תהלים לה

קיצור דרך: t2635

תנ"ך > תהלים > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה • נו • נז • נח • נט • ס • סא • סב • סג • סד • סה • סו • סז • סח • סט • ע • עא • עב • עג • עד • עה • עו • עז • עח • עט • פ • פא • פב • פג • פד • פה • פו • פז • פח • פט • צ • צא • צב • צג • צד • צה • צו • צז • צח • צט • ק • קא • קב • קג • קד • קה • קו • קז • קח • קט • קי • קיא • קיב • קיג • קיד • קטו • קטז • קיז • קיח • קיט • קכ • קכא • קכב • קכג • קכד • קכה • קכו • קכז • קכח • קכט • קל • קלא • קלב • קלג • קלד • קלה • קלו • קלז • קלח • קלט • קמ • קמא • קמב • קמג • קמד • קמה • קמו • קמז • קמח • קמט • קנ

<< | ספר תהלים • פרק ל"ה | >>

הפרק במהדורה המוטעמת

　　
לה א לְדָוִ֨ד ׀
רִיבָ֣ה יְ֭הֹוָה אֶת־יְרִיבַ֑י
לְ֝חַ֗ם אֶת־לֹחֲמָֽי׃
ב הַחֲזֵ֣ק מָגֵ֣ן וְצִנָּ֑ה
וְ֝ק֗וּמָה בְּעֶזְרָתִֽי׃
ג וְהָ֘רֵ֤ק חֲנִ֣ית וּ֭סְגֹר לִקְרַ֣את רֹדְפָ֑י
אֱמֹ֥ר לְ֝נַפְשִׁ֗י יְֽשֻׁעָתֵ֥ךְ אָֽנִי׃
ד יֵבֹ֣שׁוּ וְיִכָּלְמוּ֮ מְבַקְשֵׁ֢י נַ֫פְשִׁ֥י
יִסֹּ֣גוּ אָח֣וֹר וְיַחְפְּר֑וּ
חֹ֝שְׁבֵ֗י רָעָתִֽי׃
ה יִֽהְי֗וּ כְּמֹ֥ץ לִפְנֵי־ר֑וּחַ
וּמַלְאַ֖ךְ יְהֹוָ֣ה דּוֹחֶֽה׃
ו יְֽהִי־דַרְכָּ֗ם
חֹ֥שֶׁךְ וַחֲלַקְלַקֹּ֑ת
וּמַלְאַ֥ךְ יְ֝הֹוָ֗ה רֹדְפָֽם׃
ז כִּֽי־חִנָּ֣ם טָֽמְנוּ־לִ֭י שַׁ֣חַת רִשְׁתָּ֑ם
חִ֝נָּ֗ם חָפְר֥וּ לְנַפְשִֽׁי׃
ח תְּבוֹאֵ֣הוּ שׁוֹאָה֮ לֹֽא־יֵ֫דָ֥ע
וְרִשְׁתּ֣וֹ אֲשֶׁר־טָמַ֣ן תִּלְכְּד֑וֹ
בְּ֝שׁוֹאָ֗ה יִפׇּל־בָּֽהּ׃
ט וְ֭נַפְשִׁי תָּגִ֣יל בַּיהֹוָ֑ה
תָּ֝שִׂ֗ישׂ בִּישׁוּעָתֽוֹ׃
י כׇּ‍֥ל־עַצְמוֹתַ֨י ׀ תֹּאמַ֮רְנָה֮
יְהֹוָ֗ה מִ֥י־כָ֫מ֥וֹךָ
מַצִּ֣יל עָ֭נִי מֵחָזָ֣ק מִמֶּ֑נּוּ
וְעָנִ֥י וְ֝אֶבְי֗וֹן מִגֹּֽזְלֽוֹ׃
