תהלים קיט
קיצור דרך: t26b9
תנ"ך > תהלים > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה • נו • נז • נח • נט • ס • סא • סב • סג • סד • סה • סו • סז • סח • סט • ע • עא • עב • עג • עד • עה • עו • עז • עח • עט • פ • פא • פב • פג • פד • פה • פו • פז • פח • פט • צ • צא • צב • צג • צד • צה • צו • צז • צח • צט • ק • קא • קב • קג • קד • קה • קו • קז • קח • קט • קי • קיא • קיב • קיג • קיד • קטו • קטז • קיז • קיח • קיט • קכ • קכא • קכב • קכג • קכד • קכה • קכו • קכז • קכח • קכט • קל • קלא • קלב • קלג • קלד • קלה • קלו • קלז • קלח • קלט • קמ • קמא • קמב • קמג • קמד • קמה • קמו • קמז • קמח • קמט • קנ
הפרק במהדורה המוטעמת
קיט א אַשְׁרֵ֥י תְמִֽימֵי־דָ֑רֶךְ
הַ֝הֹלְכִ֗ים בְּתוֹרַ֥ת יְהֹוָֽה׃
ב אַ֭שְׁרֵי נֹצְרֵ֥י עֵדֹתָ֗יו
בְּכׇל־לֵ֥ב יִדְרְשֽׁוּהוּ׃
ג אַ֭ף לֹא־פָעֲל֣וּ עַוְלָ֑ה
בִּדְרָכָ֥יו הָלָֽכוּ׃
ד אַ֭תָּה צִוִּ֥יתָה פִקֻּדֶ֗יךָ
לִשְׁמֹ֥ר מְאֹֽד׃
ה אַ֭חֲלַי יִכֹּ֥נוּ דְרָכָ֗י
לִשְׁמֹ֥ר חֻקֶּֽיךָ׃
ו אָ֥ז לֹא־אֵב֑וֹשׁ
בְּ֝הַבִּיטִ֗י אֶל־כׇּל־מִצְוֺתֶֽיךָ׃
ז א֭וֹדְךָ בְּיֹ֣שֶׁר לֵבָ֑ב
בְּ֝לׇמְדִ֗י מִשְׁפְּטֵ֥י צִדְקֶֽךָ׃
ח אֶת־חֻקֶּ֥יךָ אֶשְׁמֹ֑ר
אַֽל־תַּעַזְבֵ֥נִי עַד־מְאֹֽד׃
ט בַּמֶּ֣ה יְזַכֶּה־נַּ֭עַר אֶת־אׇרְח֑וֹ
לִ֝שְׁמֹ֗ר כִּדְבָרֶֽךָ׃
י בְּכׇל־לִבִּ֥י דְרַשְׁתִּ֑יךָ
אַל־תַּ֝שְׁגֵּ֗נִי מִמִּצְוֺתֶֽיךָ׃
יא בְּ֭לִבִּי צָפַ֣נְתִּי אִמְרָתֶ֑ךָ
לְ֝מַ֗עַן לֹ֣א אֶחֱטָא־לָֽךְ׃
יב בָּר֖וּךְ אַתָּ֥ה יְהֹוָ֗ה
לַמְּדֵ֥נִי חֻקֶּֽיךָ׃
יג בִּשְׂפָתַ֥י סִפַּ֑רְתִּי
כֹּ֗֝ל מִשְׁפְּטֵי־פִֽיךָ׃
יד בְּדֶ֖רֶךְ עֵדְוֺתֶ֥יךָ שַּׂ֗שְׂתִּי
כְּעַ֣ל כׇּל־הֽוֹן׃
טו בְּפִקּוּדֶ֥יךָ אָשִׂ֑יחָה
וְ֝אַבִּ֗יטָה אֹֽרְחֹתֶֽיךָ׃
טז בְּחֻקֹּתֶ֥יךָ אֶֽשְׁתַּעֲשָׁ֑ע
לֹ֖א אֶשְׁכַּ֣ח דְּבָרֶֽךָ׃
יז גְּמֹ֖ל עַל־עַבְדְּךָ֥ אֶחְיֶ֗ה
וְאֶשְׁמְרָ֥ה דְבָרֶֽךָ׃
יח גַּל־עֵינַ֥י וְאַבִּ֑יטָה
נִ֝פְלָא֗וֹת מִתּוֹרָתֶֽךָ׃
יט גֵּ֣ר אָנֹכִ֣י בָאָ֑רֶץ
אַל־תַּסְתֵּ֥ר מִ֝מֶּ֗נִּי מִצְוֺתֶֽיךָ׃
כ גָּרְסָ֣ה נַפְשִׁ֣י לְתַאֲבָ֑ה
אֶֽל־מִשְׁפָּטֶ֥יךָ בְכׇל־עֵֽת׃
כא גָּ֭עַרְתָּ זֵדִ֣ים אֲרוּרִ֑ים
הַ֝שֹּׁגִ֗ים מִמִּצְוֺתֶֽיךָ׃
כב גַּ֣ל מֵ֭עָלַי חֶרְפָּ֣ה וָב֑וּז
כִּ֖י עֵדֹתֶ֣יךָ נָצָֽרְתִּי׃
כג גַּ֤ם יָשְׁב֣וּ שָׂ֭רִים בִּ֣י נִדְבָּ֑רוּ
עַ֝בְדְּךָ֗ יָשִׂ֥יחַ בְּחֻקֶּֽיךָ׃
כד גַּֽם־עֵ֭דֹתֶיךָ שַׁעֲשֻׁעָ֗י
אַנְשֵׁ֥י עֲצָתִֽי׃
כה דָּבְקָ֣ה לֶעָפָ֣ר נַפְשִׁ֑י
חַ֝יֵּ֗נִי כִּדְבָרֶֽךָ׃
כו דְּרָכַ֣י סִ֭פַּרְתִּי וַֽתַּעֲנֵ֗נִי
לַמְּדֵ֥נִי חֻקֶּֽיךָ׃
כז דֶּרֶךְ־פִּקּוּדֶ֥יךָ הֲבִינֵ֑נִי
וְ֝אָשִׂ֗יחָה בְּנִפְלְאוֹתֶֽיךָ׃
כח דָּלְפָ֣ה נַ֭פְשִׁי מִתּוּגָ֑ה
קַ֝יְּמֵ֗נִי כִּדְבָרֶֽךָ׃
כט דֶּֽרֶךְ־שֶׁ֭קֶר הָסֵ֣ר מִמֶּ֑נִּי
וְֽתוֹרָתְךָ֥ חׇנֵּֽנִי׃
ל דֶּֽרֶךְ־אֱמוּנָ֥ה בָחָ֑רְתִּי
מִשְׁפָּטֶ֥יךָ שִׁוִּֽיתִי׃
לא דָּבַ֥קְתִּי בְעֵדְוֺתֶ֑יךָ
יְ֝הֹוָ֗ה אַל־תְּבִישֵֽׁנִי׃
לב דֶּֽרֶךְ־מִצְוֺתֶ֥יךָ אָר֑וּץ
כִּ֖י תַרְחִ֣יב לִבִּֽי׃
לג הוֹרֵ֣נִי יְ֭הֹוָה דֶּ֥רֶךְ חֻקֶּ֗יךָ
וְאֶצְּרֶ֥נָּה עֵֽקֶב׃
לד הֲ֭בִינֵנִי וְאֶצְּרָ֥ה תוֹרָתֶ֗ךָ
וְאֶשְׁמְרֶ֥נָּה בְכׇל־לֵֽב׃
לה הַ֭דְרִיכֵנִי בִּנְתִ֣יב מִצְוֺתֶ֑יךָ
כִּי־ב֥וֹ חָפָֽצְתִּי׃
לו הַט־לִ֭בִּי אֶל־עֵדְוֺתֶ֗יךָ
וְאַ֣ל אֶל־בָּֽצַע׃
לז הַעֲבֵ֣ר עֵ֭ינַי מֵרְא֣וֹת שָׁ֑וְא
בִּדְרָכֶ֥ךָ חַיֵּֽנִי׃
לח הָקֵ֣ם לְ֭עַבְדְּךָ אִמְרָתֶ֑ךָ
אֲ֝שֶׁ֗ר לְיִרְאָתֶֽךָ׃
לט הַעֲבֵ֣ר חֶ֭רְפָּתִי אֲשֶׁ֣ר יָגֹ֑רְתִּי
כִּ֖י מִשְׁפָּטֶ֣יךָ טוֹבִֽים׃
מ הִ֭נֵּה תָּאַ֣בְתִּי לְפִקֻּדֶ֑יךָ
בְּצִדְקָתְךָ֥ חַיֵּֽנִי׃
מא וִיבֹאֻ֣נִי חֲסָדֶ֣ךָ יְהֹוָ֑ה
תְּ֝שׁ֥וּעָתְךָ֗ כְּאִמְרָתֶֽךָ׃
מב וְאֶעֱנֶ֣ה חֹרְפִ֣י דָבָ֑ר
כִּֽי־בָ֝טַ֗חְתִּי בִּדְבָרֶֽךָ׃
מג וְֽאַל־תַּצֵּ֬ל מִפִּ֣י דְבַר־אֱמֶ֣ת עַד־מְאֹ֑ד
כִּ֖י לְמִשְׁפָּטֶ֣ךָ יִחָֽלְתִּי׃
מד וְאֶשְׁמְרָ֖ה תוֹרָתְךָ֥ תָמִ֗יד
לְעוֹלָ֥ם וָעֶֽד׃
מה וְאֶתְהַלְּכָ֥ה בָרְחָבָ֑ה
כִּ֖י פִקֻּדֶ֣יךָ דָרָֽשְׁתִּי׃
מו וַאֲדַבְּרָ֣ה בְ֭עֵדֹתֶיךָ נֶ֥גֶד מְלָכִ֗ים
וְלֹ֣א אֵבֽוֹשׁ׃
מז וְאֶשְׁתַּעֲשַׁ֥ע בְּמִצְוֺתֶ֗יךָ
אֲשֶׁ֣ר אָהָֽבְתִּי׃
מח וְאֶשָּֽׂא־כַפַּ֗י אֶֽל־מִ֭צְוֺתֶיךָ אֲשֶׁ֥ר אָהָ֗בְתִּי
וְאָשִׂ֥יחָה בְחֻקֶּֽיךָ׃
מט זְכֹר־דָּבָ֥ר לְעַבְדֶּ֑ךָ
עַ֗֝ל אֲשֶׁ֣ר יִחַלְתָּֽנִי׃
נ זֹ֣את נֶחָמָתִ֣י בְעׇנְיִ֑י
כִּ֖י אִמְרָתְךָ֣ חִיָּֽתְנִי׃
נא זֵ֭דִים הֱלִיצֻ֣נִי עַד־מְאֹ֑ד
מִ֝תּ֥וֹרָתְךָ֗ לֹ֣א נָטִֽיתִי׃
נב זָ֘כַ֤רְתִּי מִשְׁפָּטֶ֖יךָ מֵעוֹלָ֥ם ׀ יְהֹוָ֗ה
וָאֶתְנֶחָֽם׃
נג זַלְעָפָ֣ה אֲ֭חָזַתְנִי מֵרְשָׁעִ֑ים
עֹ֝זְבֵ֗י תּוֹרָתֶֽךָ׃
נד זְ֭מִרוֹת הָיוּ־לִ֥י חֻקֶּ֗יךָ
בְּבֵ֣ית מְגוּרָֽי׃
נה זָ֘כַ֤רְתִּי בַלַּ֣יְלָה שִׁמְךָ֣ יְהֹוָ֑ה
וָ֝אֶשְׁמְרָ֗ה תּוֹרָתֶֽךָ׃
נו זֹ֥את הָיְתָה־לִּ֑י
כִּ֖י פִקֻּדֶ֣יךָ נָצָֽרְתִּי׃
נז חֶלְקִ֖י יְהֹוָ֥ה אָמַ֗רְתִּי
לִשְׁמֹ֥ר דְּבָרֶֽיךָ׃
נח חִלִּ֣יתִי פָנֶ֣יךָ בְכׇל־לֵ֑ב
חׇ֝נֵּ֗נִי כְּאִמְרָתֶֽךָ׃
נט חִשַּׁ֥בְתִּי דְרָכָ֑י
וָאָשִׁ֥יבָה רַ֝גְלַ֗י אֶל־עֵדֹתֶֽיךָ׃
ס חַ֭שְׁתִּי וְלֹ֣א הִתְמַהְמָ֑הְתִּי
לִ֝שְׁמֹ֗ר מִצְוֺתֶֽיךָ׃
סא חֶבְלֵ֣י רְשָׁעִ֣ים עִוְּדֻ֑נִי
תּ֥֝וֹרָתְךָ֗ לֹ֣א שָׁכָֽחְתִּי׃
סב חֲצֽוֹת־לַ֗יְלָה אָ֭קוּם לְהוֹד֣וֹת לָ֑ךְ
עַ֗֝ל מִשְׁפְּטֵ֥י צִדְקֶֽךָ׃
סג חָבֵ֣ר אָ֭נִי לְכׇל־אֲשֶׁ֣ר יְרֵא֑וּךָ
וּ֝לְשֹׁמְרֵ֗י פִּקּוּדֶֽיךָ׃
סד חַסְדְּךָ֣ יְ֭הֹוָה מָלְאָ֥ה הָאָ֗רֶץ
חֻקֶּ֥יךָ לַמְּדֵֽנִי׃
סה ט֭וֹב עָשִׂ֣יתָ עִֽם־עַבְדְּךָ֑
יְ֝הֹוָ֗ה כִּדְבָרֶֽךָ׃
סו ט֤וּב טַ֣עַם וָדַ֣עַת לַמְּדֵ֑נִי
כִּ֖י בְמִצְוֺתֶ֣יךָ הֶאֱמָֽנְתִּי׃
סז טֶ֣רֶם אֶ֭עֱנֶה אֲנִ֣י שֹׁגֵ֑ג
וְ֝עַתָּ֗ה אִמְרָתְךָ֥ שָׁמָֽרְתִּי׃
סח טוֹב־אַתָּ֥ה וּמֵטִ֗יב
לַמְּדֵ֥נִי חֻקֶּֽיךָ׃
סט טָפְל֬וּ עָלַ֣י שֶׁ֣קֶר זֵדִ֑ים
אֲ֝נִ֗י בְּכׇל־לֵ֤ב ׀ אֶצֹּ֬ר פִּקּוּדֶֽיךָ׃
ע טָפַ֣שׁ כַּחֵ֣לֶב לִבָּ֑ם
אֲ֝נִ֗י תּוֹרָתְךָ֥ שִׁעֲשָֽׁעְתִּי׃
עא טֽוֹב־לִ֥י כִי־עֻנֵּ֑יתִי
לְ֝מַ֗עַן אֶלְמַ֥ד חֻקֶּֽיךָ׃
יז עב טֽוֹב־לִ֥י תוֹרַת־פִּ֑יךָ
מֵ֝אַלְפֵ֗י זָהָ֥ב וָכָֽסֶף׃
עג יָדֶ֣יךָ עָ֭שׂוּנִי וַֽיְכוֹנְנ֑וּנִי
הֲ֝בִינֵ֗נִי וְאֶלְמְדָ֥ה מִצְוֺתֶֽיךָ׃
עד יְ֭רֵאֶיךָ יִרְא֣וּנִי וְיִשְׂמָ֑חוּ
כִּ֖י לִדְבָרְךָ֣ יִחָֽלְתִּי׃
עה יָדַ֣עְתִּי יְ֭הֹוָה כִּי־צֶ֣דֶק מִשְׁפָּטֶ֑יךָ
וֶ֝אֱמוּנָ֗ה עִנִּיתָֽנִי׃
עו יְהִי־נָ֣א חַסְדְּךָ֣ לְנַחֲמֵ֑נִי
כְּאִמְרָתְךָ֥ לְעַבְדֶּֽךָ׃
עז יְבֹא֣וּנִי רַחֲמֶ֣יךָ וְאֶחְיֶ֑ה
כִּי־ת֥֝וֹרָתְךָ֗ שַׁעֲשֻׁעָֽי׃
עח יֵבֹ֣שׁוּ זֵ֭דִים כִּי־שֶׁ֣קֶר עִוְּת֑וּנִי
אֲ֝נִ֗י אָשִׂ֥יחַ בְּפִקּוּדֶֽיךָ׃
עט יָשׁ֣וּבוּ לִ֣י יְרֵאֶ֑יךָ
וידעו וְ֝יֹדְעֵ֗י עֵדֹתֶֽיךָ׃
פ יְהִי־לִבִּ֣י תָמִ֣ים בְּחֻקֶּ֑יךָ
לְ֝מַ֗עַן לֹ֣א אֵבֽוֹשׁ׃
פא כָּלְתָ֣ה לִתְשׁוּעָתְךָ֣ נַפְשִׁ֑י
לִדְבָרְךָ֥ יִחָֽלְתִּי׃
פב כָּל֣וּ עֵ֭ינַי לְאִמְרָתֶ֑ךָ
לֵ֝אמֹ֗ר מָתַ֥י תְּֽנַחֲמֵֽנִי׃
פג כִּֽי־הָ֭יִיתִי כְּנֹ֣אד בְּקִיט֑וֹר
חֻ֝קֶּ֗יךָ לֹ֣א שָׁכָֽחְתִּי׃
פד כַּמָּ֥ה יְמֵֽי־עַבְדֶּ֑ךָ
מָתַ֬י תַּעֲשֶׂ֖ה בְרֹדְפַ֣י מִשְׁפָּֽט׃
פה כָּרוּ־לִ֣י זֵדִ֣ים שִׁיח֑וֹת
אֲ֝שֶׁ֗ר לֹ֣א כְתוֹרָתֶֽךָ׃
פו כׇּל־מִצְוֺתֶ֥יךָ אֱמוּנָ֑ה
שֶׁ֖קֶר רְדָפ֣וּנִי עׇזְרֵֽנִי׃
פז כִּ֭מְעַט כִּלּ֣וּנִי בָאָ֑רֶץ
וַ֝אֲנִ֗י לֹא־עָזַ֥בְתִּי פִקֻּדֶֽיךָ׃
פח כְּחַסְדְּךָ֥ חַיֵּ֑נִי
וְ֝אֶשְׁמְרָ֗ה עֵד֥וּת פִּֽיךָ׃
פט לְעוֹלָ֥ם יְהֹוָ֑ה
דְּ֝בָרְךָ֗ נִצָּ֥ב בַּשָּׁמָֽיִם׃
צ לְדֹ֣ר וָ֭דֹר אֱמוּנָתֶ֑ךָ
כּוֹנַ֥נְתָּֽ אֶ֗֝רֶץ וַֽתַּעֲמֹֽד׃
