יהושע ניקוד מסומן

מהדורות נוספות של יהושע: ללא ניקוד :: עם טעמי המקרא :: עם פירוש :: תצוגה: מסורתית :: עם סימון הפסוקים :: בשורות נפרדות

---

וַיְצַו יְהוֹשֻׁעַ אֶת שֹׁטְרֵי הָעָם לֵאמֹר. עִבְרוּ בְּקֶרֶב הַמַּחֲנֶה וְצַוּוּ אֶת הָעָם לֵאמֹר הָכִינוּ לָכֶם צֵידָה כִּי בְּעוֹד שְׁלֹשֶׁת יָמִים אַתֶּם עֹבְרִים אֶת הַיַּרְדֵּן הַזֶּה לָבוֹא לָרֶשֶׁת אֶת הָאָרֶץ אֲשֶׁר יְהוָה אֱלֹהֵיכֶם נֹתֵן לָכֶם לְרִשְׁתָּהּ.

וְלָראוּבֵנִי וְלַגָּדִי וְלַחֲצִי שֵׁבֶט הַמְנַשֶּׁה אָמַר יְהוֹשֻׁעַ לֵאמֹר. זָכוֹר אֶת הַדָּבָר אֲשֶׁר צִוָּה אֶתְכֶם מֹשֶׁה עֶבֶד יְהוָה לֵאמֹר יְהוָה אֱלֹהֵיכֶם מֵנִיחַ לָכֶם וְנָתַן לָכֶם אֶת הָאָרֶץ הַזֹּאת. נְשֵׁיכֶם טַפְּכֶם וּמִקְנֵיכֶם יֵשְׁבוּ בָּאָרֶץ אֲשֶׁר נָתַן לָכֶם מֹשֶׁה בְּעֵבֶר הַיַּרְדֵּן וְאַתֶּם תַּעַבְרוּ חֲמֻשִׁים לִפְנֵי אֲחֵיכֶם כֹּל גִּבּוֹרֵי הַחַיִל וַעֲזַרְתֶּם אוֹתָם. עַד אֲשֶׁר יָנִיחַ יְהוָה לַאֲחֵיכֶם כָּכֶם וְיָרְשׁוּ גַם הֵמָּה אֶת הָאָרֶץ אֲשֶׁר יְהוָה אֱלֹהֵיכֶם נֹתֵן לָהֶם וְשַׁבְתֶּם לְאֶרֶץ יְרֻשַּׁתְכֶם וִירִשְׁתֶּם אוֹתָהּ אֲשֶׁר נָתַן לָכֶם מֹשֶׁה עֶבֶד יְהוָה בְּעֵבֶר הַיַּרְדֵּן מִזְרַח הַשָּׁמֶשׁ. וַיַּעֲנוּ אֶת יְהוֹשֻׁעַ לֵאמֹר כֹּל אֲשֶׁר צִוִּיתָנוּ נַעֲשֶׂה וְאֶל כָּל אֲשֶׁר תִּשְׁלָחֵנוּ נֵלֵךְ. כְּכֹל אֲשֶׁר שָׁמַעְנוּ אֶל מֹשֶׁה כֵּן נִשְׁמַע אֵלֶיךָ רַק יִהְיֶה יְהוָה אֱלֹהֶיךָ עִמָּךְ כַּאֲשֶׁר הָיָה עִם מֹשֶׁה. כָּל אִישׁ אֲשֶׁר יַמְרֶה אֶת פִּיךָ וְלֹא יִשְׁמַע אֶת דְּבָרֶיךָ לְכֹל אֲשֶׁר תְּצַוֶּנּוּ יוּמָת רַק חֲזַק וֶאֱמָץ.

וַיִּשְׁלַח יְהוֹשֻׁעַ בִּן נוּן מִן הַשִּׁטִּים שְׁנַיִם אֲנָשִׁים מְרַגְּלִים חֶרֶשׁ לֵאמֹר לְכוּ רְאוּ אֶת הָאָרֶץ וְאֶת יְרִיחוֹ וַיֵּלְכוּ וַיָּבֹאוּ בֵּית אִשָּׁה זוֹנָה וּשְׁמָהּ רָחָב וַיִּשְׁכְּבוּ שָׁמָּה. וַיֵּאָמַר לְמֶלֶךְ יְרִיחוֹ לֵאמֹר הִנֵּה אֲנָשִׁים בָּאוּ הֵנָּה הַלַּיְלָה מִבְּנֵי יִשְׂרָאֵל לַחְפֹּר אֶת הָאָרֶץ. וַיִּשְׁלַח מֶלֶךְ יְרִיחוֹ אֶל רָחָב לֵאמֹר הוֹצִיאִי הָאֲנָשִׁים הַבָּאִים אֵלַיִךְ אֲשֶׁר בָּאוּ לְבֵיתֵךְ כִּי לַחְפֹּר אֶת כָּל הָאָרֶץ בָּאוּ. וַתִּקַּח הָאִשָּׁה אֶת שְׁנֵי הָאֲנָשִׁים וַתִּצְפְּנוֹ וַתֹּאמֶר כֵּן בָּאוּ אֵלַי הָאֲנָשִׁים וְלֹא יָדַעְתִּי מֵאַיִן הֵמָּה. וַיְהִי הַשַּׁעַר לִסְגּוֹר בַּחֹשֶׁךְ וְהָאֲנָשִׁים יָצָאוּ לֹא יָדַעְתִּי אָנָה הָלְכוּ הָאֲנָשִׁים רִדְפוּ מַהֵר אַחֲרֵיהֶם כִּי תַשִּׂיגוּם. וְהִיא הֶעֱלָתַם הַגָּגָה וַתִּטְמְנֵם בְּפִשְׁתֵּי הָעֵץ הָעֲרֻכוֹת לָהּ עַל הַגָּג. וְהָאֲנָשִׁים רָדְפוּ אַחֲרֵיהֶם דֶּרֶךְ הַיַּרְדֵּן עַל הַמַּעְבְּרוֹת וְהַשַּׁעַר סָגָרוּ אַחֲרֵי כַּאֲשֶׁר יָצְאוּ הָרֹדְפִים אַחֲרֵיהֶם. וְהֵמָּה טֶרֶם יִשְׁכָּבוּן וְהִיא עָלְתָה עֲלֵיהֶם עַל הַגָּג. וַתֹּאמֶר אֶל הָאֲנָשִׁים יָדַעְתִּי כִּי נָתַן יְהוָה לָכֶם אֶת הָאָרֶץ וְכִי נָפְלָה אֵימַתְכֶם עָלֵינוּ וְכִי נָמֹגוּ כָּל יֹשְׁבֵי הָאָרֶץ מִפְּנֵיכֶם. כִּי שָׁמַעְנוּ אֵת אֲשֶׁר הוֹבִישׁ יְהוָה אֶת מֵי יַם סוּף מִפְּנֵיכֶם בְּצֵאתְכֶם מִמִּצְרָיִם וַאֲשֶׁר עֲשִׂיתֶם לִשְׁנֵי מַלְכֵי הָאֱמֹרִי אֲשֶׁר בְּעֵבֶר הַיַּרְדֵּן לְסִיחֹן וּלְעוֹג אֲשֶׁר הֶחֱרַמְתֶּם אוֹתָם. וַנִּשְׁמַע וַיִּמַּס לְבָבֵנוּ וְלֹא קָמָה עוֹד רוּחַ בְּאִישׁ מִפְּנֵיכֶם כִּי יְהוָה אֱלֹהֵיכֶם הוּא אֱלֹהִים בַּשָּׁמַיִם מִמַּעַל וְעַל הָאָרֶץ מִתָּחַת. וְעַתָּה הִשָּׁבְעוּ נָא לִי בַּיהוָה כִּי עָשִׂיתִי עִמָּכֶם חָסֶד וַעֲשִׂיתֶם גַּם אַתֶּם עִם בֵּית אָבִי חֶסֶד וּנְתַתֶּם לִי אוֹת אֱמֶת. וְהַחֲיִתֶם אֶת אָבִי וְאֶת אִמִּי וְאֶת אַחַי וְאֶת אחותי [אַחְיוֹתַי] וְאֵת כָּל אֲשֶׁר לָהֶם וְהִצַּלְתֶּם אֶת נַפְשֹׁתֵינוּ מִמָּוֶת. וַיֹּאמְרוּ לָהּ הָאֲנָשִׁים נַפְשֵׁנוּ תַחְתֵּיכֶם לָמוּת אִם לֹא תַגִּידוּ אֶת דְּבָרֵנוּ זֶה וְהָיָה בְּתֵת יְהוָה לָנוּ אֶת הָאָרֶץ וְעָשִׂינוּ עִמָּךְ חֶסֶד וֶאֱמֶת. וַתּוֹרִדֵם בַּחֶבֶל בְּעַד הַחַלּוֹן כִּי בֵיתָהּ בְּקִיר הַחוֹמָה וּבַחוֹמָה הִיא יוֹשָׁבֶת. וַתֹּאמֶר לָהֶם הָהָרָה לֵּכוּ פֶּן יִפְגְּעוּ בָכֶם הָרֹדְפִים וְנַחְבֵּתֶם שָׁמָּה שְׁלֹשֶׁת יָמִים עַד שׁוֹב הָרֹדְפִים וְאַחַר תֵּלְכוּ לְדַרְכְּכֶם. וַיֹּאמְרוּ אֵלֶיהָ הָאֲנָשִׁים נְקִיִּם אֲנַחְנוּ מִשְּׁבֻעָתֵךְ הַזֶּה אֲשֶׁר הִשְׁבַּעְתָּנוּ. הִנֵּה אֲנַחְנוּ בָאִים בָּאָרֶץ אֶת תִּקְוַת חוּט הַשָּׁנִי הַזֶּה תִּקְשְׁרִי בַּחַלּוֹן אֲשֶׁר הוֹרַדְתֵּנוּ בוֹ וְאֶת אָבִיךְ וְאֶת אִמֵּךְ וְאֶת אַחַיִךְ וְאֵת כָּל בֵּית אָבִיךְ תַּאַסְפִי אֵלַיִךְ הַבָּיְתָה. וְהָיָה כֹּל אֲשֶׁר יֵצֵא מִדַּלְתֵי בֵיתֵךְ הַחוּצָה דָּמוֹ בְרֹאשׁוֹ וַאֲנַחְנוּ נְקִיִּם וְכֹל אֲשֶׁר יִהְיֶה אִתָּךְ בַּבַּיִת דָּמוֹ בְרֹאשֵׁנוּ אִם יָד תִּהְיֶה בּוֹ. וְאִם תַּגִּידִי אֶת דְּבָרֵנוּ זֶה וְהָיִינוּ נְקִיִּם מִשְּׁבֻעָתֵךְ אֲשֶׁר הִשְׁבַּעְתָּנוּ. וַתֹּאמֶר כְּדִבְרֵיכֶם כֶּן הוּא וַתְּשַׁלְּחֵם וַיֵּלֵכוּ וַתִּקְשֹׁר אֶת תִּקְוַת הַשָּׁנִי בַּחַלּוֹן. וַיֵּלְכוּ וַיָּבֹאוּ הָהָרָה וַיֵּשְׁבוּ שָׁם שְׁלֹשֶׁת יָמִים עַד שָׁבוּ הָרֹדְפִים וַיְבַקְשׁוּ הָרֹדְפִים בְּכָל הַדֶּרֶךְ וְלֹא מָצָאוּ. וַיָּשֻׁבוּ שְׁנֵי הָאֲנָשִׁים וַיֵּרְדוּ מֵהָהָר וַיַּעַבְרוּ וַיָּבֹאוּ אֶל יְהוֹשֻׁעַ בִּן נוּן וַיְסַפְּרוּ לוֹ אֵת כָּל הַמֹּצְאוֹת אוֹתָם. וַיֹּאמְרוּ אֶל יְהוֹשֻׁעַ כִּי נָתַן יְהוָה בְּיָדֵנוּ אֶת כָּל הָאָרֶץ וְגַם נָמֹגוּ כָּל יֹשְׁבֵי הָאָרֶץ מִפָּנֵינוּ.

וַיַּשְׁכֵּם יְהוֹשֻׁעַ בַּבֹּקֶר וַיִּסְעוּ מֵהַשִּׁטִּים וַיָּבֹאוּ עַד הַיַּרְדֵּן הוּא וְכָל בְּנֵי יִשְׂרָאֵל וַיָּלִנוּ שָׁם טֶרֶם יַעֲבֹרוּ. וַיְהִי מִקְצֵה שְׁלֹשֶׁת יָמִים וַיַּעַבְרוּ הַשֹּׁטְרִים בְּקֶרֶב הַמַּחֲנֶה. וַיְצַוּוּ אֶת הָעָם לֵאמֹר כִּרְאוֹתְכֶם אֵת אֲרוֹן בְּרִית יְהוָה אֱלֹהֵיכֶם וְהַכֹּהֲנִים הַלְוִיִּם נֹשְׂאִים אֹתוֹ וְאַתֶּם תִּסְעוּ מִמְּקוֹמְכֶם וַהֲלַכְתֶּם אַחֲרָיו. אַךְ רָחוֹק יִהְיֶה בֵּינֵיכֶם ובינו [וּבֵינָיו] כְּאַלְפַּיִם אַמָּה בַּמִּדָּה אַל תִּקְרְבוּ אֵלָיו לְמַעַן אֲשֶׁר תֵּדְעוּ אֶת הַדֶּרֶךְ אֲשֶׁר תֵּלְכוּ בָהּ כִּי לֹא עֲבַרְתֶּם בַּדֶּרֶךְ מִתְּמוֹל שִׁלְשׁוֹם.

וַיֹּאמֶר יְהוֹשֻׁעַ אֶל הָעָם הִתְקַדָּשׁוּ כִּי מָחָר יַעֲשֶׂה יְהוָה בְּקִרְבְּכֶם נִפְלָאוֹת. וַיֹּאמֶר יְהוֹשֻׁעַ אֶל הַכֹּהֲנִים לֵאמֹר שְׂאוּ אֶת אֲרוֹן הַבְּרִית וְעִבְרוּ לִפְנֵי הָעָם וַיִּשְׂאוּ אֶת אֲרוֹן הַבְּרִית וַיֵּלְכוּ לִפְנֵי הָעָם.

וַיֹּאמֶר יְהוָה אֶל יְהוֹשֻׁעַ הַיּוֹם הַזֶּה אָחֵל גַּדֶּלְךָ בְּעֵינֵי כָּל יִשְׂרָאֵל אֲשֶׁר יֵדְעוּן כִּי כַּאֲשֶׁר הָיִיתִי עִם מֹשֶׁה אֶהְיֶה עִמָּךְ. וְאַתָּה תְּצַוֶּה אֶת הַכֹּהֲנִים נֹשְׂאֵי אֲרוֹן הַבְּרִית לֵאמֹר כְּבֹאֲכֶם עַד קְצֵה מֵי הַיַּרְדֵּן בַּיַּרְדֵּן תַּעֲמֹדוּ.

וַיֹּאמֶר יְהוֹשֻׁעַ אֶל בְּנֵי יִשְׂרָאֵל גֹּשׁוּ הֵנָּה וְשִׁמְעוּ אֶת דִּבְרֵי יְהוָה אֱלֹהֵיכֶם. וַיֹּאמֶר יְהוֹשֻׁעַ בְּזֹאת תֵּדְעוּן כִּי אֵל חַי בְּקִרְבְּכֶם וְהוֹרֵשׁ יוֹרִישׁ מִפְּנֵיכֶם אֶת הַכְּנַעֲנִי וְאֶת הַחִתִּי וְאֶת הַחִוִּי וְאֶת הַפְּרִזִּי וְאֶת הַגִּרְגָּשִׁי וְהָאֱמֹרִי וְהַיְבוּסִי. הִנֵּה אֲרוֹן הַבְּרִית אֲדוֹן כָּל הָאָרֶץ עֹבֵר לִפְנֵיכֶם בַּיַּרְדֵּן. וְעַתָּה קְחוּ לָכֶם שְׁנֵי עָשָׂר אִישׁ מִשִּׁבְטֵי יִשְׂרָאֵל אִישׁ אֶחָד אִישׁ אֶחָד לַשָּׁבֶט. וְהָיָה כְּנוֹחַ כַּפּוֹת רַגְלֵי הַכֹּהֲנִים נֹשְׂאֵי אֲרוֹן יְהוָה אֲדוֹן כָּל הָאָרֶץ בְּמֵי הַיַּרְדֵּן מֵי הַיַּרְדֵּן יִכָּרֵתוּן הַמַּיִם הַיֹּרְדִים מִלְמָעְלָה וְיַעַמְדוּ נֵד אֶחָד. וַיְהִי בִּנְסֹעַ הָעָם מֵאָהֳלֵיהֶם לַעֲבֹר אֶת הַיַּרְדֵּן וְהַכֹּהֲנִים נֹשְׂאֵי הָאָרוֹן הַבְּרִית לִפְנֵי הָעָם. וּכְבוֹא נֹשְׂאֵי הָאָרוֹן עַד הַיַּרְדֵּן וְרַגְלֵי הַכֹּהֲנִים נֹשְׂאֵי הָאָרוֹן נִטְבְּלוּ בִּקְצֵה הַמָּיִם וְהַיַּרְדֵּן מָלֵא עַל כָּל גְּדוֹתָיו כֹּל יְמֵי קָצִיר. וַיַּעַמְדוּ הַמַּיִם הַיֹּרְדִים מִלְמַעְלָה קָמוּ נֵד אֶחָד הַרְחֵק מְאֹד באדם [מֵאָדָם] הָעִיר אֲשֶׁר מִצַּד צָרְתָן וְהַיֹּרְדִים עַל יָם הָעֲרָבָה יָם הַמֶּלַח תַּמּוּ נִכְרָתוּ וְהָעָם עָבְרוּ נֶגֶד יְרִיחוֹ. וַיַּעַמְדוּ הַכֹּהֲנִים נֹשְׂאֵי הָאָרוֹן בְּרִית יְהוָה בֶּחָרָבָה בְּתוֹךְ הַיַּרְדֵּן הָכֵן וְכָל יִשְׂרָאֵל עֹבְרִים בֶּחָרָבָה עַד אֲשֶׁר תַּמּוּ כָּל הַגּוֹי לַעֲבֹר אֶת הַיַּרְדֵּן. וַיְהִי כַּאֲשֶׁר תַּמּוּ כָל הַגּוֹי לַעֲבוֹר אֶת הַיַּרְדֵּן וַיֹּאמֶר יְהוָה אֶל יְהוֹשֻׁעַ לֵאמֹר.

קְחוּ לָכֶם מִן הָעָם שְׁנֵים עָשָׂר אֲנָשִׁים אִישׁ אֶחָד אִישׁ אֶחָד מִשָּׁבֶט. וְצַוּוּ אוֹתָם לֵאמֹר שְׂאוּ לָכֶם מִזֶּה מִתּוֹךְ הַיַּרְדֵּן מִמַּצַּב רַגְלֵי הַכֹּהֲנִים הָכִין שְׁתֵּים עֶשְׂרֵה אֲבָנִים וְהַעֲבַרְתֶּם אוֹתָם עִמָּכֶם וְהִנַּחְתֶּם אוֹתָם בַּמָּלוֹן אֲשֶׁר תָּלִינוּ בוֹ הַלָּיְלָה.

וַיִּקְרָא יְהוֹשֻׁעַ אֶל שְׁנֵים הֶעָשָׂר אִישׁ אֲשֶׁר הֵכִין מִבְּנֵי יִשְׂרָאֵל אִישׁ אֶחָד אִישׁ אֶחָד מִשָּׁבֶט. וַיֹּאמֶר לָהֶם יְהוֹשֻׁעַ עִבְרוּ לִפְנֵי אֲרוֹן יְהוָה אֱלֹהֵיכֶם אֶל תּוֹךְ הַיַּרְדֵּן וְהָרִימוּ לָכֶם אִישׁ אֶבֶן אַחַת עַל שִׁכְמוֹ לְמִסְפַּר שִׁבְטֵי בְנֵי יִשְׂרָאֵל. לְמַעַן תִּהְיֶה זֹאת אוֹת בְּקִרְבְּכֶם כִּי יִשְׁאָלוּן בְּנֵיכֶם מָחָר לֵאמֹר מָה הָאֲבָנִים הָאֵלֶּה לָכֶם. וַאֲמַרְתֶּם לָהֶם אֲשֶׁר נִכְרְתוּ מֵימֵי הַיַּרְדֵּן מִפְּנֵי אֲרוֹן בְּרִית יְהוָה בְּעָבְרוֹ בַּיַּרְדֵּן נִכְרְתוּ מֵי הַיַּרְדֵּן וְהָיוּ הָאֲבָנִים הָאֵלֶּה לְזִכָּרוֹן לִבְנֵי יִשְׂרָאֵל עַד עוֹלָם. וַיַּעֲשׂוּ כֵן בְּנֵי יִשְׂרָאֵל כַּאֲשֶׁר צִוָּה יְהוֹשֻׁעַ וַיִּשְׂאוּ שְׁתֵּי עֶשְׂרֵה אֲבָנִים מִתּוֹךְ הַיַּרְדֵּן כַּאֲשֶׁר דִּבֶּר יְהוָה אֶל יְהוֹשֻׁעַ לְמִסְפַּר שִׁבְטֵי בְנֵי יִשְׂרָאֵל וַיַּעֲבִרוּם עִמָּם אֶל הַמָּלוֹן וַיַּנִּחוּם שָׁם. וּשְׁתֵּים עֶשְׂרֵה אֲבָנִים הֵקִים יְהוֹשֻׁעַ בְּתוֹךְ הַיַּרְדֵּן תַּחַת מַצַּב רַגְלֵי הַכֹּהֲנִים נֹשְׂאֵי אֲרוֹן הַבְּרִית וַיִּהְיוּ שָׁם עַד הַיּוֹם הַזֶּה. וְהַכֹּהֲנִים נֹשְׂאֵי הָאָרוֹן עֹמְדִים בְּתוֹךְ הַיַּרְדֵּן עַד תֹּם כָּל הַדָּבָר אֲשֶׁר צִוָּה יְהוָה אֶת יְהוֹשֻׁעַ לְדַבֵּר אֶל הָעָם כְּכֹל אֲשֶׁר צִוָּה מֹשֶׁה אֶת יְהוֹשֻׁעַ וַיְמַהֲרוּ הָעָם וַיַּעֲבֹרוּ. וַיְהִי כַּאֲשֶׁר תַּם כָּל הָעָם לַעֲבוֹר וַיַּעֲבֹר אֲרוֹן יְהוָה וְהַכֹּהֲנִים לִפְנֵי הָעָם. וַיַּעַבְרוּ בְּנֵי רְאוּבֵן וּבְנֵי גָד וַחֲצִי שֵׁבֶט הַמְנַשֶּׁה חֲמֻשִׁים לִפְנֵי בְּנֵי יִשְׂרָאֵל כַּאֲשֶׁר דִּבֶּר אֲלֵיהֶם מֹשֶׁה. כְּאַרְבָּעִים אֶלֶף חֲלוּצֵי הַצָּבָא עָבְרוּ לִפְנֵי יְהוָה לַמִּלְחָמָה אֶל עַרְבוֹת יְרִיחוֹ.

בַּיּוֹם הַהוּא גִּדַּל יְהוָה אֶת יְהוֹשֻׁעַ בְּעֵינֵי כָּל יִשְׂרָאֵל וַיִּרְאוּ אֹתוֹ כַּאֲשֶׁר יָרְאוּ אֶת מֹשֶׁה כָּל יְמֵי חַיָּיו.

וַיֹּאמֶר יְהוָה אֶל יְהוֹשֻׁעַ לֵאמֹר. צַוֵּה אֶת הַכֹּהֲנִים נֹשְׂאֵי אֲרוֹן הָעֵדוּת וְיַעֲלוּ מִן הַיַּרְדֵּן. וַיְצַו יְהוֹשֻׁעַ אֶת הַכֹּהֲנִים לֵאמֹר עֲלוּ מִן הַיַּרְדֵּן. וַיְהִי בעלות [כַּעֲלוֹת] הַכֹּהֲנִים נֹשְׂאֵי אֲרוֹן בְּרִית יְהוָה מִתּוֹךְ הַיַּרְדֵּן נִתְּקוּ כַּפּוֹת רַגְלֵי הַכֹּהֲנִים אֶל הֶחָרָבָה וַיָּשֻׁבוּ מֵי הַיַּרְדֵּן לִמְקוֹמָם וַיֵּלְכוּ כִתְמוֹל שִׁלְשׁוֹם עַל כָּל גְּדוֹתָיו. וְהָעָם עָלוּ מִן הַיַּרְדֵּן בֶּעָשׂוֹר לַחֹדֶשׁ הָרִאשׁוֹן וַיַּחֲנוּ בַּגִּלְגָּל בִּקְצֵה מִזְרַח יְרִיחוֹ. וְאֵת שְׁתֵּים עֶשְׂרֵה הָאֲבָנִים הָאֵלֶּה אֲשֶׁר לָקְחוּ מִן הַיַּרְדֵּן הֵקִים יְהוֹשֻׁעַ בַּגִּלְגָּל. וַיֹּאמֶר אֶל בְּנֵי יִשְׂרָאֵל לֵאמֹר אֲשֶׁר יִשְׁאָלוּן בְּנֵיכֶם מָחָר אֶת אֲבוֹתָם לֵאמֹר מָה הָאֲבָנִים הָאֵלֶּה. וְהוֹדַעְתֶּם אֶת בְּנֵיכֶם לֵאמֹר בַּיַּבָּשָׁה עָבַר יִשְׂרָאֵל אֶת הַיַּרְדֵּן הַזֶּה. אֲשֶׁר הוֹבִישׁ יְהוָה אֱלֹהֵיכֶם אֶת מֵי הַיַּרְדֵּן מִפְּנֵיכֶם עַד עָבְרְכֶם כַּאֲשֶׁר עָשָׂה יְהוָה אֱלֹהֵיכֶם לְיַם סוּף אֲשֶׁר הוֹבִישׁ מִפָּנֵינוּ עַד עָבְרֵנוּ. לְמַעַן דַּעַת כָּל עַמֵּי הָאָרֶץ אֶת יַד יְהוָה כִּי חֲזָקָה הִיא לְמַעַן יְרָאתֶם אֶת יְהוָה אֱלֹהֵיכֶם כָּל הַיָּמִים.

וַיְהִי כִשְׁמֹעַ כָּל מַלְכֵי הָאֱמֹרִי אֲשֶׁר בְּעֵבֶר הַיַּרְדֵּן יָמָּה וְכָל מַלְכֵי הַכְּנַעֲנִי אֲשֶׁר עַל הַיָּם אֵת אֲשֶׁר הוֹבִישׁ יְהוָה אֶת מֵי הַיַּרְדֵּן מִפְּנֵי בְנֵי יִשְׂרָאֵל עַד עברנו [עָבְרָם] וַיִּמַּס לְבָבָם וְלֹא הָיָה בָם עוֹד רוּחַ מִפְּנֵי בְּנֵי יִשְׂרָאֵל.

בָּעֵת הַהִיא אָמַר יְהוָה אֶל יְהוֹשֻׁעַ עֲשֵׂה לְךָ חַרְבוֹת צֻרִים וְשׁוּב מֹל אֶת בְּנֵי יִשְׂרָאֵל שֵׁנִית. וַיַּעַשׂ לוֹ יְהוֹשֻׁעַ חַרְבוֹת צֻרִים וַיָּמָל אֶת בְּנֵי יִשְׂרָאֵל אֶל גִּבְעַת הָעֲרָלוֹת. וְזֶה הַדָּבָר אֲשֶׁר מָל יְהוֹשֻׁעַ כָּל הָעָם הַיֹּצֵא מִמִּצְרַיִם הַזְּכָרִים כֹּל אַנְשֵׁי הַמִּלְחָמָה מֵתוּ בַמִּדְבָּר בַּדֶּרֶךְ בְּצֵאתָם מִמִּצְרָיִם. כִּי מֻלִים הָיוּ כָּל הָעָם הַיֹּצְאִים וְכָל הָעָם הַיִּלֹּדִים בַּמִּדְבָּר בַּדֶּרֶךְ בְּצֵאתָם מִמִּצְרַיִם לֹא מָלוּ. כִּי אַרְבָּעִים שָׁנָה הָלְכוּ בְנֵי יִשְׂרָאֵל בַּמִּדְבָּר עַד תֹּם כָּל הַגּוֹי אַנְשֵׁי הַמִּלְחָמָה הַיֹּצְאִים מִמִּצְרַיִם אֲשֶׁר לֹא שָׁמְעוּ בְּקוֹל יְהוָה אֲשֶׁר נִשְׁבַּע יְהוָה לָהֶם לְבִלְתִּי הַרְאוֹתָם אֶת הָאָרֶץ אֲשֶׁר נִשְׁבַּע יְהוָה לַאֲבוֹתָם לָתֶת לָנוּ אֶרֶץ זָבַת חָלָב וּדְבָשׁ. וְאֶת בְּנֵיהֶם הֵקִים תַּחְתָּם אֹתָם מָל יְהוֹשֻׁעַ כִּי עֲרֵלִים הָיוּ כִּי לֹא מָלוּ אוֹתָם בַּדָּרֶךְ. וַיְהִי כַּאֲשֶׁר תַּמּוּ כָל הַגּוֹי לְהִמּוֹל וַיֵּשְׁבוּ תַחְתָּם בַּמַּחֲנֶה עַד חֲיוֹתָם.

וַיֹּאמֶר יְהוָה אֶל יְהוֹשֻׁעַ הַיּוֹם גַּלּוֹתִי אֶת חֶרְפַּת מִצְרַיִם מֵעֲלֵיכֶם וַיִּקְרָא שֵׁם הַמָּקוֹם הַהוּא גִּלְגָּל עַד הַיּוֹם הַזֶּה. וַיַּחֲנוּ בְנֵי יִשְׂרָאֵל בַּגִּלְגָּל וַיַּעֲשׂוּ אֶת הַפֶּסַח בְּאַרְבָּעָה עָשָׂר יוֹם לַחֹדֶשׁ בָּעֶרֶב בְּעַרְבוֹת יְרִיחוֹ. וַיֹּאכְלוּ מֵעֲבוּר הָאָרֶץ מִמָּחֳרַת הַפֶּסַח מַצּוֹת וְקָלוּי בְּעֶצֶם הַיּוֹם הַזֶּה. וַיִּשְׁבֹּת הַמָּן מִמָּחֳרָת בְּאָכְלָם מֵעֲבוּר הָאָרֶץ וְלֹא הָיָה עוֹד לִבְנֵי יִשְׂרָאֵל מָן וַיֹּאכְלוּ מִתְּבוּאַת אֶרֶץ כְּנַעַן בַּשָּׁנָה הַהִיא.

וַיְהִי בִּהְיוֹת יְהוֹשֻׁעַ בִּירִיחוֹ וַיִּשָּׂא עֵינָיו וַיַּרְא וְהִנֵּה אִישׁ עֹמֵד לְנֶגְדּוֹ וְחַרְבּוֹ שְׁלוּפָה בְּיָדוֹ וַיֵּלֶךְ יְהוֹשֻׁעַ אֵלָיו וַיֹּאמֶר לוֹ הֲלָנוּ אַתָּה אִם לְצָרֵינוּ. וַיֹּאמֶר לֹא כִּי אֲנִי שַׂר צְבָא יְהוָה עַתָּה בָאתִי וַיִּפֹּל יְהוֹשֻׁעַ אֶל פָּנָיו אַרְצָה וַיִּשְׁתָּחוּ וַיֹּאמֶר לוֹ מָה אֲדֹנִי מְדַבֵּר אֶל עַבְדּוֹ. וַיֹּאמֶר שַׂר צְבָא יְהוָה אֶל יְהוֹשֻׁעַ שַׁל נַעַלְךָ מֵעַל רַגְלֶךָ כִּי הַמָּקוֹם אֲשֶׁר אַתָּה עֹמֵד עָלָיו קֹדֶשׁ הוּא וַיַּעַשׂ יְהוֹשֻׁעַ כֵּן. וִירִיחוֹ סֹגֶרֶת וּמְסֻגֶּרֶת מִפְּנֵי בְּנֵי יִשְׂרָאֵל אֵין יוֹצֵא וְאֵין בָּא.

וַיֹּאמֶר יְהוָה אֶל יְהוֹשֻׁעַ רְאֵה נָתַתִּי בְיָדְךָ אֶת יְרִיחוֹ וְאֶת מַלְכָּהּ גִּבּוֹרֵי הֶחָיִל. וְסַבֹּתֶם אֶת הָעִיר כֹּל אַנְשֵׁי הַמִּלְחָמָה הַקֵּיף אֶת הָעִיר פַּעַם אֶחָת כֹּה תַעֲשֶׂה שֵׁשֶׁת יָמִים. וְשִׁבְעָה כֹהֲנִים יִשְׂאוּ שִׁבְעָה שׁוֹפְרוֹת הַיּוֹבְלִים לִפְנֵי הָאָרוֹן וּבַיּוֹם הַשְּׁבִיעִי תָּסֹבּוּ אֶת הָעִיר שֶׁבַע פְּעָמִים וְהַכֹּהֲנִים יִתְקְעוּ בַּשּׁוֹפָרוֹת. וְהָיָה בִּמְשֹׁךְ בְּקֶרֶן הַיּוֹבֵל בשמעכם [כְּשָׁמְעֲכֶם] אֶת קוֹל הַשּׁוֹפָר יָרִיעוּ כָל הָעָם תְּרוּעָה גְדוֹלָה וְנָפְלָה חוֹמַת הָעִיר תַּחְתֶּיהָ וְעָלוּ הָעָם אִישׁ נֶגְדּוֹ. וַיִּקְרָא יְהוֹשֻׁעַ בִּן נוּן אֶל הַכֹּהֲנִים וַיֹּאמֶר אֲלֵהֶם שְׂאוּ אֶת אֲרוֹן הַבְּרִית וְשִׁבְעָה כֹהֲנִים יִשְׂאוּ שִׁבְעָה שׁוֹפְרוֹת יוֹבְלִים לִפְנֵי אֲרוֹן יְהוָה. ויאמרו [וַיֹּאמֶר] אֶל הָעָם עִבְרוּ וְסֹבּוּ אֶת הָעִיר וְהֶחָלוּץ יַעֲבֹר לִפְנֵי אֲרוֹן יְהוָה. וַיְהִי כֶּאֱמֹר יְהוֹשֻׁעַ אֶל הָעָם וְשִׁבְעָה הַכֹּהֲנִים נֹשְׂאִים שִׁבְעָה שׁוֹפְרוֹת הַיּוֹבְלִים לִפְנֵי יְהוָה עָבְרוּ וְתָקְעוּ בַּשּׁוֹפָרוֹת וַאֲרוֹן בְּרִית יְהוָה הֹלֵךְ אַחֲרֵיהֶם. וְהֶחָלוּץ הֹלֵךְ לִפְנֵי הַכֹּהֲנִים תקעו [תֹּקְעֵי] הַשּׁוֹפָרוֹת וְהַמְאַסֵּף הֹלֵךְ אַחֲרֵי הָאָרוֹן הָלוֹךְ וְתָקוֹעַ בַּשּׁוֹפָרוֹת. וְאֶת הָעָם צִוָּה יְהוֹשֻׁעַ לֵאמֹר לֹא תָרִיעוּ וְלֹא תַשְׁמִיעוּ אֶת קוֹלְכֶם וְלֹא יֵצֵא מִפִּיכֶם דָּבָר עַד יוֹם אָמְרִי אֲלֵיכֶם הָרִיעוּ וַהֲרִיעֹתֶם. וַיַּסֵּב אֲרוֹן יְהוָה אֶת הָעִיר הַקֵּף פַּעַם אֶחָת וַיָּבֹאוּ הַמַּחֲנֶה וַיָּלִינוּ בַּמַּחֲנֶה.

וַיַּשְׁכֵּם יְהוֹשֻׁעַ בַּבֹּקֶר וַיִּשְׂאוּ הַכֹּהֲנִים אֶת אֲרוֹן יְהוָה. וְשִׁבְעָה הַכֹּהֲנִים נֹשְׂאִים שִׁבְעָה שׁוֹפְרוֹת הַיֹּבְלִים לִפְנֵי אֲרוֹן יְהוָה הֹלְכִים הָלוֹךְ וְתָקְעוּ בַּשּׁוֹפָרוֹת וְהֶחָלוּץ הֹלֵךְ לִפְנֵיהֶם וְהַמְאַסֵּף הֹלֵךְ אַחֲרֵי אֲרוֹן יְהוָה הולך [הָלוֹךְ] וְתָקוֹעַ בַּשּׁוֹפָרוֹת. וַיָּסֹבּוּ אֶת הָעִיר בַּיּוֹם הַשֵּׁנִי פַּעַם אַחַת וַיָּשֻׁבוּ הַמַּחֲנֶה כֹּה עָשׂוּ שֵׁשֶׁת יָמִים. וַיְהִי בַּיּוֹם הַשְּׁבִיעִי וַיַּשְׁכִּמוּ כַּעֲלוֹת הַשַּׁחַר וַיָּסֹבּוּ אֶת הָעִיר כַּמִּשְׁפָּט הַזֶּה שֶׁבַע פְּעָמִים רַק בַּיּוֹם הַהוּא סָבְבוּ אֶת הָעִיר שֶׁבַע פְּעָמִים. וַיְהִי בַּפַּעַם הַשְּׁבִיעִית תָּקְעוּ הַכֹּהֲנִים בַּשּׁוֹפָרוֹת וַיֹּאמֶר יְהוֹשֻׁעַ אֶל הָעָם הָרִיעוּ כִּי נָתַן יְהוָה לָכֶם אֶת הָעִיר. וְהָיְתָה הָעִיר חֵרֶם הִיא וְכָל אֲשֶׁר בָּהּ לַיהוָה רַק רָחָב הַזּוֹנָה תִּחְיֶה הִיא וְכָל אֲשֶׁר אִתָּהּ בַּבַּיִת כִּי הֶחְבְּאַתָה אֶת הַמַּלְאָכִים אֲשֶׁר שָׁלָחְנוּ. וְרַק אַתֶּם שִׁמְרוּ מִן הַחֵרֶם פֶּן תַּחֲרִימוּ וּלְקַחְתֶּם מִן הַחֵרֶם וְשַׂמְתֶּם אֶת מַחֲנֵה יִשְׂרָאֵל לְחֵרֶם וַעֲכַרְתֶּם אוֹתוֹ. וְכֹל כֶּסֶף וְזָהָב וּכְלֵי נְחֹשֶׁת וּבַרְזֶל קֹדֶשׁ הוּא לַיהוָה אוֹצַר יְהוָה יָבוֹא. וַיָּרַע הָעָם וַיִּתְקְעוּ בַּשֹּׁפָרוֹת וַיְהִי כִשְׁמֹעַ הָעָם אֶת קוֹל הַשּׁוֹפָר וַיָּרִיעוּ הָעָם תְּרוּעָה גְדוֹלָה וַתִּפֹּל הַחוֹמָה תַּחְתֶּיהָ וַיַּעַל הָעָם הָעִירָה אִישׁ נֶגְדּוֹ וַיִּלְכְּדוּ אֶת הָעִיר. וַיַּחֲרִימוּ אֶת כָּל אֲשֶׁר בָּעִיר מֵאִישׁ וְעַד אִשָּׁה מִנַּעַר וְעַד זָקֵן וְעַד שׁוֹר וָשֶׂה וַחֲמוֹר לְפִי חָרֶב. וְלִשְׁנַיִם הָאֲנָשִׁים הַמְרַגְּלִים אֶת הָאָרֶץ אָמַר יְהוֹשֻׁעַ בֹּאוּ בֵּית הָאִשָּׁה הַזּוֹנָה וְהוֹצִיאוּ מִשָּׁם אֶת הָאִשָּׁה וְאֶת כָּל אֲשֶׁר לָהּ כַּאֲשֶׁר נִשְׁבַּעְתֶּם לָהּ. וַיָּבֹאוּ הַנְּעָרִים הַמְרַגְּלִים וַיֹּצִיאוּ אֶת רָחָב וְאֶת אָבִיהָ וְאֶת אִמָּהּ וְאֶת אַחֶיהָ וְאֶת כָּל אֲשֶׁר לָהּ וְאֵת כָּל מִשְׁפְּחוֹתֶיהָ הוֹצִיאוּ וַיַּנִּיחוּם מִחוּץ לְמַחֲנֵה יִשְׂרָאֵל. וְהָעִיר שָׂרְפוּ בָאֵשׁ וְכָל אֲשֶׁר בָּהּ רַק הַכֶּסֶף וְהַזָּהָב וּכְלֵי הַנְּחֹשֶׁת וְהַבַּרְזֶל נָתְנוּ אוֹצַר בֵּית יְהוָה. וְאֶת רָחָב הַזּוֹנָה וְאֶת בֵּית אָבִיהָ וְאֶת כָּל אֲשֶׁר לָהּ הֶחֱיָה יְהוֹשֻׁעַ וַתֵּשֶׁב בְּקֶרֶב יִשְׂרָאֵל עַד הַיּוֹם הַזֶּה כִּי הֶחְבִּיאָה אֶת הַמַּלְאָכִים אֲשֶׁר שָׁלַח יְהוֹשֻׁעַ לְרַגֵּל אֶת יְרִיחוֹ.

וַיַּשְׁבַּע יְהוֹשֻׁעַ בָּעֵת הַהִיא לֵאמֹר אָרוּר הָאִישׁ לִפְנֵי יְהוָה אֲשֶׁר יָקוּם וּבָנָה אֶת הָעִיר הַזֹּאת אֶת יְרִיחוֹ בִּבְכֹרוֹ יְיַסְּדֶנָּה וּבִצְעִירוֹ יַצִּיב דְּלָתֶיהָ. וַיְהִי יְהוָה אֶת יְהוֹשֻׁעַ וַיְהִי שָׁמְעוֹ בְּכָל הָאָרֶץ. וַיִּמְעֲלוּ בְנֵי יִשְׂרָאֵל מַעַל בַּחֵרֶם וַיִּקַּח עָכָן בֶּן כַּרְמִי בֶן זַבְדִּי בֶן זֶרַח לְמַטֵּה יְהוּדָה מִן הַחֵרֶם וַיִּחַר אַף יְהוָה בִּבְנֵי יִשְׂרָאֵל. וַיִּשְׁלַח יְהוֹשֻׁעַ אֲנָשִׁים מִירִיחוֹ הָעַי אֲשֶׁר עִם בֵּית אָוֶן מִקֶּדֶם לְבֵית אֵל וַיֹּאמֶר אֲלֵיהֶם לֵאמֹר עֲלוּ וְרַגְּלוּ אֶת הָאָרֶץ וַיַּעֲלוּ הָאֲנָשִׁים וַיְרַגְּלוּ אֶת הָעָי. וַיָּשֻׁבוּ אֶל יְהוֹשֻׁעַ וַיֹּאמְרוּ אֵלָיו אַל יַעַל כָּל הָעָם כְּאַלְפַּיִם אִישׁ אוֹ כִּשְׁלֹשֶׁת אֲלָפִים אִישׁ יַעֲלוּ וְיַכּוּ אֶת הָעָי אַל תְּיַגַּע שָׁמָּה אֶת כָּל הָעָם כִּי מְעַט הֵמָּה. וַיַּעֲלוּ מִן הָעָם שָׁמָּה כִּשְׁלֹשֶׁת אֲלָפִים אִישׁ וַיָּנֻסוּ לִפְנֵי אַנְשֵׁי הָעָי. וַיַּכּוּ מֵהֶם אַנְשֵׁי הָעַי כִּשְׁלֹשִׁים וְשִׁשָּׁה אִישׁ וַיִּרְדְּפוּם לִפְנֵי הַשַּׁעַר עַד הַשְּׁבָרִים וַיַּכּוּם בַּמּוֹרָד וַיִּמַּס לְבַב הָעָם וַיְהִי לְמָיִם. וַיִּקְרַע יְהוֹשֻׁעַ שִׂמְלֹתָיו וַיִּפֹּל עַל פָּנָיו אַרְצָה לִפְנֵי אֲרוֹן יְהוָה עַד הָעֶרֶב הוּא וְזִקְנֵי יִשְׂרָאֵל וַיַּעֲלוּ עָפָר עַל רֹאשָׁם. וַיֹּאמֶר יְהוֹשֻׁעַ אֲהָהּ אֲדֹנָי יְהוִה לָמָה הֵעֲבַרְתָּ הַעֲבִיר אֶת הָעָם הַזֶּה אֶת הַיַּרְדֵּן לָתֵת אֹתָנוּ בְּיַד הָאֱמֹרִי לְהַאֲבִידֵנוּ וְלוּ הוֹאַלְנוּ וַנֵּשֶׁב בְּעֵבֶר הַיַּרְדֵּן. בִּי אֲדֹנָי מָה אֹמַר אַחֲרֵי אֲשֶׁר הָפַךְ יִשְׂרָאֵל עֹרֶף לִפְנֵי אֹיְבָיו. וְיִשְׁמְעוּ הַכְּנַעֲנִי וְכֹל יֹשְׁבֵי הָאָרֶץ וְנָסַבּוּ עָלֵינוּ וְהִכְרִיתוּ אֶת שְׁמֵנוּ מִן הָאָרֶץ וּמַה תַּעֲשֵׂה לְשִׁמְךָ הַגָּדוֹל.

וַיֹּאמֶר יְהוָה אֶל יְהוֹשֻׁעַ קֻם לָךְ לָמָּה זֶּה אַתָּה נֹפֵל עַל פָּנֶיךָ. חָטָא יִשְׂרָאֵל וְגַם עָבְרוּ אֶת בְּרִיתִי אֲשֶׁר צִוִּיתִי אוֹתָם וְגַם לָקְחוּ מִן הַחֵרֶם וְגַם גָּנְבוּ וְגַם כִּחֲשׁוּ וְגַם שָׂמוּ בִכְלֵיהֶם. וְלֹא יֻכְלוּ בְּנֵי יִשְׂרָאֵל לָקוּם לִפְנֵי אֹיְבֵיהֶם עֹרֶף יִפְנוּ לִפְנֵי אֹיְבֵיהֶם כִּי הָיוּ לְחֵרֶם לֹא אוֹסִיף לִהְיוֹת עִמָּכֶם אִם לֹא תַשְׁמִידוּ הַחֵרֶם מִקִּרְבְּכֶם. קֻם קַדֵּשׁ אֶת הָעָם וְאָמַרְתָּ הִתְקַדְּשׁוּ לְמָחָר כִּי כֹה אָמַר יְהוָה אֱלֹהֵי יִשְׂרָאֵל חֵרֶם בְּקִרְבְּךָ יִשְׂרָאֵל לֹא תוּכַל לָקוּם לִפְנֵי אֹיְבֶיךָ עַד הֲסִירְכֶם הַחֵרֶם מִקִּרְבְּכֶם. וְנִקְרַבְתֶּם בַּבֹּקֶר לְשִׁבְטֵיכֶם וְהָיָה הַשֵּׁבֶט אֲשֶׁר יִלְכְּדֶנּוּ יְהוָה יִקְרַב לַמִּשְׁפָּחוֹת וְהַמִּשְׁפָּחָה אֲשֶׁר יִלְכְּדֶנָּה יְהוָה תִּקְרַב לַבָּתִּים וְהַבַּיִת אֲשֶׁר יִלְכְּדֶנּוּ יְהוָה יִקְרַב לַגְּבָרִים. וְהָיָה הַנִּלְכָּד בַּחֵרֶם יִשָּׂרֵף בָּאֵשׁ אֹתוֹ וְאֶת כָּל אֲשֶׁר לוֹ כִּי עָבַר אֶת בְּרִית יְהוָה וְכִי עָשָׂה נְבָלָה בְּיִשְׂרָאֵל. וַיַּשְׁכֵּם יְהוֹשֻׁעַ בַּבֹּקֶר וַיַּקְרֵב אֶת יִשְׂרָאֵל לִשְׁבָטָיו וַיִּלָּכֵד שֵׁבֶט יְהוּדָה. וַיַּקְרֵב אֶת מִשְׁפַּחַת יְהוּדָה וַיִּלְכֹּד אֵת מִשְׁפַּחַת הַזַּרְחִי וַיַּקְרֵב אֶת מִשְׁפַּחַת הַזַּרְחִי לַגְּבָרִים וַיִּלָּכֵד זַבְדִּי. וַיַּקְרֵב אֶת בֵּיתוֹ לַגְּבָרִים וַיִּלָּכֵד עָכָן בֶּן כַּרְמִי בֶן זַבְדִּי בֶּן זֶרַח לְמַטֵּה יְהוּדָה. וַיֹּאמֶר יְהוֹשֻׁעַ אֶל עָכָן בְּנִי שִׂים נָא כָבוֹד לַיהוָה אֱלֹהֵי יִשְׂרָאֵל וְתֶן לוֹ תוֹדָה וְהַגֶּד נָא לִי מֶה עָשִׂיתָ אַל תְּכַחֵד מִמֶּנִּי. וַיַּעַן עָכָן אֶת יְהוֹשֻׁעַ וַיֹּאמַר אָמְנָה אָנֹכִי חָטָאתִי לַיהוָה אֱלֹהֵי יִשְׂרָאֵל וְכָזֹאת וְכָזֹאת עָשִׂיתִי. ואראה [וָאֵרֶא] בַשָּׁלָל אַדֶּרֶת שִׁנְעָר אַחַת טוֹבָה וּמָאתַיִם שְׁקָלִים כֶּסֶף וּלְשׁוֹן זָהָב אֶחָד חֲמִשִּׁים שְׁקָלִים מִשְׁקָלוֹ וָאֶחְמְדֵם וָאֶקָּחֵם וְהִנָּם טְמוּנִים בָּאָרֶץ בְּתוֹךְ הָאָהֳלִי וְהַכֶּסֶף תַּחְתֶּיהָ. וַיִּשְׁלַח יְהוֹשֻׁעַ מַלְאָכִים וַיָּרֻצוּ הָאֹהֱלָה וְהִנֵּה טְמוּנָה בְּאָהֳלוֹ וְהַכֶּסֶף תַּחְתֶּיהָ. וַיִּקָּחוּם מִתּוֹךְ הָאֹהֶל וַיְבִאוּם אֶל יְהוֹשֻׁעַ וְאֶל כָּל בְּנֵי יִשְׂרָאֵל וַיַּצִּקֻם לִפְנֵי יְהוָה. וַיִּקַּח יְהוֹשֻׁעַ אֶת עָכָן בֶּן זֶרַח וְאֶת הַכֶּסֶף וְאֶת הָאַדֶּרֶת וְאֶת לְשׁוֹן הַזָּהָב וְאֶת בָּנָיו וְאֶת בְּנֹתָיו וְאֶת שׁוֹרוֹ וְאֶת חֲמֹרוֹ וְאֶת צֹאנוֹ וְאֶת אָהֳלוֹ וְאֶת כָּל אֲשֶׁר לוֹ וְכָל יִשְׂרָאֵל עִמּוֹ וַיַּעֲלוּ אֹתָם עֵמֶק עָכוֹר. וַיֹּאמֶר יְהוֹשֻׁעַ מֶה עֲכַרְתָּנוּ יַעְכֳּרְךָ יְהוָה בַּיּוֹם הַזֶּה וַיִּרְגְּמוּ אֹתוֹ כָל יִשְׂרָאֵל אֶבֶן וַיִּשְׂרְפוּ אֹתָם בָּאֵשׁ וַיִּסְקְלוּ אֹתָם בָּאֲבָנִים. וַיָּקִימוּ עָלָיו גַּל אֲבָנִים גָּדוֹל עַד הַיּוֹם הַזֶּה וַיָּשָׁב יְהוָה מֵחֲרוֹן אַפּוֹ עַל כֵּן קָרָא שֵׁם הַמָּקוֹם הַהוּא עֵמֶק עָכוֹר עַד הַיּוֹם הַזֶּה.

וַיֹּאמֶר יְהוָה אֶל יְהוֹשֻׁעַ אַל תִּירָא וְאַל תֵּחָת קַח עִמְּךָ אֵת כָּל עַם הַמִּלְחָמָה וְקוּם עֲלֵה הָעָי רְאֵה נָתַתִּי בְיָדְךָ אֶת מֶלֶךְ הָעַי וְאֶת עַמּוֹ וְאֶת עִירוֹ וְאֶת אַרְצוֹ. וְעָשִׂיתָ לָעַי וּלְמַלְכָּהּ כַּאֲשֶׁר עָשִׂיתָ לִירִיחוֹ וּלְמַלְכָּהּ רַק שְׁלָלָהּ וּבְהֶמְתָּהּ תָּבֹזּוּ לָכֶם שִׂים לְךָ אֹרֵב לָעִיר מֵאַחֲרֶיהָ. וַיָּקָם יְהוֹשֻׁעַ וְכָל עַם הַמִּלְחָמָה לַעֲלוֹת הָעָי וַיִּבְחַר יְהוֹשֻׁעַ שְׁלֹשִׁים אֶלֶף אִישׁ גִּבּוֹרֵי הַחַיִל וַיִּשְׁלָחֵם לָיְלָה. וַיְצַו אֹתָם לֵאמֹר רְאוּ אַתֶּם אֹרְבִים לָעִיר מֵאַחֲרֵי הָעִיר אַל תַּרְחִיקוּ מִן הָעִיר מְאֹד וִהְיִיתֶם כֻּלְּכֶם נְכֹנִים. וַאֲנִי וְכָל הָעָם אֲשֶׁר אִתִּי נִקְרַב אֶל הָעִיר וְהָיָה כִּי יֵצְאוּ לִקְרָאתֵנוּ כַּאֲשֶׁר בָּרִאשֹׁנָה וְנַסְנוּ לִפְנֵיהֶם. וְיָצְאוּ אַחֲרֵינוּ עַד הַתִּיקֵנוּ אוֹתָם מִן הָעִיר כִּי יֹאמְרוּ נָסִים לְפָנֵינוּ כַּאֲשֶׁר בָּרִאשֹׁנָה וְנַסְנוּ לִפְנֵיהֶם. וְאַתֶּם תָּקֻמוּ מֵהָאוֹרֵב וְהוֹרַשְׁתֶּם אֶת הָעִיר וּנְתָנָהּ יְהוָה אֱלֹהֵיכֶם בְּיֶדְכֶם. וְהָיָה כְּתָפְשְׂכֶם אֶת הָעִיר תַּצִּיתוּ אֶת הָעִיר בָּאֵשׁ כִּדְבַר יְהוָה תַּעֲשׂוּ רְאוּ צִוִּיתִי אֶתְכֶם. וַיִּשְׁלָחֵם יְהוֹשֻׁעַ וַיֵּלְכוּ אֶל הַמַּאְרָב וַיֵּשְׁבוּ בֵּין בֵּית אֵל וּבֵין הָעַי מִיָּם לָעָי וַיָּלֶן יְהוֹשֻׁעַ בַּלַּיְלָה הַהוּא בְּתוֹךְ הָעָם. וַיַּשְׁכֵּם יְהוֹשֻׁעַ בַּבֹּקֶר וַיִּפְקֹד אֶת הָעָם וַיַּעַל הוּא וְזִקְנֵי יִשְׂרָאֵל לִפְנֵי הָעָם הָעָי. וְכָל הָעָם הַמִּלְחָמָה אֲשֶׁר אִתּוֹ עָלוּ וַיִּגְּשׁוּ וַיָּבֹאוּ נֶגֶד הָעִיר וַיַּחֲנוּ מִצְּפוֹן לָעַי וְהַגַּי בינו [בֵּינָיו] וּבֵין הָעָי. וַיִּקַּח כַּחֲמֵשֶׁת אֲלָפִים אִישׁ וַיָּשֶׂם אוֹתָם אֹרֵב בֵּין בֵּית אֵל וּבֵין הָעַי מִיָּם לָעִיר. וַיָּשִׂימוּ הָעָם אֶת כָּל הַמַּחֲנֶה אֲשֶׁר מִצְּפוֹן לָעִיר וְאֶת עֲקֵבוֹ מִיָּם לָעִיר וַיֵּלֶךְ יְהוֹשֻׁעַ בַּלַּיְלָה הַהוּא בְּתוֹךְ הָעֵמֶק. וַיְהִי כִּרְאוֹת מֶלֶךְ הָעַי וַיְמַהֲרוּ וַיַּשְׁכִּימוּ וַיֵּצְאוּ אַנְשֵׁי הָעִיר לִקְרַאת יִשְׂרָאֵל לַמִּלְחָמָה הוּא וְכָל עַמּוֹ לַמּוֹעֵד לִפְנֵי הָעֲרָבָה וְהוּא לֹא יָדַע כִּי אֹרֵב לוֹ מֵאַחֲרֵי הָעִיר. וַיִּנָּגְעוּ יְהוֹשֻׁעַ וְכָל יִשְׂרָאֵל לִפְנֵיהֶם וַיָּנֻסוּ דֶּרֶךְ הַמִּדְבָּר. וַיִּזָּעֲקוּ כָּל הָעָם אֲשֶׁר בעיר [בָּעַי] לִרְדֹּף אַחֲרֵיהֶם וַיִּרְדְּפוּ אַחֲרֵי יְהוֹשֻׁעַ וַיִּנָּתְקוּ מִן הָעִיר. וְלֹא נִשְׁאַר אִישׁ בָּעַי וּבֵית אֵל אֲשֶׁר לֹא יָצְאוּ אַחֲרֵי יִשְׂרָאֵל וַיַּעַזְבוּ אֶת הָעִיר פְּתוּחָה וַיִּרְדְּפוּ אַחֲרֵי יִשְׂרָאֵל.

וַיֹּאמֶר יְהוָה אֶל יְהוֹשֻׁעַ נְטֵה בַּכִּידוֹן אֲשֶׁר בְּיָדְךָ אֶל הָעַי כִּי בְיָדְךָ אֶתְּנֶנָּה וַיֵּט יְהוֹשֻׁעַ בַּכִּידוֹן אֲשֶׁר בְּיָדוֹ אֶל הָעִיר. וְהָאוֹרֵב קָם מְהֵרָה מִמְּקוֹמוֹ וַיָּרוּצוּ כִּנְטוֹת יָדוֹ וַיָּבֹאוּ הָעִיר וַיִּלְכְּדוּהָ וַיְמַהֲרוּ וַיַּצִּיתוּ אֶת הָעִיר בָּאֵשׁ. וַיִּפְנוּ אַנְשֵׁי הָעַי אַחֲרֵיהֶם וַיִּרְאוּ וְהִנֵּה עָלָה עֲשַׁן הָעִיר הַשָּׁמַיְמָה וְלֹא הָיָה בָהֶם יָדַיִם לָנוּס הֵנָּה וָהֵנָּה וְהָעָם הַנָּס הַמִּדְבָּר נֶהְפַּךְ אֶל הָרוֹדֵף. וִיהוֹשֻׁעַ וְכָל יִשְׂרָאֵל רָאוּ כִּי לָכַד הָאֹרֵב אֶת הָעִיר וְכִי עָלָה עֲשַׁן הָעִיר וַיָּשֻׁבוּ וַיַּכּוּ אֶת אַנְשֵׁי הָעָי. וְאֵלֶּה יָצְאוּ מִן הָעִיר לִקְרָאתָם וַיִּהְיוּ לְיִשְׂרָאֵל בַּתָּוֶךְ אֵלֶּה מִזֶּה וְאֵלֶּה מִזֶּה וַיַּכּוּ אוֹתָם עַד בִּלְתִּי הִשְׁאִיר לוֹ שָׂרִיד וּפָלִיט. וְאֶת מֶלֶךְ הָעַי תָּפְשׂוּ חָי וַיַּקְרִבוּ אֹתוֹ אֶל יְהוֹשֻׁעַ. וַיְהִי כְּכַלּוֹת יִשְׂרָאֵל לַהֲרֹג אֶת כָּל יֹשְׁבֵי הָעַי בַּשָּׂדֶה בַּמִּדְבָּר אֲשֶׁר רְדָפוּם בּוֹ וַיִּפְּלוּ כֻלָּם לְפִי חֶרֶב עַד תֻּמָּם וַיָּשֻׁבוּ כָל יִשְׂרָאֵל הָעַי וַיַּכּוּ אֹתָהּ לְפִי חָרֶב. וַיְהִי כָל הַנֹּפְלִים בַּיּוֹם הַהוּא מֵאִישׁ וְעַד אִשָּׁה שְׁנֵים עָשָׂר אָלֶף כֹּל אַנְשֵׁי הָעָי. וִיהוֹשֻׁעַ לֹא הֵשִׁיב יָדוֹ אֲשֶׁר נָטָה בַּכִּידוֹן עַד אֲשֶׁר הֶחֱרִים אֵת כָּל יֹשְׁבֵי הָעָי. רַק הַבְּהֵמָה וּשְׁלַל הָעִיר הַהִיא בָּזְזוּ לָהֶם יִשְׂרָאֵל כִּדְבַר יְהוָה אֲשֶׁר צִוָּה אֶת יְהוֹשֻׁעַ. וַיִּשְׂרֹף יְהוֹשֻׁעַ אֶת הָעָי וַיְשִׂימֶהָ תֵּל עוֹלָם שְׁמָמָה עַד הַיּוֹם הַזֶּה. וְאֶת מֶלֶךְ הָעַי תָּלָה עַל הָעֵץ עַד עֵת הָעָרֶב וּכְבוֹא הַשֶּׁמֶשׁ צִוָּה יְהוֹשֻׁעַ וַיֹּרִידוּ אֶת נִבְלָתוֹ מִן הָעֵץ וַיַּשְׁלִיכוּ אוֹתָהּ אֶל פֶּתַח שַׁעַר הָעִיר וַיָּקִימוּ עָלָיו גַּל אֲבָנִים גָּדוֹל עַד הַיּוֹם הַזֶּה.

אָז יִבְנֶה יְהוֹשֻׁעַ מִזְבֵּחַ לַיהוָה אֱלֹהֵי יִשְׂרָאֵל בְּהַר עֵיבָל. כַּאֲשֶׁר צִוָּה מֹשֶׁה עֶבֶד יְהוָה אֶת בְּנֵי יִשְׂרָאֵל כַּכָּתוּב בְּסֵפֶר תּוֹרַת מֹשֶׁה מִזְבַּח אֲבָנִים שְׁלֵמוֹת אֲשֶׁר לֹא הֵנִיף עֲלֵיהֶן בַּרְזֶל וַיַּעֲלוּ עָלָיו עֹלוֹת לַיהוָה וַיִּזְבְּחוּ שְׁלָמִים. וַיִּכְתָּב שָׁם עַל הָאֲבָנִים אֵת מִשְׁנֵה תּוֹרַת מֹשֶׁה אֲשֶׁר כָּתַב לִפְנֵי בְּנֵי יִשְׂרָאֵל. וְכָל יִשְׂרָאֵל וּזְקֵנָיו וְשֹׁטְרִים וְשֹׁפְטָיו עֹמְדִים מִזֶּה וּמִזֶּה לָאָרוֹן נֶגֶד הַכֹּהֲנִים הַלְוִיִּם נֹשְׂאֵי אֲרוֹן בְּרִית יְהוָה כַּגֵּר כָּאֶזְרָח חֶצְיוֹ אֶל מוּל הַר גְּרִזִים וְהַחֶצְיוֹ אֶל מוּל הַר עֵיבָל כַּאֲשֶׁר צִוָּה מֹשֶׁה עֶבֶד יְהוָה לְבָרֵךְ אֶת הָעָם יִשְׂרָאֵל בָּרִאשֹׁנָה. וְאַחֲרֵי כֵן קָרָא אֶת כָּל דִּבְרֵי הַתּוֹרָה הַבְּרָכָה וְהַקְּלָלָה כְּכָל הַכָּתוּב בְּסֵפֶר הַתּוֹרָה. לֹא הָיָה דָבָר מִכֹּל אֲשֶׁר צִוָּה מֹשֶׁה אֲשֶׁר לֹא קָרָא יְהוֹשֻׁעַ נֶגֶד כָּל קְהַל יִשְׂרָאֵל וְהַנָּשִׁים וְהַטַּף וְהַגֵּר הַהֹלֵךְ בְּקִרְבָּם. {{}} {{|יהושע|ט}} {{|יהושע|ט|א}} {{|ט א}} {{|יהושע|ט|ב}} {{|ט ב}} {{}} {{|יהושע|ט|ג}} {{|ט ג}} {{|יהושע|ט|ד}} {{|ט ד}} {{|יהושע|ט|ה}} {{|ט ה}} {{|יהושע|ט|ו}} {{|ט ו}} {{|יהושע|ט|ז}} {{|ט ז}} {{|יהושע|ט|ח}} {{|ט ח}} {{|יהושע|ט|ט}} {{|ט ט}} {{|יהושע|ט|י}} {{|ט י}} {{|יהושע|ט|יא}} {{|ט יא}} {{|יהושע|ט|יב}} {{|ט יב}} {{|יהושע|ט|יג}} {{|ט יג}} {{|יהושע|ט|יד}} {{|ט יד}} {{|יהושע|ט|טו}} {{|ט טו}} {{|יהושע|ט|טז}} {{|ט טז}} {{|יהושע|ט|יז}} {{|ט יז}} {{|יהושע|ט|יח}} {{|ט יח}} {{|יהושע|ט|יט}} {{|ט יט}} {{|יהושע|ט|כ}} {{|ט כ}} {{|יהושע|ט|כא}} {{|ט כא}} {{|יהושע|ט|כב}} {{|ט כב}} {{|יהושע|ט|כג}} {{|ט כג}} {{|יהושע|ט|כד}} {{|ט כד}} {{|יהושע|ט|כה}} {{|ט כה}} {{|יהושע|ט|כו}} {{|ט כו}} {{|יהושע|ט|כז}} {{|ט כז}} {{}} {{|יהושע|י}} {{|יהושע|י|א}} {{|י א}} {{|יהושע|י|ב}} {{|י ב}} {{|יהושע|י|ג}} {{|י ג}} {{|יהושע|י|ד}} {{|י ד}} {{|יהושע|י|ה}} {{|י ה}} {{|יהושע|י|ו}} {{|י ו}} {{|יהושע|י|ז}} {{|י ז}} {{}} {{|יהושע|י|ח}} {{|י ח}} {{|יהושע|י|ט}} {{|י ט}} {{|יהושע|י|י}} {{|י י}} {{|יהושע|י|יא}} {{|י יא}} {{}} {{|יהושע|י|יב}} {{|י יב}} {{|יהושע|י|יג}} {{|י יג}} {{|יהושע|י|יד}} {{|י יד}} {{}} {{|יהושע|י|טו}} {{|י טו}} {{|יהושע|י|טז}} {{|י טז}} {{|יהושע|י|יז}} {{|י יז}} {{|יהושע|י|יח}} {{|י יח}} {{|יהושע|י|יט}} {{|י יט}} {{|יהושע|י|כ}} {{|י כ}} {{|יהושע|י|כא}} {{|י כא}} {{|יהושע|י|כב}} {{|י כב}} {{|יהושע|י|כג}} {{|י כג}} {{|יהושע|י|כד}} {{|י כד}} {{|יהושע|י|כה}} {{|י כה}} {{|יהושע|י|כו}} {{|י כו}} {{|יהושע|י|כז}} {{|י כז}} {{}} {{|יהושע|י|כח}} {{|י כח}} {{|יהושע|י|כט}} {{|י כט}} {{|יהושע|י|ל}} {{|י ל}} {{}} {{|יהושע|י|לא}} {{|י לא}} {{|יהושע|י|לב}} {{|י לב}} {{}} {{|יהושע|י|לג}} {{|י לג}} {{|יהושע|י|לד}} {{|י לד}} {{|יהושע|י|לה}} {{|י לה}} {{}} {{|יהושע|י|לו}} {{|י לו}} {{|יהושע|י|לז}} {{|י לז}} {{}} {{|יהושע|י|לח}} {{|י לח}} {{|יהושע|י|לט}} {{|י לט}} {{|יהושע|י|מ}} {{|י מ}} {{|יהושע|י|מא}} {{|י מא}} {{|יהושע|י|מב}} {{|י מב}} {{|יהושע|י|מג}} {{|י מג}} {{}} {{|יהושע|יא}} {{|יהושע|יא|א}} {{|יא א}} {{|יהושע|יא|ב}} {{|יא ב}} {{|יהושע|יא|ג}} {{|יא ג}} {{|יהושע|יא|ד}} {{|יא ד}} {{|יהושע|יא|ה}} {{|יא ה}} {{}} {{|יהושע|יא|ו}} {{|יא ו}} {{|יהושע|יא|ז}} {{|יא ז}} {{|יהושע|יא|ח}} {{|יא ח}} {{|יהושע|יא|ט}} {{|יא ט}} {{}} {{|יהושע|יא|י}} {{|יא י}} {{|יהושע|יא|יא}} {{|יא יא}} {{|יהושע|יא|יב}} {{|יא יב}} {{|יהושע|יא|יג}} {{|יא יג}} {{|יהושע|יא|יד}} {{|יא יד}} {{|יהושע|יא|טו}} {{|יא טו}} {{|יהושע|יא|טז}} {{|יא טז}} {{|יהושע|יא|יז}} {{|יא יז}} {{|יהושע|יא|יח}} {{|יא יח}} {{|יהושע|יא|יט}} {{|יא יט}} {{|יהושע|יא|כ}} {{|יא כ}} {{}} {{|יהושע|יא|כא}} {{|יא כא}} {{|יהושע|יא|כב}} {{|יא כב}} {{|יהושע|יא|כג}} {{|יא כג}} {{}} {{|יהושע|יב}} {{|יהושע|יב|א}} {{|יב א}} {{|יהושע|יב|ב}} {{|יב ב}} {{|יהושע|יב|ג}} {{|יב ג}} {{|יהושע|יב|ד}} {{|יב ד}} {{|יהושע|יב|ה}} {{|יב ה}} {{|יהושע|יב|ו}} {{|יב ו}} {{}} {{|יהושע|יב|ז}} {{|יב ז}} {{|יהושע|יב|ח}} {{|יב ח}} {{}} {{|יהושע|יב|ט}} {{|יב ט}} {{|יהושע|יב|י}} {{|יב י}} {{|יהושע|יב|יא}} {{|יב יא}} {{|יהושע|יב|יב}} {{|יב יב}} {{|יהושע|יב|יג}} {{|יב יג}} {{|יהושע|יב|יד}} {{|יב יד}} {{|יהושע|יב|טו}} {{|יב טו}} {{|יהושע|יב|טז}} {{|יב טז}} {{|יהושע|יב|יז}} {{|יב יז}} {{|יהושע|יב|יח}} {{|יב יח}} {{|יהושע|יב|יט}} {{|יב יט}} {{|יהושע|יב|כ}} {{|יב כ}} {{|יהושע|יב|כא}} {{|יב כא}} {{|יהושע|יב|כב}} {{|יב כב}} {{|יהושע|יב|כג}} {{|יב כג}} {{|יהושע|יב|כד}} {{|יב כד}} {{}} {{|יהושע|יג}} {{|יהושע|יג|א}} {{|יג א}} {{|יהושע|יג|ב}} {{|יג ב}} {{|יהושע|יג|ג}} {{|יג ג}} {{|יהושע|יג|ד}} {{|יג ד}} {{|יהושע|יג|ה}} {{|יג ה}} {{|יהושע|יג|ו}} {{|יג ו}} {{|יהושע|יג|ז}} {{|יג ז}} {{|יהושע|יג|ח}} {{|יג ח}} {{|יהושע|יג|ט}} {{|יג ט}} {{|יהושע|יג|י}} {{|יג י}} {{|יהושע|יג|יא}} {{|יג יא}} {{|יהושע|יג|יב}} {{|יג יב}} {{|יהושע|יג|יג}} {{|יג יג}} {{|יהושע|יג|יד}} {{|יג יד}} {{}} {{|יהושע|יג|טו}} {{|יג טו}} {{|יהושע|יג|טז}} {{|יג טז}} {{|יהושע|יג|יז}} {{|יג יז}} {{|יהושע|יג|יח}} {{|יג יח}} {{|יהושע|יג|יט}} {{|יג יט}} {{|יהושע|יג|כ}} {{|יג כ}} {{|יהושע|יג|כא}} {{|יג כא}} {{|יהושע|יג|כב}} {{|יג כב}} {{|יהושע|יג|כג}} {{|יג כג}} {{}} {{|יהושע|יג|כד}} {{|יג כד}} {{|יהושע|יג|כה}} {{|יג כה}} {{|יהושע|יג|כו}} {{|יג כו}} {{|יהושע|יג|כז}} {{|יג כז}} {{|יהושע|יג|כח}} {{|יג כח}} {{|יהושע|יג|כט}} {{|יג כט}} {{|יהושע|יג|ל}} {{|יג ל}} {{|יהושע|יג|לא}} {{|יג לא}} {{|יהושע|יג|לב}} {{|יג לב}} {{}} {{|יהושע|יג|לג}} {{|יג לג}} {{|יהושע|יד}} {{|יהושע|יד|א}} {{|יד א}} {{|יהושע|יד|ב}} {{|יד ב}} {{|יהושע|יד|ג}} {{|יד ג}} {{|יהושע|יד|ד}} {{|יד ד}} {{|יהושע|יד|ה}} {{|יד ה}} {{}} {{|יהושע|יד|ו}} {{|יד ו}} {{|יהושע|יד|ז}} {{|יד ז}} {{|יהושע|יד|ח}} {{|יד ח}} {{|יהושע|יד|ט}} {{|יד ט}} {{|יהושע|יד|י}} {{|יד י}} {{|יהושע|יד|יא}} {{|יד יא}} {{|יהושע|יד|יב}} {{|יד יב}} {{|יהושע|יד|יג}} {{|יד יג}} {{|יהושע|יד|יד}} {{|יד יד}} {{|יהושע|יד|טו}} {{|יד טו}} {{}} {{|יהושע|טו}} {{|יהושע|טו|א}} {{|טו א}} {{|יהושע|טו|ב}} {{|טו ב}} {{|יהושע|טו|ג}} {{|טו ג}} {{|יהושע|טו|ד}} {{|טו ד}} {{|יהושע|טו|ה}} {{|טו ה}} {{|יהושע|טו|ו}} {{|טו ו}} {{|יהושע|טו|ז}} {{|טו ז}} {{|יהושע|טו|ח}} {{|טו ח}} {{|יהושע|טו|ט}} {{|טו ט}} {{|יהושע|טו|י}} {{|טו י}} {{|יהושע|טו|יא}} {{|טו יא}} {{|יהושע|טו|יב}} {{|טו יב}} {{|יהושע|טו|יג}} {{|טו יג}} {{|יהושע|טו|יד}} {{|טו יד}} {{|יהושע|טו|טו}} {{|טו טו}} {{|יהושע|טו|טז}} {{|טו טז}} {{|יהושע|טו|יז}} {{|טו יז}} {{|יהושע|טו|יח}} {{|טו יח}} {{|יהושע|טו|יט}} {{|טו יט}} {{}} {{|יהושע|טו|כ}} {{|טו כ}} {{|יהושע|טו|כא}} {{|טו כא}} {{|יהושע|טו|כב}} {{|טו כב}} {{|יהושע|טו|כג}} {{|טו כג}} {{|יהושע|טו|כד}} {{|טו כד}} {{|יהושע|טו|כה}} {{|טו כה}} {{|יהושע|טו|כו}} {{|טו כו}} {{|יהושע|טו|כז}} {{|טו כז}} {{|יהושע|טו|כח}} {{|טו כח}} {{|יהושע|טו|כט}} {{|טו כט}} {{|יהושע|טו|ל}} {{|טו ל}} {{|יהושע|טו|לא}} {{|טו לא}} {{|יהושע|טו|לב}} {{|טו לב}} {{}} {{|יהושע|טו|לג}} {{|טו לג}} {{|יהושע|טו|לד}} {{|טו לד}} {{|יהושע|טו|לה}} {{|טו לה}} {{|יהושע|טו|לו}} {{|טו לו}} {{|יהושע|טו|לז}} {{|טו לז}} {{|יהושע|טו|לח}} {{|טו לח}} {{|יהושע|טו|לט}} {{|טו לט}} {{|יהושע|טו|מ}} {{|טו מ}} {{|יהושע|טו|מא}} {{|טו מא}} {{}} {{|יהושע|טו|מב}} {{|טו מב}} {{|יהושע|טו|מג}} {{|טו מג}} {{|יהושע|טו|מד}} {{|טו מד}} {{|יהושע|טו|מה}} {{|טו מה}} {{|יהושע|טו|מו}} {{|טו מו}} {{|יהושע|טו|מז}} {{|טו מז}} {{}} {{|יהושע|טו|מח}} {{|טו מח}} {{|יהושע|טו|מט}} {{|טו מט}} {{|יהושע|טו|נ}} {{|טו נ}} {{|יהושע|טו|נא}} {{|טו נא}} {{|יהושע|טו|נב}} {{|טו נב}} {{|יהושע|טו|נג}} {{|טו נג}} {{|יהושע|טו|נד}} {{|טו נד}} {{}} {{|יהושע|טו|נה}} {{|טו נה}} {{|יהושע|טו|נו}} {{|טו נו}} {{|יהושע|טו|נז}} {{|טו נז}} {{|יהושע|טו|נח}} {{|טו נח}} {{|יהושע|טו|נט}} {{|טו נט}} {{|יהושע|טו|ס}} {{|טו ס}} {{}} {{|יהושע|טו|סא}} {{|טו סא}} {{|יהושע|טו|סב}} {{|טו סב}} {{|יהושע|טו|סג}} {{|טו סג}} {{}} {{|יהושע|טז}} {{|יהושע|טז|א}} {{|טז א}} {{|יהושע|טז|ב}} {{|טז ב}} {{|יהושע|טז|ג}} {{|טז ג}} {{|יהושע|טז|ד}} {{|טז ד}} {{|יהושע|טז|ה}} {{|טז ה}} {{|יהושע|טז|ו}} {{|טז ו}} {{|יהושע|טז|ז}} {{|טז ז}} {{|יהושע|טז|ח}} {{|טז ח}} {{|יהושע|טז|ט}} {{|טז ט}} {{|יהושע|טז|י}} {{|טז י}} {{}} {{|יהושע|יז}} {{|יהושע|יז|א}} {{|יז א}} {{|יהושע|יז|ב}} {{|יז ב}} {{|יהושע|יז|ג}} {{|יז ג}} {{|יהושע|יז|ד}} {{|יז ד}} {{|יהושע|יז|ה}} {{|יז ה}} {{|יהושע|יז|ו}} {{|יז ו}} {{|יהושע|יז|ז}} {{|יז ז}} {{|יהושע|יז|ח}} {{|יז ח}} {{|יהושע|יז|ט}} {{|יז ט}} {{|יהושע|יז|י}} {{|יז י}} {{|יהושע|יז|יא}} {{|יז יא}} {{|יהושע|יז|יב}} {{|יז יב}} {{|יהושע|יז|יג}} {{|יז יג}} {{}} {{|יהושע|יז|יד}} {{|יז יד}} {{|יהושע|יז|טו}} {{|יז טו}} {{|יהושע|יז|טז}} {{|יז טז}} {{|יהושע|יז|יז}} {{|יז יז}} {{|יהושע|יז|יח}} {{|יז יח}} {{}} {{|יהושע|יח}} {{|יהושע|יח|א}} {{|יח א}} {{|יהושע|יח|ב}} {{|יח ב}} {{|יהושע|יח|ג}} {{|יח ג}} {{|יהושע|יח|ד}} {{|יח ד}} {{|יהושע|יח|ה}} {{|יח ה}} {{|יהושע|יח|ו}} {{|יח ו}} {{|יהושע|יח|ז}} {{|יח ז}} {{|יהושע|יח|ח}} {{|יח ח}} {{|יהושע|יח|ט}} {{|יח ט}} {{|יהושע|יח|י}} {{|יח י}} {{}} {{|יהושע|יח|יא}} {{|יח יא}} {{|יהושע|יח|יב}} {{|יח יב}} {{|יהושע|יח|יג}} {{|יח יג}} {{|יהושע|יח|יד}} {{|יח יד}} {{|יהושע|יח|טו}} {{|יח טו}} {{|יהושע|יח|טז}} {{|יח טז}} {{|יהושע|יח|יז}} {{|יח יז}} {{|יהושע|יח|יח}} {{|יח יח}} {{|יהושע|יח|יט}} {{|יח יט}} {{|יהושע|יח|כ}} {{|יח כ}} {{|יהושע|יח|כא}} {{|יח כא}} {{|יהושע|יח|כב}} {{|יח כב}} {{|יהושע|יח|כג}} {{|יח כג}} {{|יהושע|יח|כד}} {{|יח כד}} {{|יהושע|יח|כה}} {{|יח כה}} {{|יהושע|יח|כו}} {{|יח כו}} {{|יהושע|יח|כז}} {{|יח כז}} {{|יהושע|יח|כח}} {{|יח כח}} {{}} {{|יהושע|יט}} {{|יהושע|יט|א}} {{|יט א}} {{|יהושע|יט|ב}} {{|יט ב}} {{|יהושע|יט|ג}} {{|יט ג}} {{|יהושע|יט|ד}} {{|יט ד}} {{|יהושע|יט|ה}} {{|יט ה}} {{|יהושע|יט|ו}} {{|יט ו}} {{|יהושע|יט|ז}} {{|יט ז}} {{|יהושע|יט|ח}} {{|יט ח}} {{|יהושע|יט|ט}} {{|יט ט}} {{}} {{|יהושע|יט|י}} {{|יט י}} {{|יהושע|יט|יא}} {{|יט יא}} {{|יהושע|יט|יב}} {{|יט יב}} {{|יהושע|יט|יג}} {{|יט יג}} {{|יהושע|יט|יד}} {{|יט יד}} {{|יהושע|יט|טו}} {{|יט טו}} {{|יהושע|יט|טז}} {{|יט טז}} {{}} {{|יהושע|יט|יז}} {{|יט יז}} {{|יהושע|יט|יח}} {{|יט יח}} {{|יהושע|יט|יט}} {{|יט יט}} {{|יהושע|יט|כ}} {{|יט כ}} {{|יהושע|יט|כא}} {{|יט כא}} {{|יהושע|יט|כב}} {{|יט כב}} {{|יהושע|יט|כג}} {{|יט כג}} {{}} {{|יהושע|יט|כד}} {{|יט כד}} {{|יהושע|יט|כה}} {{|יט כה}} {{|יהושע|יט|כו}} {{|יט כו}} {{|יהושע|יט|כז}} {{|יט כז}} {{|יהושע|יט|כח}} {{|יט כח}} {{|יהושע|יט|כט}} {{|יט כט}} {{|יהושע|יט|ל}} {{|יט ל}} {{|יהושע|יט|לא}} {{|יט לא}} {{}} {{|יהושע|יט|לב}} {{|יט לב}} {{|יהושע|יט|לג}} {{|יט לג}} {{|יהושע|יט|לד}} {{|יט לד}} {{|יהושע|יט|לה}} {{|יט לה}} {{|יהושע|יט|לו}} {{|יט לו}} {{|יהושע|יט|לז}} {{|יט לז}} {{|יהושע|יט|לח}} {{|יט לח}} {{|יהושע|יט|לט}} {{|יט לט}} {{}} {{|יהושע|יט|מ}} {{|יט מ}} {{|יהושע|יט|מא}} {{|יט מא}} {{|יהושע|יט|מב}} {{|יט מב}} {{|יהושע|יט|מג}} {{|יט מג}} {{|יהושע|יט|מד}} {{|יט מד}} {{|יהושע|יט|מה}} {{|יט מה}} {{|יהושע|יט|מו}} {{|יט מו}} {{|יהושע|יט|מז}} {{|יט מז}} {{|יהושע|יט|מח}} {{|יט מח}} {{}} {{|יהושע|יט|מט}} {{|יט מט}} {{|יהושע|יט|נ}} {{|יט נ}} {{|יהושע|יט|נא}} {{|יט נא}} {{}} {{|יהושע|כ}} {{|יהושע|כ|א}} {{|כ א}} {{|יהושע|כ|ב}} {{|כ ב}} {{|יהושע|כ|ג}} {{|כ ג}} {{|יהושע|כ|ד}} {{|כ ד}} {{|יהושע|כ|ה}} {{|כ ה}} {{|יהושע|כ|ו}} {{|כ ו}} {{|יהושע|כ|ז}} {{|כ ז}} {{|יהושע|כ|ח}} {{|כ ח}} {{|יהושע|כ|ט}} {{|כ ט}} {{}} {{|יהושע|כא}} {{|יהושע|כא|א}} {{|כא א}} {{|יהושע|כא|ב}} {{|כא ב}} {{|יהושע|כא|ג}} {{|כא ג}} {{|יהושע|כא|ד}} {{|כא ד}} {{}} {{|יהושע|כא|ה}} {{|כא ה}} {{}} {{|יהושע|כא|ו}} {{|כא ו}} {{}} {{|יהושע|כא|ז}} {{|כא ז}} {{|יהושע|כא|ח}} {{|כא ח}} {{}} {{|יהושע|כא|ט}} {{|כא ט}} {{|יהושע|כא|י}} {{|כא י}} {{|יהושע|כא|יא}} {{|כא יא}} {{|יהושע|כא|יב}} {{|כא יב}} {{}} {{|יהושע|כא|יג}} {{|כא יג}} {{|יהושע|כא|יד}} {{|כא יד}} {{|יהושע|כא|טו}} {{|כא טו}} {{|יהושע|כא|טז}} {{|כא טז}} {{}} {{|יהושע|כא|יז}} {{|כא יז}} {{|יהושע|כא|יח}} {{|כא יח}} {{|יהושע|כא|יט}} {{|כא יט}} {{}} {{|יהושע|כא|כ}} {{|כא כ}} {{|יהושע|כא|כא}} {{|כא כא}} {{|יהושע|כא|כב}} {{|כא כב}} {{}} {{|יהושע|כא|כג}} {{|כא כג}} {{|יהושע|כא|כד}} {{|כא כד}} {{}} {{|יהושע|כא|כה}} {{|כא כה}} {{|יהושע|כא|כו}} {{|כא כו}} {{}} {{|יהושע|כא|כז}} {{|כא כז}} {{}} {{|יהושע|כא|כח}} {{|כא כח}} {{|יהושע|כא|כט}} {{|כא כט}} {{}} {{|יהושע|כא|ל}} {{|כא ל}} {{|יהושע|כא|לא}} {{|כא לא}} {{}} {{|יהושע|כא|לב}} {{|כא לב}} {{|יהושע|כא|לג}} {{|כא לג}} {{}} {{|יהושע|כא|לד}} {{|כא לד}} {{|יהושע|כא|לה}} {{|כא לה}} {{|יהושע|כא|לו}} {{|כא לו}} {{|יהושע|כא|לז}} {{|כא לז}} {{}} {{|יהושע|כא|לח}} {{|כא לח}} {{|יהושע|כא|לט}} {{|כא לט}} {{|יהושע|כא|מ}} {{|כא מ}} {{|יהושע|כא|מא}} {{|כא מא}} {{|יהושע|כא|מב}} {{|כא מב}} {{}} {{|יהושע|כא|מג}} {{|כא מג}} {{|יהושע|כא|מד}} {{|כא מד}} {{|יהושע|כא|מה}} {{|כא מה}} {{}} {{|יהושע|כב}} {{|יהושע|כב|א}} {{|כב א}} {{|יהושע|כב|ב}} {{|כב ב}} {{|יהושע|כב|ג}} {{|כב ג}} {{|יהושע|כב|ד}} {{|כב ד}} {{|יהושע|כב|ה}} {{|כב ה}} {{|יהושע|כב|ו}} {{|כב ו}} {{}} {{|יהושע|כב|ז}} {{|כב ז}} {{|יהושע|כב|ח}} {{|כב ח}} {{}} {{|יהושע|כב|ט}} {{|כב ט}} {{|יהושע|כב|י}} {{|כב י}} {{|יהושע|כב|יא}} {{|כב יא}} {{|יהושע|כב|יב}} {{|כב יב}} {{}} {{|יהושע|כב|יג}} {{|כב יג}} {{|יהושע|כב|יד}} {{|כב יד}} {{|יהושע|כב|טו}} {{|כב טו}} {{|יהושע|כב|טז}} {{|כב טז}} {{|יהושע|כב|יז}} {{|כב יז}} {{|יהושע|כב|יח}} {{|כב יח}} {{|יהושע|כב|יט}} {{|כב יט}} {{|יהושע|כב|כ}} {{|כב כ}} {{}} {{|יהושע|כב|כא}} {{|כב כא}} {{|יהושע|כב|כב}} {{|כב כב}} {{|יהושע|כב|כג}} {{|כב כג}} {{|יהושע|כב|כד}} {{|כב כד}} {{|יהושע|כב|כה}} {{|כב כה}} {{|יהושע|כב|כו}} {{|כב כו}} {{|יהושע|כב|כז}} {{|כב כז}} {{|יהושע|כב|כח}} {{|כב כח}} {{|יהושע|כב|כט}} {{|כב כט}} {{}} {{|יהושע|כב|ל}} {{|כב ל}} {{|יהושע|כב|לא}} {{|כב לא}} {{|יהושע|כב|לב}} {{|כב לב}} {{|יהושע|כב|לג}} {{|כב לג}} {{|יהושע|כב|לד}} {{|כב לד}} {{}} {{|יהושע|כג}} {{|יהושע|כג|א}} {{|כג א}} {{|יהושע|כג|ב}} {{|כג ב}} {{|יהושע|כג|ג}} {{|כג ג}} {{|יהושע|כג|ד}} {{|כג ד}} {{|יהושע|כג|ה}} {{|כג ה}} {{|יהושע|כג|ו}} {{|כג ו}} {{|יהושע|כג|ז}} {{|כג ז}} {{|יהושע|כג|ח}} {{|כג ח}} {{|יהושע|כג|ט}} {{|כג ט}} {{|יהושע|כג|י}} {{|כג י}} {{|יהושע|כג|יא}} {{|כג יא}} {{|יהושע|כג|יב}} {{|כג יב}} {{|יהושע|כג|יג}} {{|כג יג}} {{|יהושע|כג|יד}} {{|כג יד}} {{|יהושע|כג|טו}} {{|כג טו}} {{|יהושע|כג|טז}} {{|כג טז}} {{}} {{|יהושע|כד}} {{|יהושע|כד|א}} {{|כד א}} {{|יהושע|כד|ב}} {{|כד ב}} {{|יהושע|כד|ג}} {{|כד ג}} {{|יהושע|כד|ד}} {{|כד ד}} {{|יהושע|כד|ה}} {{|כד ה}} {{|יהושע|כד|ו}} {{|כד ו}} {{|יהושע|כד|ז}} {{|כד ז}} {{|יהושע|כד|ח}} {{|כד ח}} {{|יהושע|כד|ט}} {{|כד ט}} {{|יהושע|כד|י}} {{|כד י}} {{|יהושע|כד|יא}} {{|כד יא}} {{|יהושע|כד|יב}} {{|כד יב}} {{|יהושע|כד|יג}} {{|כד יג}} {{|יהושע|כד|יד}} {{|כד יד}} {{|יהושע|כד|טו}} {{|כד טו}} {{}} {{|יהושע|כד|טז}} {{|כד טז}} {{|יהושע|כד|יז}} {{|כד יז}} {{|יהושע|כד|יח}} {{|כד יח}} {{}} {{|יהושע|כד|יט}} {{|כד יט}} {{|יהושע|כד|כ}} {{|כד כ}} {{|יהושע|כד|כא}} {{|כד כא}} {{|יהושע|כד|כב}} {{|כד כב}} {{|יהושע|כד|כג}} {{|כד כג}} {{|יהושע|כד|כד}} {{|כד כד}} {{|יהושע|כד|כה}} {{|כד כה}} {{|יהושע|כד|כו}} {{|כד כו}} {{}} {{|יהושע|כד|כז}} {{|כד כז}} {{|יהושע|כד|כח}} {{|כד כח}} {{}} {{|יהושע|כד|כט}} {{|כד כט}} {{|יהושע|כד|ל}} {{|כד ל}} {{|יהושע|כד|לא}} {{|כד לא}} {{|יהושע|כד|לב}} {{|כד לב}} {{|יהושע|כד|לג}} {{|כד לג}} {{|יהושע}}