תהלים לד
קיצור דרך: t2634
תנ"ך > תהלים > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה • נו • נז • נח • נט • ס • סא • סב • סג • סד • סה • סו • סז • סח • סט • ע • עא • עב • עג • עד • עה • עו • עז • עח • עט • פ • פא • פב • פג • פד • פה • פו • פז • פח • פט • צ • צא • צב • צג • צד • צה • צו • צז • צח • צט • ק • קא • קב • קג • קד • קה • קו • קז • קח • קט • קי • קיא • קיב • קיג • קיד • קטו • קטז • קיז • קיח • קיט • קכ • קכא • קכב • קכג • קכד • קכה • קכו • קכז • קכח • קכט • קל • קלא • קלב • קלג • קלד • קלה • קלו • קלז • קלח • קלט • קמ • קמא • קמב • קמג • קמד • קמה • קמו • קמז • קמח • קמט • קנ
הפרק במהדורה המוטעמת
לד א לְדָוִ֗ד
בְּשַׁנּוֹת֣וֹ אֶת־טַ֭עְמוֹ לִפְנֵ֣י אֲבִימֶ֑לֶךְ
וַ֝יְגָרְﬞשֵׁ֗הוּ וַיֵּלַֽךְ׃
ב אֲבָרְﬞכָ֣ה אֶת־יְהֹוָ֣ה בְּכׇל־עֵ֑ת
תָּ֝מִ֗יד תְּֽהִלָּת֥וֹ בְּפִֽי׃
ג בַּ֭יהֹוָה תִּתְהַלֵּ֣ל נַפְשִׁ֑י
יִשְׁמְע֖וּ עֲנָוִ֣ים וְיִשְׂמָֽחוּ׃
ד גַּדְּל֣וּ לַיהֹוָ֣ה אִתִּ֑י
וּנְרוֹמְﬞמָ֖ה שְׁמ֣וֹ יַחְדָּֽו׃
ה דָּרַ֣שְׁתִּי אֶת־יְהֹוָ֣ה וְעָנָ֑נִי
וּמִכׇּל־מְ֝גוּרוֹתַ֗י הִצִּילָֽנִי׃
ו הִבִּ֣יטוּ אֵלָ֣יו וְנָהָ֑רוּ
וּ֝פְנֵיהֶ֗ם אַל־יֶחְפָּֽרוּ׃
ז זֶ֤ה עָנִ֣י קָ֭רָא וַיהֹוָ֣ה שָׁמֵ֑עַ
וּמִכׇּל־צָ֝רוֹתָ֗יו הוֹשִׁיעֽוֹ׃
ח חֹנֶ֤ה מַלְאַךְ־יְהֹוָ֓ה סָ֘בִ֤יב לִירֵאָ֗יו
וַֽיְחַלְּצֵֽם׃
ט טַעֲמ֣וּ וּ֭רְאוּ כִּֽי־ט֣וֹב יְהֹוָ֑ה
אַֽשְׁרֵ֥י הַ֝גֶּ֗בֶר יֶחֱסֶה־בּֽוֹ׃
י יְר֣אוּ אֶת־יְהֹוָ֣ה קְדֹשָׁ֑יו
כִּי־אֵ֥ין מַ֝חְס֗וֹר לִירֵאָֽיו׃
יא כְּ֭פִירִים רָשׁ֣וּ וְרָעֵ֑בוּ
וְדֹרְשֵׁ֥י יְ֝הֹוָ֗ה לֹא־יַחְסְר֥וּ כׇל־טֽוֹב׃
יב לְֽכוּ־בָ֭נִים שִׁמְעוּ־לִ֑י
יִֽרְאַ֥ת יְ֝הֹוָ֗ה אֲלַמֶּדְכֶֽם׃
יג מִֽי־הָ֭אִישׁ הֶחָפֵ֣ץ חַיִּ֑ים
אֹהֵ֥ב יָ֝מִ֗ים לִרְא֥וֹת טֽוֹב׃
יד נְצֹ֣ר לְשׁוֹנְךָ֣ מֵרָ֑ע
וּ֝שְׂפָתֶ֗יךָ מִדַּבֵּ֥ר מִרְמָֽה׃
טו ס֣וּר מֵ֭רָע וַעֲשֵׂה־ט֑וֹב
בַּקֵּ֖שׁ שָׁל֣וֹם וְרׇדְפֵֽהוּ׃
טז עֵינֵ֣י יְ֭הֹוָה אֶל־צַדִּיקִ֑ים
וְ֝אׇזְנָ֗יו אֶל־שַׁוְעָתָֽם׃
יז פְּנֵ֣י יְ֭הֹוָה בְּעֹ֣שֵׂי רָ֑ע
לְהַכְרִ֖ית מֵאֶ֣רֶץ זִכְרָֽם׃
יח צָ֭עֲקוּ וַיהֹוָ֣ה שָׁמֵ֑עַ
וּמִכׇּל־צָ֝רוֹתָ֗ם הִצִּילָֽם׃
יט קָר֣וֹב יְ֭הֹוָה לְנִשְׁבְּרֵי־לֵ֑ב
וְֽאֶת־דַּכְּאֵי־ר֥וּחַ יוֹשִֽׁיעַ׃
כ רַ֭בּוֹת רָע֣וֹת צַדִּ֑יק
וּ֝מִכֻּלָּ֗ם יַצִּילֶ֥נּוּ יְהֹוָֽה׃
כא שֹׁמֵ֥ר כׇּל־עַצְמוֹתָ֑יו
אַחַ֥ת מֵ֝הֵ֗נָּה לֹ֣א נִשְׁבָּֽרָה׃
כב תְּמוֹתֵ֣ת רָשָׁ֣ע רָעָ֑ה
וְשֹׂנְאֵ֖י צַדִּ֣יק יֶאְשָֽׁמוּ׃
כג פֹּדֶ֣ה יְ֭הֹוָה נֶ֣פֶשׁ עֲבָדָ֑יו
וְלֹ֥א יֶ֝אְשְׁמ֗וּ כׇּֽל־הַחֹסִ֥ים בּֽוֹ׃
מהדורות נוספות
לחץ למטה על [הראה] להצגת התוכן ↓
א לדוד בשנותו את טעמו לפני אבימלך ויגרשהו וילך
ב אברכה את יהוה בכל עת תמיד תהלתו בפי
ג ביהוה תתהלל נפשי ישמעו ענוים וישמחו
ד גדלו ליהוה אתי ונרוממה שמו יחדו
ה דרשתי את יהוה וענני ומכל מגורותי הצילני
ו הביטו אליו ונהרו ופניהם אל יחפרו
ז זה עני קרא ויהוה שמע ומכל צרותיו הושיעו
ח חנה מלאך יהוה סביב ליראיו ויחלצם
ט טעמו וראו כי טוב יהוה אשרי הגבר יחסה בו
י יראו את יהוה קדשיו כי אין מחסור ליראיו
יא כפירים רשו ורעבו ודרשי יהוה לא יחסרו כל טוב
יב לכו בנים שמעו לי יראת יהוה אלמדכם
יג מי האיש החפץ חיים אהב ימים לראות טוב
יד נצר לשונך מרע ושפתיך מדבר מרמה
טו סור מרע ועשה טוב בקש שלום ורדפהו
טז עיני יהוה אל צדיקים ואזניו אל שועתם
יז פני יהוה בעשי רע להכרית מארץ זכרם
יח צעקו ויהוה שמע ומכל צרותם הצילם
יט קרוב יהוה לנשברי לב ואת דכאי רוח יושיע
כ רבות רעות צדיק ומכלם יצילנו יהוה
כא שמר כל עצמותיו אחת מהנה לא נשברה
כב תמותת רשע רעה ושנאי צדיק יאשמו
כג פודה יהוה נפש עבדיו ולא יאשמו כל החסים בו
א לְדָוִד בְּשַׁנּוֹתוֹ אֶת טַעְמוֹ לִפְנֵי אֲבִימֶלֶךְ וַיְגָרֲשֵׁהוּ וַיֵּלַךְ.
ב אֲבָרֲכָה אֶת יְהוָה בְּכָל עֵת תָּמִיד תְּהִלָּתוֹ בְּפִי.
ג בַּיהוָה תִּתְהַלֵּל נַפְשִׁי יִשְׁמְעוּ עֲנָוִים וְיִשְׂמָחוּ.
ד גַּדְּלוּ לַיהוָה אִתִּי וּנְרוֹמְמָה שְׁמוֹ יַחְדָּו.
ה דָּרַשְׁתִּי אֶת יְהוָה וְעָנָנִי וּמִכָּל מְגוּרוֹתַי הִצִּילָנִי.
ו הִבִּיטוּ אֵלָיו וְנָהָרוּ וּפְנֵיהֶם אַל יֶחְפָּרוּ.
ז זֶה עָנִי קָרָא וַיהוָה שָׁמֵעַ וּמִכָּל צָרוֹתָיו הוֹשִׁיעוֹ.
ח חֹנֶה מַלְאַךְ יְהוָה סָבִיב לִירֵאָיו וַיְחַלְּצֵם.
ט טַעֲמוּ וּרְאוּ כִּי טוֹב יְהוָה אַשְׁרֵי הַגֶּבֶר יֶחֱסֶה בּוֹ.
י יְראוּ אֶת יְהוָה קְדֹשָׁיו כִּי אֵין מַחְסוֹר לִירֵאָיו.
יא כְּפִירִים רָשׁוּ וְרָעֵבוּ וְדֹרְשֵׁי יְהוָה לֹא יַחְסְרוּ כָל טוֹב.
יב לְכוּ בָנִים שִׁמְעוּ לִי יִרְאַת יְהוָה אֲלַמֶּדְכֶם.
יג מִי הָאִישׁ הֶחָפֵץ חַיִּים אֹהֵב יָמִים לִרְאוֹת טוֹב.
יד נְצֹר לְשׁוֹנְךָ מֵרָע וּשְׂפָתֶיךָ מִדַּבֵּר מִרְמָה.
טו סוּר מֵרָע וַעֲשֵׂה טוֹב בַּקֵּשׁ שָׁלוֹם וְרָדְפֵהוּ.
טז עֵינֵי יְהוָה אֶל צַדִּיקִים וְאָזְנָיו אֶל שַׁוְעָתָם.
יז פְּנֵי יְהוָה בְּעֹשֵׂי רָע לְהַכְרִית מֵאֶרֶץ זִכְרָם.
יח צָעֲקוּ וַיהוָה שָׁמֵעַ וּמִכָּל צָרוֹתָם הִצִּילָם.
יט קָרוֹב יְהוָה לְנִשְׁבְּרֵי לֵב וְאֶת דַּכְּאֵי רוּחַ יוֹשִׁיעַ.
כ רַבּוֹת רָעוֹת צַדִּיק וּמִכֻּלָּם יַצִּילֶנּוּ יְהוָה.
כא שֹׁמֵר כָּל עַצְמוֹתָיו אַחַת מֵהֵנָּה לֹא נִשְׁבָּרָה.
כב תְּמוֹתֵת רָשָׁע רָעָה וְשֹׂנְאֵי צַדִּיק יֶאְשָׁמוּ.
כג פּוֹדֶה יְהוָה נֶפֶשׁ עֲבָדָיו וְלֹא יֶאְשְׁמוּ כָּל הַחֹסִים בּוֹ.
(א) לְדָוִד בְּשַׁנּוֹתוֹ אֶת טַעְמוֹ לִפְנֵי אֲבִימֶלֶךְ וַיְגָרֲשֵׁהוּ וַיֵּלַךְ.
(ב) אֲבָרֲכָה אֶת יְהוָה בְּכָל עֵת תָּמִיד תְּהִלָּתוֹ בְּפִי.
(ג) בַּיהוָה תִּתְהַלֵּל נַפְשִׁי יִשְׁמְעוּ עֲנָוִים וְיִשְׂמָחוּ.
(ד) גַּדְּלוּ לַיהוָה אִתִּי וּנְרוֹמְמָה שְׁמוֹ יַחְדָּו.
(ה) דָּרַשְׁתִּי אֶת יְהוָה וְעָנָנִי וּמִכָּל מְגוּרוֹתַי הִצִּילָנִי.
(ו) הִבִּיטוּ אֵלָיו וְנָהָרוּ וּפְנֵיהֶם אַל יֶחְפָּרוּ.
(ז) זֶה עָנִי קָרָא וַיהוָה שָׁמֵעַ וּמִכָּל צָרוֹתָיו הוֹשִׁיעוֹ.
(ח) חֹנֶה מַלְאַךְ יְהוָה סָבִיב לִירֵאָיו וַיְחַלְּצֵם.
(ט) טַעֲמוּ וּרְאוּ כִּי טוֹב יְהוָה אַשְׁרֵי הַגֶּבֶר יֶחֱסֶה בּוֹ.
(י) יְראוּ אֶת יְהוָה קְדֹשָׁיו כִּי אֵין מַחְסוֹר לִירֵאָיו.
(יא) כְּפִירִים רָשׁוּ וְרָעֵבוּ וְדֹרְשֵׁי יְהוָה לֹא יַחְסְרוּ כָל טוֹב.
(יב) לְכוּ בָנִים שִׁמְעוּ לִי יִרְאַת יְהוָה אֲלַמֶּדְכֶם.
(יג) מִי הָאִישׁ הֶחָפֵץ חַיִּים אֹהֵב יָמִים לִרְאוֹת טוֹב.
(יד) נְצֹר לְשׁוֹנְךָ מֵרָע וּשְׂפָתֶיךָ מִדַּבֵּר מִרְמָה.
(טו) סוּר מֵרָע וַעֲשֵׂה טוֹב בַּקֵּשׁ שָׁלוֹם וְרָדְפֵהוּ.
(טז) עֵינֵי יְהוָה אֶל צַדִּיקִים וְאָזְנָיו אֶל שַׁוְעָתָם.
(יז) פְּנֵי יְהוָה בְּעֹשֵׂי רָע לְהַכְרִית מֵאֶרֶץ זִכְרָם.
(יח) צָעֲקוּ וַיהוָה שָׁמֵעַ וּמִכָּל צָרוֹתָם הִצִּילָם.
(יט) קָרוֹב יְהוָה לְנִשְׁבְּרֵי לֵב וְאֶת דַּכְּאֵי רוּחַ יוֹשִׁיעַ.
(כ) רַבּוֹת רָעוֹת צַדִּיק וּמִכֻּלָּם יַצִּילֶנּוּ יְהוָה.
(כא) שֹׁמֵר כָּל עַצְמוֹתָיו אַחַת מֵהֵנָּה לֹא נִשְׁבָּרָה.
(כב) תְּמוֹתֵת רָשָׁע רָעָה וְשֹׂנְאֵי צַדִּיק יֶאְשָׁמוּ.
(כג) פּוֹדֶה יְהוָה נֶפֶשׁ עֲבָדָיו וְלֹא יֶאְשְׁמוּ כָּל הַחֹסִים בּוֹ.
א לְדָוִד, בְּשַׁנּוֹתוֹ אֶת טַעְמוֹ עשה עצמו כחסר דעת - ראה שמואל א כא, יד לִפְנֵי אֲבִימֶלֶךְ, וַיְגָרֲשֵׁהוּ וַיֵּלַךְ ובזכות כך דוד ניצל:
- ב אֲבָרֲכָה אֶת יְהוָה בְּכָל עֵת, תָּמִיד תְּהִלָּתוֹ בְּפִי.
- ג בַּיהוָה תִּתְהַלֵּל תתפאר נַפְשִׁי, יִשְׁמְעוּ עֲנָוִים המקשיבים לתפילתי (את דברי ההלל) וְיִשְׂמָחוּ.
- ד גַּדְּלוּ לַיהוָה אִתִּי, וּנְרוֹמְמָה שְׁמוֹ יַחְדָּו.
- ה דָּרַשְׁתִּי אֶת יְהוָה וְעָנָנִי, וּמִכָּל מְגוּרוֹתַי הדברים שפחדתי מהם הִצִּילָנִי.
- ו הִבִּיטוּ האנשים שנשאו עיניהם לה' אֵלָיו וְנָהָרוּ אורו עיניהם, וּפְנֵיהֶם אַל יֶחְפָּרוּ יבושו.
- ז זֶה הנה, הרי עָנִי קָרָא וַיהוָה שָׁמֵעַ, וּמִכָּל צָרוֹתָיו הוֹשִׁיעוֹ.
- ח חֹנֶה מַלְאַךְ יְהוָה סָבִיב לִירֵאָיו וַיְחַלְּצֵם.
- ט טַעֲמוּ נסו בעצמכם וּרְאוּ כִּי טוֹב יְהוָה, אַשְׁרֵי הַגֶּבֶר יֶחֱסֶה בּוֹ.
- י יְראוּ אֶת יְהוָה קְדֹשָׁיו, כִּי אֵין מַחְסוֹר לִירֵאָיו.
- יא כְּפִירִים הרשעים שמתנהגים כאריה טורף רָשׁוּ שרויים בעוני וְרָעֵבוּ, וְדֹרְשֵׁי יְהוָה לֹא יַחְסְרוּ כָל טוֹב.
- יב לְכוּ לשון זירוז בָנִים שִׁמְעוּ לִי, יִרְאַת יְהוָה אֲלַמֶּדְכֶם:
- יג מִי הָאִישׁ הֶחָפֵץ חַיִּים הרוצה חיים טובים? אֹהֵב יָמִים לִרְאוֹת טוֹב לראות ימים טובים?
- יד נְצֹר לְשׁוֹנְךָ מֵרָע, וּשְׂפָתֶיךָ מִדַּבֵּר מִרְמָה.
- טו סוּר מֵרָע וַעֲשֵׂה טוֹב, בַּקֵּשׁ שָׁלוֹם וְרָדְפֵהוּ.
- טז עֵינֵי יְהוָה אֶל משגיחות על ה- צַדִּיקִים, וְאָזְנָיו אֶל שַׁוְעָתָם.
- יז פְּנֵי יְהוָה ה' מביט בכעס בְּעֹשֵׂי רָע, לְהַכְרִית מֵאֶרֶץ זִכְרָם.
- יח צָעֲקוּ הצדיקים מפסוק טז וַיהוָה שָׁמֵעַ, וּמִכָּל צָרוֹתָם הִצִּילָם.
- יט קָרוֹב יְהוָה לְנִשְׁבְּרֵי לֵב, וְאֶת דַּכְּאֵי רוּחַ המרגישים יסורים ברוחם יוֹשִׁיעַ.
- כ רַבּוֹת רָעוֹת צַדִּיק עלולות לבא על הצדיק, וּמִכֻּלָּם יַצִּילֶנּוּ יְהוָה.
- כא שֹׁמֵר כָּל עַצְמוֹתָיו, אַחַת כך שאף אחת מֵהֵנָּה לֹא נִשְׁבָּרָה.
- כב תְּמוֹתֵת רָשָׁע רָעָה הרעה הבאה על הרשע תקרב אותו אל המוות, וְשֹׂנְאֵי צַדִּיק יֶאְשָׁמוּ יקבלו את עונשם.
- כג פּוֹדֶה יְהוָה נֶפֶשׁ עֲבָדָיו, וְלֹא יֶאְשְׁמוּ כָּל הַחֹסִים בּוֹ.
פסוקי הפרק
טקסטים נוספים העוסקים בפרק
פירושים ומאמרים על הפרק:
