תהלים ז
קיצור דרך: t2607
תנ"ך > תהלים > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה • נו • נז • נח • נט • ס • סא • סב • סג • סד • סה • סו • סז • סח • סט • ע • עא • עב • עג • עד • עה • עו • עז • עח • עט • פ • פא • פב • פג • פד • פה • פו • פז • פח • פט • צ • צא • צב • צג • צד • צה • צו • צז • צח • צט • ק • קא • קב • קג • קד • קה • קו • קז • קח • קט • קי • קיא • קיב • קיג • קיד • קטו • קטז • קיז • קיח • קיט • קכ • קכא • קכב • קכג • קכד • קכה • קכו • קכז • קכח • קכט • קל • קלא • קלב • קלג • קלד • קלה • קלו • קלז • קלח • קלט • קמ • קמא • קמב • קמג • קמד • קמה • קמו • קמז • קמח • קמט • קנ
הפרק במהדורה המוטעמת
ז א שִׁגָּי֗וֹן לְדָ֫וִ֥ד
אֲשֶׁר־שָׁ֥ר לַֽיהֹוָ֑ה
עַל־דִּבְרֵי־כ֗֝וּשׁ בֶּן־יְמִינִֽי׃
ב יְהֹוָ֣ה אֱ֭לֹהַי בְּךָ֣ חָסִ֑יתִי
הוֹשִׁיעֵ֥נִי מִכׇּל־רֹ֝דְפַ֗י וְהַצִּילֵֽנִי׃
ג פֶּן־יִטְרֹ֣ף כְּאַרְיֵ֣ה נַפְשִׁ֑י
פֹּ֝רֵ֗ק וְאֵ֣ין מַצִּֽיל׃
ד יְהֹוָ֣ה אֱ֭לֹהַי אִם־עָשִׂ֣יתִי זֹ֑את
אִֽם־יֶשׁ־עָ֥וֶל בְּכַפָּֽי׃
ה אִם־גָּ֭מַלְתִּי שֽׁוֹלְמִ֥י רָ֑ע
וָאֲחַלְּצָ֖ה צֽוֹרְﬞרִ֣י רֵיקָֽם׃
ו יִ֥רַדֹּֽף־אוֹיֵ֨ב ׀ נַפְשִׁ֡י וְיַשֵּׂ֗ג
וְיִרְמֹ֣ס לָאָ֣רֶץ חַיָּ֑י
וּכְבוֹדִ֓י ׀ לֶעָפָ֖ר יַשְׁכֵּ֣ן סֶֽלָה׃
ז ק֘וּמָ֤ה יְהֹוָ֨ה ׀ בְּאַפֶּ֗ךָ
הִ֭נָּשֵׂא בְּעַבְר֣וֹת צוֹרְﬞרָ֑י
וְע֥וּרָה אֵ֝לַ֗י מִשְׁפָּ֥ט צִוִּֽיתָ׃
ח וַעֲדַ֣ת לְ֭אֻמִּים תְּסֽוֹבְﬞבֶ֑ךָּ
וְ֝עָלֶ֗יהָ לַמָּר֥וֹם שֽׁוּבָה׃
ט יְהֹוָה֮ יָדִ֢ין עַ֫מִּ֥ים
שׇׁפְטֵ֥נִי יְהֹוָ֑ה
כְּצִדְקִ֖י וּכְתֻמִּ֣י עָלָֽי׃
י יִגְמׇר־נָ֬א רַ֨ע ׀ רְשָׁעִים֮
וּתְכוֹנֵ֢ן צַ֫דִּ֥יק
וּבֹחֵ֣ן לִ֭בּוֹת וּכְלָי֗וֹת
אֱלֹהִ֥ים צַדִּֽיק׃
יא מָגִנִּ֥י עַל־אֱלֹהִ֑ים
מ֝וֹשִׁ֗יעַ יִשְׁרֵי־לֵֽב׃
יב אֱ֭לֹהִים שׁוֹפֵ֣ט צַדִּ֑יק
וְ֝אֵ֗ל זֹעֵ֥ם בְּכׇל־יֽוֹם׃
יג אִם־לֹ֣א יָ֭שׁוּב חַרְבּ֣וֹ יִלְט֑וֹשׁ
קַשְׁתּ֥וֹ דָ֝רַ֗ךְ וַֽיְכוֹנְנֶֽהָ׃
יד וְ֭לוֹ הֵכִ֣ין כְּלֵי־מָ֑וֶת
חִ֝צָּ֗יו לְֽדֹלְקִ֥ים יִפְעָֽל׃
טו הִנֵּ֥ה יְחַבֶּל־אָ֑וֶן
וְהָרָ֥ה עָ֝מָ֗ל וְיָ֣לַד שָֽׁקֶר׃
טז בּ֣וֹר כָּ֭רָה וַֽיַּחְפְּרֵ֑הוּ
וַ֝יִּפֹּ֗ל בְּשַׁ֣חַת יִפְעָֽל׃
יז יָשׁ֣וּב עֲמָל֣וֹ בְרֹאשׁ֑וֹ
