תהלים עב
קיצור דרך: t2672
תנ"ך > תהלים > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה • נו • נז • נח • נט • ס • סא • סב • סג • סד • סה • סו • סז • סח • סט • ע • עא • עב • עג • עד • עה • עו • עז • עח • עט • פ • פא • פב • פג • פד • פה • פו • פז • פח • פט • צ • צא • צב • צג • צד • צה • צו • צז • צח • צט • ק • קא • קב • קג • קד • קה • קו • קז • קח • קט • קי • קיא • קיב • קיג • קיד • קטו • קטז • קיז • קיח • קיט • קכ • קכא • קכב • קכג • קכד • קכה • קכו • קכז • קכח • קכט • קל • קלא • קלב • קלג • קלד • קלה • קלו • קלז • קלח • קלט • קמ • קמא • קמב • קמג • קמד • קמה • קמו • קמז • קמח • קמט • קנ
הפרק במהדורה המוטעמת
עב א לִשְׁלֹמֹ֨ה ׀
אֱֽלֹהִ֗ים מִ֭שְׁפָּטֶיךָ לְמֶ֣לֶךְ תֵּ֑ן
וְצִדְקָתְךָ֥ לְבֶן־מֶֽלֶךְ׃
ב יָדִ֣ין עַמְּךָ֣ בְצֶ֑דֶק
וַעֲנִיֶּ֥יךָ בְמִשְׁפָּֽט׃
ג יִשְׂא֤וּ הָרִ֓ים שָׁ֘ל֥וֹם לָעָ֑ם
וּ֝גְבָע֗וֹת בִּצְדָקָֽה׃
ד יִשְׁפֹּ֤ט ׀ עֲֽנִיֵּי־עָ֗ם
י֭וֹשִׁיעַ לִבְנֵ֣י אֶבְי֑וֹן
וִ֖ידַכֵּ֣א עוֹשֵֽׁק׃
ה יִירָא֥וּךָ עִם־שָׁ֑מֶשׁ
וְלִפְנֵ֥י יָ֝רֵ֗חַ דּ֣וֹר דּוֹרִֽים׃
ו יֵ֭רֵד כְּמָטָ֣ר עַל־גֵּ֑ז
כִּ֝רְבִיבִ֗ים זַרְזִ֥יף אָֽרֶץ׃
ז יִֽפְרַח־בְּיָמָ֥יו צַדִּ֑יק
וְרֹ֥ב שָׁ֝ל֗וֹם עַד־בְּלִ֥י יָרֵֽחַ׃
ח וְ֭יֵרְדְּ מִיָּ֣ם עַד־יָ֑ם
וּ֝מִנָּהָ֗ר עַד־אַפְסֵי־אָֽרֶץ׃
ט לְ֭פָנָיו יִכְרְע֣וּ צִיִּ֑ים
וְ֝אֹיְבָ֗יו עָפָ֥ר יְלַחֵֽכוּ׃
י מַלְכֵ֬י תַרְשִׁ֣ישׁ וְ֭אִיִּים
מִנְחָ֣ה יָשִׁ֑יבוּ
מַלְכֵ֥י שְׁבָ֥א וּ֝סְבָ֗א
אֶשְׁכָּ֥ר יַקְרִֽיבוּ׃
יא וְיִשְׁתַּחֲווּ־ל֥וֹ כׇל־מְלָכִ֑ים
כׇּל־גּוֹיִ֥ם יַעַבְדֽוּהוּ׃
יב כִּֽי־יַ֭צִּיל אֶבְי֣וֹן מְשַׁוֵּ֑עַ
וְ֝עָנִ֗י וְֽאֵין־עֹזֵ֥ר לֽוֹ׃
יג יָ֭חֹס עַל־דַּ֣ל וְאֶבְי֑וֹן
וְנַפְשׁ֖וֹת אֶבְיוֹנִ֣ים יוֹשִֽׁיעַ׃
יד מִתּ֣וֹךְ וּ֭מֵחָמָס יִגְאַ֣ל נַפְשָׁ֑ם
וְיֵיקַ֖ר דָּמָ֣ם בְּעֵינָֽיו׃
טו וִיחִ֗י וְיִתֶּן־לוֹ֮ מִזְּהַ֢ב שְׁ֫בָ֥א
וְיִתְפַּלֵּ֣ל בַּעֲד֣וֹ תָמִ֑יד
כׇּל־הַ֝יּ֗וֹם יְבָרְﬞכֶֽנְהוּ׃
טז יְהִ֤י פִסַּת־בַּ֨ר ׀ בָּאָ֮רֶץ֮ בְּרֹ֢אשׁ הָ֫רִ֥ים
יִרְעַ֣שׁ כַּלְּבָנ֣וֹן פִּרְי֑וֹ
וְיָצִ֥יצוּ מֵ֝עִ֗יר כְּעֵ֣שֶׂב הָאָֽרֶץ׃
יז יְהִ֤י שְׁמ֨וֹ ׀ לְֽעוֹלָ֗ם
לִפְנֵי־שֶׁ֮מֶשׁ֮ ינין יִנּ֢וֹן שְׁ֫מ֥וֹ
וְיִתְבָּ֥רְכוּ ב֑וֹ
כׇּל־גּוֹיִ֥ם יְאַשְּׁרֽוּהוּ׃
יח בָּר֤וּךְ ׀ יְהֹוָ֣ה אֱ֭לֹהִים אֱלֹהֵ֣י יִשְׂרָאֵ֑ל
עֹשֵׂ֖ה נִפְלָא֣וֹת לְבַדּֽוֹ׃
יט וּבָר֤וּךְ ׀ שֵׁ֥ם כְּבוֹד֗וֹ לְע֫וֹלָ֥ם
וְיִמָּלֵ֣א כְ֭בוֹדוֹ אֶת־כֹּ֥ל הָאָ֗רֶץ
אָ֘מֵ֥ן ׀ וְאָמֵֽן׃
י כ כׇּלּ֥וּ תְפִלּ֑וֹת
דָּ֝וִ֗ד בֶּן־יִשָֽׁי׃
מהדורות נוספות
לחץ למטה על [הראה] להצגת התוכן ↓
א לשלמה אלהים משפטיך למלך תן וצדקתך לבן מלך
ב ידין עמך בצדק וענייך במשפט
ג ישאו הרים שלום לעם וגבעות בצדקה
ד ישפט עניי עם יושיע לבני אביון וידכא עושק
ה ייראוך עם שמש ולפני ירח דור דורים
ו ירד כמטר על גז כרביבים זרזיף ארץ
ז יפרח בימיו צדיק ורב שלום עד בלי ירח
ח וירד מים עד ים ומנהר עד אפסי ארץ
ט לפניו יכרעו ציים ואיביו עפר ילחכו
י מלכי תרשיש ואיים מנחה ישיבו מלכי שבא וסבא אשכר יקריבו
יא וישתחוו לו כל מלכים כל גוים יעבדוהו
יב כי יציל אביון משוע ועני ואין עזר לו
יג יחס על דל ואביון ונפשות אביונים יושיע
יד מתוך ומחמס יגאל נפשם וייקר דמם בעיניו
טו ויחי ויתן לו מזהב שבא ויתפלל בעדו תמיד כל היום יברכנהו
טז יהי פסת בר בארץ בראש הרים ירעש כלבנון פריו ויציצו מעיר כעשב הארץ
יז יהי שמו לעולם לפני שמש ינין [ינון] שמו ויתברכו בו כל גוים יאשרוהו
יח ברוך יהוה אלהים אלהי ישראל עשה נפלאות לבדו
יט וברוך שם כבודו לעולם וימלא כבודו את כל הארץ אמן ואמן
כ כלו תפלות דוד בן ישי
א לִשְׁלֹמֹה אֱלֹהִים מִשְׁפָּטֶיךָ לְמֶלֶךְ תֵּן וְצִדְקָתְךָ לְבֶן מֶלֶךְ.
ב יָדִין עַמְּךָ בְצֶדֶק וַעֲנִיֶּיךָ בְמִשְׁפָּט.
ג יִשְׂאוּ הָרִים שָׁלוֹם לָעָם וּגְבָעוֹת בִּצְדָקָה.
ד יִשְׁפֹּט עֲנִיֵּי עָם יוֹשִׁיעַ לִבְנֵי אֶבְיוֹן וִידַכֵּא עוֹשֵׁק.
ה יִירָאוּךָ עִם שָׁמֶשׁ וְלִפְנֵי יָרֵחַ דּוֹר דּוֹרִים.
ו יֵרֵד כְּמָטָר עַל גֵּז כִּרְבִיבִים זַרְזִיף אָרֶץ.
ז יִפְרַח בְּיָמָיו צַדִּיק וְרֹב שָׁלוֹם עַד בְּלִי יָרֵחַ.
ח וְיֵרְדְּ מִיָּם עַד יָם וּמִנָּהָר עַד אַפְסֵי אָרֶץ.
ט לְפָנָיו יִכְרְעוּ צִיִּים וְאֹיְבָיו עָפָר יְלַחֵכוּ.
י מַלְכֵי תַרְשִׁישׁ וְאִיִּים מִנְחָה יָשִׁיבוּ מַלְכֵי שְׁבָא וּסְבָא אֶשְׁכָּר יַקְרִיבוּ.
יא וְיִשְׁתַּחֲווּ לוֹ כָל מְלָכִים כָּל גּוֹיִם יַעַבְדוּהוּ.
יב כִּי יַצִּיל אֶבְיוֹן מְשַׁוֵּעַ וְעָנִי וְאֵין עֹזֵר לוֹ.
יג יָחֹס עַל דַּל וְאֶבְיוֹן וְנַפְשׁוֹת אֶבְיוֹנִים יוֹשִׁיעַ.
יד מִתּוֹךְ וּמֵחָמָס יִגְאַל נַפְשָׁם וְיֵיקַר דָּמָם בְּעֵינָיו.
טו וִיחִי וְיִתֶּן לוֹ מִזְּהַב שְׁבָא וְיִתְפַּלֵּל בַּעֲדוֹ תָמִיד כָּל הַיּוֹם יְבָרֲכֶנְהוּ.
טז יְהִי פִסַּת בַּר בָּאָרֶץ בְּרֹאשׁ הָרִים יִרְעַשׁ כַּלְּבָנוֹן פִּרְיוֹ וְיָצִיצוּ מֵעִיר כְּעֵשֶׂב הָאָרֶץ.
יז יְהִי שְׁמוֹ לְעוֹלָם לִפְנֵי שֶׁמֶשׁ ינין [יִנּוֹן] שְׁמוֹ וְיִתְבָּרְכוּ בוֹ כָּל גּוֹיִם יְאַשְּׁרוּהוּ.
יח בָּרוּךְ יְהוָה אֱלֹהִים אֱלֹהֵי יִשְׂרָאֵל עֹשֵׂה נִפְלָאוֹת לְבַדּוֹ.
יט וּבָרוּךְ שֵׁם כְּבוֹדוֹ לְעוֹלָם וְיִמָּלֵא כְבוֹדוֹ אֶת כֹּל הָאָרֶץ אָמֵן וְאָמֵן.
כ כָּלּוּ תְפִלּוֹת דָּוִד בֶּן יִשָׁי.
(א) לִשְׁלֹמֹה אֱלֹהִים מִשְׁפָּטֶיךָ לְמֶלֶךְ תֵּן וְצִדְקָתְךָ לְבֶן מֶלֶךְ.
(ב) יָדִין עַמְּךָ בְצֶדֶק וַעֲנִיֶּיךָ בְמִשְׁפָּט.
(ג) יִשְׂאוּ הָרִים שָׁלוֹם לָעָם וּגְבָעוֹת בִּצְדָקָה.
(ד) יִשְׁפֹּט עֲנִיֵּי עָם יוֹשִׁיעַ לִבְנֵי אֶבְיוֹן וִידַכֵּא עוֹשֵׁק.
(ה) יִירָאוּךָ עִם שָׁמֶשׁ וְלִפְנֵי יָרֵחַ דּוֹר דּוֹרִים.
(ו) יֵרֵד כְּמָטָר עַל גֵּז כִּרְבִיבִים זַרְזִיף אָרֶץ.
(ז) יִפְרַח בְּיָמָיו צַדִּיק וְרֹב שָׁלוֹם עַד בְּלִי יָרֵחַ.
(ח) וְיֵרְדְּ מִיָּם עַד יָם וּמִנָּהָר עַד אַפְסֵי אָרֶץ.
(ט) לְפָנָיו יִכְרְעוּ צִיִּים וְאֹיְבָיו עָפָר יְלַחֵכוּ.
(י) מַלְכֵי תַרְשִׁישׁ וְאִיִּים מִנְחָה יָשִׁיבוּ מַלְכֵי שְׁבָא וּסְבָא אֶשְׁכָּר יַקְרִיבוּ.
(יא) וְיִשְׁתַּחֲווּ לוֹ כָל מְלָכִים כָּל גּוֹיִם יַעַבְדוּהוּ.
(יב) כִּי יַצִּיל אֶבְיוֹן מְשַׁוֵּעַ וְעָנִי וְאֵין עֹזֵר לוֹ.
(יג) יָחֹס עַל דַּל וְאֶבְיוֹן וְנַפְשׁוֹת אֶבְיוֹנִים יוֹשִׁיעַ.
(יד) מִתּוֹךְ וּמֵחָמָס יִגְאַל נַפְשָׁם וְיֵיקַר דָּמָם בְּעֵינָיו.
(טו) וִיחִי וְיִתֶּן לוֹ מִזְּהַב שְׁבָא וְיִתְפַּלֵּל בַּעֲדוֹ תָמִיד כָּל הַיּוֹם יְבָרֲכֶנְהוּ.
(טז) יְהִי פִסַּת בַּר בָּאָרֶץ בְּרֹאשׁ הָרִים יִרְעַשׁ כַּלְּבָנוֹן פִּרְיוֹ וְיָצִיצוּ מֵעִיר כְּעֵשֶׂב הָאָרֶץ.
(יז) יְהִי שְׁמוֹ לְעוֹלָם לִפְנֵי שֶׁמֶשׁ ינין [יִנּוֹן] שְׁמוֹ וְיִתְבָּרְכוּ בוֹ כָּל גּוֹיִם יְאַשְּׁרוּהוּ.
(יח) בָּרוּךְ יְהוָה אֱלֹהִים אֱלֹהֵי יִשְׂרָאֵל עֹשֵׂה נִפְלָאוֹת לְבַדּוֹ.
(יט) וּבָרוּךְ שֵׁם כְּבוֹדוֹ לְעוֹלָם וְיִמָּלֵא כְבוֹדוֹ אֶת כֹּל הָאָרֶץ אָמֵן וְאָמֵן.
(כ) כָּלּוּ תְפִלּוֹת דָּוִד בֶּן יִשָׁי.
- א לִשְׁלֹמֹה מזמור שדוד כתב לכבוד שלמה,
- אֱלֹהִים, מִשְׁפָּטֶיךָ בבקשה תן חכמה להבין וליישם את משפטיך לְמֶלֶךְ תֵּן, וְצִדְקָתְךָ חוכמה למשול בצדק לְבֶן מֶלֶךְ.
- ב יָדִין עַמְּךָ בְצֶדֶק, וַעֲנִיֶּיךָ בְמִשְׁפָּט.
- ג יִשְׂאוּ הָרִים שָׁלוֹם לָעָם שבהרים לא יתחבאו אויבים, וּגְבָעוֹת בִּצְדָקָה.
- ד יִשְׁפֹּט עֲנִיֵּי עָם, יוֹשִׁיעַ לִבְנֵי אֶבְיוֹן, וִידַכֵּא עוֹשֵׁק.
- ה יִירָאוּךָ יפחדו ממך עִם שָׁמֶשׁ כל זמן שהשמש מאירה, וְלִפְנֵי יָרֵחַ כל זמן שהירח קיים דּוֹר דּוֹרִים לדורי דורות, לנצח.
- ו יֵרֵד דבר המלך ירד כְּמָטָר עַל גֵּז עשב, כִּרְבִיבִים כטיפות זַרְזִיף כטיפטוף על אָרֶץ.
- ז יִפְרַח בְּיָמָיו בתקופת כהונתו של המלך צַדִּיק, וְרֹב שָׁלוֹם ויהיה שלום רב עַד בְּלִי יָרֵחַ עד שיכלה הירח, כלומר לעולמי עד.
| פרסקו משנת 1860 של דוד המלך מחזיק מגילה עם פסוק יא |
- ח וְיֵרְדְּ ימשול מִיָּם עַד יָם, וּמִנָּהָר מנהר פרת (השווה ל"וְשַׁתִּי אֶת גְּבֻלְךָ מִיַּם סוּף וְעַד יָם פְּלִשְׁתִּים וּמִמִּדְבָּר עַד הַנָּהָר" - שמות כג לא) עַד אַפְסֵי אָרֶץ קצה הארץ המיושבת, כלומר עד המדבר.
- ט לְפָנָיו יִכְרְעוּ צִיִּים אנשי המדבר (מלשון צייה), וְאֹיְבָיו עָפָר יְלַחֵכוּ.
- י מַלְכֵי תַרְשִׁישׁ וְאִיִּים מִנְחָה יָשִׁיבוּ יתנו לו מתנות, מַלְכֵי שְׁבָא וּסְבָא ראו בראשית י ז אֶשְׁכָּר מתנה יַקְרִיבוּ.
- יא וְיִשְׁתַּחֲווּ לוֹ כָל מְלָכִים, כָּל גּוֹיִם יַעַבְדוּהוּ.
- יב כִּי יַצִּיל כאשר המלך יציל אֶבְיוֹן מְשַׁוֵּעַ המתפלל לעזרה, וְעָנִי וְאֵין שאין עֹזֵר לוֹ.
- יג יָחֹס עַל דַּל וְאֶבְיוֹן, וְנַפְשׁוֹת אֶבְיוֹנִים יוֹשִׁיעַ.
- יד מִתּוֹךְ ממזימות וּמֵחָמָס יִגְאַל נַפְשָׁם, וְיֵיקַר דָּמָם בְּעֵינָיו.
- טו וִיחִי הדל יחיה, בעזרת המלך וְיִתֶּן לוֹ מִזְּהַב שְׁבָא מהמתנות שהמלך יקבל מממלכת שבא (לעיל פסוק י) יחלק המלך לעניים, וְיִתְפַּלֵּל בַּעֲדוֹ תָמִיד, כָּל הַיּוֹם יְבָרֲכֶנְהוּ.
- טז יְהִי פִסַּת שפע בַּר בָּאָרֶץ, בְּרֹאשׁ הָרִים ואפילו יגדל בראש הרים (שלרוב קשה לגדל בהם תבואה), יִרְעַשׁ מרוב שיהיו ענפיהם מרובים הם ירעישו ברוח כַּלְּבָנוֹן כעצי הלבנון פִּרְיוֹ הפירות הרבים של המלך, וְיָצִיצוּ יצמחו מֵעִיר אפילו בערים כְּעֵשֶׂב הָאָרֶץ.
- יז יְהִי שְׁמוֹ של המלך לְעוֹלָם, לִפְנֵי שֶׁמֶשׁ כל עוד קיימת השמש (ינין) יִנּוֹן יתברך שְׁמוֹ, וְיִתְבָּרְכוּ בוֹ, כָּל גּוֹיִם יְאַשְּׁרוּהוּ יאמרו לו "אשריך".
- יח בָּרוּךְ יְהוָה אֱלֹהִים אֱלֹהֵי יִשְׂרָאֵל, עֹשֵׂה נִפְלָאוֹת לְבַדּוֹ.
- יט וּבָרוּךְ שֵׁם כְּבוֹדוֹ לְעוֹלָם, וְיִמָּלֵא כְבוֹדוֹ אֶת כֹּל הָאָרֶץ, אָמֵן וְאָמֵן.
כ כָּלּוּ תְפִלּוֹת דָּוִד בֶּן יִשָׁי.
פסוקי הפרק
טקסטים נוספים העוסקים בפרק
פירושים ומאמרים על הפרק:
