קטגוריה:תהלים י
מתוך ויקיטקסט
לחץ כאן להצגת התוכן ↓
א למה יהוה תעמד ברחוק תעלים לעתות בצרה ב בגאות רשע ידלק עני יתפשו במזמות זו חשבו ג כי הלל רשע על תאות נפשו ובצע ברך נאץ יהוה ד רשע כגבה אפו בל ידרש אין אלהים כל מזמותיו ה יחילו דרכו [דרכיו] בכל עת מרום משפטיך מנגדו כל צורריו יפיח בהם ו אמר בלבו בל אמוט לדר ודר אשר לא ברע ז אלה פיהו מלא ומרמות ותך תחת לשונו עמל ואון ח ישב במארב חצרים במסתרים יהרג נקי עיניו לחלכה יצפנו ט יארב במסתר כאריה בסכה יארב לחטוף עני יחטף עני במשכו ברשתו י ודכה [ידכה] ישח ונפל בעצומיו חלכאים [חיל] [כאים] יא אמר בלבו שכח אל הסתיר פניו בל ראה לנצח יב קומה יהוה אל נשא ידך אל תשכח עניים [ענוים] יג על מה נאץ רשע אלהים אמר בלבו לא תדרש יד ראתה כי אתה עמל וכעס תביט לתת בידך עליך יעזב חלכה יתום אתה היית עוזר טו שבר זרוע רשע ורע תדרוש רשעו בל תמצא טז יהוה מלך עולם ועד אבדו גוים מארצו יז תאות ענוים שמעת יהוה תכין לבם תקשיב אזנך יח לשפט יתום ודך בל יוסיף עוד לערץ אנוש מן הארץ
א לָמָה יְהוָה תַּעֲמֹד בְּרָחוֹק תַּעְלִים לְעִתּוֹת בַּצָּרָה. ב בְּגַאֲוַת רָשָׁע יִדְלַק עָנִי יִתָּפְשׂוּ בִּמְזִמּוֹת זוּ חָשָׁבוּ. ג כִּי הִלֵּל רָשָׁע עַל תַּאֲוַת נַפְשׁוֹ וּבֹצֵעַ בֵּרֵךְ נִאֵץ יְהוָה. ד רָשָׁע כְּגֹבַהּ אַפּוֹ בַּל יִדְרֹשׁ אֵין אֱלֹהִים כָּל מְזִמּוֹתָיו. ה יָחִילוּ דרכו [דְרָכָיו] בְּכָל עֵת מָרוֹם מִשְׁפָּטֶיךָ מִנֶּגְדּוֹ כָּל צוֹרְרָיו יָפִיחַ בָּהֶם. ו אָמַר בְּלִבּוֹ בַּל אֶמּוֹט לְדֹר וָדֹר אֲשֶׁר לֹא בְרָע. ז אָלָה פִּיהוּ מָלֵא וּמִרְמוֹת וָתֹךְ תַּחַת לְשׁוֹנוֹ עָמָל וָאָוֶן. ח יֵשֵׁב בְּמַאְרַב חֲצֵרִים בַּמִּסְתָּרִים יַהֲרֹג נָקִי עֵינָיו לְחֵלְכָה יִצְפֹּנוּ. ט יֶאֱרֹב בַּמִּסְתָּר כְּאַרְיֵה בְסֻכֹּה יֶאֱרֹב לַחֲטוֹף עָנִי יַחְטֹף עָנִי בְּמָשְׁכוֹ בְרִשְׁתּוֹ. י ודכה [יִדְכֶּה] יָשֹׁחַ וְנָפַל בַּעֲצוּמָיו חלכאים [חֵיל] [כָּאִים]. יא אָמַר בְּלִבּוֹ שָׁכַח אֵל הִסְתִּיר פָּנָיו בַּל רָאָה לָנֶצַח. יב קוּמָה יְהוָה אֵל נְשָׂא יָדֶךָ אַל תִּשְׁכַּח עניים [עֲנָוִים]. יג עַל מֶה נִאֵץ רָשָׁע אֱלֹהִים אָמַר בְּלִבּוֹ לֹא תִּדְרֹשׁ. יד רָאִתָה כִּי אַתָּה עָמָל וָכַעַס תַּבִּיט לָתֵת בְּיָדֶךָ עָלֶיךָ יַעֲזֹב חֵלֶכָה יָתוֹם אַתָּה הָיִיתָ עוֹזֵר. טו שְׁבֹר זְרוֹעַ רָשָׁע וָרָע תִּדְרוֹשׁ רִשְׁעוֹ בַל תִּמְצָא. טז יְהוָה מֶלֶךְ עוֹלָם וָעֶד אָבְדוּ גוֹיִם מֵאַרְצוֹ. יז תַּאֲוַת עֲנָוִים שָׁמַעְתָּ יְהוָה תָּכִין לִבָּם תַּקְשִׁיב אָזְנֶךָ. יח לִשְׁפֹּט יָתוֹם וָדָךְ בַּל יוֹסִיף עוֹד לַעֲרֹץ אֱנוֹשׁ מִן הָאָרֶץ.
א לָמָ֣ה יְ֭הוָה תַּעֲמֹ֣ד בְּרָח֑וֹק תַּ֝עְלִ֗ים לְעִתּ֥וֹת בַּצָּרָֽה׃ ב בְּגַאֲוַ֣ת רָ֭שָׁע יִדְלַ֣ק עָנִ֑י יִתָּפְשׂ֓וּ׀ בִּמְזִמּ֖וֹת ז֣וּ חָשָֽׁבוּ׃ ג כִּֽי־הִלֵּ֣ל רָ֭שָׁע עַל־תַּאֲוַ֣ת נַפְשׁ֑וֹ וּבֹצֵ֥עַ בֵּ֝רֵ֗ךְ נִ֘אֵ֥ץ׀ יְהוָֽה׃ ד רָשָׁ֗ע כְּגֹ֣בַהּ אַ֭פּוֹ בַּל־יִדְרֹ֑שׁ אֵ֥ין אֱ֝לֹהִ֗ים כָּל־מְזִמּוֹתָֽיו׃ ה יָ֘חִ֤ילוּ דרכו [דְרָכָ֨יו׀] בְּכָל־עֵ֗ת מָר֣וֹם מִ֭שְׁפָּטֶיךָ מִנֶּגְדּ֑וֹ כָּל־צ֝וֹרְרָ֗יו יָפִ֥יחַ בָּהֶֽם׃ ו אָמַ֣ר בְּ֭לִבּוֹ בַּל־אֶמּ֑וֹט לְדֹ֥ר וָ֝דֹ֗ר אֲשֶׁ֣ר לֹֽא־בְרָֽע׃ ז אָלָ֤ה פִּ֣יהוּ מָ֭לֵא וּמִרְמ֣וֹת וָתֹ֑ךְ תַּ֥חַת לְ֝שׁוֹנ֗וֹ עָמָ֥ל וָאָֽוֶן׃ ח יֵשֵׁ֤ב׀ בְּמַאְרַ֬ב חֲצֵרִ֗ים בַּֽ֭מִּסְתָּרִים יַהֲרֹ֣ג נָקִ֑י עֵ֝ינָ֗יו לְֽחֵלְכָ֥ה יִצְפֹּֽנוּ׃ ט יֶאֱרֹ֬ב בַּמִּסְתָּ֨ר׀ כְּאַרְיֵ֬ה בְסֻכֹּ֗ה יֶ֭אֱרֹב לַחֲט֣וֹף עָנִ֑י יַחְטֹ֥ף עָ֝נִ֗י בְּמָשְׁכ֥וֹ בְרִשְׁתּֽוֹ׃ י ודכה [יִדְכֶּ֥ה] יָשֹׁ֑חַ וְנָפַ֥ל בַּ֝עֲצוּמָ֗יו חלכאים [חֵ֣יל] [כָּאִֽים]׃ יא אָמַ֣ר בְּ֭לִבּוֹ שָׁ֣כַֽח אֵ֑ל הִסְתִּ֥יר פָּ֝נָ֗יו בַּל־רָאָ֥ה לָנֶֽצַח׃ יב קוּמָ֤ה יְהוָ֗ה אֵ֭ל נְשָׂ֣א יָדֶ֑ךָ אַל־תִּשְׁכַּ֥ח עניים [עֲנָוִֽים]׃ יג עַל־מֶ֤ה׀ נִאֵ֖ץ רָשָׁ֥ע׀ אֱלֹהִ֑ים אָמַ֥ר בְּ֝לִבּ֗וֹ לֹ֣א תִּדְרֹֽשׁ׃ יד רָאִ֡תָה כִּֽי־אַתָּ֤ה׀ עָ֘מָ֤ל וָכַ֨עַס׀ תַּבִּיט֮ לָתֵ֪ת בְּיָ֫דֶ֥ךָ עָ֭לֶיךָ יַעֲזֹ֣ב חֵלֶ֑כָה יָ֝ת֗וֹם אַתָּ֤ה׀ הָיִ֬יתָ עוֹזֵֽר׃ טו שְׁ֭בֹר זְר֣וֹעַ רָשָׁ֑ע וָ֝רָ֗ע תִּֽדְרוֹשׁ־רִשְׁע֥וֹ בַל־תִּמְצָֽא׃ טז יְהוָ֣ה מֶ֭לֶךְ עוֹלָ֣ם וָעֶ֑ד אָבְד֥וּ ג֝וֹיִ֗ם מֵֽאַרְצֽוֹ׃ יז תַּאֲוַ֬ת עֲנָוִ֣ים שָׁמַ֣עְתָּ יְהוָ֑ה תָּכִ֥ין לִ֝בָּ֗ם תַּקְשִׁ֥יב אָזְנֶֽךָ׃ יח לִשְׁפֹּ֥ט יָת֗וֹם וָ֫דָ֥ךְ בַּל־יוֹסִ֥יף ע֑וֹד לַעֲרֹ֥ץ אֱ֝נ֗וֹשׁ מִן־הָאָֽרֶץ׃
- א לָמָה יְהוָה תַּעֲמֹד בְּרָחוֹקמרחוק? תַּעְלִיםתעלים עין, תתעלם לְעִתּוֹת בַּצָּרָה?
- ב בְּגַאֲוַת רָשָׁעהרשע, בגלל שהוא מתגאה בכוחו ולא ירא מה' יִדְלַקירדוף אחרי ה- עָנִי, יִתָּפְשׂוּהעניים אכן נתפסים בִּמְזִמּוֹת זוּ חָשָׁבוּאשר הרשעים תכננו.
- ג כִּי הִלֵּל רָשָׁעהרשע משבח את עצמו עַלעל שמילא את תַּאֲוַת נַפְשׁוֹ, וּבֹצֵעַ בֵּרֵךְוכשהגנב מהלל את עצמו נִאֵץהוא מבזה את יְהוָה.
- ד רָשָׁע כְּגֹבַהּ אַפּוֹבגלל שרוחו גבוהה, בגלל שהוא גאוותן בַּל יִדְרֹשׁאיננו דורש את ה', איננו מבקש את קירבתו של ה', אֵין אֱלֹהִיםהמחשבה ש"אין אלוקים" כָּל מְזִמּוֹתָיוהיא כל מחשבותיו.
- ה יָחִילוּיצליחו (דרכו) דְרָכָיו בְּכָל עֵת, מָרוֹם מִשְׁפָּטֶיךָנקמותיך אשר בשמים מִנֶּגְדּוֹרחוקים הם ממנו, כָּל צוֹרְרָיו יָפִיחַ בָּהֶםיבריח אותם על ידי משב רוח קל בידו.
- ו אָמַר בְּלִבּוֹ בַּל אֶמּוֹט, לְדֹר וָדֹרלעולם, לנצח אֲשֶׁר לֹא בְרָעאהיה נחשב כמי שאיננו שרוי ברע.
- ז אָלָה פִּיהוּ מָלֵאפיו מלא בשבועות שקר, וּמִרְמוֹת וָתֹךְודברי רשע, תַּחַת לְשׁוֹנוֹומתחת ללשון הוא מחביא עָמָל וָאָוֶןאת מחשבותיו שיביאו סבל ורשע.
- ח יֵשֵׁב בְּמַאְרַב חֲצֵרִיםליד הערים שאינן מוקפות חומה, בַּמִּסְתָּרִים יַהֲרֹג נָקִיאדם שלא חטא, עֵינָיו לְחֵלְכָהלעני, למסכן יִצְפֹּנוּ.
- ט יֶאֱרֹב בַּמִּסְתָּר כְּאַרְיֵה בְסֻכֹּההאורב לטרף בתוך מקום מסתור, יֶאֱרֹב לַחֲטוֹף עָנִי, יַחְטֹף עָנִי בְּמָשְׁכוֹ בְרִשְׁתּוֹ.
- י (ודכה) יִדְכֶּה יָשֹׁחַיתכופף וינמיך את עצמו במקום המחבוא כדי שלא להתגלות, וְנָפַל בַּעֲצוּמָיוויתנפל בכל כוחו (חלכאים) חֵיל כָּאִיםעל ממונם של העניים.
- יא אָמַר בְּלִבּוֹ 'שָׁכַח אֵל, הִסְתִּיר פָּנָיו, בַּל רָאָהולא יראה את העניים לָנֶצַח'.
- יב קוּמָה יְהוָה, אֵל נְשָׂא יָדֶךָהרם את ידך, להילחם ברשעים, אַל תִּשְׁכַּח (עניים) עֲנָוִיםאת המעונים.
- יג עַל מֶהלמה נִאֵץ רָשָׁע אֱלֹהִיםאת ה', אָמַר בְּלִבּוֹ לֹא תִּדְרֹשׁשאתה, ה', לא תתעניין בנעשה בין הרשעים לעניים.
- יד רָאִתָהאך האמת היא שאתה ראית את כל מעשי הרשעים, כִּי אַתָּה עָמָל וָכַעַסעל היסורים והיגון תַּבִּיט, לָתֵת בְּיָדֶךָכדי שתיתן בעצמך את העונש הראוי. עָלֶיךָ יַעֲזֹב חֵלֶכָהיסמוך העני שתעזור לו, יָתוֹם אַתָּה הָיִיתָ עוֹזֵרמאז ומעולם עזרת לו, ליתום.
- טו שְׁבֹר זְרוֹעַ רָשָׁע, וָרָעובאשר לאיש הרע תִּדְרוֹשׁ רִשְׁעוֹ בַל תִּמְצָאעד אשר תעלם רשעתו כך שלא תוכל למצא יותר ממנה (כביכול ה' יחפש ולא יצליח למצא יותר רישעות).
- טז יְהוָהואז ידעו כולם שה' מֶלֶךְ עוֹלָם וָעֶד, אָבְדוּה' עלה למשול על ארצו וגרש משם עמים שכבשו את הארץ מעם ישראל גוֹיִם מֵאַרְצוֹ.
- יז תַּאֲוַת עֲנָוִיםאת משאלותם של המעונים שָׁמַעְתָּ יְהוָה, תָּכִין לִבָּםתעשה את תאות ליבם, תמלא את משאלותם, תַּקְשִׁיב אָזְנֶךָ.
- יח לִשְׁפֹּט יָתוֹם וָדָךְ בַּל יוֹסִיףכך שלא ימשיכו עוֹד לַעֲרֹץ אֱנוֹשׁלפחד מהאנשים הרשעים מִן הָאָרֶץהנמצאים על פני האדמה (בניגוד לה' הנמצא בשמים).
מאמרים בקטגוריה "תהלים י"
דף קטגוריה זה כולל את 4 הדפים הבאים, מתוך 4 בקטגוריה כולה.
