איוב טז
קיצור דרך: t2716
תנ"ך > איוב > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב
הפרק במהדורה המוטעמת
טז א וַיַּ֥עַן אִיּ֗וֹב וַיֹּאמַֽר׃
ב שָׁמַ֣עְתִּי כְאֵ֣לֶּה רַבּ֑וֹת
מְנַחֲמֵ֖י עָמָ֣ל כֻּלְּכֶֽם׃
ג הֲקֵ֥ץ לְדִבְרֵי־ר֑וּחַ
א֥וֹ מַה־יַּ֝מְרִֽיצְךָ֗ כִּ֣י תַֽעֲנֶֽה׃
ד גַּ֤ם ׀ אָנֹכִי֮ כָּכֶ֢ם אֲדַ֫בֵּ֥רָה
ל֤וּ יֵ֪שׁ נַפְשְׁכֶ֡ם תַּ֤חַת נַפְשִׁ֗י
אַחְבִּ֣ירָה עֲלֵיכֶ֣ם בְּמִלִּ֑ים
וְאָנִ֥יעָה עֲ֝לֵיכֶ֗ם בְּמ֣וֹ רֹאשִֽׁי׃
ה אֲאַמִּצְכֶ֥ם בְּמוֹ־פִ֑י
וְנִ֖יד שְׂפָתַ֣י יַחְשֹֽׂךְ׃
ו אִֽם־אֲ֭דַבְּרָה לֹא־יֵחָשֵׂ֣ךְ כְּאֵבִ֑י
וְ֝אַחְדְּלָ֗ה מַה־מִּנִּ֥י יַהֲלֹֽךְ׃
ז אַךְ־עַתָּ֥ה הֶלְאָ֑נִי
הֲ֝שִׁמּ֗וֹתָ כׇּל־עֲדָתִֽי׃
ח וַֽ֭תִּקְמְטֵנִי לְעֵ֣ד הָיָ֑ה
וַיָּ֥קׇם בִּ֥י כַ֝חֲשִׁ֗י בְּפָנַ֥י יַעֲנֶֽה׃
ט אַפּ֤וֹ טָרַ֨ף ׀ וַֽיִּשְׂטְמֵ֗נִי
חָרַ֣ק עָלַ֣י בְּשִׁנָּ֑יו
צָרִ֓י ׀ יִלְטֹ֖שׁ עֵינָ֣יו לִֽי׃
י פָּעֲר֬וּ עָלַ֨י ׀ בְּפִיהֶ֗ם
בְּ֭חֶרְפָּה הִכּ֣וּ לְחָיָ֑י
יַ֗֝חַד עָלַ֥י יִתְמַלָּאֽוּן׃
יא יַסְגִּירֵ֣נִי אֵ֭ל אֶ֣ל עֲוִ֑יל
וְעַל־יְדֵ֖י רְשָׁעִ֣ים יִרְטֵֽנִי׃
יב שָׁ֘לֵ֤ו הָיִ֨יתִי ׀ וַֽיְפַרְפְּרֵ֗נִי
וְאָחַ֣ז בְּ֭עׇרְפִּי וַֽיְפַצְפְּצֵ֑נִי
וַיְקִימֵ֥נִי ל֗֝וֹ לְמַטָּרָֽה׃
יג יָ֘סֹ֤בּוּ עָלַ֨י ׀ רַבָּ֗יו
יְפַלַּ֣ח כִּ֭לְיוֹתַי וְלֹ֣א יַחְמֹ֑ל
יִשְׁפֹּ֥ךְ לָ֝אָ֗רֶץ מְרֵרָתִֽי׃
יד יִפְרְצֵ֣נִי פֶ֭רֶץ עַל־פְּנֵי־פָ֑רֶץ
יָרֻ֖ץ עָלַ֣י כְּגִבּֽוֹר׃
טו שַׂ֣ק תָּ֭פַרְתִּי עֲלֵ֣י גִלְדִּ֑י
וְעֹלַ֖לְתִּי בֶעָפָ֣ר קַרְנִֽי׃
טז פָּנַ֣י חמרמרה חֳ֭מַרְמְרוּ מִנִּי־בֶ֑כִי
וְעַ֖ל עַפְעַפַּ֣י צַלְמָֽוֶת׃
יז עַ֭ל לֹא־חָמָ֣ס בְּכַפָּ֑י
וּֽתְפִלָּתִ֥י זַכָּֽה׃
יח אֶ֭רֶץ אַל־תְּכַסִּ֣י דָמִ֑י
וְֽאַל־יְהִ֥י מָ֝ק֗וֹם לְזַעֲקָתִֽי׃
יט גַּם־עַ֭תָּה הִנֵּה־בַשָּׁמַ֣יִם עֵדִ֑י
וְ֝שָׂהֲדִ֗י בַּמְּרֹמִֽים׃
כ מְלִיצַ֥י רֵעָ֑י
