איוב י
קיצור דרך: t2710
תנ"ך > איוב > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב
הפרק במהדורה המוטעמת
י א נָֽקְטָ֥ה נַפְשִׁ֗י בְּחַ֫יָּ֥י
אֶעֶזְבָ֣ה עָלַ֣י שִׂיחִ֑י
אֲ֝דַבְּרָ֗ה בְּמַ֣ר נַפְשִֽׁי׃
ב אֹמַ֣ר אֶל־אֱ֭לוֹהַּ אַל־תַּרְשִׁיעֵ֑נִי
ה֝וֹדִיעֵ֗נִי עַ֣ל מַה־תְּרִיבֵֽנִי׃
ג הֲט֤וֹב לְךָ֨ ׀ כִּֽי־תַעֲשֹׁ֗ק
כִּֽי־תִ֭מְאַס יְגִ֣יעַ כַּפֶּ֑יךָ
וְעַל־עֲצַ֖ת רְשָׁעִ֣ים הוֹפָֽעְתָּ׃
ד הַעֵינֵ֣י בָשָׂ֣ר לָ֑ךְ
אִם־כִּרְא֖וֹת אֱנ֣וֹשׁ תִּרְאֶֽה׃
ה הֲכִימֵ֣י אֱנ֣וֹשׁ יָמֶ֑יךָ
אִם־שְׁ֝נוֹתֶ֗יךָ כִּ֣ימֵי גָֽבֶר׃
ו כִּֽי־תְבַקֵּ֥שׁ לַעֲוֺנִ֑י
וּֽלְחַטָּאתִ֥י תִדְרֽוֹשׁ׃
ז עַֽל־דַּ֭עְתְּךָ כִּֽי־לֹ֣א אֶרְשָׁ֑ע
וְאֵ֖ין מִיָּדְךָ֣ מַצִּֽיל׃
ח יָדֶ֣יךָ עִ֭צְּבוּנִי וַֽיַּעֲשׂ֑וּנִי
יַ֥חַד סָ֝בִ֗יב וַֽתְּבַלְּעֵֽנִי׃
ט זְכׇר־נָ֭א כִּי־כַחֹ֣מֶר עֲשִׂיתָ֑נִי
וְֽאֶל־עָפָ֥ר תְּשִׁיבֵֽנִי׃
י הֲלֹ֣א כֶ֭חָלָב תַּתִּיכֵ֑נִי
וְ֝כַגְּבִנָּ֗ה תַּקְפִּיאֵֽנִי׃
יא ע֣וֹר וּ֭בָשָׂר תַּלְבִּישֵׁ֑נִי
וּֽבַעֲצָמ֥וֹת וְ֝גִידִ֗ים תְּשֹׂכְﬞכֵֽנִי׃
יב חַיִּ֣ים וָ֭חֶסֶד עָשִׂ֣יתָ עִמָּדִ֑י
וּ֝פְקֻדָּתְךָ֗ שָֽׁמְרָ֥ה רוּחִֽי׃
יג וְ֭אֵלֶּה צָפַ֣נְתָּ בִלְבָבֶ֑ךָ
יָ֝דַ֗עְתִּי כִּי־זֹ֥את עִמָּֽךְ׃
יד אִם־חָטָ֥אתִי וּשְׁמַרְתָּ֑נִי
וּ֝מֵעֲוֺנִ֗י לֹ֣א תְנַקֵּֽנִי׃
טו אִם־רָשַׁ֡עְתִּי אַלְלַ֬י לִ֗י
וְ֭צָדַקְתִּי לֹא־אֶשָּׂ֣א רֹאשִׁ֑י
שְׂבַ֥ע קָ֝ל֗וֹן וּרְאֵ֥ה עׇנְיִֽי׃
טז וְ֭יִגְאֶה כַּשַּׁ֣חַל תְּצוּדֵ֑נִי
וְ֝תָשֹׁ֗ב תִּתְפַּלָּא־בִֽי׃
יז תְּחַדֵּ֬שׁ עֵדֶ֨יךָ ׀ נֶגְדִּ֗י
וְתֶ֣רֶב כַּ֭עַשְׂךָ עִמָּדִ֑י
חֲלִיפ֖וֹת וְצָבָ֣א עִמִּֽי׃
יח וְלָ֣מָּה מֵ֭רֶחֶם הֹצֵאתָ֑נִי
אֶ֝גְוַ֗ע וְעַ֣יִן לֹֽא־תִרְאֵֽנִי׃
יט כַּאֲשֶׁ֣ר לֹא־הָיִ֣יתִי אֶהְיֶ֑ה
מִ֝בֶּ֗טֶן לַקֶּ֥בֶר אוּבָֽל׃
כ הֲלֹֽא־מְעַ֣ט יָמַ֣י יחדל וַחֲדָ֑ל
ישית וְשִׁ֥ית מִ֝מֶּ֗נִּי וְאַבְלִ֥יגָה מְּעָֽט׃
כא בְּטֶ֣רֶם אֵ֭לֵךְ וְלֹ֣א אָשׁ֑וּב
אֶל־אֶ֖רֶץ חֹ֣שֶׁךְ וְצַלְמָֽוֶת׃
כב אֶ֤רֶץ עֵפָ֨תָה ׀ כְּמ֥וֹ אֹ֗פֶל
צַ֭לְמָוֶת וְלֹ֥א סְדָרִ֗ים
וַתֹּ֥פַע כְּמוֹ־אֹֽפֶל׃
מהדורות נוספות
לחץ למטה על [הראה] להצגת התוכן ↓
א נקטה נפשי בחיי אעזבה עלי שיחי אדברה במר נפשי
ב אמר אל אלוה אל תרשיעני הודיעני על מה תריבני
ג הטוב לך כי תעשק כי תמאס יגיע כפיך ועל עצת רשעים הופעת
ד העיני בשר לך אם כראות אנוש תראה
ה הכימי אנוש ימיך אם שנותיך כימי גבר
ו כי תבקש לעוני ולחטאתי תדרוש
ז על דעתך כי לא ארשע ואין מידך מציל
ח ידיך עצבוני ויעשוני יחד סביב ותבלעני
ט זכר נא כי כחמר עשיתני ואל עפר תשיבני
י הלא כחלב תתיכני וכגבנה תקפיאני
יא עור ובשר תלבישני ובעצמות וגידים תסככני
יב חיים וחסד עשית עמדי ופקדתך שמרה רוחי
יג ואלה צפנת בלבבך ידעתי כי זאת עמך
יד אם חטאתי ושמרתני ומעוני לא תנקני
טו אם רשעתי אללי לי וצדקתי לא אשא ראשי שבע קלון וראה עניי
טז ויגאה כשחל תצודני ותשב תתפלא בי
יז תחדש עדיך נגדי ותרב כעשך עמדי חליפות וצבא עמי
יח ולמה מרחם הצאתני אגוע ועין לא תראני
יט כאשר לא הייתי אהיה מבטן לקבר אובל
כ הלא מעט ימי יחדל ישית [וחדל ושית] ממני ואבליגה מעט
כא בטרם אלך ולא אשוב אל ארץ חשך וצלמות
כב ארץ עפתה כמו אפל צלמות ולא סדרים ותפע כמו אפל
א נָקְטָה נַפְשִׁי בְּחַיָּי אֶעֶזְבָה עָלַי שִׂיחִי אֲדַבְּרָה בְּמַר נַפְשִׁי.
ב אֹמַר אֶל אֱלוֹהַּ אַל תַּרְשִׁיעֵנִי הוֹדִיעֵנִי עַל מַה תְּרִיבֵנִי.
ג הֲטוֹב לְךָ כִּי תַעֲשֹׁק כִּי תִמְאַס יְגִיעַ כַּפֶּיךָ וְעַל עֲצַת רְשָׁעִים הוֹפָעְתָּ.
ד הַעֵינֵי בָשָׂר לָךְ אִם כִּרְאוֹת אֱנוֹשׁ תִּרְאֶה.
ה הֲכִימֵי אֱנוֹשׁ יָמֶיךָ אִם שְׁנוֹתֶיךָ כִּימֵי גָבֶר.
ו כִּי תְבַקֵּשׁ לַעֲוֺנִי וּלְחַטָּאתִי תִדְרוֹשׁ.
ז עַל דַּעְתְּךָ כִּי לֹא אֶרְשָׁע וְאֵין מִיָּדְךָ מַצִּיל.
ח יָדֶיךָ עִצְּבוּנִי וַיַּעֲשׂוּנִי יַחַד סָבִיב וַתְּבַלְּעֵנִי.
ט זְכָר נָא כִּי כַחֹמֶר עֲשִׂיתָנִי וְאֶל עָפָר תְּשִׁיבֵנִי.
י הֲלֹא כֶחָלָב תַּתִּיכֵנִי וְכַגְּבִנָּה תַּקְפִּיאֵנִי.
יא עוֹר וּבָשָׂר תַּלְבִּישֵׁנִי וּבַעֲצָמוֹת וְגִידִים תְּסֹכְכֵנִי.
יב חַיִּים וָחֶסֶד עָשִׂיתָ עִמָּדִי וּפְקֻדָּתְךָ שָׁמְרָה רוּחִי.
יג וְאֵלֶּה צָפַנְתָּ בִלְבָבֶךָ יָדַעְתִּי כִּי זֹאת עִמָּךְ.
יד אִם חָטָאתִי וּשְׁמַרְתָּנִי וּמֵעֲוֺנִי לֹא תְנַקֵּנִי.
טו אִם רָשַׁעְתִּי אַלְלַי לִי וְצָדַקְתִּי לֹא אֶשָּׂא רֹאשִׁי שְׂבַע קָלוֹן וּרְאֵה עָנְיִי.
טז וְיִגְאֶה כַּשַּׁחַל תְּצוּדֵנִי וְתָשֹׁב תִּתְפַּלָּא בִי.
יז תְּחַדֵּשׁ עֵדֶיךָ נֶגְדִּי וְתֶרֶב כַּעַשְׂךָ עִמָּדִי חֲלִיפוֹת וְצָבָא עִמִּי.
יח וְלָמָּה מֵרֶחֶם הֹצֵאתָנִי אֶגְוַע וְעַיִן לֹא תִרְאֵנִי.
יט כַּאֲשֶׁר לֹא הָיִיתִי אֶהְיֶה מִבֶּטֶן לַקֶּבֶר אוּבָל.
כ הֲלֹא מְעַט יָמַי יחדל ישית [וַחֲדָל וְשִׁית] מִמֶּנִּי וְאַבְלִיגָה מְּעָט.
כא בְּטֶרֶם אֵלֵךְ וְלֹא אָשׁוּב אֶל אֶרֶץ חֹשֶׁךְ וְצַלְמָוֶת.
כב אֶרֶץ עֵיפָתָה כְּמוֹ אֹפֶל צַלְמָוֶת וְלֹא סְדָרִים וַתֹּפַע כְּמוֹ אֹפֶל.
(א) נָקְטָה נַפְשִׁי בְּחַיָּי אֶעֶזְבָה עָלַי שִׂיחִי אֲדַבְּרָה בְּמַר נַפְשִׁי.
(ב) אֹמַר אֶל אֱלוֹהַּ אַל תַּרְשִׁיעֵנִי הוֹדִיעֵנִי עַל מַה תְּרִיבֵנִי.
(ג) הֲטוֹב לְךָ כִּי תַעֲשֹׁק כִּי תִמְאַס יְגִיעַ כַּפֶּיךָ וְעַל עֲצַת רְשָׁעִים הוֹפָעְתָּ.
(ד) הַעֵינֵי בָשָׂר לָךְ אִם כִּרְאוֹת אֱנוֹשׁ תִּרְאֶה.
(ה) הֲכִימֵי אֱנוֹשׁ יָמֶיךָ אִם שְׁנוֹתֶיךָ כִּימֵי גָבֶר.
(ו) כִּי תְבַקֵּשׁ לַעֲוֺנִי וּלְחַטָּאתִי תִדְרוֹשׁ.
(ז) עַל דַּעְתְּךָ כִּי לֹא אֶרְשָׁע וְאֵין מִיָּדְךָ מַצִּיל.
(ח) יָדֶיךָ עִצְּבוּנִי וַיַּעֲשׂוּנִי יַחַד סָבִיב וַתְּבַלְּעֵנִי.
(ט) זְכָר נָא כִּי כַחֹמֶר עֲשִׂיתָנִי וְאֶל עָפָר תְּשִׁיבֵנִי.
(י) הֲלֹא כֶחָלָב תַּתִּיכֵנִי וְכַגְּבִנָּה תַּקְפִּיאֵנִי.
(יא) עוֹר וּבָשָׂר תַּלְבִּישֵׁנִי וּבַעֲצָמוֹת וְגִידִים תְּסֹכְכֵנִי.
(יב) חַיִּים וָחֶסֶד עָשִׂיתָ עִמָּדִי וּפְקֻדָּתְךָ שָׁמְרָה רוּחִי.
(יג) וְאֵלֶּה צָפַנְתָּ בִלְבָבֶךָ יָדַעְתִּי כִּי זֹאת עִמָּךְ.
(יד) אִם חָטָאתִי וּשְׁמַרְתָּנִי וּמֵעֲוֺנִי לֹא תְנַקֵּנִי.
(טו) אִם רָשַׁעְתִּי אַלְלַי לִי וְצָדַקְתִּי לֹא אֶשָּׂא רֹאשִׁי שְׂבַע קָלוֹן וּרְאֵה עָנְיִי.
(טז) וְיִגְאֶה כַּשַּׁחַל תְּצוּדֵנִי וְתָשֹׁב תִּתְפַּלָּא בִי.
(יז) תְּחַדֵּשׁ עֵדֶיךָ נֶגְדִּי וְתֶרֶב כַּעַשְׂךָ עִמָּדִי חֲלִיפוֹת וְצָבָא עִמִּי.
(יח) וְלָמָּה מֵרֶחֶם הֹצֵאתָנִי אֶגְוַע וְעַיִן לֹא תִרְאֵנִי.
(יט) כַּאֲשֶׁר לֹא הָיִיתִי אֶהְיֶה מִבֶּטֶן לַקֶּבֶר אוּבָל.
(כ) הֲלֹא מְעַט יָמַי יחדל ישית [וַחֲדָל וְשִׁית] מִמֶּנִּי וְאַבְלִיגָה מְּעָט.
(כא) בְּטֶרֶם אֵלֵךְ וְלֹא אָשׁוּב אֶל אֶרֶץ חֹשֶׁךְ וְצַלְמָוֶת.
(כב) אֶרֶץ עֵיפָתָה כְּמוֹ אֹפֶל צַלְמָוֶת וְלֹא סְדָרִים וַתֹּפַע כְּמוֹ אֹפֶל.
א נָקְטָה מאסה נַפְשִׁי בְּחַיָּי, אֶעֶזְבָה עָלַי שִׂיחִי אתן לצערי שישאר עלי (כי התייאשתי מלנסות מלדחות אותו), אֲדַבְּרָה בְּמַר נַפְשִׁי. ב אֹמַר אֶל אֱלוֹהַּ: "אַל תַּרְשִׁיעֵנִי, הוֹדִיעֵנִי עַל מַה תְּרִיבֵנִי. ג הֲטוֹב לְךָ כִּי תַעֲשֹׁק, כִּי תִמְאַס יְגִיעַ כַּפֶּיךָ, וְעַל עֲצַת רְשָׁעִים ובדרך בה הרשעים יועצים ללכת הוֹפָעְתָּ באת, נגלית. ד הַעֵינֵי בָשָׂר לָךְ, אִם כִּרְאוֹת אֱנוֹשׁ תִּרְאֶה. ה הֲכִימֵי אֱנוֹשׁ יָמֶיךָ האם חייך קצרים ומתוך חפזון טעית בדיני, אִם שְׁנוֹתֶיךָ כִּימֵי גָבֶר. ו כִּי תְבַקֵּשׁ לַעֲוֺנִי, וּלְחַטָּאתִי תִדְרוֹשׁ. ז עַל דַּעְתְּךָ יודע אתה כִּי לֹא אֶרְשָׁע, וְאֵין מִיָּדְךָ מַצִּיל ובכל זאת אתה מעניש אותי, ואין דרך להנצל מכך.
ח יָדֶיךָ עִצְּבוּנִי וַיַּעֲשׂוּנִי, יַחַד סָבִיב מכל הצדדים וַתְּבַלְּעֵנִי ותשחיתני. ט זְכָר נָא כִּי כַחֹמֶר כאילו אני עשוי מחמר עֲשִׂיתָנִי, וְאֶל עָפָר תְּשִׁיבֵנִי. י הֲלֹא כֶחָלָב תַּתִּיכֵנִי כטיפת חלב הנוצקת לתבנית כדי לעשות ממנה גבינה (ורומז גם לזרע שנראה כמו חלב שממנו נוצר הוולד), וְכַגְּבִנָּה ההופכת מנוזל (חלב) למוצק תַּקְפִּיאֵנִי. יא עוֹר וּבָשָׂר תַּלְבִּישֵׁנִי, וּבַעֲצָמוֹת וְגִידִים תְּסֹכְכֵנִי תפרוס מעלי כסוכה. יב חַיִּים וָחֶסֶד חיים של הבטחה לשמור עלי כל חיי עָשִׂיתָ עִמָּדִי, וּפְקֻדָּתְךָ שָׁמְרָה רוּחִי בפקודתך נשמרה רוחי בגופי מדי יום ביומו. פירוש אחר: רוחי שמרה על התפקיד שנתת לה.
יג וְאֵלֶּה הדברים בפסוקים הבאים צָפַנְתָּ בִלְבָבֶךָ, יָדַעְתִּי כִּי זֹאת עִמָּךְ שמור עמך: יד אִם חָטָאתִי - וּשְׁמַרְתָּנִי תשמור עלי שלא אמלט מעונש, וּמֵעֲוֺנִי לֹא תְנַקֵּנִי. טו אִם רָשַׁעְתִּי - אַלְלַי לִי אבוי לי, וְצָדַקְתִּי ואף אם צדקתי - לֹא אֶשָּׂא רֹאשִׁי אסבול יסורים ואכופף את ראשי בצער. שְׂבַע קָלוֹן שבעתי קלון וּרְאֵה עָנְיִי וראיתי את צערי. טז וְיִגְאֶה אתה מתגאה ביסורי כַּשַּׁחַל תְּצוּדֵנִי כאילו הייתי אריה שצדת אותי, וְתָשֹׁב תִּתְפַּלָּא בִי ותראה בי את פלאיך. יז תְּחַדֵּשׁ עֵדֶיךָ נגעיך, מכאוביך נֶגְדִּי, וְתֶרֶב כַּעַשְׂךָ כעסך עִמָּדִי, חֲלִיפוֹת ענשים מתחלפים, מגוונים וְצָבָא ענשים הבאים לתקופות קצובות ברצף עִמִּי.
יח
וְלָמָּה מֵרֶחֶם הֹצֵאתָנִי, אֶגְוַע הלוואי והייתי מת וְעַיִן לֹא תִרְאֵנִי.
יט
כַּאֲשֶׁר לֹא הָיִיתִי אֶהְיֶה, מִבֶּטֶן לַקֶּבֶר אוּבָל.
כ
הֲלֹא מְעַט יָמַי (יחדל) וַחֲדָל ולכן בבקשה חדל מליסר אותי, (ישית) וְשִׁית מִמֶּנִּי ושים (הסר) את ליבך ממני וְאַבְלִיגָה מְּעָט וכך אוכל להתעלם קצת מכאבי.
כא
בְּטֶרֶם אֵלֵךְ וְלֹא אָשׁוּב, אֶל אֶרֶץ חֹשֶׁךְ וְצַלְמָוֶת.
כב
אֶרֶץ עֵפָתָה חשוכה כְּמוֹ אֹפֶל, צַלְמָוֶת וְלֹא סְדָרִים ואי סדר, וַתֹּפַע כְּמוֹ אֹפֶל וגם אם תהיה שם זריחה היא תהיה אפלה".
{פ}
פסוקי הפרק
טקסטים נוספים העוסקים בפרק
פירושים ומאמרים על הפרק: