מקרא מבואר/תצוגה/ספר בראשית/פרשת תולדות

הוספת קישורים
מתוך ויקיטקסט, מאגר הטקסטים החופשי


ראשון[עריכה]

פ פָּרָשַׁת לֵידַת יַעֲקֹב
כה יט וְאֵ֛לֶּה תּוֹלְדֹ֥ת יִצְחָ֖ק בֶּן־אַבְרָהָ֑ם אַבְרָהָ֖ם הוֹלִ֥יד אֶת־יִצְחָֽק׃ וְאֵלֶּה צֶאֱצָאֵי יִצְחָק בֶּן אַבְרָהָם: אַבְרָהָם הוֹלִיד אֶת יִצְחָק.
כ וַיְהִ֤י יִצְחָק֙ בֶּן־אַרְבָּעִ֣ים שָׁנָ֔ה בְּקַחְתּ֣וֹ אֶת־רִבְקָ֗ה בַּת־בְּתוּאֵל֙ הָֽאֲרַמִּ֔י מִפַּדַּ֖ן אֲרָ֑ם אֲח֛וֹת לָבָ֥ן הָאֲרַמִּ֖י ל֥וֹ לְאִשָּֽׁה׃ יִצְחָק הָיָה בֶּן אַרְבָּעִים שָׁנָה כְּשֶׁנָּשָׂא לְאִשָּׁה אֶת רִבְקָה בַּת בְּתוּאֵל הָאֲרַמִּי מִפַּדַּן אֲרָם אֲחוֹת לָבָן הָאֲרַמִּי.
כא וַיֶּעְתַּ֨ר יִצְחָ֤ק לַֽיהֹוָה֙ לְנֹ֣כַח אִשְׁתּ֔וֹ כִּ֥י עֲקָרָ֖ה הִ֑וא וַיֵּעָ֤תֶר לוֹ֙ יְהֹוָ֔ה וַתַּ֖הַר רִבְקָ֥ה אִשְׁתּֽוֹ׃ יִצְחָק הִתְפַּלֵּל לַה' עַל אִשְׁתּוֹ כִּי הִיא הָיְתָה עֲקָרָה, ה' הִתְרַצָּה לוֹ וְרִבְקָה אִשְׁתּוֹ נִכְנְסָה לְהֵרָיוֹן.
כב וַיִּתְרֹֽצְﬞצ֤וּ הַבָּנִים֙ בְּקִרְבָּ֔הּ וַתֹּ֣אמֶר אִם־כֵּ֔ן לָ֥מָּה זֶּ֖ה אָנֹ֑כִי וַתֵּ֖לֶךְ לִדְרֹ֥שׁ אֶת־יְהֹוָֽה׃ הַבָּנִים נִדְחֲקוּ בְּתוֹכָהּ, וְהִיא אָמְרָה: אִם כָּךְ, לָמָּה לִי לָלֶדֶת בָּנִים?! הִיא הָלְכָה לְנָבִיא לִשְׁאוֹל אֶת דְּבַר ה'.
כג וַיֹּ֨אמֶר יְהֹוָ֜ה לָ֗הּ שְׁנֵ֤י גיים גוֹיִם֙ בְּבִטְנֵ֔ךְ וּשְׁנֵ֣י לְאֻמִּ֔ים מִמֵּעַ֖יִךְ יִפָּרֵ֑דוּ וּלְאֹם֙ מִלְאֹ֣ם יֶֽאֱמָ֔ץ וְרַ֖ב יַעֲבֹ֥ד צָעִֽיר׃ ה' אָמַר לָהּ: יֵשׁ שְׁנֵי עַמִּים בְּבִטְנֵךְ, וּשְׁנֵי עַמִּים יִפָּרְדוּ מִתּוֹכֵךְ, עַם אֶחָד יִהְיֶה חָזָק מֵהָעָם הָאַחֵר, וְהַגָּדוֹל יַעֲבוֹד אֶת הַצָּעִיר.
כד וַיִּמְלְא֥וּ יָמֶ֖יהָ לָלֶ֑דֶת וְהִנֵּ֥ה תוֹמִ֖ם בְּבִטְנָֽהּ׃ יְמֵי הַהֵרָיוֹן נִשְׁלְמוּ וְהִגִּיעַ זְמַנָּהּ לָלֶדֶת, וְהִנֵּה תְּאוֹמִים בְּבִטְנָהּ.
כה וַיֵּצֵ֤א הָרִאשׁוֹן֙ אַדְמוֹנִ֔י כֻּלּ֖וֹ כְּאַדֶּ֣רֶת שֵׂעָ֑ר וַיִּקְרְא֥וּ שְׁמ֖וֹ עֵשָֽׂו׃ הָרִאשׁוֹן יָצָא גִּ'ינְגִּ'י, כֻּלּוֹ כְּמוֹ מְעִיל פַּרְוָה, וְקָרְאוּ אֶת שְׁמוֹ עֵשָׂו.
כו וְאַֽחֲרֵי־כֵ֞ן יָצָ֣א אָחִ֗יו וְיָד֤וֹ אֹחֶ֙זֶת֙ בַּעֲקֵ֣ב עֵשָׂ֔ו וַיִּקְרָ֥א שְׁמ֖וֹ יַעֲקֹ֑ב וְיִצְחָ֛ק בֶּן־שִׁשִּׁ֥ים שָׁנָ֖ה בְּלֶ֥דֶת אֹתָֽם׃ וְאַחֲרֵי כֵן יָצָא אָחִיו וְיָדוֹ אוֹחֶזֶת בַּעֲקֵב עֵשָׂו, יִצְחָק קָרָא אֶת שְׁמוֹ יַעֲקֹב, וְיִצְחָק הָיָה בֶּן שִׁשִּׁים שָׁנָה כְּשֶׁרִבְקָה יָלְדָה אוֹתָם.
פָּרָשַׁת מְכִירַת הַבְּכֹרָה
כז וַֽיִּגְדְּלוּ֙ הַנְּעָרִ֔ים וַיְהִ֣י עֵשָׂ֗ו אִ֛ישׁ יֹדֵ֥עַ צַ֖יִד אִ֣ישׁ שָׂדֶ֑ה וְיַעֲקֹב֙ אִ֣ישׁ תָּ֔ם יֹשֵׁ֖ב אֹהָלִֽים׃ הַנְּעָרִים גָּדְלוּ, עֵשָׂו הָיָה אִישׁ שָׂדֶה – יוֹדֵעַ לָצוּד, וְיַעֲקֹב הָיָה אִישׁ שָׁלֵם בְּמִדּוֹתָיו וּמִתְגּוֹרֵר בְּאוֹהָלִים.
כח וַיֶּאֱהַ֥ב יִצְחָ֛ק אֶת־עֵשָׂ֖ו כִּי־צַ֣יִד בְּפִ֑יו וְרִבְקָ֖ה אֹהֶ֥בֶת אֶֽת־יַעֲקֹֽב׃ יִצְחָק אָהַב אֶת עֵשָׂו כִּי הוּא הָיָה אוֹכֵל מֵהַצַּיִד שֶׁלּוֹ, וְרִבְקָה אָהֲבָה אֶת יַעֲקֹב.
כט וַיָּ֥זֶד יַעֲקֹ֖ב נָזִ֑יד וַיָּבֹ֥א עֵשָׂ֛ו מִן־הַשָּׂדֶ֖ה וְה֥וּא עָיֵֽף׃ יַעֲקֹב בִּשֵּׁל תַּבְשִׁיל, וְעֵשָׂו בָּא מֵהַשָּׂדֶה וְהוּא הָיָה רָעֵב וְצָמֵא.
ל וַיֹּ֨אמֶר עֵשָׂ֜ו אֶֽל־יַעֲקֹ֗ב הַלְעִיטֵ֤נִי נָא֙ מִן־הָאָדֹ֤ם הָאָדֹם֙ הַזֶּ֔ה כִּ֥י עָיֵ֖ף אָנֹ֑כִי עַל־כֵּ֥ן קָרָֽא־שְׁמ֖וֹ אֱדֽוֹם׃ עֵשָׂו אָמַר לְיַעֲקֹב הַאֲכֵל אוֹתִי בְּבַקָּשָׁה מֵהָאָדוֹם הָאָדוֹם הַזֶּה כִּי אֲנִי רָעֵב וְצָמֵא, לָכֵן נִקְרָא שְׁמוֹ אֱדוֹם.
לא וַיֹּ֖אמֶר יַעֲקֹ֑ב מִכְרָ֥ה כַיּ֛וֹם אֶת־בְּכֹרָתְךָ֖ לִֽי׃ אָמַר יַעֲקֹב: מְכוֹר לִי הַיּוֹם אֶת בְּכוֹרָתְךָ.
לב וַיֹּ֣אמֶר עֵשָׂ֔ו הִנֵּ֛ה אָנֹכִ֥י הוֹלֵ֖ךְ לָמ֑וּת וְלָמָּה־זֶּ֥ה לִ֖י בְּכֹרָֽה׃ אָמַר עֵשָׂו: הֲרֵי אֲנִי עָלוּל לְהִטָּרֵף וְלָמוּת, לָכֵן לָמָּה לִי בְּכוֹרָה?!
לג וַיֹּ֣אמֶר יַעֲקֹ֗ב הִשָּׁ֤בְעָה לִּי֙ כַּיּ֔וֹם וַיִּשָּׁבַ֖ע ל֑וֹ וַיִּמְכֹּ֥ר אֶת־בְּכֹרָת֖וֹ לְיַעֲקֹֽב׃ אָמַר יַעֲקֹב: הִשָּׁבַע לִי הַיּוֹם שֶׁהַמְּכִירָה מֻחְלֶטֶת, הוּא נִשְׁבַּע לוֹ וּמָכַר אֶת בְּכוֹרָתוֹ לְיַעֲקֹב.
לד וְיַעֲקֹ֞ב נָתַ֣ן לְעֵשָׂ֗ו לֶ֚חֶם וּנְזִ֣יד עֲדָשִׁ֔ים וַיֹּ֣אכַל וַיֵּ֔שְׁתְּ וַיָּ֖קׇם וַיֵּלַ֑ךְ וַיִּ֥בֶז עֵשָׂ֖ו אֶת־הַבְּכֹרָֽה׃ וְיַעֲקֹב נָתַן לְעֵשָׂו לֶחֶם וְתַבְשִׁיל עֲדָשִׁים וְעֵשָׂו אָכַל וְשָׁתָה קָם וְהָלַךְ, עֵשָׂו זִלְזֵל בַּבְּכוֹרָה.
פ פָּרָשַׁת מִצְוַת שְׁכֹן בָּאָרֶץ
כו א וַיְהִ֤י רָעָב֙ בָּאָ֔רֶץ מִלְּבַד֙ הָרָעָ֣ב הָרִאשׁ֔וֹן אֲשֶׁ֥ר הָיָ֖ה בִּימֵ֣י אַבְרָהָ֑ם וַיֵּ֧לֶךְ יִצְחָ֛ק אֶל־אֲבִימֶ֥לֶךְ מֶֽלֶךְ־פְּלִשְׁתִּ֖ים גְּרָֽרָה׃ הָיָה רָעָב בָּאָרֶץ בְּנוֹסַף לָרָעָב הָרִאשׁוֹן שֶׁהָיָה בִּימֵי אַבְרָהָם, יִצְחָק הָלַךְ לִגְרָר לַאֲבִימֶלֶךְ מֶלֶךְ פְּלִשְׁתִּים.
ב וַיֵּרָ֤א אֵלָיו֙ יְהֹוָ֔ה וַיֹּ֖אמֶר אַל־תֵּרֵ֣ד מִצְרָ֑יְמָה שְׁכֹ֣ן בָּאָ֔רֶץ אֲשֶׁ֖ר אֹמַ֥ר אֵלֶֽיךָ׃ ה' הִתְגַּלָּה אֵלָיו וְאָמַר: אַל תֵּרֵד לְמִצְרַיִם, גּוּר רַק בָּאָרֶץ שֶׁאוֹמַר לְךָ –
ג גּ֚וּר בָּאָ֣רֶץ הַזֹּ֔את וְאֶֽהְיֶ֥ה עִמְּךָ֖ וַאֲבָרְכֶ֑ךָּ כִּֽי־לְךָ֣ וּֽלְזַרְעֲךָ֗ אֶתֵּן֙ אֶת־כׇּל־הָֽאֲרָצֹ֣ת הָאֵ֔ל וַהֲקִֽמֹתִי֙ אֶת־הַשְּׁבֻעָ֔ה אֲשֶׁ֥ר נִשְׁבַּ֖עְתִּי לְאַבְרָהָ֥ם אָבִֽיךָ׃ תִּתְגּוֹרֵר זְמַנִּית בָּאָרֶץ הַזֹּאת, וְאֶהְיֶה אִתְּךָ וַאֲבָרֵךְ אוֹתְךָ – כִּי בֶּעָתִיד אֶתֵּן לְךָ וּלְצֶאֱצָאֶיךָ אֶת כָּל הָאֲרָצוֹת הָאֵלֶּה וַאֲקַיֵּם אֶת הַשְּׁבֻעָה שֶׁנִּשְׁבַּעְתִּי לְאַבְרָהָם אָבִיךָ –
ד וְהִרְבֵּיתִ֤י אֶֽת־זַרְעֲךָ֙ כְּכוֹכְבֵ֣י הַשָּׁמַ֔יִם וְנָתַתִּ֣י לְזַרְעֲךָ֔ אֵ֥ת כׇּל־הָאֲרָצֹ֖ת הָאֵ֑ל וְהִתְבָּרְﬞכ֣וּ בְזַרְעֲךָ֔ כֹּ֖ל גּוֹיֵ֥י הָאָֽרֶץ׃ אַרְבֶּה אֶת צֶאֱצָאֶיךָ כְּכוֹכְבֵי הַשָּׁמַיִם וְאֶתֵּן לְצֶאֱצָאֶיךָ אֶת כָּל הָאֲרָצוֹת הָאֵלֶּה וְיִתְבָּרְכוּ בִּזְכוּת צֶאֱצָאֶיךָ כָּל עַמֵּי הָאָרֶץ.
ה עֵ֕קֶב אֲשֶׁר־שָׁמַ֥ע אַבְרָהָ֖ם בְּקֹלִ֑י וַיִּשְׁמֹר֙ מִשְׁמַרְתִּ֔י מִצְוֺתַ֖י חֻקּוֹתַ֥י וְתוֹרֹתָֽי׃ בִּזְכוּת שֶׁאַבְרָהָם שָׁמַע בְּקוֹלִי וְהִקְפִּיד לִשְׁמוֹר אֶת מִצְווֹתַי חֻקַּי וְהוֹרָאוֹתַי.


שני[עריכה]

פָּרָשַׁת גְּרָר
ו וַיֵּ֥שֶׁב יִצְחָ֖ק בִּגְרָֽר׃ יִצְחָק הִתְיַשֵּׁב בִּגְרָר.
ז וַֽיִּשְׁאֲל֞וּ אַנְשֵׁ֤י הַמָּקוֹם֙ לְאִשְׁתּ֔וֹ וַיֹּ֖אמֶר אֲחֹ֣תִי הִ֑וא כִּ֤י יָרֵא֙ לֵאמֹ֣ר אִשְׁתִּ֔י פֶּן־יַֽהַרְגֻ֜נִי אַנְשֵׁ֤י הַמָּקוֹם֙ עַל־רִבְקָ֔ה כִּֽי־טוֹבַ֥ת מַרְאֶ֖ה הִֽוא׃ אַנְשֵׁי הַמָּקוֹם שָׁאֲלוּ עַל אִשְׁתּוֹ, הוּא אָמַר לָהֶם: "הִיא אֲחוֹתִי" כִּי פָּחַד לוֹמַר: "זֹאת אִשְׁתִּי", שֶׁלֹּא יַהַרְגוּ אוֹתוֹ אַנְשֵׁי הַמָּקוֹם בִּגְלַל רִבְקָה כִּי הִיא יָפָה וְהֵם יִרְצוּ אוֹתָהּ.
ח וַיְהִ֗י כִּ֣י אָֽרְכוּ־ל֥וֹ שָׁם֙ הַיָּמִ֔ים וַיַּשְׁקֵ֗ף אֲבִימֶ֙לֶךְ֙ מֶ֣לֶךְ פְּלִשְׁתִּ֔ים בְּעַ֖ד הַֽחַלּ֑וֹן וַיַּ֗רְא וְהִנֵּ֤ה יִצְחָק֙ מְצַחֵ֔ק אֵ֖ת רִבְקָ֥ה אִשְׁתּֽוֹ׃ אַחֲרֵי שֶׁהִתְעַכֵּב שָׁם יָמִים רַבִּים, אֲבִימֶלֶךְ מֶלֶךְ פְּלִשְׁתִּים הִשְׁקִיף דֶּרֶךְ הַחַלּוֹן, וְרָאָה וְהִנֵּה יִצְחָק צוֹחֵק עִם רִבְקָה אִשְׁתּוֹ כְּדֶרֶךְ בַּעַל וְאִשָּׁה.
ט וַיִּקְרָ֨א אֲבִימֶ֜לֶךְ לְיִצְחָ֗ק וַיֹּ֙אמֶר֙ אַ֣ךְ הִנֵּ֤ה אִשְׁתְּךָ֙ הִ֔וא וְאֵ֥יךְ אָמַ֖רְתָּ אֲחֹ֣תִי הִ֑וא וַיֹּ֤אמֶר אֵלָיו֙ יִצְחָ֔ק כִּ֣י אָמַ֔רְתִּי פֶּן־אָמ֖וּת עָלֶֽיהָ׃ אֲבִימֶלֶךְ קָרָא לְיִצְחָק, וְאָמַר: אֲבָל הֲרֵי אִשְׁתְּךָ הִיא! וְלָמָּה אָמַרְתָּ אֲחוֹתִי הִיא?! אָמַר לוֹ יִצְחָק: כִּי אָמַרְתִּי שֶׁלֹּא אָמוּת בִּגְלָלָהּ.
י וַיֹּ֣אמֶר אֲבִימֶ֔לֶךְ מַה־זֹּ֖את עָשִׂ֣יתָ לָּ֑נוּ כִּ֠מְעַ֠ט שָׁכַ֞ב אַחַ֤ד הָעָם֙ אֶת־אִשְׁתֶּ֔ךָ וְהֵבֵאתָ֥ עָלֵ֖ינוּ אָשָֽׁם׃ אֲבִימֶלֶךְ אָמַר: מַה זֶּה עָשִׂיתָ לָנוּ? כִּמְעַט שָׁכַב אֶחָד מֵאַנְשֵׁי הָעָם עִם אִשְׁתְּךָ וְהֵבֵאתָ עָלֵינוּ אַשְׁמָה!
יא וַיְצַ֣ו אֲבִימֶ֔לֶךְ אֶת־כׇּל־הָעָ֖ם לֵאמֹ֑ר הַנֹּגֵ֜עַ בָּאִ֥ישׁ הַזֶּ֛ה וּבְאִשְׁתּ֖וֹ מ֥וֹת יוּמָֽת׃ אֲבִימֶלֶךְ צִוָּה אֶת כָּל הָעָם: הַנּוֹגֵעַ לְרָעָה בָּאִישׁ הַזֶּה אוֹ בְּאִשְׁתּוֹ יוּמַת!
פָּרָשַׁת קִנְאַת פְּלִשְׁתִּים
יב וַיִּזְרַ֤ע יִצְחָק֙ בָּאָ֣רֶץ הַהִ֔וא וַיִּמְצָ֛א בַּשָּׁנָ֥ה הַהִ֖וא מֵאָ֣ה שְׁעָרִ֑ים וַֽיְבָרְﬞכֵ֖הוּ יְהֹוָֽה׃ יִצְחָק זָרַע בָּאָרֶץ הַהִיא, וְקָצַר בַּשָּׁנָה הַהִיא פִּי מֵאָה מֵהַכַּמּוּת שֶׁזָּרַע, וַה' בֵּרֵךְ אוֹתוֹ.


שלישי[עריכה]

יג וַיִּגְדַּ֖ל הָאִ֑ישׁ וַיֵּ֤לֶךְ הָלוֹךְ֙ וְגָדֵ֔ל עַ֥ד כִּֽי־גָדַ֖ל מְאֹֽד׃ הָאִישׁ גָּדַל, וְהִמְשִׁיךְ לִגְדּוֹל עַד שֶׁגָּדַל מְאוֹד.
יד וַֽיְהִי־ל֤וֹ מִקְנֵה־צֹאן֙ וּמִקְנֵ֣ה בָקָ֔ר וַעֲבֻדָּ֖ה רַבָּ֑ה וַיְקַנְא֥וּ אֹת֖וֹ פְּלִשְׁתִּֽים׃ הָיוּ לוֹ עֶדְרֵי צֹאן וְעֶדְרֵי בָּקָר, וַעֲסָקִים רַבִּים, וְהַפְּלִשְׁתִּים קִנְאוּ בּוֹ.
טו וְכׇל־הַבְּאֵרֹ֗ת אֲשֶׁ֤ר חָֽפְרוּ֙ עַבְדֵ֣י אָבִ֔יו בִּימֵ֖י אַבְרָהָ֣ם אָבִ֑יו סִתְּמ֣וּם פְּלִשְׁתִּ֔ים וַיְמַלְא֖וּם עָפָֽר׃ וְכָל הַבְּאֵרוֹת שֶׁעַבְדֵי אָבִיו חָפְרוּ בִּימֵי אַבְרָהָם אָבִיו, הַפְּלִשְׁתִּים סָתְמוּ אוֹתָם וּמִלְאוּ אוֹתָם בְּעָפָר.
טז וַיֹּ֥אמֶר אֲבִימֶ֖לֶךְ אֶל־יִצְחָ֑ק לֵ֚ךְ מֵֽעִמָּ֔נוּ כִּֽי־עָצַ֥מְתָּ מִמֶּ֖נּוּ מְאֹֽד׃ אֲבִימֶלֶךְ אָמַר לְיִצְחָק: לֵךְ מֵאִתָּנוּ כִּי נַעֲשֵׂיתָ הַרְבֵּה יוֹתֵר עָשִׁיר מֵאִתָּנוּ.
יז וַיֵּ֥לֶךְ מִשָּׁ֖ם יִצְחָ֑ק וַיִּ֥חַן בְּנַֽחַל־גְּרָ֖ר וַיֵּ֥שֶׁב שָֽׁם׃ יִצְחָק הָלַךְ מִשָּׁם וְחָנָה בְּנַחַל גְּרָר וְגָר שָׁם.
יח וַיָּ֨שׇׁב יִצְחָ֜ק וַיַּחְפֹּ֣ר ׀ אֶת־בְּאֵרֹ֣ת הַמַּ֗יִם אֲשֶׁ֤ר חָֽפְרוּ֙ בִּימֵי֙ אַבְרָהָ֣ם אָבִ֔יו וַיְסַתְּמ֣וּם פְּלִשְׁתִּ֔ים אַחֲרֵ֖י מ֣וֹת אַבְרָהָ֑ם וַיִּקְרָ֤א לָהֶן֙ שֵׁמ֔וֹת כַּשֵּׁמֹ֕ת אֲשֶׁר־קָרָ֥א לָהֶ֖ן אָבִֽיו׃ יִצְחָק חָזַר וְחָפַר אֶת בְּאֵרוֹת הַמַּיִם שֶׁחָפְרוּ בִּימֵי אַבְרָהָם אָבִיו וְהַפְּלִשְׁתִּים סָתְמוּ אוֹתָם אַחֲרֵי שֶׁאַבְרָהָם מֵת, וְקָרָא לָהֶן שֵׁמוֹת כַּשֵּׁמוֹת שֶׁקָּרָא לָהֶן אָבִיו.
יט וַיַּחְפְּר֥וּ עַבְדֵֽי־יִצְחָ֖ק בַּנָּ֑חַל וַיִּ֨מְצְאוּ־שָׁ֔ם בְּאֵ֖ר מַ֥יִם חַיִּֽים׃ עַבְדֵי יִצְחָק חָפְרוּ בַּנָּחַל, וּמָצְאוּ שָׁם בְּאֵר מַיִם נוֹבְעִים.
כ וַיָּרִ֜יבוּ רֹעֵ֣י גְרָ֗ר עִם־רֹעֵ֥י יִצְחָ֛ק לֵאמֹ֖ר לָ֣נוּ הַמָּ֑יִם וַיִּקְרָ֤א שֵֽׁם־הַבְּאֵר֙ עֵ֔שֶׂק כִּ֥י הִֽתְעַשְּׂק֖וּ עִמּֽוֹ׃ רוֹעֵי גְּרָר רָבוּ עִם רוֹעֵי יִצְחָק וְאָמְרוּ: הַמַּיִם שֶׁלָּנוּ! הוּא קָרָא אֶת שֵׁם הַבְּאֵר 'עֵסֶק' כִּי הִתְעַסְּקוּ אִתּוֹ עָלֶיהָ.
כא וַֽיַּחְפְּרוּ֙ בְּאֵ֣ר אַחֶ֔רֶת וַיָּרִ֖יבוּ גַּם־עָלֶ֑יהָ וַיִּקְרָ֥א שְׁמָ֖הּ שִׂטְנָֽה׃ הֵם חָפְרוּ בְּאֵר אַחֶרֶת וְרָבוּ גַּם עָלֶיהָ, הוּא קָרָא אֶת שְׁמָהּ 'שִׂטְנָה' כְּלוֹמַר שִׂנְאָה.
כב וַיַּעְתֵּ֣ק מִשָּׁ֗ם וַיַּחְפֹּר֙ בְּאֵ֣ר אַחֶ֔רֶת וְלֹ֥א רָב֖וּ עָלֶ֑יהָ וַיִּקְרָ֤א שְׁמָהּ֙ רְחֹב֔וֹת וַיֹּ֗אמֶר כִּֽי־עַתָּ֞ה הִרְחִ֧יב יְהֹוָ֛ה לָ֖נוּ וּפָרִ֥ינוּ בָאָֽרֶץ׃ הוּא עָבַר מִשָּׁם וְחָפַר בְּאֵר אַחֶרֶת וְלֹא רָבוּ עָלֶיהָ, הוּא קָרָא אֶת שְׁמָהּ 'רְחוֹבוֹת', וְאָמַר: כִּי עַכְשָׁיו ה' הִרְחִיב לָנוּ, וְנִתְרַבֶּה בָּאָרֶץ.


רביעי[עריכה]

כג וַיַּ֥עַל מִשָּׁ֖ם בְּאֵ֥ר שָֽׁבַע׃ הוּא עָלָה מִשָּׁם לִבְאֵר שֶׁבַע.
כד וַיֵּרָ֨א אֵלָ֤יו יְהֹוָה֙ בַּלַּ֣יְלָה הַה֔וּא וַיֹּ֕אמֶר אָנֹכִ֕י אֱלֹהֵ֖י אַבְרָהָ֣ם אָבִ֑יךָ אַל־תִּירָא֙ כִּֽי־אִתְּךָ֣ אָנֹ֔כִי וּבֵֽרַכְתִּ֙יךָ֙ וְהִרְבֵּיתִ֣י אֶֽת־זַרְעֲךָ֔ בַּעֲב֖וּר אַבְרָהָ֥ם עַבְדִּֽי׃ ה' הִתְגַּלָּה אֵלָיו בַּלַּיְלָה הַהוּא, וְאָמַר: אֲנִי אֱלֹהֵי אָבִיךָ אַבְרָהָם, אַל תִּפְחַד כִּי אֲנִי אִתְּךָ וַאֲבָרֵךְ אוֹתְךָ וְאַרְבֶּה אֶת צֶאֱצָאֶיךָ בִּזְכוּת אַבְרָהָם עַבְדִּי.
כה וַיִּ֧בֶן שָׁ֣ם מִזְבֵּ֗חַ וַיִּקְרָא֙ בְּשֵׁ֣ם יְהֹוָ֔ה וַיֶּט־שָׁ֖ם אׇהֳל֑וֹ וַיִּכְרוּ־שָׁ֥ם עַבְדֵי־יִצְחָ֖ק בְּאֵֽר׃ הוּא בָּנָה שָׁם מִזְבֵּחַ וְהִתְפַּלֵּל לַה' וְהֵקִים שָׁם אֶת אָהֳלוֹ, וְעַבְדֵי יִצְחָק חָפְרוּ שָׁם בְּאֵר.
פָּרָשַׁת שְׁבוּעַת פְּלִשְׁתִּים
כו וַאֲבִימֶ֕לֶךְ הָלַ֥ךְ אֵלָ֖יו מִגְּרָ֑ר וַאֲחֻזַּת֙ מֵֽרֵעֵ֔הוּ וּפִיכֹ֖ל שַׂר־צְבָאֽוֹ׃ וַאֲבִימֶלֶךְ הָלַךְ אֵלָיו מִגְּרָר עִם חֲבוּרָה מֵאוֹהֲבָיו וּפִיכוֹל שַׂר הַצָּבָא שֶׁלּוֹ.
כז וַיֹּ֤אמֶר אֲלֵהֶם֙ יִצְחָ֔ק מַדּ֖וּעַ בָּאתֶ֣ם אֵלָ֑י וְאַתֶּם֙ שְׂנֵאתֶ֣ם אֹתִ֔י וַתְּשַׁלְּח֖וּנִי מֵאִתְּכֶֽם׃ אָמַר לָהֶם יִצְחָק: מַדּוּעַ בָּאתֶם אֵלַי? וַהֲרֵי אַתֶּם שְׂנֵאתֶם אוֹתִי, וְגֵרַשְׁתֶּם אוֹתִי מֵאִתְּכֶם!
כח וַיֹּאמְר֗וּ רָא֣וֹ רָאִ֘ינוּ֮ כִּֽי־הָיָ֣ה יְהֹוָ֣ה ׀ עִמָּךְ֒ וַנֹּ֗אמֶר תְּהִ֨י נָ֥א אָלָ֛ה בֵּינוֹתֵ֖ינוּ בֵּינֵ֣ינוּ וּבֵינֶ֑ךָ וְנִכְרְתָ֥ה בְרִ֖ית עִמָּֽךְ׃ אָמְרוּ לוֹ: רָאִינוּ שֶׁה' הָיָה אִתְּךָ וְעָזַר לְךָ, וְאָמַרְנוּ שֶׁתִּהְיֶה בְּבַקָּשָׁה בֵּינֵינוּ – בֵּינֵינוּ לְבֵינְךָ הֶסְכֵּם בִּשְׁבוּעָה, וְנַעֲשֶׂה אִתְּךָ הֶסְכֵּם שָׁלוֹם.
כט אִם־תַּעֲשֵׂ֨ה עִמָּ֜נוּ רָעָ֗ה כַּאֲשֶׁר֙ לֹ֣א נְגַֽעֲנ֔וּךָ וְכַאֲשֶׁ֨ר עָשִׂ֤ינוּ עִמְּךָ֙ רַק־ט֔וֹב וַנְּשַׁלֵּֽחֲךָ֖ בְּשָׁל֑וֹם אַתָּ֥ה עַתָּ֖ה בְּר֥וּךְ יְהֹוָֽה׃ שֶׁלֹּא תַּעֲשֵׂה אִתָּנוּ רָעָה, כְּמוֹ שֶׁגַּם אֲנַחְנוּ לֹא נָגַעְנוּ בְּךָ לְרָעָה, וּכְמוֹ שֶׁעָשִׂינוּ אִתְּךָ רַק טוֹב וְשָׁלַחְנוּ אוֹתְךָ לְשָׁלוֹם, הֲרֵי אַתָּה עַכְשָׁיו מְבוֹרָךְ מֵה'.


חמישי[עריכה]

ל וַיַּ֤עַשׂ לָהֶם֙ מִשְׁתֶּ֔ה וַיֹּאכְל֖וּ וַיִּשְׁתּֽוּ׃ הוּא עָשָׂה לָהֶם סְעוּדָה, וְהֵם אָכְלוּ וְשָׁתוּ.
לא וַיַּשְׁכִּ֣ימוּ בַבֹּ֔קֶר וַיִּשָּׁבְע֖וּ אִ֣ישׁ לְאָחִ֑יו וַיְשַׁלְּחֵ֣ם יִצְחָ֔ק וַיֵּלְכ֥וּ מֵאִתּ֖וֹ בְּשָׁלֽוֹם׃ הֵם הִשְׁכִּימוּ בַּבּוֹקֶר וְנִשְׁבְּעוּ אִישׁ לְאָחִיו, יִצְחָק שָׁלַח אוֹתָם וְהֵם הָלְכוּ מִמֶּנּוּ בְּשָׁלוֹם.
לב וַיְהִ֣י ׀ בַּיּ֣וֹם הַה֗וּא וַיָּבֹ֙אוּ֙ עַבְדֵ֣י יִצְחָ֔ק וַיַּגִּ֣דוּ ל֔וֹ עַל־אֹד֥וֹת הַבְּאֵ֖ר אֲשֶׁ֣ר חָפָ֑רוּ וַיֹּ֥אמְרוּ ל֖וֹ מָצָ֥אנוּ מָֽיִם׃ בְּאוֹתוֹ הַיּוֹם עַבְדֵי יִצְחָק בָּאוּ וְסִפְּרוּ לוֹ עַל אוֹדוֹת הַבְּאֵר שֶׁחָפְרוּ, וְאָמְרוּ לוֹ: מָצָאנוּ מַיִם!
לג וַיִּקְרָ֥א אֹתָ֖הּ שִׁבְעָ֑ה עַל־כֵּ֤ן שֵׁם־הָעִיר֙ בְּאֵ֣ר שֶׁ֔בַע עַ֖ד הַיּ֥וֹם הַזֶּֽה׃ הוּא קָרָא לַבְּאֵר 'שִׁבְעָה' (עַל שֵׁם הַשְּׁבוּעָה), לָכֵן שֵׁם הָעִיר בְּאֵר שֶׁבַע עַד הַיּוֹם.
ס פָּרָשַׁת נְשׁוֹת עֵשָׂו
לד וַיְהִ֤י עֵשָׂו֙ בֶּן־אַרְבָּעִ֣ים שָׁנָ֔ה וַיִּקַּ֤ח אִשָּׁה֙ אֶת־יְהוּדִ֔ית בַּת־בְּאֵרִ֖י הַֽחִתִּ֑י וְאֶת־בָּ֣שְׂמַ֔ת בַּת־אֵילֹ֖ן הַֽחִתִּֽי׃ עֵשָׂו הָיָה בֶּן אַרְבָּעִים שָׁנָה, וְלָקַח לְאִשָּׁה אֶת יְהוּדִית בַּת בְּאֵרִי הַחִתִּי, וְאֶת בָּשְׂמַת בַּת אֵילוֹן הַחִתִּי.
לה וַתִּהְיֶ֖יןָ מֹ֣רַת ר֑וּחַ לְיִצְחָ֖ק וּלְרִבְקָֽה׃ הֵן הָיוּ מַרְגִּיזוֹת אֶת יִצְחָק וְרִבְקָה.
ס פָּרָשַׁת הַבְּרָכוֹת
כז א וַֽיְהִי֙ כִּֽי־זָקֵ֣ן יִצְחָ֔ק וַתִּכְהֶ֥יןָ עֵינָ֖יו מֵרְאֹ֑ת וַיִּקְרָ֞א אֶת־עֵשָׂ֣ו ׀ בְּנ֣וֹ הַגָּדֹ֗ל וַיֹּ֤אמֶר אֵלָיו֙ בְּנִ֔י וַיֹּ֥אמֶר אֵלָ֖יו הִנֵּֽנִי׃ כְּשֶׁיִּצְחָק הִזְדַּקֵּן עֵינָיו נֶחְלְשׁוּ מִלִּרְאוֹת, הוּא קָרָא לְעֵשָׂו בְּנוֹ הַגָּדוֹל, וְאָמַר לוֹ: בְּנִי! אָמַר לוֹ: הִנֵּה אֲנִי.
ב וַיֹּ֕אמֶר הִנֵּה־נָ֖א זָקַ֑נְתִּי לֹ֥א יָדַ֖עְתִּי י֥וֹם מוֹתִֽי׃ אָמַר לוֹ: עַכְשָׁיו כְּבָר הִזְדָּקַנְתִּי, וְאֵינֶנִּי יוֹדֵעַ מָתַי יִהְיֶה יוֹם מוֹתִי.
ג וְעַתָּה֙ שָׂא־נָ֣א כֵלֶ֔יךָ תֶּלְיְךָ֖ וְקַשְׁתֶּ֑ךָ וְצֵא֙ הַשָּׂדֶ֔ה וְצ֥וּדָה לִּ֖י צידה צָֽיִד׃ וְעַכְשָׁיו קַח בְּבַקָּשָׁה אֶת כֵּלֶיךָ – חַרְבְּךָ וְקַשְׁתְּךָ, וְצֵא לַשָּׂדֶה וְצוּד לִי צַיִד.
ד וַעֲשֵׂה־לִ֨י מַטְעַמִּ֜ים כַּאֲשֶׁ֥ר אָהַ֛בְתִּי וְהָבִ֥יאָה לִּ֖י וְאֹכֵ֑לָה בַּעֲב֛וּר תְּבָרֶכְךָ֥ נַפְשִׁ֖י בְּטֶ֥רֶם אָמֽוּת׃ וַעֲשֵׂה לִי מַטְעַמִּים כְּמוֹ שֶׁאֲנִי אוֹהֵב, וַהֲבֵא לִי וְאוֹכַל, כְּדֵי שֶׁאֲבָרֵךְ אוֹתְךָ מִתּוֹךְ נַחַת לִפְנֵי שֶׁאָמוּת.
ה וְרִבְקָ֣ה שֹׁמַ֔עַת בְּדַבֵּ֣ר יִצְחָ֔ק אֶל־עֵשָׂ֖ו בְּנ֑וֹ וַיֵּ֤לֶךְ עֵשָׂו֙ הַשָּׂדֶ֔ה לָצ֥וּד צַ֖יִד לְהָבִֽיא׃ וְרִבְקָה שָׁמְעָה כְּשֶׁיִּצְחָק דִּבֵּר אֶל עֵשָׂו בְּנוֹ, וְעֵשָׂו הָלַךְ לַשָּׂדֶה לָצוּד וּלְהָבִיא צַיִד.
ו וְרִבְקָה֙ אָֽמְרָ֔ה אֶל־יַעֲקֹ֥ב בְּנָ֖הּ לֵאמֹ֑ר הִנֵּ֤ה שָׁמַ֙עְתִּי֙ אֶת־אָבִ֔יךָ מְדַבֵּ֛ר אֶל־עֵשָׂ֥ו אָחִ֖יךָ לֵאמֹֽר׃ רִבְקָה אָמְרָה לְיַעֲקֹב בְּנָהּ: הִנֵּה שָׁמַעְתִּי אֶת אָבִיךָ מְדַבֵּר אֶל עֵשָׂו אָחִיךָ, וְאָמַר:
ז הָבִ֨יאָה לִּ֥י צַ֛יִד וַעֲשֵׂה־לִ֥י מַטְעַמִּ֖ים וְאֹכֵ֑לָה וַאֲבָרֶכְכָ֛ה לִפְנֵ֥י יְהֹוָ֖ה לִפְנֵ֥י מוֹתִֽי׃ הֲבֵא לִי צַיִד וַעֲשֵׂה לִי מַטְעַמִּים וְאוֹכַל, וַאֲבָרֵךְ אוֹתְךָ בְּבִרְכַּת ה' לִפְנֵי מוֹתִי.
ח וְעַתָּ֥ה בְנִ֖י שְׁמַ֣ע בְּקֹלִ֑י לַאֲשֶׁ֥ר אֲנִ֖י מְצַוָּ֥ה אֹתָֽךְ׃ וְעַכְשָׁיו בְּנִי, שְׁמַע בְּקוֹלִי לְמַה שֶּׁאֲנִי מְצַוָּה אוֹתְךָ.
ט לֶךְ־נָא֙ אֶל־הַצֹּ֔אן וְקַֽח־לִ֣י מִשָּׁ֗ם שְׁנֵ֛י גְּדָיֵ֥י עִזִּ֖ים טֹבִ֑ים וְאֶֽעֱשֶׂ֨ה אֹתָ֧ם מַטְעַמִּ֛ים לְאָבִ֖יךָ כַּאֲשֶׁ֥ר אָהֵֽב׃ לֵךְ בְּבַקָּשָׁה אֶל הַצֹּאן, וַהֲבֵא לִי מִשָּׁם שְׁנֵי גְּדָיֵי עִזִּים טוֹבִים, וְאֶעֱשֶׂה מֵהֶם מַטְעַמִּים לְאָבִיךָ כְּמוֹ שֶׁהוּא אוֹהֵב.
י וְהֵבֵאתָ֥ לְאָבִ֖יךָ וְאָכָ֑ל בַּעֲבֻ֛ר אֲשֶׁ֥ר יְבָרֶכְךָ֖ לִפְנֵ֥י מוֹתֽוֹ׃ וְתָבִיא לְאָבִיךָ וְיֹאכַל, כְּדֵי שֶׁיְּבָרֵךְ אוֹתְךָ לִפְנֵי מוֹתוֹ.
יא וַיֹּ֣אמֶר יַעֲקֹ֔ב אֶל־רִבְקָ֖ה אִמּ֑וֹ הֵ֣ן עֵשָׂ֤ו אָחִי֙ אִ֣ישׁ שָׂעִ֔ר וְאָנֹכִ֖י אִ֥ישׁ חָלָֽק׃ אָמַר יַעֲקֹב לְרִבְקָה אִמּוֹ: הֲרֵי עֵשָׂו אָחִי אִישׁ מָלֵא שְׂעָרוֹת, וַאֲנִי אִישׁ חָלָק.
יב אוּלַ֤י יְמֻשֵּׁ֙נִי֙ אָבִ֔י וְהָיִ֥יתִי בְעֵינָ֖יו כִּמְתַעְתֵּ֑עַ וְהֵבֵאתִ֥י עָלַ֛י קְלָלָ֖ה וְלֹ֥א בְרָכָֽה׃ אוּלַי אָבִי יְמַשֵּׁשׁ אוֹתִי וְיֵרָאֶה בְּעֵינָיו שֶׁאֲנִי מַטְעֶה אוֹתוֹ, וְאָבִיא עָלַי קְלָלָה וְלֹא בְּרָכָה!
יג וַתֹּ֤אמֶר לוֹ֙ אִמּ֔וֹ עָלַ֥י קִלְלָתְךָ֖ בְּנִ֑י אַ֛ךְ שְׁמַ֥ע בְּקֹלִ֖י וְלֵ֥ךְ קַֽח־לִֽי׃ אָמְרָה לוֹ אִמּוֹ: הַקְּלָלָה שֶׁיְּקַלֵּל אוֹתְךָ תָּבוֹא עָלַי, בְּנִי! אֲבָל שְׁמַע בְּקוֹלִי וְלֵךְ תַָּבִיא לִי.
יד וַיֵּ֙לֶךְ֙ וַיִּקַּ֔ח וַיָּבֵ֖א לְאִמּ֑וֹ וַתַּ֤עַשׂ אִמּוֹ֙ מַטְעַמִּ֔ים כַּאֲשֶׁ֖ר אָהֵ֥ב אָבִֽיו׃ הוּא הָלַךְ וְלָקַח וְהֵבִיא לְאִמּוֹ, וְאִמּוֹ עָשְׂתָה מַטְעַמִּים כְּמוֹ שֶׁאָבִיו אוֹהֵב.
טו וַתִּקַּ֣ח רִ֠בְקָ֠ה אֶת־בִּגְדֵ֨י עֵשָׂ֜ו בְּנָ֤הּ הַגָּדֹל֙ הַחֲמֻדֹ֔ת אֲשֶׁ֥ר אִתָּ֖הּ בַּבָּ֑יִת וַתַּלְבֵּ֥שׁ אֶֽת־יַעֲקֹ֖ב בְּנָ֥הּ הַקָּטָֽן׃ רִבְקָה לָקְחָה אֶת בִּגְדֵי עֵשָׂו בְּנָהּ הַגָּדוֹל הַמְּפוֹאָרִים שֶׁאֶצְלָהּ בַּבַּיִת, וְהִלְבִּישָׁה אֶת יַעֲקֹב בְּנָהּ הַקָּטָן.
טז וְאֵ֗ת עֹרֹת֙ גְּדָיֵ֣י הָֽעִזִּ֔ים הִלְבִּ֖ישָׁה עַל־יָדָ֑יו וְעַ֖ל חֶלְקַ֥ת צַוָּארָֽיו׃ וְאֶת עוֹרוֹת גְּדָיֵי הָעִזִּים הִלְבִּישָׁה עַל יָדָיו וְעַל צַוָּארוֹ הֶחָלָק.
יז וַתִּתֵּ֧ן אֶת־הַמַּטְעַמִּ֛ים וְאֶת־הַלֶּ֖חֶם אֲשֶׁ֣ר עָשָׂ֑תָה בְּיַ֖ד יַעֲקֹ֥ב בְּנָֽהּ׃ וְנָתְנָה אֶת הַמַּטְעַמִּים וְאֶת הַלֶּחֶם שֶׁעָשְׂתָה בַּיַּד שֶׁל יַעֲקֹב הַבֵּן שֶׁלָּהּ.
יח וַיָּבֹ֥א אֶל־אָבִ֖יו וַיֹּ֣אמֶר אָבִ֑י וַיֹּ֣אמֶר הִנֶּ֔נִּי מִ֥י אַתָּ֖ה בְּנִֽי׃ הוּא בָּא לְאָבִיו, וְאָמַר: אָבִי! אָמַר לוֹ: הִנֵּה אֲנִי, מִי אַתָּה בְּנִי?
יט וַיֹּ֨אמֶר יַעֲקֹ֜ב אֶל־אָבִ֗יו אָנֹכִי֙ עֵשָׂ֣ו בְּכֹרֶ֔ךָ עָשִׂ֕יתִי כַּאֲשֶׁ֥ר דִּבַּ֖רְתָּ אֵלָ֑י קֽוּם־נָ֣א שְׁבָ֗ה וְאׇכְלָה֙ מִצֵּידִ֔י בַּעֲב֖וּר תְּבָרְﬞכַ֥נִּי נַפְשֶֽׁךָ׃ אָמַר יַעֲקֹב לְאָבִיו: אֲנִי עֵשָׂו בְּכוֹרְךָ, עָשִׂיתִי כְּמוֹ שֶׁדִּבַּרְתָּ אֵלַי, קוּם בְּבַקָּשָׁה שֵׁב וֶאֱכוֹל מֵהַצַּיִד שֶׁלִּי, כְּדֵי שֶׁתְּבָרֵךְ אוֹתִי מִתּוֹךְ נַחַת!
כ וַיֹּ֤אמֶר יִצְחָק֙ אֶל־בְּנ֔וֹ מַה־זֶּ֛ה מִהַ֥רְתָּ לִמְצֹ֖א בְּנִ֑י וַיֹּ֕אמֶר כִּ֥י הִקְרָ֛ה יְהֹוָ֥ה אֱלֹהֶ֖יךָ לְפָנָֽי׃ אָמַר יִצְחָק לִבְנוֹ: אֵיךְ מָצָאתָ כָּל כָּךְ מַהֵר, בְּנִי? אָמַר לוֹ: כִּי ה' אֱלֹהֶיךָ זִמֵּן לְפָנַי.
כא וַיֹּ֤אמֶר יִצְחָק֙ אֶֽל־יַעֲקֹ֔ב גְּשָׁה־נָּ֥א וַאֲמֻֽשְׁךָ֖ בְּנִ֑י הַֽאַתָּ֥ה זֶ֛ה בְּנִ֥י עֵשָׂ֖ו אִם־לֹֽא׃ אָמַר יִצְחָק לְיַעֲקֹב: גַּשׁ בְּבַקָּשָׁה וַאֲמַשֵּׁשׁ אוֹתְךָ בְּנִי וְאֶבְדּוֹק הַאִם אַתָּה בְּנִי עֵשָׂו אוֹ לֹא.
כב וַיִּגַּ֧שׁ יַעֲקֹ֛ב אֶל־יִצְחָ֥ק אָבִ֖יו וַיְמֻשֵּׁ֑הוּ וַיֹּ֗אמֶר הַקֹּל֙ ק֣וֹל יַעֲקֹ֔ב וְהַיָּדַ֖יִם יְדֵ֥י עֵשָֽׂו׃ יַעֲקֹב נִגַּשׁ לְיִצְחָק אָבִיו וְהוּא מִשֵּׁשׁ אוֹתוֹ וְאָמַר: הַקּוֹל הוּא קוֹלוֹ שֶׁל יַעֲקֹב, וְהַיָּדַיִם הֵם יְדֵי עֵשָׂו!
כג וְלֹ֣א הִכִּיר֔וֹ כִּֽי־הָי֣וּ יָדָ֗יו כִּידֵ֛י עֵשָׂ֥ו אָחִ֖יו שְׂעִרֹ֑ת וַֽיְבָרְכֵֽהוּ׃ וְהוּא לֹא זִיהָה אוֹתוֹ, כִּי יָדָיו הָיוּ שְׂעִירוֹת כְּמוֹ יְדֵי עֵשָׂו אָחִיו, וְהוּא בֵּרֵךְ אוֹתוֹ.
כד וַיֹּ֕אמֶר אַתָּ֥ה זֶ֖ה בְּנִ֣י עֵשָׂ֑ו וַיֹּ֖אמֶר אָֽנִי׃ הוּא אָמַר: אַתָּה זֶה בְּנִי עֵשָׂו? אָמַר לוֹ אֲנִי!
כה וַיֹּ֗אמֶר הַגִּ֤שָׁה לִּי֙ וְאֹֽכְלָה֙ מִצֵּ֣יד בְּנִ֔י לְמַ֥עַן תְּבָֽרֶכְךָ֖ נַפְשִׁ֑י וַיַּגֶּשׁ־לוֹ֙ וַיֹּאכַ֔ל וַיָּ֧בֵא ל֦וֹ יַ֖יִן וַיֵּֽשְׁתְּ׃ אָמַר לוֹ הַגֵּשׁ לִי וְאוֹכַל מֵהַצַּיִד שֶׁל בְּנִי כְּדֵי שֶׁאֲבָרֵךְ אוֹתְךָ מִתּוֹךְ נַחַת! הוּא הִגִּישׁ לוֹ, וְאָכַל, וְהֵבִיא לוֹ יַיִן, וְשָׁתָה.
כו וַיֹּ֥אמֶר אֵלָ֖יו יִצְחָ֣ק אָבִ֑יו גְּשָׁה־נָּ֥א וּשְׁקָה־לִּ֖י בְּנִֽי׃ יִצְחָק אָבִיו אָמַר לוֹ: גַּשׁ בְּבַקָּשָׁה וְנַשֵּׁק אוֹתִי בְּנִי!
כז וַיִּגַּשׁ֙ וַיִּשַּׁק־ל֔וֹ וַיָּ֛רַח אֶת־רֵ֥יחַ בְּגָדָ֖יו וַֽיְבָרְﬞכֵ֑הוּ וַיֹּ֗אמֶר רְאֵה֙ רֵ֣יחַ בְּנִ֔י כְּרֵ֣יחַ שָׂדֶ֔ה אֲשֶׁ֥ר בֵּרְﬞכ֖וֹ יְהֹוָֽה׃ הוּא נִגַּשׁ וְנִשֵּׁק אוֹתוֹ וְהוּא הֵרִיחַ אֶת רֵיחַ בְּגָדָיו וּבֵרֵךְ אוֹתוֹ, וְאָמַר: רְאוּ, רֵיחַ בְּנִי הוּא כְּמוֹ רֵיחַ שֶׁל שָׂדֶה שֶׁה' בֵּרֵךְ!


ששי[עריכה]

כח וְיִֽתֶּן־לְךָ֙ הָאֱלֹהִ֔ים מִטַּל֙ הַשָּׁמַ֔יִם וּמִשְׁמַנֵּ֖י הָאָ֑רֶץ וְרֹ֥ב דָּגָ֖ן וְתִירֹֽשׁ׃ וְהָאֱלֹהִים יִתֵּן לְךָ מִטַּל הַשָּׁמַיִם, וּמִגִּדּוּלִים מְשֻׁבָּחִים מֵהָאָרֶץ, וְהַרְבֵּה תְּבוּאָה וְיַיִן.
כט יַֽעַבְד֣וּךָ עַמִּ֗ים וישתחו וְיִֽשְׁתַּחֲו֤וּ לְךָ֙ לְאֻמִּ֔ים הֱוֵ֤ה גְבִיר֙ לְאַחֶ֔יךָ וְיִשְׁתַּחֲו֥וּ לְךָ֖ בְּנֵ֣י אִמֶּ֑ךָ אֹרְרֶ֣יךָ אָר֔וּר וּֽמְבָרְﬞכֶ֖יךָ בָּרֽוּךְ׃ יְשָׁרְתוּ אוֹתְךָ עַמִּים וְיִשְׁתַּחֲווּ לְךָ אֻמּוֹת, תִּהְיֶה אָדוֹן לְאַחֶיךָ, וְיִשְׁתַּחֲווּ לְךָ בְּנֵי אִמְּךָ, מְקַלְּלֶיךָ יִהְיוּ מְקֻלָּלִים, וּמְבָרְכֶיךָ יִהְיוּ מְבוֹרָכִים!
ל וַיְהִ֗י כַּאֲשֶׁ֨ר כִּלָּ֣ה יִצְחָק֮ לְבָרֵ֣ךְ אֶֽת־יַעֲקֹב֒ וַיְהִ֗י אַ֣ךְ יָצֹ֤א יָצָא֙ יַעֲקֹ֔ב מֵאֵ֥ת פְּנֵ֖י יִצְחָ֣ק אָבִ֑יו וְעֵשָׂ֣ו אָחִ֔יו בָּ֖א מִצֵּידֽוֹ׃ כְּשֶׁיִּצְחָק סִיֵּם לְבָרֵךְ אֶת יַעֲקֹב, רַק יָצָא יַעֲקֹב מִלִּפְנֵי יִצְחָק אָבִיו, וְעֵשָׂו אָחִיו בָּא מִמָּסַע הַצַּיִד שֶׁלּוֹ.
לא וַיַּ֤עַשׂ גַּם־הוּא֙ מַטְעַמִּ֔ים וַיָּבֵ֖א לְאָבִ֑יו וַיֹּ֣אמֶר לְאָבִ֗יו יָקֻ֤ם אָבִי֙ וְיֹאכַל֙ מִצֵּ֣יד בְּנ֔וֹ בַּעֲבֻ֖ר תְּבָרְﬞכַ֥נִּי נַפְשֶֽׁךָ׃ גַּם הוּא עָשָׂה מַטְעַמִּים וְהֵבִיא לְאָבִיו, וְאָמַר לְאָבִיו: קוּם אָבִי וֶאֱכוֹל מֵהַצַּיִד שֶׁל בִּנְךָ כְּדֵי שֶׁתְּבָרֵךְ אוֹתִי מִתּוֹךְ נַחַת!
לב וַיֹּ֥אמֶר ל֛וֹ יִצְחָ֥ק אָבִ֖יו מִי־אָ֑תָּה וַיֹּ֕אמֶר אֲנִ֛י בִּנְךָ֥ בְכֹֽרְךָ֖ עֵשָֽׂו׃ אָמַר לוֹ יִצְחָק אָבִיו: מִי אַתָּה? אָמַר לוֹ: אֲנִי בִּנְךָ בְּכוֹרְךָ עֵשָׂו!
לג וַיֶּחֱרַ֨ד יִצְחָ֣ק חֲרָדָה֮ גְּדֹלָ֣ה עַד־מְאֹד֒ וַיֹּ֡אמֶר מִֽי־אֵפ֡וֹא ה֣וּא הַצָּֽד־צַ֩יִד֩ וַיָּ֨בֵא לִ֜י וָאֹכַ֥ל מִכֹּ֛ל בְּטֶ֥רֶם תָּב֖וֹא וָאֲבָרְﬞכֵ֑הוּ גַּם־בָּר֖וּךְ יִהְיֶֽה׃ יִצְחָק נֶחֱרַד בַּחֲרָדָה גְּדוֹלָה מְאוֹד וְאָמַר: מִי הוּא אִם כֵּן זֶה שֶׁצָּד צַיִד וְהֵבִיא לִי וְאָכַלְתִּי מֵהַכֹּל לִפְנֵי שֶׁבָּאתָ וּבֵרַכְתִּי אוֹתוֹ? אָכֵן הוּא יִהְיֶה מְבוֹרָךְ.
לד כִּשְׁמֹ֤עַ עֵשָׂו֙ אֶת־דִּבְרֵ֣י אָבִ֔יו וַיִּצְעַ֣ק צְעָקָ֔ה גְּדֹלָ֥ה וּמָרָ֖ה עַד־מְאֹ֑ד וַיֹּ֣אמֶר לְאָבִ֔יו בָּרְﬞכֵ֥נִי גַם־אָ֖נִי אָבִֽי׃ כְּשֶׁעֵשָׂו שָׂמַע אֶת דִּבְרֵי אָבִיו הוּא צָעַק צְעָקָה גְּדוֹלָה וּמָרָה מְאוֹד, וְאָמַר לְאָבִיו: בָּרֵךְ גַּם אוֹתִי, אָבִי!
לה וַיֹּ֕אמֶר בָּ֥א אָחִ֖יךָ בְּמִרְמָ֑ה וַיִּקַּ֖ח בִּרְכָתֶֽךָ׃ אָמַר לוֹ: אָחִיךָ בָּא בְּרַמָּאוּת וְלָקַח אֶת בִּרְכָתְךָ.
לו וַיֹּ֡אמֶר הֲכִי֩ קָרָ֨א שְׁמ֜וֹ יַעֲקֹ֗ב וַֽיַּעְקְבֵ֙נִי֙ זֶ֣ה פַעֲמַ֔יִם אֶת־בְּכֹרָתִ֣י לָקָ֔ח וְהִנֵּ֥ה עַתָּ֖ה לָקַ֣ח בִּרְכָתִ֑י וַיֹּאמַ֕ר הֲלֹא־אָצַ֥לְתָּ לִּ֖י בְּרָכָֽה׃ הוּא אָמַר: הַאִם לָכֵן נִקְרָא שְׁמוֹ יַעֲקֹב?! הוּא הֶעֱרִים עָלַי (וְעִקֵּב אוֹתִי) פַּעֲמַיִם! הוּא לָקַח אֶת בְּכוֹרָתִי, וְהִנֵּה עַכְשָׁיו לָקַח אֶת בִּרְכָתִי! וְאָמַר: הֲאִם לֹא הִשְׁאַרְתָּ לִי בְּרָכָה?!
לז וַיַּ֨עַן יִצְחָ֜ק וַיֹּ֣אמֶר לְעֵשָׂ֗ו הֵ֣ן גְּבִ֞יר שַׂמְתִּ֥יו לָךְ֙ וְאֶת־כׇּל־אֶחָ֗יו נָתַ֤תִּי לוֹ֙ לַעֲבָדִ֔ים וְדָגָ֥ן וְתִירֹ֖שׁ סְמַכְתִּ֑יו וּלְכָ֣ה אֵפ֔וֹא מָ֥ה אֶֽעֱשֶׂ֖ה בְּנִֽי׃ עָנָה יִצְחָק וְאָמַר לְעֵשָׂו: הֲרֵי עָשִׂיתִי אוֹתוֹ אָדוֹן עָלֶיךָ, וְאֶת כָּל אֶחָיו נָתַתִּי לוֹ לַעֲבָדִים, וְנָתַתִּי לוֹ תְּבוּאָה וְיַיִן, וְאִם כֵּן מָה אֶעֱשֶׂה לְךָ בְּנִי?
לח וַיֹּ֨אמֶר עֵשָׂ֜ו אֶל־אָבִ֗יו הַֽבְרָכָ֨ה אַחַ֤ת הִֽוא־לְךָ֙ אָבִ֔י בָּרְﬞכֵ֥נִי גַם־אָ֖נִי אָבִ֑י וַיִּשָּׂ֥א עֵשָׂ֛ו קֹל֖וֹ וַיֵּֽבְךְּ׃ אָמַר עֵשָׂו לְאָבִיו: הַאִם יֵשׁ לְךָ רַק בְּרָכָה אַחַת, אָבִי? בָּרֵךְ גַּם אוֹתִי אָבִי! עֵשָׂו הֵרִים אֶת קוֹלוֹ וּבָכָה.
לט וַיַּ֛עַן יִצְחָ֥ק אָבִ֖יו וַיֹּ֣אמֶר אֵלָ֑יו הִנֵּ֞ה מִשְׁמַנֵּ֤י הָאָ֙רֶץ֙ יִהְיֶ֣ה מֽוֹשָׁבֶ֔ךָ וּמִטַּ֥ל הַשָּׁמַ֖יִם מֵעָֽל׃ יִצְחָק אָבִיו עָנָה וְאָמַר לוֹ: הִנֵּה הַמָּקוֹם שֶׁתָּגוּר בּוֹ יִהְיֶה מָלֵא מִטּוּב הָאָרֶץ וּמִטַּל הַשָּׁמַיִם מִלְּמַעְלָה.
מ וְעַל־חַרְבְּךָ֣ תִֽחְיֶ֔ה וְאֶת־אָחִ֖יךָ תַּעֲבֹ֑ד וְהָיָה֙ כַּאֲשֶׁ֣ר תָּרִ֔יד וּפָרַקְתָּ֥ עֻלּ֖וֹ מֵעַ֥ל צַוָּארֶֽךָ׃ וְעַל חַרְבְּךָ תִּסְמוֹךְ, וְאֶת אָחִיךָ תַּעֲבוֹד, וּכְשֶׁתִּבְכֶּה לַה' מֵרוֹב צַעַר תִּפְרוֹק אֶת עֻלּוֹ מֵעַל צַוָּארְךָ.
פָּרָשַׁת שְׁלִיחַת יַעֲקֹב
מא וַיִּשְׂטֹ֤ם עֵשָׂו֙ אֶֽת־יַעֲקֹ֔ב עַ֨ל־הַבְּרָכָ֔ה אֲשֶׁ֥ר בֵּרְﬞכ֖וֹ אָבִ֑יו וַיֹּ֨אמֶר עֵשָׂ֜ו בְּלִבּ֗וֹ יִקְרְבוּ֙ יְמֵי֙ אֵ֣בֶל אָבִ֔י וְאַֽהַרְגָ֖ה אֶת־יַעֲקֹ֥ב אָחִֽי׃ עֵשָׂו שָׂנָא אֶת יַעֲקֹב בִּגְלַל הַבְּרָכָה שֶׁאָבִיו בֵּרֵךְ אוֹתוֹ, וְהִרְהֵר עֵשָׂו: הַלְוַאי שֶׁיִּקְרְבוּ יְמֵי הָאֵבֶל לְאָבִי וְאֶהֱרוֹג אָז אֶת יַעֲקֹב אָחִי!
מב וַיֻּגַּ֣ד לְרִבְקָ֔ה אֶת־דִּבְרֵ֥י עֵשָׂ֖ו בְּנָ֣הּ הַגָּדֹ֑ל וַתִּשְׁלַ֞ח וַתִּקְרָ֤א לְיַעֲקֹב֙ בְּנָ֣הּ הַקָּטָ֔ן וַתֹּ֣אמֶר אֵלָ֔יו הִנֵּה֙ עֵשָׂ֣ו אָחִ֔יךָ מִתְנַחֵ֥ם לְךָ֖ לְהׇרְגֶֽךָ׃ סִפְּרוּ לְרִבְקָה אֶת דִּבְרֵי עֵשָׂו בְּנָהּ הַגָּדוֹל, הִיא שָׁלְחָה וְקָרְאָה לְיַעֲקֹב בְּנָהּ הַקָּטָן, וְאָמְרָה לוֹ: הִנֵּה עֵשָׂו אָחִיךָ זוֹמֵם לַהֲרוֹג אוֹתְךָ!
מג וְעַתָּ֥ה בְנִ֖י שְׁמַ֣ע בְּקֹלִ֑י וְק֧וּם בְּרַח־לְךָ֛ אֶל־לָבָ֥ן אָחִ֖י חָרָֽנָה׃ וְעַכְשָׁיו בְּנִי שְׁמַע בְּקוֹלִי, וְקוּם בְּרַח לְךָ לְלָבָן אָחִי לְחָרָן.
מד וְיָשַׁבְתָּ֥ עִמּ֖וֹ יָמִ֣ים אֲחָדִ֑ים עַ֥ד אֲשֶׁר־תָּשׁ֖וּב חֲמַ֥ת אָחִֽיךָ׃ וְתָגוּר אִתּוֹ יָמִים אֲחָדִים עַד שֶׁיֵּרָגַע הַכַּעַס שֶׁל אָחִיךָ.
מה עַד־שׁ֨וּב אַף־אָחִ֜יךָ מִמְּךָ֗ וְשָׁכַח֙ אֵ֣ת אֲשֶׁר־עָשִׂ֣יתָ לּ֔וֹ וְשָׁלַחְתִּ֖י וּלְקַחְתִּ֣יךָ מִשָּׁ֑ם לָמָ֥ה אֶשְׁכַּ֛ל גַּם־שְׁנֵיכֶ֖ם י֥וֹם אֶחָֽד׃ – עַד שֶׁיֵּרָגַע הַכַּעַס שֶׁל אָחִיךָ עָלֶיךָ וְיִשְׁכַּח אֶת מַה שֶּׁעָשִׂיתָ לוֹ, וְאֶשְׁלַח וְאֶקַּח אוֹתְךָ מִשָּׁם, לָמָּה שֶׁאֶהְיֶה שַׁכּוּלָה – שֶׁתָּמוּתוּ שְׁנֵיכֶם בְּיוֹם אֶחָד, כִּי גַּם הָרוֹצֵחַ יֵהָרֵג.
מו וַתֹּ֤אמֶר רִבְקָה֙ אֶל־יִצְחָ֔ק קַ֣צְתִּי בְחַיַּ֔י מִפְּנֵ֖י בְּנ֣וֹת חֵ֑ת אִם־לֹקֵ֣חַ יַ֠עֲקֹ֠ב אִשָּׁ֨ה מִבְּנֽוֹת־חֵ֤ת כָּאֵ֙לֶּה֙ מִבְּנ֣וֹת הָאָ֔רֶץ לָ֥מָּה לִּ֖י חַיִּֽים׃ רִבְקָה אָמְרָה לְיִצְחָק מָאַסְתִּי בְּחַיַּי בִּגְלַל נְשׁוֹת עֵשָׂו בְּנוֹת חֵת, אִם יַעֲקֹב לוֹקֵחַ אִשָּׁה מִבְּנוֹת חֵת כָּאֵלֶּה – מִבְּנוֹת הָאָרֶץ, לָמָּה לִי חַיִּים!
כח א וַיִּקְרָ֥א יִצְחָ֛ק אֶֽל־יַעֲקֹ֖ב וַיְבָ֣רֶךְ אֹת֑וֹ וַיְצַוֵּ֙הוּ֙ וַיֹּ֣אמֶר ל֔וֹ לֹֽא־תִקַּ֥ח אִשָּׁ֖ה מִבְּנ֥וֹת כְּנָֽעַן׃ יִצְחָק קָרָא לְיַעֲקֹב וּבֵרֵךְ אוֹתוֹ, וְצִוָּה אוֹתוֹ וְאָמַר לוֹ: אַל תִּקַּח אִשָּׁה מִבְּנוֹת כְּנַעַן!
ב ק֥וּם לֵךְ֙ פַּדֶּ֣נָֽה אֲרָ֔ם בֵּ֥יתָה בְתוּאֵ֖ל אֲבִ֣י אִמֶּ֑ךָ וְקַח־לְךָ֤ מִשָּׁם֙ אִשָּׁ֔ה מִבְּנ֥וֹת לָבָ֖ן אֲחִ֥י אִמֶּֽךָ׃ קוּם לֵךְ לְפַדַּן אֲרָם – לְבֵית בְּתוּאֵל אֲבִי אִמְּךָ וְקַח לְךָ מִשָּׁם אִשָּׁה מִבְּנוֹת לָבָן אֲחִי אִמְּךָ.
ג וְאֵ֤ל שַׁדַּי֙ יְבָרֵ֣ךְ אֹֽתְךָ֔ וְיַפְרְךָ֖ וְיַרְבֶּ֑ךָ וְהָיִ֖יתָ לִקְהַ֥ל עַמִּֽים׃ וְאֵל-שַׁדַּי יְבָרֵךְ אוֹתְךָ וְיִתֵּן לְךָ בָּנִים וְיַרְבֶּה אֶת צֶאֱצָאֶיךָ, וְיִהְיוּ קָהָל מְאוּחָד שֶׁל שְׁבָטִים רַבִּים.
ד וְיִֽתֶּן־לְךָ֙ אֶת־בִּרְכַּ֣ת אַבְרָהָ֔ם לְךָ֖ וּלְזַרְעֲךָ֣ אִתָּ֑ךְ לְרִשְׁתְּךָ֙ אֶת־אֶ֣רֶץ מְגֻרֶ֔יךָ אֲשֶׁר־נָתַ֥ן אֱלֹהִ֖ים לְאַבְרָהָֽם׃ וְיִתֵּן לְךָ אֶת בִּרְכַּת אַבְרָהָם לְךָ וּלְצֶאֱצָאֶיךָ אִתְּךָ – שֶׁתִּכְבּוֹשׁ אֶת הָאָרֶץ שֶׁאַתָּה גָּר בָּהּ שֶׁאֱלֹהִים נָתַן לְאַבְרָהָם.


שביעי[עריכה]

ה וַיִּשְׁלַ֤ח יִצְחָק֙ אֶֽת־יַעֲקֹ֔ב וַיֵּ֖לֶךְ פַּדֶּ֣נָֽה אֲרָ֑ם אֶל־לָבָ֤ן בֶּן־בְּתוּאֵל֙ הָֽאֲרַמִּ֔י אֲחִ֣י רִבְקָ֔ה אֵ֥ם יַעֲקֹ֖ב וְעֵשָֽׂו׃ יִצְחָק שָׁלַח אֶת יַעֲקֹב וְהוּא הָלַךְ לְפַדַּן אֲרָם לְלָבָן בֶּן בְּתוּאֵל הָאֲרַמִּי הָאָח שֶׁל רִבְקָה – אֵם יַעֲקֹב וְעֵשָׂו.
ו וַיַּ֣רְא עֵשָׂ֗ו כִּֽי־בֵרַ֣ךְ יִצְחָק֮ אֶֽת־יַעֲקֹב֒ וְשִׁלַּ֤ח אֹתוֹ֙ פַּדֶּ֣נָֽה אֲרָ֔ם לָקַֽחַת־ל֥וֹ מִשָּׁ֖ם אִשָּׁ֑ה בְּבָרְﬞכ֣וֹ אֹת֔וֹ וַיְצַ֤ו עָלָיו֙ לֵאמֹ֔ר לֹֽא־תִקַּ֥ח אִשָּׁ֖ה מִבְּנ֥וֹת כְּנָֽעַן׃ עֵשָׂו רָאָה שֶׁיִּצְחָק בֵּרֵךְ אֶת יַעֲקֹב וְשָׁלַח אוֹתוֹ לְפַדַּן אֲרָם לָקַחַת לוֹ מִשָּׁם אִשָּׁה, וּכְשֶׁבֵּרֵךְ אוֹתוֹ צִוָּה עָלָיו וְאָמַר: אַל תִּקַּח אִשָּׁה מִבְּנוֹת כְּנַעַן,


מפטיר[עריכה]

ז וַיִּשְׁמַ֣ע יַעֲקֹ֔ב אֶל־אָבִ֖יו וְאֶל־אִמּ֑וֹ וַיֵּ֖לֶךְ פַּדֶּ֥נָֽה אֲרָֽם׃ וְשֶׁיַּעֲקֹב שָׁמַע לְאָבִיו וּלְאִמּוֹ וְהָלַךְ לְפַדַּן אֲרָם.
ח וַיַּ֣רְא עֵשָׂ֔ו כִּ֥י רָע֖וֹת בְּנ֣וֹת כְּנָ֑עַן בְּעֵינֵ֖י יִצְחָ֥ק אָבִֽיו׃ עֵשָׂו הֵבִין שֶׁבְּנוֹת כְּנַעַן רָעוֹת בְּעֵינֵי יִצְחָק אָבִיו.
ט וַיֵּ֥לֶךְ עֵשָׂ֖ו אֶל־יִשְׁמָעֵ֑אל וַיִּקַּ֡ח אֶֽת־מָחֲלַ֣ת ׀ בַּת־יִשְׁמָעֵ֨אל בֶּן־אַבְרָהָ֜ם אֲח֧וֹת נְבָי֛וֹת עַל־נָשָׁ֖יו ל֥וֹ לְאִשָּֽׁה׃ עֵשָׂו הָלַךְ לְיִשְׁמָעֵאל, וְנָשָׂא אֶת מָחֲלַת בַּת יִשְׁמָעֵאל בֶּן אַבְרָהָם אֲחוֹת נְבָיוֹת בְּנוֹסַף לְנָשָׁיו.
אוחזר מתוך "https://he.wikisource.org/w/index.php?title=מקרא_מבואר/תצוגה/ספר_בראשית/פרשת_תולדות&oldid=964092"