אֶל־אֱ֝ל֗וֹהַּ דָּלְפָ֥ה עֵינִֽי׃
כא וְיוֹכַ֣ח לְגֶ֣בֶר עִם־אֱל֑וֹהַּ
וּֽבֶן־אָדָ֥ם לְרֵעֵֽהוּ׃
כב כִּֽי־שְׁנ֣וֹת מִסְפָּ֣ר יֶאֱתָ֑יוּ
וְאֹ֖רַח לֹא־אָשׁ֣וּב אֶהֱלֹֽךְ׃
מהדורות נוספות
לחץ למטה על [הראה] להצגת התוכן ↓
א ויען איוב ויאמר
ב שמעתי כאלה רבות מנחמי עמל כלכם
ג הקץ לדברי רוח או מה ימריצך כי תענה
ד גם אנכי ככם אדברה לו יש נפשכם תחת נפשי אחבירה עליכם במלים ואניעה עליכם במו ראשי
ה אאמצכם במו פי וניד שפתי יחשך
ו אם אדברה לא יחשך כאבי ואחדלה מה מני יהלך
ז אך עתה הלאני השמות כל עדתי
ח ותקמטני לעד היה ויקם בי כחשי בפני יענה
ט אפו טרף וישטמני חרק עלי בשניו צרי ילטוש עיניו לי
י פערו עלי בפיהם בחרפה הכו לחיי יחד עלי יתמלאון
יא יסגירני אל אל עויל ועל ידי רשעים ירטני
יב שלו הייתי ויפרפרני ואחז בערפי ויפצפצני ויקימני לו למטרה
יג יסבו עלי רביו יפלח כליותי ולא יחמול ישפך לארץ מררתי
יד יפרצני פרץ על פני פרץ ירץ עלי כגבור
טו שק תפרתי עלי גלדי ועללתי בעפר קרני
טז פני חמרמרה [חמרמרו] מני בכי ועל עפעפי צלמות
יז על לא חמס בכפי ותפלתי זכה
יח ארץ אל תכסי דמי ואל יהי מקום לזעקתי
יט גם עתה הנה בשמים עדי ושהדי במרומים
כ מליצי רעי אל אלוה דלפה עיני
כא ויוכח לגבר עם אלוה ובן אדם לרעהו
כב כי שנות מספר יאתיו וארח לא אשוב אהלך
א וַיַּעַן אִיּוֹב וַיֹּאמַר.
ב שָׁמַעְתִּי כְאֵלֶּה רַבּוֹת מְנַחֲמֵי עָמָל כֻּלְּכֶם.
ג הֲקֵץ לְדִבְרֵי רוּחַ אוֹ מַה יַּמְרִיצְךָ כִּי תַעֲנֶה.
ד גַּם אָנֹכִי כָּכֶם אֲדַבֵּרָה לוּ יֵשׁ נַפְשְׁכֶם תַּחַת נַפְשִׁי אַחְבִּירָה עֲלֵיכֶם בְּמִלִּים וְאָנִיעָה עֲלֵיכֶם בְּמוֹ רֹאשִׁי.
ה אֲאַמִּצְכֶם בְּמוֹ פִי וְנִיד שְׂפָתַי יַחְשֹׂךְ.
ו אִם אֲדַבְּרָה לֹא יֵחָשֵׂךְ כְּאֵבִי וְאַחְדְּלָה מַה מִנִּי יַהֲלֹךְ.
ז אַךְ עַתָּה הֶלְאָנִי הֲשִׁמּוֹתָ כָּל עֲדָתִי.
ח וַתִּקְמְטֵנִי לְעֵד הָיָה וַיָּקָם בִּי כַחֲשִׁי בְּפָנַי יַעֲנֶה.
