קטגוריה:תהלים יט
מתוך ויקיטקסט
לחץ כאן להצגת התוכן ↓
א למנצח מזמור לדוד ב השמים מספרים כבוד אל ומעשה ידיו מגיד הרקיע ג יום ליום יביע אמר ולילה ללילה יחוה דעת ד אין אמר ואין דברים בלי נשמע קולם ה בכל הארץ יצא קום ובקצה תבל מליהם לשמש שם אהל בהם ו והוא כחתן יצא מחפתו ישיש כגבור לרוץ ארח ז מקצה השמים מוצאו ותקופתו על קצותם ואין נסתר מחמתו ח תורת יהוה תמימה משיבת נפש עדות יהוה נאמנה מחכימת פתי ט פקודי יהוה ישרים משמחי לב מצות יהוה ברה מאירת עינים י יראת יהוה טהורה עומדת לעד משפטי יהוה אמת צדקו יחדו יא הנחמדים מזהב ומפז רב ומתוקים מדבש ונפת צופים יב גם עבדך נזהר בהם בשמרם עקב רב יג שגיאות מי יבין מנסתרות נקני יד גם מזדים חשך עבדך אל ימשלו בי אז איתם ונקיתי מפשע רב טו יהיו לרצון אמרי פי והגיון לבי לפניך יהוה צורי וגאלי
א לַמְנַצֵּחַ מִזְמוֹר לְדָוִד. ב הַשָּׁמַיִם מְסַפְּרִים כְּבוֹד אֵל וּמַעֲשֵׂה יָדָיו מַגִּיד הָרָקִיעַ. ג יוֹם לְיוֹם יַבִּיעַ אֹמֶר וְלַיְלָה לְּלַיְלָה יְחַוֶּה דָּעַת. ד אֵין אֹמֶר וְאֵין דְּבָרִים בְּלִי נִשְׁמָע קוֹלָם. ה בְּכָל הָאָרֶץ יָצָא קַוָּם וּבִקְצֵה תֵבֵל מִלֵּיהֶם לַשֶּׁמֶשׁ שָׂם אֹהֶל בָּהֶם. ו וְהוּא כְּחָתָן יֹצֵא מֵחֻפָּתוֹ יָשִׂישׂ כְּגִבּוֹר לָרוּץ אֹרַח. ז מִקְצֵה הַשָּׁמַיִם מוֹצָאוֹ וּתְקוּפָתוֹ עַל קְצוֹתָם וְאֵין נִסְתָּר מֵחַמָּתוֹ. ח תּוֹרַת יְהוָה תְּמִימָה מְשִׁיבַת נָפֶשׁ עֵדוּת יְהוָה נֶאֱמָנָה מַחְכִּימַת פֶּתִי. ט פִּקּוּדֵי יְהוָה יְשָׁרִים מְשַׂמְּחֵי לֵב מִצְוַת יְהוָה בָּרָה מְאִירַת עֵינָיִם. י יִרְאַת יְהוָה טְהוֹרָה עוֹמֶדֶת לָעַד מִשְׁפְּטֵי יְהוָה אֱמֶת צָדְקוּ יַחְדָּו. יא הַנֶּחֱמָדִים מִזָּהָב וּמִפַּז רָב וּמְתוּקִים מִדְּבַשׁ וְנֹפֶת צוּפִים. יב גַּם עַבְדְּךָ נִזְהָר בָּהֶם בְּשָׁמְרָם עֵקֶב רָב. יג שְׁגִיאוֹת מִי יָבִין מִנִּסְתָּרוֹת נַקֵּנִי. יד גַּם מִזֵּדִים חֲשֹׂךְ עַבְדֶּךָ אַל יִמְשְׁלוּ בִי אָז אֵיתָם וְנִקֵּיתִי מִפֶּשַׁע רָב. טו יִהְיוּ לְרָצוֹן אִמְרֵי פִי וְהֶגְיוֹן לִבִּי לְפָנֶיךָ יְהוָה צוּרִי וְגֹאֲלִי.
א לַמְנַצֵּ֗חַ מִזְמ֥וֹר לְדָוִֽד׃ ב הַשָּׁמַ֗יִם מְֽסַפְּרִ֥ים כְּבֽוֹד־אֵ֑ל וּֽמַעֲשֵׂ֥ה יָ֝דָ֗יו מַגִּ֥יד הָרָקִֽיעַ׃ ג י֣וֹם לְ֭יוֹם יַבִּ֣יעַֽ אֹ֑מֶר וְלַ֥יְלָה לְּ֝לַ֗יְלָה יְחַוֶּה־דָּֽעַת׃ ד אֵֽין־אֹ֭מֶר וְאֵ֣ין דְּבָרִ֑ים בְּ֝לִ֗י נִשְׁמָ֥ע קוֹלָֽם׃ ה בְּכָל־הָאָ֨רֶץ׀ יָ֘צָ֤א קַוָּ֗ם וּבִקְצֵ֣ה תֵ֭בֵל מִלֵּיהֶ֑ם לַ֝שֶּׁ֗מֶשׁ שָֽׂם־אֹ֥הֶל בָּהֶֽם׃ ו וְה֗וּא כְּ֭חָתָן יֹצֵ֣א מֵחֻפָּת֑וֹ יָשִׂ֥ישׂ כְּ֝גִבּ֗וֹר לָר֥וּץ אֹֽרַח׃ ז מִקְצֵ֤ה הַשָּׁמַ֨יִם׀ מֽוֹצָא֗וֹ וּתְקוּפָת֥וֹ עַל־קְצוֹתָ֑ם וְאֵ֥ין נִ֝סְתָּ֗ר מֵֽחַמָּתוֹ׃ ח תּ֘וֹרַ֤ת יְהוָ֣ה תְּ֭מִימָה מְשִׁ֣יבַת נָ֑פֶשׁ עֵד֥וּת יְהוָ֥ה נֶ֝אֱמָנָ֗ה מַחְכִּ֥ימַת פֶּֽתִי׃ ט פִּקּ֘וּדֵ֤י יְהוָ֣ה יְ֭שָׁרִים מְשַׂמְּחֵי־לֵ֑ב מִצְוַ֥ת יְהוָ֥ה בָּ֝רָ֗ה מְאִירַ֥ת עֵינָֽיִם׃ י יִרְאַ֤ת יְהוָ֨ה׀ טְהוֹרָה֮ עוֹמֶ֪דֶת לָ֫עַ֥ד מִֽשְׁפְּטֵי־יְהוָ֥ה אֱמֶ֑ת צָֽדְק֥וּ יַחְדָּֽו׃ יא הַֽנֶּחֱמָדִ֗ים מִ֭זָּהָב וּמִפַּ֣ז רָ֑ב וּמְתוּקִ֥ים מִ֝דְּבַ֗שׁ וְנֹ֣פֶת צוּפִֽים׃ יב גַּֽם־עַ֭בְדְּךָ נִזְהָ֣ר בָּהֶ֑ם בְּ֝שָׁמְרָ֗ם עֵ֣קֶב רָֽב׃ יג שְׁגִיא֥וֹת מִֽי־יָבִ֑ין מִֽנִּסְתָּר֥וֹת נַקֵּֽנִי׃ יד גַּ֤ם מִזֵּדִ֨ים׀ חֲשֹׂ֬ךְ עַבְדֶּ֗ךָ אַֽל־יִמְשְׁלוּ־בִ֣י אָ֣ז אֵיתָ֑ם וְ֝נִקֵּ֗יתִי מִפֶּ֥שַֽׁע רָֽב׃ טו יִֽהְי֥וּ לְרָצ֨וֹן׀ אִמְרֵי־פִ֡י וְהֶגְי֣וֹן לִבִּ֣י לְפָנֶ֑יךָ יְ֝הוָ֗ה צוּרִ֥י וְגֹאֲלִֽי׃
א לַמְנַצֵּחַ, מִזְמוֹר לְדָוִד:
- ב הַשָּׁמַיִםהעוצמה המתגלת בהתבוננות בשמים מְסַפְּרִים כְּבוֹד אֵל, וּמַעֲשֵׂה יָדָיוואת גדולת מעשיו של ה' מַגִּיד הָרָקִיעַכביכול הרקיע מספר עליה (כאשר מסתכלים על הרקיע מרגישים בגדולת מעשיו של ה').
- ג יוֹם לְיוֹםכל יום שעובר, מספר ליום הבא אחריו יַבִּיעַ אֹמֶרידבר בשבחיו של ה', וְלַיְלָה לְּלַיְלָה יְחַוֶּה דָּעַתיגיד את דברי החכמה שבהם יש להלל את ה'.
- ד אֵין אֹמֶראת דברי היום והלילה אי אפשר לשמוע בשמיעה רגילה וְאֵין דְּבָרִים, בְּלִיולא נִשְׁמָע קוֹלָם.
- ה בְּכָל הָאָרֶץאך למרות שלא שומעים אותם, בכל זאת, בכל העולם יָצָא קַוָּםיצאה קריאתם וּבִקְצֵה תֵבֵל מִלֵּיהֶםמגיע דברם, לַשֶּׁמֶשׁ שָׂם אֹהֶל בָּהֶםהכין ה' אוהל בתוכם (השמש נמצאת בתוך אוהל גדול והוא השמים, ומשם היא יוצאת להאיר כפי שמתואר בפסוק הבא).
- ו וְהוּאהשמש כְּחָתָן יֹצֵא מֵחֻפָּתוֹ, יָשִׂישׂ כְּגִבּוֹר לָרוּץ אֹרַחבדרך.
- ז מִקְצֵה הַשָּׁמַיִם מוֹצָאוֹיוצאת השמש וּתְקוּפָתוֹוסיבובו של השמש עַל קְצוֹתָםמקצה אחד של השמים לקצה השני, וְאֵין נִסְתָּר מֵחַמָּתוֹאין מקום בעולם שנסתר מהשמש.
- ח תּוֹרַת יְהוָה תְּמִימָהשלמה ומדריכה ללכת בדרך התום, מְשִׁיבַת נָפֶשׁמחזירה כוח לעייף. עֵדוּת יְהוָההתורה שהיא עדות לברית בין ה' לעם ישראל נֶאֱמָנָה, מַחְכִּימַת פֶּתִי.
- ט פִּקּוּדֵיציוויי יְהוָה יְשָׁרִיםמורים ללכת בדרך הישר, מְשַׂמְּחֵי לֵב. מִצְוַת יְהוָה בָּרָהטהורה, מְאִירַת עֵינָיִם.
- י יִרְאַת יְהוָה טְהוֹרָהמביאה את האדם לידי טהרה, עוֹמֶדֶת לָעַד. מִשְׁפְּטֵי יְהוָה אֱמֶת, צָדְקוּ יַחְדָּוכולם.
- יא הַנֶּחֱמָדִים מִזָּהָב וּמִפַּזפז הוא סוג של זהב רָב, וּמְתוּקִים מִדְּבַשׁ וְנֹפֶת צוּפִיםנופת וצוף הן מילים נרדפות לדבש.
- יב גַּםואכן עַבְדְּךָ נִזְהָר בָּהֶם, בְּשָׁמְרָםובכך ששמרתי על המצוות עֵקֶבקיבלתי תגמול רָב.
- יג שְׁגִיאוֹת מִי יָבִיןמי יכול לדעת את כל השגיאות שעשה? מִנִּסְתָּרוֹת נַקֵּנִי.
- יד גַּם מִזֵּדִיםמרשעים (שתחת שילטונם אני לעיתים נאלץ לחטוא) חֲשֹׂךְמנע, הצל את עַבְדֶּךָ, אַל יִמְשְׁלוּ בִי. אָזכאשר אזכה להנצל משילטון הרשעים אֵיתָםאהיה תם, ללא מום, וְנִקֵּיתִי מִפֶּשַׁע רָב.
- טו יִהְיוּ לְרָצוֹן אִמְרֵי פִי וְהֶגְיוֹן לִבִּיומחשבות ליבי (ואפשר גם לפרש: ניגוני ליבי) לְפָנֶיךָ, יְהוָה צוּרִימבטחי וְגֹאֲלִי.
מאמרים בקטגוריה "תהלים יט"
קטגוריה זו כוללת את הדף הבא בלבד.
