איוב לא
קיצור דרך: t2731
תנ"ך > איוב > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב
הפרק במהדורה המוטעמת
לא א בְּ֭רִית כָּרַ֣תִּי לְעֵינָ֑י
וּמָ֥ה אֶ֝תְבּוֹנֵ֗ן עַל־בְּתוּלָֽה׃
ב וּמֶ֤ה חֵ֣לֶק אֱל֣וֹהַּ מִמָּ֑עַל
וְֽנַחֲלַ֥ת שַׁ֝דַּ֗י מִמְּרֹמִֽים׃
ג הֲלֹא־אֵ֥יד לְעַוָּ֑ל
וְ֝נֵ֗כֶר לְפֹ֣עֲלֵי אָֽוֶן׃
ד הֲלֹא־ה֭וּא יִרְאֶ֣ה דְרָכָ֑י
וְֽכׇל־צְעָדַ֥י יִסְפּֽוֹר׃
ה אִם־הָלַ֥כְתִּי עִם־שָׁ֑וְא
וַתַּ֖חַשׁ עַל־מִרְמָ֣ה רַגְלִֽי׃
ו יִשְׁקְלֵ֥נִי בְמֹֽאזְנֵי־צֶ֑דֶק
וְיֵדַ֥ע אֱ֝ל֗וֹהַּ תֻּמָּתִֽי׃
ז אִ֥ם־תִּטֶּ֣ה אַשֻּׁרִי֮ מִנִּ֢י הַ֫דָּ֥רֶךְ
וְאַחַ֣ר עֵ֭ינַי הָלַ֣ךְ לִבִּ֑י
וּ֝בְכַפַּ֗י דָּ֣בַק מֽאוּם׃
ח אֶ֭זְרְעָה וְאַחֵ֣ר יֹאכֵ֑ל
וְֽצֶאֱצָאַ֥י יְשֹׁרָֽשׁוּ׃
ט אִם־נִפְתָּ֣ה לִ֭בִּי עַל־אִשָּׁ֑ה
וְעַל־פֶּ֖תַח רֵעִ֣י אָרָֽבְתִּי׃
י תִּטְחַ֣ן לְאַחֵ֣ר אִשְׁתִּ֑י
וְ֝עָלֶ֗יהָ יִכְרְע֥וּן אֲחֵרִֽין׃
יא כִּי־הִ֥יא הוא זִמָּ֑ה
והיא וְ֝ה֗וּא עָוֺ֥ן פְּלִילִֽים׃
יב כִּ֤י אֵ֣שׁ הִ֭יא עַד־אֲבַדּ֣וֹן תֹּאכֵ֑ל
וּֽבְכׇל־תְּב֖וּאָתִ֣י תְשָׁרֵֽשׁ׃
יג אִם־אֶמְאַ֗ס מִשְׁפַּ֣ט עַ֭בְדִּי וַאֲמָתִ֑י
בְּ֝רִבָ֗ם עִמָּדִֽי׃
יד וּמָ֣ה אֶ֭עֱשֶׂה כִּֽי־יָק֣וּם אֵ֑ל
וְכִי־יִ֝פְקֹ֗ד מָ֣ה אֲשִׁיבֶֽנּוּ׃
טו הֲֽלֹא־בַ֭בֶּטֶן עֹשֵׂ֣נִי עָשָׂ֑הוּ
וַ֝יְכֻנֶ֗נּוּ בָּרֶ֥חֶם אֶחָֽד׃
טז אִם־אֶ֭מְנַע מֵחֵ֣פֶץ דַּלִּ֑ים
וְעֵינֵ֖י אַלְמָנָ֣ה אֲכַלֶּֽה׃
יז וְאֹכַ֣ל פִּתִּ֣י לְבַדִּ֑י
וְלֹֽא־אָכַ֖ל יָת֣וֹם מִמֶּֽנָּה׃
יח כִּ֣י מִ֭נְּעוּרַי גְּדֵלַ֣נִי כְאָ֑ב
וּמִבֶּ֖טֶן אִמִּ֣י אַנְחֶֽנָּה׃
יט אִם־אֶרְאֶ֣ה א֭וֹבֵד מִבְּלִ֣י לְב֑וּשׁ
וְאֵ֥ין כְּ֝ס֗וּת לָאֶבְיֽוֹן׃
כ אִם־לֹ֣א בֵרְﬞכ֣וּנִי חֲלָצָ֑ו
וּמִגֵּ֥ז כְּ֝בָשַׂ֗י יִתְחַמָּֽם׃
כא אִם־הֲנִיפ֣וֹתִי עַל־יָת֣וֹם יָדִ֑י
כִּֽי־אֶרְאֶ֥ה בַ֝שַּׁ֗עַר עֶזְרָתִֽי׃
כב כְּ֭תֵפִי מִשִּׁכְמָ֣הֿ תִפּ֑וֹל
וְ֝אֶזְרֹעִ֗י מִקָּנָ֥הֿ תִשָּׁבֵֽר׃
כג כִּ֤י פַ֣חַד אֵ֭לַי אֵ֣יד אֵ֑ל
וּ֝מִשְּׂאֵת֗וֹ לֹ֣א אוּכָֽל׃
כד אִם־שַׂ֣מְתִּי זָהָ֣ב כִּסְלִ֑י
וְ֝לַכֶּ֗תֶם אָמַ֥רְתִּי מִבְטַחִֽי׃
כה אִם־אֶ֭שְׂמַח כִּֽי־רַ֣ב חֵילִ֑י
וְכִֽי־כַ֝בִּ֗יר מָצְאָ֥ה יָדִֽי׃
כו אִם־אֶרְאֶ֣ה א֭וֹר כִּ֣י יָהֵ֑ל
וְ֝יָרֵ֗חַ יָקָ֥ר הֹלֵֽךְ׃
כז וַיִּ֣פְתְּ בַּסֵּ֣תֶר לִבִּ֑י
וַתִּשַּׁ֖ק יָדִ֣י לְפִֽי׃
כח גַּם־ה֭וּא עָוֺ֣ן פְּלִילִ֑י
כִּֽי־כִחַ֖שְׁתִּי לָאֵ֣ל מִמָּֽעַל׃
כט אִם־אֶ֭שְׂמַח בְּפִ֣יד מְשַׂנְאִ֑י
וְ֝הִתְעֹרַ֗רְתִּי כִּֽי־מְצָ֥אוֹ רָֽע׃
ל וְלֹא־נָתַ֣תִּי לַחֲטֹ֣א חִכִּ֑י
לִשְׁאֹ֖ל בְּאָלָ֣ה נַפְשֽׁוֹ׃
לא אִם־לֹ֣א אָ֭מְרוּ מְתֵ֣י אׇהֳלִ֑י
מִי־יִתֵּ֥ן מִ֝בְּשָׂר֗וֹ לֹ֣א נִשְׂבָּֽע׃
לב בַּ֭חוּץ לֹא־יָלִ֣ין גֵּ֑ר
דְּ֝לָתַ֗י לָאֹ֥רַח אֶפְתָּֽח׃
לג אִם־כִּסִּ֣יתִי כְאָדָ֣ם פְּשָׁעָ֑י
לִטְמ֖וֹן בְּחֻבִּ֣י עֲוֺנִֽי׃
לד כִּ֤י אֶעֱר֨וֹץ ׀ הָ֘מ֤וֹן רַבָּ֗ה
וּבוּז־מִשְׁפָּח֥וֹת יְחִתֵּ֑נִי
וָ֝אֶדֹּ֗ם לֹא־אֵ֥צֵא פָֽתַח׃
לה מִ֤י יִתֶּן־לִ֨י ׀ שֹׁ֘מֵ֤עַֽ לִ֗י
הֶן־תָּ֭וִי שַׁדַּ֣י יַעֲנֵ֑נִי
וְסֵ֥פֶר כָּ֝תַ֗ב אִ֣ישׁ רִיבִֽי׃
לו אִם־לֹ֣א עַל־שִׁ֭כְמִי אֶשָּׂאֶ֑נּוּ
אֶעֶנְדֶ֖נּוּ עֲטָר֣וֹת לִֽי׃
לז מִסְפַּ֣ר צְ֭עָדַי אַגִּידֶ֑נּוּ
כְּמוֹ־נָ֝גִ֗יד אֲקָֽרְﬞבֶֽנּוּ׃
לח אִם־עָ֭לַי אַדְמָתִ֣י תִזְעָ֑ק
וְ֝יַ֗חַד תְּלָמֶ֥יהָ יִבְכָּיֽוּן׃
לט אִם־כֹּ֭חָהּ אָכַ֣לְתִּי בְלִי־כָ֑סֶף
וְנֶ֖פֶשׁ בְּעָלֶ֣יהָ הִפָּֽחְתִּי׃
מ תַּ֤חַת חִטָּ֨ה ׀ יֵ֥צֵא ח֗וֹחַ
וְתַֽחַת־שְׂעֹרָ֥ה בׇאְשָׁ֑ה
תַּ֗֝מּוּ דִּבְרֵ֥י אִיּֽוֹב׃
מהדורות נוספות
לחץ למטה על [הראה] להצגת התוכן ↓
א ברית כרתי לעיני ומה אתבונן על בתולה
ב ומה חלק אלוה ממעל ונחלת שדי ממרמים
ג הלא איד לעול ונכר לפעלי און
ד הלא הוא יראה דרכי וכל צעדי יספור
ה אם הלכתי עם שוא ותחש על מרמה רגלי
ו ישקלני במאזני צדק וידע אלוה תמתי
ז אם תטה אשרי מני הדרך ואחר עיני הלך לבי ובכפי דבק מאום
ח אזרעה ואחר יאכל וצאצאי ישרשו ט אם נפתה לבי על אשה ועל פתח רעי ארבתי י תטחן לאחר אשתי ועליה יכרעון אחרין יא כי הוא [היא] זמה והיא [והוא] עון פלילים יב כי אש היא עד אבדון תאכל ובכל תבואתי תשרש יג אם אמאס משפט עבדי ואמתי ברבם עמדי יד ומה אעשה כי יקום אל וכי יפקד מה אשיבנו טו הלא בבטן עשני עשהו ויכננו ברחם אחד טז אם אמנע מחפץ דלים ועיני אלמנה אכלה יז ואכל פתי לבדי ולא אכל יתום ממנה יח כי מנעורי גדלני כאב ומבטן אמי אנחנה יט אם אראה אובד מבלי לבוש ואין כסות לאביון כ אם לא ברכוני חלצו [חלציו] ומגז כבשי יתחמם כא אם הניפותי על יתום ידי כי אראה בשער עזרתי כב כתפי משכמה תפול ואזרעי מקנה תשבר כג כי פחד אלי איד אל ומשאתו לא אוכל כד אם שמתי זהב כסלי ולכתם אמרתי מבטחי כה אם אשמח כי רב חילי וכי כביר מצאה ידי כו אם אראה אור כי יהל וירח יקר הלך כז ויפת בסתר לבי ותשק ידי לפי כח גם הוא עון פלילי כי כחשתי לאל ממעל כט אם אשמח בפיד משנאי והתעררתי כי מצאו רע ל ולא נתתי לחטא חכי לשאל באלה נפשו לא אם לא אמרו מתי אהלי מי יתן מבשרו לא נשבע לב בחוץ לא ילין גר דלתי לארח אפתח לג אם כסיתי כאדם פשעי לטמון בחבי עוני לד כי אערוץ המון רבה ובוז משפחות יחתני ואדם לא אצא פתח לה מי יתן לי שמע לי הן תוי שדי יענני וספר כתב איש ריבי לו אם לא על שכמי אשאנו אענדנו עטרות לי לז מספר צעדי אגידנו כמו נגיד אקרבנו לח אם עלי אדמתי תזעק ויחד תלמיה יבכיון לט אם כחה אכלתי בלי כסף ונפש בעליה הפחתי מ תחת חטה יצא חוח ותחת שערה באשה תמו דברי איוב
א בְּרִית כָּרַתִּי לְעֵינָי וּמָה אֶתְבּוֹנֵן עַל בְּתוּלָה.
ב וּמֶה חֵלֶק אֱלוֹהַּ מִמָּעַל וְנַחֲלַת שַׁדַּי מִמְּרֹמִים.
ג הֲלֹא אֵיד לְעַוָּל וְנֵכֶר לְפֹעֲלֵי אָוֶן.
ד הֲלֹא הוּא יִרְאֶה דְרָכָי וְכָל צְעָדַי יִסְפּוֹר.
ה אִם הָלַכְתִּי עִם שָׁוְא וַתַּחַשׁ עַל מִרְמָה רַגְלִי.
ו יִשְׁקְלֵנִי בְמֹאזְנֵי צֶדֶק וְיֵדַע אֱלוֹהַּ תֻּמָּתִי.
ז אִם תִּטֶּה אַשֻּׁרִי מִנִּי הַדָּרֶךְ וְאַחַר עֵינַי הָלַךְ לִבִּי וּבְכַפַּי דָּבַק מֻאוּם.
ח אֶזְרְעָה וְאַחֵר יֹאכֵל וְצֶאֱצָאַי יְשֹׁרָשׁוּ. ט אִם נִפְתָּה לִבִּי עַל אִשָּׁה וְעַל פֶּתַח רֵעִי אָרָבְתִּי. י תִּטְחַן לְאַחֵר אִשְׁתִּי וְעָלֶיהָ יִכְרְעוּן אֲחֵרִין. יא כִּי הוא [הִיא] זִמָּה והיא [וְהוּא] עָוֺן פְּלִילִים. יב כִּי אֵשׁ הִיא עַד אֲבַדּוֹן תֹּאכֵל וּבְכָל תְּבוּאָתִי תְשָׁרֵשׁ. יג אִם אֶמְאַס מִשְׁפַּט עַבְדִּי וַאֲמָתִי בְּרִבָם עִמָּדִי. יד וּמָה אֶעֱשֶׂה כִּי יָקוּם אֵל וְכִי יִפְקֹד מָה אֲשִׁיבֶנּוּ. טו הֲלֹא בַבֶּטֶן עֹשֵׂנִי עָשָׂהוּ וַיְכֻנֶנּוּ בָּרֶחֶם אֶחָד. טז אִם אֶמְנַע מֵחֵפֶץ דַּלִּים וְעֵינֵי אַלְמָנָה אֲכַלֶּה. יז וְאֹכַל פִּתִּי לְבַדִּי וְלֹא אָכַל יָתוֹם מִמֶּנָּה. יח כִּי מִנְּעוּרַי גְּדֵלַנִי כְאָב וּמִבֶּטֶן אִמִּי אַנְחֶנָּה. יט אִם אֶרְאֶה אוֹבֵד מִבְּלִי לְבוּשׁ וְאֵין כְּסוּת לָאֶבְיוֹן. כ אִם לֹא בֵרֲכוּנִי חלצו [חֲלָצָיו] וּמִגֵּז כְּבָשַׂי יִתְחַמָּם. כא אִם הֲנִיפוֹתִי עַל יָתוֹם יָדִי כִּי אֶרְאֶה בַשַּׁעַר עֶזְרָתִי. כב כְּתֵפִי מִשִּׁכְמָה תִפּוֹל וְאֶזְרֹעִי מִקָּנָה תִשָּׁבֵר. כג כִּי פַחַד אֵלַי אֵיד אֵל וּמִשְּׂאֵתוֹ לֹא אוּכָל. כד אִם שַׂמְתִּי זָהָב כִּסְלִי וְלַכֶּתֶם אָמַרְתִּי מִבְטַחִי. כה אִם אֶשְׂמַח כִּי רַב חֵילִי וְכִי כַבִּיר מָצְאָה יָדִי. כו אִם אֶרְאֶה אוֹר כִּי יָהֵל וְיָרֵחַ יָקָר הֹלֵךְ. כז וַיִּפְתְּ בַּסֵּתֶר לִבִּי וַתִּשַּׁק יָדִי לְפִי. כח גַּם הוּא עָוֺן פְּלִילִי כִּי כִחַשְׁתִּי לָאֵל מִמָּעַל. כט אִם אֶשְׂמַח בְּפִיד מְשַׂנְאִי וְהִתְעֹרַרְתִּי כִּי מְצָאוֹ רָע. ל וְלֹא נָתַתִּי לַחֲטֹא חִכִּי לִשְׁאֹל בְּאָלָה נַפְשׁוֹ. לא אִם לֹא אָמְרוּ מְתֵי אָהֳלִי מִי יִתֵּן מִבְּשָׂרוֹ לֹא נִשְׂבָּע. לב בַּחוּץ לֹא יָלִין גֵּר דְּלָתַי לָאֹרַח אֶפְתָּח. לג אִם כִּסִּיתִי כְאָדָם פְּשָׁעָי לִטְמוֹן בְּחֻבִּי עֲוֺנִי. לד כִּי אֶעֱרוֹץ הָמוֹן רַבָּה וּבוּז מִשְׁפָּחוֹת יְחִתֵּנִי וָאֶדֹּם לֹא אֵצֵא פָתַח. לה מִי יִתֶּן לִי שֹׁמֵעַ לִי הֶן תָּוִי שַׁדַּי יַעֲנֵנִי וְסֵפֶר כָּתַב אִישׁ רִיבִי. לו אִם לֹא עַל שִׁכְמִי אֶשָּׂאֶנּוּ אֶעֶנְדֶנּוּ עֲטָרוֹת לִי. לז מִסְפַּר צְעָדַי אַגִּידֶנּוּ כְּמוֹ נָגִיד אֲקָרֲבֶנּוּ. לח אִם עָלַי אַדְמָתִי תִזְעָק וְיַחַד תְּלָמֶיהָ יִבְכָּיוּן. לט אִם כֹּחָהּ אָכַלְתִּי בְלִי כָסֶף וְנֶפֶשׁ בְּעָלֶיהָ הִפָּחְתִּי. מ תַּחַת חִטָּה יֵצֵא חוֹחַ וְתַחַת שְׂעֹרָה בָאְשָׁה תַּמּוּ דִּבְרֵי אִיּוֹב.
(א) בְּרִית כָּרַתִּי לְעֵינָי וּמָה אֶתְבּוֹנֵן עַל בְּתוּלָה.
(ב) וּמֶה חֵלֶק אֱלוֹהַּ מִמָּעַל וְנַחֲלַת שַׁדַּי מִמְּרֹמִים.
(ג) הֲלֹא אֵיד לְעַוָּל וְנֵכֶר לְפֹעֲלֵי אָוֶן.
(ד) הֲלֹא הוּא יִרְאֶה דְרָכָי וְכָל צְעָדַי יִסְפּוֹר.
(ה) אִם הָלַכְתִּי עִם שָׁוְא וַתַּחַשׁ עַל מִרְמָה רַגְלִי.
(ו) יִשְׁקְלֵנִי בְמֹאזְנֵי צֶדֶק וְיֵדַע אֱלוֹהַּ תֻּמָּתִי.
(ז) אִם תִּטֶּה אַשֻּׁרִי מִנִּי הַדָּרֶךְ וְאַחַר עֵינַי הָלַךְ לִבִּי וּבְכַפַּי דָּבַק מֻאוּם.
(ח) אֶזְרְעָה וְאַחֵר יֹאכֵל וְצֶאֱצָאַי יְשֹׁרָשׁוּ.
(ט) אִם נִפְתָּה לִבִּי עַל אִשָּׁה וְעַל פֶּתַח רֵעִי אָרָבְתִּי.
(י) תִּטְחַן לְאַחֵר אִשְׁתִּי וְעָלֶיהָ יִכְרְעוּן אֲחֵרִין.
(יא) כִּי הוא [הִיא] זִמָּה והיא [וְהוּא] עָוֺן פְּלִילִים.
(יב) כִּי אֵשׁ הִיא עַד אֲבַדּוֹן תֹּאכֵל וּבְכָל תְּבוּאָתִי תְשָׁרֵשׁ.
(יג) אִם אֶמְאַס מִשְׁפַּט עַבְדִּי וַאֲמָתִי בְּרִבָם עִמָּדִי.
(יד) וּמָה אֶעֱשֶׂה כִּי יָקוּם אֵל וְכִי יִפְקֹד מָה אֲשִׁיבֶנּוּ.
(טו) הֲלֹא בַבֶּטֶן עֹשֵׂנִי עָשָׂהוּ וַיְכֻנֶנּוּ בָּרֶחֶם אֶחָד.
(טז) אִם אֶמְנַע מֵחֵפֶץ דַּלִּים וְעֵינֵי אַלְמָנָה אֲכַלֶּה.
(יז) וְאֹכַל פִּתִּי לְבַדִּי וְלֹא אָכַל יָתוֹם מִמֶּנָּה.
(יח) כִּי מִנְּעוּרַי גְּדֵלַנִי כְאָב וּמִבֶּטֶן אִמִּי אַנְחֶנָּה.
(יט) אִם אֶרְאֶה אוֹבֵד מִבְּלִי לְבוּשׁ וְאֵין כְּסוּת לָאֶבְיוֹן.
(כ) אִם לֹא בֵרֲכוּנִי חלצו [חֲלָצָיו] וּמִגֵּז כְּבָשַׂי יִתְחַמָּם.
(כא) אִם הֲנִיפוֹתִי עַל יָתוֹם יָדִי כִּי אֶרְאֶה בַשַּׁעַר עֶזְרָתִי.
(כב) כְּתֵפִי מִשִּׁכְמָה תִפּוֹל וְאֶזְרֹעִי מִקָּנָה תִשָּׁבֵר.
(כג) כִּי פַחַד אֵלַי אֵיד אֵל וּמִשְּׂאֵתוֹ לֹא אוּכָל.
(כד) אִם שַׂמְתִּי זָהָב כִּסְלִי וְלַכֶּתֶם אָמַרְתִּי מִבְטַחִי.
(כה) אִם אֶשְׂמַח כִּי רַב חֵילִי וְכִי כַבִּיר מָצְאָה יָדִי.
(כו) אִם אֶרְאֶה אוֹר כִּי יָהֵל וְיָרֵחַ יָקָר הֹלֵךְ.
(כז) וַיִּפְתְּ בַּסֵּתֶר לִבִּי וַתִּשַּׁק יָדִי לְפִי.
(כח) גַּם הוּא עָוֺן פְּלִילִי כִּי כִחַשְׁתִּי לָאֵל מִמָּעַל.
(כט) אִם אֶשְׂמַח בְּפִיד מְשַׂנְאִי וְהִתְעֹרַרְתִּי כִּי מְצָאוֹ רָע.
(ל) וְלֹא נָתַתִּי לַחֲטֹא חִכִּי לִשְׁאֹל בְּאָלָה נַפְשׁוֹ.
(לא) אִם לֹא אָמְרוּ מְתֵי אָהֳלִי מִי יִתֵּן מִבְּשָׂרוֹ לֹא נִשְׂבָּע.
(לב) בַּחוּץ לֹא יָלִין גֵּר דְּלָתַי לָאֹרַח אֶפְתָּח.
(לג) אִם כִּסִּיתִי כְאָדָם פְּשָׁעָי לִטְמוֹן בְּחֻבִּי עֲוֺנִי.
(לד) כִּי אֶעֱרוֹץ הָמוֹן רַבָּה וּבוּז מִשְׁפָּחוֹת יְחִתֵּנִי וָאֶדֹּם לֹא אֵצֵא פָתַח.
(לה) מִי יִתֶּן לִי שֹׁמֵעַ לִי הֶן תָּוִי שַׁדַּי יַעֲנֵנִי וְסֵפֶר כָּתַב אִישׁ רִיבִי.
(לו) אִם לֹא עַל שִׁכְמִי אֶשָּׂאֶנּוּ אֶעֶנְדֶנּוּ עֲטָרוֹת לִי.
(לז) מִסְפַּר צְעָדַי אַגִּידֶנּוּ כְּמוֹ נָגִיד אֲקָרֲבֶנּוּ.
(לח) אִם עָלַי אַדְמָתִי תִזְעָק וְיַחַד תְּלָמֶיהָ יִבְכָּיוּן.
(לט) אִם כֹּחָהּ אָכַלְתִּי בְלִי כָסֶף וְנֶפֶשׁ בְּעָלֶיהָ הִפָּחְתִּי.
(מ) תַּחַת חִטָּה יֵצֵא חוֹחַ וְתַחַת שְׂעֹרָה בָאְשָׁה תַּמּוּ דִּבְרֵי אִיּוֹב.
"
- א בְּרִית כָּרַתִּי לְעֵינָי החלטתי שאין מה לחפש יופי בעולם יותר, וּמָה אֶתְבּוֹנֵן עַל בְּתוּלָה?
- ב וּמֶה חֵלֶק אֱלוֹהַּ מִמָּעַל, וְנַחֲלַת שַׁדַּי מִמְּרֹמִים.
- ג הֲלֹא אֵיד לְעַוָּל, וְנֵכֶר האם יכול להיות שיתנכר ויעשה עצמו כאלו אין הוא האחראי? - לְפֹעֲלֵי אָוֶן?!
- ד הֲלֹא הוּא יִרְאֶה דְרָכָי, וְכָל צְעָדַי יִסְפּוֹר!
- ה אִם הָלַכְתִּי עִם שָׁוְא, וַתַּחַשׁ עַל מִרְמָה רַגְלִי.
- ו יִשְׁקְלֵנִי בְמֹאזְנֵי צֶדֶק, וְיֵדַע אֱלוֹהַּ תֻּמָּתִי!
- ז אִם תִּטֶּה אַשֻּׁרִי מִנִּי הַדָּרֶךְ - וְאַחַר עֵינַי הָלַךְ לִבִּי, וּבְכַפַּי דָּבַק מֻאוּם האם משהו שאינו בסדר דבק בי??
{פ}
- ח אֶזְרְעָה - וְאַחֵר יֹאכֵל, וְצֶאֱצָאַי - יְשֹׁרָשׁוּ יוציאו אותם ממקומם.
- ט אִם נִפְתָּה לִבִּי עַל אִשָּׁה? וְעַל פֶּתַח רֵעִי אָרָבְתִּי הרי מעולם לא עשיתי זאת לאחרים, למה לי זה קורה??
- י תִּטְחַן לְאַחֵר אשתי תכין לחם למישהו אחר - אִשְׁתִּי, וְעָלֶיהָ - יִכְרְעוּן אֲחֵרִין.
יא כִּי (הוא) הִיא זִמָּה, (והיא) וְהוּא עָוֺן פְּלִילִים.
- יב כִּי אֵשׁ - הִיא עַד אֲבַדּוֹן תֹּאכֵל! וּבְכָל תְּבוּאָתִי תְשָׁרֵשׁ.
- יג אִם אֶמְאַס מִשְׁפַּט האם אני יכול להתעלם כשבאים אלי עַבְדִּי וַאֲמָתִי, בְּרִבָם עִמָּדִי?
- יד וּמָה אֶעֱשֶׂה כִּי יָקוּם אֵל, וְכִי יִפְקֹד כשאני לא מוצא אותו, כשהוא חסר מבית המשפט מָה אֲשִׁיבֶנּוּ.
- טו הֲלֹא בַבֶּטֶן עֹשֵׂנִי עָשָׂהוּ, וַיְכֻנֶנּוּ בָּרֶחֶם אֶחָד!
- טז אִם אֶמְנַע מֵחֵפֶץ - דַּלִּים? וְעֵינֵי אַלְמָנָה אֲכַלֶּה?
- יז וְאֹכַל פִּתִּי לְבַדִּי? וְלֹא אָכַל יָתוֹם מִמֶּנָּה?
- יח כִּי מִנְּעוּרַי גְּדֵלַנִי - כְאָב, וּמִבֶּטֶן אִמִּי אַנְחֶנָּה!
- יט אִם אֶרְאֶה אוֹבֵד מִבְּלִי לְבוּשׁ, וְאֵין כְּסוּת לָאֶבְיוֹן?
- כ אִם לֹא בֵרֲכוּנִי (חלצו) חֲלָצָיו, וּמִגֵּז כְּבָשַׂי יִתְחַמָּם?
- כא אִם הֲנִיפוֹתִי עַל יָתוֹם יָדִי, כִּי אֶרְאֶה בַשַּׁעַר עֶזְרָתִי?
- כב כְּתֵפִי מִשִּׁכְמָה תִפּוֹל, וְאֶזְרֹעִי מִקָּנָה תִשָּׁבֵר!
- כג כִּי פַחַד אֵלַי אֵיד אֵל, וּמִשְּׂאֵתוֹ לֹא אוּכָל.
- כד אִם שַׂמְתִּי זָהָב כִּסְלִי? וְלַכֶּתֶם אָמַרְתִּי מִבְטַחִי?
- כה אִם אֶשְׂמַח כִּי רַב חֵילִי? וְכִי כַבִּיר מָצְאָה יָדִי?
- כו אִם אֶרְאֶה אוֹר כִּי יָהֵל אני לא שם לב שהשמש שוקעת!, וְיָרֵחַ יָקָר הֹלֵךְ?
- כז וַיִּפְתְּ בַּסֵּתֶר לִבִּי, וַתִּשַּׁק יָדִי לְפִי הצלחתי להשתיק את הפה שלי בעזרת היד:
- כח גַּם הוּא עָוֺן פְּלִילִי - כִּי כִחַשְׁתִּי לָאֵל מִמָּעַל!!
- כט אִם אֶשְׂמַח בְּפִיד מְשַׂנְאִי, וְהִתְעֹרַרְתִּי כִּי מְצָאוֹ רָע?
- ל וְלֹא נָתַתִּי לַחֲטֹא חִכִּי, לִשְׁאֹל בְּאָלָה נַפְשׁוֹ!
- לא אִם לֹא אָמְרוּ מְתֵי אָהֳלִי, מִי יִתֵּן מִבְּשָׂרוֹ לֹא נִשְׂבָּע?
- לב בַּחוּץ לֹא יָלִין גֵּר, דְּלָתַי לָאֹרַח אֶפְתָּח.
- לג אִם כִּסִּיתִי כְאָדָם פְּשָׁעָי, לִטְמוֹן בְּחֻבִּי עֲוֺנִי.
- לד כִּי אֶעֱרוֹץ הָמוֹן רַבָּה וּבוּז מִשְׁפָּחוֹת יְחִתֵּנִי, וָאֶדֹּם לֹא אֵצֵא פָתַח.
- לה מִי יִתֶּן לִי שֹׁמֵעַ לִי? הֶן תָּוִי שַׁדַּי יַעֲנֵנִי, וְסֵפֶר כָּתַב אִישׁ רִיבִי?!
- לו אִם לֹא עַל שִׁכְמִי אֶשָּׂאֶנּוּ, אֶעֶנְדֶנּוּ עֲטָרוֹת לִי.
- לז מִסְפַּר צְעָדַי אַגִּידֶנּוּ, כְּמוֹ נָגִיד אֲקָרֲבֶנּוּ.
- לח אִם עָלַי אַדְמָתִי תִזְעָק, וְיַחַד תְּלָמֶיהָ יִבְכָּיוּן?
- לט אִם כֹּחָהּ אָכַלְתִּי בְלִי כָסֶף, וְנֶפֶשׁ בְּעָלֶיהָ הִפָּחְתִּי?
- מ תַּחַת חִטָּה יֵצֵא חוֹחַ וְתַחַת שְׂעֹרָה בָאְשָׁה,
- תַּמּוּ דִּבְרֵי אִיּוֹב.
"
{פ}
פסוקי הפרק
טקסטים נוספים העוסקים בפרק
פירושים ומאמרים על הפרק: