ד אֵינֶ֔נּוּ וְהַקָּטֹ֥ן הַיּ֛וֹם אֶת־אָבִ֖ינוּ בְּאֶ֥רֶץ כְּנָֽעַן׃ אֲנַחְנוּ שְׁנֵים עָשָׂר אַחִים בְּנֵי אָבִינוּ, הָאֶחָד אֵינֶנּוּ, וְהַקָּטָן הַיּוֹם עִם אָבִינוּ בְּאֶרֶץ כְּנַעַן.
לג וַיֹּ֣אמֶר אֵלֵ֗ינוּ הָאִישׁ֙ אֲדֹנֵ֣י הָאָ֔רֶץ בְּזֹ֣את אֵדַ֔ע כִּ֥י כֵנִ֖ים אַתֶּ֑ם אֲחִיכֶ֤ם הָֽאֶחָד֙ הַנִּ֣יחוּ אִתִּ֔י וְאֶת־רַעֲב֥וֹן בָּתֵּיכֶ֖ם קְח֥וּ וָלֵֽכוּ׃ אָמַר לָנוּ הָאִישׁ אֲדוֹן הָאָרֶץ: בְּזֹאת אֵדַע אִם דּוֹבְרֵי אֱמֶת אַתֶּם – הַשְׁאִירוּ אֶצְלִי אֶת אֶחָד מֵאֲחֵיכֶם, וּקְחוּ אֶת הַתְּבוּאָה שֶׁקְּנִיתֶם לִבְנֵי מִשְׁפְּחוֹתֵיכֶם הָרְעֵבִים וְלֵכוּ.
לד וְ֠הָבִ֠יאוּ אֶת־אֲחִיכֶ֣ם הַקָּטֹן֮ אֵלַי֒ וְאֵֽדְעָ֗ה כִּ֣י לֹ֤א מְרַגְּלִים֙ אַתֶּ֔ם כִּ֥י כֵנִ֖ים אַתֶּ֑ם אֶת־אֲחִיכֶם֙ אֶתֵּ֣ן לָכֶ֔ם וְאֶת־הָאָ֖רֶץ תִּסְחָֽרוּ׃ וְהָבִיאוּ אֶת אֲחִיכֶם הַקָּטָן אֵלַי וְאֵדַע שֶׁאַתֶּם לֹא מְרַגְּלִים אֶלָּא דּוֹבְרֵי אֱמֶת, וְאָז אֶתֵּן לָכֶם אֶת אֲחִיכֶם וְתִסְחֲרוּ עִם תּוֹשְׁבֵי הָאָרֶץ.
לה וַיְהִ֗י הֵ֚ם מְרִיקִ֣ים שַׂקֵּיהֶ֔ם וְהִנֵּה־אִ֥ישׁ צְרוֹר־כַּסְפּ֖וֹ בְּשַׂקּ֑וֹ וַיִּרְא֞וּ אֶת־צְרֹר֧וֹת כַּסְפֵּיהֶ֛ם הֵ֥מָּה וַאֲבִיהֶ֖ם וַיִּירָֽאוּ׃ בְּעוֹד הֵם מְרוֹקְנִים אֶת שַׂקֵּיהֶם, וְהִנֵּה נִמְצָא צְרוֹר כַּסְפּוֹ שֶׁל כָּל אֶחָד בְּשַׂקּוֹ, הֵם וַאֲבִיהֶם רָאוּ אֶת צְרוֹרוֹת כַּסְפֵּיהֶם וּפָחֲדוּ.
לו וַיֹּ֤אמֶר אֲלֵהֶם֙ יַעֲקֹ֣ב אֲבִיהֶ֔ם אֹתִ֖י שִׁכַּלְתֶּ֑ם יוֹסֵ֤ף אֵינֶ֙נּוּ֙ וְשִׁמְע֣וֹן אֵינֶ֔נּוּ וְאֶת־בִּנְיָמִ֣ן תִּקָּ֔חוּ עָלַ֖י הָי֥וּ כֻלָּֽנָה׃ יַעֲקֹב אֲבִיהֶם אָמַר לָהֶם: הֲפַכְתֶּם אוֹתִי לְאָב שַׁכּוּל! – יוֹסֵף אֵינֶנּוּ, וְשִׁמְעוֹן אֵינֶנּוּ, וְעַכְשָׁיו תִּקְחוּ אֶת בִּנְיָמִין?! כָּל הַצָּרוֹת הָאֵלֶּה נָפְלוּ עָלַי!
לז וַיֹּ֤אמֶר רְאוּבֵן֙ אֶל־אָבִ֣יו לֵאמֹ֔ר אֶת־שְׁנֵ֤י בָנַי֙ תָּמִ֔ית אִם־לֹ֥א אֲבִיאֶ֖נּוּ אֵלֶ֑יךָ תְּנָ֤ה אֹתוֹ֙ עַל־יָדִ֔י וַאֲנִ֖י אֲשִׁיבֶ֥נּוּ אֵלֶֽיךָ׃ רְאוּבֵן אָמַר לְאָבִיו: אֶת שְׁנֵי בָּנַי תָּמִית אִם לֹא אָבִיא אוֹתוֹ אֵלֶיךָ, תֵּן אוֹתוֹ בְּאַחְרָיוּתִי וַאֲנִי אַחֲזִיר אוֹתוֹ אֵלֶיךָ.
לח וַיֹּ֕אמֶר לֹֽא־יֵרֵ֥ד בְּנִ֖י עִמָּכֶ֑ם כִּֽי־אָחִ֨יו מֵ֜ת וְה֧וּא לְבַדּ֣וֹ נִשְׁאָ֗ר וּקְרָאָ֤הוּ אָסוֹן֙ בַּדֶּ֙רֶךְ֙ אֲשֶׁ֣ר תֵּֽלְכוּ־בָ֔הּ וְהוֹרַדְתֶּ֧ם אֶת־שֵׂיבָתִ֛י בְּיָג֖וֹן שְׁאֽוֹלָה׃ אָמַר לוֹ: בְּנִי לֹא יֵרֵד אִתְּכֶם, כִּי אָחִיו מֵת וְהוּא לְבַדּוֹ נִשְׁאַר לִי מֵרָחֵל, וְאִם יִקְרֶה לוֹ אָסוֹן בַּדֶּרֶךְ שֶׁתֵּלְכוּ בָּהּ – תּוֹרִידוּ אוֹתִי בְּזִקְנוּתִי בְּצַעַר לַקֶּבֶר.
פָּרָשַׁת הַיְּרִידָה הַשְּׁנִיָּה
מג א וְהָרָעָ֖ב כָּבֵ֥ד בָּאָֽרֶץ׃ וְהָרָעָב בָּאֵזוֹר הָיָה קָשֶׁה.
ב וַיְהִ֗י כַּאֲשֶׁ֤ר כִּלּוּ֙ לֶאֱכֹ֣ל אֶת־הַשֶּׁ֔בֶר אֲשֶׁ֥ר הֵבִ֖יאוּ מִמִּצְרָ֑יִם וַיֹּ֤אמֶר אֲלֵיהֶם֙ אֲבִיהֶ֔ם שֻׁ֖בוּ שִׁבְרוּ־לָ֥נוּ מְעַט־אֹֽכֶל׃ כְּשֶׁגָּמְרוּ לֶאֱכוֹל אֶת הַתְּבוּאָה שֶׁהֵבִיאוּ מִמִּצְרַיִם, אָמַר לָהֶם אֲבִיהֶם: חִזְרוּ וּקְנוּ לָנוּ מְעַט אוֹכֶל.
ג וַיֹּ֧אמֶר אֵלָ֛יו יְהוּדָ֖ה לֵאמֹ֑ר הָעֵ֣ד הֵעִד֩ בָּ֨נוּ הָאִ֤ישׁ לֵאמֹר֙ לֹֽא־תִרְא֣וּ פָנַ֔י בִּלְתִּ֖י אֲחִיכֶ֥ם אִתְּכֶֽם׃ אָמַר לוֹ יְהוּדָה: הָאִישׁ הִזְהִיר אוֹתָנוּ וְאָמַר: לֹא תִּרְאוּ אֶת פָּנַי בְּלִי שֶׁאֲחִיכֶם יִהְיֶה אִתְּכֶם.
ד אִם־יֶשְׁךָ֛ מְשַׁלֵּ֥חַ אֶת־אָחִ֖ינוּ אִתָּ֑נוּ נֵרְדָ֕ה וְנִשְׁבְּרָ֥ה לְךָ֖ אֹֽכֶל׃ אִם אַתָּה שׁוֹלֵחַ אֶת אָחִינוּ אִתָּנוּ – נֵרֶד וְנִקְנֶה לְךָ אוֹכֶל.
ה וְאִם־אֵינְךָ֥ מְשַׁלֵּ֖חַ לֹ֣א נֵרֵ֑ד כִּֽי־הָאִ֞ישׁ אָמַ֤ר אֵלֵ֙ינוּ֙ לֹֽא־תִרְא֣וּ פָנַ֔י בִּלְתִּ֖י אֲחִיכֶ֥ם אִתְּכֶֽם׃ וְאִם אֵינְךָ שׁוֹלֵחַ – לֹא נֵרֵד, כִּי הָאִישׁ אָמַר לָנוּ: לֹא תִּרְאוּ אֶת פָּנַי בְּלִי שֶׁאֲחִיכֶם יִהְיֶה אִתְּכֶם!
ו וַיֹּ֙אמֶר֙ יִשְׂרָאֵ֔ל לָמָ֥ה הֲרֵעֹתֶ֖ם לִ֑י לְהַגִּ֣יד לָאִ֔ישׁ הַע֥וֹד לָכֶ֖ם אָֽח׃ יִשְׂרָאֵל אָמַר: לָמָּה עֲשִׂיתֶם לִי רָעָה – לְהַגִּיד לָאִישׁ אִם יֵשׁ לָכֶם עוֹד אָח?
ז וַיֹּאמְר֡וּ שָׁא֣וֹל שָֽׁאַל־הָ֠אִ֠ישׁ לָ֣נוּ וּלְמֽוֹלַדְתֵּ֜נוּ לֵאמֹ֗ר הַע֨וֹד אֲבִיכֶ֥ם חַי֙ הֲיֵ֣שׁ לָכֶ֣ם אָ֔ח וַנַּ֨גֶּד־ל֔וֹ עַל־פִּ֖י הַדְּבָרִ֣ים הָאֵ֑לֶּה הֲיָד֣וֹעַ נֵדַ֔ע כִּ֣י יֹאמַ֔ר הוֹרִ֖ידוּ אֶת־אֲחִיכֶֽם׃ אָמְרוּ: הָאִישׁ שָׁאַל עָלֵינוּ וְעַל מִשְׁפַּחְתֵּינוּ וְאָמַר: הַאִם אֲבִיכֶם עוֹד חַי? הֲאִם יֵשׁ לָכֶם עוֹד אָח? וְסִפַּרְנוּ לוֹ לְפִי הַדְּבָרִים הָאֵלֶּה שֶׁשָּׁאַל, וְכִי יָדַעְנוּ שֶׁיֹּאמַר: הוֹרִידוּ אֶת אֲחִיכֶם?!
ח וַיֹּ֨אמֶר יְהוּדָ֜ה אֶל־יִשְׂרָאֵ֣ל אָבִ֗יו שִׁלְחָ֥ה הַנַּ֛עַר אִתִּ֖י וְנָק֣וּמָה וְנֵלֵ֑כָה וְנִֽחְיֶה֙ וְלֹ֣א נָמ֔וּת גַּם־אֲנַ֥חְנוּ גַם־אַתָּ֖ה גַּם־טַפֵּֽנוּ׃ יְהוּדָה אָמַר לְיִשְׂרָאֵל אָבִיו: שְׁלַח אֶת הַנַּעַר אִתִּי וְנָקוּם וְנֵלֵךְ וְנִחְיֶה וְלֹא נָמוּת גַּם אֲנַחְנוּ גַּם אַתָּה וְגַם יְלָדֵינוּ.
ט אָֽנֹכִי֙ אֶֽעֶרְבֶ֔נּוּ מִיָּדִ֖י תְּבַקְשֶׁ֑נּוּ אִם־לֹ֨א הֲבִיאֹתִ֤יו אֵלֶ֙יךָ֙ וְהִצַּגְתִּ֣יו לְפָנֶ֔יךָ וְחָטָ֥אתִֽי לְךָ֖ כׇּל־הַיָּמִֽים׃ אֲנִי אֶהְיֶה עָרֵב עָלָיו – מִמֶּנִּי תִּדְרוֹשׁ אוֹתוֹ, אִם לֹא אֲבִיא אוֹתוֹ אֵלֶיךָ וְאַעֲמִיד אוֹתוֹ לְפָנֶיךָ – אֵחָשֵׁב לְחוֹטֵא כְּלַפֶּיךָ כָּל הַיָּמִים!
י כִּ֖י לוּלֵ֣א הִתְמַהְמָ֑הְנוּ כִּֽי־עַתָּ֥ה שַׁ֖בְנוּ זֶ֥ה פַעֲמָֽיִם׃ הֲרֵי אִלּוּ לֹא הָיִינוּ מִתְעַכְּבִים, כְּבָר יָכוֹלְנוּ לָלֶכֶת וְלַחֲזוֹר פַּעֲמַיִם.
יא וַיֹּ֨אמֶר אֲלֵהֶ֜ם יִשְׂרָאֵ֣ל אֲבִיהֶ֗ם אִם־כֵּ֣ן ׀ אֵפוֹא֮ זֹ֣את עֲשׂוּ֒ קְח֞וּ מִזִּמְרַ֤ת הָאָ֙רֶץ֙ בִּכְלֵיכֶ֔ם וְהוֹרִ֥ידוּ לָאִ֖ישׁ מִנְחָ֑ה מְעַ֤ט צֳרִי֙ וּמְעַ֣ט דְּבַ֔שׁ נְכֹ֣את וָלֹ֔ט בׇּטְנִ֖ים וּשְׁקֵדִֽים׃ אָמַר לָהֶם יִשְׂרָאֵל אֲבִיהֶם: אִם כָּךְ, עֲשׂוּ כָּךְ – קְחוּ בִּכְלֵיכֶם מִשֶּׁבַח הָאָרֶץ וְהוֹרִידוּ לָאִישׁ מַתָּנָה – מְעַט צֳרִי וּמְעַט דְּבַשׁ, שַׁעֲוָה, בּוֹשֶׂם הַלּוֹטֶם, פִסְטוּקִים וּשְׁקֵדִים.
יב וְכֶ֥סֶף מִשְׁנֶ֖ה קְח֣וּ בְיֶדְכֶ֑ם וְאֶת־הַכֶּ֜סֶף הַמּוּשָׁ֨ב בְּפִ֤י אַמְתְּחֹֽתֵיכֶם֙ תָּשִׁ֣יבוּ בְיֶדְכֶ֔ם אוּלַ֥י מִשְׁגֶּ֖ה הֽוּא׃ וּקְחוּ בִּידֵיכֶם כֶּסֶף כָּפוּל – אֶת הַכֶּסֶף שֶׁהֻחְזַר בְּפִתְחֵי שַׂקֵּיכֶם תַּחֲזִירוּ בִּידֵיכֶם, אוּלַי זוֹ טָעוּת.
יג וְאֶת־אֲחִיכֶ֖ם קָ֑חוּ וְק֖וּמוּ שׁ֥וּבוּ אֶל־הָאִֽישׁ׃ וּקְחוּ אֶת אֲחִיכֶם וְקוּמוּ וְחִזְרוּ אֶל הָאִישׁ.
יד וְאֵ֣ל שַׁדַּ֗י יִתֵּ֨ן לָכֶ֤ם רַחֲמִים֙ לִפְנֵ֣י הָאִ֔ישׁ וְשִׁלַּ֥ח לָכֶ֛ם אֶת־אֲחִיכֶ֥ם אַחֵ֖ר וְאֶת־בִּנְיָמִ֑ין וַאֲנִ֕י כַּאֲשֶׁ֥ר שָׁכֹ֖לְתִּי שָׁכָֽלְתִּי׃ וְאֵל-שַׁדַּי יִתֵּן לָכֶם רַחֲמִים בְּעֵינֵי הָאִישׁ וִישַׁחְרֵר לָכֶם אֶת אֲחִיכֶם הָאַחֵר וְאֶת בִּנְיָמִין, וַאֲנִי – אִם נִגְזַר עָלַי לִהְיוֹת אָב שַׁכּוּל – אֶהְיֶה אָב שַׁכּוּל.
טו וַיִּקְח֤וּ הָֽאֲנָשִׁים֙ אֶת־הַמִּנְחָ֣ה הַזֹּ֔את וּמִשְׁנֶה־כֶּ֛סֶף לָקְח֥וּ בְיָדָ֖ם וְאֶת־בִּנְיָמִ֑ן וַיָּקֻ֙מוּ֙ וַיֵּרְד֣וּ מִצְרַ֔יִם וַיַּֽעַמְד֖וּ לִפְנֵ֥י יוֹסֵֽף׃ הָאֲנָשִׁים לָקְחוּ אֶת הַמַּתָּנָה הַזֹּאת, וְלָקְחוּ בְּיָדָם כֶּסֶף כָּפוּל וְאֶת בִּנְיָמִין, וְהֵם קָמוּ וְיָרְדוּ לְמִצְרַיִם וְעָמְדוּ לִפְנֵי יוֹסֵף.


ששי

[עריכה]
טז וַיַּ֨רְא יוֹסֵ֣ף אִתָּם֮ אֶת־בִּנְיָמִין֒ וַיֹּ֙אמֶר֙ לַֽאֲשֶׁ֣ר עַל־בֵּית֔וֹ הָבֵ֥א אֶת־הָאֲנָשִׁ֖ים הַבָּ֑יְתָה וּטְבֹ֤חַ טֶ֙בַח֙ וְהָכֵ֔ן כִּ֥י אִתִּ֛י יֹאכְל֥וּ הָאֲנָשִׁ֖ים בַּֽצׇּהֳרָֽיִם׃ יוֹסֵף רָאָה אִתָּם אֶת בִּנְיָמִין וְאָמַר לַמְּמֻנֶּה עַל בֵּיתוֹ: הֲבֵא אֶת הָאֲנָשִׁים הַבַּיְתָה וּשְׁחוֹט בְּהֵמָה וְהָכֵן סְעֻדָּה, כִּי הָאֲנָשִׁים יֹאכְלוּ אִתִּי בַּצָּהֳרָיִם.
יז וַיַּ֣עַשׂ הָאִ֔ישׁ כַּֽאֲשֶׁ֖ר אָמַ֣ר יוֹסֵ֑ף וַיָּבֵ֥א הָאִ֛ישׁ אֶת־הָאֲנָשִׁ֖ים בֵּ֥יתָה יוֹסֵֽף׃ הָאִישׁ עָשָׁה כְּמוֹ שֶׁיּוֹסֵף אָמַר, הָאִישׁ הֵבִיא אֶת הָאֲנָשִׁים לְבֵית יוֹסֵף.
יח וַיִּֽירְא֣וּ הָֽאֲנָשִׁ֗ים כִּ֣י הֽוּבְאוּ֮ בֵּ֣ית יוֹסֵף֒ וַיֹּאמְר֗וּ עַל־דְּבַ֤ר הַכֶּ֙סֶף֙ הַשָּׁ֤ב בְּאַמְתְּחֹתֵ֙ינוּ֙ בַּתְּחִלָּ֔ה אֲנַ֖חְנוּ מֽוּבָאִ֑ים לְהִתְגֹּלֵ֤ל עָלֵ֙ינוּ֙ וּלְהִתְנַפֵּ֣ל עָלֵ֔ינוּ וְלָקַ֧חַת אֹתָ֛נוּ לַעֲבָדִ֖ים וְאֶת־חֲמֹרֵֽינוּ׃ הָאֲנָשִׁים פָּחֲדוּ כִּי הֵם הוּבְאוּ לְבֵית יוֹסֵף, וְאָמְרוּ: מְבִיאִים אוֹתָנוּ לְפֹה בִּגְלַל הַכֶּסֶף שֶׁהֻחְזַר בְּשַׂקֵּינוּ כְּשֶׁבָּנוּ בַּפַּעַם הָרִאשׁוֹנָה, כְּדֵי לְהַעֲלִיל עָלֵינוּ וְלִצְעוֹק עָלֵינוּ וְלָקַחַת אוֹתָנוּ לַעֲבָדִים וְגַם אֶת חֲמוֹרֵינוּ.
יט וַֽיִּגְּשׁוּ֙ אֶל־הָאִ֔ישׁ אֲשֶׁ֖ר עַל־בֵּ֣ית יוֹסֵ֑ף וַיְדַבְּר֥וּ אֵלָ֖יו פֶּ֥תַח הַבָּֽיִת׃ הֵם נִגְּשׁוּ לָאִישׁ שֶׁמְּמֻנֶּה עַל בֵּית יוֹסֵף וְדִבְּרוּ אֵלָיו בְּפֶתַח הַבַּיִת.
כ וַיֹּאמְר֖וּ בִּ֣י אֲדֹנִ֑י יָרֹ֥ד יָרַ֛דְנוּ בַּתְּחִלָּ֖ה לִשְׁבׇּר־אֹֽכֶל׃ וְאָמְרוּ: בְּבַקָּשָׁה אֲדוֹנִי! יָרַדְנוּ בַּפַּעַם הָרִאשׁוֹנָה לִקְנוֹת אוֹכֶל.
כא וַיְהִ֞י כִּי־בָ֣אנוּ אֶל־הַמָּל֗וֹן וַֽנִּפְתְּחָה֙ אֶת־אַמְתְּחֹתֵ֔ינוּ וְהִנֵּ֤ה כֶֽסֶף־אִישׁ֙ בְּפִ֣י אַמְתַּחְתּ֔וֹ כַּסְפֵּ֖נוּ בְּמִשְׁקָל֑וֹ וַנָּ֥שֶׁב אֹת֖וֹ בְּיָדֵֽנוּ׃ וּכְשֶׁבָּאנוּ לַחֲנִיַּת הַלַּיְלָה, פָּתַחְנוּ אֶת שַׂקֵּינוּ וְהִנֵּה הַכֶּסֶף שֶׁל כָּל אִישׁ בְּפֶתַח שַׂקּוֹ – כַּסְפֵּנוּ בְּדִיּוּק בְּמִשְׁקָלוֹ – וְהֶחֱזַרְנוּ אוֹתוֹ עַכְשָׁיו בְּיָדֵנוּ.
כב וְכֶ֧סֶף אַחֵ֛ר הוֹרַ֥דְנוּ בְיָדֵ֖נוּ לִשְׁבׇּר־אֹ֑כֶל לֹ֣א יָדַ֔עְנוּ מִי־שָׂ֥ם כַּסְפֵּ֖נוּ בְּאַמְתְּחֹתֵֽינוּ׃ וְהוֹרַדְנוּ בְּיָדֵנוּ כֶּסֶף אַחֵר לִקְנוֹת אוֹכֶל, אֵינֶנּוּ יוֹדְעִים מִי שָׂם אֶת כַּסְפֵּנוּ בְּשַׂקֵּינוּ.
כג וַיֹּ֩אמֶר֩ שָׁל֨וֹם לָכֶ֜ם אַל־תִּירָ֗אוּ אֱלֹ֨הֵיכֶ֜ם וֵֽאלֹהֵ֤י אֲבִיכֶם֙ נָתַ֨ן לָכֶ֤ם מַטְמוֹן֙ בְּאַמְתְּחֹ֣תֵיכֶ֔ם כַּסְפְּכֶ֖ם בָּ֣א אֵלָ֑י וַיּוֹצֵ֥א אֲלֵהֶ֖ם אֶת־שִׁמְעֽוֹן׃ אָמַר לָהֶם: שָׁלוֹם לָכֶם, אַל תִּפְחֲדוּ, אֱלֹהֵיכֶם וֵאלֹהֵי אֲבִיכֶם נָתַן לָכֶם אוֹצָר בְּשַׂקֵּיכֶם, כַּסְפְּכֶם שֶׁשִּׁלַּמְתֶּם הִגִּיעַ אֵלַי! וְהוּא הוֹצִיא אֲלֵיהֶם אֶת שִׁמְעוֹן.
כד וַיָּבֵ֥א הָאִ֛ישׁ אֶת־הָאֲנָשִׁ֖ים בֵּ֣יתָה יוֹסֵ֑ף וַיִּתֶּן־מַ֙יִם֙ וַיִּרְחֲצ֣וּ רַגְלֵיהֶ֔ם וַיִּתֵּ֥ן מִסְפּ֖וֹא לַחֲמֹֽרֵיהֶֽם׃ הָאִישׁ הֵבִיא אֶת הָאֲנָשִׁים לְבֵית יוֹסֵף וְשָׂם לִפְנֵיהֶם מַיִם וְהֵם רָחֲצוּ אֶת רַגְלֵיהֶם, וְהוּא שָׂם מִסְפּוֹא לַחֲמוֹרֵיהֶם.
כה וַיָּכִ֙ינוּ֙ אֶת־הַמִּנְחָ֔ה עַד־בּ֥וֹא יוֹסֵ֖ף בַּֽצׇּהֳרָ֑יִם כִּ֣י שָֽׁמְע֔וּ כִּי־שָׁ֖ם יֹ֥אכְלוּ לָֽחֶם׃ הֵם הֵכִינוּ אֶת הַמַּתָּנָה עַד שֶׁיּוֹסֵף יָבוֹא בַּצָּהֳרָיִם, כִּי הֵם שָׁמְעוּ שֶׁשָּׁם יֹאכְלוּ סְעֻדָּה.
כו וַיָּבֹ֤א יוֹסֵף֙ הַבַּ֔יְתָה וַיָּבִ֥יאּוּ ל֛וֹ אֶת־הַמִּנְחָ֥ה אֲשֶׁר־בְּיָדָ֖ם הַבָּ֑יְתָה וַיִּשְׁתַּחֲווּ־ל֖וֹ אָֽרְצָה׃ יוֹסֵף בָּא הַבַּיְתָה וְהֵם הֵבִיאוּ לוֹ אֶת הַמַּתָּנָה שֶׁבְּיָדָם הַבַּיְתָה, וְהִשְׁתַּחֲווּ לוֹ לָאָרֶץ.
כז וַיִּשְׁאַ֤ל לָהֶם֙ לְשָׁל֔וֹם וַיֹּ֗אמֶר הֲשָׁל֛וֹם אֲבִיכֶ֥ם הַזָּקֵ֖ן אֲשֶׁ֣ר אֲמַרְתֶּ֑ם הַעוֹדֶ֖נּוּ חָֽי׃ הוּא שָׁאַל לָהֶם לְשָׁלוֹם, וְאָמַר: מַה שְּׁלוֹם אֲבִיכֶם הַזָּקֵן שֶׁאֲמַרְתֶּם? הַאִם הוּא עֲדַיִן חַי?
כח וַיֹּאמְר֗וּ שָׁל֛וֹם לְעַבְדְּךָ֥ לְאָבִ֖ינוּ עוֹדֶ֣נּוּ חָ֑י וַֽיִּקְּד֖וּ וישתחו וַיִּֽשְׁתַּחֲוֽוּ׃ אָמְרוּ: שָׁלוֹם לְעַבְדְּךָ לְאָבִינוּ, הוּא עֲדַיִן חַי, וְהֵם קָדוּ וְהִשְׁתַּחֲווּ.
כט וַיִּשָּׂ֣א עֵינָ֗יו וַיַּ֞רְא אֶת־בִּנְיָמִ֣ין אָחִיו֮ בֶּן־אִמּוֹ֒ וַיֹּ֗אמֶר הֲזֶה֙ אֲחִיכֶ֣ם הַקָּטֹ֔ן אֲשֶׁ֥ר אֲמַרְתֶּ֖ם אֵלָ֑י וַיֹּאמַ֕ר אֱלֹהִ֥ים יׇחְנְךָ֖ בְּנִֽי׃ הוּא הֵרִים אֶת עֵינָיו וְרָאָה אֶת בִּנְיָמִין אָחִיו בֶּן אִמּוֹ, וְאָמַר: הַאִם זֶה אֲחִיכֶם הַקָּטָן שֶׁאֲמַרְתֶּם אֵלַי? וְאָמַר: שֶׁאֱלֹהִים יָחוֹן אוֹתְךָ מִטּוּבוֹ בְּנִי!


שביעי

[עריכה]
ל וַיְמַהֵ֣ר יוֹסֵ֗ף כִּֽי־נִכְמְר֤וּ רַחֲמָיו֙ אֶל־אָחִ֔יו וַיְבַקֵּ֖שׁ לִבְכּ֑וֹת וַיָּבֹ֥א הַחַ֖דְרָה וַיֵּ֥בְךְּ שָֽׁמָּה׃ יוֹסֵף מִהֵר כִּי רַחֲמָיו בָּעֲרוּ עַל אָחִיו וְהוּא רָצָה לִבְכּוֹת, הוּא בָּא לַחֶדֶר הַפְּנִימִי וּבָכָה שָׁם.
לא וַיִּרְחַ֥ץ פָּנָ֖יו וַיֵּצֵ֑א וַיִּ֨תְאַפַּ֔ק וַיֹּ֖אמֶר שִׂ֥ימוּ לָֽחֶם׃ הוּא רָחַץ אֶת פָּנָיו וְיָצָא, וְהִתְאַפֵּק מִלִּבְכּוֹת וְאָמַר: הַגִּישׁוּ אוֹכֶל!
לב וַיָּשִׂ֥ימוּ ל֛וֹ לְבַדּ֖וֹ וְלָהֶ֣ם לְבַדָּ֑ם וְלַמִּצְרִ֞ים הָאֹכְלִ֤ים אִתּוֹ֙ לְבַדָּ֔ם כִּי֩ לֹ֨א יוּכְל֜וּן הַמִּצְרִ֗ים לֶאֱכֹ֤ל אֶת־הָֽעִבְרִים֙ לֶ֔חֶם כִּי־תוֹעֵבָ֥ה הִ֖וא לְמִצְרָֽיִם׃ הִגִּישׁוּ לוֹ בְּנִפְרָד, וְלָהֶם בְּנִפְרָד, וְלַמִּצְרִים שֶׁאוֹכְלִים אִתּוֹ בְּנִפְרָד, כִּי הַמִּצְרִים אֵינָם יְכוֹלִים לֶאֱכוֹל לֶחֶם עִם הָעִבְרִים, כִּי זֶה תּוֹעֵבָה לְמִצְרַיִם.
לג וַיֵּשְׁב֣וּ לְפָנָ֔יו הַבְּכֹר֙ כִּבְכֹ֣רָת֔וֹ וְהַצָּעִ֖יר כִּצְעִרָת֑וֹ וַיִּתְמְה֥וּ הָאֲנָשִׁ֖ים אִ֥ישׁ אֶל־רֵעֵֽהוּ׃ הֵם יָשְׁבוּ לְפָנָיו הַבְּכוֹר קָרוֹב לְרֹאשׁ הַשֻּׁלְחָן וְהַצָּעִיר רָחוֹק יוֹתֵר לְפִי גִּילוֹ, הָאֲנָשִׁים הִבִּיטוּ זֶה אֶל זֶה בִּתְמִיהָה.
לד וַיִּשָּׂ֨א מַשְׂאֹ֜ת מֵאֵ֣ת פָּנָיו֮ אֲלֵהֶם֒ וַתֵּ֜רֶב מַשְׂאַ֧ת בִּנְיָמִ֛ן מִמַּשְׂאֹ֥ת כֻּלָּ֖ם חָמֵ֣שׁ יָד֑וֹת וַיִּשְׁתּ֥וּ וַֽיִּשְׁכְּר֖וּ עִמּֽוֹ׃ הוּא חִלֵּק לָהֶם מָנוֹת מִלְּפָנָיו, וְהַמָּנָה שֶׁל בִּנְיָמִין הָיְתָה גְּדוֹלָה פִּי חָמֵשׁ מֵהַמָּנוֹת שֶׁל כֻּלָּם, וְהֵם שָׁתוּ וְהִשְׁתַּכְּרוּ אִתּוֹ.
פָּרָשַׁת גְּבִיעַ הַכֶּסֶף
מד א וַיְצַ֞ו אֶת־אֲשֶׁ֣ר עַל־בֵּיתוֹ֮ לֵאמֹר֒ מַלֵּ֞א אֶת־אַמְתְּחֹ֤ת הָֽאֲנָשִׁים֙ אֹ֔כֶל כַּאֲשֶׁ֥ר יוּכְל֖וּן שְׂאֵ֑ת וְשִׂ֥ים כֶּֽסֶף־אִ֖ישׁ בְּפִ֥י אַמְתַּחְתּֽוֹ׃ הוּא צִוָּה אֶת הַמְּמֻנֶּה עַל בֵּיתוֹ וְאָמַר לוֹ: מַלֵּא אֶת שַׂקֵּי הָאֲנָשִׁים אוֹכֶל בְּכַמּוּת שֶׁהֵם יְכוֹלִים לִסְחוֹב, וְשִׂים אֶת הַכֶּסֶף שֶׁל כָּל אֶחָד בַּפֶּתַח שֶׁל שַׂקּוֹ.
ב וְאֶת־גְּבִיעִ֞י גְּבִ֣יעַ הַכֶּ֗סֶף תָּשִׂים֙ בְּפִי֙ אַמְתַּ֣חַת הַקָּטֹ֔ן וְאֵ֖ת כֶּ֣סֶף שִׁבְר֑וֹ וַיַּ֕עַשׂ כִּדְבַ֥ר יוֹסֵ֖ף אֲשֶׁ֥ר דִּבֵּֽר׃ וְאֶת גְּבִיעִי – גְּבִיעַ הַכֶּסֶף תָּשִׂים בְּפֶתַח הַשַּׂק שֶׁל הַקָּטָן, וְגַם אֶת הַכֶּסֶף שֶׁקָּנָה בּוֹ, וְהוּא עָשָׂה כְּמוֹ שֶׁיּוֹסֵף דִּבֵּר.
ג הַבֹּ֖קֶר א֑וֹר וְהָאֲנָשִׁ֣ים שֻׁלְּח֔וּ הֵ֖מָּה וַחֲמֹרֵיהֶֽם׃ הַבּוֹקֶר הֵאִיר וְהָאֲנָשִׁים יָצְאוּ הֵם וַחֲמוֹרֵיהֶם.
ד הֵ֠ם יָֽצְא֣וּ אֶת־הָעִיר֮ לֹ֣א הִרְחִ֒יקוּ֒ וְיוֹסֵ֤ף אָמַר֙ לַֽאֲשֶׁ֣ר עַל־בֵּית֔וֹ ק֥וּם רְדֹ֖ף אַחֲרֵ֣י הָֽאֲנָשִׁ֑ים וְהִשַּׂגְתָּם֙ וְאָמַרְתָּ֣ אֲלֵהֶ֔ם לָ֛מָּה שִׁלַּמְתֶּ֥ם רָעָ֖ה תַּ֥חַת טוֹבָֽה׃ הֵם יָצְאוּ מֵהָעִיר וְעוֹד לֹא הִתְרַחֲקוּ, וְיוֹסֵף אָמַר לַמְּמֻנֶּה עַל בֵּיתוֹ: קוּם רְדוֹף אַחֲרֵי הָאֲנָשִׁים, הַשֵּׂג אוֹתָם וֶאֱמוֹר לָהֶם: לָמָּה שִׁלַּמְתֶּם רָעָה בִּמְקוֹם טוֹבָה?!
ה הֲל֣וֹא זֶ֗ה אֲשֶׁ֨ר יִשְׁתֶּ֤ה אֲדֹנִי֙ בּ֔וֹ וְה֕וּא נַחֵ֥שׁ יְנַחֵ֖שׁ בּ֑וֹ הֲרֵעֹתֶ֖ם אֲשֶׁ֥ר עֲשִׂיתֶֽם׃ הֲרֵי גָּבִיעַ זֶה – הוּא זֶה שֶׁאֲדוֹנִי שׁוֹתֶה בּוֹ וְהוּא קוֹסֵם קְסָמִים בּוֹ, רַע מְאוֹד מַה שֶּׁעֲשִׂיתֶם!
ו וַֽיַּשִּׂגֵ֑ם וַיְדַבֵּ֣ר אֲלֵהֶ֔ם אֶת־הַדְּבָרִ֖ים הָאֵֽלֶּה׃ הוּא הִשִּׂיג אוֹתָם וְדִבֵּר אֲלֵהֶם אֶת הַדְּבָרִים הָאֵלֶּה.
ז וַיֹּאמְר֣וּ אֵלָ֔יו לָ֚מָּה יְדַבֵּ֣ר אֲדֹנִ֔י כַּדְּבָרִ֖ים הָאֵ֑לֶּה חָלִ֙ילָה֙ לַעֲבָדֶ֔יךָ מֵעֲשׂ֖וֹת כַּדָּבָ֥ר הַזֶּֽה׃ אָמְרוּ לוֹ: לָמָּה אֲדוֹנִי מְדַבֵּר דְּבָרִים כָּאֵלֶּה? חָלִילָה שֶׁעֲבָדֶיךָ יַעֲשׂוּ דָּבָר כָּזֶה!
ח הֵ֣ן כֶּ֗סֶף אֲשֶׁ֤ר מָצָ֙אנוּ֙ בְּפִ֣י אַמְתְּחֹתֵ֔ינוּ הֱשִׁיבֹ֥נוּ אֵלֶ֖יךָ מֵאֶ֣רֶץ כְּנָ֑עַן וְאֵ֗יךְ נִגְנֹב֙ מִבֵּ֣ית אֲדֹנֶ֔יךָ כֶּ֖סֶף א֥וֹ זָהָֽב׃ הֲרֵי הַכֶּסֶף שֶׁמָּצָאנוּ בְּפִתְחֵי שַׂקֵּינוּ הֶחֱזַרְנוּ אֵלֶיךָ מֵאֶרֶץ כְּנַעַן, וְאֵיךְ נִגְנוֹב מִבֵּית אֲדוֹנֶיךָ כֶּסֶף אוֹ זָהָב?!
ט אֲשֶׁ֨ר יִמָּצֵ֥א אִתּ֛וֹ מֵעֲבָדֶ֖יךָ וָמֵ֑ת וְגַם־אֲנַ֕חְנוּ נִֽהְיֶ֥ה לַֽאדֹנִ֖י לַעֲבָדִֽים׃ זֶה שֶׁהַגָּבִיעַ יִמָּצֵא אֶצְלוֹ מֵעֲבָדֶיךָ – יָמוּת, וְאָז גַּם אֲנַחְנוּ נִהְיֶה לַאדוֹנִי לַעֲבָדִים.
י וַיֹּ֕אמֶר גַּם־עַתָּ֥ה כְדִבְרֵיכֶ֖ם כֶּן־ה֑וּא אֲשֶׁ֨ר יִמָּצֵ֤א אִתּוֹ֙ יִהְיֶה־לִּ֣י עָ֔בֶד וְאַתֶּ֖ם תִּהְי֥וּ נְקִיִּֽם׃ אָמַר לָהֶם: לַמְרוֹת שֶׁנָּכוֹן שֶׁיִּהְיֶה כְּדִבְרֵיכֶם – אֲבָל רַק הָאִישׁ שֶׁהַגָּבִיעַ יִמָּצֵא אֶצְלוֹ יִהְיֶה לִי עֶבֶד, וְאַתֶּם תִּהְיוּ זַכָּאִים.
יא וַֽיְמַהֲר֗וּ וַיּוֹרִ֛דוּ אִ֥ישׁ אֶת־אַמְתַּחְתּ֖וֹ אָ֑רְצָה וַֽיִּפְתְּח֖וּ אִ֥ישׁ אַמְתַּחְתּֽוֹ׃ הֵם מִהֲרוּ וְהוֹרִידוּ כָּל אֶחָד אֶת שַׂקּוֹ לָאָרֶץ וּפָתְחוּ כָּל אֶחָד אֶת שַׂקּוֹ.
יב וַיְחַפֵּ֕שׂ בַּגָּד֣וֹל הֵחֵ֔ל וּבַקָּטֹ֖ן כִּלָּ֑ה וַיִּמָּצֵא֙ הַגָּבִ֔יעַ בְּאַמְתַּ֖חַת בִּנְיָמִֽן׃ הוּא חִפֵּשׂ, הִתְחִיל בַּגָּדוֹל וְסִיֵּם בַּקָּטָן, וְהַגָּבִיעַ נִמְצָא בְּשַׂקּוֹ שֶׁל בִּנְיָמִין.
יג וַֽיִּקְרְע֖וּ שִׂמְלֹתָ֑ם וַֽיַּעֲמֹס֙ אִ֣ישׁ עַל־חֲמֹר֔וֹ וַיָּשֻׁ֖בוּ הָעִֽירָה׃ הֵם קָרְעוּ אֶת בִּגְדֵיהֶם, כָּל אֶחָד הֶעֱמִיס אֶת שַׂקּוֹ עַל חֲמוֹרוֹ וְהֵם חָזְרוּ לָעִיר.


מפטיר

[עריכה]
יד וַיָּבֹ֨א יְהוּדָ֤ה וְאֶחָיו֙ בֵּ֣יתָה יוֹסֵ֔ף וְה֖וּא עוֹדֶ֣נּוּ שָׁ֑ם וַיִּפְּל֥וּ לְפָנָ֖יו אָֽרְצָה׃ יְהוּדָה וְאֶחָיו בָּאוּ לְבֵית יוֹסֵף וְהוּא עֲדַיִן הָיָה שָׁם, וְנָפְלוּ לְפָנָיו לָאָרֶץ.
טו וַיֹּ֤אמֶר לָהֶם֙ יוֹסֵ֔ף מָֽה־הַמַּעֲשֶׂ֥ה הַזֶּ֖ה אֲשֶׁ֣ר עֲשִׂיתֶ֑ם הֲל֣וֹא יְדַעְתֶּ֔ם כִּֽי־נַחֵ֧שׁ יְנַחֵ֛שׁ אִ֖ישׁ אֲשֶׁ֥ר כָּמֹֽנִי׃ אָמַר לָהֶם יוֹסֵף: מָה הַמַּעֲשֶׂה הַזֶּה שֶׁעֲשִׂיתֶם, הֲרֵי יְדַעְתֶּם שֶׁאִישׁ כָּמוֹנִי יוֹדֵעַ לְנַחֵשׁ בִּקְסָמָיו וּלְגַלּוֹת מִי הַגַּנָּב!
טז וַיֹּ֣אמֶר יְהוּדָ֗ה מַה־נֹּאמַר֙ לַֽאדֹנִ֔י מַה־נְּדַבֵּ֖ר וּמַה־נִּצְטַדָּ֑ק הָאֱלֹהִ֗ים מָצָא֙ אֶת־עֲוֺ֣ן עֲבָדֶ֔יךָ הִנֶּ֤נּוּ עֲבָדִים֙ לַֽאדֹנִ֔י גַּם־אֲנַ֕חְנוּ גַּ֛ם אֲשֶׁר־נִמְצָ֥א הַגָּבִ֖יעַ בְּיָדֽוֹ׃ יְהוּדָה אָמַר: מַה נֹּאמַר לַאדֹנִי, מַה נְּדַבֵּר, וּבְמַה נִּצְטַדֵּק, הָאֱלֹהִים מָצָא אֵיךְ לְהַעֲנִישׁ אֶת עֲבָדֶיךָ בָּעוֹנֶשׁ שֶׁל עֲווֹנָם! – נִהְיֶה עֲבָדִים לַאדוֹנִי גַּם אֲנַחְנוּ וְגַם זֶה שֶׁהַגָּבִיעַ נִמְצָא בְּיָדוֹ.
יז וַיֹּ֕אמֶר חָלִ֣ילָה לִּ֔י מֵעֲשׂ֖וֹת זֹ֑את הָאִ֡ישׁ אֲשֶׁר֩ נִמְצָ֨א הַגָּבִ֜יעַ בְּיָד֗וֹ ה֚וּא יִהְיֶה־לִּ֣י עָ֔בֶד וְאַתֶּ֕ם עֲל֥וּ לְשָׁל֖וֹם אֶל־אֲבִיכֶֽם׃ אָמַר יוֹסֵף: חָלִילָה לִי מִלַּעֲשׂוֹת כָּךְ! רַק הָאִישׁ שֶׁהַגָּבִיעַ נִמְצָא בְּיָדוֹ יִהְיֶה לִי עֶבֶד, וְאַתֶּם עֲלוּ לְשָׁלוֹם אֶל אֲבִיכֶם.
  1. ^ בספרי תימן פּֽוֹטִיפֶ֛רַע בתיבה אחת
  2. ^ בספרי תימן פּֽוֹטִיפֶ֖רַע בתיבה אחת
אוחזר מתוך "https://he.wikisource.org/w/index.php?title=מקרא_מבואר/תצוגה/ספר_בראשית/פרשת_מקץ&oldid=964212"