יא יְ֭קוּמוּן עֵדֵ֣י חָמָ֑ס
אֲשֶׁ֥ר לֹֽא־יָ֝דַ֗עְתִּי יִשְׁאָלֽוּנִי׃
יב יְשַׁלְּמ֣וּנִי רָ֭עָה תַּ֥חַת טוֹבָ֗ה
שְׁכ֣וֹל לְנַפְשִֽׁי׃
יג וַאֲנִ֤י ׀ בַּחֲלוֹתָ֡ם לְב֬וּשִׁי שָׂ֗ק
עִנֵּ֣יתִי בַצּ֣וֹם נַפְשִׁ֑י
וּ֝תְפִלָּתִ֗י עַל־חֵיקִ֥י תָשֽׁוּב׃
יד כְּרֵעַ־כְּאָ֣ח לִ֭י הִתְהַלָּ֑כְתִּי
כַּאֲבֶל־אֵ֗֝ם קֹדֵ֥ר שַׁחֽוֹתִי׃
טו וּבְצַלְעִי֮ שָׂמְח֢וּ וְֽנֶ֫אֱסָ֥פוּ
נֶאֶסְפ֬וּ עָלַ֣י נֵ֭כִים וְלֹ֣א יָדַ֑עְתִּי
קָרְע֥וּ וְלֹא־דָֽמּוּ׃
טז בְּ֭חַנְפֵי לַעֲגֵ֣י מָע֑וֹג
חָרֹ֖ק עָלַ֣י שִׁנֵּֽימוֹ׃
יז אֲדֹנָי֮ כַּמָּ֢ה תִ֫רְאֶ֥ה
הָשִׁ֣יבָה נַ֭פְשִׁי מִשֹּׁאֵיהֶ֑ם
מִ֝כְּפִירִ֗ים יְחִידָתִֽי׃
יח א֭וֹדְךָ בְּקָהָ֣ל רָ֑ב
בְּעַ֖ם עָצ֣וּם אֲהַלְﬞלֶֽךָּ׃
יט אַֽל־יִשְׂמְחוּ־לִ֣י אֹיְבַ֣י שֶׁ֑קֶר
שֹׂנְאַ֥י חִ֝נָּ֗ם יִקְרְצוּ־עָֽיִן׃
כ כִּ֤י לֹ֥א שָׁל֗וֹם יְדַ֫בֵּ֥רוּ
וְעַ֥ל רִגְעֵי־אֶ֑רֶץ
דִּבְרֵ֥י מִ֝רְמ֗וֹת יַחֲשֹׁבֽוּן׃
כא וַיַּרְחִ֥יבוּ עָלַ֗י פִּ֫יהֶ֥ם
אָ֭מְרוּ הֶאָ֣ח ׀ הֶאָ֑ח
רָאֲתָ֥ה עֵינֵֽנוּ׃
כב רָאִ֣יתָה יְ֭הֹוָה אַֽל־תֶּחֱרַ֑שׁ
אֲ֝דֹנָ֗י אַל־תִּרְחַ֥ק מִמֶּֽנִּי׃
כג הָעִ֣ירָה וְ֭הָקִיצָה לְמִשְׁפָּטִ֑י
אֱלֹהַ֖י וַאדֹנָ֣י לְרִיבִֽי׃
כד שׇׁפְטֵ֣נִי כְ֭צִדְקְךָ יְהֹוָ֥ה אֱלֹהָ֗י
וְאַל־יִשְׂמְחוּ־לִֽי׃
כה אַל־יֹאמְר֣וּ בְ֭לִבָּם הֶאָ֣ח נַפְשֵׁ֑נוּ
אַל־יֹ֝אמְר֗וּ בִּֽלַּעֲנֽוּהוּ׃
כו יֵ֘בֹ֤שׁוּ וְיַחְפְּר֨וּ ׀ יַחְדָּו֮ שְׂמֵחֵ֢י רָעָ֫תִ֥י
יִֽלְבְּשׁוּ־בֹ֥שֶׁת וּכְלִמָּ֑ה
הַֽמַּגְדִּילִ֥ים עָלָֽי׃
כז יָרֹ֣נּוּ וְיִשְׂמְחוּ֮ חֲפֵצֵ֢י צִ֫דְקִ֥י
וְיֹאמְר֣וּ תָ֭מִיד יִגְדַּ֣ל יְהֹוָ֑ה
הֶ֝חָפֵ֗ץ שְׁל֣וֹם עַבְדּֽוֹ׃
ה כח וּ֭לְשׁוֹנִי תֶּהְגֶּ֣ה צִדְקֶ֑ךָ
כׇּל־הַ֝יּ֗וֹם תְּהִלָּתֶֽךָ׃

מהדורות נוספות

לחץ למטה על [הראה] להצגת התוכן ↓

כתיב (אותיות בלבד)

א לדוד ריבה יהוה את יריבי לחם את לחמי ב החזק מגן וצנה וקומה בעזרתי ג והרק חנית וסגר לקראת רדפי אמר לנפשי ישעתך אני ד יבשו ויכלמו מבקשי נפשי יסגו אחור ויחפרו חשבי רעתי ה יהיו כמץ לפני רוח ומלאך יהוה דוחה ו יהי דרכם חשך וחלקלקות ומלאך יהוה רדפם ז כי חנם טמנו לי שחת רשתם חנם חפרו לנפשי ח תבואהו שואה לא ידע ורשתו אשר טמן תלכדו בשואה יפל בה ט ונפשי תגיל ביהוה תשיש בישועתו י כל עצמותי תאמרנה יהוה מי כמוך מציל עני מחזק ממנו ועני ואביון מגזלו יא יקומון עדי חמס אשר לא ידעתי ישאלוני יב ישלמוני רעה תחת טובה שכול לנפשי יג ואני בחלותם לבושי שק עניתי בצום נפשי ותפלתי על חיקי תשוב יד כרע כאח לי התהלכתי כאבל אם קדר שחותי טו ובצלעי שמחו ונאספו נאספו עלי נכים ולא ידעתי קרעו ולא דמו טז בחנפי לעגי מעוג חרק עלי שנימו יז אדני כמה תראה השיבה נפשי משאיהם מכפירים יחידתי יח אודך בקהל רב בעם עצום אהללך יט אל ישמחו לי איבי שקר שנאי חנם יקרצו עין כ כי לא שלום ידברו ועל רגעי ארץ דברי מרמות יחשבון כא וירחיבו עלי פיהם אמרו האח האח ראתה עינינו כב ראיתה יהוה אל תחרש אדני אל תרחק ממני כג העירה והקיצה למשפטי אלהי ואדני לריבי כד שפטני כצדקך יהוה אלהי ואל ישמחו לי כה אל יאמרו בלבם האח נפשנו אל יאמרו בלענוהו כו יבשו ויחפרו יחדו שמחי רעתי ילבשו בשת וכלמה המגדילים עלי כז ירנו וישמחו חפצי צדקי ויאמרו תמיד יגדל יהוה החפץ שלום עבדו כח ולשוני תהגה צדקך כל היום תהלתך

מנוקד

א לְדָוִד רִיבָה יְהוָה אֶת יְרִיבַי לְחַם אֶת לֹחֲמָי. ב הַחֲזֵק מָגֵן וְצִנָּה וְקוּמָה בְּעֶזְרָתִי. ג וְהָרֵק חֲנִית וּסְגֹר לִקְרַאת רֹדְפָי אֱמֹר לְנַפְשִׁי יְשֻׁעָתֵךְ אָנִי. ד יֵבֹשׁוּ וְיִכָּלְמוּ מְבַקְשֵׁי נַפְשִׁי יִסֹּגוּ אָחוֹר וְיַחְפְּרוּ חֹשְׁבֵי רָעָתִי. ה יִהְיוּ כְּמֹץ לִפְנֵי רוּחַ וּמַלְאַךְ יְהוָה דּוֹחֶה. ו יְהִי דַרְכָּם חֹשֶׁךְ וַחֲלַקְלַקּוֹת וּמַלְאַךְ יְהוָה רֹדְפָם. ז כִּי חִנָּם טָמְנוּ לִי שַׁחַת רִשְׁתָּם חִנָּם חָפְרוּ לְנַפְשִׁי. ח תְּבוֹאֵהוּ שׁוֹאָה לֹא יֵדָע וְרִשְׁתּוֹ אֲשֶׁר טָמַן תִּלְכְּדוֹ בְּשׁוֹאָה יִפָּל בָּהּ. ט וְנַפְשִׁי תָּגִיל בַּיהוָה תָּשִׂישׂ בִּישׁוּעָתוֹ. י כָּל עַצְמוֹתַי תֹּאמַרְנָה יְהוָה מִי כָמוֹךָ מַצִּיל עָנִי מֵחָזָק מִמֶּנּוּ וְעָנִי וְאֶבְיוֹן מִגֹּזְלוֹ. יא יְקוּמוּן עֵדֵי חָמָס אֲשֶׁר לֹא יָדַעְתִּי יִשְׁאָלוּנִי. יב יְשַׁלְּמוּנִי רָעָה תַּחַת טוֹבָה שְׁכוֹל לְנַפְשִׁי. יג וַאֲנִי בַּחֲלוֹתָם לְבוּשִׁי שָׂק עִנֵּיתִי בַצּוֹם נַפְשִׁי וּתְפִלָּתִי עַל חֵיקִי תָשׁוּב. יד כְּרֵעַ כְּאָח לִי הִתְהַלָּכְתִּי כַּאֲבֶל אֵם קֹדֵר שַׁחוֹתִי. טו וּבְצַלְעִי שָׂמְחוּ וְנֶאֱסָפוּ נֶאֶסְפוּ עָלַי נֵכִים וְלֹא יָדַעְתִּי קָרְעוּ וְלֹא דָמּוּ. טז בְּחַנְפֵי לַעֲגֵי מָעוֹג חָרֹק עָלַי שִׁנֵּימוֹ. יז אֲדֹנָי כַּמָּה תִּרְאֶה הָשִׁיבָה נַפְשִׁי מִשֹּׁאֵיהֶם מִכְּפִירִים יְחִידָתִי. יח אוֹדְךָ בְּקָהָל רָב בְּעַם עָצוּם אֲהַלְלֶךָּ. יט אַל יִשְׂמְחוּ לִי אֹיְבַי שֶׁקֶר שֹׂנְאַי חִנָּם יִקְרְצוּ עָיִן. כ כִּי לֹא שָׁלוֹם יְדַבֵּרוּ וְעַל רִגְעֵי אֶרֶץ דִּבְרֵי מִרְמוֹת יַחֲשֹׁבוּן. כא וַיַּרְחִיבוּ עָלַי פִּיהֶם אָמְרוּ הֶאָח הֶאָח רָאֲתָה עֵינֵינוּ. כב רָאִיתָה יְהוָה אַל תֶּחֱרַשׁ אֲדֹנָי אֲל תִּרְחַק מִמֶּנִּי. כג הָעִירָה וְהָקִיצָה לְמִשְׁפָּטִי אֱלֹהַי וַאדֹנָי לְרִיבִי. כד שָׁפְטֵנִי כְצִדְקְךָ יְהוָה אֱלֹהָי וְאַל יִשְׂמְחוּ לִי. כה אַל יֹאמְרוּ בְלִבָּם הֶאָח נַפְשֵׁנוּ אַל יֹאמְרוּ בִּלַּעֲנוּהוּ. כו יֵבֹשׁוּ וְיַחְפְּרוּ יַחְדָּו שְׂמֵחֵי רָעָתִי יִלְבְּשׁוּ בֹשֶׁת וּכְלִמָּה הַמַּגְדִּילִים עָלָי. כז יָרֹנּוּ וְיִשְׂמְחוּ חֲפֵצֵי צִדְקִי וְיֹאמְרוּ תָמִיד יִגְדַּל יְהוָה הֶחָפֵץ שְׁלוֹם עַבְדּוֹ. כח וּלְשׁוֹנִי תֶּהְגֶּה צִדְקֶךָ כָּל הַיּוֹם תְּהִלָּתֶךָ.

מנוקד ובשורות

(א) לְדָוִד רִיבָה יְהוָה אֶת יְרִיבַי לְחַם אֶת לֹחֲמָי.

(ב) הַחֲזֵק מָגֵן וְצִנָּה וְקוּמָה בְּעֶזְרָתִי.

(ג) וְהָרֵק חֲנִית וּסְגֹר לִקְרַאת רֹדְפָי אֱמֹר לְנַפְשִׁי יְשֻׁעָתֵךְ אָנִי.

(ד) יֵבֹשׁוּ וְיִכָּלְמוּ מְבַקְשֵׁי נַפְשִׁי יִסֹּגוּ אָחוֹר וְיַחְפְּרוּ חֹשְׁבֵי רָעָתִי.

(ה) יִהְיוּ כְּמֹץ לִפְנֵי רוּחַ וּמַלְאַךְ יְהוָה דּוֹחֶה.

(ו) יְהִי דַרְכָּם חֹשֶׁךְ וַחֲלַקְלַקּוֹת וּמַלְאַךְ יְהוָה רֹדְפָם.

(ז) כִּי חִנָּם טָמְנוּ לִי שַׁחַת רִשְׁתָּם חִנָּם חָפְרוּ לְנַפְשִׁי.

(ח) תְּבוֹאֵהוּ שׁוֹאָה לֹא יֵדָע וְרִשְׁתּוֹ אֲשֶׁר טָמַן תִּלְכְּדוֹ בְּשׁוֹאָה יִפָּל בָּהּ.

(ט) וְנַפְשִׁי תָּגִיל בַּיהוָה תָּשִׂישׂ בִּישׁוּעָתוֹ.

(י) כָּל עַצְמוֹתַי תֹּאמַרְנָה יְהוָה מִי כָמוֹךָ מַצִּיל עָנִי מֵחָזָק מִמֶּנּוּ וְעָנִי וְאֶבְיוֹן מִגֹּזְלוֹ.

(יא) יְקוּמוּן עֵדֵי חָמָס אֲשֶׁר לֹא יָדַעְתִּי יִשְׁאָלוּנִי.

(יב) יְשַׁלְּמוּנִי רָעָה תַּחַת טוֹבָה שְׁכוֹל לְנַפְשִׁי.

(יג) וַאֲנִי בַּחֲלוֹתָם לְבוּשִׁי שָׂק עִנֵּיתִי בַצּוֹם נַפְשִׁי וּתְפִלָּתִי עַל חֵיקִי תָשׁוּב.

(יד) כְּרֵעַ כְּאָח לִי הִתְהַלָּכְתִּי כַּאֲבֶל אֵם קֹדֵר שַׁחוֹתִי.

(טו) וּבְצַלְעִי שָׂמְחוּ וְנֶאֱסָפוּ נֶאֶסְפוּ עָלַי נֵכִים וְלֹא יָדַעְתִּי קָרְעוּ וְלֹא דָמּוּ.

(טז) בְּחַנְפֵי לַעֲגֵי מָעוֹג חָרֹק עָלַי שִׁנֵּימוֹ.

(יז) אֲדֹנָי כַּמָּה תִּרְאֶה הָשִׁיבָה נַפְשִׁי מִשֹּׁאֵיהֶם מִכְּפִירִים יְחִידָתִי.

(יח) אוֹדְךָ בְּקָהָל רָב בְּעַם עָצוּם אֲהַלְלֶךָּ.

(יט) אַל יִשְׂמְחוּ לִי אֹיְבַי שֶׁקֶר שֹׂנְאַי חִנָּם יִקְרְצוּ עָיִן.

(כ) כִּי לֹא שָׁלוֹם יְדַבֵּרוּ וְעַל רִגְעֵי אֶרֶץ דִּבְרֵי מִרְמוֹת יַחֲשֹׁבוּן.

(כא) וַיַּרְחִיבוּ עָלַי פִּיהֶם אָמְרוּ הֶאָח הֶאָח רָאֲתָה עֵינֵינוּ.

(כב) רָאִיתָה יְהוָה אַל תֶּחֱרַשׁ אֲדֹנָי אֲל תִּרְחַק מִמֶּנִּי.

(כג) הָעִירָה וְהָקִיצָה לְמִשְׁפָּטִי אֱלֹהַי וַאדֹנָי לְרִיבִי.

(כד) שָׁפְטֵנִי כְצִדְקְךָ יְהוָה אֱלֹהָי וְאַל יִשְׂמְחוּ לִי.

(כה) אַל יֹאמְרוּ בְלִבָּם הֶאָח נַפְשֵׁנוּ אַל יֹאמְרוּ בִּלַּעֲנוּהוּ.

(כו) יֵבֹשׁוּ וְיַחְפְּרוּ יַחְדָּו שְׂמֵחֵי רָעָתִי יִלְבְּשׁוּ בֹשֶׁת וּכְלִמָּה הַמַּגְדִּילִים עָלָי.

(כז) יָרֹנּוּ וְיִשְׂמְחוּ חֲפֵצֵי צִדְקִי וְיֹאמְרוּ תָמִיד יִגְדַּל יְהוָה הֶחָפֵץ שְׁלוֹם עַבְדּוֹ.

(כח) וּלְשׁוֹנִי תֶּהְגֶּה צִדְקֶךָ כָּל הַיּוֹם תְּהִלָּתֶךָ.

עם ביאור

קישור לפרק זה במהדורה המבוארת

א לְדָוִד

רִיבָה יְהוָה אֶת יְרִיבַי, לְחַם אֶת לֹחֲמָי.

ב הַחֲזֵק מָגֵן וְצִנָּה עוד סוג של מגן, וְקוּמָה בְּעֶזְרָתִי.

ג וְהָרֵק שלוף

להרחבה חֲנִית וּסְגֹר לִקְרַאת צא לקראת וסגור את דרכם של רֹדְפָי, אֱמֹר לְנַפְשִׁי: "יְשֻׁעָתֵךְ אָנִי".

ד יֵבֹשׁוּ וְיִכָּלְמוּ מְבַקְשֵׁי נַפְשִׁי, יִסֹּגוּ אָחוֹר וְיַחְפְּרוּ יתביישו חֹשְׁבֵי רָעָתִי.

ה יִהְיוּ כְּמֹץ לִפְנֵי רוּחַ, וּמַלְאַךְ יְהוָה דּוֹחֶה ידחה ויסלק אותם.

ו יְהִי דַרְכָּם חֹשֶׁךְ וַחֲלַקְלַקּוֹת מקום חלק, וּמַלְאַךְ יְהוָה רֹדְפָם.

ז כִּי חִנָּם שהרי מבלי שעשיתי להם רע טָמְנוּ לִי שַׁחַת רִשְׁתָּם את הרשת שלהם החבויה בבור, חִנָּם חָפְרוּ לְנַפְשִׁי הם חפרו לי את הבור.

ח תְּבוֹאֵהוּ שׁוֹאָה לֹא יֵדָע שהוא לא ידע להיזהר ממנה וְרִשְׁתּוֹ אֲשֶׁר טָמַן תִּלְכְּדוֹ, בְּשׁוֹאָה יִפָּל בָּהּ באסון הוא יפול בה, כלומר הנפילה ברשת (שהוא עצמו טמן) תביא לו אסון.

ט וְנַפְשִׁי תָּגִיל בַּיהוָה, תָּשִׂישׂ בִּישׁוּעָתוֹ.

י כָּל עַצְמוֹתַי תֹּאמַרְנָה: "יְהוָה - מִי כָמוֹךָ! מַצִּיל עָנִי מֵחָזָק מִמֶּנּוּ, וְעָנִי וְאֶבְיוֹן מִגֹּזְלוֹ".

יא יְקוּמוּן עֵדֵי חָמָס קמים עלי עדי שקר, אֲשֶׁר לֹא יָדַעְתִּי יִשְׁאָלוּנִי על עיניינים שאינני יודע הם שואלים אותי, כלומר הם טופלים עלי עלילות שווא.

יב יְשַׁלְּמוּנִי רָעָה תַּחַת טוֹבָה, שְׁכוֹל לְנַפְשִׁי הם רוצים להביא עלי שכול, בדידות.

יג וַאֲנִי בַּחֲלוֹתָם בעבר, כאשר הם היו חולים לְבוּשִׁי שָׂק לבשתי שק כדי להתענות ולהתפלל בשבילם, עִנֵּיתִי בַצּוֹם נַפְשִׁי, וּתְפִלָּתִי עַל חֵיקִי תָשׁוּב וכעת אני מבקש שתפילתי תעזור לי במצבי כעת.

יד כְּרֵעַ כְּאָח לִי כאילו הם חברי ואחים שלי הִתְהַלָּכְתִּי התנהגתי, כאשר הם חלו, כַּאֲבֶל אֵם כמו באבל על אימי - קֹדֵר שַׁחוֹתִי הלכתי בפנים שחורות וכפוף.

טו וּבְצַלְעִי וכאשר אני נפצעתי ברגלי שָׂמְחוּ וְנֶאֱסָפוּ, נֶאֶסְפוּ עָלַי נֵכִים ועשו עצמם נכי רוח, עצובים וְלֹא יָדַעְתִּי אני לא ידעתי שהם עושים את עצמם, קָרְעוּ פתחו את פיהם לרווחה, ללעוג לי וְלֹא דָמּוּ שתקו.

טז בְּחַנְפֵי בדברי חנופה לַעֲגֵי הם בעצם לועגים לי מָעוֹג והם עושים זאת תמורה עוגה קטנה שקיבלו משולחיהם, חָרֹק עָלַי שִׁנֵּימוֹ.

יז אֲדֹנָי, כַּמָּה תִּרְאֶה? הָשִׁיבָה נַפְשִׁי מִשֹּׁאֵיהֶם מהאסונות שהם מביאים עלי, מִכְּפִירִים יְחִידָתִי הצל את נפשי.

יח אוֹדְךָ בְּקָהָל רָב, בְּעַם עָצוּם אֲהַלְלֶךָּ.

יט אַל יִשְׂמְחוּ לִי אֹיְבַי שֶׁקֶר השונאים אותי מסיבות שיקריות, שֹׂנְאַי חִנָּם יִקְרְצוּ עָיִן שלא יקרצו כלפי בלעג.

כ כִּי לֹא שָׁלוֹם דברים שנוגדים את השלום, דברי מלחמה יְדַבֵּרוּ, וְעַל רִגְעֵי אֶרֶץ האנשים הרגועים שבארץ דִּבְרֵי מִרְמוֹת יַחֲשֹׁבוּן.

כא וַיַּרְחִיבוּ עָלַי פִּיהֶם, אָמְרוּ: "הֶאָח! הֶאָח! רָאֲתָה עֵינֵינוּ זכינו לראות את נפילת אויבינו".

כב רָאִיתָה יְהוָה, אַל תֶּחֱרַשׁ, אֲדֹנָי אֲל תִּרְחַק מִמֶּנִּי.

כג הָעִירָה וְהָקִיצָה לְמִשְׁפָּטִי, אֱלֹהַי וַאדֹנָי לְרִיבִי.

כד שָׁפְטֵנִי כְצִדְקְךָ יְהוָה אֱלֹהָי, וְאַל יִשְׂמְחוּ לִי.

כה אַל יֹאמְרוּ בְלִבָּם: "הֶאָח נַפְשֵׁנוּ הידד לנו", אַל יֹאמְרוּ: "בִּלַּעֲנוּהוּ הרסנו אותו".

כו יֵבֹשׁוּ וְיַחְפְּרוּ יַחְדָּו שְׂמֵחֵי רָעָתִי, יִלְבְּשׁוּ בֹשֶׁת וּכְלִמָּה הַמַּגְדִּילִים עָלָי המדברים עלי בגאוה.

כז יָרֹנּוּ וְיִשְׂמְחוּ חֲפֵצֵי צִדְקִי, וְיֹאמְרוּ תָמִיד: "יִגְדַּל יְהוָה, הֶחָפֵץ שְׁלוֹם עַבְדּוֹ הרוצה בטובת האדם העובד אותו".

כח וּלְשׁוֹנִי תֶּהְגֶּה צִדְקֶךָ, כָּל הַיּוֹם תְּהִלָּתֶךָ.

המהדורה המוטעמת מציגה את נוסח המקרא על פי המסורה. יתר מהדורות המקרא בוויקיטקסט מציגות את נוסח כתב יד לנינגרד (מהדורת וסטמינסטר). לפרטים מלאים ראו את ויקיטקסט:מקרא.