קטגוריה:תהלים יא
מתוך ויקיטקסט
לחץ כאן להצגת התוכן ↓
א למנצח לדוד ביהוה חסיתי איך תאמרו לנפשי נודו [נודי] הרכם צפור ב כי הנה הרשעים ידרכון קשת כוננו חצם על יתר לירות במו אפל לישרי לב ג כי השתות יהרסון צדיק מה פעל ד יהוה בהיכל קדשו יהוה בשמים כסאו עיניו יחזו עפעפיו יבחנו בני אדם ה יהוה צדיק יבחן ורשע ואהב חמס שנאה נפשו ו ימטר על רשעים פחים אש וגפרית ורוח זלעפות מנת כוסם ז כי צדיק יהוה צדקות אהב ישר יחזו פנימו
א לַמְנַצֵּחַ לְדָוִד בַּיהוָה חָסִיתִי אֵיךְ תֹּאמְרוּ לְנַפְשִׁי נודו [נוּדִי] הַרְכֶם צִפּוֹר. ב כִּי הִנֵּה הָרְשָׁעִים יִדְרְכוּן קֶשֶׁת כּוֹנְנוּ חִצָּם עַל יֶתֶר לִירוֹת בְּמוֹ אֹפֶל לְיִשְׁרֵי לֵב. ג כִּי הַשָּׁתוֹת יֵהָרֵסוּן צַדִּיק מַה פָּעָל. ד יְהוָה בְּהֵיכַל קָדְשׁוֹ יְהוָה בַּשָּׁמַיִם כִּסְאוֹ עֵינָיו יֶחֱזוּ עַפְעַפָּיו יִבְחֲנוּ בְּנֵי אָדָם. ה יְהוָה צַדִּיק יִבְחָן וְרָשָׁע וְאֹהֵב חָמָס שָׂנְאָה נַפְשׁוֹ. ו יַמְטֵר עַל רְשָׁעִים פַּחִים אֵשׁ וְגָפְרִית וְרוּחַ זִלְעָפוֹת מְנָת כּוֹסָם. ז כִּי צַדִּיק יְהוָה צְדָקוֹת אָהֵב יָשָׁר יֶחֱזוּ פָנֵימוֹ.
א לַמְנַצֵּ֗חַ לְדָ֫וִ֥ד בַּֽיהוָ֨ה׀ חָסִ֗יתִי אֵ֭יךְ תֹּאמְר֣וּ לְנַפְשִׁ֑י נודו [נ֝֗וּדִי] הַרְכֶ֥ם צִפּֽוֹר׃ ב כִּ֤י הִנֵּ֪ה הָרְשָׁעִ֡ים יִדְרְכ֬וּן קֶ֗שֶׁת כּוֹנְנ֣וּ חִצָּ֣ם עַל־יֶ֑תֶר לִיר֥וֹת בְּמוֹ־אֹ֝֗פֶל לְיִשְׁרֵי־לֵֽב׃ ג כִּ֣י הַ֭שָּׁתוֹת יֵֽהָרֵס֑וּן צַ֝דִּ֗יק מַה־פָּעָֽל׃ ד יְהוָ֤ה׀ בְּֽהֵ֘יכַ֤ל קָדְשׁ֗וֹ יְהוָה֮ בַּשָּׁמַ֪יִם כִּ֫סְא֥וֹ עֵינָ֥יו יֶחֱז֑וּ עַפְעַפָּ֥יו יִ֝בְחֲנ֗וּ בְּנֵ֣י אָדָֽם׃ ה יְהוָה֮ צַדִּ֪יק יִ֫בְחָ֥ן וְ֭רָשָׁע וְאֹהֵ֣ב חָמָ֑ס שָֽׂנְאָ֥ה נַפְשֽׁוֹ׃ ו יַמְטֵ֥ר עַל־רְשָׁעִ֗ים פַּ֫חִ֥ים אֵ֣שׁ וְ֭גָפְרִית וְר֥וּחַ זִלְעָפ֗וֹת מְנָ֣ת כּוֹסָֽם׃ ז כִּֽי־צַדִּ֣יק יְ֭הוָה צְדָק֣וֹת אָהֵ֑ב יָ֝שָׁ֗ר יֶחֱז֥וּ פָנֵֽימוֹ׃
- א לַמְנַצֵּחַ, לְדָוִדמזמור שכתב דוד:
- בַּיהוָה חָסִיתִי, אֵיךְ תֹּאמְרוּולכן, למה אם אומרים לְנַפְשִׁיאלי: "(נודו) נוּדִי הַרְכֶם צִפּוֹרכדאי לך לנדוד מההר שאתה ומשפחתיך יושבים בו, כמו ציפור.
- ב כִּי הִנֵּה הָרְשָׁעִים יִדְרְכוּןימתכו את מיתר ה- קֶשֶׁת, כּוֹנְנוּהכינו, הניחו חִצָּם עַל יֶתֶרעל המיתר של הקשת, לִירוֹת בְּמוֹ אֹפֶלמתוך מקום חשוך ומוסתר לְיִשְׁרֵי לֵבעל הצדיקים.
- ג כִּי(המשך הנימוק לעצה לנדוד) הַשָּׁתוֹתהיסודות יֵהָרֵסוּן, צַדִּיק מַה פָּעָלכאשר הרשעים יהרסו את יסודות העיר, מה יועילו לצדיקים כל מעשיהם הטובים?".
-
- ד יְהוָה בְּהֵיכַל קָדְשׁוֹ, יְהוָה בַּשָּׁמַיִם כִּסְאוֹ, עֵינָיו יֶחֱזוּ, עַפְעַפָּיו יִבְחֲנוּ בְּנֵי אָדָם.
- ה יְהוָה צַדִּיק יִבְחָןיתבונן וישגיח עליו, וְרָשָׁע וְאֹהֵב חָמָס שָׂנְאָה נַפְשׁוֹ.
- ו יַמְטֵר עַל רְשָׁעִים פַּחִיםפחמים, אֵשׁ וְגָפְרִית וְרוּחַ זִלְעָפוֹתמזיקה (מלשון זעף) מְנָת כּוֹסָםהם כביכול היין שנמזג לכוס שלהם על ידי בעל הבית בסעודה בה הם נמצאים.
- ז כִּי צַדִּיק יְהוָה, צְדָקוֹתאת מעשי הצדקות אָהֵב, יָשָׁראת האיש הישר יֶחֱזוּ פָנֵימוֹיראו פניו של ה'.
מאמרים בקטגוריה "תהלים יא"
דף קטגוריה זה כולל את 3 הדפים הבאים, מתוך 3 בקטגוריה כולה.
