קטגוריה:תהלים ד
מתוך ויקיטקסט
לחץ כאן להצגת התוכן ↓
א למנצח בנגינות מזמור לדוד ב בקראי ענני אלהי צדקי בצר הרחבת לי חנני ושמע תפלתי ג בני איש עד מה כבודי לכלמה תאהבון ריק תבקשו כזב סלה ד ודעו כי הפלה יהוה חסיד לו יהוה ישמע בקראי אליו ה רגזו ואל תחטאו אמרו בלבבכם על משכבכם ודמו סלה ו זבחו זבחי צדק ובטחו אל יהוה ז רבים אמרים מי יראנו טוב נסה עלינו אור פניך יהוה ח נתתה שמחה בלבי מעת דגנם ותירושם רבו ט בשלום יחדו אשכבה ואישן כי אתה יהוה לבדד לבטח תושיבני
א לַמְנַצֵּחַ בִּנְגִינוֹת מִזְמוֹר לְדָוִד. ב בְּקָרְאִי עֲנֵנִי אֱלֹהֵי צִדְקִי בַּצָּר הִרְחַבְתָּ לִּי חָנֵּנִי וּשְׁמַע תְּפִלָּתִי. ג בְּנֵי אִישׁ עַד מֶה כְבוֹדִי לִכְלִמָּה תֶּאֱהָבוּן רִיק תְּבַקְשׁוּ כָזָב סֶלָה. ד וּדְעוּ כִּי הִפְלָה יְהוָה חָסִיד לוֹ יְהוָה יִשְׁמַע בְּקָרְאִי אֵלָיו. ה רִגְזוּ וְאַל תֶּחֱטָאוּ אִמְרוּ בִלְבַבְכֶם עַל מִשְׁכַּבְכֶם וְדֹמּוּ סֶלָה. ו זִבְחוּ זִבְחֵי צֶדֶק וּבִטְחוּ אֶל יְהוָה. ז רַבִּים אֹמְרִים מִי יַרְאֵנוּ טוֹב נְסָה עָלֵינוּ אוֹר פָּנֶיךָ יְהוָה. ח נָתַתָּה שִׂמְחָה בְלִבִּי מֵעֵת דְּגָנָם וְתִירוֹשָׁם רָבּוּ. ט בְּשָׁלוֹם יַחְדָּו אֶשְׁכְּבָה וְאִישָׁן כִּי אַתָּה יְהוָה לְבָדָד לָבֶטַח תּוֹשִׁיבֵנִי.
א לַמְנַצֵּ֥חַ בִּנְגִינ֗וֹת מִזְמ֥וֹר לְדָוִֽד׃ ב בְּקָרְאִ֡י עֲנֵ֤נִי׀ אֱלֹ֘הֵ֤י צִדְקִ֗י בַּ֭צָּר הִרְחַ֣בְתָּ לִּ֑י חָ֝נֵּ֗נִי וּשְׁמַ֥ע תְּפִלָּתִֽי׃ ג בְּנֵ֥י אִ֡ישׁ עַד־מֶ֬ה כְבוֹדִ֣י לִ֭כְלִמָּה תֶּאֱהָב֣וּן רִ֑יק תְּבַקְשׁ֖וּ כָזָ֣ב סֶֽלָה׃ ד וּדְע֗וּ כִּֽי־הִפְלָ֣ה יְ֭הוָה חָסִ֣יד ל֑וֹ יְהוָ֥ה יִ֝שְׁמַ֗ע בְּקָרְאִ֥י אֵלָֽיו׃ ה רִגְז֗וּ וְֽאַל־תֶּ֫חֱטָ֥אוּ אִמְר֣וּ בִ֭לְבַבְכֶם עַֽל־מִשְׁכַּבְכֶ֗ם וְדֹ֣מּוּ סֶֽלָה׃ ו זִבְח֥וּ זִבְחֵי־צֶ֑דֶק וּ֝בִטְח֗וּ אֶל־יְהוָֽה׃ ז רַבִּ֥ים אֹמְרִים֮ מִֽי־יַרְאֵ֪נוּ֫ ט֥וֹב נְֽסָה־עָ֭לֵינוּ א֨וֹר פָּנֶ֬יךָ יְהוָֽה׃ ח נָתַ֣תָּה שִׂמְחָ֣ה בְלִבִּ֑י מֵעֵ֬ת דְּגָנָ֖ם וְתִֽירוֹשָׁ֣ם רָֽבּוּ׃ ט בְּשָׁל֣וֹם יַחְדָּו֮ אֶשְׁכְּבָ֪ה וְאִ֫ישָׁ֥ן כִּֽי־אַתָּ֣ה יְהוָ֣ה לְבָדָ֑ד לָ֝בֶ֗טַח תּוֹשִׁיבֵֽנִי׃
א לַמְנַצֵּחַ בִּנְגִינוֹתמזמור שמיועד להיות מושר על ידי הזמר הראשי של המקהלה, האחראי גם על המנגנים. מִזְמוֹר לְדָוִד:
- ב בְּקָרְאִי עֲנֵנִי אֱלֹהֵי צִדְקִיאלוהי, האלוהים הצדיק, בַּצָּרכאשר היתי במקום צר, בצרה הִרְחַבְתָּ לִּיעזרת לי (למרות שזה בלשון עבר, הכוונה היא לבקשה, בעתיד, כאשר דוד בטוח שבקשתו תתקבל), חָנֵּנִי וּשְׁמַע תְּפִלָּתִי.
- ג בְּנֵי אִישׁבני אדם (הכוונה לבניו של אדם חשוב הלועגים לדוד) - עַד מֶהכמה, מתי כְבוֹדִי לִכְלִמָּהתהפכו את הכבוד שלי לבושה? תֶּאֱהָבוּן רִיקעד מתי תאהבו דבר שאין בו ממש?, תְּבַקְשׁוּ כָזָב סֶלָהלנצח?
- ד וּדְעוּ כִּי הִפְלָההפריש, הבדיל יְהוָה חָסִיד לוֹאת החסיד אשר לו, אותי, יְהוָה יִשְׁמַע בְּקָרְאִי אֵלָיו.
- ה רִגְזוּיראו מה' וְאַל תֶּחֱטָאוּ, אִמְרוּדברי יראת ה' בִלְבַבְכֶם עַל מִשְׁכַּבְכֶםלפני שאתם הולכים לישון וְדֹמּוּ סֶלָהוכך תישנו בשקט בכל הלילות.
- ו זִבְחוּ זִבְחֵי צֶדֶק, וּבִטְחוּ אֶל יְהוָה.
- ז רַבִּים אֹמְרִים: מִי יַרְאֵנוּ טוֹב? נְסָההמשורר מצטרף אליהם ומבקש: הרם עָלֵינוּ אוֹר פָּנֶיךָ יְהוָה.
- ח נָתַתָּה שִׂמְחָה בְלִבִּי, מֵעֵתגדולה יותר מאשר שמחת האיכרים כאשר דְּגָנָם וְתִירוֹשָׁם רָבּוּ.
- ט בְּשָׁלוֹם יַחְדָּוברגע שאשכב לישון, ארדם (ולא תנדוד עלי שנתי) אֶשְׁכְּבָה וְאִישָׁן, כִּי אַתָּה יְהוָה לְבָדָדתושיב אותי לבד, בלי אוייבים מסביבי לָבֶטַח תּוֹשִׁיבֵנִי.
מאמרים בקטגוריה "תהלים ד"
דף קטגוריה זה כולל את 4 הדפים הבאים, מתוך 4 בקטגוריה כולה.
