קטגוריה:תהלים ג
מתוך ויקיטקסט
לחץ כאן להצגת התוכן ↓
א מזמור לדוד בברחו מפני אבשלום בנו ב יהוה מה רבו צרי רבים קמים עלי ג רבים אמרים לנפשי אין ישועתה לו באלהים סלה ד ואתה יהוה מגן בעדי כבודי ומרים ראשי ה קולי אל יהוה אקרא ויענני מהר קדשו סלה ו אני שכבתי ואישנה הקיצותי כי יהוה יסמכני ז לא אירא מרבבות עם אשר סביב שתו עלי ח קומה יהוה הושיעני אלהי כי הכית את כל איבי לחי שני רשעים שברת ט ליהוה הישועה על עמך ברכתך סלה
א מִזְמוֹר לְדָוִד בְּבָרְחוֹ מִפְּנֵי אַבְשָׁלוֹם בְּנוֹ. ב יְהוָה מָה רַבּוּ צָרָי רַבִּים קָמִים עָלָי. ג רַבִּים אֹמְרִים לְנַפְשִׁי אֵין יְשׁוּעָתָה לּוֹ בֵאלֹהִים סֶלָה. ד וְאַתָּה יְהוָה מָגֵן בַּעֲדִי כְּבוֹדִי וּמֵרִים רֹאשִׁי. ה קוֹלִי אֶל יְהוָה אֶקְרָא וַיַּעֲנֵנִי מֵהַר קָדְשׁוֹ סֶלָה. ו אֲנִי שָׁכַבְתִּי וָאִישָׁנָה הֱקִיצוֹתִי כִּי יְהוָה יִסְמְכֵנִי. ז לֹא אִירָא מֵרִבְבוֹת עָם אֲשֶׁר סָבִיב שָׁתוּ עָלָי. ח קוּמָה יְהוָה הוֹשִׁיעֵנִי אֱלֹהַי כִּי הִכִּיתָ אֶת כָּל אֹיְבַי לֶחִי שִׁנֵּי רְשָׁעִים שִׁבַּרְתָּ. ט לַיהוָה הַיְשׁוּעָה עַל עַמְּךָ בִרְכָתֶךָ סֶּלָה.
א מִזְמ֥וֹר לְדָוִ֑ד בְּ֝בָרְח֗וֹ מִפְּנֵ֤י׀ אַבְשָׁל֬וֹם בְּנֽוֹ׃ ב יְ֭הוָה מָֽה־רַבּ֣וּ צָרָ֑י רַ֝בִּ֗ים קָמִ֥ים עָלָֽי׃ ג רַבִּים֮ אֹמְרִ֪ים לְנַ֫פְשִׁ֥י אֵ֤ין יְֽשׁוּעָ֓תָה לּ֬וֹ בֵֽאלֹהִ֬ים סֶֽלָה׃ ד וְאַתָּ֣ה יְ֭הוָה מָגֵ֣ן בַּעֲדִ֑י כְּ֝בוֹדִ֗י וּמֵרִ֥ים רֹאשִֽׁי׃ ה ק֭וֹלִי אֶל־יְהוָ֣ה אֶקְרָ֑א וַיַּֽעֲנֵ֨נִי מֵהַ֖ר קָדְשׁ֣וֹ סֶֽלָה׃ ו אֲנִ֥י שָׁכַ֗בְתִּי וָֽאִ֫ישָׁ֥נָה הֱקִיצ֑וֹתִי כִּ֖י יְהוָ֣ה יִסְמְכֵֽנִי׃ ז לֹֽא־אִ֭ירָא מֵרִבְב֥וֹת עָ֑ם אֲשֶׁ֥ר סָ֝בִ֗יב שָׁ֣תוּ עָלָֽי׃ ח ק֘וּמָ֤ה יְהוָ֨ה׀ הוֹשִׁ֘יעֵ֤נִי אֱלֹהַ֗י כִּֽי־הִכִּ֣יתָ אֶת־כָּל־אֹיְבַ֣י לֶ֑חִי שִׁנֵּ֖י רְשָׁעִ֣ים שִׁבַּֽרְתָּ׃ ט לַיהוָ֥ה הַיְשׁוּעָ֑ה עַֽל־עַמְּךָ֖ בִרְכָתֶ֣ךָ סֶּֽלָה׃
א מִזְמוֹר לְדָוִדשכתב דוד בְּבָרְחוֹ מִפְּנֵיממרידתו (ראה ש"ב טו) של אַבְשָׁלוֹם בְּנוֹ:
- ב יְהוָה! מָה רַבּוּ צָרָי! רַבִּיםאנשים גדולים קָמִים עָלָילהתקיף אותי! ג רַבִּים אֹמְרִים לְנַפְשִׁיעל נפשי (עלי): אֵין יְשׁוּעָתָהישועה, עזרה לּוֹ בֵאלֹהִיםמאלוקים סֶלָהלעולם.
- ד וְאַתָּה יְהוָה מָגֵן בַּעֲדִיעלי, כְּבוֹדִי וּמֵרִים רֹאשִׁי. ה קוֹלִי אֶל יְהוָה אֶקְרָא, וַיַּעֲנֵנִיואני יודע שהוא יענה לבקשתי מֵהַר קָדְשׁוֹבית מקדשו סֶלָה.
מאמרים בקטגוריה "תהלים ג"
דף קטגוריה זה כולל את 3 הדפים הבאים, מתוך 3 בקטגוריה כולה.