צא לְֽ֭מִשְׁפָּטֶיךָ עָמְד֣וּ הַיּ֑וֹם
כִּ֖י הַכֹּ֣ל עֲבָדֶֽיךָ׃
צב לוּלֵ֣י ת֭וֹרָתְךָ שַׁעֲשֻׁעָ֑י
אָ֗֝ז אָבַ֥דְתִּי בְעׇנְיִֽי׃
צג לְ֭עוֹלָם לֹא־אֶשְׁכַּ֣ח פִּקּוּדֶ֑יךָ
כִּ֥י בָ֗֝ם חִיִּיתָֽנִי׃
צד לְֽךָ־אֲ֭נִי הוֹשִׁיעֵ֑נִי
כִּ֖י פִקּוּדֶ֣יךָ דָרָֽשְׁתִּי׃
צה לִ֤י קִוּ֣וּ רְשָׁעִ֣ים לְאַבְּדֵ֑נִי
עֵ֝דֹתֶ֗יךָ אֶתְבּוֹנָֽן׃
צו לְֽכׇל־תִּ֭כְלָה רָאִ֣יתִי קֵ֑ץ
רְחָבָ֖ה מִצְוָתְךָ֣ מְאֹֽד׃
צז מָה־אָהַ֥בְתִּי תוֹרָתֶ֑ךָ
כׇּל־הַ֝יּ֗וֹם הִ֣יא שִׂיחָתִֽי׃
צח מֵֽ֭אֹיְבַי תְּחַכְּמֵ֣נִי מִצְוֺתֶ֑ךָ
כִּ֖י לְעוֹלָ֣ם הִיא־לִֽי׃
צט מִכׇּל־מְלַמְּדַ֥י הִשְׂכַּ֑לְתִּי
כִּ֥י עֵ֝דְוֺתֶ֗יךָ שִׂ֣יחָה לִֽי׃
ק מִזְּקֵנִ֥ים אֶתְבּוֹנָ֑ן
כִּ֖י פִקּוּדֶ֣יךָ נָצָֽרְתִּי׃
קא מִכׇּל־אֹ֣רַח רָ֭ע כָּלִ֣אתִי רַגְלָ֑י
לְ֝מַ֗עַן אֶשְׁמֹ֥ר דְּבָרֶֽךָ׃
קב מִמִּשְׁפָּטֶ֥יךָ לֹא־סָ֑רְתִּי
כִּי־אַ֝תָּ֗ה הוֹרֵתָֽנִי׃
קג מַה־נִּמְלְצ֣וּ לְ֭חִכִּי אִמְרָתֶ֗ךָ
מִדְּבַ֥שׁ לְפִֽי׃
קד מִפִּקּוּדֶ֥יךָ אֶתְבּוֹנָ֑ן
עַל־כֵּ֗֝ן שָׂנֵ֤אתִי ׀ כׇּל־אֹ֬רַח שָֽׁקֶר׃
קה נֵר־לְרַגְלִ֥י דְבָרֶ֑ךָ
וְ֝א֗וֹר לִנְתִיבָתִֽי׃
קו נִשְׁבַּ֥עְתִּי וָאֲקַיֵּ֑מָה
לִ֝שְׁמֹ֗ר מִשְׁפְּטֵ֥י צִדְקֶֽךָ׃
קז נַעֲנֵ֥יתִי עַד־מְאֹ֑ד
יְ֝הֹוָ֗ה חַיֵּ֥נִי כִדְבָרֶֽךָ׃
קח נִדְב֣וֹת פִּ֭י רְצֵה־נָ֣א יְהֹוָ֑ה
וּֽמִשְׁפָּטֶ֥יךָ לַמְּדֵֽנִי׃
קט נַפְשִׁ֣י בְכַפִּ֣י תָמִ֑יד
וְ֝ת֥וֹרָתְךָ֗ לֹ֣א שָׁכָֽחְתִּי׃
קי נָתְנ֬וּ רְשָׁעִ֣ים פַּ֣ח לִ֑י
וּ֝מִפִּקּוּדֶ֗יךָ לֹ֣א תָעִֽיתִי׃
קיא נָחַ֣לְתִּי עֵדְוֺתֶ֣יךָ לְעוֹלָ֑ם
כִּֽי־שְׂשׂ֖וֹן לִבִּ֣י הֵֽמָּה׃
קיב נָטִ֣יתִי לִ֭בִּי לַעֲשׂ֥וֹת חֻקֶּ֗יךָ
לְעוֹלָ֥ם עֵֽקֶב׃
קיג סֵעֲפִ֥ים שָׂנֵ֑אתִי
וְֽתוֹרָתְךָ֥ אָהָֽבְתִּי׃
קיד סִתְרִ֣י וּמָגִנִּ֣י אָ֑תָּה
לִדְבָרְךָ֥ יִחָֽלְתִּי׃
קטו סוּרוּ־מִמֶּ֥נִּי מְרֵעִ֑ים
וְ֝אֶצְּﬞרָ֗ה מִצְוֺ֥ת אֱלֹהָֽי׃
קטז סׇמְכֵ֣נִי כְאִמְרָתְךָ֣ וְאֶחְיֶ֑ה
וְאַל־תְּ֝בִישֵׁ֗נִי מִשִּׂבְרִֽי׃
קיז סְעָדֵ֥נִי וְאִוָּשֵׁ֑עָה
וְאֶשְׁעָ֖ה בְחֻקֶּ֣יךָ תָמִֽיד׃
קיח סָ֭לִיתָ כׇּל־שׁוֹגִ֣ים מֵחֻקֶּ֑יךָ
כִּי־שֶׁ֗֝קֶר תַּרְמִיתָֽם׃
קיט סִגִ֗ים הִשְׁבַּ֥תָּ כׇל־רִשְׁעֵי־אָ֑רֶץ
לָ֝כֵ֗ן אָהַ֥בְתִּי עֵדֹתֶֽיךָ׃
קכ סָמַ֣ר מִפַּחְדְּךָ֣ בְשָׂרִ֑י
וּֽמִמִּשְׁפָּטֶ֥יךָ יָרֵֽאתִי׃
קכא עָ֭שִׂיתִי מִשְׁפָּ֣ט וָצֶ֑דֶק
בַּל־תַּ֝נִּיחֵ֗נִי לְעֹשְׁקָֽי׃
קכב עֲרֹ֣ב עַבְדְּךָ֣ לְט֑וֹב
אַֽל־יַעַשְׁקֻ֥נִי זֵדִֽים׃
קכג עֵ֭ינַי כָּל֣וּ לִישׁוּעָתֶ֑ךָ
וּלְאִמְרַ֥ת צִדְקֶֽךָ׃
קכד עֲשֵׂ֖ה עִם־עַבְדְּךָ֥ כְחַסְדֶּ֗ךָ
וְחֻקֶּ֥יךָ לַמְּדֵֽנִי׃
קכה עַבְדְּךָ־אָ֥נִי הֲבִינֵ֑נִי
וְ֝אֵדְעָ֗ה עֵדֹתֶֽיךָ׃
קכו עֵ֭ת לַעֲשׂ֣וֹת לַיהֹוָ֑ה
הֵ֝פֵ֗רוּ תּוֹרָתֶֽךָ׃
קכז עַל־כֵּ֭ן אָהַ֣בְתִּי מִצְוֺתֶ֑יךָ
מִזָּהָ֥ב וּמִפָּֽז׃
קכח עַל־כֵּ֤ן ׀ כׇּל־פִּקּ֣וּדֵי כֹ֣ל יִשָּׁ֑רְתִּי
כׇּל־אֹ֖רַח שֶׁ֣קֶר שָׂנֵֽאתִי׃
קכט פְּלָא֥וֹת עֵדְוֺתֶ֑יךָ
עַל־כֵּ֗֝ן נְצָרָ֥תַם נַפְשִֽׁי׃
קל פֵּ֖תַח דְּבָרֶ֥יךָ יָאִ֗יר
מֵבִ֥ין פְּתָיִֽים׃
קלא פִּֽי־פָ֭עַרְתִּי וָאֶשְׁאָ֑פָה
כִּ֖י לְמִצְוֺתֶ֣יךָ יָאָֽבְתִּי׃
קלב פְּנֵה־אֵלַ֥י וְחׇנֵּ֑נִי
כְּ֝מִשְׁפָּ֗ט לְאֹהֲבֵ֥י שְׁמֶֽךָ׃
קלג פְּ֭עָמַי הָכֵ֣ן בְּאִמְרָתֶ֑ךָ
וְֽאַל־תַּשְׁלֶט־בִּ֥י כׇל־אָֽוֶן׃
קלד פְּ֭דֵנִי מֵעֹ֣שֶׁק אָדָ֑ם
וְ֝אֶשְׁמְרָ֗ה פִּקּוּדֶֽיךָ׃
קלה פָּ֭נֶיךָ הָאֵ֣ר בְּעַבְדֶּ֑ךָ
וְ֝לַמְּדֵ֗נִי אֶת־חֻקֶּֽיךָ׃
קלו פַּלְגֵי־מַ֭יִם יָרְד֣וּ עֵינָ֑י
עַ֗֝ל לֹא־שָׁמְר֥וּ תוֹרָתֶֽךָ׃
קלז צַדִּ֣יק אַתָּ֣ה יְהֹוָ֑ה
וְ֝יָשָׁ֗ר מִשְׁפָּטֶֽיךָ׃
קלח צִ֭וִּיתָ צֶ֣דֶק עֵדֹתֶ֑יךָ
וֶאֱמוּנָ֥ה מְאֹֽד׃
קלט צִמְּתַ֥תְנִי קִנְאָתִ֑י
כִּֽי־שָׁכְח֖וּ דְבָרֶ֣יךָ צָרָֽי׃
קמ צְרוּפָ֖ה אִמְרָתְךָ֥ מְאֹ֗ד
וְֽעַבְדְּךָ֥ אֲהֵבָֽהּ׃
קמא צָעִ֣יר אָנֹכִ֣י וְנִבְזֶ֑ה
פִּ֝קֻּדֶ֗יךָ לֹ֣א שָׁכָֽחְתִּי׃
קמב צִדְקָתְךָ֣ צֶ֣דֶק לְעוֹלָ֑ם
וְֽתוֹרָתְךָ֥ אֱמֶֽת׃
קמג צַר־וּמָצ֥וֹק מְצָא֑וּנִי
מִ֝צְוֺתֶ֗יךָ שַׁעֲשֻׁעָֽי׃
קמד צֶ֖דֶק עֵדְוֺתֶ֥יךָ לְעוֹלָ֗ם
הֲבִינֵ֥נִי וְאֶחְיֶֽה׃
קמה קָרָ֣אתִי בְכׇל־לֵ֭ב עֲנֵ֥נִי יְהֹוָ֗ה
חֻקֶּ֥יךָ אֶצֹּֽרָה׃
קמו קְרָאתִ֥יךָ הוֹשִׁיעֵ֑נִי
וְ֝אֶשְׁמְרָ֗ה עֵדֹתֶֽיךָ׃
קמז קִדַּ֣מְתִּי בַ֭נֶּשֶׁף וָאֲשַׁוֵּ֑עָה
לדבריך לִדְבָרְךָ֥ יִחָֽלְתִּי׃
קמח קִדְּמ֣וּ עֵ֭ינַי אַשְׁמֻר֑וֹת
לָ֝שִׂ֗יחַ בְּאִמְרָתֶֽךָ׃
קמט ק֭וֹלִי שִׁמְעָ֣ה כְחַסְדֶּ֑ךָ
יְ֝הֹוָ֗ה כְּֽמִשְׁפָּטֶ֥ךָ חַיֵּֽנִי׃
קנ קָ֭רְבוּ רֹדְפֵ֣י זִמָּ֑ה
מִתּוֹרָתְךָ֥ רָחָֽקוּ׃
קנא קָר֣וֹב אַתָּ֣ה יְהֹוָ֑ה
וְֽכׇל־מִצְוֺתֶ֥יךָ אֱמֶֽת׃
קנב קֶ֣דֶם יָ֭דַעְתִּי מֵעֵדֹתֶ֑יךָ
כִּ֖י לְעוֹלָ֣ם יְסַדְתָּֽם׃
קנג רְאֵה־עׇנְיִ֥י וְחַלְּצֵ֑נִי
כִּי־ת֥֝וֹרָתְךָ֗ לֹ֣א שָׁכָֽחְתִּי׃
קנד רִיבָ֣ה רִ֭יבִי וּגְאָלֵ֑נִי
לְאִמְרָתְךָ֥ חַיֵּֽנִי׃
קנה רָח֣וֹק מֵרְשָׁעִ֣ים יְשׁוּעָ֑ה
כִּי־חֻ֝קֶּ֗יךָ לֹ֣א דָרָֽשׁוּ׃
קנו רַחֲמֶ֖יךָ רַבִּ֥ים ׀ יְהֹוָ֑ה
כְּֽמִשְׁפָּטֶ֥יךָ חַיֵּֽנִי׃
קנז רַ֭בִּים רֹדְפַ֣י וְצָרָ֑י
מֵ֝עֵדְוֺתֶ֗יךָ לֹ֣א נָטִֽיתִי׃
קנח רָאִ֣יתִי בֹ֭גְדִים וָאֶתְקוֹטָ֑טָה
אֲשֶׁ֥ר אִ֝מְרָתְךָ֗ לֹ֣א שָׁמָֽרוּ׃
קנט רְ֭אֵה כִּי־פִקּוּדֶ֣יךָ אָהָ֑בְתִּי
יְ֝הֹוָ֗ה כְּֽחַסְדְּךָ֥ חַיֵּֽנִי׃
קס רֹאשׁ־דְּבָרְךָ֥ אֱמֶ֑ת
וּ֝לְעוֹלָ֗ם כׇּל־מִשְׁפַּ֥ט צִדְקֶֽךָ׃
קסא שָׂ֭רִים רְדָפ֣וּנִי חִנָּ֑ם
ומדבריך וּ֝מִדְּבָרְךָ֗ פָּחַ֥ד לִבִּֽי׃
קסב שָׂ֣שׂ אָ֭נֹכִי עַל־אִמְרָתֶ֑ךָ
כְּ֝מוֹצֵ֗א שָׁלָ֥ל רָֽב׃
קסג שֶׁ֣קֶר שָׂ֭נֵאתִי וַאֲתַעֵ֑בָה
תּוֹרָתְךָ֥ אָהָֽבְתִּי׃
קסד שֶׁ֣בַע בַּ֭יּוֹם הִלַּלְתִּ֑יךָ
עַ֗֝ל מִשְׁפְּטֵ֥י צִדְקֶֽךָ׃
קסה שָׁל֣וֹם רָ֭ב לְאֹהֲבֵ֣י תוֹרָתֶ֑ךָ
וְאֵֽין־לָ֥מוֹ מִכְשֽׁוֹל׃
קסו שִׂבַּ֣רְתִּי לִישׁוּעָתְךָ֣ יְהֹוָ֑ה
וּֽמִצְוֺתֶ֥יךָ עָשִֽׂיתִי׃
קסז שָֽׁמְרָ֣ה נַ֭פְשִׁי עֵדֹתֶ֑יךָ
וָאֹהֲבֵ֥ם מְאֹֽד׃
קסח שָׁמַ֣רְתִּי פִ֭קּוּדֶיךָ וְעֵדֹתֶ֑יךָ
כִּ֖י כׇל־דְּרָכַ֣י נֶגְדֶּֽךָ׃
קסט תִּקְרַ֤ב רִנָּתִ֣י לְפָנֶ֣יךָ יְהֹוָ֑ה
כִּדְבָרְךָ֥ הֲבִינֵֽנִי׃
קע תָּב֣וֹא תְחִנָּתִ֣י לְפָנֶ֑יךָ
כְּ֝אִמְרָתְךָ֗ הַצִּילֵֽנִי׃
קעא תַּבַּ֣עְנָה שְׂפָתַ֣י תְּהִלָּ֑ה
כִּ֖י תְלַמְּדֵ֣נִי חֻקֶּֽיךָ׃
קעב תַּ֣עַן לְ֭שׁוֹנִי אִמְרָתֶ֑ךָ
כִּ֖י כׇל־מִצְוֺתֶ֣יךָ צֶּֽדֶק׃
קעג תְּהִי־יָדְךָ֥ לְעׇזְרֵ֑נִי
כִּ֖י פִקּוּדֶ֣יךָ בָחָֽרְתִּי׃
קעד תָּאַ֣בְתִּי לִישׁוּעָתְךָ֣ יְהֹוָ֑ה
וְ֝ת֥וֹרָתְךָ֗ שַׁעֲשֻׁעָֽי׃
קעה תְּֽחִי־נַ֭פְשִׁי וּֽתְהַלְﬞלֶ֑ךָּ
וּֽמִשְׁפָּטֶ֥ךָ יַעְזְרֻֽנִי׃
קעו תָּעִ֗יתִי כְּשֶׂ֣ה אֹ֭בֵד בַּקֵּ֣שׁ עַבְדֶּ֑ךָ
כִּ֥י מִ֝צְוֺתֶ֗יךָ לֹ֣א שָׁכָֽחְתִּי׃
מהדורות נוספות
לחץ למטה על [הראה] להצגת התוכן ↓
א אשרי תמימי דרך ההלכים בתורת יהוה
ב אשרי נצרי עדתיו בכל לב ידרשוהו
ג אף לא פעלו עולה בדרכיו הלכו
ד אתה צויתה פקדיך לשמר מאד
ה אחלי יכנו דרכי לשמר חקיך
ו אז לא אבוש בהביטי אל כל מצותיך
ז אודך בישר לבב בלמדי משפטי צדקך
ח את חקיך אשמר אל תעזבני עד מאד
ט במה יזכה נער את ארחו לשמר כדברך
י בכל לבי דרשתיך אל תשגני ממצותיך
יא בלבי צפנתי אמרתך למען לא אחטא לך
יב ברוך אתה יהוה למדני חקיך
יג בשפתי ספרתי כל משפטי פיך
יד בדרך עדותיך ששתי כעל כל הון
טו בפקדיך אשיחה ואביטה ארחתיך
טז בחקתיך אשתעשע לא אשכח דברך
יז גמל על עבדך אחיה ואשמרה דברך
יח גל עיני ואביטה נפלאות מתורתך
יט גר אנכי בארץ אל תסתר ממני מצותיך
כ גרסה נפשי לתאבה אל משפטיך בכל עת
כא גערת זדים ארורים השגים ממצותיך
כב גל מעלי חרפה ובוז כי עדתיך נצרתי
כג גם ישבו שרים בי נדברו עבדך ישיח בחקיך
כד גם עדתיך שעשעי אנשי עצתי
כה דבקה לעפר נפשי חיני כדברך
כו דרכי ספרתי ותענני למדני חקיך
כז דרך פקודיך הבינני ואשיחה בנפלאותיך
כח דלפה נפשי מתוגה קימני כדברך
כט דרך שקר הסר ממני ותורתך חנני
ל דרך אמונה בחרתי משפטיך שויתי
לא דבקתי בעדותיך יהוה אל תבישני
לב דרך מצותיך ארוץ כי תרחיב לבי
לג הורני יהוה דרך חקיך ואצרנה עקב
לד הבינני ואצרה תורתך ואשמרנה בכל לב
לה הדריכני בנתיב מצותיך כי בו חפצתי
לו הט לבי אל עדותיך ואל אל בצע
לז העבר עיני מראות שוא בדרכך חיני
לח הקם לעבדך אמרתך אשר ליראתך
לט העבר חרפתי אשר יגרתי כי משפטיך טובים
מ הנה תאבתי לפקדיך בצדקתך חיני
מא ויבאני חסדך יהוה תשועתך כאמרתך
מב ואענה חרפי דבר כי בטחתי בדברך
מג ואל תצל מפי דבר אמת עד מאד כי למשפטך יחלתי
מד ואשמרה תורתך תמיד לעולם ועד
מה ואתהלכה ברחבה כי פקדיך דרשתי
מו ואדברה בעדתיך נגד מלכים ולא אבוש
מז ואשתעשע במצותיך אשר אהבתי
מח ואשא כפי אל מצותיך אשר אהבתי ואשיחה בחקיך
מט זכר דבר לעבדך על אשר יחלתני
נ זאת נחמתי בעניי כי אמרתך חיתני
נא זדים הליצני עד מאד מתורתך לא נטיתי
נב זכרתי משפטיך מעולם יהוה ואתנחם
נג זלעפה אחזתני מרשעים עזבי תורתך
נד זמרות היו לי חקיך בבית מגורי
נה זכרתי בלילה שמך יהוה ואשמרה תורתך
נו זאת היתה לי כי פקדיך נצרתי
נז חלקי יהוה אמרתי לשמר דבריך
נח חליתי פניך בכל לב חנני כאמרתך
נט חשבתי דרכי ואשיבה רגלי אל עדתיך
ס חשתי ולא התמהמהתי לשמר מצותיך
סא חבלי רשעים עודני תורתך לא שכחתי
סב חצות לילה אקום להודות לך על משפטי צדקך
סג חבר אני לכל אשר יראוך ולשמרי פקודיך
סד חסדך יהוה מלאה הארץ חקיך למדני
סה טוב עשית עם עבדך יהוה כדברך
סו טוב טעם ודעת למדני כי במצותיך האמנתי
סז טרם אענה אני שגג ועתה אמרתך שמרתי
סח טוב אתה ומטיב למדני חקיך
סט טפלו עלי שקר זדים אני בכל לב אצר פקודיך
ע טפש כחלב לבם אני תורתך שעשעתי
עא טוב לי כי עניתי למען אלמד חקיך
עב טוב לי תורת פיך מאלפי זהב וכסף
עג ידיך עשוני ויכוננוני הבינני ואלמדה מצותיך
עד יראיך יראוני וישמחו כי לדברך יחלתי
עה ידעתי יהוה כי צדק משפטיך ואמונה עניתני
עו יהי נא חסדך לנחמני כאמרתך לעבדך
עז יבאוני רחמיך ואחיה כי תורתך שעשעי
עח יבשו זדים כי שקר עותוני אני אשיח בפקודיך
עט ישובו לי יראיך וידעו [וידעי] עדתיך
פ יהי לבי תמים בחקיך למען לא אבוש
פא כלתה לתשועתך נפשי לדברך יחלתי
פב כלו עיני לאמרתך לאמר מתי תנחמני
פג כי הייתי כנאד בקיטור חקיך לא שכחתי
פד כמה ימי עבדך מתי תעשה ברדפי משפט
פה כרו לי זדים שיחות אשר לא כתורתך
פו כל מצותיך אמונה שקר רדפוני עזרני
פז כמעט כלוני בארץ ואני לא עזבתי פקודיך
פח כחסדך חיני ואשמרה עדות פיך
פט לעולם יהוה דברך נצב בשמים
צ לדר ודר אמונתך כוננת ארץ ותעמד
צא למשפטיך עמדו היום כי הכל עבדיך
צב לולי תורתך שעשעי אז אבדתי בעניי
צג לעולם לא אשכח פקודיך כי בם חייתני
צד לך אני הושיעני כי פקודיך דרשתי
צה לי קוו רשעים לאבדני עדתיך אתבונן
צו לכל תכלה ראיתי קץ רחבה מצותך מאד
צז מה אהבתי תורתך כל היום היא שיחתי
צח מאיבי תחכמני מצותך כי לעולם היא לי
צט מכל מלמדי השכלתי כי עדותיך שיחה לי
ק מזקנים אתבונן כי פקודיך נצרתי
קא מכל ארח רע כלאתי רגלי למען אשמר דברך
קב ממשפטיך לא סרתי כי אתה הורתני
קג מה נמלצו לחכי אמרתך מדבש לפי
קד מפקודיך אתבונן על כן שנאתי כל ארח שקר
קה נר לרגלי דברך ואור לנתיבתי
קו נשבעתי ואקימה לשמר משפטי צדקך
קז נעניתי עד מאד יהוה חיני כדברך
קח נדבות פי רצה נא יהוה ומשפטיך למדני
קט נפשי בכפי תמיד ותורתך לא שכחתי
קי נתנו רשעים פח לי ומפקודיך לא תעיתי
קיא נחלתי עדותיך לעולם כי ששון לבי המה
קיב נטיתי לבי לעשות חקיך לעולם עקב
קיג סעפים שנאתי ותורתך אהבתי
קיד סתרי ומגני אתה לדברך יחלתי
קטו סורו ממני מרעים ואצרה מצות אלהי
קטז סמכני כאמרתך ואחיה ואל תבישני משברי
קיז סעדני ואושעה ואשעה בחקיך תמיד
קיח סלית כל שוגים מחקיך כי שקר תרמיתם
קיט סגים השבת כל רשעי ארץ לכן אהבתי עדתיך
קכ סמר מפחדך בשרי וממשפטיך יראתי
קכא עשיתי משפט וצדק בל תניחני לעשקי
קכב ערב עבדך לטוב אל יעשקני זדים
קכג עיני כלו לישועתך ולאמרת צדקך
קכד עשה עם עבדך כחסדך וחקיך למדני
קכה עבדך אני הבינני ואדעה עדתיך
קכו עת לעשות ליהוה הפרו תורתך
קכז על כן אהבתי מצותיך מזהב ומפז
קכח על כן כל פקודי כל ישרתי כל ארח שקר שנאתי
קכט פלאות עדותיך על כן נצרתם נפשי
קל פתח דבריך יאיר מבין פתיים
קלא פי פערתי ואשאפה כי למצותיך יאבתי
קלב פנה אלי וחנני כמשפט לאהבי שמך
קלג פעמי הכן באמרתך ואל תשלט בי כל און
קלד פדני מעשק אדם ואשמרה פקודיך
קלה פניך האר בעבדך ולמדני את חקיך
קלו פלגי מים ירדו עיני על לא שמרו תורתך
קלז צדיק אתה יהוה וישר משפטיך
קלח צוית צדק עדתיך ואמונה מאד
קלט צמתתני קנאתי כי שכחו דבריך צרי
קמ צרופה אמרתך מאד ועבדך אהבה
קמא צעיר אנכי ונבזה פקדיך לא שכחתי
קמב צדקתך צדק לעולם ותורתך אמת
קמג צר ומצוק מצאוני מצותיך שעשעי
קמד צדק עדותיך לעולם הבינני ואחיה
קמה קראתי בכל לב ענני יהוה חקיך אצרה
קמו קראתיך הושיעני ואשמרה עדתיך
קמז קדמתי בנשף ואשועה לדבריך [לדברך] יחלתי
קמח קדמו עיני אשמרות לשיח באמרתך
קמט קולי שמעה כחסדך יהוה כמשפטך חיני
קנ קרבו רדפי זמה מתורתך רחקו
קנא קרוב אתה יהוה וכל מצותיך אמת
קנב קדם ידעתי מעדתיך כי לעולם יסדתם
קנג ראה עניי וחלצני כי תורתך לא שכחתי
קנד ריבה ריבי וגאלני לאמרתך חיני
קנה רחוק מרשעים ישועה כי חקיך לא דרשו
קנו רחמיך רבים יהוה כמשפטיך חיני
קנז רבים רדפי וצרי מעדותיך לא נטיתי
קנח ראיתי בגדים ואתקוטטה אשר אמרתך לא שמרו
קנט ראה כי פקודיך אהבתי יהוה כחסדך חיני
קס ראש דברך אמת ולעולם כל משפט צדקך
קסא שרים רדפוני חנם ומדבריך [ומדברך] פחד לבי
קסב שש אנכי על אמרתך כמוצא שלל רב
קסג שקר שנאתי ואתעבה תורתך אהבתי
קסד שבע ביום הללתיך על משפטי צדקך
קסה שלום רב לאהבי תורתך ואין למו מכשול
קסו שברתי לישועתך יהוה ומצותיך עשיתי
קסז שמרה נפשי עדתיך ואהבם מאד
קסח שמרתי פקודיך ועדתיך כי כל דרכי נגדך
קסט תקרב רנתי לפניך יהוה כדברך הבינני
קע תבוא תחנתי לפניך כאמרתך הצילני
קעא תבענה שפתי תהלה כי תלמדני חקיך
קעב תען לשוני אמרתך כי כל מצותיך צדק
קעג תהי ידך לעזרני כי פקודיך בחרתי
קעד תאבתי לישועתך יהוה ותורתך שעשעי
קעה תחי נפשי ותהללך ומשפטך יעזרני
קעו תעיתי כשה אבד בקש עבדך כי מצותיך לא שכחתי
א אַשְׁרֵי תְמִימֵי דָרֶךְ הַהֹלְכִים בְּתוֹרַת יְהוָה.
ב אַשְׁרֵי נֹצְרֵי עֵדֹתָיו בְּכָל לֵב יִדְרְשׁוּהוּ.
ג אַף לֹא פָעֲלוּ עַוְלָה בִּדְרָכָיו הָלָכוּ.
ד אַתָּה צִוִּיתָה פִקֻּדֶיךָ לִשְׁמֹר מְאֹד.
ה אַחֲלַי יִכֹּנוּ דְרָכָי לִשְׁמֹר חֻקֶּיךָ.
ו אָז לֹא אֵבוֹשׁ בְּהַבִּיטִי אֶל כָּל מִצְוֺתֶיךָ.
ז אוֹדְךָ בְּיֹשֶׁר לֵבָב בְּלָמְדִי מִשְׁפְּטֵי צִדְקֶךָ.
ח אֶת חֻקֶּיךָ אֶשְׁמֹר אַל תַּעַזְבֵנִי עַד מְאֹד.
ט בַּמֶּה יְזַכֶּה נַּעַר אֶת אָרְחוֹ לִשְׁמֹר כִּדְבָרֶךָ.
י בְּכָל לִבִּי דְרַשְׁתִּיךָ אַל תַּשְׁגֵּנִי מִמִּצְוֺתֶיךָ.
יא בְּלִבִּי צָפַנְתִּי אִמְרָתֶךָ לְמַעַן לֹא אֶחֱטָא לָךְ.
יב בָּרוּךְ אַתָּה יְהוָה לַמְּדֵנִי חֻקֶּיךָ.
יג בִּשְׂפָתַי סִפַּרְתִּי כֹּל מִשְׁפְּטֵי פִיךָ.
יד בְּדֶרֶךְ עֵדְוֺתֶיךָ שַׂשְׂתִּי כְּעַל כָּל הוֹן.
טו בְּפִקֻּדֶיךָ אָשִׂיחָה וְאַבִּיטָה אֹרְחֹתֶיךָ.
טז בְּחֻקֹּתֶיךָ אֶשְׁתַּעֲשָׁע לֹא אֶשְׁכַּח דְּבָרֶךָ.
יז גְּמֹל עַל עַבְדְּךָ אֶחְיֶה וְאֶשְׁמְרָה דְבָרֶךָ.
יח גַּל עֵינַי וְאַבִּיטָה נִפְלָאוֹת מִתּוֹרָתֶךָ.
יט גֵּר אָנֹכִי בָאָרֶץ אַל תַּסְתֵּר מִמֶּנִּי מִצְוֺתֶיךָ.
כ גָּרְסָה נַפְשִׁי לְתַאֲבָה אֶל מִשְׁפָּטֶיךָ בְכָל עֵת.
כא גָּעַרְתָּ זֵדִים אֲרוּרִים הַשֹּׁגִים מִמִּצְוֺתֶיךָ.
כב גַּל מֵעָלַי חֶרְפָּה וָבוּז כִּי עֵדֹתֶיךָ נָצָרְתִּי.
כג גַּם יָשְׁבוּ שָׂרִים בִּי נִדְבָּרוּ עַבְדְּךָ יָשִׂיחַ בְּחֻקֶּיךָ.
כד גַּם עֵדֹתֶיךָ שַׁעֲשֻׁעָי אַנְשֵׁי עֲצָתִי.
כה דָּבְקָה לֶעָפָר נַפְשִׁי חַיֵּנִי כִּדְבָרֶךָ.
כו דְּרָכַי סִפַּרְתִּי וַתַּעֲנֵנִי לַמְּדֵנִי חֻקֶּיךָ.
כז דֶּרֶךְ פִּקּוּדֶיךָ הֲבִינֵנִי וְאָשִׂיחָה בְּנִפְלְאוֹתֶיךָ.
כח דָּלְפָה נַפְשִׁי מִתּוּגָה קַיְּמֵנִי כִּדְבָרֶךָ.
כט דֶּרֶךְ שֶׁקֶר הָסֵר מִמֶּנִּי וְתוֹרָתְךָ חָנֵּנִי.
ל דֶּרֶךְ אֱמוּנָה בָחָרְתִּי מִשְׁפָּטֶיךָ שִׁוִּיתִי.
לא דָּבַקְתִּי בְעֵדְוֺתֶיךָ יְהוָה אַל תְּבִישֵׁנִי.
לב דֶּרֶךְ מִצְוֺתֶיךָ אָרוּץ כִּי תַרְחִיב לִבִּי.
לג הוֹרֵנִי יְהוָה דֶּרֶךְ חֻקֶּיךָ וְאֶצְּרֶנָּה עֵקֶב.
לד הֲבִינֵנִי וְאֶצְּרָה תוֹרָתֶךָ וְאֶשְׁמְרֶנָּה בְכָל לֵב.
לה הַדְרִיכֵנִי בִּנְתִיב מִצְוֺתֶיךָ כִּי בוֹ חָפָצְתִּי.
לו הַט לִבִּי אֶל עֵדְוֺתֶיךָ וְאַל אֶל בָּצַע.
לז הַעֲבֵר עֵינַי מֵרְאוֹת שָׁוְא בִּדְרָכֶךָ חַיֵּנִי.
לח הָקֵם לְעַבְדְּךָ אִמְרָתֶךָ אֲשֶׁר לְיִרְאָתֶךָ.
לט הַעֲבֵר חֶרְפָּתִי אֲשֶׁר יָגֹרְתִּי כִּי מִשְׁפָּטֶיךָ טוֹבִים.
מ הִנֵּה תָּאַבְתִּי לְפִקֻּדֶיךָ בְּצִדְקָתְךָ חַיֵּנִי.
מא וִיבֹאֻנִי חֲסָדֶךָ יְהוָה תְּשׁוּעָתְךָ כְּאִמְרָתֶךָ.
מב וְאֶעֱנֶה חֹרְפִי דָבָר כִּי בָטַחְתִּי בִּדְבָרֶךָ.
מג וְאַל תַּצֵּל מִפִּי דְבַר אֱמֶת עַד מְאֹד כִּי לְמִשְׁפָּטֶךָ יִחָלְתִּי.
מד וְאֶשְׁמְרָה תוֹרָתְךָ תָמִיד לְעוֹלָם וָעֶד.
מה וְאֶתְהַלְּכָה בָרְחָבָה כִּי פִקֻּדֶיךָ דָרָשְׁתִּי.
מו וַאֲדַבְּרָה בְעֵדֹתֶיךָ נֶגֶד מְלָכִים וְלֹא אֵבוֹשׁ.
מז וְאֶשְׁתַּעֲשַׁע בְּמִצְוֺתֶיךָ אֲשֶׁר אָהָבְתִּי.
מח וְאֶשָּׂא כַפַּי אֶל מִצְוֺתֶיךָ אֲשֶׁר אָהָבְתִּי וְאָשִׂיחָה בְחֻקֶּיךָ.
מט זְכֹר דָּבָר לְעַבְדֶּךָ עַל אֲשֶׁר יִחַלְתָּנִי.
נ זֹאת נֶחָמָתִי בְעָנְיִי כִּי אִמְרָתְךָ חִיָּתְנִי.
נא זֵדִים הֱלִיצֻנִי עַד מְאֹד מִתּוֹרָתְךָ לֹא נָטִיתִי.
נב זָכַרְתִּי מִשְׁפָּטֶיךָ מֵעוֹלָם יְהוָה וָאֶתְנֶחָם.
נג זַלְעָפָה אֲחָזַתְנִי מֵרְשָׁעִים עֹזְבֵי תּוֹרָתֶךָ.
נד זְמִרוֹת הָיוּ לִי חֻקֶּיךָ בְּבֵית מְגוּרָי.
נה זָכַרְתִּי בַלַּיְלָה שִׁמְךָ יְהוָה וָאֶשְׁמְרָה תּוֹרָתֶךָ.
נו זֹאת הָיְתָה לִּי כִּי פִקֻּדֶיךָ נָצָרְתִּי.
נז חֶלְקִי יְהוָה אָמַרְתִּי לִשְׁמֹר דְּבָרֶיךָ.
נח חִלִּיתִי פָנֶיךָ בְכָל לֵב חָנֵּנִי כְּאִמְרָתֶךָ.
נט חִשַּׁבְתִּי דְרָכָי וָאָשִׁיבָה רַגְלַי אֶל עֵדֹתֶיךָ.
ס חַשְׁתִּי וְלֹא הִתְמַהְמָהְתִּי לִשְׁמֹר מִצְוֺתֶיךָ.
סא חֶבְלֵי רְשָׁעִים עִוְּדֻנִי תּוֹרָתְךָ לֹא שָׁכָחְתִּי.
סב חֲצוֹת לַיְלָה אָקוּם לְהוֹדוֹת לָךְ עַל מִשְׁפְּטֵי צִדְקֶךָ.
סג חָבֵר אָנִי לְכָל אֲשֶׁר יְרֵאוּךָ וּלְשֹׁמְרֵי פִּקּוּדֶיךָ.
סד חַסְדְּךָ יְהוָה מָלְאָה הָאָרֶץ חֻקֶּיךָ לַמְּדֵנִי.
סה טוֹב עָשִׂיתָ עִם עַבְדְּךָ יְהוָה כִּדְבָרֶךָ.
סו טוּב טַעַם וָדַעַת לַמְּדֵנִי כִּי בְמִצְוֺתֶיךָ הֶאֱמָנְתִּי.
סז טֶרֶם אֶעֱנֶה אֲנִי שֹׁגֵג וְעַתָּה אִמְרָתְךָ שָׁמָרְתִּי.
סח טוֹב אַתָּה וּמֵטִיב לַמְּדֵנִי חֻקֶּיךָ.
סט טָפְלוּ עָלַי שֶׁקֶר זֵדִים אֲנִי בְּכָל לֵב אֱצֹּר פִּקּוּדֶיךָ.
ע טָפַשׁ כַּחֵלֶב לִבָּם אֲנִי תּוֹרָתְךָ שִׁעֲשָׁעְתִּי.
עא טוֹב לִי כִי עֻנֵּיתִי לְמַעַן אֶלְמַד חֻקֶּיךָ.
עב טוֹב לִי תוֹרַת פִּיךָ מֵאַלְפֵי זָהָב וָכָסֶף.
עג יָדֶיךָ עָשׂוּנִי וַיְכוֹנְנוּנִי הֲבִינֵנִי וְאֶלְמְדָה מִצְוֺתֶיךָ.
עד יְרֵאֶיךָ יִרְאוּנִי וְיִשְׂמָחוּ כִּי לִדְבָרְךָ יִחָלְתִּי.
עה יָדַעְתִּי יְהוָה כִּי צֶדֶק מִשְׁפָּטֶיךָ וֶאֱמוּנָה עִנִּיתָנִי.
עו יְהִי נָא חַסְדְּךָ לְנַחֲמֵנִי כְּאִמְרָתְךָ לְעַבְדֶּךָ.
עז יְבֹאוּנִי רַחֲמֶיךָ וְאֶחְיֶה כִּי תוֹרָתְךָ שַׁעֲשֻׁעָי.
עח יֵבֹשׁוּ זֵדִים כִּי שֶׁקֶר עִוְּתוּנִי אֲנִי אָשִׂיחַ בְּפִקּוּדֶיךָ.
עט יָשׁוּבוּ לִי יְרֵאֶיךָ וידעו [וְיֹדְעֵי] עֵדֹתֶיךָ.
פ יְהִי לִבִּי תָמִים בְּחֻקֶּיךָ לְמַעַן לֹא אֵבוֹשׁ.
פא כָּלְתָה לִתְשׁוּעָתְךָ נַפְשִׁי לִדְבָרְךָ יִחָלְתִּי.
פב כָּלוּ עֵינַי לְאִמְרָתֶךָ לֵאמֹר מָתַי תְּנַחֲמֵנִי.
פג כִּי הָיִיתִי כְּנֹאד בְּקִיטוֹר חֻקֶּיךָ לֹא שָׁכָחְתִּי.
פד כַּמָּה יְמֵי עַבְדֶּךָ מָתַי תַּעֲשֶׂה בְרֹדְפַי מִשְׁפָּט.
פה כָּרוּ לִי זֵדִים שִׁיחוֹת אֲשֶׁר לֹא כְתוֹרָתֶךָ.
פו כָּל מִצְוֺתֶיךָ אֱמוּנָה שֶׁקֶר רְדָפוּנִי עָזְרֵנִי.
פז כִּמְעַט כִּלּוּנִי בָאָרֶץ וַאֲנִי לֹא עָזַבְתִּי פִקֻּודֶיךָ.
פח כְּחַסְדְּךָ חַיֵּנִי וְאֶשְׁמְרָה עֵדוּת פִּיךָ.
פט לְעוֹלָם יְהוָה דְּבָרְךָ נִצָּב בַּשָּׁמָיִם.
צ לְדֹר וָדֹר אֱמוּנָתֶךָ כּוֹנַנְתָּ אֶרֶץ וַתַּעֲמֹד.
צא לְמִשְׁפָּטֶיךָ עָמְדוּ הַיּוֹם כִּי הַכֹּל עֲבָדֶיךָ.
צב לוּלֵי תוֹרָתְךָ שַׁעֲשֻׁעָי אָז אָבַדְתִּי בְעָנְיִי.
צג לְעוֹלָם לֹא אֶשְׁכַּח פִּקּוּדֶיךָ כִּי בָם חִיִּיתָנִי.
צד לְךָ אֲנִי הוֹשִׁיעֵנִי כִּי פִקּוּדֶיךָ דָרָשְׁתִּי.
צה לִי קִוּוּ רְשָׁעִים לְאַבְּדֵנִי עֵדֹתֶיךָ אֶתְבּוֹנָן.
צו לְכָל תִּכְלָה רָאִיתִי קֵץ רְחָבָה מִצְוָתְךָ מְאֹד.
צז מָה אָהַבְתִּי תוֹרָתֶךָ כָּל הַיּוֹם הִיא שִׂיחָתִי.
צח מֵאֹיְבַי תְּחַכְּמֵנִי מִצְוֺתֶךָ כִּי לְעוֹלָם הִיא לִי.
צט מִכָּל מְלַמְּדַי הִשְׂכַּלְתִּי כִּי עֵדְוֺתֶיךָ שִׂיחָה לִֿי.
ק מִזְּקֵנִים אֶתְבּוֹנָן כִּי פִקּוּדֶיךָ נָצָרְתִּי.
קא מִכָּל אֹרַח רָע כָּלִאתִי רַגְלָי לְמַעַן אֶשְׁמֹר דְּבָרֶךָ.
קב מִמִּשְׁפָּטֶיךָ לֹא סָרְתִּי כִּי אַתָּה הוֹרֵתָנִי.
קג מַה נִּמְלְצוּ לְחִכִּי אִמְרָתֶךָ מִדְּבַשׁ לְפִי.
קד מִפִּקּוּדֶיךָ אֶתְבּוֹנָן עַל כֵּן שָׂנֵאתִי כָּל אֹרַח שָׁקֶר.
קה נֵר לְרַגְלִי דְבָרֶךָ וְאוֹר לִנְתִיבָתִי.
קו נִשְׁבַּעְתִּי וָאֲקַיֵּמָה לִשְׁמֹר מִשְׁפְּטֵי צִדְקֶךָ.
קז נַעֲנֵיתִי עַד מְאֹד יְהוָה חַיֵּנִי כִדְבָרֶךָ.
קח נִדְבוֹת פִּי רְצֵה נָא יְהוָה וּמִשְׁפָּטֶיךָ לַמְּדֵנִי.
קט נַפְשִׁי בְכַפִּי תָמִיד וְתוֹרָתְךָ לֹא שָׁכָחְתִּי.
קי נָתְנוּ רְשָׁעִים פַּח לִי וּמִפִּקּוּדֶיךָ לֹא תָעִיתִי.
קיא נָחַלְתִּי עֵדְוֺתֶיךָ לְעוֹלָם כִּי שְׂשׂוֹן לִבִּי הֵמָּה.
קיב נָטִיתִי לִבִּי לַעֲשׂוֹת חֻקֶּיךָ לְעוֹלָם עֵקֶב.
קיג סֵעֲפִים שָׂנֵאתִי וְתוֹרָתְךָ אָהָבְתִּי.
קיד סִתְרִי וּמָגִנִּי אָתָּה לִדְבָרְךָ יִחָלְתִּי.
קטו סוּרוּ מִמֶּנִּי מְרֵעִים וְאֶצְּרָה מִצְוֺת אֱלֹהָי.
קטז סָמְכֵנִי כְאִמְרָתְךָ וְאֶחְיֶה וְאַל תְּבִישֵׁנִי מִשִּׂבְרִי.
קיז סְעָדֵנִי וְאִוָּשֵׁעָה וְאֶשְׁעָה בְחֻקֶּיךָ תָמִיד.
קיח סָלִיתָ כָּל שׁוֹגִים מֵחֻקֶּיךָ כִּי שֶׁקֶר תַּרְמִיתָם.
קיט סִגִים הִשְׁבַּתָּ כָל רִשְׁעֵי אָרֶץ לָכֵן אָהַבְתִּי עֵדֹתֶיךָ.
קכ סָמַר מִפַּחְדְּךָ בְשָׂרִי וּמִמִּשְׁפָּטֶיךָ יָרֵאתִי.
קכא עָשִׂיתִי מִשְׁפָּט וָצֶדֶק בַּל תַּנִּיחֵנִי לְעֹשְׁקָי.
קכב עֲרֹב עַבְדְּךָ לְטוֹב אַל יַעַשְׁקֻנִי זֵדִים.
קכג עֵינַי כָּלוּ לִישׁוּעָתֶךָ וּלְאִמְרַת צִדְקֶךָ.
קכד עֲשֵׂה עִם עַבְדְּךָ כְחַסְדֶּךָ וְחֻקֶּיךָ לַמְּדֵנִי.
קכה עַבְדְּךָ אָנִי הֲבִינֵנִי וְאֵדְעָה עֵדֹתֶיךָ.
קכו עֵת לַעֲשׂוֹת לַיהוָה הֵפֵרוּ תּוֹרָתֶךָ.
קכז עַל כֵּן אָהַבְתִּי מִצְוֺתֶיךָ מִזָּהָב וּמִפָּז.
קכח עַל כֵּן כָּל פִּקּוּדֵי כֹל יִשָּׁרְתִּי כָּל אֹרַח שֶׁקֶר שָׂנֵאתִי.
קכט פְּלָאוֹת עֵדְוֺתֶיךָ עַל כֵּן נְצָרָתַם נַפְשִׁי.
קל פֵּתַח דְּבָרֶיךָ יָאִיר מֵבִין פְּתָיִים.
קלא פִּי פָעַרְתִּי וָאֶשְׁאָפָה כִּי לְמִצְוֺתֶיךָ יָאָבְתִּי.
קלב פְּנֵה אֵלַי וְחָנֵּנִי כְּמִשְׁפָּט לְאֹהֲבֵי שְׁמֶךָ.
קלג פְּעָמַי הָכֵן בְּאִמְרָתֶךָ וְאַל תַּשְׁלֶט בִּי כָל אָוֶן.
קלד פְּדֵנִי מֵעֹשֶׁק אָדָם וְאֶשְׁמְרָה פִּקּוּדֶיךָ.
קלה פָּנֶיךָ הָאֵר בְּעַבְדֶּךָ וְלַמְּדֵנִי אֶת חֻקֶּיךָ.
קלו פַּלְגֵי מַיִם יָרְדוּ עֵינָי עַל לֹא שָׁמְרוּ תוֹרָתֶךָ.
קלז צַדִּיק אַתָּה יְהוָה וְיָשָׁר מִשְׁפָּטֶיךָ.
קלח צִוִּיתָ צֶדֶק עֵדֹתֶיךָ וֶאֱמוּנָה מְאֹד.
קלט צִמְּתַתְנִי קִנְאָתִי כִּי שָׁכְחוּ דְבָרֶיךָ צָרָי.
קמ צְרוּפָה אִמְרָתְךָ מְאֹד וְעַבְדְּךָ אֲהֵבָהּ.
קמא צָעִיר אָנֹכִי וְנִבְזֶה פִּקֻּדֶיךָ לֹא שָׁכָחְתִּי.
קמב צִדְקָתְךָ צֶדֶק לְעוֹלָם וְתוֹרָתְךָ אֱמֶת.
קמג צַר וּמָצוֹק מְצָאוּנִי מִצְוֺתֶיךָ שַׁעֲשֻׁעָי.
קמד צֶדֶק עֵדְוֺתֶיךָ לְעוֹלָם הֲבִינֵנִי וְאֶחְיֶה.
קמה קָרָאתִי בְכָל לֵב עֲנֵנִי יְהוָה חֻקֶּיךָ אֶצֹּרָה.
קמו קְרָאתִיךָ הוֹשִׁיעֵנִי וְאֶשְׁמְרָה עֵדֹתֶיךָ.
קמז קִדַּמְתִּי בַנֶּשֶׁף וָאֲשַׁוֵּעָה לדבריך [לִדְבָרְךָ] יִחָלְתִּי.
קמח קִדְּמוּ עֵינַי אַשְׁמֻרוֹת לָשִׂיחַ בְּאִמְרָתֶךָ.
קמט קוֹלִי שִׁמְעָה כְחַסְדֶּךָ יְהוָה כְּמִשְׁפָּטֶךָ חַיֵּנִי.
קנ קָרְבוּ רֹדְפֵי זִמָּה מִתּוֹרָתְךָ רָחָקוּ.
קנא קָרוֹב אַתָּה יְהוָה וְכָל מִצְוֺתֶיךָ אֱמֶת.
קנב קֶדֶם יָדַעְתִּי מֵעֵדֹתֶיךָ כִּי לְעוֹלָם יְסַדְתָּם.
קנג רְאֵה עָנְיִי וְחַלְּצֵנִי כִּי תוֹרָתְךָ לֹא שָׁכָחְתִּי.
קנד רִיבָה רִיבִי וּגְאָלֵנִי לְאִמְרָתְךָ חַיֵּנִי.
קנה רָחוֹק מֵרְשָׁעִים יְשׁוּעָה כִּי חֻקֶּיךָ לֹא דָרָשׁוּ.
קנו רַחֲמֶיךָ רַבִּים יְהוָה כְּמִשְׁפָּטֶיךָ חַיֵּנִי.
קנז רַבִּים רֹדְפַי וְצָרָי מֵעֵדְוֺתֶיךָ לֹא נָטִיתִי.
קנח רָאִיתִי בֹגְדִים וָאֶתְקוֹטָטָה אֲשֶׁר אִמְרָתְךָ לֹא שָׁמָרוּ.
קנט רְאֵה כִּי פִקּוּדֶיךָ אָהָבְתִּי יְהוָה כְּחַסְדְּךָ חַיֵּנִי.
קס רֹאשׁ דְּבָרְךָ אֱמֶת וּלְעוֹלָם כָּל מִשְׁפַּט צִדְקֶךָ.
קסא שָׂרִים רְדָפוּנִי חִנָּם ומדבריך [וּמִדְּבָרְךָ] פָּחַד לִבִּי.
קסב שָׂשׂ אָנֹכִי עַל אִמְרָתֶךָ כְּמוֹצֵא שָׁלָל רָב.
קסג שֶׁקֶר שָׂנֵאתִי וַאֲתַעֵבָה תּוֹרָתְךָ אָהָבְתִּי.
קסד שֶׁבַע בַּיּוֹם הִלַּלְתִּיךָ עַל מִשְׁפְּטֵי צִדְקֶךָ.
קסה שָׁלוֹם רָב לְאֹהֲבֵי תוֹרָתֶךָ וְאֵין לָמוֹ מִכְשׁוֹל.
קסו שִׂבַּרְתִּי לִישׁוּעָתְךָ יְהוָה וּמִצְוֺתֶיךָ עָשִׂיתִי.
קסז שָׁמְרָה נַפְשִׁי עֵדֹתֶיךָ וָאֹהֲבֵם מְאֹד.
קסח שָׁמַרְתִּי פִקּוּדֶיךָ וְעֵדֹתֶיךָ כִּי כָל דְּרָכַי נֶגְדֶּךָ.
קסט תִּקְרַב רִנָּתִי לְפָנֶיךָ יְהוָה כִּדְבָרְךָ הֲבִינֵנִי.
קע תָּבוֹא תְּחִנָּתִי לְפָנֶיךָ כְּאִמְרָתְךָ הַצִּילֵנִי.
קעא תַּבַּעְנָה שְׂפָתַי תְּהִלָּה כִּי תְלַמְּדֵנִי חֻקֶּיךָ.
קעב תַּעַן לְשׁוֹנִי אִמְרָתֶךָ כִּי כָל מִצְוֺתֶיךָ צֶּדֶק.
קעג תְּהִי יָדְךָ לְעָזְרֵנִי כִּי פִקּוּדֶיךָ בָחָרְתִּי.
קעד תָּאַבְתִּי לִישׁוּעָתְךָ יְהוָה וְתוֹרָתְךָ שַׁעֲשֻׁעָי.
קעה תְּחִי נַפְשִׁי וּתְהַלְלֶךָּ וּמִשְׁפָּטֶךָ יַעֲזְרֻנִי.
קעו תָּעִיתִי כְּשֶׂה אֹבֵד בַּקֵּשׁ עַבְדֶּךָ כִּי מִצְוֺתֶיךָ לֹא שָׁכָחְתִּי.
(א) אַשְׁרֵי תְמִימֵי דָרֶךְ הַהֹלְכִים בְּתוֹרַת יְהוָה.
(ב) אַשְׁרֵי נֹצְרֵי עֵדֹתָיו בְּכָל לֵב יִדְרְשׁוּהוּ.
(ג) אַף לֹא פָעֲלוּ עַוְלָה בִּדְרָכָיו הָלָכוּ.
(ד) אַתָּה צִוִּיתָה פִקֻּדֶיךָ לִשְׁמֹר מְאֹד.
(ה) אַחֲלַי יִכֹּנוּ דְרָכָי לִשְׁמֹר חֻקֶּיךָ.
(ו) אָז לֹא אֵבוֹשׁ בְּהַבִּיטִי אֶל כָּל מִצְוֺתֶיךָ.
(ז) אוֹדְךָ בְּיֹשֶׁר לֵבָב בְּלָמְדִי מִשְׁפְּטֵי צִדְקֶךָ.
(ח) אֶת חֻקֶּיךָ אֶשְׁמֹר אַל תַּעַזְבֵנִי עַד מְאֹד.
(ט) בַּמֶּה יְזַכֶּה נַּעַר אֶת אָרְחוֹ לִשְׁמֹר כִּדְבָרֶךָ.
(י) בְּכָל לִבִּי דְרַשְׁתִּיךָ אַל תַּשְׁגֵּנִי מִמִּצְוֺתֶיךָ.
(יא) בְּלִבִּי צָפַנְתִּי אִמְרָתֶךָ לְמַעַן לֹא אֶחֱטָא לָךְ.
(יב) בָּרוּךְ אַתָּה יְהוָה לַמְּדֵנִי חֻקֶּיךָ.
(יג) בִּשְׂפָתַי סִפַּרְתִּי כֹּל מִשְׁפְּטֵי פִיךָ.
(יד) בְּדֶרֶךְ עֵדְוֺתֶיךָ שַׂשְׂתִּי כְּעַל כָּל הוֹן.
(טו) בְּפִקֻּדֶיךָ אָשִׂיחָה וְאַבִּיטָה אֹרְחֹתֶיךָ.
(טז) בְּחֻקֹּתֶיךָ אֶשְׁתַּעֲשָׁע לֹא אֶשְׁכַּח דְּבָרֶךָ.
(יז) גְּמֹל עַל עַבְדְּךָ אֶחְיֶה וְאֶשְׁמְרָה דְבָרֶךָ.
(יח) גַּל עֵינַי וְאַבִּיטָה נִפְלָאוֹת מִתּוֹרָתֶךָ.
(יט) גֵּר אָנֹכִי בָאָרֶץ אַל תַּסְתֵּר מִמֶּנִּי מִצְוֺתֶיךָ.
(כ) גָּרְסָה נַפְשִׁי לְתַאֲבָה אֶל מִשְׁפָּטֶיךָ בְכָל עֵת.
(כא) גָּעַרְתָּ זֵדִים אֲרוּרִים הַשֹּׁגִים מִמִּצְוֺתֶיךָ.
(כב) גַּל מֵעָלַי חֶרְפָּה וָבוּז כִּי עֵדֹתֶיךָ נָצָרְתִּי.
(כג) גַּם יָשְׁבוּ שָׂרִים בִּי נִדְבָּרוּ עַבְדְּךָ יָשִׂיחַ בְּחֻקֶּיךָ.
(כד) גַּם עֵדֹתֶיךָ שַׁעֲשֻׁעָי אַנְשֵׁי עֲצָתִי.
(כה) דָּבְקָה לֶעָפָר נַפְשִׁי חַיֵּנִי כִּדְבָרֶךָ.
(כו) דְּרָכַי סִפַּרְתִּי וַתַּעֲנֵנִי לַמְּדֵנִי חֻקֶּיךָ.
(כז) דֶּרֶךְ פִּקּוּדֶיךָ הֲבִינֵנִי וְאָשִׂיחָה בְּנִפְלְאוֹתֶיךָ.
(כח) דָּלְפָה נַפְשִׁי מִתּוּגָה קַיְּמֵנִי כִּדְבָרֶךָ.
(כט) דֶּרֶךְ שֶׁקֶר הָסֵר מִמֶּנִּי וְתוֹרָתְךָ חָנֵּנִי.
(ל) דֶּרֶךְ אֱמוּנָה בָחָרְתִּי מִשְׁפָּטֶיךָ שִׁוִּיתִי.
(לא) דָּבַקְתִּי בְעֵדְוֺתֶיךָ יְהוָה אַל תְּבִישֵׁנִי.
(לב) דֶּרֶךְ מִצְוֺתֶיךָ אָרוּץ כִּי תַרְחִיב לִבִּי.
(לג) הוֹרֵנִי יְהוָה דֶּרֶךְ חֻקֶּיךָ וְאֶצְּרֶנָּה עֵקֶב.
(לד) הֲבִינֵנִי וְאֶצְּרָה תוֹרָתֶךָ וְאֶשְׁמְרֶנָּה בְכָל לֵב.
(לה) הַדְרִיכֵנִי בִּנְתִיב מִצְוֺתֶיךָ כִּי בוֹ חָפָצְתִּי.
(לו) הַט לִבִּי אֶל עֵדְוֺתֶיךָ וְאַל אֶל בָּצַע.
(לז) הַעֲבֵר עֵינַי מֵרְאוֹת שָׁוְא בִּדְרָכֶךָ חַיֵּנִי.
(לח) הָקֵם לְעַבְדְּךָ אִמְרָתֶךָ אֲשֶׁר לְיִרְאָתֶךָ.
(לט) הַעֲבֵר חֶרְפָּתִי אֲשֶׁר יָגֹרְתִּי כִּי מִשְׁפָּטֶיךָ טוֹבִים.
(מ) הִנֵּה תָּאַבְתִּי לְפִקֻּדֶיךָ בְּצִדְקָתְךָ חַיֵּנִי.
(מא) וִיבֹאֻנִי חֲסָדֶךָ יְהוָה תְּשׁוּעָתְךָ כְּאִמְרָתֶךָ.
(מב) וְאֶעֱנֶה חֹרְפִי דָבָר כִּי בָטַחְתִּי בִּדְבָרֶךָ.
(מג) וְאַל תַּצֵּל מִפִּי דְבַר אֱמֶת עַד מְאֹד כִּי לְמִשְׁפָּטֶךָ יִחָלְתִּי.
(מד) וְאֶשְׁמְרָה תוֹרָתְךָ תָמִיד לְעוֹלָם וָעֶד.
(מה) וְאֶתְהַלְּכָה בָרְחָבָה כִּי פִקֻּדֶיךָ דָרָשְׁתִּי.
(מו) וַאֲדַבְּרָה בְעֵדֹתֶיךָ נֶגֶד מְלָכִים וְלֹא אֵבוֹשׁ.
(מז) וְאֶשְׁתַּעֲשַׁע בְּמִצְוֺתֶיךָ אֲשֶׁר אָהָבְתִּי.
(מח) וְאֶשָּׂא כַפַּי אֶל מִצְוֺתֶיךָ אֲשֶׁר אָהָבְתִּי וְאָשִׂיחָה בְחֻקֶּיךָ.
(מט) זְכֹר דָּבָר לְעַבְדֶּךָ עַל אֲשֶׁר יִחַלְתָּנִי.
(נ) זֹאת נֶחָמָתִי בְעָנְיִי כִּי אִמְרָתְךָ חִיָּתְנִי.
(נא) זֵדִים הֱלִיצֻנִי עַד מְאֹד מִתּוֹרָתְךָ לֹא נָטִיתִי.
(נב) זָכַרְתִּי מִשְׁפָּטֶיךָ מֵעוֹלָם יְהוָה וָאֶתְנֶחָם.
(נג) זַלְעָפָה אֲחָזַתְנִי מֵרְשָׁעִים עֹזְבֵי תּוֹרָתֶךָ.
(נד) זְמִרוֹת הָיוּ לִי חֻקֶּיךָ בְּבֵית מְגוּרָי.
(נה) זָכַרְתִּי בַלַּיְלָה שִׁמְךָ יְהוָה וָאֶשְׁמְרָה תּוֹרָתֶךָ.
(נו) זֹאת הָיְתָה לִּי כִּי פִקֻּדֶיךָ נָצָרְתִּי.
(נז) חֶלְקִי יְהוָה אָמַרְתִּי לִשְׁמֹר דְּבָרֶיךָ.
(נח) חִלִּיתִי פָנֶיךָ בְכָל לֵב חָנֵּנִי כְּאִמְרָתֶךָ.
(נט) חִשַּׁבְתִּי דְרָכָי וָאָשִׁיבָה רַגְלַי אֶל עֵדֹתֶיךָ.
(ס) חַשְׁתִּי וְלֹא הִתְמַהְמָהְתִּי לִשְׁמֹר מִצְוֺתֶיךָ.
(סא) חֶבְלֵי רְשָׁעִים עִוְּדֻנִי תּוֹרָתְךָ לֹא שָׁכָחְתִּי.
(סב) חֲצוֹת לַיְלָה אָקוּם לְהוֹדוֹת לָךְ עַל מִשְׁפְּטֵי צִדְקֶךָ.
(סג) חָבֵר אָנִי לְכָל אֲשֶׁר יְרֵאוּךָ וּלְשֹׁמְרֵי פִּקּוּדֶיךָ.
(סד) חַסְדְּךָ יְהוָה מָלְאָה הָאָרֶץ חֻקֶּיךָ לַמְּדֵנִי.
(סה) טוֹב עָשִׂיתָ עִם עַבְדְּךָ יְהוָה כִּדְבָרֶךָ.
(סו) טוּב טַעַם וָדַעַת לַמְּדֵנִי כִּי בְמִצְוֺתֶיךָ הֶאֱמָנְתִּי.
(סז) טֶרֶם אֶעֱנֶה אֲנִי שֹׁגֵג וְעַתָּה אִמְרָתְךָ שָׁמָרְתִּי.
(סח) טוֹב אַתָּה וּמֵטִיב לַמְּדֵנִי חֻקֶּיךָ.
(סט) טָפְלוּ עָלַי שֶׁקֶר זֵדִים אֲנִי בְּכָל לֵב אֱצֹּר פִּקּוּדֶיךָ.
(ע) טָפַשׁ כַּחֵלֶב לִבָּם אֲנִי תּוֹרָתְךָ שִׁעֲשָׁעְתִּי.
(עא) טוֹב לִי כִי עֻנֵּיתִי לְמַעַן אֶלְמַד חֻקֶּיךָ.
(עב) טוֹב לִי תוֹרַת פִּיךָ מֵאַלְפֵי זָהָב וָכָסֶף.
(עג) יָדֶיךָ עָשׂוּנִי וַיְכוֹנְנוּנִי הֲבִינֵנִי וְאֶלְמְדָה מִצְוֺתֶיךָ.
(עד) יְרֵאֶיךָ יִרְאוּנִי וְיִשְׂמָחוּ כִּי לִדְבָרְךָ יִחָלְתִּי.
(עה) יָדַעְתִּי יְהוָה כִּי צֶדֶק מִשְׁפָּטֶיךָ וֶאֱמוּנָה עִנִּיתָנִי.
(עו) יְהִי נָא חַסְדְּךָ לְנַחֲמֵנִי כְּאִמְרָתְךָ לְעַבְדֶּךָ.
(עז) יְבֹאוּנִי רַחֲמֶיךָ וְאֶחְיֶה כִּי תוֹרָתְךָ שַׁעֲשֻׁעָי.
(עח) יֵבֹשׁוּ זֵדִים כִּי שֶׁקֶר עִוְּתוּנִי אֲנִי אָשִׂיחַ בְּפִקּוּדֶיךָ.
(עט) יָשׁוּבוּ לִי יְרֵאֶיךָ וידעו [וְיֹדְעֵי] עֵדֹתֶיךָ.
(פ) יְהִי לִבִּי תָמִים בְּחֻקֶּיךָ לְמַעַן לֹא אֵבוֹשׁ.
(פא) כָּלְתָה לִתְשׁוּעָתְךָ נַפְשִׁי לִדְבָרְךָ יִחָלְתִּי.
(פב) כָּלוּ עֵינַי לְאִמְרָתֶךָ לֵאמֹר מָתַי תְּנַחֲמֵנִי.
(פג) כִּי הָיִיתִי כְּנֹאד בְּקִיטוֹר חֻקֶּיךָ לֹא שָׁכָחְתִּי.
(פד) כַּמָּה יְמֵי עַבְדֶּךָ מָתַי תַּעֲשֶׂה בְרֹדְפַי מִשְׁפָּט.
(פה) כָּרוּ לִי זֵדִים שִׁיחוֹת אֲשֶׁר לֹא כְתוֹרָתֶךָ.
(פו) כָּל מִצְוֺתֶיךָ אֱמוּנָה שֶׁקֶר רְדָפוּנִי עָזְרֵנִי.
(פז) כִּמְעַט כִּלּוּנִי בָאָרֶץ וַאֲנִי לֹא עָזַבְתִּי פִקֻּודֶיךָ.
(פח) כְּחַסְדְּךָ חַיֵּנִי וְאֶשְׁמְרָה עֵדוּת פִּיךָ.
(פט) לְעוֹלָם יְהוָה דְּבָרְךָ נִצָּב בַּשָּׁמָיִם.
(צ) לְדֹר וָדֹר אֱמוּנָתֶךָ כּוֹנַנְתָּ אֶרֶץ וַתַּעֲמֹד.
(צא) לְמִשְׁפָּטֶיךָ עָמְדוּ הַיּוֹם כִּי הַכֹּל עֲבָדֶיךָ.
(צב) לוּלֵי תוֹרָתְךָ שַׁעֲשֻׁעָי אָז אָבַדְתִּי בְעָנְיִי.
(צג) לְעוֹלָם לֹא אֶשְׁכַּח פִּקּוּדֶיךָ כִּי בָם חִיִּיתָנִי.
(צד) לְךָ אֲנִי הוֹשִׁיעֵנִי כִּי פִקּוּדֶיךָ דָרָשְׁתִּי.
(צה) לִי קִוּוּ רְשָׁעִים לְאַבְּדֵנִי עֵדֹתֶיךָ אֶתְבּוֹנָן.
(צו) לְכָל תִּכְלָה רָאִיתִי קֵץ רְחָבָה מִצְוָתְךָ מְאֹד.
(צז) מָה אָהַבְתִּי תוֹרָתֶךָ כָּל הַיּוֹם הִיא שִׂיחָתִי.
(צח) מֵאֹיְבַי תְּחַכְּמֵנִי מִצְוֺתֶךָ כִּי לְעוֹלָם הִיא לִי.
(צט) מִכָּל מְלַמְּדַי הִשְׂכַּלְתִּי כִּי עֵדְוֺתֶיךָ שִׂיחָה לִֿי.
(ק) מִזְּקֵנִים אֶתְבּוֹנָן כִּי פִקּוּדֶיךָ נָצָרְתִּי.
(קא) מִכָּל אֹרַח רָע כָּלִאתִי רַגְלָי לְמַעַן אֶשְׁמֹר דְּבָרֶךָ.
(קב) מִמִּשְׁפָּטֶיךָ לֹא סָרְתִּי כִּי אַתָּה הוֹרֵתָנִי.
(קג) מַה נִּמְלְצוּ לְחִכִּי אִמְרָתֶךָ מִדְּבַשׁ לְפִי.
(קד) מִפִּקּוּדֶיךָ אֶתְבּוֹנָן עַל כֵּן שָׂנֵאתִי כָּל אֹרַח שָׁקֶר.
(קה) נֵר לְרַגְלִי דְבָרֶךָ וְאוֹר לִנְתִיבָתִי.
(קו) נִשְׁבַּעְתִּי וָאֲקַיֵּמָה לִשְׁמֹר מִשְׁפְּטֵי צִדְקֶךָ.
(קז) נַעֲנֵיתִי עַד מְאֹד יְהוָה חַיֵּנִי כִדְבָרֶךָ.
(קח) נִדְבוֹת פִּי רְצֵה נָא יְהוָה וּמִשְׁפָּטֶיךָ לַמְּדֵנִי.
(קט) נַפְשִׁי בְכַפִּי תָמִיד וְתוֹרָתְךָ לֹא שָׁכָחְתִּי.
(קי) נָתְנוּ רְשָׁעִים פַּח לִי וּמִפִּקּוּדֶיךָ לֹא תָעִיתִי.
(קיא) נָחַלְתִּי עֵדְוֺתֶיךָ לְעוֹלָם כִּי שְׂשׂוֹן לִבִּי הֵמָּה.
(קיב) נָטִיתִי לִבִּי לַעֲשׂוֹת חֻקֶּיךָ לְעוֹלָם עֵקֶב.
(קיג) סֵעֲפִים שָׂנֵאתִי וְתוֹרָתְךָ אָהָבְתִּי.
(קיד) סִתְרִי וּמָגִנִּי אָתָּה לִדְבָרְךָ יִחָלְתִּי.
(קטו) סוּרוּ מִמֶּנִּי מְרֵעִים וְאֶצְּרָה מִצְוֺת אֱלֹהָי.
(קטז) סָמְכֵנִי כְאִמְרָתְךָ וְאֶחְיֶה וְאַל תְּבִישֵׁנִי מִשִּׂבְרִי.
(קיז) סְעָדֵנִי וְאִוָּשֵׁעָה וְאֶשְׁעָה בְחֻקֶּיךָ תָמִיד.
(קיח) סָלִיתָ כָּל שׁוֹגִים מֵחֻקֶּיךָ כִּי שֶׁקֶר תַּרְמִיתָם.
(קיט) סִגִים הִשְׁבַּתָּ כָל רִשְׁעֵי אָרֶץ לָכֵן אָהַבְתִּי עֵדֹתֶיךָ.
(קכ) סָמַר מִפַּחְדְּךָ בְשָׂרִי וּמִמִּשְׁפָּטֶיךָ יָרֵאתִי.
(קכא) עָשִׂיתִי מִשְׁפָּט וָצֶדֶק בַּל תַּנִּיחֵנִי לְעֹשְׁקָי.
(קכב) עֲרֹב עַבְדְּךָ לְטוֹב אַל יַעַשְׁקֻנִי זֵדִים.
(קכג) עֵינַי כָּלוּ לִישׁוּעָתֶךָ וּלְאִמְרַת צִדְקֶךָ.
(קכד) עֲשֵׂה עִם עַבְדְּךָ כְחַסְדֶּךָ וְחֻקֶּיךָ לַמְּדֵנִי.
(קכה) עַבְדְּךָ אָנִי הֲבִינֵנִי וְאֵדְעָה עֵדֹתֶיךָ.
(קכו) עֵת לַעֲשׂוֹת לַיהוָה הֵפֵרוּ תּוֹרָתֶךָ.
(קכז) עַל כֵּן אָהַבְתִּי מִצְוֺתֶיךָ מִזָּהָב וּמִפָּז.
(קכח) עַל כֵּן כָּל פִּקּוּדֵי כֹל יִשָּׁרְתִּי כָּל אֹרַח שֶׁקֶר שָׂנֵאתִי.
(קכט) פְּלָאוֹת עֵדְוֺתֶיךָ עַל כֵּן נְצָרָתַם נַפְשִׁי.
(קל) פֵּתַח דְּבָרֶיךָ יָאִיר מֵבִין פְּתָיִים.
(קלא) פִּי פָעַרְתִּי וָאֶשְׁאָפָה כִּי לְמִצְוֺתֶיךָ יָאָבְתִּי.
(קלב) פְּנֵה אֵלַי וְחָנֵּנִי כְּמִשְׁפָּט לְאֹהֲבֵי שְׁמֶךָ.
(קלג) פְּעָמַי הָכֵן בְּאִמְרָתֶךָ וְאַל תַּשְׁלֶט בִּי כָל אָוֶן.
(קלד) פְּדֵנִי מֵעֹשֶׁק אָדָם וְאֶשְׁמְרָה פִּקּוּדֶיךָ.
(קלה) פָּנֶיךָ הָאֵר בְּעַבְדֶּךָ וְלַמְּדֵנִי אֶת חֻקֶּיךָ.
(קלו) פַּלְגֵי מַיִם יָרְדוּ עֵינָי עַל לֹא שָׁמְרוּ תוֹרָתֶךָ.
(קלז) צַדִּיק אַתָּה יְהוָה וְיָשָׁר מִשְׁפָּטֶיךָ.
(קלח) צִוִּיתָ צֶדֶק עֵדֹתֶיךָ וֶאֱמוּנָה מְאֹד.
(קלט) צִמְּתַתְנִי קִנְאָתִי כִּי שָׁכְחוּ דְבָרֶיךָ צָרָי.
(קמ) צְרוּפָה אִמְרָתְךָ מְאֹד וְעַבְדְּךָ אֲהֵבָהּ.
(קמא) צָעִיר אָנֹכִי וְנִבְזֶה פִּקֻּדֶיךָ לֹא שָׁכָחְתִּי.
(קמב) צִדְקָתְךָ צֶדֶק לְעוֹלָם וְתוֹרָתְךָ אֱמֶת.
(קמג) צַר וּמָצוֹק מְצָאוּנִי מִצְוֺתֶיךָ שַׁעֲשֻׁעָי.
(קמד) צֶדֶק עֵדְוֺתֶיךָ לְעוֹלָם הֲבִינֵנִי וְאֶחְיֶה.
(קמה) קָרָאתִי בְכָל לֵב עֲנֵנִי יְהוָה חֻקֶּיךָ אֶצֹּרָה.
(קמו) קְרָאתִיךָ הוֹשִׁיעֵנִי וְאֶשְׁמְרָה עֵדֹתֶיךָ.
(קמז) קִדַּמְתִּי בַנֶּשֶׁף וָאֲשַׁוֵּעָה לדבריך [לִדְבָרְךָ] יִחָלְתִּי.
(קמח) קִדְּמוּ עֵינַי אַשְׁמֻרוֹת לָשִׂיחַ בְּאִמְרָתֶךָ.
(קמט) קוֹלִי שִׁמְעָה כְחַסְדֶּךָ יְהוָה כְּמִשְׁפָּטֶךָ חַיֵּנִי.
(קנ) קָרְבוּ רֹדְפֵי זִמָּה מִתּוֹרָתְךָ רָחָקוּ.
(קנא) קָרוֹב אַתָּה יְהוָה וְכָל מִצְוֺתֶיךָ אֱמֶת.
(קנב) קֶדֶם יָדַעְתִּי מֵעֵדֹתֶיךָ כִּי לְעוֹלָם יְסַדְתָּם.
(קנג) רְאֵה עָנְיִי וְחַלְּצֵנִי כִּי תוֹרָתְךָ לֹא שָׁכָחְתִּי.
(קנד) רִיבָה רִיבִי וּגְאָלֵנִי לְאִמְרָתְךָ חַיֵּנִי.
(קנה) רָחוֹק מֵרְשָׁעִים יְשׁוּעָה כִּי חֻקֶּיךָ לֹא דָרָשׁוּ.
(קנו) רַחֲמֶיךָ רַבִּים יְהוָה כְּמִשְׁפָּטֶיךָ חַיֵּנִי.
(קנז) רַבִּים רֹדְפַי וְצָרָי מֵעֵדְוֺתֶיךָ לֹא נָטִיתִי.
(קנח) רָאִיתִי בֹגְדִים וָאֶתְקוֹטָטָה אֲשֶׁר אִמְרָתְךָ לֹא שָׁמָרוּ.
(קנט) רְאֵה כִּי פִקּוּדֶיךָ אָהָבְתִּי יְהוָה כְּחַסְדְּךָ חַיֵּנִי.
(קס) רֹאשׁ דְּבָרְךָ אֱמֶת וּלְעוֹלָם כָּל מִשְׁפַּט צִדְקֶךָ.
(קסא) שָׂרִים רְדָפוּנִי חִנָּם ומדבריך [וּמִדְּבָרְךָ] פָּחַד לִבִּי.
(קסב) שָׂשׂ אָנֹכִי עַל אִמְרָתֶךָ כְּמוֹצֵא שָׁלָל רָב.
(קסג) שֶׁקֶר שָׂנֵאתִי וַאֲתַעֵבָה תּוֹרָתְךָ אָהָבְתִּי.
(קסד) שֶׁבַע בַּיּוֹם הִלַּלְתִּיךָ עַל מִשְׁפְּטֵי צִדְקֶךָ.
(קסה) שָׁלוֹם רָב לְאֹהֲבֵי תוֹרָתֶךָ וְאֵין לָמוֹ מִכְשׁוֹל.
(קסו) שִׂבַּרְתִּי לִישׁוּעָתְךָ יְהוָה וּמִצְוֺתֶיךָ עָשִׂיתִי.
(קסז) שָׁמְרָה נַפְשִׁי עֵדֹתֶיךָ וָאֹהֲבֵם מְאֹד.
(קסח) שָׁמַרְתִּי פִקּוּדֶיךָ וְעֵדֹתֶיךָ כִּי כָל דְּרָכַי נֶגְדֶּךָ.
(קסט) תִּקְרַב רִנָּתִי לְפָנֶיךָ יְהוָה כִּדְבָרְךָ הֲבִינֵנִי.
(קע) תָּבוֹא תְּחִנָּתִי לְפָנֶיךָ כְּאִמְרָתְךָ הַצִּילֵנִי.
(קעא) תַּבַּעְנָה שְׂפָתַי תְּהִלָּה כִּי תְלַמְּדֵנִי חֻקֶּיךָ.
(קעב) תַּעַן לְשׁוֹנִי אִמְרָתֶךָ כִּי כָל מִצְוֺתֶיךָ צֶּדֶק.
(קעג) תְּהִי יָדְךָ לְעָזְרֵנִי כִּי פִקּוּדֶיךָ בָחָרְתִּי.
(קעד) תָּאַבְתִּי לִישׁוּעָתְךָ יְהוָה וְתוֹרָתְךָ שַׁעֲשֻׁעָי.
(קעה) תְּחִי נַפְשִׁי וּתְהַלְלֶךָּ וּמִשְׁפָּטֶךָ יַעֲזְרֻנִי.
(קעו) תָּעִיתִי כְּשֶׂה אֹבֵד בַּקֵּשׁ עַבְדֶּךָ כִּי מִצְוֺתֶיךָ לֹא שָׁכָחְתִּי.
- א אַשְׁרֵי תְמִימֵי דָרֶךְ, הַהֹלְכִים בְּתוֹרַת יְהוָה.
- ב אַשְׁרֵי נֹצְרֵי עֵדֹתָיו, בְּכָל לֵב יִדְרְשׁוּהוּ.
- ג אַף לֹא פָעֲלוּ עַוְלָה עשו רע, בִּדְרָכָיו הָלָכוּ.
- ד אַתָּה צִוִּיתָה פִקֻּדֶיךָ שאת מצוותיך לִשְׁמֹר מְאֹד נקפיד מאוד לשמור.
- ה אַחֲלַי יִכֹּנוּ הלוואי שתהיינה קבועות דְרָכָי לִשְׁמֹר חֻקֶּיךָ.
- ו אָז לֹא אֵבוֹשׁ בְּהַבִּיטִי אֶל כָּל מִצְוֺתֶיךָ כאשר אבחן את כל מיצוותיך (לא אתבייש באי קיום חלק מהן).
- ז אוֹדְךָ בְּיֹשֶׁר לֵבָב בלב ישר, מבלי להגזים וכו', בְּלָמְדִי מִשְׁפְּטֵי צִדְקֶךָ.
- ח אֶת חֻקֶּיךָ אֶשְׁמֹר, אַל תַּעַזְבֵנִי עַד מְאֹד כלומר, תהיה איתי, קרוב אלי מאוד.
- ט בַּמֶּה יְזַכֶּה נַּעַר אֶת אָרְחוֹ איך יגרום נער לדרכו שתהיה זכה, טהורה? לִשְׁמֹר כִּדְבָרֶךָ עליו להקפיד לעשות לפי מצוותיך.
- י בְּכָל לִבִּי דְרַשְׁתִּיךָ, אַל תַּשְׁגֵּנִי תגרום לי לטעות ולסור מִמִּצְוֺתֶיךָ.
- יא בְּלִבִּי צָפַנְתִּי אִמְרָתֶךָ, לְמַעַן לֹא אֶחֱטָא לָךְ.
- יב בָּרוּךְ אַתָּה יְהוָה, לַמְּדֵנִי חֻקֶּיךָ.
- יג בִּשְׂפָתַי סִפַּרְתִּי כֹּל מִשְׁפְּטֵי פִיךָ.
- יד בְּדֶרֶךְ ללכת לפי עֵדְוֺתֶיךָ שַׂשְׂתִּי כְּעַל כָּל הוֹן כפי שאנשים ששים על ממון.
- טו בְּפִקֻּדֶיךָ אָשִׂיחָה, וְאַבִּיטָה אֹרְחֹתֶיךָ.
- טז בְּחֻקֹּתֶיךָ אֶשְׁתַּעֲשָׁע, לֹא אֶשְׁכַּח דְּבָרֶךָ.
- יז גְּמֹל עַל עשה טובה ל- עַבְדְּךָ אֶחְיֶה ותן לי חיים, וְאֶשְׁמְרָה דְבָרֶךָ.
- יח גַּל גלה, פקח עֵינַי וְאַבִּיטָה, נִפְלָאוֹת מִתּוֹרָתֶךָ.
- יט גֵּר כמו זר אָנֹכִי בָאָרֶץ, אַל תַּסְתֵּר ובגלל שאני לא מכיר את חוקי הארץ שהיגרתי אליה אנא גלה לי אותם מִמֶּנִּי מִצְוֺתֶיךָ.
- כ גָּרְסָה נשחקה נַפְשִׁי לְתַאֲבָה מרוב תאוה אֶל מִשְׁפָּטֶיךָ בְכָל עֵת.
- כא גָּעַרְתָּ זֵדִים ברשעים אֲרוּרִים, הַשֹּׁגִים מִמִּצְוֺתֶיךָ.
- כב גַּל הסר מֵעָלַי חֶרְפָּה וָבוּז, כִּי עֵדֹתֶיךָ נָצָרְתִּי.
- כג גַּם אפילו כאשר יָשְׁבוּ שָׂרִים בִּי נִדְבָּרוּ דיברו עלי דברים רעים, עַבְדְּךָ יָשִׂיחַ בְּחֻקֶּיךָ.
- כד גַּם אמנם, אכן עֵדֹתֶיךָ שַׁעֲשֻׁעָי הם עיסוקי אַנְשֵׁי עֲצָתִי עדותיך משמשים במקום יועצים (כשאני אני צריך עצה אני פונה לעיין בתורתך במקום לשאול אנשים).
- כה דָּבְקָה לֶעָפָר נַפְשִׁי, חַיֵּנִי כִּדְבָרֶךָ.
- כו דְּרָכַי סִפַּרְתִּי סיפרתי לך מעשי וביקשתי הנחיה וַתַּעֲנֵנִי, לַמְּדֵנִי חֻקֶּיךָ.
- כז דֶּרֶךְ פִּקּוּדֶיךָ הֲבִינֵנִי, וְאָשִׂיחָה בְּנִפְלְאוֹתֶיךָ.
- כח דָּלְפָה התמוססה נַפְשִׁי מִתּוּגָה מרוב עצבות, קַיְּמֵנִי כִּדְבָרֶךָ.
- כט דֶּרֶךְ שֶׁקֶר הָסֵר מִמֶּנִּי, וְתוֹרָתְךָ חָנֵּנִי תן לי בנדיבות.
- ל דֶּרֶךְ אֱמוּנָה בָחָרְתִּי, מִשְׁפָּטֶיךָ שִׁוִּיתִי דימיינתי במחשבתי תמיד.
- לא דָּבַקְתִּי בְעֵדְוֺתֶיךָ, יְהוָה אַל תְּבִישֵׁנִי.
- לב דֶּרֶךְ מִצְוֺתֶיךָ אָרוּץ, כִּי תַרְחִיב לִבִּי אם רק תחזק את ליבי.
- לג הוֹרֵנִי יְהוָה דֶּרֶךְ חֻקֶּיךָ וְאֶצְּרֶנָּה עֵקֶב ואשמור על כפות רגלי שילכו בה.
- לד הֲבִינֵנִי וְאֶצְּרָה תן לי בינה לשמור את תוֹרָתֶךָ, וְאֶשְׁמְרֶנָּה בְכָל לֵב.
- לה הַדְרִיכֵנִי בִּנְתִיב מִצְוֺתֶיךָ, כִּי בוֹ חָפָצְתִּי.
- לו הַט לִבִּי אֶל עֵדְוֺתֶיךָ וְאַל אֶל ולא אל- בָּצַע.
- לז הַעֲבֵר עֵינַי מֵרְאוֹת שָׁוְא מלראות דברי שווא, דברי שקר, בִּדְרָכֶךָ לפי דרך מצוותיך חַיֵּנִי.
- לח הָקֵם לְעַבְדְּךָ אִמְרָתֶךָ את הבטחתך אֲשֶׁר לְיִרְאָתֶךָ לגבי יראתך, שהבטחת שתחזק בי יראת רוממות ממך.
- לט הַעֲבֵר חֶרְפָּתִי אֲשֶׁר יָגֹרְתִּי שאני מפחד ממנה כִּי מִשְׁפָּטֶיךָ טוֹבִים שהרי משפטיך טובים (והחרפה היא מאת הכופרים המבזים אותי על שמירת משפטיך).
- מ הִנֵּה תָּאַבְתִּי לְפִקֻּדֶיךָ, בְּצִדְקָתְךָ לפי דרך הצדק שלימדת חַיֵּנִי.
- מא וִיבֹאֻנִי יבוא עלי חֲסָדֶךָ יְהוָה, תְּשׁוּעָתְךָ כְּאִמְרָתֶךָ תבוא עלי הישועה כפי שהבטחת.
- מב וְאֶעֱנֶה חֹרְפִי למחרפים אותי דָבָר, כִּי בָטַחְתִּי בִּדְבָרֶךָ.
- מג וְאַל תַּצֵּל מִפִּי תרחיק מהפה שלי, תמנע ממני להגיד דְבַר אֱמֶת עַד מְאֹד, כִּי לְמִשְׁפָּטֶךָ יִחָלְתִּי.
- מד וְאֶשְׁמְרָה תוֹרָתְךָ תָמִיד לְעוֹלָם וָעֶד.
- מה וְאֶתְהַלְּכָה בָרְחָבָה בדרך רחבה, ללא לחצים, כִּי פִקֻּדֶיךָ דָרָשְׁתִּי ללכת לפי מצוותיך ביקשתי.
- מו וַאֲדַבְּרָה בְעֵדֹתֶיךָ על מצוותיך נֶגֶד אל מול פני מְלָכִים וְלֹא אֵבוֹשׁ לא יביישו אותי המלכים על כך שאני מתעלם מהם ועוסק במצוות.
- מז וְאֶשְׁתַּעֲשַׁע אהנה מהעיסוק בְּמִצְוֺתֶיךָ אֲשֶׁר אָהָבְתִּי.
- מח וְאֶשָּׂא כַפַּי אֶל ואתפלל שאזכה לקיים מִצְוֺתֶיךָ אֲשֶׁר אָהָבְתִּי, וְאָשִׂיחָה בְחֻקֶּיךָ.
- מט זְכֹר דָּבָר בבקשה זכור את הדבר לְעַבְדֶּךָ עַל אֲשֶׁר יִחַלְתָּנִי הדבר שעשית אותי מקווה אליו, הבטחתך להיטיב לי.
- נ זֹאת נֶחָמָתִי בְעָנְיִי בשעה שבאים עלי עינויים: כִּי אִמְרָתְךָ חִיָּתְנִי.
- נא זֵדִים הֱלִיצֻנִי לעגו לי עַד מְאֹד, מִתּוֹרָתְךָ לֹא נָטִיתִי.
- נב זָכַרְתִּי מִשְׁפָּטֶיךָ מֵעוֹלָם הקיימים מאז ומתמיד יְהוָה, וָאֶתְנֶחָם.
- נג זַלְעָפָה קור ורעד אֲחָזַתְנִי מֵרְשָׁעִים בגלל הרשעים, עֹזְבֵי תּוֹרָתֶךָ.
- נד זְמִרוֹת הָיוּ לִי חֻקֶּיךָ בְּבֵית מְגוּרָי גם בשעות הפנאי שלי.
- נה זָכַרְתִּי בַלַּיְלָה שִׁמְךָ יְהוָה, וָאֶשְׁמְרָה תּוֹרָתֶךָ.
- נו זֹאת שמירת התורה הָיְתָה לִּי הדרך שלי, כִּי פִקֻּדֶיךָ נָצָרְתִּי.
- נז חֶלְקִי יְהוָה ה' הוא חלקי אָמַרְתִּי, לִשְׁמֹר וכן אמרתי שאשמור דְּבָרֶיךָ.
- נח חִלִּיתִי פָנֶיךָ התפללתי אליך בְכָל לֵב, חָנֵּנִי כְּאִמְרָתֶךָ.
- נט חִשַּׁבְתִּי דְרָכָי שקלתי באיזו דרך ללכת, וָאָשִׁיבָה והפניתי את רַגְלַי אֶל עֵדֹתֶיךָ.
- ס חַשְׁתִּי וְלֹא הִתְמַהְמָהְתִּי, לִשְׁמֹר מִצְוֺתֶיךָ.
- סא חֶבְלֵי רְשָׁעִים עִוְּדֻנִי הקיפו אותי, תּוֹרָתְךָ לֹא שָׁכָחְתִּי.
- סב חֲצוֹת לַיְלָה אָקוּם לְהוֹדוֹת לָךְ עַל מִשְׁפְּטֵי צִדְקֶךָ.
- סג חָבֵר אָנִי לְכָל אֲשֶׁר יְרֵאוּךָ, וּלְשֹׁמְרֵי פִּקּוּדֶיךָ.
- סד חַסְדְּךָ יְהוָה מָלְאָה הָאָרֶץ, חֻקֶּיךָ לַמְּדֵנִי.
- סה טוֹב עָשִׂיתָ עִם עַבְדְּךָ, יְהוָה, כִּדְבָרֶךָ כפי שהבטחת.
- סו טוּב טַעַם וָדַעַת התנהגות נאותה לַמְּדֵנִי, כִּי בְמִצְוֺתֶיךָ הֶאֱמָנְתִּי.
- סז טֶרֶם אֶעֱנֶה לפני שדיברתי דברי תורה ולמדתי את המצוות אֲנִי כשעשיתי עבירות הייתי שֹׁגֵג, וְעַתָּה אך עכשיו לאחר שלמדתי אִמְרָתְךָ שָׁמָרְתִּי.
- סח טוֹב אַתָּה וּמֵטִיב, לַמְּדֵנִי חֻקֶּיךָ.
- סט טָפְלוּ עָלַי שֶׁקֶר זֵדִים, אֲנִי אבל למרות שהם משקרים ואומרים שהמצוות שאני מקיים שיקריות בְּכָל לֵב אֱצֹּר פִּקּוּדֶיךָ.
- ע טָפַשׁ כַּחֵלֶב היה שמן כמו חֵלֶב, שומן לִבָּם, אֲנִי תּוֹרָתְךָ שִׁעֲשָׁעְתִּי הפכתי אותה לדבר בו אני משתעשע.
- עא טוֹב לִי כִי עֻנֵּיתִי, לְמַעַן שהרי העינויים באו לחנך אותי אֶלְמַד חֻקֶּיךָ.
- עב טוֹב לִי תוֹרַת פִּיךָ, מֵאַלְפֵי זָהָב וָכָסֶף.
- עג יָדֶיךָ עָשׂוּנִי וַיְכוֹנְנוּנִי וייצבו אותי, הֲבִינֵנִי תן לי בינה וְאֶלְמְדָה מִצְוֺתֶיךָ.
- עד יְרֵאֶיךָ יִרְאוּנִי וְיִשְׂמָחוּ, כִּי לִדְבָרְךָ יִחָלְתִּי.
- עה יָדַעְתִּי יְהוָה כִּי צֶדֶק מִשְׁפָּטֶיךָ, וֶאֱמוּנָה עִנִּיתָנִי ובמידה הראויה ייסרת אותי.
- עו יְהִי נָא חַסְדְּךָ מעשיך כלפי במידת החסד לְנַחֲמֵנִי, כְּאִמְרָתְךָ כפי שהבטחת לְעַבְדֶּךָ.
- עז יְבֹאוּנִי רַחֲמֶיךָ וְאֶחְיֶה, כִּי כדי שאזכה לעסוק ב- תוֹרָתְךָ שַׁעֲשֻׁעָי.
- עח יֵבֹשׁוּ זֵדִים כִּי שֶׁקֶר עִוְּתוּנִי סילפו את האמת לגבי, אֲנִי אָשִׂיחַ בְּפִקּוּדֶיךָ.
- עט יָשׁוּבוּ לִי יחזרו אלי (מי שהתרחקו ממני בעקבות העלילות של הזדים) יְרֵאֶיךָ, (וידעו) וְיֹדְעֵי עֵדֹתֶיךָ.
- פ יְהִי לִבִּי תָמִים שלם בְּחֻקֶּיךָ, לְמַעַן לֹא אֵבוֹשׁ.
- פא כָּלְתָה לִתְשׁוּעָתְךָ נַפְשִׁי, לִדְבָרְךָ יִחָלְתִּי.
- פב כָּלוּ עֵינַי לְאִמְרָתֶךָ, לֵאמֹר "מָתַי תְּנַחֲמֵנִי?".
- פג כִּי הָיִיתִי כְּנֹאד בְּקִיטוֹר כמו נאד עור שהושם בעשן כדי לייבשו ולחזקו (הייתי במצוקה עד כדי שהושחרו פני), חֻקֶּיךָ אך למרות זאת את מצוותיך לֹא שָׁכָחְתִּי.
- פד כַּמָּה יְמֵי עַבְדֶּךָ הרי ימי חיי קצרים?, מָתַי תַּעֲשֶׂה בְרֹדְפַי מִשְׁפָּט?
- פה כָּרוּ לִי זֵדִים שִׁיחוֹת בורות, מלכודות אֲשֶׁר לֹא כְתוֹרָתֶךָ עשו לי דברים שלא כפי שהנחת בתורה.
- פו כָּל מִצְוֺתֶיךָ אֱמוּנָה אמת, שֶׁקֶר רְדָפוּנִי בעלילות שקר אויבי רודפים אחרי, עָזְרֵנִי.
- פז כִּמְעַט כִּלּוּנִי בָאָרֶץ, וַאֲנִי לֹא עָזַבְתִּי פִקֻּודֶיךָ.
- פח כְּחַסְדְּךָ לפי מידת נאמנותך חַיֵּנִי, וְאֶשְׁמְרָה עֵדוּת פִּיךָ.
- פט לְעוֹלָם יְהוָה, דְּבָרְךָ נִצָּב בַּשָּׁמָיִם הציווי שלך להציב את השמיים למעלה ממשיך להתקיים.
- צ לְדֹר וָדֹר לנצח קיימת אֱמוּנָתֶךָ, כּוֹנַנְתָּ אֶרֶץ וַתַּעֲמֹד.
- צא לְמִשְׁפָּטֶיךָ לקבל את דינך עָמְדוּ הַיּוֹם עומדים הכל היום, כִּי הַכֹּל כל האנושות עֲבָדֶיךָ.
- צב לוּלֵי תוֹרָתְךָ שַׁעֲשֻׁעָי, אָז אָבַדְתִּי בְעָנְיִי בצערי.
- צג לְעוֹלָם לֹא אֶשְׁכַּח פִּקּוּדֶיךָ, כִּי בָם חִיִּיתָנִי.
- צד לְךָ אֲנִי, הוֹשִׁיעֵנִי, כִּי פִקּוּדֶיךָ דָרָשְׁתִּי.
- צה לִי קִוּוּ רְשָׁעִים לְאַבְּדֵנִי, עֵדֹתֶיךָ אֶתְבּוֹנָן.
- צו לְכָל תִּכְלָה רָאִיתִי קֵץ לכל דבר שאנשים נכספים אליו יש סוף, רְחָבָה מִצְוָתְךָ מְאֹד עד כדי כך שאין סוף לתשוקתי ללמוד אותן.
- צז מָה אָהַבְתִּי תוֹרָתֶךָ, כָּל הַיּוֹם הִיא שִׂיחָתִי.
- צח מֵאֹיְבַי תְּחַכְּמֵנִי אהיה חכם יותר מאויבי בזכות שאלמד את מִצְוֺתֶךָ, כִּי לְעוֹלָם לעד נגישה הִיא לִי.
- צט מִכָּל מְלַמְּדַי הִשְׂכַּלְתִּי, כִּי עֵדְוֺתֶיךָ שִׂיחָה לִי מהווים נושא לשיחה בשבילי, וכך אני לומד מהאנשים שאני משוחח איתם.
- ק מִזְּקֵנִים אֶתְבּוֹנָן אלמד בינה, כִּי פִקּוּדֶיךָ נָצָרְתִּי שמרתי (וביניהם הציווי ללמוד מהזקנים - דברים לב ז).
- קא מִכָּל אֹרַח דרך רָע כָּלִאתִי מנעתי רַגְלָי, לְמַעַן אֶשְׁמֹר דְּבָרֶךָ.
- קב מִמִּשְׁפָּטֶיךָ לֹא סָרְתִּי, כִּי אַתָּה הוֹרֵתָנִי שהרי אתה, הקב"ה, לימדתי אותי אותם.
- קג מַה נִּמְלְצוּ ערבו לְחִכִּי אִמְרָתֶךָ, מִדְּבַשׁ לְפִי.
- קד מִפִּקּוּדֶיךָ אֶתְבּוֹנָן למדתי בינה, עַל כֵּן שָׂנֵאתִי כָּל אֹרַח שָׁקֶר.
- קה נֵר לְרַגְלִי כמו נר שמאיר לי את דרכי בחושך דְבָרֶךָ, וְאוֹר לִנְתִיבָתִי.
- קו נִשְׁבַּעְתִּי וָאֲקַיֵּמָה, לִשְׁמֹר מִשְׁפְּטֵי צִדְקֶךָ.
- קז נַעֲנֵיתִי סבלתי עינויים עַד מְאֹד, יְהוָה חַיֵּנִי כִדְבָרֶךָ כפי שהבטחת בתורה.
- קח נִדְבוֹת פִּי את נדרי לה' רְצֵה נָא יְהוָה, וּמִשְׁפָּטֶיךָ לַמְּדֵנִי.
- קט נַפְשִׁי בְכַפִּי בגלל אויבי אני נמצא בסכנת נפשות תָמִיד, וְתוֹרָתְךָ לֹא שָׁכָחְתִּי.
- קי נָתְנוּ רְשָׁעִים פַּח לִי, וּמִפִּקּוּדֶיךָ לֹא תָעִיתִי.
- קיא נָחַלְתִּי עֵדְוֺתֶיךָ מצוותיך הם כמו נחלה בשבילי, כמו בית שאגור בו לעד לְעוֹלָם, כִּי שְׂשׂוֹן לִבִּי הֵמָּה.
- קיב נָטִיתִי לִבִּי לַעֲשׂוֹת חֻקֶּיךָ, לְעוֹלָם עֵקֶב לעולם ועד.
- קיג סֵעֲפִים דברים מסועפים, מעוותים שָׂנֵאתִי, וְתוֹרָתְךָ אָהָבְתִּי.
- קיד סִתְרִי וּמָגִנִּי אָתָּה, לִדְבָרְךָ יִחָלְתִּי.
- קטו סוּרוּ מִמֶּנִּי מְרֵעִים, וְאֶצְּרָה מִצְוֺת אֱלֹהָי.
- קטז סָמְכֵנִי כְאִמְרָתְךָ וְאֶחְיֶה, וְאַל תְּבִישֵׁנִי מִשִּׂבְרִי מתקוותי.
- קיז סְעָדֵנִי תמוך בי וְאִוָּשֵׁעָה, וְאֶשְׁעָה אפנה, אלך בְחֻקֶּיךָ תָמִיד.
- קיח סָלִיתָ האבדת כָּל שׁוֹגִים מֵחֻקֶּיךָ, כִּי שֶׁקֶר תַּרְמִיתָם תפיסת עולמם שהיא כולה תרמית.
- קיט סִגִים כמו פסולת ממתכות יקרות הִשְׁבַּתָּ השמדת כָל רִשְׁעֵי אָרֶץ, לָכֵן כדי ללמוד כיצד להתרחק מדרך הרשעים אָהַבְתִּי עֵדֹתֶיךָ.
- קכ סָמַר מִפַּחְדְּךָ בְשָׂרִי, וּמִמִּשְׁפָּטֶיךָ יָרֵאתִי.
- קכא עָשִׂיתִי מִשְׁפָּט וָצֶדֶק, בַּל תַּנִּיחֵנִי לְעֹשְׁקָי.
- קכב עֲרֹב מלשון "ערבות הדדית", המחבר מבקש מה' שיהיה ערב שלו, שידאג לו לטובה עַבְדְּךָ לְטוֹב, אַל יַעַשְׁקֻנִי זֵדִים.
- קכג עֵינַי כָּלוּ לִישׁוּעָתֶךָ, וּלְאִמְרַת צִדְקֶךָ.
- קכד עֲשֵׂה עִם עַבְדְּךָ כְחַסְדֶּךָ וְחֻקֶּיךָ לַמְּדֵנִי.
- קכה עַבְדְּךָ אָנִי, הֲבִינֵנִי ולכן תן לי בינה לעבוד אותך היטב, וְאֵדְעָה עֵדֹתֶיךָ.
- קכו "עֵת לַעֲשׂוֹת לַיהוָה" - הֵפֵרוּ תּוֹרָתֶךָ אומר אני כאשר אני רואה רשעים שביטלו את תורתך.
- קכז עַל כֵּן אכן אָהַבְתִּי מִצְוֺתֶיךָ מִזָּהָב וּמִפָּז.
- קכח עַל כֵּן כָּל פִּקּוּדֵי כֹל את כל המצוות כולן יִשָּׁרְתִּי שיבחתי ואמרתי שהם ישרים, כָּל אֹרַח שֶׁקֶר שָׂנֵאתִי.
- קכט פְּלָאוֹת עֵדְוֺתֶיךָ מצוותיך מופלאות, עַל כֵּן נְצָרָתַם נַפְשִׁי.
- קל פֵּתַח דְּבָרֶיךָ יהי רצון שפתח פי להגיד את דברי תורתך יָאִיר, מֵבִין פְּתָיִים אתה, ה', מלמד את חסרי הדעת.
- קלא פִּי פָעַרְתִּי וָאֶשְׁאָפָה כדי לשאוף אויר (כאדם שקצרה נשימתו, מרוב רצון גדול ללמוד את התורה), כִּי לְמִצְוֺתֶיךָ יָאָבְתִּי תאבתי, חפצתי.
- קלב פְּנֵה אֵלַי וְחָנֵּנִי, כְּמִשְׁפָּט כמנהגך לְאֹהֲבֵי שְׁמֶךָ.
- קלג פְּעָמַי הָכֵן את צעדי כוון בְּאִמְרָתֶךָ בציוויך, וְאַל תַּשְׁלֶט בִּי כָל אָוֶן רשע (שרשעים או יצר הרע שלי לא ישלטו בי).
- קלד פְּדֵנִי מֵעֹשֶׁק אָדָם מהשיעבוד שבני אדם משעבדים אותי, וְאֶשְׁמְרָה פִּקּוּדֶיךָ.
- קלה פָּנֶיךָ הָאֵר בְּעַבְדֶּךָ, וְלַמְּדֵנִי אֶת חֻקֶּיךָ.
- קלו פַּלְגֵי מַיִם יָרְדוּ עֵינָי, עַל כאשר אני רואה את מי ש- לֹא שָׁמְרוּ תוֹרָתֶךָ.
- קלז צַדִּיק אַתָּה יְהוָה, וְיָשָׁר מִשְׁפָּטֶיךָ וישר אתה במשפטיך, המשפטים שכתבת ישרים.
- קלח צִוִּיתָ צֶדֶק הזהרת לאחוז במידת הצדק ב- עֵדֹתֶיךָ, וֶאֱמוּנָה וציוית בעדותיך שנתנהג בנאמנות מְאֹד.
- קלט צִמְּתַתְנִי כילתה אותי קִנְאָתִי כעסי על חילול ה', כִּי שָׁכְחוּ דְבָרֶיךָ צָרָי.
- קמ צְרוּפָה טהורה אִמְרָתְךָ מְאֹד, וְעַבְדְּךָ אֲהֵבָהּ.
- קמא צָעִיר קטן וחלש אָנֹכִי וְנִבְזֶה ובזוי, ובכל זאת:, פִּקֻּדֶיךָ לֹא שָׁכָחְתִּי.
- קמב צִדְקָתְךָ מעשי הצדקה שלך צֶדֶק לְעוֹלָם נעשים באופן צודק הקיים לעד, וְתוֹרָתְךָ אֱמֶת.
- קמג צַר וּמָצוֹק מְצָאוּנִי ארעו לי, ובכל זאת:, מִצְוֺתֶיךָ שַׁעֲשֻׁעָי.
- קמד צֶדֶק עֵדְוֺתֶיךָ מצוותיך צודקות לְעוֹלָם, הֲבִינֵנִי וְאֶחְיֶה.
- קמה קָרָאתִי בְכָל לֵב, עֲנֵנִי יְהוָה, חֻקֶּיךָ אֶצֹּרָה.
- קמו קְרָאתִיךָ: "הוֹשִׁיעֵנִי!", וְאֶשְׁמְרָה עֵדֹתֶיךָ.
- קמז קִדַּמְתִּי בַנֶּשֶׁף השכמתי לפנות בוקר וָאֲשַׁוֵּעָה ואזעק אליך, (לדבריך) לִדְבָרְךָ יִחָלְתִּי.
- קמח קִדְּמוּ עֵינַי אַשְׁמֻרוֹת הקדמתי להתעורר באשמורת הבוקר, לָשִׂיחַ בְּאִמְרָתֶךָ.
- קמט קוֹלִי שִׁמְעָה כְחַסְדֶּךָ, יְהוָה כְּמִשְׁפָּטֶךָ כמינהגך (לתת חיים לשומרי תורתך) חַיֵּנִי.
- קנ קָרְבוּ משיגים את מבוקשם רֹדְפֵי זִמָּה הממהרים לעשות את הרעה שזממו, מִתּוֹרָתְךָ רָחָקוּ.
- קנא קָרוֹב בניגוד להם שמתרחקים ממך, אתה קרוב לכולם אַתָּה יְהוָה, וְכָל מִצְוֺתֶיךָ אֱמֶת.
- קנב קֶדֶם שהן עתיקות, שניתנו במעמד הר סיני יָדַעְתִּי מֵעֵדֹתֶיךָ על מצוותיך, כִּי לְעוֹלָם לעד יְסַדְתָּם.
- קנג רְאֵה עָנְיִי וְחַלְּצֵנִי, כִּי תוֹרָתְךָ לֹא שָׁכָחְתִּי.
- קנד רִיבָה רִיבִי וּגְאָלֵנִי, לְאִמְרָתְךָ כדי שתתקיים הבטחתך חַיֵּנִי.
- קנה רָחוֹק מֵרְשָׁעִים הרחק מהרשעים את ה- יְשׁוּעָה, כִּי חֻקֶּיךָ לֹא דָרָשׁוּ.
- קנו רַחֲמֶיךָ רַבִּים יְהוָה, כְּמִשְׁפָּטֶיךָ לפי מידת הצדק שלך חַיֵּנִי.
- קנז רַבִּים רֹדְפַי וְצָרָי, מֵעֵדְוֺתֶיךָ לֹא נָטִיתִי.
- קנח רָאִיתִי בֹגְדִים עוזבי התורה וָאֶתְקוֹטָטָה אני רב איתם, אֲשֶׁר בגלל שאת אִמְרָתְךָ לֹא שָׁמָרוּ.
- קנט רְאֵה כִּי פִקּוּדֶיךָ אָהָבְתִּי, יְהוָה כְּחַסְדְּךָ חַיֵּנִי.
- קס רֹאשׁ דְּבָרְךָ תחילת דברך, מאז שדיברת אלינו בראשונה, כל אמרתך היא אֱמֶת, וּלְעוֹלָם כָּל מִשְׁפַּט צִדְקֶךָ.
- קסא שָׂרִים המושלים רְדָפוּנִי חִנָּם מבלי שעשיתי להם משהו, (ומדבריך) וּמִדְּבָרְךָ ולמרות זאת, אינני פוחד מהם אלא ממצוותיך פָּחַד לִבִּי.
- קסב שָׂשׂ אָנֹכִי עַל אִמְרָתֶךָ, כְּמוֹצֵא שָׁלָל רָב מטמון הפקר גדול.
- קסג שֶׁקֶר שָׂנֵאתִי וַאֲתַעֵבָה, תּוֹרָתְךָ אָהָבְתִּי.
- קסד שֶׁבַע בַּיּוֹם שבע פעמים בכל יום הִלַּלְתִּיךָ עַל מִשְׁפְּטֵי צִדְקֶךָ.
- קסה שָׁלוֹם רָב אושר ושלווה קיימים לְאֹהֲבֵי תוֹרָתֶךָ, וְאֵין לָמוֹ להם מִכְשׁוֹל.
- קסו שִׂבַּרְתִּי קיויתי לִישׁוּעָתְךָ יְהוָה, וּמִצְוֺתֶיךָ עָשִׂיתִי.
- קסז שָׁמְרָה נַפְשִׁי עֵדֹתֶיךָ, וָאֹהֲבֵם מְאֹד.
- קסח שָׁמַרְתִּי פִקּוּדֶיךָ וְעֵדֹתֶיךָ, כִּי כָל דְּרָכַי נֶגְדֶּךָ מעשי גלויים לך.
- קסט תִּקְרַב רִנָּתִי לְפָנֶיךָ יְהוָה, כִּדְבָרְךָ כפי שהבטחת הֲבִינֵנִי.
- קע תָּבוֹא תְּחִנָּתִי לְפָנֶיךָ, כְּאִמְרָתְךָ הַצִּילֵנִי.
- קעא תַּבַּעְנָה שְׂפָתַי תְּהִלָּה, כִּי כאשר (או: על כך ש-) תְלַמְּדֵנִי חֻקֶּיךָ.
- קעב תַּעַן לְשׁוֹנִי אִמְרָתֶךָ את דברי תורתך, כִּי כָל מִצְוֺתֶיךָ צֶּדֶק.
- קעג תְּהִי יָדְךָ לְעָזְרֵנִי, כִּי כשכר על כך ש- פִקּוּדֶיךָ בָחָרְתִּי.
- קעד תָּאַבְתִּי לִישׁוּעָתְךָ יְהוָה, וְתוֹרָתְךָ שַׁעֲשֻׁעָי תענוגי.
- קעה תְּחִי נַפְשִׁי כל עוד שאני חי, נפשי וּתְהַלְלֶךָּ, וּמִשְׁפָּטֶךָ יַעֲזְרֻנִי.
- קעו תָּעִיתִי כְּשֶׂה אֹבֵד, בַּקֵּשׁ עַבְדֶּךָ אנא היה כרועה המחפש את השה האובד (שהוא אני, עבדך), כִּי מִצְוֺתֶיךָ לֹא שָׁכָחְתִּי ולכן אל תשכח אתה אותי.
פסוקי הפרק
טקסטים נוספים העוסקים בפרק
פירושים ומאמרים על הפרק:
