קטגוריה:תהלים טז
מתוך ויקיטקסט
לחץ כאן להצגת התוכן ↓
א מכתם לדוד שמרני אל כי חסיתי בך ב אמרת ליהוה אדני אתה טובתי בל עליך ג לקדושים אשר בארץ המה ואדירי כל חפצי בם ד ירבו עצבותם אחר מהרו בל אסיך נסכיהם מדם ובל אשא את שמותם על שפתי ה יהוה מנת חלקי וכוסי אתה תומיך גורלי ו חבלים נפלו לי בנעמים אף נחלת שפרה עלי ז אברך את יהוה אשר יעצני אף לילות יסרוני כליותי ח שויתי יהוה לנגדי תמיד כי מימיני בל אמוט ט לכן שמח לבי ויגל כבודי אף בשרי ישכן לבטח י כי לא תעזב נפשי לשאול לא תתן חסידך לראות שחת יא תודיעני ארח חיים שבע שמחות את פניך נעמות בימינך נצח
א מִכְתָּם לְדָוִד שָׁמְרֵנִי אֵל כִּי חָסִיתִי בָךְ. ב אָמַרְתְּ לַיהוָה אֲדֹנָי אָתָּה טוֹבָתִי בַּל עָלֶיךָ. ג לִקְדוֹשִׁים אֲשֶׁר בָּאָרֶץ הֵמָּה וְאַדִּירֵי כָּל חֶפְצִי בָם. ד יִרְבּוּ עַצְּבוֹתָם אַחֵר מָהָרוּ בַּל אַסִּיךְ נִסְכֵּיהֶם מִדָּם וּבַל אֶשָּׂא אֶת שְׁמוֹתָם עַל שְׂפָתָי. ה יְהוָה מְנָת חֶלְקִי וְכוֹסִי אַתָּה תּוֹמִיךְ גּוֹרָלִי. ו חֲבָלִים נָפְלוּ לִי בַּנְּעִמִים אַף נַחֲלָת שָׁפְרָה עָלָי. ז אֲבָרֵךְ אֶת יְהוָה אֲשֶׁר יְעָצָנִי אַף לֵילוֹת יִסְּרוּנִי כִלְיוֹתָי. ח שִׁוִּיתִי יְהוָה לְנֶגְדִּי תָמִיד כִּי מִימִינִי בַּל אֶמּוֹט. ט לָכֵן שָׂמַח לִבִּי וַיָּגֶל כְּבוֹדִי אַף בְּשָׂרִי יִשְׁכֹּן לָבֶטַח. י כִּי לֹא תַעֲזֹב נַפְשִׁי לִשְׁאוֹל לֹא תִתֵּן חֲסִידְךָ לִרְאוֹת שָׁחַת. יא תּוֹדִיעֵנִי אֹרַח חַיִּים שֹׂבַע שְׂמָחוֹת אֶת פָּנֶיךָ נְעִמוֹת בִּימִינְךָ נֶצַח.
א מִכְתָּ֥ם לְדָוִ֑ד שָֽׁמְרֵ֥נִי אֵ֝֗ל כִּֽי־חָסִ֥יתִי בָֽךְ׃ ב אָמַ֣רְתְּ לַֽ֭יהוָה אֲדֹנָ֣י אָ֑תָּה ט֝וֹבָתִ֗י בַּל־עָלֶֽיךָ׃ ג לִ֭קְדוֹשִׁים אֲשֶׁר־בָּאָ֣רֶץ הֵ֑מָּה וְ֝אַדִּירֵ֗י כָּל־חֶפְצִי־בָֽם׃ ד יִרְבּ֥וּ עַצְּבוֹתָם֮ אַחֵ֪ר מָ֫הָ֥רוּ בַּל־אַסִּ֣יךְ נִסְכֵּיהֶ֣ם מִדָּ֑ם וּֽבַל־אֶשָּׂ֥א אֶת־שְׁ֝מוֹתָ֗ם עַל־שְׂפָתָֽי׃ ה יְֽהוָ֗ה מְנָת־חֶלְקִ֥י וְכוֹסִ֑י אַ֝תָּ֗ה תּוֹמִ֥יךְ גּוֹרָלִֽי׃ ו חֲבָלִ֣ים נָֽפְלוּ־לִ֭י בַּנְּעִמִ֑ים אַף־נַ֝חֲלָ֗ת שָֽׁפְרָ֥ה עָלָֽי׃ ז אֲבָרֵ֗ךְ אֶת־יְ֭הוָה אֲשֶׁ֣ר יְעָצָ֑נִי אַף־לֵ֝יל֗וֹת יִסְּר֥וּנִי כִלְיוֹתָֽי׃ ח שִׁוִּ֬יתִי יְהוָ֣ה לְנֶגְדִּ֣י תָמִ֑יד כִּ֥י מִֽ֝ימִינִ֗י בַּל־אֶמּֽוֹט׃ ט לָכֵ֤ן׀ שָׂמַ֣ח לִ֭בִּי וַיָּ֣גֶל כְּבוֹדִ֑י אַף־בְּ֝שָׂרִ֗י יִשְׁכֹּ֥ן לָבֶֽטַח׃ י כִּ֤י׀ לֹא־תַעֲזֹ֣ב נַפְשִׁ֣י לִשְׁא֑וֹל לֹֽא־תִתֵּ֥ן חֲ֝סִידְךָ֗ לִרְא֥וֹת שָֽׁחַת׃ יא תּֽוֹדִיעֵנִי֮ אֹ֤רַח חַ֫יִּ֥ים שֹׂ֣בַע שְׂ֭מָחוֹת אֶת־פָּנֶ֑יךָ נְעִמ֖וֹת בִּימִינְךָ֣ נֶֽצַח׃
א מִכְתָּםסוג של מזמור לְדָוִד,
- שָׁמְרֵנִי אֵל כִּי חָסִיתִי בָךְכי אני בוטח בך.
- ב אָמַרְתְּנפשי, את אמרת לַיהוָה: אֲדֹנָי אָתָּהאתה האדון שלי, טוֹבָתִי בַּל עָלֶיךָאת טובתי אינני מבקש מאף אחד חוץ ממך.
- ג לִקְדוֹשִׁיםאינני מבקש את טובתי מאלילים אֲשֶׁר בָּאָרֶץ הֵמָּה, וְאַדִּירֵיואינני פונה גם למי שבני האדם מחשיבים כאדירים כָּל חֶפְצִי בָםומכנים אותם "כל חפצי בם" - כל מה שנבקש יבוא מהם.
- ד יִרְבּוּ עַצְּבוֹתָםיהיו רבים האלילים אַחֵר מָהָרוּשל אותם אשר מיהרו ללכת אחרי אל אחר (הוא כביכול מברך אותם שיהיו להם הרבה אלילים, אך זה נאמר בלעג, שהרי האלילים לא מועילים בכלום), בַּל אַסִּיךְ נִסְכֵּיהֶם מִדָּםנסך רגיל הוא יין ששופכים על המזבח, ועובדי האלילים היו נוהגים גם להסיך דם, וּבַל אֶשָּׂא אֶת שְׁמוֹתָם עַל שְׂפָתָי.
- ה יְהוָה מְנָת חֶלְקִיהוא החלק שלי (כביכול, המנה האישית המונחת לפני הסועד) וְכוֹסִיומנת היין שנמזגה לי בכוס, אַתָּה תּוֹמִיךְתאחוז גּוֹרָלִיבגורלי, כלומר: גורלי ניתן לי מידך.
- ו חֲבָלִיםאחוזות, נחלות נָפְלוּ לִינפלו בחלקי, קיבלתי מה' בַּנְּעִמִיםאחוזות נעימות, משובחות, אַף נַחֲלָתוגם הנחלה שאני גר בה שָׁפְרָהטובה, חביבה עָלָי.
- ז אֲבָרֵךְ אֶת יְהוָה אֲשֶׁר יְעָצָנִינתן לי עצות טובות, אַף לֵילוֹתבלילות, בשוכבי על מיטתי יִסְּרוּנִי כִלְיוֹתָיכליותי, המצפון שלי, לימדו אותי ללכת בדרך המוסר.
- ח שִׁוִּיתִישמתי, הנחתי, אני מדמיין את - יְהוָה לְנֶגְדִּיכאילו הוא עומד מולי תָמִיד, כִּי מִימִינִיאכן הוא נמצא לצידי בַּל אֶמּוֹטולכן לא אפול.
- ט לָכֵן שָׂמַח לִבִּי וַיָּגֶל כְּבוֹדִיושמחה נפשי, אַף בְּשָׂרִיהגוף שלי יִשְׁכֹּן לָבֶטַח.
- י כִּי לֹא תַעֲזֹב נַפְשִׁי לִשְׁאוֹללתת למוות לקחת אותה, לֹא תִתֵּן (חסידיך) חֲסִידְךָאת בן בריתך לִרְאוֹת שָׁחַתאת השאול.
- יא תּוֹדִיעֵנִיתלמד אותי אֹרַח חַיִּיםאת דרך החיים (כדי שאתרחק מהדרך המובילה למוות), שֹׂבַע שְׂמָחוֹת אֶת פָּנֶיךָתן לי שמחה רבה מלראות את פניך, עד כדי שאהיה שבע מרוב שמחה, נְעִמוֹת בִּימִינְךָותן לי דברים נעימים ביד ימינך נֶצַחלעולם.
מאמרים בקטגוריה "תהלים טז"
דף קטגוריה זה כולל את 4 הדפים הבאים, מתוך 4 בקטגוריה כולה.