ט אַפּוֹ טָרַף וַיִּשְׂטְמֵנִי חָרַק עָלַי בְּשִׁנָּיו צָרִי יִלְטוֹשׁ עֵינָיו לִי.
י פָּעֲרוּ עָלַי בְּפִיהֶם בְּחֶרְפָּה הִכּוּ לְחָיָי יַחַד עָלַי יִתְמַלָּאוּן.
יא יַסְגִּירֵנִי אֵל אֶל עֲוִיל וְעַל יְדֵי רְשָׁעִים יִרְטֵנִי.
יב שָׁלֵו הָיִיתִי וַיְפַרְפְּרֵנִי וְאָחַז בְּעָרְפִּי וַיְפַצְפְּצֵנִי וַיְקִימֵנִי לוֹ לְמַטָּרָה.
יג יָסֹבּוּ עָלַי רַבָּיו יְפַלַּח כִּלְיוֹתַי וְלֹא יַחְמוֹל יִשְׁפֹּךְ לָאָרֶץ מְרֵרָתִי.
יד יִפְרְצֵנִי פֶרֶץ עַל פְּנֵי פָרֶץ יָרֻץ עָלַי כְּגִבּוֹר.
טו שַׂק תָּפַרְתִּי עֲלֵי גִלְדִּי וְעֹלַלְתִּי בֶעָפָר קַרְנִי.
טז פָּנַי חמרמרה [חֳמַרְמְרוּ] מִנִּי בֶכִי וְעַל עַפְעַפַּי צַלְמָוֶת.
יז עַל לֹא חָמָס בְּכַפָּי וּתְפִלָּתִי זַכָּה.
יח אֶרֶץ אַל תְּכַסִּי דָמִי וְאַל יְהִי מָקוֹם לְזַעֲקָתִי.
יט גַּם עַתָּה הִנֵּה בַשָּׁמַיִם עֵדִי וְשָׂהֲדִי בַּמְּרוֹמִים.
כ מְלִיצַי רֵעָי אֶל אֱלוֹהַ דָּלְפָה עֵינִי.
כא וְיוֹכַח לְגֶבֶר עִם אֱלוֹהַּ וּבֶן אָדָם לְרֵעֵהוּ.
כב כִּי שְׁנוֹת מִסְפָּר יֶאֱתָיוּ וְאֹרַח לֹא אָשׁוּב אֶהֱלֹךְ.
(א) וַיַּעַן אִיּוֹב וַיֹּאמַר.
(ב) שָׁמַעְתִּי כְאֵלֶּה רַבּוֹת מְנַחֲמֵי עָמָל כֻּלְּכֶם.
(ג) הֲקֵץ לְדִבְרֵי רוּחַ אוֹ מַה יַּמְרִיצְךָ כִּי תַעֲנֶה.
(ד) גַּם אָנֹכִי כָּכֶם אֲדַבֵּרָה לוּ יֵשׁ נַפְשְׁכֶם תַּחַת נַפְשִׁי אַחְבִּירָה עֲלֵיכֶם בְּמִלִּים וְאָנִיעָה עֲלֵיכֶם בְּמוֹ רֹאשִׁי.
(ה) אֲאַמִּצְכֶם בְּמוֹ פִי וְנִיד שְׂפָתַי יַחְשֹׂךְ.
(ו) אִם אֲדַבְּרָה לֹא יֵחָשֵׂךְ כְּאֵבִי וְאַחְדְּלָה מַה מִנִּי יַהֲלֹךְ.
(ז) אַךְ עַתָּה הֶלְאָנִי הֲשִׁמּוֹתָ כָּל עֲדָתִי.
(ח) וַתִּקְמְטֵנִי לְעֵד הָיָה וַיָּקָם בִּי כַחֲשִׁי בְּפָנַי יַעֲנֶה.
(ט) אַפּוֹ טָרַף וַיִּשְׂטְמֵנִי חָרַק עָלַי בְּשִׁנָּיו צָרִי יִלְטוֹשׁ עֵינָיו לִי.
(י) פָּעֲרוּ עָלַי בְּפִיהֶם בְּחֶרְפָּה הִכּוּ לְחָיָי יַחַד עָלַי יִתְמַלָּאוּן.
(יא) יַסְגִּירֵנִי אֵל אֶל עֲוִיל וְעַל יְדֵי רְשָׁעִים יִרְטֵנִי.
