לדלג לתוכן

מקרא מבואר/תצוגה/ספר בראשית/פרשת וישב

הוספת קישורים
מתוך ויקיטקסט, מאגר הטקסטים החופשי


ראשון

[עריכה]
פ פָּרָשַׁת חֲלוֹמוֹת יוֹסֵף
לז א וַיֵּ֣שֶׁב יַעֲקֹ֔ב בְּאֶ֖רֶץ מְגוּרֵ֣י אָבִ֑יו בְּאֶ֖רֶץ כְּנָֽעַן׃ יַעֲקֹב הִתְיַשֵּׁב בָּאֶרֶץ שֶׁגָּר בָּהּ אָבִיו – בְּאֶרֶץ כְּנַעַן.
ב אֵ֣לֶּה ׀ תֹּלְד֣וֹת יַעֲקֹ֗ב יוֹסֵ֞ף בֶּן־שְׁבַֽע־עֶשְׂרֵ֤ה שָׁנָה֙ הָיָ֨ה רֹעֶ֤ה אֶת־אֶחָיו֙ בַּצֹּ֔אן וְה֣וּא נַ֗עַר אֶת־בְּנֵ֥י בִלְהָ֛ה וְאֶת־בְּנֵ֥י זִלְפָּ֖ה נְשֵׁ֣י אָבִ֑יו וַיָּבֵ֥א יוֹסֵ֛ף אֶת־דִּבָּתָ֥ם רָעָ֖ה אֶל־אֲבִיהֶֽם׃ אֵלֶּה צֶאֱצָאֵי יַעֲקֹב: יוֹסֵף הָיָה בֶּן שְׁבַע עֶשְׂרֵה שָׁנָה כְּשֶׁהָיָה רוֹעֶה עִם אֶחָיו אֶת הַצֹּאן, וְהוּא גָּדַל עִם בְּנֵי בִּלְהָה וְעִם בְּנֵי זִלְפָּה נְשׁוֹת אָבִיו, וּכְשֶׁעָשׂוּ רָע הוּא הִלְשִׁין עֲלֵיהֶם לַאֲבִיהֶם.
ג וְיִשְׂרָאֵ֗ל אָהַ֤ב אֶת־יוֹסֵף֙ מִכׇּל־בָּנָ֔יו כִּֽי־בֶן־זְקֻנִ֥ים ה֖וּא ל֑וֹ וְעָ֥שָׂה ל֖וֹ כְּתֹ֥נֶת פַּסִּֽים׃ וְיִשְׂרָאֵל אָהַב אֶת יוֹסֵף יוֹתֵר מִכָּל בָּנָיו כִּי הוּא הָיָה הַבֵּן שֶׁנּוֹלַד לוֹ לְעֵת זִקְנוּתוֹ, וְהוּא עָשָׂה לוֹ כֻּתּוֹנֶת מְצֻיֶּרֶת בְּפַסִּים.
ד וַיִּרְא֣וּ אֶחָ֗יו כִּֽי־אֹת֞וֹ אָהַ֤ב אֲבִיהֶם֙ מִכׇּל־אֶחָ֔יו וַֽיִּשְׂנְא֖וּ אֹת֑וֹ וְלֹ֥א יָכְל֖וּ דַּבְּר֥וֹ לְשָׁלֹֽם׃ אֶחָיו רָאוּ שֶׁאֲבִיהֶם אָהַב אוֹתוֹ יוֹתֵר מִכָּל אֶחָיו וְשָׂנְאוּ אוֹתוֹ, וְלֹא יָכְלוּ לְבָרְכוֹ לְשָׁלוֹם.
ה וַיַּחֲלֹ֤ם יוֹסֵף֙ חֲל֔וֹם וַיַּגֵּ֖ד לְאֶחָ֑יו וַיּוֹסִ֥פוּ ע֖וֹד שְׂנֹ֥א אֹתֽוֹ׃ יוֹסֵף חָלַם חֲלוֹם וְסִפֵּר אוֹתוֹ לְאֶחָיו, וְהֵם הוֹסִיפוּ לִשְׂנוֹא אוֹתוֹ יוֹתֵר.
ו וַיֹּ֖אמֶר אֲלֵיהֶ֑ם שִׁמְעוּ־נָ֕א הַחֲל֥וֹם הַזֶּ֖ה אֲשֶׁ֥ר חָלָֽמְתִּי׃ אָמַר לָהֶם: שִׁמְעוּ בְּבַקָּשָׁה אֶת הַחֲלוֹם הַזֶּה שֶׁחָלַמְתִּי.
ז וְ֠הִנֵּ֠ה אֲנַ֜חְנוּ מְאַלְּמִ֤ים אֲלֻמִּים֙ בְּת֣וֹךְ הַשָּׂדֶ֔ה וְהִנֵּ֛ה קָ֥מָה אֲלֻמָּתִ֖י וְגַם־נִצָּ֑בָה וְהִנֵּ֤ה תְסֻבֶּ֙ינָה֙ אֲלֻמֹּ֣תֵיכֶ֔ם וַתִּֽשְׁתַּחֲוֶ֖יןָ לַאֲלֻמָּתִֽי׃ אֲנַחְנוּ בְּתוֹךְ הַשָּׂדֶה קוֹשְׁרִים שִׁבּוֹלִים לַאֲלֻמּוֹת, וְהִנֵּה אֲלֻמָּתִי קָמָה וְגַם הִזְדַּקְּפָה, וְאָז אֲלֻמּוֹתֵיכֶם הִקִּיפוּ אוֹתָהּ וְהִשְׁתַּחֲווּ לַאֲלֻמָּתִי.
ח וַיֹּ֤אמְרוּ לוֹ֙ אֶחָ֔יו הֲמָלֹ֤ךְ תִּמְלֹךְ֙ עָלֵ֔ינוּ אִם־מָשׁ֥וֹל תִּמְשֹׁ֖ל בָּ֑נוּ וַיּוֹסִ֤פוּ עוֹד֙ שְׂנֹ֣א אֹת֔וֹ עַל־חֲלֹמֹתָ֖יו וְעַל־דְּבָרָֽיו׃ אָמְרוּ לוֹ אֶחָיו: הַאִם נִרְאֶה לְךָ שֶׁתִּמְלוֹךְ עָלֵינוּ אוֹ תִּמְשׁוֹל בָּנוּ?! הֵם הוֹסִיפוּ לִשְׂנוֹא אוֹתוֹ עוֹד יוֹתֵר בִּגְלַל חֲלוֹמוֹתָיו וּבִגְלַל דִּבּוּרָיו.
ט וַיַּחֲלֹ֥ם עוֹד֙ חֲל֣וֹם אַחֵ֔ר וַיְסַפֵּ֥ר אֹת֖וֹ לְאֶחָ֑יו וַיֹּ֗אמֶר הִנֵּ֨ה חָלַ֤מְתִּֽי חֲלוֹם֙ ע֔וֹד וְהִנֵּ֧ה הַשֶּׁ֣מֶשׁ וְהַיָּרֵ֗חַ וְאַחַ֤ד עָשָׂר֙ כּֽוֹכָבִ֔ים מִֽשְׁתַּחֲוִ֖ים לִֽי׃ הוּא חָלַם עוֹד חֲלוֹם אַחֵר וְסִפֵּר אוֹתוֹ לְאֶחָיו, וְאָמַר: הִנֵּה חָלַמְתִּי עוֹד חֲלוֹם וְהִנֵּה הַשֶּׁמֶשׁ וְהַיָּרֵחַ וְאַחַד עָשָׂר כּוֹכָבִים מִשְׁתַּחֲוִים לִי.
י וַיְסַפֵּ֣ר אֶל־אָבִיו֮ וְאֶל־אֶחָיו֒ וַיִּגְעַר־בּ֣וֹ אָבִ֔יו וַיֹּ֣אמֶר ל֔וֹ מָ֛ה הַחֲל֥וֹם הַזֶּ֖ה אֲשֶׁ֣ר חָלָ֑מְתָּ הֲב֣וֹא נָב֗וֹא אֲנִי֙ וְאִמְּךָ֣ וְאַחֶ֔יךָ לְהִשְׁתַּחֲוֺ֥ת לְךָ֖ אָֽרְצָה׃ הוּא סִפֵּר לְאָבִיו וּלְאֶחָיו, אָבִיו גָּעַר בּוֹ וְאָמַר לוֹ: מָה הַחֲלוֹם הַזֶּה שֶׁחָלַמְתָּ?! הַאִם נִרְאֶה לְךָ שֶׁנָּבוֹא אֲנִי וְאִמְּךָ וְאַחֶיךָ לְהִשְׁתַּחֲווֹת לְךָ עַל הָאָרֶץ?!
יא וַיְקַנְאוּ־ב֖וֹ אֶחָ֑יו וְאָבִ֖יו שָׁמַ֥ר אֶת־הַדָּבָֽר׃ אֶחָיו קִנְאוּ בּוֹ, וְאָבִיו שָׁמַר אֶת הַדָּבָר בְּזִכְרוֹנוֹ.


שני

[עריכה]
פָּרָשַׁת מְכִירַת יוֹסֵף
יב וַיֵּלְכ֖וּ אֶחָ֑יו לִרְע֛וֹת אֶׄתׄ־צֹ֥אן אֲבִיהֶ֖ם בִּשְׁכֶֽם׃ אֶחָיו הָלְכוּ לִרְעוֹת אֶת צֹאן אֲבִיהֶם בִּשְׁכֶם.
יג וַיֹּ֨אמֶר יִשְׂרָאֵ֜ל אֶל־יוֹסֵ֗ף הֲל֤וֹא אַחֶ֙יךָ֙ רֹעִ֣ים בִּשְׁכֶ֔ם לְכָ֖ה וְאֶשְׁלָחֲךָ֣ אֲלֵיהֶ֑ם וַיֹּ֥אמֶר ל֖וֹ הִנֵּֽנִי׃ יִשְׂרָאֵל אָמַר לְיוֹסֵף: הֲרֵי אַחֶיךָ רוֹעִים בִּשְׁכֶם בֹּא וְאֶשְׁלַח אוֹתְךָ אֲלֵיהֶם, אָמַר לוֹ: הִנֵּה אֲנִי מוּכָן.
יד וַיֹּ֣אמֶר ל֗וֹ לֶךְ־נָ֨א רְאֵ֜ה אֶת־שְׁל֤וֹם אַחֶ֙יךָ֙ וְאֶת־שְׁל֣וֹם הַצֹּ֔אן וַהֲשִׁבֵ֖נִי דָּבָ֑ר וַיִּשְׁלָחֵ֙הוּ֙ מֵעֵ֣מֶק חֶבְר֔וֹן וַיָּבֹ֖א שְׁכֶֽמָה׃ אָמַר לוֹ: לֵךְ בְּבַקָּשָׁה לִרְאוֹת מַה שְּׁלוֹם אַחֶיךָ וּמַה שְּׁלוֹם הַצֹּאן וַהֲשֵׁב לִי תְּשׁוּבָה, הוּא שָׁלַח אוֹתוֹ מֵעֵמֶק חֶבְרוֹן וְהוּא בָּא לִשְׁכֶם.
טו וַיִּמְצָאֵ֣הוּ אִ֔ישׁ וְהִנֵּ֥ה תֹעֶ֖ה בַּשָּׂדֶ֑ה וַיִּשְׁאָלֵ֧הוּ הָאִ֛ישׁ לֵאמֹ֖ר מַה־תְּבַקֵּֽשׁ׃ אִישׁ אֶחָד מָצָא אוֹתוֹ וְרָאָה שֶׁהוּא אִבֵּד אֶת דַּרְכּוֹ בַּשָּׂדֶה, שָׁאַל אוֹתוֹ הָאִישׁ: מָה אַתָּה מְחַפֵּשׂ?
טז וַיֹּ֕אמֶר אֶת־אַחַ֖י אָנֹכִ֣י מְבַקֵּ֑שׁ הַגִּֽידָה־נָּ֣א לִ֔י אֵיפֹ֖ה הֵ֥ם רֹעִֽים׃ אָמַר לוֹ: אֲנִי מְחַפֵּשׂ אֶת אַחַי, הַגֵּד לִי בְּבַקָּשָׁה, אֵיפֹה הֵם רוֹעִים?
יז וַיֹּ֤אמֶר הָאִישׁ֙ נָסְע֣וּ מִזֶּ֔ה כִּ֤י שָׁמַ֙עְתִּי֙ אֹֽמְרִ֔ים נֵלְכָ֖ה דֹּתָ֑יְנָה וַיֵּ֤לֶךְ יוֹסֵף֙ אַחַ֣ר אֶחָ֔יו וַיִּמְצָאֵ֖ם בְּדֹתָֽן׃ אָמַר הָאִישׁ: הֵם נָסְעוּ מִכָּאן שֶׁהֲרֵי שָׁמַעְתִּי אוֹתָם אוֹמְרִים נֵלֵךְ לְדוֹתָן, יוֹסֵף הָלַךְ אַחַר אֶחָיו וּמָצָא אוֹתָם בְּדוֹתָן.
יח וַיִּרְא֥וּ אֹת֖וֹ מֵרָחֹ֑ק וּבְטֶ֙רֶם֙ יִקְרַ֣ב אֲלֵיהֶ֔ם וַיִּֽתְנַכְּל֥וּ אֹת֖וֹ לַהֲמִיתֽוֹ׃ הֵם רָאוּ אוֹתוֹ מֵרָחוֹק, וְלִפְנֵי שֶׁהוּא נִגַּשׁ אֲלֵיהֶם, הֵם זָמְמוּ נֶגְדּוֹ לַהֲמִיתוֹ.
יט וַיֹּאמְר֖וּ אִ֣ישׁ אֶל־אָחִ֑יו הִנֵּ֗ה בַּ֛עַל הַחֲלֹמ֥וֹת הַלָּזֶ֖ה בָּֽא׃ הֵם אָמְרוּ אִישׁ לְאָחִיו: הִנֵּה בַּעַל הַחֲלוֹמוֹת הַזֶּה בָּא.
כ וְעַתָּ֣ה ׀ לְכ֣וּ וְנַֽהַרְגֵ֗הוּ וְנַשְׁלִכֵ֙הוּ֙ בְּאַחַ֣ד הַבֹּר֔וֹת וְאָמַ֕רְנוּ חַיָּ֥ה רָעָ֖ה אֲכָלָ֑תְהוּ וְנִרְאֶ֕ה מַה־יִּהְי֖וּ חֲלֹמֹתָֽיו׃ וְעַכְשָׁיו בּוֹאוּ וְנַהֲרוֹג אוֹתוֹ וְנִזְרוֹק אוֹתוֹ בְּאַחַד הַבּוֹרוֹת, וְנֹאמַר שֶׁחַיָּה רָעָה אָכְלָה אוֹתוֹ, וְנִרְאֶה מַה יֵּצֵא מֵחֲלוֹמוֹתָיו.
כא וַיִּשְׁמַ֣ע רְאוּבֵ֔ן וַיַּצִּלֵ֖הוּ מִיָּדָ֑ם וַיֹּ֕אמֶר לֹ֥א נַכֶּ֖נּוּ נָֽפֶשׁ׃ רְאוּבֵן שָׁמַע וְהִצִּיל אוֹתוֹ מִיָּדָם, אָמַר: לֹא נַכֶּה אוֹתוֹ לָמָוֶת.
כב וַיֹּ֨אמֶר אֲלֵהֶ֣ם ׀ רְאוּבֵן֮ אַל־תִּשְׁפְּכוּ־דָם֒ הַשְׁלִ֣יכוּ אֹת֗וֹ אֶל־הַבּ֤וֹר הַזֶּה֙ אֲשֶׁ֣ר בַּמִּדְבָּ֔ר וְיָ֖ד אַל־תִּשְׁלְחוּ־ב֑וֹ לְמַ֗עַן הַצִּ֤יל אֹתוֹ֙ מִיָּדָ֔ם לַהֲשִׁיב֖וֹ אֶל־אָבִֽיו׃ אָמַר לָהֶם רְאוּבֵן, כְּדֵי לְהַצִּיל אוֹתוֹ מִיָּדָם וּלְהַחֲזִירוֹ לְאָבִיו: אַל תִּשְׁפְּכוּ דָּם, הַשְׁלִיכוּ אוֹתוֹ לַבּוֹר הַזֶּה שֶׁבַּמִּדְבָּר וְאַל תּוֹשִׁיטוּ יָד לִפְגּוֹעַ בּוֹ.


שלישי

[עריכה]
כג וַיְהִ֕י כַּֽאֲשֶׁר־בָּ֥א יוֹסֵ֖ף אֶל־אֶחָ֑יו וַיַּפְשִׁ֤יטוּ אֶת־יוֹסֵף֙ אֶת־כֻּתׇּנְתּ֔וֹ אֶת־כְּתֹ֥נֶת הַפַּסִּ֖ים אֲשֶׁ֥ר עָלָֽיו׃ כְּשֶׁיּוֹסֵף בָּא אֶל אֶחָיו הֵם הִפְשִׁיטוּ מִיּוֹסֵף אֶת הַכֻּתּוֹנֶת שֶׁלּוֹ – אֶת כְּתוֹנֶת הַפַּסִּים שֶׁעָלָיו.
כד וַיִּ֨קָּחֻ֔הוּ וַיַּשְׁלִ֥כוּ אֹת֖וֹ הַבֹּ֑רָה וְהַבּ֣וֹר רֵ֔ק אֵ֥ין בּ֖וֹ מָֽיִם׃ הֵם לָקְחוּ אוֹתוֹ וְזָרְקוּ אוֹתוֹ לַבּוֹר, וְהַבּוֹר רֵק – אֵין בּוֹ מַיִם.
כה וַיֵּשְׁבוּ֮ לֶֽאֱכׇל־לֶ֒חֶם֒ וַיִּשְׂא֤וּ עֵֽינֵיהֶם֙ וַיִּרְא֔וּ וְהִנֵּה֙ אֹרְחַ֣ת יִשְׁמְעֵאלִ֔ים בָּאָ֖ה מִגִּלְעָ֑ד וּגְמַלֵּיהֶ֣ם נֹֽשְׂאִ֗ים נְכֹאת֙ וּצְרִ֣י וָלֹ֔ט הוֹלְכִ֖ים לְהוֹרִ֥יד מִצְרָֽיְמָה׃ הֵם יָשְׁבוּ לֶאֱכוֹל סְעוּדָה, וְהֵרִימוּ אֶת עֵינֵיהֶם וְרָאוּ שַׁיָּרָה שֶׁל יִשְׁמְעֵאלִים בָּאָה מֵהַגִּלְעָד וּגְמַלֵּיהֶם נוֹשְׂאִים בְּשָׂמִים – נְכֹאת וּצְרִי וְלוֹטֶם – הוֹלְכִים לְהוֹבִיל לְמִצְרַיִם.
כו וַיֹּ֥אמֶר יְהוּדָ֖ה אֶל־אֶחָ֑יו מַה־בֶּ֗צַע כִּ֤י נַהֲרֹג֙ אֶת־אָחִ֔ינוּ וְכִסִּ֖ינוּ אֶת־דָּמֽוֹ׃ יְהוּדָה אָמַר לְאֶחָיו: מַה נַּרְוִיחַ אִם נַהֲרוֹג אֶת אָחִינוּ וְנַסְתִּיר אֶת רְצִיחָתוֹ?!
כז לְכ֞וּ וְנִמְכְּרֶ֣נּוּ לַיִּשְׁמְעֵאלִ֗ים וְיָדֵ֙נוּ֙ אַל־תְּהִי־ב֔וֹ כִּֽי־אָחִ֥ינוּ בְשָׂרֵ֖נוּ ה֑וּא וַֽיִּשְׁמְע֖וּ אֶחָֽיו׃ בּוֹאוּ וְנִמְכּוֹר אוֹתוֹ לַיִּשְׁמְעֵאלִים וְלֹא נַהֲרוֹג אוֹתוֹ בְּיָדֵינוּ, כִּי הוּא אָחִינוּ כְּגוּפֵנוּ! אֶחָיו שָׁמְעוּ בְּקוֹלוֹ.
כח וַיַּֽעַבְרוּ֩ אֲנָשִׁ֨ים מִדְיָנִ֜ים סֹֽחֲרִ֗ים וַֽיִּמְשְׁכוּ֙ וַיַּֽעֲל֤וּ אֶת־יוֹסֵף֙ מִן־הַבּ֔וֹר וַיִּמְכְּר֧וּ אֶת־יוֹסֵ֛ף לַיִּשְׁמְעֵאלִ֖ים בְּעֶשְׂרִ֣ים כָּ֑סֶף וַיָּבִ֥יאוּ אֶת־יוֹסֵ֖ף מִצְרָֽיְמָה׃ אֲנָשִׁים מִדְיָנִים סוֹחֲרִים עָבְרוּ, הֵם מָשְׁכוּ וְהֶעֱלוּ אֶת יוֹסֵף מֵהַבּוֹר וּמָכְרוּ אֶת יוֹסֵף לַיִּשְׁמְעֵאלִים בְּמִשְׁקַל עֶשְׂרִים שְׁקָלִים (282 גְּרַם) כֶּסֶף, וְהֵם הֵבִיאוּ אֶת יוֹסֵף לְמִצְרַיִם.
כט וַיָּ֤שׇׁב רְאוּבֵן֙ אֶל־הַבּ֔וֹר וְהִנֵּ֥ה אֵין־יוֹסֵ֖ף בַּבּ֑וֹר וַיִּקְרַ֖ע אֶת־בְּגָדָֽיו׃ רְאוּבֵן חָזַר לַבּוֹר וְהִנֵּה יוֹסֵף אֵינוֹ בַּבּוֹר! הוּא קָרַע אֶת בְּגָדָיו.
ל וַיָּ֥שׇׁב אֶל־אֶחָ֖יו וַיֹּאמַ֑ר הַיֶּ֣לֶד אֵינֶ֔נּוּ וַאֲנִ֖י אָ֥נָה אֲנִי־בָֽא׃ הוּא חָזַר לְאֶחָיו וְאָמַר: הַיֶּלֶד אֵינֶנּוּ! וַאֲנִי, מָה אֲנִי עוֹשֶׂה?
לא וַיִּקְח֖וּ אֶת־כְּתֹ֣נֶת יוֹסֵ֑ף וַֽיִּשְׁחֲטוּ֙ שְׂעִ֣יר עִזִּ֔ים וַיִּטְבְּל֥וּ אֶת־הַכֻּתֹּ֖נֶת בַּדָּֽם׃ הֵם לָקְחוּ אֶת הַכֻּתּוֹנֶת שֶׁל יוֹסֵף, שָׁחֲטוּ תַּיִשׁ וְטָבְלוּ אֶת הַכֻּתּוֹנֶת בַּדָּם.
לב וַֽיְשַׁלְּח֞וּ אֶת־כְּתֹ֣נֶת הַפַּסִּ֗ים וַיָּבִ֙יאוּ֙ אֶל־אֲבִיהֶ֔ם וַיֹּאמְר֖וּ זֹ֣את מָצָ֑אנוּ הַכֶּר־נָ֗א הַכְּתֹ֧נֶת בִּנְךָ֛ הִ֖וא אִם־לֹֽא׃ הֵם שָׁלְחוּ אֶת כְּתוֹנֶת הַפַּסִּים, וְהֵבִיאוּ לַאֲבִיהֶם, וְאָמְרוּ הַשְּׁלִיחִים: אֶת זֶה מָצָאנוּ! זַהֶה בְּבַקָּשָׁה, הַאִם זֹאת כְּתוֹנֶת בִּנְךָ אוֹ לֹא.
לג וַיַּכִּירָ֤הּ וַיֹּ֙אמֶר֙ כְּתֹ֣נֶת בְּנִ֔י חַיָּ֥ה רָעָ֖ה אֲכָלָ֑תְהוּ טָרֹ֥ף טֹרַ֖ף יוֹסֵֽף׃ הוּא זִיהָה אוֹתָהּ וְאָמַר: זוֹ כְּתוֹנֶת בְּנִי! חַיָּה רָעָה אַָכְלָה אוֹתוֹ, יוֹסֵף נִטְרַף!
לד וַיִּקְרַ֤ע יַעֲקֹב֙ שִׂמְלֹתָ֔יו וַיָּ֥שֶׂם שַׂ֖ק בְּמׇתְנָ֑יו וַיִּתְאַבֵּ֥ל עַל־בְּנ֖וֹ יָמִ֥ים רַבִּֽים׃ יַעֲקֹב קָרַע אֶת בְּגָדָיו, שָׂם שַׂק בְּמָתְנָיו, וְהִתְאַבֵּל עַל בְּנוֹ יָמִים רַבִּים.
לה וַיָּקֻ֩מוּ֩ כׇל־בָּנָ֨יו וְכׇל־בְּנֹתָ֜יו לְנַחֲמ֗וֹ וַיְמָאֵן֙ לְהִתְנַחֵ֔ם וַיֹּ֕אמֶר כִּֽי־אֵרֵ֧ד אֶל־בְּנִ֛י אָבֵ֖ל שְׁאֹ֑לָה וַיֵּ֥בְךְּ אֹת֖וֹ אָבִֽיו׃ כָּל בָּנָיו וְכָל בְּנוֹתָיו קָמוּ לְנַחֲמוֹ, הוּא סֵרֵב לְהִתְנַחֵם, וְאָמַר: לֹא אֶתְנַחֵם אֶלָּא אֵרֵד אֶל בְּנִי אָבֵל לַקֶּבֶר! וְאָבִיו בָּכָה עָלָיו.
לו וְהַ֨מְּדָנִ֔ים מָכְר֥וּ אֹת֖וֹ אֶל־מִצְרָ֑יִם לְפֽוֹטִיפַר֙ סְרִ֣יס פַּרְעֹ֔ה שַׂ֖ר הַטַּבָּחִֽים׃ וְהַמְּדָנִים מָכְרוּ אוֹתוֹ לְמִצְרַיִם לְפוֹטִיפַר מְשָׁרֵת פַּרְעֹה שַׂר הַלּוֹחֲמִים.


רביעי

[עריכה]
פ פָּרָשַׁת תָּמָר
לח א וַֽיְהִי֙ בָּעֵ֣ת הַהִ֔וא וַיֵּ֥רֶד יְהוּדָ֖ה מֵאֵ֣ת אֶחָ֑יו וַיֵּ֛ט עַד־אִ֥ישׁ עֲדֻלָּמִ֖י וּשְׁמ֥וֹ חִירָֽה׃ בַּזְּמָן הַהוּא, יְהוּדָה עָזַב אֶת אֶחָיו וּפָנָה לָגוּר עִם אִישׁ מֵעֲדֻלָּם שֶׁשְּׁמוֹ חִירָה.
ב וַיַּרְא־שָׁ֧ם יְהוּדָ֛ה בַּת־אִ֥ישׁ כְּנַעֲנִ֖י וּשְׁמ֣וֹ שׁ֑וּעַ וַיִּקָּחֶ֖הָ וַיָּבֹ֥א אֵלֶֽיהָ׃ יְהוּדָה רָאָה שָׁם בַּת שֶׁל אִישׁ כְּנַעֲנִי שֶׁשְּׁמוֹ שׁוּעַ, לָקַח אוֹתָהּ לְאִשָּׁה וּבָא אֵלֶיהָ.
ג וַתַּ֖הַר וַתֵּ֣לֶד בֵּ֑ן וַיִּקְרָ֥א אֶת־שְׁמ֖וֹ עֵֽר׃ הִיא נִכְנְסָה לְהֵרָיוֹן וְיָלְדָה בֵּן, הוּא קָרָא אֶת שְׁמוֹ עֵר.
ד וַתַּ֥הַר ע֖וֹד וַתֵּ֣לֶד בֵּ֑ן וַתִּקְרָ֥א אֶת־שְׁמ֖וֹ אוֹנָֽן׃ הִיא נִכְנְסָה שׁוּב לְהֵרָיוֹן וְיָלְדָה בֵּן וְקָרְאָה אֶת שְׁמוֹ אוֹנָן.
ה וַתֹּ֤סֶף עוֹד֙ וַתֵּ֣לֶד בֵּ֔ן וַתִּקְרָ֥א אֶת־שְׁמ֖וֹ שֵׁלָ֑ה וְהָיָ֥ה בִכְזִ֖יב בְּלִדְתָּ֥הּ אֹתֽוֹ׃ הִיא הִמְשִׁיכָה וְיָלְדָה עוֹד בֵּן וְקָרְאָה אֶת שְׁמוֹ שֵׁלָה, וִיהוּדָה הָיָה בִּכְזִיב כְּשֶׁהִיא יָלְדָה אוֹתוֹ.
ו וַיִּקַּ֧ח יְהוּדָ֛ה אִשָּׁ֖ה לְעֵ֣ר בְּכוֹר֑וֹ וּשְׁמָ֖הּ תָּמָֽר׃ יְהוּדָה לָקַח אִשָּׁה לְעֵר בְּכוֹרוֹ וּשְׁמָהּ תָּמָר.
ז וַיְהִ֗י עֵ֚ר בְּכ֣וֹר יְהוּדָ֔ה רַ֖ע בְּעֵינֵ֣י יְהֹוָ֑ה וַיְמִתֵ֖הוּ יְהֹוָֽה׃ עֵר בְּכוֹר יְהוּדָה הָיָה רַע בְּעֵינֵי ה', וְה' הֵמִית אוֹתוֹ.
ח וַיֹּ֤אמֶר יְהוּדָה֙ לְאוֹנָ֔ן בֹּ֛א אֶל־אֵ֥שֶׁת אָחִ֖יךָ וְיַבֵּ֣ם אֹתָ֑הּ וְהָקֵ֥ם זֶ֖רַע לְאָחִֽיךָ׃ יְהוּדָה אָמַר לְאוֹנָן: בֹּא אֶל אֵשֶׁת אָחִיךָ וְתִתְחַתֵּן אִתָּהּ בִּמְקוֹם אֲחִיךָ, וְתוֹלִיד בֵּן עַל שֵׁם אָחִיךָ.
ט וַיֵּ֣דַע אוֹנָ֔ן כִּ֛י לֹּ֥א ל֖וֹ יִהְיֶ֣ה הַזָּ֑רַע וְהָיָ֞ה אִם־בָּ֨א אֶל־אֵ֤שֶׁת אָחִיו֙ וְשִׁחֵ֣ת אַ֔רְצָה לְבִלְתִּ֥י נְתׇן־זֶ֖רַע לְאָחִֽיו׃ אוֹנָן יָדַע שֶׁהַבֵּן לֹא יִקָּרֵא עַל שְׁמוֹ, לָכֵן כְּשֶׁבָּא אֶל אֵשֶׁת אָחִיו הוּא שִׁחֵת אֶת זַרְעוֹ לָאָרֶץ, כְּדֵי שֶׁלֹּא לְהוֹלִיד בֵּן עַל שֵׁם אָחִיו.
י וַיֵּ֛רַע בְּעֵינֵ֥י יְהֹוָ֖ה אֲשֶׁ֣ר עָשָׂ֑ה וַיָּ֖מֶת גַּם־אֹתֽוֹ׃ הַדָּבָר שֶׁעָשָׂה הָיָה רַע בְּעֵינֵי ה', וְהוּא הֵמִית גַּם אוֹתוֹ.
יא וַיֹּ֣אמֶר יְהוּדָה֩ לְתָמָ֨ר כַּלָּת֜וֹ שְׁבִ֧י אַלְמָנָ֣ה בֵית־אָבִ֗יךְ עַד־יִגְדַּל֙ שֵׁלָ֣ה בְנִ֔י כִּ֣י אָמַ֔ר פֶּן־יָמ֥וּת גַּם־ה֖וּא כְּאֶחָ֑יו וַתֵּ֣לֶךְ תָּמָ֔ר וַתֵּ֖שֶׁב בֵּ֥ית אָבִֽיהָ׃ יְהוּדָה אָמַר לְתָמָר כַּלָּתוֹ: שְׁבִי אַלְמָנָה בְּבֵית אָבִיךְ וְאַל תִּתְחַתְּנִי עַד שֶׁשֵּׁלָה בְּנִי יִגְדַּל וְתִתְחַתְּנוּ, כִּי אָמַר לְעַצְמוֹ שֶׁלֹּא יָמוּת גַּם שֵׁלָה כְּאֶחָיו, תָּמָר הָלְכָה וְיָשְׁבָה בְּבֵית אָבִיהָ.
יב וַיִּרְבּוּ֙ הַיָּמִ֔ים וַתָּ֖מׇת בַּת־שׁ֣וּעַ אֵֽשֶׁת־יְהוּדָ֑ה וַיִּנָּ֣חֶם יְהוּדָ֗ה וַיַּ֜עַל עַל־גֹּֽזְﬞזֵ֤י צֹאנוֹ֙ ה֗וּא וְחִירָ֛ה רֵעֵ֥הוּ הָעֲדֻלָּמִ֖י תִּמְנָֽתָה׃ עָבְרוּ יָמִים רַבִּים וּבַת שׁוּעַ אֵשֶׁת יְהוּדָה מֵתָה, יְהוּדָה הִתְנַחֵם מֵאֶבְלוֹ, וְהָלַךְ לְתִמְנָה לְגוֹזְזֵי צֹאנוֹ יַחַד עִם חִירָה חֲבֵרוֹ מֵעֲדֻלָּם.
יג וַיֻּגַּ֥ד לְתָמָ֖ר לֵאמֹ֑ר הִנֵּ֥ה חָמִ֛יךְ עֹלֶ֥ה תִמְנָ֖תָה לָגֹ֥ז צֹאנֽוֹ׃ סִפְּרוּ לְתָמָר וְאָמְרוּ: הִנֵּה חָמִיךְ עוֹלֶה לְתִמְנָה לִגְזוֹז אֶת צֹאנוֹ.
יד וַתָּ֩סַר֩ בִּגְדֵ֨י אַלְמְנוּתָ֜הּ מֵֽעָלֶ֗יהָ וַתְּכַ֤ס בַּצָּעִיף֙ וַתִּתְעַלָּ֔ף וַתֵּ֙שֶׁב֙ בְּפֶ֣תַח עֵינַ֔יִם אֲשֶׁ֖ר עַל־דֶּ֣רֶךְ תִּמְנָ֑תָה כִּ֤י רָאֲתָה֙ כִּֽי־גָדַ֣ל שֵׁלָ֔ה וְהִ֕וא לֹֽא־נִתְּנָ֥ה ל֖וֹ לְאִשָּֽׁה׃ הִיא הֵסִירָה אֶת בִּגְדֵי אַלְמְנוּתָהּ מֵעָלֶיהָ וְכִסְּתָה אֶת עַצְמָהּ בְּצָעִיף וְהִתְעַטְּפָה, וְיָשְׁבָה בְּצוֹמֶת דְּרָכִים שֶׁבַּדֶּרֶךְ לְתִמְנָה, כִּי הִיא רָאֲתָה שֶׁשֵּׁלָה גָּדַל וְהִיא לֹא נִתְּנָה לוֹ לְאִשָּׁה.
טו וַיִּרְאֶ֣הָ יְהוּדָ֔ה וַֽיַּחְשְׁבֶ֖הָ לְזוֹנָ֑ה כִּ֥י כִסְּתָ֖ה פָּנֶֽיהָ׃ יְהוּדָה רָאָה אוֹתָהּ, וְחָשַׁב שֶׁהִיא זוֹנָה כִּי הִיא כִּסְּתָה אֶת פָּנֶיהָ כְּמוֹ זוֹנוֹת.
טז וַיֵּ֨ט אֵלֶ֜יהָ אֶל־הַדֶּ֗רֶךְ וַיֹּ֙אמֶר֙ הָֽבָה־נָּא֙ אָב֣וֹא אֵלַ֔יִךְ כִּ֚י לֹ֣א יָדַ֔ע כִּ֥י כַלָּת֖וֹ הִ֑וא וַתֹּ֙אמֶר֙ מַה־תִּתֶּן־לִ֔י כִּ֥י תָב֖וֹא אֵלָֽי׃ הוּא פָּנָה אֵלֶיהָ מֵהַדֶּרֶךְ, וְאָמַר: בּוֹאִי בְּבַקָּשָׁה וְאָבוֹא אֵלַיִךְ, כִּי הוּא לֹא יָדַע שֶׁהִיא כַּלָּתוֹ, אָמְרָה לוֹ: מַה תִּתֶּן לִי אִם תָּבוֹא אֵלַי?
יז וַיֹּ֕אמֶר אָנֹכִ֛י אֲשַׁלַּ֥ח גְּדִֽי־עִזִּ֖ים מִן־הַצֹּ֑אן וַתֹּ֕אמֶר אִם־תִּתֵּ֥ן עֵרָב֖וֹן עַ֥ד שׇׁלְחֶֽךָ׃ אָמַר לָהּ: אֲנִי אֶשְׁלַח לָךְ גְּדִי עִזִּים מֵהַצֹּאן, אָמְרָה לוֹ: אַסְכִּים אִם תִּתֵּן לִי מַשְׁכּוֹן עַד שֶׁתִּשְׁלַח.
יח וַיֹּ֗אמֶר מָ֣ה הָעֵֽרָבוֹן֮ אֲשֶׁ֣ר אֶתֶּן־לָךְ֒ וַתֹּ֗אמֶר חֹתָֽמְךָ֙ וּפְתִילֶ֔ךָ וּמַטְּךָ֖ אֲשֶׁ֣ר בְּיָדֶ֑ךָ וַיִּתֶּן־לָ֛הּ וַיָּבֹ֥א אֵלֶ֖יהָ וַתַּ֥הַר לֽוֹ׃ אָמַר לָהּ: אֵיזֶה מַשְׁכּוֹן אֶתֵּן לָךְ? אָמְרָה לוֹ: הַחוֹתֶמֶת וְהַטַּלִּית שֶׁלְּךָ וְהַמַּקֵּל שֶׁבְּיָדְךָ, הוּא נָתַן לָהּ וּבָא אֵלֶיהָ, וְהִיא נִכְנְסָה לְהֵרָיוֹן מִמֶּנּוּ.
יט וַתָּ֣קׇם וַתֵּ֔לֶךְ וַתָּ֥סַר צְעִיפָ֖הּ מֵעָלֶ֑יהָ וַתִּלְבַּ֖שׁ בִּגְדֵ֥י אַלְמְנוּתָֽהּ׃ הִיא קָמָה וְהָלְכָה, וְהֵסִירָה אֶת צְעִיפָהּ מֵעָלֶיהָ, וְלָבְשָׁה אֶת בִּגְדֵי אַלְמְנוּתָהּ.
כ וַיִּשְׁלַ֨ח יְהוּדָ֜ה אֶת־גְּדִ֣י הָֽעִזִּ֗ים בְּיַד֙ רֵעֵ֣הוּ הָֽעֲדֻלָּמִ֔י לָקַ֥חַת הָעֵרָב֖וֹן מִיַּ֣ד הָאִשָּׁ֑ה וְלֹ֖א מְצָאָֽהּ׃ יְהוּדָה שָׁלַח אֶת גְּדִי הָעִזִּים בְּיַד חֲבֵרוֹ שֶׁמֵּעֲדֻלָּם כְּדֵי לָקַחַת אֶת הַמַּשְׁכּוֹן מִיַּד הָאִשָּׁה, וְהוּא לֹא מָצָא אוֹתָהּ.
כא וַיִּשְׁאַ֞ל אֶת־אַנְשֵׁ֤י מְקֹמָהּ֙ לֵאמֹ֔ר אַיֵּ֧ה הַקְּדֵשָׁ֛ה הִ֥וא בָעֵינַ֖יִם עַל־הַדָּ֑רֶךְ וַיֹּ֣אמְר֔וּ לֹא־הָיְתָ֥ה בָזֶ֖ה קְדֵשָֽׁה׃ הוּא שָׁאַל אֶת אַנְשֵׁי הַמָּקוֹם: אֵיפֹה הַזּוֹנָה שֶׁהָיְתָה בַּצּוֹמֶת עַל יַד הַדֶּרֶךְ? אָמְרוּ לוֹ: לֹא הָיְתָה כָּאן זוֹנָה.
כב וַיָּ֙שׇׁב֙ אֶל־יְהוּדָ֔ה וַיֹּ֖אמֶר לֹ֣א מְצָאתִ֑יהָ וְגַ֨ם אַנְשֵׁ֤י הַמָּקוֹם֙ אָֽמְר֔וּ לֹא־הָיְתָ֥ה בָזֶ֖ה קְדֵשָֽׁה׃ הוּא חָזַר לִיהוּדָה, וְאָמַר: לֹא מָצָאתִי אוֹתָהּ וְגַם אַנְשֵׁי הַמָּקוֹם אָמְרוּ שֶׁלֹּא הָיְתָה כָּאן זוֹנָה.
כג וַיֹּ֤אמֶר יְהוּדָה֙ תִּֽקַּֽח־לָ֔הּ פֶּ֖ן נִהְיֶ֣ה לָב֑וּז הִנֵּ֤ה שָׁלַ֙חְתִּי֙ הַגְּדִ֣י הַזֶּ֔ה וְאַתָּ֖ה לֹ֥א מְצָאתָֽהּ׃ אָמַר יְהוּדָה: נַנִּיחַ לָהּ שֶׁתִּקַּח לָהּ אֶת הַמַּשְׁכּוֹן, כְּדֵי שֶׁלֹּא נִתְבַּזֶּה, הֲרֵי שָׁלַחְתִּי לָהּ אֶת הַגְּדִי הַזֶּה וְאַתָּה לֹא מָצָאתָ אוֹתָהּ.
כד וַיְהִ֣י ׀ כְּמִשְׁלֹ֣שׁ חֳדָשִׁ֗ים וַיֻּגַּ֨ד לִֽיהוּדָ֤ה לֵאמֹר֙ זָֽנְתָה֙ תָּמָ֣ר כַּלָּתֶ֔ךָ וְגַ֛ם הִנֵּ֥ה הָרָ֖ה לִזְנוּנִ֑ים וַיֹּ֣אמֶר יְהוּדָ֔ה הוֹצִיא֖וּהָ וְתִשָּׂרֵֽף׃ אַחֲרֵי כִּשְׁלוֹשָׁה חֳדָשִׁים סִפְּרוּ לִיהוּדָה וְאָמְרוּ: תָּמָר כַּלָּתְךָ זִנְּתָה בִּמְקוֹם לְהִתְיַבֵּם, וְהִיא בְּהֵרָיוֹן מִזְּנוּת! אָמַר יְהוּדָה: הוֹצִיאוּ אוֹתָהּ שֶׁתִּשָּׂרֵף.
כה הִ֣וא מוּצֵ֗את וְהִ֨יא שָׁלְחָ֤ה אֶל־חָמִ֙יהָ֙ לֵאמֹ֔ר לְאִישׁ֙ אֲשֶׁר־אֵ֣לֶּה לּ֔וֹ אָנֹכִ֖י הָרָ֑ה וַתֹּ֙אמֶר֙ הַכֶּר־נָ֔א לְמִ֞י הַחֹתֶ֧מֶת וְהַפְּתִילִ֛ים וְהַמַּטֶּ֖ה הָאֵֽלֶּה׃ בְּעוֹד שֶׁהִיא מוּצֵאת לְהִשָּׂרֵף הִיא שָׁלְחָה מֶסֶר לְחָמִיהָ וְאָמְרָה: אֲנִי בְּהֵרָיוֹן מֵהָאִישׁ שֶׁהַחֲפָצִים הָאֵלֶּה שַׁיָּכִים לוֹ, אָמְרָה: זַהֶה בְּבַקָּשָׁה, שֶׁל מִי הַחוֹתֶמֶת וְהַטַּלִּית וְהַמַּקֵּל הָאֵלֶּה?
כו וַיַּכֵּ֣ר יְהוּדָ֗ה וַיֹּ֙אמֶר֙ צָֽדְקָ֣ה מִמֶּ֔נִּי כִּֽי־עַל־כֵּ֥ן לֹא־נְתַתִּ֖יהָ לְשֵׁלָ֣ה בְנִ֑י וְלֹֽא־יָסַ֥ף ע֖וֹד לְדַעְתָּֽהּ׃ יְהוּדָה זִהָה וְאָמַר: הִיא צוֹדֶקֶת יוֹתֵר מִמֶּנִּי, וְזִנְתָּה אִתִּי לְהִתְיַבֵּם שֶׁכֵּן לֹא נָתַתִּי אוֹתָהּ לְשֵׁלָה בְּנִי! וְהוּא לֹא הוֹסִיף לָבוֹא אֵלֶיהָ עוֹד.
כז וַיְהִ֖י בְּעֵ֣ת לִדְתָּ֑הּ וְהִנֵּ֥ה תְאוֹמִ֖ים בְּבִטְנָֽהּ׃ כְּשֶׁהִגִּיעַ זְמַן הַלֵּידָה הִתְבָּרֵר שֶׁהִנֵּה תְּאוֹמִים בְּבִטְנָהּ.
כח וַיְהִ֥י בְלִדְתָּ֖הּ וַיִּתֶּן־יָ֑ד וַתִּקַּ֣ח הַמְיַלֶּ֗דֶת וַתִּקְשֹׁ֨ר עַל־יָד֤וֹ שָׁנִי֙ לֵאמֹ֔ר זֶ֖ה יָצָ֥א רִאשֹׁנָֽה׃ כְּשֶׁיָּלְדָה, הָרִאשׁוֹן הוֹשִׁיט יָד, הַמְיַלֶּדֶת לָקְחָה חוּט אָדוֹם זוֹהֵר צָבוּעַ מִתּוֹלַעַת שָׁנִי, וְקָשְׁרָה עַל יָדוֹ לְסִימָן שֶׁזֶּה יָצָא רִאשׁוֹן.
כט וַיְהִ֣י ׀ כְּמֵשִׁ֣יב יָד֗וֹ וְהִנֵּה֙ יָצָ֣א אָחִ֔יו וַתֹּ֕אמֶר מַה־פָּרַ֖צְתָּ עָלֶ֣יךָ פָּ֑רֶץ וַיִּקְרָ֥א שְׁמ֖וֹ פָּֽרֶץ׃ הוּא הֶחֱזִיר אֶת יָדוֹ וְאָז יָצָא אָחִיו, אָמְרָה: מַה פָּרַצְתָּ בְּכֹחַ? וּשְׁמוֹ נִקְרָא פֶּרֶץ.
ל וְאַחַר֙ יָצָ֣א אָחִ֔יו אֲשֶׁ֥ר עַל־יָד֖וֹ הַשָּׁנִ֑י וַיִּקְרָ֥א שְׁמ֖וֹ זָֽרַח׃ אַחַר כָּךְ יָצָא אָחִיו שֶׁעַל יָדוֹ הַחוּט הַזּוֹרֵחַ בְּצֶבַע הַשָּׁנִי, וְנִקְרָא שְׁמוֹ זֶרַח.


חמישי

[עריכה]
ס פָּרָשַׁת בֵּית פּוֹטִיפַר
לט א וְיוֹסֵ֖ף הוּרַ֣ד מִצְרָ֑יְמָה וַיִּקְנֵ֡הוּ פּוֹטִיפַר֩ סְרִ֨יס פַּרְעֹ֜ה שַׂ֤ר הַטַּבָּחִים֙ אִ֣ישׁ מִצְרִ֔י מִיַּד֙ הַיִּשְׁמְעֵאלִ֔ים אֲשֶׁ֥ר הוֹרִדֻ֖הוּ שָֽׁמָּה׃ יוֹסֵף הוּרַד לְמִצְרַיִם, וּפוֹטִיפַר – אִישׁ מִצְרִי מְשָׁרֵת פַּרְעֹה – שַׂר הַלֹּחֲמִים, קָנָה אוֹתוֹ מֵהַיִּשְׁמְעֵאלִים שֶׁהוֹרִידוּ אוֹתוֹ לְשָׁם.
ב וַיְהִ֤י יְהֹוָה֙ אֶת־יוֹסֵ֔ף וַיְהִ֖י אִ֣ישׁ מַצְלִ֑יחַ וַיְהִ֕י בְּבֵ֖ית אֲדֹנָ֥יו הַמִּצְרִֽי׃ ה' הָיָה עִם יוֹסֵף וְעָזַר לוֹ, וְהוּא הָיָה אִישׁ מַצְלִיחַ, הוּא הָיָה בְּבֵית אֲדוֹנוֹ הַמִּצְרִי.
ג וַיַּ֣רְא אֲדֹנָ֔יו כִּ֥י יְהֹוָ֖ה אִתּ֑וֹ וְכֹל֙ אֲשֶׁר־ה֣וּא עֹשֶׂ֔ה יְהֹוָ֖ה מַצְלִ֥יחַ בְּיָדֽוֹ׃ אֲדוֹנוֹ רָאָה שֶׁה' אִתּוֹ וְכָל מַה שֶּׁהוּא עוֹשֶׂה ה' עוֹזֵר לוֹ לְהַצְלִיחַ.
ד וַיִּמְצָ֨א יוֹסֵ֥ף חֵ֛ן בְּעֵינָ֖יו וַיְשָׁ֣רֶת אֹת֑וֹ וַיַּפְקִדֵ֙הוּ֙ עַל־בֵּית֔וֹ וְכׇל־יֶשׁ־ל֖וֹ נָתַ֥ן בְּיָדֽוֹ׃ יוֹסֵף מָצָא חֵן בְּעֵינָיו וְשֵׁרֵת אוֹתוֹ, וְהוּא מִנָּה אוֹתוֹ לִהְיוֹת אַחֲרַאי עַל בֵּיתוֹ, וְהִפְקִיד בְּאַחְרָיוּתוֹ אֶת כָּל מַה שֶּׁיֵּשׁ לוֹ.
ה וַיְהִ֡י מֵאָז֩ הִפְקִ֨יד אֹת֜וֹ בְּבֵית֗וֹ וְעַל֙ כׇּל־אֲשֶׁ֣ר יֶשׁ־ל֔וֹ וַיְבָ֧רֶךְ יְהֹוָ֛ה אֶת־בֵּ֥ית הַמִּצְרִ֖י בִּגְלַ֣ל יוֹסֵ֑ף וַיְהִ֞י בִּרְכַּ֤ת יְהֹוָה֙ בְּכׇל־אֲשֶׁ֣ר יֶשׁ־ל֔וֹ בַּבַּ֖יִת וּבַשָּׂדֶֽה׃ מֵאָז שֶׁהוּא מִנָּה אוֹתוֹ עַל בֵּיתוֹ וְעַל כָּל מַה שֶּׁיֵּשׁ לוֹ, ה' בֵּרֵךְ אֶת בֵּית הַמִּצְרִי בִּזְכוּת יוֹסֵף, בִּרְכַּת ה' הָיְתָה בְּכָל מַה שֶּׁיֵּשׁ לוֹ, בַּבַּיִת וּבַשָּׂדֶה.
ו וַיַּעֲזֹ֣ב כׇּל־אֲשֶׁר־לוֹ֮ בְּיַד־יוֹסֵף֒ וְלֹא־יָדַ֤ע אִתּוֹ֙ מְא֔וּמָה כִּ֥י אִם־הַלֶּ֖חֶם אֲשֶׁר־ה֣וּא אוֹכֵ֑ל וַיְהִ֣י יוֹסֵ֔ף יְפֵה־תֹ֖אַר וִיפֵ֥ה מַרְאֶֽה׃ הוּא הִפְקִיד בְּאַחֲרָיוּת יוֹסֵף אֶת כָּל מַה שֶּׁיֵּשׁ לוֹ, וְלֹא יָדַע כְּלוּם מִמַּה שֶּׁיֵשׁ אֶצְלוֹ חוּץ מֵהַלֶּחֶם שֶׁהוּא אוֹכֵל, יוֹסֵף הָיָה יָפֶה בְּצוּרַת גּוּפוֹ וּבְמַרְאֶה פָּנָיו.


ששי

[עריכה]
ז וַיְהִ֗י אַחַר֙ הַדְּבָרִ֣ים הָאֵ֔לֶּה וַתִּשָּׂ֧א אֵֽשֶׁת־אֲדֹנָ֛יו אֶת־עֵינֶ֖יהָ אֶל־יוֹסֵ֑ף וַתֹּ֖אמֶר שִׁכְבָ֥ה עִמִּֽי׃ אַחֲרֵי הַדְּבָרִים הָאֵלֶּה אֵשֶׁת אֲדוֹנוֹ הֵרִימָה אֶת מַבָּטָהּ בְּחֶמְדָּה אֶל יוֹסֵף – וְאָמְרָה: שְׁכַב אִתִּי!
ח וַיְמָאֵ֓ן ׀ וַיֹּ֙אמֶר֙ אֶל־אֵ֣שֶׁת אֲדֹנָ֔יו הֵ֣ן אֲדֹנִ֔י לֹא־יָדַ֥ע אִתִּ֖י מַה־בַּבָּ֑יִת וְכֹ֥ל אֲשֶׁר־יֶשׁ־ל֖וֹ נָתַ֥ן בְּיָדִֽי׃ הוּא סֵרֵב, וְאָמַר לְאֵשֶׁת אֲדוֹנוֹ: הֲרֵי אֲדוֹנִי אֵינוֹ יוֹדֵעַ מַה קּוֹרֶה אִתִּי בַּבַּיִת, וְכָל מַה שֶּׁיֵּשׁ לוֹ הוּא הִפְקִיד בְּאַחֲרָיוּתִי.
ט אֵינֶ֨נּוּ גָד֜וֹל בַּבַּ֣יִת הַזֶּה֮ מִמֶּ֒נִּי֒ וְלֹֽא־חָשַׂ֤ךְ מִמֶּ֙נִּי֙ מְא֔וּמָה כִּ֥י אִם־אוֹתָ֖ךְ בַּאֲשֶׁ֣ר אַתְּ־אִשְׁתּ֑וֹ וְאֵ֨יךְ אֶֽעֱשֶׂ֜ה הָרָעָ֤ה הַגְּדֹלָה֙ הַזֹּ֔את וְחָטָ֖אתִי לֵֽאלֹהִֽים׃ הוּא לֹא שׁוֹלֵט בַּבַּיִת הַזֶּה יוֹתֵר מִמֶּנִּי וְלֹא מָנַע מִמֶּנִּי כְּלוּם אֶלָּא רַק אוֹתָךְ מִפְּנֵי שֶׁאַתְּ אִשְׁתּוֹ, וְאֵיךְ אֶעֱשֶׂה אֶת הָרָעָה הַגְּדוֹלָה הַזֹּאת וְאֶחֱטָא לֵאלֹהִים!
י וַיְהִ֕י כְּדַבְּרָ֥הּ אֶל־יוֹסֵ֖ף י֣וֹם ׀ י֑וֹם וְלֹא־שָׁמַ֥ע אֵלֶ֛יהָ לִשְׁכַּ֥ב אֶצְלָ֖הּ לִהְי֥וֹת עִמָּֽהּ׃ הִיא דִּבְּרָה אֶל יוֹסֵף יוֹם יוֹם, וְהוּא לֹא שָׁמַע בְּקוֹלָהּ לִשְׁכַּב אֶצְלָהּ לִהְיוֹת אִתָּהּ.
יא וַֽיְהִי֙ כְּהַיּ֣וֹם הַזֶּ֔ה וַיָּבֹ֥א הַבַּ֖יְתָה לַעֲשׂ֣וֹת מְלַאכְתּ֑וֹ וְאֵ֨ין אִ֜ישׁ מֵאַנְשֵׁ֥י הַבַּ֛יִת שָׁ֖ם בַּבָּֽיִת׃ בְּאַחַד הַיָּמִים, הוּא בָּא הַבַּיְתָה לַעֲשׂוֹת אֶת עֲבוֹדָתוֹ, וְלֹא הָיָה אִישׁ מֵאַנְשֵׁי הַבַּיִת שָׁם בַּבַּיִת.
יב וַתִּתְפְּשֵׂ֧הוּ בְּבִגְד֛וֹ לֵאמֹ֖ר שִׁכְבָ֣ה עִמִּ֑י וַיַּעֲזֹ֤ב בִּגְדוֹ֙ בְּיָדָ֔הּ וַיָּ֖נׇס וַיֵּצֵ֥א הַחֽוּצָה׃ הִיא תָּפְשָׂה אוֹתוֹ בְּבִגְדוֹ וְאָמְרָה: שְׁכַב אִתִּי! הוּא עָזַב אֶת בִּגְדוֹ בְּיָדָהּ וּבָרַח וְיָצָא הַחוּצָה.
יג וַֽיְהִי֙ כִּרְאוֹתָ֔הּ כִּֽי־עָזַ֥ב בִּגְד֖וֹ בְּיָדָ֑הּ וַיָּ֖נׇס הַחֽוּצָה׃ כְּשֶׁהִיא רָאֲתָה שֶׁהוּא עָזַב אֶת בִּגְדוֹ בְּיָדָהּ וּבָרַח הַחוּצָה,
יד וַתִּקְרָ֞א לְאַנְשֵׁ֣י בֵיתָ֗הּ וַתֹּ֤אמֶר לָהֶם֙ לֵאמֹ֔ר רְא֗וּ הֵ֥בִיא לָ֛נוּ אִ֥ישׁ עִבְרִ֖י לְצַ֣חֶק בָּ֑נוּ בָּ֤א אֵלַי֙ לִשְׁכַּ֣ב עִמִּ֔י וָאֶקְרָ֖א בְּק֥וֹל גָּדֽוֹל׃ קָרְאָה לְאַנְשֵׁי בֵּיתָהּ וְאָמְרָה: רְאוּ! בַּעֲלִי הֵבִיא לָנוּ אִישׁ עִבְרִי לִצְחוֹק עָלֵינוּ! הוּא בָּא אֵלַי לִשְׁכַּב אִתִּי וְקָרָאתִי לְעֶזְרָה בְּקוֹל רָם.
טו וַיְהִ֣י כְשׇׁמְע֔וֹ כִּֽי־הֲרִימֹ֥תִי קוֹלִ֖י וָאֶקְרָ֑א וַיַּעֲזֹ֤ב בִּגְדוֹ֙ אֶצְלִ֔י וַיָּ֖נׇס וַיֵּצֵ֥א הַחֽוּצָה׃ וּכְשֶׁהוּא שָׁמַע שֶׁהֵרַמְתִּי אֶת קוֹלִי וְקָרָאתִי לְעֶזְרָה, הוּא עָזַב אֶת בִּגְדוֹ אֶצְלִי וּבָרַח וְיָצָא הַחוּצָה.
טז וַתַּנַּ֥ח בִּגְד֖וֹ אֶצְלָ֑הּ עַד־בּ֥וֹא אֲדֹנָ֖יו אֶל־בֵּיתֽוֹ׃ הִיא הִנִּיחָה אֶת בִּגְדוֹ אֶצְלָהּ עַד שֶׁאֲדוֹנוֹ בָּא לְבֵיתוֹ.
יז וַתְּדַבֵּ֣ר אֵלָ֔יו כַּדְּבָרִ֥ים הָאֵ֖לֶּה לֵאמֹ֑ר בָּֽא־אֵלַ֞י הָעֶ֧בֶד הָֽעִבְרִ֛י אֲשֶׁר־הֵבֵ֥אתָ לָּ֖נוּ לְצַ֥חֶק בִּֽי׃ הִיא דִּבְּרָה אֵלָיו כַּדְּבָרִים הָאֵלֶּה: בָּא אֵלַי הָעֶבֶד הָעִבְרִי שֶׁהֵבֵאתָ לָנוּ לִצְחוֹק עָלַי.
יח וַיְהִ֕י כַּהֲרִימִ֥י קוֹלִ֖י וָאֶקְרָ֑א וַיַּעֲזֹ֥ב בִּגְד֛וֹ אֶצְלִ֖י וַיָּ֥נׇס הַחֽוּצָה׃ וּכְשֶׁהֵרַמְתִּי אֶת קוֹלִי וְקָרָאתִי לְעֶזְרָה, הוּא עָזַב אֶת בִּגְדוֹ אֶצְלִי וּבָרַח הַחוּצָה.
יט וַיְהִי֩ כִשְׁמֹ֨עַ אֲדֹנָ֜יו אֶת־דִּבְרֵ֣י אִשְׁתּ֗וֹ אֲשֶׁ֨ר דִּבְּרָ֤ה אֵלָיו֙ לֵאמֹ֔ר כַּדְּבָרִ֣ים הָאֵ֔לֶּה עָ֥שָׂה לִ֖י עַבְדֶּ֑ךָ וַיִּ֖חַר אַפּֽוֹ׃ כְּשֶׁשָּׁמַע אֲדוֹנוֹ אֶת דִּבְרֵי אִשְׁתּוֹ שֶׁדִּבְּרָה אֵלָיו וְאָמְרָה: כַּדְּבָרִים הָאֵלֶּה עָשָׂה לִי עַבְדְּךָ – הוּא כָּעַס.
כ וַיִּקַּח֩ אֲדֹנֵ֨י יוֹסֵ֜ף אֹת֗וֹ וַֽיִּתְּנֵ֙הוּ֙ אֶל־בֵּ֣ית הַסֹּ֔הַר מְק֕וֹם אֲשֶׁר־אֲסִירֵ֥י אסורי הַמֶּ֖לֶךְ אֲסוּרִ֑ים וַֽיְהִי־שָׁ֖ם בְּבֵ֥ית הַסֹּֽהַר׃ אֲדוֹנוֹ שֶׁל יוֹסֵף לָקַח אוֹתוֹ, וְשָׂם אוֹתוֹ בְּבֵית הַסּוֹהַר – הַמָּקוֹם שֶׁאֲסִירֵי הַמֶּלֶךְ אֲסוּרִים, וְהוּא נִשְׁאָר שָׁם בְּבֵית הַסּוֹהַר.
כא וַיְהִ֤י יְהֹוָה֙ אֶת־יוֹסֵ֔ף וַיֵּ֥ט אֵלָ֖יו חָ֑סֶד וַיִּתֵּ֣ן חִנּ֔וֹ בְּעֵינֵ֖י שַׂ֥ר בֵּית־הַסֹּֽהַר׃ ה' הָיָה עִם יוֹסֵף וְהִשְׁפִּיעַ אֵלָיו חֶסֶד, וְעָשָׂה שֶׁיִּמְצָא חֵן בְּעֵינֵי שַׂר בֵּית הַסּוֹהַר.
כב וַיִּתֵּ֞ן שַׂ֤ר בֵּית־הַסֹּ֙הַר֙ בְּיַד־יוֹסֵ֔ף אֵ֚ת כׇּל־הָ֣אֲסִירִ֔ם אֲשֶׁ֖ר בְּבֵ֣ית הַסֹּ֑הַר וְאֵ֨ת כׇּל־אֲשֶׁ֤ר עֹשִׂים֙ שָׁ֔ם ה֖וּא הָיָ֥ה עֹשֶֽׂה׃ שַׂר בֵּית הַסּוֹהַר הִפְקִיד בְּאַחֲרָיוּתוֹ שֶׁל יוֹסֵף אֶת כָּל הָאֲסִירִים שֶׁבְּבֵית הַסּוֹהַר, וְאֶת כָּל מַה שֶּׁעוֹשִׂים שָׁם הוּא הָיָה הָאַחֲרַאי שֶׁהַדָּבָר יֵעָשֶׂה.
כג אֵ֣ין ׀ שַׂ֣ר בֵּית־הַסֹּ֗הַר רֹאֶ֤ה אֶֽת־כׇּל־מְא֙וּמָה֙ בְּיָד֔וֹ בַּאֲשֶׁ֥ר יְהֹוָ֖ה אִתּ֑וֹ וַֽאֲשֶׁר־ה֥וּא עֹשֶׂ֖ה יְהֹוָ֥ה מַצְלִֽיחַ׃ שַׂר בֵּית הַסּוֹהַר אֵינוֹ רוֹאֶה בּוֹ שׁוּם פְּגָם בִּזְכוּת שֶׁה' אִתּוֹ, וּמַה שֶּׁהוּא עוֹשֶׂה – ה' מַצְלִיחַ.


שביעי

[עריכה]
פ פָּרָשַׁת חֲלוֹמוֹת הַשָּׂרִים
מ א וַיְהִ֗י אַחַר֙ הַדְּבָרִ֣ים הָאֵ֔לֶּה חָ֥טְא֛וּ מַשְׁקֵ֥ה מֶֽלֶךְ־מִצְרַ֖יִם וְהָאֹפֶ֑ה לַאֲדֹנֵיהֶ֖ם לְמֶ֥לֶךְ מִצְרָֽיִם׃ אַחֲרֵי הַדְּבָרִים הָאֵלֶּה, הַמְּמוּנֶה עַל הַיַּיִן שֶׁל מֶלֶךְ מִצְרַיִם וְהָאוֹפֶה חָטְאוּ לַאֲדוֹנָם – לְמֶלֶךְ מִצְרַיִם.
ב וַיִּקְצֹ֣ף פַּרְעֹ֔ה עַ֖ל שְׁנֵ֣י סָרִיסָ֑יו עַ֚ל שַׂ֣ר הַמַּשְׁקִ֔ים וְעַ֖ל שַׂ֥ר הָאוֹפִֽים׃ פַּרְעֹה כָּעַס עַל שְׁנֵי מְשָׁרְתָיו – עַל הַשַּׂר שֶׁמְּמֻנֶּה עַל הַיַּיִן וְעַל הַשַּׂר שֶׁמְּמֻנֶּה עַל הָאוֹפִים.
ג וַיִּתֵּ֨ן אֹתָ֜ם בְּמִשְׁמַ֗ר בֵּ֛ית שַׂ֥ר הַטַּבָּחִ֖ים אֶל־בֵּ֣ית הַסֹּ֑הַר מְק֕וֹם אֲשֶׁ֥ר יוֹסֵ֖ף אָס֥וּר שָֽׁם׃ הוּא שָׂם אוֹתָם בְּמַעֲצָר בְּבֵיתוֹ שֶׁל שַׂר הַלּוֹחֲמִים, בְּבֵית הַסּוֹהַר – הַמָּקוֹם שֶׁבּוֹ יּוֹסֵף כָּלוּא.
ד וַ֠יִּפְקֹ֠ד שַׂ֣ר הַטַּבָּחִ֧ים אֶת־יוֹסֵ֛ף אִתָּ֖ם וַיְשָׁ֣רֶת אֹתָ֑ם וַיִּהְי֥וּ יָמִ֖ים בְּמִשְׁמָֽר׃ שַׂר הַלּוֹחֲמִים מִנָּה אֶת יוֹסֵף לִהְיוֹת אִתָּם וְהוּא שֵׁרֵת אוֹתָם, וְהֵם הָיוּ שָׁנָה בְּמַעֲצָר.
ה וַיַּֽחַלְמוּ֩ חֲל֨וֹם שְׁנֵיהֶ֜ם אִ֤ישׁ חֲלֹמוֹ֙ בְּלַ֣יְלָה אֶחָ֔ד אִ֖ישׁ כְּפִתְר֣וֹן חֲלֹמ֑וֹ הַמַּשְׁקֶ֣ה וְהָאֹפֶ֗ה אֲשֶׁר֙ לְמֶ֣לֶךְ מִצְרַ֔יִם אֲשֶׁ֥ר אֲסוּרִ֖ים בְּבֵ֥ית הַסֹּֽהַר׃ הַמְּמֻנֶּה עַל הַיַּיִן וְהָאוֹפֶה שֶׁל מֶלֶךְ מִצְרַיִם שֶׁכְּלוּאִים בְּבֵית הַסּוֹהַר, שְׁנֵיהֶם חָלְמוּ חֲלוֹם בְּלַיְלָה אֶחָד, כָּל אֶחָד אֶת חֲלוֹמוֹ – כָּל אֶחָד חָלַם חֲלוֹם שֶַׁמַּתְאִים לַפִּתָּרוֹן שֶׁל חֲלוֹמוֹ.
ו וַיָּבֹ֧א אֲלֵיהֶ֛ם יוֹסֵ֖ף בַּבֹּ֑קֶר וַיַּ֣רְא אֹתָ֔ם וְהִנָּ֖ם זֹעֲפִֽים׃ יוֹסֵף בָּא אֲלֵיהֶם בַּבּוֹקֶר וְרָאָה אוֹתָם שֶׁהֵם מֻדְאָגִים.
ז וַיִּשְׁאַ֞ל אֶת־סְרִיסֵ֣י פַרְעֹ֗ה אֲשֶׁ֨ר אִתּ֧וֹ בְמִשְׁמַ֛ר בֵּ֥ית אֲדֹנָ֖יו לֵאמֹ֑ר מַדּ֛וּעַ פְּנֵיכֶ֥ם רָעִ֖ים הַיּֽוֹם׃ הוּא שָׁאַל אֶת מְשָׁרְתֵי פַּרְעֹה שֶׁאִתּוֹ בְּמַעֲצָר בְּבֵית אֲדוֹנוֹ, וְאָמַר: מַדּוּעַ פְּנֵיכֶם רָעִים הַיּוֹם?
ח וַיֹּאמְר֣וּ אֵלָ֔יו חֲל֣וֹם חָלַ֔מְנוּ וּפֹתֵ֖ר אֵ֣ין אֹת֑וֹ וַיֹּ֨אמֶר אֲלֵהֶ֜ם יוֹסֵ֗ף הֲל֤וֹא לֵֽאלֹהִים֙ פִּתְרֹנִ֔ים סַפְּרוּ־נָ֖א לִֽי׃ אָמְרוּ לוֹ: חָלַמְנוּ חֲלוֹם וְאֵין מִי שֶׁיִּפְתּוֹר אוֹתוֹ! אָמַר לָהֶם יוֹסֵף: הֲרֵי לֵאלֹהִים הַיְּכוֹלֶת לִפְתּוֹר! סַפְּרוּ לִי בְּבַקָּשָׁה.
ט וַיְסַפֵּ֧ר שַֽׂר־הַמַּשְׁקִ֛ים אֶת־חֲלֹמ֖וֹ לְיוֹסֵ֑ף וַיֹּ֣אמֶר ל֔וֹ בַּחֲלוֹמִ֕י וְהִנֵּה־גֶ֖פֶן לְפָנָֽי׃ הַשַּׂר הַמְּמֻנֶּה עַל הַיַּיִן סִפֵּר אֶת חֲלוֹמוֹ לְיוֹסֵף, וְאָמַר לוֹ: בַּחֲלוֹמִי – וְהִנֵּה לְפָנַי גֶּפֶן.
י וּבַגֶּ֖פֶן שְׁלֹשָׁ֣ה שָׂרִיגִ֑ם וְהִ֤וא כְפֹרַ֙חַת֙ עָלְתָ֣ה נִצָּ֔הּ הִבְשִׁ֥ילוּ אַשְׁכְּלֹתֶ֖יהָ עֲנָבִֽים׃ וּבַגֶּפֶן שְׁלוֹשָׁה עֲנָפִים וְהִיא בִּזְמַן פְּרִיחָתָהּ וְלִבְלְבוּ נִצָּנֶיהָ וְהִבְשִׁילוּ אֶשְׁכְּלוֹתֶיהָ בַּעֲנָבִים.
יא וְכ֥וֹס פַּרְעֹ֖ה בְּיָדִ֑י וָאֶקַּ֣ח אֶת־הָֽעֲנָבִ֗ים וָֽאֶשְׂחַ֤ט אֹתָם֙ אֶל־כּ֣וֹס פַּרְעֹ֔ה וָאֶתֵּ֥ן אֶת־הַכּ֖וֹס עַל־כַּ֥ף פַּרְעֹֽה׃ וְכוֹס פַּרְעֹה בְּיָדִי, לָקַחְתִּי אֶת הָעֲנָבִים וְסָחַטְתִּי אוֹתָם לְתוֹךְ כּוֹס פַּרְעֹה, וְשַׂמְתִּי אֶת הַכּוֹס עַל כַּף יָדוֹ שֶׁל פַּרְעֹה.
יב וַיֹּ֤אמֶר לוֹ֙ יוֹסֵ֔ף זֶ֖ה פִּתְרֹנ֑וֹ שְׁלֹ֙שֶׁת֙ הַשָּׂ֣רִגִ֔ים שְׁלֹ֥שֶׁת יָמִ֖ים הֵֽם׃ אָמַר לוֹ יוֹסֵף: זֶה פִּתְרוֹנוֹ – שְׁלוֹשֶׁת הָעֲנָפִים הֵם שְׁלוֹשָׁה יָמִים.
יג בְּע֣וֹד ׀ שְׁלֹ֣שֶׁת יָמִ֗ים יִשָּׂ֤א פַרְעֹה֙ אֶת־רֹאשֶׁ֔ךָ וַהֲשִֽׁיבְךָ֖ עַל־כַּנֶּ֑ךָ וְנָתַתָּ֤ כוֹס־פַּרְעֹה֙ בְּיָד֔וֹ כַּמִּשְׁפָּט֙ הָֽרִאשׁ֔וֹן אֲשֶׁ֥ר הָיִ֖יתָ מַשְׁקֵֽהוּ׃ בְּעוֹד שְׁלוֹשָׁה יָמִים פַּרְעֹה יַזְכִּיר אֶת שִׁמְךָ וְאֶת הַחֲזָרַתְךָ לְמַעֲמַדְךָ, וְתָשִׂים אֶת הַכּוֹס שֶׁל פַּרְעֹה בְּיָדוֹ, כְּמוֹ הַחוֹק הַקּוֹדֵם – שֶׁהָיִיתָ הַמְּמֻנֶּה עַל הַיַּיִן.
יד כִּ֧י אִם־זְכַרְתַּ֣נִי אִתְּךָ֗ כַּאֲשֶׁר֙ יִ֣יטַב לָ֔ךְ וְעָשִֽׂיתָ־נָּ֥א עִמָּדִ֖י חָ֑סֶד וְהִזְכַּרְתַּ֙נִי֙ אֶל־פַּרְעֹ֔ה וְהוֹצֵאתַ֖נִי מִן־הַבַּ֥יִת הַזֶּֽה׃ אֲבָל תִּזְכּוֹר אוֹתִי לִהְיוֹת אִתְּךָ כְּשֶׁיִּהְיֶה לְךָ טוֹב וְתַעֲשֶׂה אִתִּי בְּבַקָּשָׁה חֶסֶד, תַּזְכִּיר אוֹתִי לְפַרְעֹה וְתוֹצִיא אוֹתִי מֵהַבַּיִת הַזֶּה.
טו כִּֽי־גֻנֹּ֣ב גֻּנַּ֔בְתִּי מֵאֶ֖רֶץ הָעִבְרִ֑ים וְגַם־פֹּה֙ לֹא־עָשִׂ֣יתִֽי מְא֔וּמָה כִּֽי־שָׂמ֥וּ אֹתִ֖י בַּבּֽוֹר׃ כִּי גָּנְבוּ אוֹתִי מֵאֶרֶץ הָעִבְרִים, וְגַם פֹּה לֹא עָשִׂיתִי שׁוּם חֵטְא שֶׁבִּגְלָלוֹ שָׂמוּ אוֹתִי בַּבּוֹר.
טז וַיַּ֥רְא שַׂר־הָאֹפִ֖ים כִּ֣י ט֣וֹב פָּתָ֑ר וַיֹּ֙אמֶר֙ אֶל־יוֹסֵ֔ף אַף־אֲנִי֙ בַּחֲלוֹמִ֔י וְהִנֵּ֗ה שְׁלֹשָׁ֛ה סַלֵּ֥י חֹרִ֖י עַל־רֹאשִֽׁי׃ שַׂר הָאוֹפִים רָאָה שֶׁהוּא פָּתַר לְטוֹבָה, וְאָמַר לְיוֹסֵף: גַּם אֲנִי רָאִיתִי בַּחֲלוֹמִי, וְהִנֵּה עַל רֹאשִׁי שְׁלוֹשָׁה סַלֵּי נְצָרִים.
יז וּבַסַּ֣ל הָֽעֶלְי֗וֹן מִכֹּ֛ל מַאֲכַ֥ל פַּרְעֹ֖ה מַעֲשֵׂ֣ה אֹפֶ֑ה וְהָע֗וֹף אֹכֵ֥ל אֹתָ֛ם מִן־הַסַּ֖ל מֵעַ֥ל רֹאשִֽׁי׃ וּבַסַּל הָעֶלְיוֹן מִכָּל הַמַּאֲכַלִים שֶׁל פַּרְעֹה מַעֲשֵׂה אוֹפֶה, וְהָעוֹף אוֹכֵל אוֹתָם מֵהַסַּל שֶׁמֵּעַל רֹאשִׁי.
יח וַיַּ֤עַן יוֹסֵף֙ וַיֹּ֔אמֶר זֶ֖ה פִּתְרֹנ֑וֹ שְׁלֹ֙שֶׁת֙ הַסַּלִּ֔ים שְׁלֹ֥שֶׁת יָמִ֖ים הֵֽם׃ עָנָה יוֹסֵף וְאָמַר: זֶה פִּתְרוֹנוֹ – שְׁלוֹשֶׁת הַסַּלִּים הֵם שְׁלוֹשָׁה יָמִים.
יט בְּע֣וֹד ׀ שְׁלֹ֣שֶׁת יָמִ֗ים יִשָּׂ֨א פַרְעֹ֤ה אֶת־רֹֽאשְׁךָ֙ מֵֽעָלֶ֔יךָ וְתָלָ֥ה אוֹתְךָ֖ עַל־עֵ֑ץ וְאָכַ֥ל הָע֛וֹף אֶת־בְּשָׂרְךָ֖ מֵעָלֶֽיךָ׃ בְּעוֹד שְׁלוֹשָׁה יָמִים פַּרְעֹה יָסִיר אֶת רֹאשְׁךָ מֵעַל גּוּפְךָ וְיִתְלֶה אוֹתְךָ עַל עֵץ, וְהָעוֹף יֹאכַל אֶת בְּשָׂרְךָ מֵעָלֶיךָ.


מפטיר

[עריכה]
כ וַיְהִ֣י ׀ בַּיּ֣וֹם הַשְּׁלִישִׁ֗י י֚וֹם הֻלֶּ֣דֶת אֶת־פַּרְעֹ֔ה וַיַּ֥עַשׂ מִשְׁתֶּ֖ה לְכׇל־עֲבָדָ֑יו וַיִּשָּׂ֞א אֶת־רֹ֣אשׁ ׀ שַׂ֣ר הַמַּשְׁקִ֗ים וְאֶת־רֹ֛אשׁ שַׂ֥ר הָאֹפִ֖ים בְּת֥וֹךְ עֲבָדָֽיו׃ בַּיּוֹם הַשְּׁלִישִׁי הָיָה יוֹם הַהֻלֶּדֶת שֶׁל פַּרְעֹה וְהוּא עָשָׂה מִשְׁתֶּה לְכָל עֲבָדָיו, וְהִזְכִּיר אֶת שְׁמוֹת הַשַּׂר הַמְּמֻנֶּה עַל הַיַּיִן וְשַׂר הָאוֹפִים אִם לְהַזְמִינָם עִם שְׁאָר עֲבָדָיו.
כא וַיָּ֛שֶׁב אֶת־שַׂ֥ר הַמַּשְׁקִ֖ים עַל־מַשְׁקֵ֑הוּ וַיִּתֵּ֥ן הַכּ֖וֹס עַל־כַּ֥ף פַּרְעֹֽה׃ הוּא הֶחֱזִיר אֶת הַשַּׂר שֶׁמְּמֻנֶּה עַל הַיַּיִן לְאַחֲרָיוּתוֹ עַל הַיַּיִן, וְהוּא שָׂם אֶת הַכּוֹס עַל כַּף יַד פַּרְעֹה.
כב וְאֵ֛ת שַׂ֥ר הָאֹפִ֖ים תָּלָ֑ה כַּאֲשֶׁ֥ר פָּתַ֛ר לָהֶ֖ם יוֹסֵֽף׃ וְאֶת שַׂר הָאוֹפִים הוּא תָּלָה, כְּמוֹ שֶׁיּוֹסֵף פָּתַר לָהֶם.
כג וְלֹֽא־זָכַ֧ר שַֽׂר־הַמַּשְׁקִ֛ים אֶת־יוֹסֵ֖ף וַיִּשְׁכָּחֵֽהוּ׃ וְהַשַּׂר הַמְּמֻנֶּה עַל הַיַּיִן לֹא זָכַר אֶת יוֹסֵף אֶלָּא שָׁכַח אוֹתוֹ.
אוחזר מתוך "https://he.wikisource.org/w/index.php?title=מקרא_מבואר/תצוגה/ספר_בראשית/פרשת_וישב&oldid=964210"