לדלג לתוכן

מקרא מבואר/תצוגה/ספר בראשית/פרשת ויצא

הוספת קישורים
מתוך ויקיטקסט, מאגר הטקסטים החופשי


ראשון

[עריכה]
ס פָּרָשַׁת חֲלוֹם יַעֲקֹב
כח י וַיֵּצֵ֥א יַעֲקֹ֖ב מִבְּאֵ֣ר שָׁ֑בַע וַיֵּ֖לֶךְ חָרָֽנָה׃ יַעֲקֹב יָצָא מִבְּאֵר שֶׁבַע וְהָלַךְ לְחָרָן.
יא וַיִּפְגַּ֨ע בַּמָּק֜וֹם וַיָּ֤לֶן שָׁם֙ כִּי־בָ֣א הַשֶּׁ֔מֶשׁ וַיִּקַּח֙ מֵאַבְנֵ֣י הַמָּק֔וֹם וַיָּ֖שֶׂם מְרַֽאֲשֹׁתָ֑יו וַיִּשְׁכַּ֖ב בַּמָּק֥וֹם הַהֽוּא׃ הוּא הִגִּיעַ לְמָקוֹם אֶחָד וְנִשְׁאַר שָׁם לִישׁוֹן כִּי הַשֶּׁמֶשׁ שָׁקְעָה, הוּא לָקַח אֶבֶן מֵאַבְנֵי הַמָּקוֹם וְשָׂם אוֹתָהּ מִתַּחַת רֹאשׁוֹ, וְשָׁכַב בְּאוֹתוֹ מָקוֹם.
יב וַֽיַּחֲלֹ֗ם וְהִנֵּ֤ה סֻלָּם֙ מֻצָּ֣ב אַ֔רְצָה וְרֹאשׁ֖וֹ מַגִּ֣יעַ הַשָּׁמָ֑יְמָה וְהִנֵּה֙ מַלְאֲכֵ֣י אֱלֹהִ֔ים עֹלִ֥ים וְיֹרְדִ֖ים בּֽוֹ׃ הוּא חָלַם שֶׁהִנֵּה סֻלָּם מֻנַּח בָּאָרֶץ וְרֹאשׁוֹ מַגִּיעַ לַשָּׁמַיִם וְהִנֵּה מַלְאֲכֵי אֱלֹהִים עוֹלִים וְיוֹרְדִים בּוֹ.
יג וְהִנֵּ֨ה יְהֹוָ֜ה נִצָּ֣ב עָלָיו֮ וַיֹּאמַר֒ אֲנִ֣י יְהֹוָ֗ה אֱלֹהֵי֙ אַבְרָהָ֣ם אָבִ֔יךָ וֵאלֹהֵ֖י יִצְחָ֑ק הָאָ֗רֶץ אֲשֶׁ֤ר אַתָּה֙ שֹׁכֵ֣ב עָלֶ֔יהָ לְךָ֥ אֶתְּנֶ֖נָּה וּלְזַרְעֶֽךָ׃ וְהִנֵּה ה' עוֹמֵד מֵעָלָיו וְאוֹמֵר: אֲנִי ה' אֱלֹהֵי אָבִיךָ אַבְרָהָם וֵאלֹהֵי יִצְחָק, הָאָרֶץ שֶׁאַתָּה שׁוֹכֵב עָלֶיהָ אֶתֵּן אוֹתָהּ לְךָ וּלְצֶאֱצָאֶיךָ.
יד וְהָיָ֤ה זַרְעֲךָ֙ כַּעֲפַ֣ר הָאָ֔רֶץ וּפָרַצְתָּ֛ יָ֥מָּה וָקֵ֖דְמָה וְצָפֹ֣נָה וָנֶ֑גְבָּה וְנִבְרְﬞכ֥וּ בְךָ֛ כׇּל־מִשְׁפְּחֹ֥ת הָאֲדָמָ֖ה וּבְזַרְעֶֽךָ׃ צֶאֱצָאֶיךָ יִהְיוּ רַבִּים כַּעֲפַר הָאָרֶץ, וְהֵם יַרְחִיבוּ אֶת אַרְצָם לַמַּעֲרָב לַמִּזְרָח לַצָּפוֹן וְלַדָּרוֹם, וְכָל מִשְׁפְּחוֹת הָאֲדָמָה יִרְצוּ לְהִתְבָּרֵךְ לִהְיוֹת כָּמוֹךָ וּכְמוֹ צֶאֱצָאֶיךָ.
טו וְהִנֵּ֨ה אָנֹכִ֜י עִמָּ֗ךְ וּשְׁמַרְתִּ֙יךָ֙ בְּכֹ֣ל אֲשֶׁר־תֵּלֵ֔ךְ וַהֲשִׁ֣בֹתִ֔יךָ אֶל־הָאֲדָמָ֖ה הַזֹּ֑את כִּ֚י לֹ֣א אֶֽעֱזׇבְךָ֔ עַ֚ד אֲשֶׁ֣ר אִם־עָשִׂ֔יתִי אֵ֥ת אֲשֶׁר־דִּבַּ֖רְתִּי לָֽךְ׃ וַאֲנִי אֶהְיֶה אִתְּךָ וְאֶשְׁמוֹר עָלֶיךָ בְּכָל מָקוֹם שֶׁתֵּלֵךְ, וְאַחֲזִיר אוֹתְךָ לָאָרֶץ הַזֹּאת, כִּי לֹא אֶעֱזוֹב אוֹתְךָ עַד שֶׁאֶעֱשֶׂה אֶת מַה שֶּׁהִבְטַחְתִּי לְךָ.
טז וַיִּיקַ֣ץ יַעֲקֹב֮ מִשְּׁנָתוֹ֒ וַיֹּ֕אמֶר אָכֵן֙ יֵ֣שׁ יְהֹוָ֔ה בַּמָּק֖וֹם הַזֶּ֑ה וְאָנֹכִ֖י לֹ֥א יָדָֽעְתִּי׃ יַעֲקֹב הִתְעוֹרֵר מִשְּׁנָתוֹ וְאָמַר: וַדַּאי שֶׁיֵּשׁ קְדֻשַּׁת ה' בַּמָּקוֹם הַזֶּה, וַאֲנִי לֹא יָדַעְתִּי.
יז וַיִּירָא֙ וַיֹּאמַ֔ר מַה־נּוֹרָ֖א הַמָּק֣וֹם הַזֶּ֑ה אֵ֣ין זֶ֗ה כִּ֚י אִם־בֵּ֣ית אֱלֹהִ֔ים וְזֶ֖ה שַׁ֥עַר הַשָּׁמָֽיִם׃ הוּא פָּחַד וְאָמַר כַּמָּה נוֹרָא הַמָּקוֹם הַזֶּה! אֵין זֶה סְתָם מָקוֹם אֶלָּא בֵּית עֲבוֹדַת אֱלֹהִים, וְזֶה שַׁעַר לְהִתְקָרֵב לֵאלֹהֵי הַשָּׁמַיִם.
יח וַיַּשְׁכֵּ֨ם יַעֲקֹ֜ב בַּבֹּ֗קֶר וַיִּקַּ֤ח אֶת־הָאֶ֙בֶן֙ אֲשֶׁר־שָׂ֣ם מְרַֽאֲשֹׁתָ֔יו וַיָּ֥שֶׂם אֹתָ֖הּ מַצֵּבָ֑ה וַיִּצֹ֥ק שֶׁ֖מֶן עַל־רֹאשָֽׁהּ׃ יַעֲקֹב הִשְׁכִּים מֻקְדָּם בַּבּוֹקֶר, לָקַח אֶת הָאֶבֶן שֶׁשָּׂם מִתַּחַת לְרֹאשׁוֹ וְהֶעֱמִיד אוֹתָהּ לְמַצֵּבָה, וְיָצַק שֶׁמֶן עַל רֹאשָׁהּ.
יט וַיִּקְרָ֛א אֶת־שֵֽׁם־הַמָּק֥וֹם הַה֖וּא בֵּֽית־אֵ֑ל וְאוּלָ֛ם ל֥וּז שֵׁם־הָעִ֖יר לָרִאשֹׁנָֽה׃ הוּא קָרָא אֶת שֵׁם הַמָּקוֹם הַהוּא בֵּית אֵל, אֲבָל לִפְנֵי כֵן הָיָה שֵׁם הָעִיר 'לוּז'.
כ וַיִּדַּ֥ר יַעֲקֹ֖ב נֶ֣דֶר לֵאמֹ֑ר אִם־יִהְיֶ֨ה אֱלֹהִ֜ים עִמָּדִ֗י וּשְׁמָרַ֙נִי֙ בַּדֶּ֤רֶךְ הַזֶּה֙ אֲשֶׁ֣ר אָנֹכִ֣י הוֹלֵ֔ךְ וְנָֽתַן־לִ֥י לֶ֛חֶם לֶאֱכֹ֖ל וּבֶ֥גֶד לִלְבֹּֽשׁ׃ יַעֲקֹב נָדַר נֶדֶר וְאָמַר: אִם אֱלֹהִים יִהְיֶה אִתִּי וְיִשְׁמוֹר אוֹתִי בַּדֶּרֶךְ הַזֹּאת שֶׁאֲנִי הוֹלֵךְ בָּהּ, וְיִתֵּן לִי אוֹכֶל לֶאֱכוֹל וּבְגָדִים לִלְבּוֹשׁ.
כא וְשַׁבְתִּ֥י בְשָׁל֖וֹם אֶל־בֵּ֣ית אָבִ֑י וְהָיָ֧ה יְהֹוָ֛ה לִ֖י לֵאלֹהִֽים׃ וְאָשׁוּב בְּשָׁלוֹם לְבֵית אָבִי – אָז ה' יִהְיֶה לִי לֵאלֹהִים,
כב וְהָאֶ֣בֶן הַזֹּ֗את אֲשֶׁר־שַׂ֙מְתִּי֙ מַצֵּבָ֔ה יִהְיֶ֖ה בֵּ֣ית אֱלֹהִ֑ים וְכֹל֙ אֲשֶׁ֣ר תִּתֶּן־לִ֔י עַשֵּׂ֖ר אֲעַשְּׂרֶ֥נּוּ לָֽךְ׃ וּבַמָּקוֹם שֶׁל אֶבֶן זֹאת שֶׁשַּׂמְתִּי מַצֵּבָה יִהְיֶה בֵּית אֱלֹהִים, וּמִכָּל מַה שֶּׁתִּתֶּן לִי אֶתֵּן לְךָ עֲשִׂירִית.


שני

[עריכה]
פָּרָשַׁת הַגָּעַת יַעֲקֹב לְחָרָן
כט א וַיִּשָּׂ֥א יַעֲקֹ֖ב רַגְלָ֑יו וַיֵּ֖לֶךְ אַ֥רְצָה בְנֵי־קֶֽדֶם׃ יַעֲקֹב הָלַךְ בְּשִׂמְחָה וּבְרַגְלַיִם קַלּוֹת לְאֶרֶץ בְּנֵי הַמִּזְרָח.
ב וַיַּ֞רְא וְהִנֵּ֧ה בְאֵ֣ר בַּשָּׂדֶ֗ה וְהִנֵּה־שָׁ֞ם שְׁלֹשָׁ֤ה עֶדְרֵי־צֹאן֙ רֹבְצִ֣ים עָלֶ֔יהָ כִּ֚י מִן־הַבְּאֵ֣ר הַהִ֔וא יַשְׁק֖וּ הָעֲדָרִ֑ים וְהָאֶ֥בֶן גְּדֹלָ֖ה עַל־פִּ֥י הַבְּאֵֽר׃ הוּא רָאָה וְהִנֵּה בְּאֵר בַּשָּׂדֶה וְהִנֵּה שָׁם שְׁלוֹשָׁה עֶדְרֵי צֹאן רוֹבְצִים לְיָדָהּ כִּי מֵהַבְּאֵר הַהִיא הָרוֹעִים מַשְׁקִים אֶת הָעֲדָרִים, וְאֶבֶן גְּדוֹלָה מֻנַּחַת עַל פֶּתַח הַבְּאֵר.
ג וְנֶאֶסְפוּ־שָׁ֣מָּה כׇל־הָעֲדָרִ֗ים וְגָלְﬞל֤וּ אֶת־הָאֶ֙בֶן֙ מֵעַל֙ פִּ֣י הַבְּאֵ֔ר וְהִשְׁק֖וּ אֶת־הַצֹּ֑אן וְהֵשִׁ֧יבוּ אֶת־הָאֶ֛בֶן עַל־פִּ֥י הַבְּאֵ֖ר לִמְקֹמָֽהּ׃ וְרַק אַחֲרֵי שֶׁנֶּאֱסָפִים שָׁמָּה כָּל הָעֲדָרִים, הָרוֹעִים מְגַלְגְּלִים אֶת הָאֶבֶן מֵעַל פֶּתַח הַבְּאֵר וּמַשְׁקִים אֶת הַצֹּאן, וּמַחֲזִירִים אֶת הָאֶבֶן לִמְקוֹמָהּ עַל פֶּתַח הַבְּאֵר.
ד וַיֹּ֤אמֶר לָהֶם֙ יַעֲקֹ֔ב אַחַ֖י מֵאַ֣יִן אַתֶּ֑ם וַיֹּ֣אמְר֔וּ מֵחָרָ֖ן אֲנָֽחְנוּ׃ יַעֲקֹב אָמַר לָהֶם: אַחַי! מֵאֵיפֹה אַתֶּם? אָמְרוּ לוֹ: אֲנַחְנוּ מֵחָרָן.
ה וַיֹּ֣אמֶר לָהֶ֔ם הַיְדַעְתֶּ֖ם אֶת־לָבָ֣ן בֶּן־נָח֑וֹר וַיֹּאמְר֖וּ יָדָֽעְנוּ׃ אָמַר לָהֶם: הַאִם אַתֶּם מַכִּירִים אֶת לָבָן בֶּן נָחוֹר? אָמְרוּ: מַכִּירִים.
ו וַיֹּ֥אמֶר לָהֶ֖ם הֲשָׁל֣וֹם ל֑וֹ וַיֹּאמְר֣וּ שָׁל֔וֹם וְהִנֵּה֙ רָחֵ֣ל בִּתּ֔וֹ בָּאָ֖ה עִם־הַצֹּֽאן׃ אָמַר לָהֶם: הַאִם שָׁלוֹם לוֹ? אָמְרוּ לוֹ: שָׁלוֹם, וְהִנֵּה רָחֵל בִּתּוֹ בָּאָה עִם הַצֹּאן.
ז וַיֹּ֗אמֶר הֵ֥ן עוֹד֙ הַיּ֣וֹם גָּד֔וֹל לֹא־עֵ֖ת הֵאָסֵ֣ף הַמִּקְנֶ֑ה הַשְׁק֥וּ הַצֹּ֖אן וּלְכ֥וּ רְעֽוּ׃ אָמַר לָהֶם: הֲרֵי עֲדַיִן מֻקְדָּם וְלֹא הִגִּיעַ הַזְּמָן לֶאֱסוֹף אֶת הַצֹּאן, תְּנוּ לַצֹּאן לִשְׁתּוֹת וּלְכוּ רְעוּ!
ח וַיֹּאמְרוּ֮ לֹ֣א נוּכַל֒ עַ֣ד אֲשֶׁ֤ר יֵאָֽסְפוּ֙ כׇּל־הָ֣עֲדָרִ֔ים וְגָֽלְﬞלוּ֙ אֶת־הָאֶ֔בֶן מֵעַ֖ל פִּ֣י הַבְּאֵ֑ר וְהִשְׁקִ֖ינוּ הַצֹּֽאן׃ אָמְרוּ לוֹ: לֹא נוּכַל, עַד שֶׁיֵּאָסְפוּ כָּל הָעֲדָרִים וְהָרוֹעִים יְגַלְגְּלוּ אֶת הָאֶבֶן מֵעַל פֶּתַח הַבְּאֵר וְנַשְׁקֶה אֶת הַצֹּאן.
ט עוֹדֶ֖נּוּ מְדַבֵּ֣ר עִמָּ֑ם וְרָחֵ֣ל ׀ בָּ֗אָה עִם־הַצֹּאן֙ אֲשֶׁ֣ר לְאָבִ֔יהָ כִּ֥י רֹעָ֖ה הִֽוא׃ עוֹד הוּא מְדַבֵּר אִתָּם, רָחֵל בָּאָה עִם הַצֹּאן שֶׁל אָבִיהָ כִּי הִיא רוֹעָה.
י וַיְהִ֡י כַּאֲשֶׁר֩ רָאָ֨ה יַעֲקֹ֜ב אֶת־רָחֵ֗ל בַּת־לָבָן֙ אֲחִ֣י אִמּ֔וֹ וְאֶת־צֹ֥אן לָבָ֖ן אֲחִ֣י אִמּ֑וֹ וַיִּגַּ֣שׁ יַעֲקֹ֗ב וַיָּ֤גֶל אֶת־הָאֶ֙בֶן֙ מֵעַל֙ פִּ֣י הַבְּאֵ֔ר וַיַּ֕שְׁקְ אֶת־צֹ֥אן לָבָ֖ן אֲחִ֥י אִמּֽוֹ׃ כְּשֶׁיַעֲקֹב רָאָה אֶת רָחֵל בַּת לָבָן אֲחִי אִמּוֹ וְאֶת הַצֹּאן שֶׁל לָבָן אֲחִי אִמּוֹ, נִגַּשׁ יַעֲקֹב וְגִלְגֵּל אֶת הָאֶבֶן מֵעַל פֶּתַח הַבְּאֵר וְהִשְׁקָה אֶת הַצֹּאן שֶׁל לָבָן אֲחִי אִמּוֹ.
יא וַיִּשַּׁ֥ק יַעֲקֹ֖ב לְרָחֵ֑ל וַיִּשָּׂ֥א אֶת־קֹל֖וֹ וַיֵּֽבְךְּ׃ יַעֲקֹב נָשַׁק לְרָחֵל וְהֵרִים אֶת קוֹלוֹ בְּבֶכִי.
יב וַיַּגֵּ֨ד יַעֲקֹ֜ב לְרָחֵ֗ל כִּ֣י אֲחִ֤י אָבִ֙יהָ֙ ה֔וּא וְכִ֥י בֶן־רִבְקָ֖ה ה֑וּא וַתָּ֖רׇץ וַתַּגֵּ֥ד לְאָבִֽיהָ׃ יַעֲקֹב סִפֵּר לְרָחֵל שֶׁהוּא קָרוֹב שֶׁל אָבִיהָ וְשֶׁהוּא בֵּן שֶׁל רִבְקָה, הִיא רָצָה וְסִפְּרָה לְאָבִיהָ.
יג וַיְהִי֩ כִשְׁמֹ֨עַ לָבָ֜ן אֶת־שֵׁ֣מַע ׀ יַעֲקֹ֣ב בֶּן־אֲחֹת֗וֹ וַיָּ֤רׇץ לִקְרָאתוֹ֙ וַיְחַבֶּק־לוֹ֙ וַיְנַשֶּׁק־ל֔וֹ וַיְבִיאֵ֖הוּ אֶל־בֵּית֑וֹ וַיְסַפֵּ֣ר לְלָבָ֔ן אֵ֥ת כׇּל־הַדְּבָרִ֖ים הָאֵֽלֶּה׃ כְּשֶׁלָּבָן שָׁמַע אֶת הַשְּׁמוּעָה עַל יַעֲקֹב בְּנָהּ שֶׁל אֲחוֹתוֹ הוּא רָץ לִקְרָאתוֹ חִבֵּק אוֹתוֹ נִשֵּׁק אוֹתוֹ וְהֵבִיא אוֹתוֹ לְבֵיתוֹ, וְהוּא סִפֵּר לְלָבָן אֶת כָּל הַדְּבָרִים הָאֵלֶּה שֶׁקָּרוּ לוֹ.
יד וַיֹּ֤אמֶר לוֹ֙ לָבָ֔ן אַ֛ךְ עַצְמִ֥י וּבְשָׂרִ֖י אָ֑תָּה וַיֵּ֥שֶׁב עִמּ֖וֹ חֹ֥דֶשׁ יָמִֽים׃ אָמַר לוֹ לָבָן הֲרֵי אַתָּה כְּמוֹ גּוּפִי – מִמִּשְׁפַּחְתִּי! וְהוּא גָּר אִתּוֹ חוֹדֶשׁ יָמִים.
פָּרָשַׁת נִשּׂוּאֵי יַעֲקֹב
טו וַיֹּ֤אמֶר לָבָן֙ לְיַעֲקֹ֔ב הֲכִי־אָחִ֣י אַ֔תָּה וַעֲבַדְתַּ֖נִי חִנָּ֑ם הַגִּ֥ידָה לִּ֖י מַה־מַּשְׂכֻּרְתֶּֽךָ׃ לָבָן אָמַר לְיַעֲקֹב וְכִי מִפְּנֵי שֶׁאַתָּה קְרוֹבִי תַּעֲבוֹד בִּשְׁבִילִי בְּחִנָּם?! אֱמוֹר לִי מַה תִּהְיֶה הַמַּשְׂכּוֹרֶת שֶׁלְּךָ.
טז וּלְלָבָ֖ן שְׁתֵּ֣י בָנ֑וֹת שֵׁ֤ם הַגְּדֹלָה֙ לֵאָ֔ה וְשֵׁ֥ם הַקְּטַנָּ֖ה רָחֵֽל׃ וּלְלָבָן הָיוּ שְׁתֵּי בָּנוֹת, שֵׁם הַגְּדוֹלָה לֵאָה וְשֵׁם הַקְּטַנָּה רָחֵל.
יז וְעֵינֵ֥י לֵאָ֖ה רַכּ֑וֹת וְרָחֵל֙ הָֽיְתָ֔ה יְפַת־תֹּ֖אַר וִיפַ֥ת מַרְאֶֽה׃ עֵינֵי לֵאָה הָיוּ יָפוֹת, וְרָחֵל הָיְתָה יָפָה בְּצוּרַת גּוּפָהּ וְנִרְאֵית טוֹב.


שלישי

[עריכה]
יח וַיֶּאֱהַ֥ב יַעֲקֹ֖ב אֶת־רָחֵ֑ל וַיֹּ֗אמֶר אֶֽעֱבׇדְךָ֙ שֶׁ֣בַע שָׁנִ֔ים בְּרָחֵ֥ל בִּתְּךָ֖ הַקְּטַנָּֽה׃ יַעֲקֹב אָהַב אֶת רָחֵל, וְאָמַר: אֶעֱבוֹד עֲבוּרְךָ שֶׁבַע שָׁנִים תְּמוּרַת רָחֵל בִּתְּךָ הַקְּטַנָּה.
יט וַיֹּ֣אמֶר לָבָ֗ן ט֚וֹב תִּתִּ֣י אֹתָ֣הּ לָ֔ךְ מִתִּתִּ֥י אֹתָ֖הּ לְאִ֣ישׁ אַחֵ֑ר שְׁבָ֖ה עִמָּדִֽי׃ אָמַר לָבָן: עָדִיף לִי לָתֵת אוֹתָהּ לְךָ מִלָּתֵת אוֹתָהּ לְאִישׁ אַחֵר, תָּגוּר אִתִּי!
כ וַיַּעֲבֹ֧ד יַעֲקֹ֛ב בְּרָחֵ֖ל שֶׁ֣בַע שָׁנִ֑ים וַיִּהְי֤וּ בְעֵינָיו֙ כְּיָמִ֣ים אֲחָדִ֔ים בְּאַהֲבָת֖וֹ אֹתָֽהּ׃ יַעֲקֹב עָבַד תְּמוּרַת רָחֵל שֶׁבַע שָׁנִים, וְהֵם הָיוּ בְּעֵינָיו כְּמוֹ יָמִים אֲחָדִים בִּגְלַל אַהֲבָתוֹ אוֹתָהּ.
כא וַיֹּ֨אמֶר יַעֲקֹ֤ב אֶל־לָבָן֙ הָבָ֣ה אֶת־אִשְׁתִּ֔י כִּ֥י מָלְא֖וּ יָמָ֑י וְאָב֖וֹאָה אֵלֶֽיהָ׃ יַעֲקֹב אָמַר לְלָבָן: תֵּן לִי אֶת אִשְׁתִּי וְאֶשָּׂא אוֹתָהּ, כִּי עָבַר הַזְּמָן שֶׁהִתְחַיַּבְתִּי לַעֲבוֹד.
כב וַיֶּאֱסֹ֥ף לָבָ֛ן אֶת־כׇּל־אַנְשֵׁ֥י הַמָּק֖וֹם וַיַּ֥עַשׂ מִשְׁתֶּֽה׃ לָבָן אָסַף אֶת כָּל אַנְשֵׁי הַמָּקוֹם וְעָשָׂה מִשְׁתֶּה.
כג וַיְהִ֣י בָעֶ֔רֶב וַיִּקַּח֙ אֶת־לֵאָ֣ה בִתּ֔וֹ וַיָּבֵ֥א אֹתָ֖הּ אֵלָ֑יו וַיָּבֹ֖א אֵלֶֽיהָ׃ בָּעֶרֶב הוּא לָקַח אֶת לֵאָה בִּתּוֹ וְהֵבִיא אוֹתָהּ לְיַעֲקֹב, וְהוּא בָּא אֵלֶיהָ.
כד וַיִּתֵּ֤ן לָבָן֙ לָ֔הּ אֶת־זִלְפָּ֖ה שִׁפְחָת֑וֹ לְלֵאָ֥ה בִתּ֖וֹ שִׁפְחָֽה׃ לָבָן נָתַן לָהּ אֶת זִלְפָּה שִׁפְחָתוֹ, שֶׁתִּהְיֶה לְלֵאָה בִּתּוֹ שִׁפְחָה.
כה וַיְהִ֣י בַבֹּ֔קֶר וְהִנֵּה־הִ֖וא לֵאָ֑ה וַיֹּ֣אמֶר אֶל־לָבָ֗ן מַה־זֹּאת֙ עָשִׂ֣יתָ לִּ֔י הֲלֹ֤א בְרָחֵל֙ עָבַ֣דְתִּי עִמָּ֔ךְ וְלָ֖מָּה רִמִּיתָֽנִי׃ בַּבּוֹקֶר הוּא גִּלָּה שֶׁהִנֵּה הִיא לֵאָה! הוּא אָמַר לְלָבָן: מַה עָשִׂיתָ לִי?! הֲרֵי תְּמוּרַת רָחֵל עָבַדְתִּי אִתְּךָ, וְלָמָּה רִמִּיתָ אוֹתִי!
כו וַיֹּ֣אמֶר לָבָ֔ן לֹא־יֵעָשֶׂ֥ה כֵ֖ן בִּמְקוֹמֵ֑נוּ לָתֵ֥ת הַצְּעִירָ֖ה לִפְנֵ֥י הַבְּכִירָֽה׃ אָמַר לָבָן: לֹא נוֹהֲגִים כָּךְ בִּמְקוֹמֵנוּ לָתֵת אֶת הַצְּעִירָה לִפְנֵי הַבְּכוֹרָה.
כז מַלֵּ֖א שְׁבֻ֣עַ זֹ֑את וְנִתְּנָ֨ה לְךָ֜ גַּם־אֶת־זֹ֗את בַּעֲבֹדָה֙ אֲשֶׁ֣ר תַּעֲבֹ֣ד עִמָּדִ֔י ע֖וֹד שֶֽׁבַע־שָׁנִ֥ים אֲחֵרֽוֹת׃ הַשְׁלֵם אֶת הַשָּׁבוּעַ שֶׁל שִׂמְחַת הַבַּת הַזֹּאת, וְאֶתֵּן לְךָ גַּם אֶת זֹאת תְּמוּרַת עֲבוֹדָה שֶׁתַּעֲבוֹד אִתִּי עוֹד שֶׁבַע שָׁנִים אֲחֵרוֹת.
כח וַיַּ֤עַשׂ יַעֲקֹב֙ כֵּ֔ן וַיְמַלֵּ֖א שְׁבֻ֣עַ זֹ֑את וַיִּתֶּן־ל֛וֹ אֶת־רָחֵ֥ל בִּתּ֖וֹ ל֥וֹ לְאִשָּֽׁה׃ יַעֲקֹב עָשָׂה כָּךְ, הוּא הִשְׁלִים אֶת שְׁבוּעַ הַשִּׂמְחָה שֶׁל הַבַּת הַזֹּאת, וְהוּא נָתַן לוֹ אֶת רָחֵל בִּתּוֹ לְאִשָּׁה.
כט וַיִּתֵּ֤ן לָבָן֙ לְרָחֵ֣ל בִּתּ֔וֹ אֶת־בִּלְהָ֖ה שִׁפְחָת֑וֹ לָ֖הּ לְשִׁפְחָֽה׃ לָבָן נָתַן לְרָחֵל בִּתּוֹ אֶת בִּלְהָה שִׁפְחָתוֹ שֶׁתִּהְיֶה לָהּ שִׁפְחָה.
ל וַיָּבֹא֙ גַּ֣ם אֶל־רָחֵ֔ל וַיֶּאֱהַ֥ב גַּֽם־אֶת־רָחֵ֖ל מִלֵּאָ֑ה וַיַּעֲבֹ֣ד עִמּ֔וֹ ע֖וֹד שֶֽׁבַע־שָׁנִ֥ים אֲחֵרֽוֹת׃ הוּא בָּא גַּם אֶל רָחֵל וְאָהַב אֶת רָחֵל יוֹתֵר מִלֵּאָה, וְעָבַד אִתּוֹ עוֹד שֶׁבַע שָׁנִים אֲחֵרוֹת.
פָּרָשַׁת לֵידַת בְּנֵי יַעֲקֹב
לא וַיַּ֤רְא יְהֹוָה֙ כִּֽי־שְׂנוּאָ֣ה לֵאָ֔ה וַיִּפְתַּ֖ח אֶת־רַחְמָ֑הּ וְרָחֵ֖ל עֲקָרָֽה׃ ה' רָאָה שֶׁלֵּאָה דְּחוּיָה וּפָתַח אֶת רַחְמָהּ שֶׁתֵּלֵד, וְרָחֵל הָיְתָה עֲקָרָה.
לב וַתַּ֤הַר לֵאָה֙ וַתֵּ֣לֶד בֵּ֔ן וַתִּקְרָ֥א שְׁמ֖וֹ רְאוּבֵ֑ן כִּ֣י אָֽמְרָ֗ה כִּֽי־רָאָ֤ה יְהֹוָה֙ בְּעׇנְיִ֔י כִּ֥י עַתָּ֖ה יֶאֱהָבַ֥נִי אִישִֽׁי׃ לֵאָה נִכְנְסָה לְהֵרָיוֹן וְיָלְדָה בֵּן וְקָרְאָה שְׁמוֹ רְאוּבֵן כִּי אָמְרָה: ה' רָאָה אֶת עֶלְבּוֹנִי, וְנָתַן לִי בֵּן כְּדֵי שֶׁעַכְשָׁיו בַּעֲלִי יֹאהַב אוֹתִי.
לג וַתַּ֣הַר עוֹד֮ וַתֵּ֣לֶד בֵּן֒ וַתֹּ֗אמֶר כִּֽי־שָׁמַ֤ע יְהֹוָה֙ כִּֽי־שְׂנוּאָ֣ה אָנֹ֔כִי וַיִּתֶּן־לִ֖י גַּם־אֶת־זֶ֑ה וַתִּקְרָ֥א שְׁמ֖וֹ שִׁמְעֽוֹן׃ הִיא נִכְנְסָה שׁוּב לְהֵרָיוֹן וְיָלְדָה בֵּן, וְאָמְרָה: ה' שָׁמַע שֶׁאֲנִי דְּחוּיָה וְנָתַן לִי גַּם אֶת זֶה, וְקָרְאָה אֶת שְׁמוֹ שִׁמְעוֹן.
לד וַתַּ֣הַר עוֹד֮ וַתֵּ֣לֶד בֵּן֒ וַתֹּ֗אמֶר עַתָּ֤ה הַפַּ֙עַם֙ יִלָּוֶ֤ה אִישִׁי֙ אֵלַ֔י כִּֽי־יָלַ֥דְתִּי ל֖וֹ שְׁלֹשָׁ֣ה בָנִ֑ים עַל־כֵּ֥ן קָרָֽא־שְׁמ֖וֹ לֵוִֽי׃ הִיא נִכְנְסָה שׁוּב לְהֵרָיוֹן וְיָלְדָה בֵּן וְאָמְרָה: עַכְשָׁיו הַפַּעַם, בַּעֲלִי יֹאהַב אוֹתִי וְיִתְלַוֶּה אֵלַי כִּי יָלַדְתִּי לוֹ שְׁלוֹשָׁה בָּנִים, לָכֵן נִקְרָא שְׁמוֹ לֵוִי.
לה וַתַּ֨הַר ע֜וֹד וַתֵּ֣לֶד בֵּ֗ן וַתֹּ֙אמֶר֙ הַפַּ֙עַם֙ אוֹדֶ֣ה אֶת־יְהֹוָ֔ה עַל־כֵּ֛ן קָרְאָ֥ה שְׁמ֖וֹ יְהוּדָ֑ה וַֽתַּעֲמֹ֖ד מִלֶּֽדֶת׃ הִיא נִכְנְסָה שׁוּב לְהֵרָיוֹן וְיָלְדָה בֵּן וְאָמְרָה: הַפַּעַם אוֹדֶה לַה', לָכֵן קָרְאָה שְׁמוֹ יְהוּדָה, וְהִיא הִפְסִיקָה לָלֶדֶת.
ל א וַתֵּ֣רֶא רָחֵ֗ל כִּ֣י לֹ֤א יָֽלְדָה֙ לְיַעֲקֹ֔ב וַתְּקַנֵּ֥א רָחֵ֖ל בַּאֲחֹתָ֑הּ וַתֹּ֤אמֶר אֶֽל־יַעֲקֹב֙ הָֽבָה־לִּ֣י בָנִ֔ים וְאִם־אַ֖יִן מֵתָ֥ה אָנֹֽכִי׃ רָחֵל רָאֲתָה שֶׁהִיא לֹא יָלְדָה לְיַעֲקֹב וְקִנְאָה בַּאֲחוֹתָהּ, הִיא אָמְרָה לְיַעֲקֹב: תֵּן לִי בָּנִים וְאִם לֹא – אָמוּת!
ב וַיִּֽחַר־אַ֥ף יַעֲקֹ֖ב בְּרָחֵ֑ל וַיֹּ֗אמֶר הֲתַ֤חַת אֱלֹהִים֙ אָנֹ֔כִי אֲשֶׁר־מָנַ֥ע מִמֵּ֖ךְ פְּרִי־בָֽטֶן׃ יַעֲקֹב כָּעַס עַל רָחֵל וְאָמַר: וְכִי אֲנִי בִּמְקוֹם אֱלֹהִים שֶׁמָּנַע מִמֵּךְ יְלָדִים?!
ג וַתֹּ֕אמֶר הִנֵּ֛ה אֲמָתִ֥י בִלְהָ֖ה בֹּ֣א אֵלֶ֑יהָ וְתֵלֵד֙ עַל־בִּרְכַּ֔י וְאִבָּנֶ֥ה גַם־אָנֹכִ֖י מִמֶּֽנָּה׃ הִיא אָמְרָה: הִנֵּה שִׁפְחָתִי בִּלְהָה, בֹּא אֵלֶיהָ! וְהִיא תֵּלֵד וַאֲנִי אֲגַדֵּל אֶת בָּנֶיהָ וְיִהְיֶה גַּם לִי בֵּן מִמֶּנָּה.
ד וַתִּתֶּן־ל֛וֹ אֶת־בִּלְהָ֥ה שִׁפְחָתָ֖הּ לְאִשָּׁ֑ה וַיָּבֹ֥א אֵלֶ֖יהָ יַעֲקֹֽב׃ הִיא נָתְנָה לוֹ אֶת בִּלְהָה שִׁפְחָתָהּ לְאִשָּׁה, וְיַעֲקֹב בָּא אֵלֶיהָ.
ה וַתַּ֣הַר בִּלְהָ֔ה וַתֵּ֥לֶד לְיַעֲקֹ֖ב בֵּֽן׃ בִּלְהָה נִכְנְסָה לְהֵרָיוֹן וְיָלְדָה לְיַעֲקֹב בֵּן.
ו וַתֹּ֤אמֶר רָחֵל֙ דָּנַ֣נִּי אֱלֹהִ֔ים וְגַם֙ שָׁמַ֣ע בְּקֹלִ֔י וַיִּתֶּן־לִ֖י בֵּ֑ן עַל־כֵּ֛ן קָרְאָ֥ה שְׁמ֖וֹ דָּֽן׃ רָחֵל אָמְרָה: אֱלֹהִים דָּן אוֹתִי בְּרַחֲמִים וְגַם שָׁמַע בְּקוֹלִי וְנָתַן לִי בֵּן, לָכֵן קָרְאָה אֶת שְׁמוֹ דָּן.
ז וַתַּ֣הַר ע֔וֹד וַתֵּ֕לֶד בִּלְהָ֖ה שִׁפְחַ֣ת רָחֵ֑ל בֵּ֥ן שֵׁנִ֖י לְיַעֲקֹֽב׃ בִּלְהָה שִׁפְחַת רָחֵל נִכְנְסָה שׁוּב לְהֵרָיוֹן וְיָלְדָה בֵּן שֵׁנִי לְיַעֲקֹב.
ח וַתֹּ֣אמֶר רָחֵ֗ל נַפְתּוּלֵ֨י אֱלֹהִ֧ים ׀ נִפְתַּ֛לְתִּי עִם־אֲחֹתִ֖י גַּם־יָכֹ֑לְתִּי וַתִּקְרָ֥א שְׁמ֖וֹ נַפְתָּלִֽי׃ רָחֵל אָמְרָה: הִתְפַּתַּלְתִּי לִפְנֵי אֱלֹהִים בְּתַחְבּוּלוֹת כְּדֵי שֶׁיִּהְיוּ לִי בָּנִים כְּמוֹ אֲחוֹתִי וְגַם הִצְלַחְתִּי, וְקָרְאָה אֶת שְׁמוֹ נַפְתָּלִי.
ט וַתֵּ֣רֶא לֵאָ֔ה כִּ֥י עָמְדָ֖ה מִלֶּ֑דֶת וַתִּקַּח֙ אֶת־זִלְפָּ֣ה שִׁפְחָתָ֔הּ וַתִּתֵּ֥ן אֹתָ֛הּ לְיַעֲקֹ֖ב לְאִשָּֽׁה׃ לֵאָה רָאֲתָה שֶׁהִיא פָּסְקָה מִלָּלֶדֶת, הִיא לָקְחָה אֶת זִלְפָּה שִׁפְחָתָהּ וְנָתְנָה אוֹתָהּ לְיַעֲקֹב לְאִשָּׁה.
י וַתֵּ֗לֶד זִלְפָּ֛ה שִׁפְחַ֥ת לֵאָ֖ה לְיַעֲקֹ֥ב בֵּֽן׃ זִלְפָּה שִׁפְחַת לֵאָה יָלְדָה לְיַעֲקֹב בֵּן.
יא וַתֹּ֥אמֶר לֵאָ֖ה בגד [בָּ֣א גָ֑ד] וַתִּקְרָ֥א אֶת־שְׁמ֖וֹ גָּֽד׃ לֵאָה אָמְרָה הִגִּיעַ מַזָּל! וְקָרְאָה אֶת שְׁמוֹ גָּד, כְּלוֹמַר מַזָּל.
יב וַתֵּ֗לֶד זִלְפָּה֙ שִׁפְחַ֣ת לֵאָ֔ה בֵּ֥ן שֵׁנִ֖י לְיַעֲקֹֽב׃ זִלְפָּה שִׁפְחַת לֵאָה יָלְדָה בֵּן שֵׁנִי לְיַעֲקֹב.
יג וַתֹּ֣אמֶר לֵאָ֔ה בְּאׇשְׁרִ֕י כִּ֥י אִשְּׁר֖וּנִי בָּנ֑וֹת וַתִּקְרָ֥א אֶת־שְׁמ֖וֹ אָשֵֽׁר׃ לֵאָה אָמְרָה: אֲנִי מְאוּשֶׁרֶת שֶׁהַבָּנוֹת מְשַׁבְּחוֹת אוֹתִי עַל בָּנַי הָרַבִּים, וְקָרְאָה אֶת שְׁמוֹ אָשֵׁר.


רביעי

[עריכה]
יד וַיֵּ֨לֶךְ רְאוּבֵ֜ן בִּימֵ֣י קְצִיר־חִטִּ֗ים וַיִּמְצָ֤א דֽוּדָאִים֙ בַּשָּׂדֶ֔ה וַיָּבֵ֣א אֹתָ֔ם אֶל־לֵאָ֖ה אִמּ֑וֹ וַתֹּ֤אמֶר רָחֵל֙ אֶל־לֵאָ֔ה תְּנִי־נָ֣א לִ֔י מִדּוּדָאֵ֖י בְּנֵֽךְ׃ רְאוּבֵן הָלַךְ בִּימֵי קְצִיר חִטִּים וּמָצָא צִמְחֵי יַסְמִין בַּשָּׂדֶה וְהֵבִיא אוֹתָם לְלֵאָה אִמּוֹ, אָמְרָה רָחֵל לְלֵאָה: תְּנִי לִי בְּבַקָּשָׁה מִצִּמְחֵי הַיַּסְמִין שֶׁל בְּנֵךְ שֶׁהֵם סְגֻלָּה לְבָנִים.
טו וַתֹּ֣אמֶר לָ֗הּ הַמְעַט֙ קַחְתֵּ֣ךְ אֶת־אִישִׁ֔י וְלָקַ֕חַת גַּ֥ם אֶת־דּוּדָאֵ֖י בְּנִ֑י וַתֹּ֣אמֶר רָחֵ֗ל לָכֵן֙ יִשְׁכַּ֤ב עִמָּךְ֙ הַלַּ֔יְלָה תַּ֖חַת דּוּדָאֵ֥י בְנֵֽךְ׃ אָמְרָה לָהּ: לֹא דַּי שֶׁלָּקַחְתְּ אֶת בַּעֲלִי וְאַתְּ רוֹצָה לָקַחַת גַּם אֶת צִמְחֵי הַיַּסְמִין שֶׁל בְּנִי?! אָמְרָה רָחֵל: לָכֵן הוּא יִשְׁכַּב אִתָּךְ הַלַּיְלָה תְּמוּרַת צִמְחֵי הַיַּסְמִין שֶׁל בְּנֵךְ.
טז וַיָּבֹ֨א יַעֲקֹ֣ב מִן־הַשָּׂדֶה֮ בָּעֶ֒רֶב֒ וַתֵּצֵ֨א לֵאָ֜ה לִקְרָאת֗וֹ וַתֹּ֙אמֶר֙ אֵלַ֣י תָּב֔וֹא כִּ֚י שָׂכֹ֣ר שְׂכַרְתִּ֔יךָ בְּדוּדָאֵ֖י בְּנִ֑י וַיִּשְׁכַּ֥ב עִמָּ֖הּ בַּלַּ֥יְלָה הֽוּא׃ יַעֲקֹב בָּא מֵהַשָּׂדֶה בָּעֶרֶב וְלֵאָה יָצְאָה לִקְרָאתוֹ וְאָמְרָה: אֵלַי תָּבוֹא כִּי שָׂכַרְתִּי אוֹתְךָ תְּמוּרַת צִמְחֵי הַיַּסְמִין שֶׁל בְּנִי! הוּא שָׁכַב אִתָּהּ בַּלַּיְלָה הַהוּא.
יז וַיִּשְׁמַ֥ע אֱלֹהִ֖ים אֶל־לֵאָ֑ה וַתַּ֛הַר וַתֵּ֥לֶד לְיַעֲקֹ֖ב בֵּ֥ן חֲמִישִֽׁי׃ אֱלֹהִים שָׁמַע לְלֵאָה, וְהִיא נִכְנְסָה לְהֵרָיוֹן וְיָלְדָה לְיַעֲקֹב בֵּן חֲמִישִׁי.
יח וַתֹּ֣אמֶר לֵאָ֗ה נָתַ֤ן אֱלֹהִים֙ שְׂכָרִ֔י אֲשֶׁר־נָתַ֥תִּי שִׁפְחָתִ֖י לְאִישִׁ֑י וַתִּקְרָ֥א שְׁמ֖וֹ יִשָּׂשכָֽר׃ לֵאָה אָמְרָה: אֱלֹהִים נָתַן אֶת שְׂכָרִי עַל שֶׁנָּתַתִּי אֶת שִׁפְחָתִי לְבַעֲלִי, וְקָרְאָה אֶת שְׁמוֹ יִשָּׂשכָר.
יט וַתַּ֤הַר עוֹד֙ לֵאָ֔ה וַתֵּ֥לֶד בֵּן־שִׁשִּׁ֖י לְיַעֲקֹֽב׃ לֵאָה נִכְנְסָה שׁוּב לְהֵרָיוֹן וְיָלְדָה בֵּן שִׁשִּׁי לְיַעֲקֹב.
כ וַתֹּ֣אמֶר לֵאָ֗ה זְבָדַ֨נִי אֱלֹהִ֥ים ׀ אֹתִי֮ זֵ֣בֶד טוֹב֒ הַפַּ֙עַם֙ יִזְבְּלֵ֣נִי אִישִׁ֔י כִּֽי־יָלַ֥דְתִּי ל֖וֹ שִׁשָּׁ֣ה בָנִ֑ים וַתִּקְרָ֥א אֶת־שְׁמ֖וֹ זְבֻלֽוּן׃ לֵאָה אָמְרָה: אֱלֹהִים נָתַן לִי חֵלֶק טוֹב! הַפַּעַם בַּעֲלִי יָגוּר אִתִּי בִּקְבִיעוּת כִּי יָלַדְתִּי לוֹ שִׁשָּׁה בָּנִים! וְהִיא קָרְאָה אֶת שְׁמוֹ זְבוּלוּן (זְבוּל – דִּירָה).
כא וְאַחַ֖ר יָ֣לְדָה בַּ֑ת וַתִּקְרָ֥א אֶת־שְׁמָ֖הּ דִּינָֽה׃ וְאַחַר כָּךְ הִיא יָלְדָה בַּת וְקָרְאָה אֶת שְׁמָהּ דִּינָה.
כב וַיִּזְכֹּ֥ר אֱלֹהִ֖ים אֶת־רָחֵ֑ל וַיִּשְׁמַ֤ע אֵלֶ֙יהָ֙ אֱלֹהִ֔ים וַיִּפְתַּ֖ח אֶת־רַחְמָֽהּ׃ אֱלֹהִים זָכַר אֶת רָחֵל, אֱלֹהִים שָׁמַע אֵלֶיהָ וּפָתַח אֶת רַחְמָהּ שֶׁתֵּלֵד.
כג וַתַּ֖הַר וַתֵּ֣לֶד בֵּ֑ן וַתֹּ֕אמֶר אָסַ֥ף אֱלֹהִ֖ים אֶת־חֶרְפָּתִֽי׃ הִיא נִכְנְסָה לְהֵרָיוֹן וְיָלְדָה בֵּן, וְאָמְרָה: אֱלֹהִים אָסַף אֶת בּוּשָׁתִי.
כד וַתִּקְרָ֧א אֶת־שְׁמ֛וֹ יוֹסֵ֖ף לֵאמֹ֑ר יֹסֵ֧ף יְהֹוָ֛ה לִ֖י בֵּ֥ן אַחֵֽר׃ הִיא קָרְאָה אֶת שְׁמוֹ יוֹסֵף, כְּלוֹמַר: הַלְוַאי וְה' יוֹסִיף לִי בֵּן אַחֵר.
פָּרָשַׁת הִתְעַשְּׁרוּת יַעֲקֹב
כה וַיְהִ֕י כַּאֲשֶׁ֛ר יָלְדָ֥ה רָחֵ֖ל אֶת־יוֹסֵ֑ף וַיֹּ֤אמֶר יַעֲקֹב֙ אֶל־לָבָ֔ן שַׁלְּחֵ֙נִי֙ וְאֵ֣לְכָ֔ה אֶל־מְקוֹמִ֖י וּלְאַרְצִֽי׃ כְּשֶׁרָחֵל יָלְדָה אֶת יוֹסֵף יַעֲקֹב אָמַר לְלָבָן: שַׁחְרֵר אוֹתִי וְאֵלֵךְ אֶל מְקוֹמִי וּלְאַרְצִי.
כו תְּנָ֞ה אֶת־נָשַׁ֣י וְאֶת־יְלָדַ֗י אֲשֶׁ֨ר עָבַ֧דְתִּי אֹֽתְךָ֛ בָּהֵ֖ן וְאֵלֵ֑כָה כִּ֚י אַתָּ֣ה יָדַ֔עְתָּ אֶת־עֲבֹדָתִ֖י אֲשֶׁ֥ר עֲבַדְתִּֽיךָ׃ תֵּן לִי אֶת נָשַׁי וְאֶת יְלָדַי שֶׁעָבַדְתִּי בִּשְׁבִילְךָ תְּמוּרָתָן וְאֵלֵךְ, כִּי אַתָּה יוֹדֵעַ שֶׁעָבַדְתִּי בִּשְׁבִילְךָ בְּנֶאֱמָנוּת.
כז וַיֹּ֤אמֶר אֵלָיו֙ לָבָ֔ן אִם־נָ֛א מָצָ֥אתִי חֵ֖ן בְּעֵינֶ֑יךָ נִחַ֕שְׁתִּי וַיְבָרְﬞכֵ֥נִי יְהֹוָ֖ה בִּגְלָלֶֽךָ׃ אָמַר לוֹ לָבָן: אִם מָצָאתִי חֵן בְּעֵינֶיךָ אַל תַּעֲזוֹב אוֹתִי, כִּי נִחַשְׁתִּי בִּקְסָמַי וְנוֹדַע לִי שֶׁבִּרְכַּת ה' בָּאָה אֵלַי בִּזְכוּתְךָ.


חמישי

[עריכה]
כח וַיֹּאמַ֑ר נׇקְבָ֧ה שְׂכָרְךָ֛ עָלַ֖י וְאֶתֵּֽנָה׃ אָמַר לוֹ: אֱמוֹר מַה שְּׂכָרְךָ שֶׁעָלַי לְשַׁלֵּם וְאֶתֵּן.
כט וַיֹּ֣אמֶר אֵלָ֔יו אַתָּ֣ה יָדַ֔עְתָּ אֵ֖ת אֲשֶׁ֣ר עֲבַדְתִּ֑יךָ וְאֵ֛ת אֲשֶׁר־הָיָ֥ה מִקְנְךָ֖ אִתִּֽי׃ אָמַר לוֹ: אַתָּה יוֹדֵעַ כַּמָּה עֲבַדְתִּי בִּשְׁבִילְךָ וְכַמָּה נִשְׁתַּנָּה הָעֵדֶר שֶׁלְּךָ אֶצְלִי.
ל כִּ֡י מְעַט֩ אֲשֶׁר־הָיָ֨ה לְךָ֤ לְפָנַי֙ וַיִּפְרֹ֣ץ לָרֹ֔ב וַיְבָ֧רֶךְ יְהֹוָ֛ה אֹתְךָ֖ לְרַגְלִ֑י וְעַתָּ֗ה מָתַ֛י אֶֽעֱשֶׂ֥ה גַם־אָנֹכִ֖י לְבֵיתִֽי׃ הֲרֵי הַמְּעַט שֶׁהָיָה לְךָ לִפְנֵי שֶׁבָּאתִי הִתְרַבָּה מְאוֹד, וַה' בֵּרֵךְ אוֹתְךָ בִּזְכוּתִי, וְעַכְשָׁיו מָתַי אֶעֱשֶׂה גַּם אֲנִי לְמִשְׁפַּחְתִּי?
לא וַיֹּ֖אמֶר מָ֣ה אֶתֶּן־לָ֑ךְ וַיֹּ֤אמֶר יַעֲקֹב֙ לֹא־תִתֶּן־לִ֣י מְא֔וּמָה אִם־תַּֽעֲשֶׂה־לִּי֙ הַדָּבָ֣ר הַזֶּ֔ה אָשׁ֛וּבָה אֶרְעֶ֥ה צֹֽאנְךָ֖ אֶשְׁמֹֽר׃ אָמַר לוֹ מָה אֶתֵּן לְךָ? אָמַר יַעֲקֹב: אַל תִּתֵּן לִי עַכְשָׁיו כְּלוּם, אִם תַּעֲשֶׂה אִתִּי אֶת הַהֶסְכֵּם הַזֶּה – אָשׁוּב וְאֶרְעֶה וְאֶשְׁמוֹר אֶת צֹאנְךָ.
לב אֶֽעֱבֹ֨ר בְּכׇל־צֹֽאנְךָ֜ הַיּ֗וֹם הָסֵ֨ר מִשָּׁ֜ם כׇּל־שֶׂ֣ה ׀ נָקֹ֣ד וְטָל֗וּא וְכׇל־שֶׂה־חוּם֙ בַּכְּשָׂבִ֔ים וְטָל֥וּא וְנָקֹ֖ד בָּעִזִּ֑ים וְהָיָ֖ה שְׂכָרִֽי׃ אֶעֱבוֹר בְּכָל צֹאנְךָ הַיּוֹם לְהָסִיר מִשָּׁם כָּל שֶׂה מְנֻקָּד אוֹ בַּעַל כְּתָמִים וְכָל שֶׂה חוּם בַּכְּבָשִׂים וּבַעַל כְּתָמִים וּמְנֻקָּד בָּעִזִּים, וּבְהֵמוֹת עִם סִימָנִים – אֵלֶּה יִהְיוּ שְׂכָרִי.
לג וְעָֽנְתָה־בִּ֤י צִדְקָתִי֙ בְּי֣וֹם מָחָ֔ר כִּֽי־תָב֥וֹא עַל־שְׂכָרִ֖י לְפָנֶ֑יךָ כֹּ֣ל אֲשֶׁר־אֵינֶ֩נּוּ֩ נָקֹ֨ד וְטָל֜וּא בָּֽעִזִּ֗ים וְחוּם֙ בַּכְּשָׂבִ֔ים גָּנ֥וּב ה֖וּא אִתִּֽי׃ וְכָךְ תִּהְיֶה לִי הוֹכָחָה עֲבוּרְךָ בֶּעָתִיד עַל צִדְקָתִי כְּשֶׁתָּבוֹא בְּטַעֲנָה עַל שְׂכָרִי שֶׁהוּא גָּנוּב – כָּל מִי שֶׁאֵינוֹ מְנֻקָּד אוֹ בַּעַל כְּתָמִים בָּעִזִּים אוֹ חוּם בַּכְּבָשִׂים, הוּא גָּנוּב אֶצְלִי.
לד וַיֹּ֥אמֶר לָבָ֖ן הֵ֑ן ל֖וּ יְהִ֥י כִדְבָרֶֽךָ׃ לָבָן אָמַר: בְּסֵדֶר, הַלְוַאי וְיִהְיֶה כְּמוֹ שֶׁאָמַרְתָּ.
לה וַיָּ֣סַר בַּיּוֹם֩ הַה֨וּא אֶת־הַתְּיָשִׁ֜ים הָֽעֲקֻדִּ֣ים וְהַטְּלֻאִ֗ים וְאֵ֤ת כׇּל־הָֽעִזִּים֙ הַנְּקֻדּ֣וֹת וְהַטְּלֻאֹ֔ת כֹּ֤ל אֲשֶׁר־לָבָן֙ בּ֔וֹ וְכׇל־ח֖וּם בַּכְּשָׂבִ֑ים וַיִּתֵּ֖ן בְּיַד־בָּנָֽיו׃ לָבָן הֵסִיר בַּיּוֹם הַהוּא אֶת הַתְּיָשִׁים בַּעֲלֵי סִימָן בַּקַּרְסוֹל וּבַעֲלֵי כְּתָמִים, וְאֶת כָּל הָעִזִּים (שֶׁהֵן כֵּהוֹת) הַמְּנֻקָּדוֹת וּבַעֲלוֹת הַכְּתָמִים – כָּל מִי שֶׁיֵּשׁ בּוֹ לָבָן, וּבַכְּבָשִׂים (שֶׁהֵם בְּהִירוֹת) – כָּל מִי שֶׁיֵּשׁ בּוֹ חוּם, וְנָתַן בְּיַד בָּנָיו.
לו וַיָּ֗שֶׂם דֶּ֚רֶךְ שְׁלֹ֣שֶׁת יָמִ֔ים בֵּינ֖וֹ וּבֵ֣ין יַעֲקֹ֑ב וְיַעֲקֹ֗ב רֹעֶ֛ה אֶת־צֹ֥אן לָבָ֖ן הַנּוֹתָרֹֽת׃ הוּא הִתְרַחֵק לְמֶרְחָק שֶׁל הֲלִיכַת שְׁלוֹשָׁה יָמִים בֵּינוֹ וּבֵין יַעֲקֹב, וְיַעֲקֹב רוֹעֶה אֶת שְׁאָר צֹאן לָבָן.
לז וַיִּֽקַּֽח־ל֣וֹ יַעֲקֹ֗ב מַקַּ֥ל לִבְנֶ֛ה לַ֖ח וְל֣וּז וְעַרְמ֑וֹן וַיְפַצֵּ֤ל בָּהֵן֙ פְּצָל֣וֹת לְבָנ֔וֹת מַחְשֹׂף֙ הַלָּבָ֔ן אֲשֶׁ֖ר עַל־הַמַּקְלֽוֹת׃ יַעֲקֹב לָקַח לוֹ מַקְלוֹת מֵעֵץ לִבְנֶה לַח, וּמֵעֵץ שְׁקֵדִים וּמֵעֵץ עַרְמוֹנִים, וְקִלֵּף בָּהֵם קִלּוּפִים שֶׁיָּצְרוּ כְּתָמִים לְבָנִים – חֲשִׂיפַת הַלָּבָן שֶׁבְּתוֹךְ הַמַּקְלוֹת.
לח וַיַּצֵּ֗ג אֶת־הַמַּקְלוֹת֙ אֲשֶׁ֣ר פִּצֵּ֔ל בָּרְﬞהָטִ֖ים בְּשִֽׁקְﬞת֣וֹת הַמָּ֑יִם אֲשֶׁר֩ תָּבֹ֨אןָ הַצֹּ֤אן לִשְׁתּוֹת֙ לְנֹ֣כַח הַצֹּ֔אן וַיֵּחַ֖מְנָה בְּבֹאָ֥ן לִשְׁתּֽוֹת׃ הוּא הֶעֱמִיד אֶת הַמַּקְלוֹת שֶׁקִּלֵּף בַּמָּקוֹם שֶׁל הַזְּרִימָה בְּשִׁקְתוֹת הַמַּיִם, כַּאֲשֶׁר נְקֵבוֹת הַצֹּאן בָּאוֹת לִשְׁתּוֹת מוּל הַצֹּאן הַזְּכָרִים וְהֵן מִתְיַחֲמוֹת בְּבוֹאָן לִשְׁתּוֹת.
לט וַיֶּחֱמ֥וּ הַצֹּ֖אן אֶל־הַמַּקְל֑וֹת וַתֵּלַ֣דְןָ הַצֹּ֔אן עֲקֻדִּ֥ים נְקֻדִּ֖ים וּטְלֻאִֽים׃ הַצֹּאן הִתְיַחֲמוּ כְּשֶׁהִבִּיטוּ בַּמַּקְלוֹת, וְהַצֹּאן יָלְדוּ וְלָדוֹת בַּעֲלֵי סִימָנִים בַּקַּרְסוֹל, מְנֻקָּדִים, וּבַעֲלֵי כְּתָמִים.
מ וְהַכְּשָׂבִים֮ הִפְרִ֣יד יַעֲקֹב֒ וַ֠יִּתֵּ֠ן פְּנֵ֨י הַצֹּ֧אן אֶל־עָקֹ֛ד וְכׇל־ח֖וּם בְּצֹ֣אן לָבָ֑ן וַיָּֽשֶׁת־ל֤וֹ עֲדָרִים֙ לְבַדּ֔וֹ וְלֹ֥א שָׁתָ֖ם עַל־צֹ֥אן לָבָֽן׃ וְאֶת הַכְּבָשִׂים יַעֲקֹב הִפְרִיד וְהֶעֱמִיד אֶת פְּנֵי הַצֹּאן כָּךְ שֶׁיַּבִּיטוּ אֶל בַּעֲלֵי הַסִּימָנִים בַּקַּרְסוֹל וְאֶל כָּל חוּם בְּצֹאן לָבָן, וְעָשָׂה לְעַצְמוֹ עֲדָרִים בְּנִפְרָד וְלֹא שָׂם אוֹתָם עִם הַצֹּאן שֶׁל לָבָן.
מא וְהָיָ֗ה בְּכׇל־יַחֵם֮ הַצֹּ֣אן הַמְקֻשָּׁרוֹת֒ וְשָׂ֨ם יַעֲקֹ֧ב אֶת־הַמַּקְל֛וֹת לְעֵינֵ֥י הַצֹּ֖אן בָּרְﬞהָטִ֑ים לְיַחְמֵ֖נָּה בַּמַּקְלֽוֹת׃ בְּכָל פַּעַם – כְּשֶׁהִתְחִילָה עוֹנַת הַהִזְדַּוְּגוּת שֶׁל הַצֹּאן, יַעֲקֹב שָׂם אֶת הַמַּקְלוֹת לְעֵינֵי הַצֹּאן בִּזְרִימַת הַמַּיִם כְּדֵי שֶׁיִּכָּנְסוּ לְהֵרָיוֹן כְּשֶׁהֵן מִסְתַּכְּלוֹת בַּמַּקְלוֹת.
מב וּבְהַעֲטִ֥יף הַצֹּ֖אן לֹ֣א יָשִׂ֑ים וְהָיָ֤ה הָעֲטֻפִים֙ לְלָבָ֔ן וְהַקְּשֻׁרִ֖ים לְיַעֲקֹֽב׃ וּבְסוֹף עוֹנַת הַהַמְלָטָה שֶׁל הַצֹּאן – הוּא לֹא שָׂם, הַטְּלָאִים שֶׁנּוֹלָדִים מְאוּחָר הָיוּ נִתָּנִים לְלָבָן, וְהַמֻּקְדָמִים הָיוּ לְיַעֲקֹב.
מג וַיִּפְרֹ֥ץ הָאִ֖ישׁ מְאֹ֣ד מְאֹ֑ד וַֽיְהִי־לוֹ֙ צֹ֣אן רַבּ֔וֹת וּשְׁפָחוֹת֙ וַעֲבָדִ֔ים וּגְמַלִּ֖ים וַחֲמֹרִֽים׃ הָאִישׁ הִתְעַשֵּׁר מְאוֹד מְאוֹד, וְהָיָה לוֹ הַרְבֶּה צֹאן, וּשְׁפָחוֹת וַעֲבָדִים וּגְמַלִּים וַחֲמוֹרִים.
פָּרָשַׁת הַחֲזָרָה לָאָרֶץ
לא א וַיִּשְׁמַ֗ע אֶת־דִּבְרֵ֤י בְנֵֽי־לָבָן֙ לֵאמֹ֔ר לָקַ֣ח יַעֲקֹ֔ב אֵ֖ת כׇּל־אֲשֶׁ֣ר לְאָבִ֑ינוּ וּמֵאֲשֶׁ֣ר לְאָבִ֔ינוּ עָשָׂ֕ה אֵ֥ת כׇּל־הַכָּבֹ֖ד הַזֶּֽה׃ יַעֲקֹב שָׁמַע אֶת דִּבְרֵי בְּנֵי לָבָן שֶׁאָמְרוּ: יַעֲקֹב לָקַח אֶת כָּל מַה שֶּׁשַּׁיָּךְ לְאָבִינוּ וּמִשֶּׁל אָבִינוּ הוּא עָשָׂה אֶת כָּל הַנְּכָסִים הָאֵלֶּה.
ב וַיַּ֥רְא יַעֲקֹ֖ב אֶת־פְּנֵ֣י לָבָ֑ן וְהִנֵּ֥ה אֵינֶ֛נּוּ עִמּ֖וֹ כִּתְמ֥וֹל שִׁלְשֽׁוֹם׃ יַעֲקֹב רָאָה אֶת פְּנֵי לָבָן שֶׁהִנֵּה הוּא כְּבָר לֹא מִתְיַחֵס אֵלָיו בַּחֲבִיבוּת כְּמוֹ אֶתְמוֹל שִׁלְשׁוֹם.
ג וַיֹּ֤אמֶר יְהֹוָה֙ אֶֽל־יַעֲקֹ֔ב שׁ֛וּב אֶל־אֶ֥רֶץ אֲבוֹתֶ֖יךָ וּלְמוֹלַדְתֶּ֑ךָ וְאֶֽהְיֶ֖ה עִמָּֽךְ׃ ה' אָמַר לְיַעֲקֹב: שׁוּב לְאֶרֶץ אֲבוֹתֶיךָ – לְאֶרֶץ מוֹלַדְתְּךָ, וְאֶהְיֶה אִתְּךָ.
ד וַיִּשְׁלַ֣ח יַעֲקֹ֔ב וַיִּקְרָ֖א לְרָחֵ֣ל וּלְלֵאָ֑ה הַשָּׂדֶ֖ה אֶל־צֹאנֽוֹ׃ יַעֲקֹב שָׁלַח שְׁלִיחִים וְקָרָא לְרָחֵל וּלְלֵאָה שֶׁתָּבֹאנָה לַשָּׂדֶה אֶל צֹאנוֹ.
ה וַיֹּ֣אמֶר לָהֶ֗ן רֹאֶ֤ה אָנֹכִי֙ אֶת־פְּנֵ֣י אֲבִיכֶ֔ן כִּֽי־אֵינֶ֥נּוּ אֵלַ֖י כִּתְמֹ֣ל שִׁלְשֹׁ֑ם וֵֽאלֹהֵ֣י אָבִ֔י הָיָ֖ה עִמָּדִֽי׃ וְאָמַר לָהֶן: אֲנִי רוֹאֶה אֶת פְּנֵי אֲבִיכֶן הַזּוֹעֲמוֹת שֶׁכְּבָר אֵינוֹ מִתְיַחֵס אֵלַי כְּמוֹ אֶתְמוֹל וְשִׁלְשׁוֹם, אֲבָל אֱלֹהֵי אָבִי הָיָה אִתִּי וְעָזַר לִי.
ו וְאַתֵּ֖נָה יְדַעְתֶּ֑ן כִּ֚י בְּכׇל־כֹּחִ֔י עָבַ֖דְתִּי אֶת־אֲבִיכֶֽן׃ וְאַתֶּן יוֹדְעוֹת שֶׁעָבַדְתִּי בְּכָל כּוֹחִי בִּשְׁבִיל אֲבִיכֶן.
ז וַאֲבִיכֶן֙ הֵ֣תֶל בִּ֔י וְהֶחֱלִ֥ף אֶת־מַשְׂכֻּרְתִּ֖י עֲשֶׂ֣רֶת מֹנִ֑ים וְלֹֽא־נְתָנ֣וֹ אֱלֹהִ֔ים לְהָרַ֖ע עִמָּדִֽי׃ וַאֲבִיכֶן רִמָּה אוֹתִי וְהֶחֱלִיף אֶת מַשְׂכֻּרְתִּי עֶשֶׂר פְּעָמִים וֶאֱלֹהִים לֹא אִפְשֵׁר לוֹ לְהָרַע לִי.
ח אִם־כֹּ֣ה יֹאמַ֗ר נְקֻדִּים֙ יִהְיֶ֣ה שְׂכָרֶ֔ךָ וְיָלְד֥וּ כׇל־הַצֹּ֖אן נְקֻדִּ֑ים וְאִם־כֹּ֣ה יֹאמַ֗ר עֲקֻדִּים֙ יִהְיֶ֣ה שְׂכָרֶ֔ךָ וְיָלְד֥וּ כׇל־הַצֹּ֖אן עֲקֻדִּֽים׃ כְּשֶׁאוֹמֵר: שְׂכָרְךָ יִהְיֶה מְנֻקָּדִים – כָּל הַצֹּאן יוֹלְדוֹת מְנֻקָּדִים, וּכְשֶׁאוֹמֵר: שְׂכָרְךָ יִהְיֶה בַּעֲלֵי סִימָן בַּקַּרְסוֹל – כָּל הַצֹּאן יוֹלְדוֹת בַּעֲלֵי סִימָן בַּקַּרְסוֹל.
ט וַיַּצֵּ֧ל אֱלֹהִ֛ים אֶת־מִקְנֵ֥ה אֲבִיכֶ֖ם וַיִּתֶּן־לִֽי׃ וֶאֱלֹהִים הוֹצִיא מִתּוֹךְ עֶדְרֵי אֲבִיכֶן וְנָתַן לִי.
י וַיְהִ֗י בְּעֵת֙ יַחֵ֣ם הַצֹּ֔אן וָאֶשָּׂ֥א עֵינַ֛י וָאֵ֖רֶא בַּחֲל֑וֹם וְהִנֵּ֤ה הָֽעַתֻּדִים֙ הָעֹלִ֣ים עַל־הַצֹּ֔אן עֲקֻדִּ֥ים נְקֻדִּ֖ים וּבְרֻדִּֽים׃ וּבְעוֹנַת הַהִזְדַּוְּגוּת שֶׁל הַצֹּאן הֵרַמְתִּי עֵינַי וְרָאִיתִי בַּחֲלוֹם וְהִנֵּה הַתְּיָשִׁים שֶׁמִּזְדַּוְּגִים עִם הַצֹּאן הֵם בַּעֲלֵי סִימָן בַּקַּרְסוֹל וּמְנֻקָּדִים וּבַעֲלֵי כְּתָמִים לְבָנִים.
יא וַיֹּ֨אמֶר אֵלַ֜י מַלְאַ֧ךְ הָאֱלֹהִ֛ים בַּחֲל֖וֹם יַֽעֲקֹ֑ב וָאֹמַ֖ר הִנֵּֽנִי׃ וּמַלְאַךְ הָאֱלֹהִים אָמַר לִי בַּחֲלוֹם: יַעֲקֹב! אָמַרְתִּי: הִנֵּה אֲנִי!
יב וַיֹּ֗אמֶר שָׂא־נָ֨א עֵינֶ֤יךָ וּרְאֵה֙ כׇּל־הָֽעַתֻּדִים֙ הָעֹלִ֣ים עַל־הַצֹּ֔אן עֲקֻדִּ֥ים נְקֻדִּ֖ים וּבְרֻדִּ֑ים כִּ֣י רָאִ֔יתִי אֵ֛ת כׇּל־אֲשֶׁ֥ר לָבָ֖ן עֹ֥שֶׂה לָּֽךְ׃ אָמַר: הָרֵם אֶת עֵינֶיךָ וּרְאֵה, כָּל הַתְּיָשִׁים שֶׁעוֹלִים עַל הַצֹּאן לְהוֹלִיד, הֵם בַּעֲלֵי סִימָן בַּקַּרְסוֹל וּמְנֻקָּדִים וּבַעֲלֵי כְּתָמִים לְבָנִים וְכָךְ יִהְיוּ גַּם וְלָדוֹתֵיהֶם, כִּי רָאִיתִי אֶת כָּל מַה שֶּׁלָּבָן עוֹשֶׂה לְךָ.
יג אָנֹכִ֤י הָאֵל֙ בֵּֽית־אֵ֔ל אֲשֶׁ֨ר מָשַׁ֤חְתָּ שָּׁם֙ מַצֵּבָ֔ה אֲשֶׁ֨ר נָדַ֥רְתָּ לִּ֛י שָׁ֖ם נֶ֑דֶר עַתָּ֗ה ק֥וּם צֵא֙ מִן־הָאָ֣רֶץ הַזֹּ֔את וְשׁ֖וּב אֶל־אֶ֥רֶץ מוֹלַדְתֶּֽךָ׃ אֲנִי הָאֵל שֶׁנִּגְלָה אֵלֶיךָ בְּבֵית אֵל – הַמָּקוֹם שֶׁמָּרַחְתָּ שָׁם שֶׁמֶן עַל מַצֵּבָה וְשֶׁנָּדַרְתָּ לִי שָׁם נֶדֶר, עַכְשָׁיו קוּם צֵא מֵהָאָרֶץ הַזֹּאת וְשׁוּב לְאֶרֶץ מוֹלַדְתְּךָ.
יד וַתַּ֤עַן רָחֵל֙ וְלֵאָ֔ה וַתֹּאמַ֖רְנָה ל֑וֹ הַע֥וֹד לָ֛נוּ חֵ֥לֶק וְנַחֲלָ֖ה בְּבֵ֥ית אָבִֽינוּ׃ רָחֵל וְלֵאָה עָנוּ וְאָמְרוּ לוֹ: וְכִי יֵשׁ לָנוּ עוֹד חֵלֶק וְנַחֲלָה בְּבֵית אָבִינוּ?!
טו הֲל֧וֹא נׇכְרִיּ֛וֹת נֶחְשַׁ֥בְנוּ ל֖וֹ כִּ֣י מְכָרָ֑נוּ וַיֹּ֥אכַל גַּם־אָכ֖וֹל אֶת־כַּסְפֵּֽנוּ׃ הֲרֵי נֶחְשַׁבְנוּ בְּעֵינָיו כְּמוֹ נָשִׁים זָרוֹת – שֶׁמָּכַר אוֹתָנוּ, וְהִשְׁתַּמֵּשׁ בְּכַסְפֵּנוּ בִּמְקוֹם לִשְׁמוֹר אוֹתוֹ לָנוּ.
טז כִּ֣י כׇל־הָעֹ֗שֶׁר אֲשֶׁ֨ר הִצִּ֤יל אֱלֹהִים֙ מֵֽאָבִ֔ינוּ לָ֥נוּ ה֖וּא וּלְבָנֵ֑ינוּ וְעַתָּ֗ה כֹּל֩ אֲשֶׁ֨ר אָמַ֧ר אֱלֹהִ֛ים אֵלֶ֖יךָ עֲשֵֽׂה׃ הֲרֵי כָּל הָעוֹשֶׁר שֶׁאֱלֹהִים הוֹצִיא מֵאָבִינוּ הוּא שֶׁלָּנוּ וְשֶׁל בָּנֵינוּ, וְעַכְשָׁיו עֲשֵׂה כָּל מַה שֶּׁאֱלֹהִים אָמַר לְךָ.


ששי

[עריכה]
יז וַיָּ֖קׇם יַעֲקֹ֑ב וַיִּשָּׂ֛א אֶת־בָּנָ֥יו וְאֶת־נָשָׁ֖יו עַל־הַגְּמַלִּֽים׃ יַעֲקֹב קָם, וְהֶעֱלָה אֶת בָּנָיו וְאֶת נָשָׁיו עַל הַגְּמַלִּים.
יח וַיִּנְהַ֣ג אֶת־כׇּל־מִקְנֵ֗הוּ וְאֶת־כׇּל־רְכֻשׁוֹ֙ אֲשֶׁ֣ר רָכָ֔שׁ מִקְנֵה֙ קִנְיָנ֔וֹ אֲשֶׁ֥ר רָכַ֖שׁ בְּפַדַּ֣ן אֲרָ֑ם לָב֛וֹא אֶל־יִצְחָ֥ק אָבִ֖יו אַ֥רְצָה כְּנָֽעַן׃ וְהוֹבִיל אֶת כָּל עֲדָרָיו, וְאֶת כָּל שְׁאָר רְכוּשׁוֹ שֶׁרָכַשׁ בְּפַדַּן אֲרָם – מַה שֶּׁקָּנָה תְּמוּרַת הַצֹּאן, לָבוֹא לְיִצְחָק אָבִיו לְאֶרֶץ כְּנַעַן.
יט וְלָבָ֣ן הָלַ֔ךְ לִגְזֹ֖ז אֶת־צֹאנ֑וֹ וַתִּגְנֹ֣ב רָחֵ֔ל אֶת־הַתְּרָפִ֖ים אֲשֶׁ֥ר לְאָבִֽיהָ׃ וְלָבָן הָלַךְ לִגְזוֹז אֶת צֹאנוֹ, וְרָחֵל גָּנְבָה אֶת הַפְּסָלִים שֶׁל אָבִיהָ.
כ וַיִּגְנֹ֣ב יַעֲקֹ֔ב אֶת־לֵ֥ב לָבָ֖ן הָאֲרַמִּ֑י עַל־בְּלִי֙ הִגִּ֣יד ל֔וֹ כִּ֥י בֹרֵ֖חַ הֽוּא׃ יַעֲקֹב הִטְעָה אֶת לָבָן הָאֲרַמִּי וְלֹא אָמַר לוֹ שֶׁהוּא בּוֹרֵחַ.
כא וַיִּבְרַ֥ח הוּא֙ וְכׇל־אֲשֶׁר־ל֔וֹ וַיָּ֖קׇם וַיַּעֲבֹ֣ר אֶת־הַנָּהָ֑ר וַיָּ֥שֶׂם אֶת־פָּנָ֖יו הַ֥ר הַגִּלְעָֽד׃ הוּא בָּרַח, הוּא וְכָל הַמִּשְׁפָּחָה שֶׁלּוֹ, וְקָם וְעָבַר אֶת הַנָּהָר, וּפָנָה אֶל הַר הַגִּלְעָד.
כב וַיֻּגַּ֥ד לְלָבָ֖ן בַּיּ֣וֹם הַשְּׁלִישִׁ֑י כִּ֥י בָרַ֖ח יַעֲקֹֽב׃ סִפְּרוּ לְלָבָן בַּיּוֹם הַשְּׁלִישִׁי שֶׁיַּעֲקֹב בָּרַח.
כג וַיִּקַּ֤ח אֶת־אֶחָיו֙ עִמּ֔וֹ וַיִּרְדֹּ֣ף אַחֲרָ֔יו דֶּ֖רֶךְ שִׁבְעַ֣ת יָמִ֑ים וַיַּדְבֵּ֥ק אֹת֖וֹ בְּהַ֥ר הַגִּלְעָֽד׃ הוּא לָקַח אִתּוֹ אֶת קְרוֹבָיו וְרָדַף אַחֲרָיו מֶרְחַק שֶׁל שִׁבְעַת יְמֵי הֲלִיכָה וְהִשִּׂיג אוֹתוֹ בְּהַר הַגִּלְעָד.
כד וַיָּבֹ֧א אֱלֹהִ֛ים אֶל־לָבָ֥ן הָאֲרַמִּ֖י בַּחֲלֹ֣ם הַלָּ֑יְלָה וַיֹּ֣אמֶר ל֗וֹ הִשָּׁ֧מֶר לְךָ֛ פֶּן־תְּדַבֵּ֥ר עִֽם־יַעֲקֹ֖ב מִטּ֥וֹב עַד־רָֽע׃ אֱלֹהִים הִתְגַּלָּה אֶל לָבָן הָאֲרַמִּי בַּחֲלוֹם הַלַּיְלָה, וְאָמַר לוֹ: הִזָּהֵר לְךָ שֶׁלֹּא תְּדַבֵּר עִם יַעֲקֹב לְהַחֲזִירוֹ, לֹא בְּטוֹב וְלֹא בְּרָע.
כה וַיַּשֵּׂ֥ג לָבָ֖ן אֶֽת־יַעֲקֹ֑ב וְיַעֲקֹ֗ב תָּקַ֤ע אֶֽת־אׇהֳלוֹ֙ בָּהָ֔ר וְלָבָ֛ן תָּקַ֥ע אֶת־אֶחָ֖יו בְּהַ֥ר הַגִּלְעָֽד׃ לָבָן הִשִּׂיג אֶת יַעֲקֹב, וְיַעֲקֹב הֵקִים אֶת אָהֳלוֹ בָּהָר, וְגַם לָבָן חָנָה עִם קְרוֹבָיו בְּאוֹתוֹ הָהָר – בְּהַר הַגִּלְעָד.
כו וַיֹּ֤אמֶר לָבָן֙ לְיַעֲקֹ֔ב מֶ֣ה עָשִׂ֔יתָ וַתִּגְנֹ֖ב אֶת־לְבָבִ֑י וַתְּנַהֵג֙ אֶת־בְּנֹתַ֔י כִּשְׁבֻי֖וֹת חָֽרֶב׃ לָבָן אָמַר לְיַעֲקֹב: מֶה עָשִׂיתָ?! הִטְעֵיתָ אוֹתִי וְהוֹבַלְתָּ אֶת בְּנוֹתַי כְּמוֹ שְׁבוּיוֹת מִלְחָמָה!
כז לָ֤מָּה נַחְבֵּ֙אתָ֙ לִבְרֹ֔חַ וַתִּגְנֹ֖ב אֹתִ֑י וְלֹא־הִגַּ֣דְתָּ לִּ֔י וָֽאֲשַׁלֵּחֲךָ֛ בְּשִׂמְחָ֥ה וּבְשִׁרִ֖ים בְּתֹ֥ף וּבְכִנּֽוֹר׃ לָמָּה בָּרַחְתָּ בַּסֵּתֶר וְהִטְעֵיתָ אוֹתִי, וְלֹא סִפַּרְתָּ לִי וְהָיִיתִי שׁוֹלֵחַ אוֹתְךָ בְּשִׂמְחָה וּבְשִׁירִים בְּתוֹף וּבְכִנּוֹר.
כח וְלֹ֣א נְטַשְׁתַּ֔נִי לְנַשֵּׁ֥ק לְבָנַ֖י וְלִבְנֹתָ֑י עַתָּ֖ה הִסְכַּ֥לְתָּֽ עֲשֽׂוֹ׃ וְלֹא אִפְשַׁרְתָּ לִי לְנַשֵּׁק לְבָנַי וְלִבְנוֹתַי, עַכְשָׁיו נָהַגְתָּ בְּטִפְּשׁוּת.
כט יֶשׁ־לְאֵ֣ל יָדִ֔י לַעֲשׂ֥וֹת עִמָּכֶ֖ם רָ֑ע וֵֽאלֹהֵ֨י אֲבִיכֶ֜ם אֶ֣מֶשׁ ׀ אָמַ֧ר אֵלַ֣י לֵאמֹ֗ר הִשָּׁ֧מֶר לְךָ֛ מִדַּבֵּ֥ר עִֽם־יַעֲקֹ֖ב מִטּ֥וֹב עַד־רָֽע׃ יֵשׁ בְּיָדִי כֹּחַ לַעֲשׂוֹת אִתְּכֶם רָע, אֲבָל אֱלֹהֵי אֲבִיכֶם אָמַר לִי הַלַּיְלָה: הִזָּהֵר לְךָ שֶׁלֹּא תְּדַבֵּר עִם יַעֲקֹב לְהַחֲזִירוֹ לֹא בְּטוֹב וְלֹא בְּרַע.
ל וְעַתָּה֙ הָלֹ֣ךְ הָלַ֔כְתָּ כִּֽי־נִכְסֹ֥ף נִכְסַ֖פְתָּה לְבֵ֣ית אָבִ֑יךָ לָ֥מָּה גָנַ֖בְתָּ אֶת־אֱלֹהָֽי׃ וְעַכְשָׁיו הָלַכְתָּ כִּי הִתְגַּעְגַּעְתָּ לָשׁוּב לְמִשְׁפַּחַת אָבִיךָ, אֲבָל לָמָּה גָּנַבְתָּ אֶת הַפְּסָלִים שֶׁלִּי?!
לא וַיַּ֥עַן יַעֲקֹ֖ב וַיֹּ֣אמֶר לְלָבָ֑ן כִּ֣י יָרֵ֔אתִי כִּ֣י אָמַ֔רְתִּי פֶּן־תִּגְזֹ֥ל אֶת־בְּנוֹתֶ֖יךָ מֵעִמִּֽי׃ עָנָה יַעֲקֹב וְאָמַר לְלָבָן: בָּרַחְתִּי כִּי פָּחַדְתִּי כִּי רָצִיתִי שֶׁלֹּא תִּגְזוֹל מִמֶּנִּי אֶת בְּנוֹתֶיךָ.
לב עִ֠ם אֲשֶׁ֨ר תִּמְצָ֣א אֶת־אֱלֹהֶ֘יךָ֮ לֹ֣א יִֽחְיֶה֒ נֶ֣גֶד אַחֵ֧ינוּ הַֽכֶּר־לְךָ֛ מָ֥ה עִמָּדִ֖י וְקַֽח־לָ֑ךְ וְלֹֽא־יָדַ֣ע יַעֲקֹ֔ב כִּ֥י רָחֵ֖ל גְּנָבָֽתַם׃ וּמִי שֶׁתִּמְצָא אֶת הַפְּסָלִים אֶצְלוֹ – לֹא יִחְיֶה! מוּל קְרוֹבֵינוּ תְּזַהֶה מָה אֶצְלִי שֶׁלְּךָ וְקַח לְךָ! וְיַעֲקֹב לֹא יָדַע שֶׁרָחֵל גָּנְבָה אוֹתָם.
לג וַיָּבֹ֨א לָבָ֜ן בְּאֹ֥הֶל יַעֲקֹ֣ב ׀ וּבְאֹ֣הֶל לֵאָ֗ה וּבְאֹ֛הֶל שְׁתֵּ֥י הָאֲמָהֹ֖ת וְלֹ֣א מָצָ֑א וַיֵּצֵא֙ מֵאֹ֣הֶל לֵאָ֔ה וַיָּבֹ֖א בְּאֹ֥הֶל רָחֵֽל׃ לָבָן נִכְנַס לָאוֹהֶל שֶׁל יַעֲקֹב וְלָאוֹהֶל שֶׁל לֵאָה וְלָאוֹהֶל שֶׁל שְׁתֵּי הַשְּׁפָחוֹת, וְלֹא מָצָא, הוּא יָצָא מֵהָאוֹהֶל שֶׁל לֵאָה וּבָא לָאוֹהֶל שֶׁל רָחֵל.
לד וְרָחֵ֞ל לָקְחָ֣ה אֶת־הַתְּרָפִ֗ים וַתְּשִׂמֵ֛ם בְּכַ֥ר הַגָּמָ֖ל וַתֵּ֣שֶׁב עֲלֵיהֶ֑ם וַיְמַשֵּׁ֥שׁ לָבָ֛ן אֶת־כׇּל־הָאֹ֖הֶל וְלֹ֥א מָצָֽא׃ וְרָחֵל לָקְחָה אֶת הַפְּסָלִים, וְשָׂמָה אוֹתָם בַּכָּר שֶׁל הַגָּמָל וְיָשְׁבָה עֲלֵיהֶם, לָבָן מִשֵּׁשׁ בְּכָל הָאוֹהֶל וְלֹא מָצָא.
לה וַתֹּ֣אמֶר אֶל־אָבִ֗יהָ אַל־יִ֙חַר֙ בְּעֵינֵ֣י אֲדֹנִ֔י כִּ֣י ל֤וֹא אוּכַל֙ לָק֣וּם מִפָּנֶ֔יךָ כִּי־דֶ֥רֶךְ נָשִׁ֖ים לִ֑י וַיְחַפֵּ֕שׂ וְלֹ֥א מָצָ֖א אֶת־הַתְּרָפִֽים׃ הִיא אָמְרָה לְאָבִיהָ: שֶׁלֹּא יַכְעִיס אֶת אֲדוֹנִי זֶה שֶׁלֹּא אוּכַל לָקוּם מִפָּנֶיךָ, כִּי יֵשׁ לִי מַחְזוֹר כְּדֶרֶךְ הַנָּשִׁים, הוּא חִפֵּשׂ וְלֹא מָצָא אֶת הַפְּסָלִים.
לו וַיִּ֥חַר לְיַעֲקֹ֖ב וַיָּ֣רֶב בְּלָבָ֑ן וַיַּ֤עַן יַעֲקֹב֙ וַיֹּ֣אמֶר לְלָבָ֔ן מַה־פִּשְׁעִי֙ מַ֣ה חַטָּאתִ֔י כִּ֥י דָלַ֖קְתָּ אַחֲרָֽי׃ הַדָּבָר הִכְעִיס אֶת יַעֲקֹב וְהוּא רָב עִם לָבָן, יַעֲקֹב עָנָה וְאָמַר לְלָבָן: מַה פִּשְׁעִי מַה חַטָּאתִי שֶׁרָדַפְתָּ אַחֲרַי?!
לז כִּֽי־מִשַּׁ֣שְׁתָּ אֶת־כׇּל־כֵּלַ֗י מַה־מָּצָ֙אתָ֙ מִכֹּ֣ל כְּלֵי־בֵיתֶ֔ךָ שִׂ֣ים כֹּ֔ה נֶ֥גֶד אַחַ֖י וְאַחֶ֑יךָ וְיוֹכִ֖יחוּ בֵּ֥ין שְׁנֵֽינוּ׃ כְּשֶׁמִּשַּׁשְׁתָּ אֶת כָּל כֵּלַי – מַה מָּצָאתָ מִכָּל כְּלֵי בֵּיתֶךָ?! שִׂים כָּאן מוּל קְרוֹבַי וּקְרוֹבֶיךָ וִיבָרְרוּ מִי הַצּוֹדֵק בֵּין שְׁנֵינוּ!
לח זֶה֩ עֶשְׂרִ֨ים שָׁנָ֤ה אָנֹכִי֙ עִמָּ֔ךְ רְחֵלֶ֥יךָ וְעִזֶּ֖יךָ לֹ֣א שִׁכֵּ֑לוּ וְאֵילֵ֥י צֹאנְךָ֖ לֹ֥א אָכָֽלְתִּי׃ זֶה כְּבָר עֶשְׂרִים שָׁנָה שֶׁאֲנִי אִתְּךָ, שׁוּם וְלָד שֶׁל כִּבְשׂוֹתֶיךָ וְעִזֶּיךָ לֹא מֵת, וַאֲפִלּוּ לֹא אָכַלְתִּי כַּמְּקֻבָּל מִצֹּאנְךָ זְכָרִים שֶׁאֵינָם יוֹלְדִים.
לט טְרֵפָה֙ לֹא־הֵבֵ֣אתִי אֵלֶ֔יךָ אָנֹכִ֣י אֲחַטֶּ֔נָּה מִיָּדִ֖י תְּבַקְשֶׁ֑נָּה גְּנֻֽבְתִ֣י י֔וֹם וּגְנֻֽבְתִ֖י לָֽיְלָה׃ לֹא הֵבֵאתִי אֵלֶיךָ שׁוּם בְּהֵמָה שֶׁנִּטְרְפָה, אֲנִי הָיִיתִי מְשַׁלֵּם עָלֶיהָ, מִמֶּנִּי הָיִיתָ מְבַקֵּשׁ אוֹתָהּ, וְכָךְ גַּם בְּהֵמָה שֶׁנִּגְנְבָה בַּיּוֹם אוֹ בַּלַּיְלָה.
מ הָיִ֧יתִי בַיּ֛וֹם אֲכָלַ֥נִי חֹ֖רֶב וְקֶ֣רַח בַּלָּ֑יְלָה וַתִּדַּ֥ד שְׁנָתִ֖י מֵֽעֵינָֽי׃ הָיִיתִי בַּשָּׂדֶה – בַּיּוֹם שָׂרַף אוֹתִי שָׁרָב, וּבַלַּיְלָה הִקְפִּיא אוֹתִי קֶרַח, וּשְׁנָתִי נָדְדָה מֵעֵינַי.
מא זֶה־לִּ֞י עֶשְׂרִ֣ים שָׁנָה֮ בְּבֵיתֶ֒ךָ֒ עֲבַדְתִּ֜יךָ אַרְבַּֽע־עֶשְׂרֵ֤ה שָׁנָה֙ בִּשְׁתֵּ֣י בְנֹתֶ֔יךָ וְשֵׁ֥שׁ שָׁנִ֖ים בְּצֹאנֶ֑ךָ וַתַּחֲלֵ֥ף אֶת־מַשְׂכֻּרְתִּ֖י עֲשֶׂ֥רֶת מֹנִֽים׃ זֶה כְּבָר עֶשְׂרִים שָׁנָה שֶׁאֲנִי בְּבֵיתְךָ, עֲבַדְתִּי עֲבוּרְךָ אַרְבַּע עֶשְׂרֵה שָׁנָה תְּמוּרַת שְׁתֵּי בְּנוֹתֶיךָ וְשֵׁשׁ שָׁנִים תְּמוּרַת צֹאנְךָ, וְשִׁנִּיתָ אֶת מַשְׂכֻּרְתִּי עֶשֶׂר פְּעָמִים.
מב לוּלֵ֡י אֱלֹהֵ֣י אָבִי֩ אֱלֹהֵ֨י אַבְרָהָ֜ם וּפַ֤חַד יִצְחָק֙ הָ֣יָה לִ֔י כִּ֥י עַתָּ֖ה רֵיקָ֣ם שִׁלַּחְתָּ֑נִי אֶת־עׇנְיִ֞י וְאֶת־יְגִ֧יעַ כַּפַּ֛י רָאָ֥ה אֱלֹהִ֖ים וַיּ֥וֹכַח אָֽמֶשׁ׃ אִלּוּ אֱלֹהֵי אָבִי – אֱלֹהֵי אַבְרָהָם וְיִרְאָתוֹ שֶׁל יִצְחָק – לֹא הָיָה עוֹזֵר לִי, הָיִיתָ עַכְשָׁיו מְשַׁחְרֵר אוֹתִי בְּלִי כְּלוּם! אֱלֹהִים רָאָה אֶת צַעֲרִי וְאֶת עֲמַל כַּפַּי וְהוֹכִיחַ הַלַּיְלָה.


שביעי

[עריכה]
מג וַיַּ֨עַן לָבָ֜ן וַיֹּ֣אמֶר אֶֽל־יַעֲקֹ֗ב הַבָּנ֨וֹת בְּנֹתַ֜י וְהַבָּנִ֤ים בָּנַי֙ וְהַצֹּ֣אן צֹאנִ֔י וְכֹ֛ל אֲשֶׁר־אַתָּ֥ה רֹאֶ֖ה לִי־ה֑וּא וְלִבְנֹתַ֞י מָֽה־אֶעֱשֶׂ֤ה לָאֵ֙לֶּה֙ הַיּ֔וֹם א֥וֹ לִבְנֵיהֶ֖ן אֲשֶׁ֥ר יָלָֽדוּ׃ לָבָן עָנָה וְאָמַר לְיַעֲקֹב: הַבָּנוֹת שֶׁלְּךָ הֵן בְּנוֹתַי, וְהַבָּנִים שֶׁלְּךָ הֵם בָּנַי, וְהַצֹּאן שֶׁלְּךָ הוּא צֹאנִי, וְכָל מַה שֶּׁאַתָּה רוֹאֶה – הוּא שֶׁלִּי, וְלִבְנוֹתַי – אֵיזֶה רַע אֲנִי יָכוֹל לַעֲשׂוֹת הַיּוֹם לָהֵן אוֹ לִבְנֵיהֶן שֶׁיָּלְדוּ?
מד וְעַתָּ֗ה לְכָ֛ה נִכְרְתָ֥ה בְרִ֖ית אֲנִ֣י וָאָ֑תָּה וְהָיָ֥ה לְעֵ֖ד בֵּינִ֥י וּבֵינֶֽךָ׃ וְעַכְשָׁיו בֹּא נַעֲשֶׂה אֲנִי וְאַתָּה הֶסְכֵּם שָׁלוֹם, וְיִהְיֶה סִימָן לְתֵעוּד בֵּינִי וּבֵינְךָ.
מה וַיִּקַּ֥ח יַעֲקֹ֖ב אָ֑בֶן וַיְרִימֶ֖הָ מַצֵּבָֽה׃ יַעֲקֹב לָקַח אֶבֶן וְהֵרִים אוֹתָהּ לַעֲשׂוֹת מַצֵּבָה.
מו וַיֹּ֨אמֶר יַעֲקֹ֤ב לְאֶחָיו֙ לִקְט֣וּ אֲבָנִ֔ים וַיִּקְח֥וּ אֲבָנִ֖ים וַיַּֽעֲשׂוּ־גָ֑ל וַיֹּ֥אכְלוּ שָׁ֖ם עַל־הַגָּֽל׃ יַעֲקֹב אָמַר לִקְרוֹבָיו: אִסְפוּ אֲבָנִים! הֵם לָקְחוּ אֲבָנִים וְעָשׂוּ עֲרֵמָה וְאָכְלוּ שָׁם עַל הָעֲרֵמָה.
מז וַיִּקְרָא־ל֣וֹ לָבָ֔ן יְגַ֖ר שָׂהֲדוּתָ֑א וְיַֽעֲקֹ֔ב קָ֥רָא ל֖וֹ גַּלְעֵֽד׃ לָבָן קָרָא לָהּ בַּאֲרָמִית 'יְגַר שָׂהֲדוּתָא', כְּלוֹמַר 'עֲרֵמַת הָעֵדוּת', וְיַעֲקֹב קָרָא לָהּ גַּל-עֵד.
מח וַיֹּ֣אמֶר לָבָ֔ן הַגַּ֨ל הַזֶּ֥ה עֵ֛ד בֵּינִ֥י וּבֵינְךָ֖ הַיּ֑וֹם עַל־כֵּ֥ן קָרָֽא־שְׁמ֖וֹ גַּלְעֵֽד׃ לָבָן אָמַר: גַּל הָאֲבָנִים הַזֶּה יְשַׁמֵּשׁ כְּעֵד בֵּינִי וּבֵינְךָ הַיּוֹם, לָכֵן נִקְרָא שְׁמוֹ 'גַּלְעֵד'.
מט וְהַמִּצְפָּה֙ אֲשֶׁ֣ר אָמַ֔ר יִ֥צֶף יְהֹוָ֖ה בֵּינִ֣י וּבֵינֶ֑ךָ כִּ֥י נִסָּתֵ֖ר אִ֥ישׁ מֵרֵעֵֽהוּ׃ וְנִקְרָא גַּם 'הַמִּצְפֶּה' כִּי אָמַר: ה' יַבִּיט בֵּינִי וּבֵינְךָ וְיָעִיד כְּשֶׁלֹּא נוּכַל לִרְאוֹת זֶה אֶת זֶה,
נ אִם־תְּעַנֶּ֣ה אֶת־בְּנֹתַ֗י וְאִם־תִּקַּ֤ח נָשִׁים֙ עַל־בְּנֹתַ֔י אֵ֥ין אִ֖ישׁ עִמָּ֑נוּ רְאֵ֕ה אֱלֹהִ֥ים עֵ֖ד בֵּינִ֥י וּבֵינֶֽךָ׃ אִם תְּעַנֶּה אֶת בְּנוֹתַי וְאִם תִּקַּח נָשִׁים נוֹסָפוֹת עַל בְּנוֹתַי, אָמְנָם אֵין אִישׁ אִתָּנוּ שֶׁרוֹאֶה – אֲבָל רְאֵה! אֱלֹהִים עֵד בֵּינִי וּבֵינְךָ!
נא וַיֹּ֥אמֶר לָבָ֖ן לְיַעֲקֹ֑ב הִנֵּ֣ה ׀ הַגַּ֣ל הַזֶּ֗ה וְהִנֵּה֙ הַמַּצֵּבָ֔ה אֲשֶׁ֥ר יָרִ֖יתִי בֵּינִ֥י וּבֵינֶֽךָ׃ לָבָן אָמַר לְיַעֲקֹב: הִנֵּה הָעֲרֵמָה הַזֹּאת וְהִנֵּה הַמַּצֵּבָה שֶׁהֵקַמְתִּי בֵּינִי וּבֵינְךָ.
נב עֵ֚ד הַגַּ֣ל הַזֶּ֔ה וְעֵדָ֖ה הַמַּצֵּבָ֑ה אִם־אָ֗נִי לֹֽא־אֶעֱבֹ֤ר אֵלֶ֙יךָ֙ אֶת־הַגַּ֣ל הַזֶּ֔ה וְאִם־אַ֠תָּ֠ה לֹא־תַעֲבֹ֨ר אֵלַ֜י אֶת־הַגַּ֥ל הַזֶּ֛ה וְאֶת־הַמַּצֵּבָ֥ה הַזֹּ֖את לְרָעָֽה׃ גַּל הָאֲבָנִים הַזֶּה יִהְיֶה עֵד וְהַמַּצֵּבָה תִּהְיֶה עֵדָה, שֶׁאֲנִי לֹא אֶעֱבוֹר אֶת הַגַּל הַזֶּה וְגַם אַתָּה לֹא תַּעֲבוֹר אֶת הַגַּל הַזֶּה וְאֶת הַמַּצֵּבָה הַזֹּאת לַעֲשׂוֹת רָע.
נג אֱלֹהֵ֨י אַבְרָהָ֜ם וֵֽאלֹהֵ֤י נָחוֹר֙ יִשְׁפְּט֣וּ בֵינֵ֔ינוּ אֱלֹהֵ֖י אֲבִיהֶ֑ם וַיִּשָּׁבַ֣ע יַעֲקֹ֔ב בְּפַ֖חַד אָבִ֥יו יִצְחָֽק׃ אֱלֹהֵי אַבְרָהָם וֵאלֹהֵי נָחוֹר יִשְׁפְּטוּ בֵּינֵינוּ – הֵם אֱלֹהֵי אֲבוֹתֵיהֶם, אֲבָל יַעֲקֹב נִשְׁבַּע רַק בְּשֵׁם הָאֱלֹהִים שֶׁיִּצְחָק אָבִיו הָיָה יָרֵא.
נד וַיִּזְבַּ֨ח יַעֲקֹ֥ב זֶ֙בַח֙ בָּהָ֔ר וַיִּקְרָ֥א לְאֶחָ֖יו לֶאֱכׇל־לָ֑חֶם וַיֹּ֣אכְלוּ לֶ֔חֶם וַיָּלִ֖ינוּ בָּהָֽר׃ יַעֲקֹב שָׁחַט שָׁם בָּהָר בְּהֵמָה וְקָרָא לִקְרוֹבָיו לֶאֱכוֹל סְעוּדָה, הֵם סָעֲדוּ וְיָשְׁנוּ בָּהָר.


מפטיר

[עריכה]
לב א וַיַּשְׁכֵּ֨ם לָבָ֜ן בַּבֹּ֗קֶר וַיְנַשֵּׁ֧ק לְבָנָ֛יו וְלִבְנוֹתָ֖יו וַיְבָ֣רֶךְ אֶתְהֶ֑ם וַיֵּ֛לֶךְ וַיָּ֥שׇׁב לָבָ֖ן לִמְקֹמֽוֹ׃ לָבָן הִשְׁכִּים בַּבּוֹקֶר וְנִשֵּׁק לְבָנָיו וְלִבְנוֹתָיו וּבֵרֵךְ אוֹתָם, וְלָבָן הָלַךְ וְחָזַר לִמְקוֹמוֹ.
ב וְיַעֲקֹ֖ב הָלַ֣ךְ לְדַרְכּ֑וֹ וַיִּפְגְּעוּ־ב֖וֹ מַלְאֲכֵ֥י אֱלֹהִֽים׃ וְיַעֲקֹב הָלַךְ לְדַרְכּוֹ וּפָגְשׁוּ אוֹתוֹ מַלְאֲכֵי אֱלֹהִים.
ג וַיֹּ֤אמֶר יַעֲקֹב֙ כַּאֲשֶׁ֣ר רָאָ֔ם מַחֲנֵ֥ה אֱלֹהִ֖ים זֶ֑ה וַיִּקְרָ֛א שֵֽׁם־הַמָּק֥וֹם הַה֖וּא מַֽחֲנָֽיִם׃ אָמַר יַעֲקֹב כְּשֶׁרָאָה אוֹתָם: זֶה מַחֲנֵה אֱלֹהִים! וְהוּא קָרָא אֶת שֵׁם הַמָּקוֹם הַהוּא מַחֲנַיִם.
אוחזר מתוך "https://he.wikisource.org/w/index.php?title=מקרא_מבואר/תצוגה/ספר_בראשית/פרשת_ויצא&oldid=964207"