(יב) שָׁלֵו הָיִיתִי וַיְפַרְפְּרֵנִי וְאָחַז בְּעָרְפִּי וַיְפַצְפְּצֵנִי וַיְקִימֵנִי לוֹ לְמַטָּרָה.
(יג) יָסֹבּוּ עָלַי רַבָּיו יְפַלַּח כִּלְיוֹתַי וְלֹא יַחְמוֹל יִשְׁפֹּךְ לָאָרֶץ מְרֵרָתִי.
(יד) יִפְרְצֵנִי פֶרֶץ עַל פְּנֵי פָרֶץ יָרֻץ עָלַי כְּגִבּוֹר.
(טו) שַׂק תָּפַרְתִּי עֲלֵי גִלְדִּי וְעֹלַלְתִּי בֶעָפָר קַרְנִי.
(טז) פָּנַי חמרמרה [חֳמַרְמְרוּ] מִנִּי בֶכִי וְעַל עַפְעַפַּי צַלְמָוֶת.
(יז) עַל לֹא חָמָס בְּכַפָּי וּתְפִלָּתִי זַכָּה.
(יח) אֶרֶץ אַל תְּכַסִּי דָמִי וְאַל יְהִי מָקוֹם לְזַעֲקָתִי.
(יט) גַּם עַתָּה הִנֵּה בַשָּׁמַיִם עֵדִי וְשָׂהֲדִי בַּמְּרוֹמִים.
(כ) מְלִיצַי רֵעָי אֶל אֱלוֹהַ דָּלְפָה עֵינִי.
(כא) וְיוֹכַח לְגֶבֶר עִם אֱלוֹהַּ וּבֶן אָדָם לְרֵעֵהוּ.
(כב) כִּי שְׁנוֹת מִסְפָּר יֶאֱתָיוּ וְאֹרַח לֹא אָשׁוּב אֶהֱלֹךְ.
- א וַיַּעַן אִיּוֹב וַיֹּאמַר.
"
יתכן שהפרק הוא מקור לנביא ירמיהו וקינות איכה...
- ו אִם אֲדַבְּרָה - לֹא יֵחָשֵׂךְ כְּאֵבִי,
- וְאַחְדְּלָה - מַה מִנִּי יַהֲלֹךְ?
- ז אַךְ עַתָּה!? - הֶלְאָנִי! הֲשִׁמּוֹתָ כָּל עֲדָתִי!!
- ח וַתִּקְמְטֵנִי - לְעֵד הָיָה, וַיָּקָם בִּי כַחֲשִׁי! - בְּפָנַי יַעֲנֶה.
- ט אַפּוֹ כעסו (של האל) טָרַף - וַיִּשְׂטְמֵנִי! חָרַק עָלַי בְּשִׁנָּיו! צָרִי האויב שלי (משחק מלים עם צורי - הקב"ה השומר עליו) - יִלְטוֹשׁ עֵינָיו לִי.
- י פָּעֲרוּ עָלַי בְּפִיהֶם! בְּחֶרְפָּה הִכּוּ לְחָיָי! - יַחַד עָלַי יִתְמַלָּאוּן.
- יא יַסְגִּירֵנִי אֵל - אֶל עֲוִיל כאשר האות ו' נקראת כ-w זהו משחק מלים "מסוכן" בין אלילים ושם ה', וְעַל יְדֵי רְשָׁעִים יִרְטֵנִי.
- יב שָׁלֵו הָיִיתִי! - וַיְפַרְפְּרֵנִי... וְאָחַז בְּעָרְפִּי - וַיְפַצְפְּצֵנִי! וַיְקִימֵנִי לוֹ - לְמַטָּרָה לאימוני ירי חיצים. כלומר כל הטובה שהיתה לי היא רק כדי לצער אותי יותר.
- יג יָסֹבּוּ עָלַי - רַבָּיו. יְפַלַּח כִּלְיוֹתַי כליות ומרה - האיברים הפעילים בעת כעס ועצב - וְלֹא יַחְמוֹל. יִשְׁפֹּךְ לָאָרֶץ - מְרֵרָתִי.
- יד יִפְרְצֵנִי פֶרֶץ - עַל פְּנֵי פָרֶץ! יָרֻץ עָלַי - כְּגִבּוֹר!
"
פסוקי הפרק
טקסטים נוספים העוסקים בפרק
פירושים ומאמרים על הפרק: