קטגוריה:תהלים ח
מתוך ויקיטקסט
לחץ כאן להצגת התוכן ↓
א למנצח על הגתית מזמור לדוד ב יהוה אדנינו מה אדיר שמך בכל הארץ אשר תנה הודך על השמים ג מפי עוללים וינקים יסדת עז למען צורריך להשבית אויב ומתנקם ד כי אראה שמיך מעשי אצבעתיך ירח וכוכבים אשר כוננתה ה מה אנוש כי תזכרנו ובן אדם כי תפקדנו ו ותחסרהו מעט מאלהים וכבוד והדר תעטרהו ז תמשילהו במעשי ידיך כל שתה תחת רגליו ח צנה ואלפים כלם וגם בהמות שדי ט צפור שמים ודגי הים עבר ארחות ימים י יהוה אדנינו מה אדיר שמך בכל הארץ
א לַמְנַצֵּחַ עַל הַגִּתִּית מִזְמוֹר לְדָוִד. ב יְהוָה אֲדֹנֵינוּ מָה אַדִּיר שִׁמְךָ בְּכָל הָאָרֶץ אֲשֶׁר תְּנָה הוֹדְךָ עַל הַשָּׁמָיִם. ג מִפִּי עוֹלְלִים וְיֹנְקִים יִסַּדְתָּ עֹז לְמַעַן צוֹרְרֶיךָ לְהַשְׁבִּית אוֹיֵב וּמִתְנַקֵּם. ד כִּי אֶרְאֶה שָׁמֶיךָ מַעֲשֵׂי אֶצְבְּעֹתֶיךָ יָרֵחַ וְכוֹכָבִים אֲשֶׁר כּוֹנָנְתָּה. ה מָה אֱנוֹשׁ כִּי תִזְכְּרֶנּוּ וּבֶן אָדָם כִּי תִפְקְדֶנּוּ. ו וַתְּחַסְּרֵהוּ מְּעַט מֵאֱלֹהִים וְכָבוֹד וְהָדָר תְּעַטְּרֵהוּ. ז תַּמְשִׁילֵהוּ בְּמַעֲשֵׂי יָדֶיךָ כֹּל שַׁתָּה תַחַת רַגְלָיו. ח צֹנֶה וַאֲלָפִים כֻּלָּם וְגַם בַּהֲמוֹת שָׂדָי. ט צִפּוֹר שָׁמַיִם וּדְגֵי הַיָּם עֹבֵר אָרְחוֹת יַמִּים. י יְהוָה אֲדֹנֵינוּ מָה אַדִּיר שִׁמְךָ בְּכָל הָאָרֶץ.
א לַמְנַצֵּ֥חַ עַֽל־הַגִּתִּ֗ית מִזְמ֥וֹר לְדָוִֽד׃ ב יְהוָ֤ה אֲדֹנֵ֗ינוּ מָֽה־אַדִּ֣יר שִׁ֭מְךָ בְּכָל־הָאָ֑רֶץ אֲשֶׁ֥ר תְּנָ֥ה ה֝וֹדְךָ֗ עַל־הַשָּׁמָֽיִם׃ ג מִפִּ֤י עֽוֹלְלִ֨ים׀ וְֽיֹנְקִים֮ יִסַּ֪דְתָּ֫ עֹ֥ז לְמַ֥עַן צוֹרְרֶ֑יךָ לְהַשְׁבִּ֥ית א֝וֹיֵ֗ב וּמִתְנַקֵּֽם׃ ד כִּֽי־אֶרְאֶ֣ה שָׁ֭מֶיךָ מַעֲשֵׂ֣י אֶצְבְּעֹתֶ֑יךָ יָרֵ֥חַ וְ֝כוֹכָבִ֗ים אֲשֶׁ֣ר כּוֹנָֽנְתָּה׃ ה מָֽה־אֱנ֥וֹשׁ כִּֽי־תִזְכְּרֶ֑נּוּ וּבֶן־אָ֝דָ֗ם כִּ֣י תִפְקְדֶֽנּוּ׃ ו וַתְּחַסְּרֵ֣הוּ מְּ֭עַט מֵאֱלֹהִ֑ים וְכָב֖וֹד וְהָדָ֣ר תְּעַטְּרֵֽהוּ׃ ז תַּ֭מְשִׁילֵהוּ בְּמַעֲשֵׂ֣י יָדֶ֑יךָ כֹּ֝ל שַׁ֣תָּה תַֽחַת־רַגְלָֽיו׃ ח צֹנֶ֣ה וַאֲלָפִ֣ים כֻּלָּ֑ם וְ֝גַ֗ם בַּהֲמ֥וֹת שָׂדָֽי׃ ט צִפּ֣וֹר שָׁ֭מַיִם וּדְגֵ֣י הַיָּ֑ם עֹ֝בֵ֗ר אָרְח֥וֹת יַמִּֽים׃ י יְהוָ֥ה אֲדֹנֵ֑ינוּ מָֽה־אַדִּ֥יר שִׁ֝מְךָ֗ בְּכָל־הָאָֽרֶץ׃
א לַמְנַצֵּחַ עַל הַגִּתִּיתכלי נגינה (אולי כי הגיע מהעיר גת). מִזְמוֹר לְדָוִד:
- ב יְהוָה אֲדֹנֵינוּ! מָה אַדִּיר שִׁמְךָ בְּכָל הָאָרֶץ! אֲשֶׁר תְּנָה הוֹדְךָאתה אשר הודך נתון עַל הַשָּׁמָיִםמי שמסתכל על השמים מתמלא הערצה לה'.
- ג מִפִּי עוֹלְלִים וְיֹנְקִיםגם מהמלמול היוצא מפי התינוקות יִסַּדְתָּ עֹזקבעת שיר תהילה, לְמַעַןכדי להלחם ב- צוֹרְרֶיךָ, לְהַשְׁבִּית אוֹיֵב וּמִתְנַקֵּםורשע העושה מעשים התובעים נקמה (משמעות הפסוק היא שנפלאות ה' הניכרות בבריאה מאשרות את ציפיותנו כי עתיד ה' להשמיד את הרשעים).
- ד כִּי אֶרְאֶה שָׁמֶיךָאת השמים שעשית מַעֲשֵׂי אֶצְבְּעֹתֶיךָ, יָרֵחַ וְכוֹכָבִים אֲשֶׁר כּוֹנָנְתָּה -אני מרגיש את קטנותי, ואומר:
- ה מָה אֱנוֹשׁ כִּי תִזְכְּרֶנּוּ, וּבֶן אָדָם כִּי תִפְקְדֶנּוּתשים לב אליו.
- ו וַתְּחַסְּרֵהוּ מְּעַטועשית אותו בדרגה גבוהה רק מעט פחות מֵאֱלֹהִיםמהכוחות העליונים, מהמלאכים, וְכָבוֹד וְהָדָר תְּעַטְּרֵהוּ.
- ז תַּמְשִׁילֵהוּעשית אותו למושל בְּמַעֲשֵׂי יָדֶיךָעל יתר הברואים, החיות והצמחים, כֹּל שַׁתָּהאת כל הבריאה שמת תַחַת רַגְלָיו:
- ח צֹנֶהצאן וַאֲלָפִיםובקר כֻּלָּם, וְגַם בַּהֲמוֹת שָׂדָיחיות השדה.
- ט צִפּוֹר שָׁמַיִם וּדְגֵי הַיָּם, עֹבֵרועל דג שוחה אָרְחוֹת יַמִּיםבדרכים הרבות שבים (ובכל זאת האדם מצליח לצוד אותו).
- י יְהוָה אֲדֹנֵינוּ! מָה אַדִּיר שִׁמְךָ בְּכָל הָאָרֶץ!
מאמרים בקטגוריה "תהלים ח"
דף קטגוריה זה כולל את 4 הדפים הבאים, מתוך 4 בקטגוריה כולה.