וְעַ֥ל קׇ֝דְקֳד֗וֹ חֲמָס֥וֹ יֵרֵֽד׃
יח אוֹדֶ֣ה יְהֹוָ֣ה כְּצִדְק֑וֹ
וַ֝אֲזַמְּרָ֗ה שֵֽׁם־יְהֹוָ֥ה עֶלְיֽוֹן׃
מהדורות נוספות
לחץ למטה על [הראה] להצגת התוכן ↓
א שגיון לדוד אשר שר ליהוה על דברי כוש בן ימיני
ב יהוה אלהי בך חסיתי הושיעני מכל רדפי והצילני
ג פן יטרף כאריה נפשי פרק ואין מציל
ד יהוה אלהי אם עשיתי זאת אם יש עול בכפי
ה אם גמלתי שולמי רע ואחלצה צוררי ריקם
ו ירדף אויב נפשי וישג וירמס לארץ חיי וכבודי לעפר ישכן סלה
ז קומה יהוה באפך הנשא בעברות צוררי ועורה אלי משפט צוית
ח ועדת לאמים תסובבך ועליה למרום שובה
ט יהוה ידין עמים שפטני יהוה כצדקי וכתמי עלי
י יגמר נא רע רשעים ותכונן צדיק ובחן לבות וכליות אלהים צדיק
יא מגני על אלהים מושיע ישרי לב
יב אלהים שופט צדיק ואל זעם בכל יום
יג אם לא ישוב חרבו ילטוש קשתו דרך ויכוננה
יד ולו הכין כלי מות חציו לדלקים יפעל
טו הנה יחבל און והרה עמל וילד שקר
טז בור כרה ויחפרהו ויפל בשחת יפעל
יז ישוב עמלו בראשו ועל קדקדו חמסו ירד
יח אודה יהוה כצדקו ואזמרה שם יהוה עליון
א שִׁגָּיוֹן לְדָוִד אֲשֶׁר שָׁר לַיהוָה עַל דִּבְרֵי כוּשׁ בֶּן יְמִינִי.
ב יְהוָה אֱלֹהַי בְּךָ חָסִיתִי הוֹשִׁיעֵנִי מִכָּל רֹדְפַי וְהַצִּילֵנִי.
ג פֶּן יִטְרֹף כְּאַרְיֵה נַפְשִׁי פֹּרֵק וְאֵין מַצִּיל.
ד יְהוָה אֱלֹהַי אִם עָשִׂיתִי זֹאת אִם יֶשׁ עָוֶל בְּכַפָּי.
ה אִם גָּמַלְתִּי שׁוֹלְמִי רָע וָאֲחַלְּצָה צוֹרְרִי רֵיקָם.
ו יִרַדֹּף אוֹיֵב נַפְשִׁי וְיַשֵּׂג וְיִרְמֹס לָאָרֶץ חַיָּי וּכְבוֹדִי לֶעָפָר יַשְׁכֵּן סֶלָה.
ז קוּמָה יְהוָה בְּאַפֶּךָ הִנָּשֵׂא בְּעַבְרוֹת צוֹרְרָי וְעוּרָה אֵלַי מִשְׁפָּט צִוִּיתָ.
ח וַעֲדַת לְאֻמִּים תְּסוֹבְבֶךָּ וְעָלֶיהָ לַמָּרוֹם שׁוּבָה.
ט יְהוָה יָדִין עַמִּים שָׁפְטֵנִי יְהוָה כְּצִדְקִי וּכְתֻמִּי עָלָי.
י יִגְמָר נָא רַע רְשָׁעִים וּתְכוֹנֵן צַדִּיק וּבֹחֵן לִבּוֹת וּכְלָיוֹת אֱלֹהִים צַדִּיק.
יא מָגִנִּי עַל אֱלֹהִים מוֹשִׁיעַ יִשְׁרֵי לֵב.
יב אֱלֹהִים שׁוֹפֵט צַדִּיק וְאֵל זֹעֵם בְּכָל יוֹם.
יג אִם לֹא יָשׁוּב חַרְבּוֹ יִלְטוֹשׁ קַשְׁתּוֹ דָרַךְ וַיְכוֹנְנֶהָ.
יד וְלוֹ הֵכִין כְּלֵי מָוֶת חִצָּיו לְדֹלְקִים יִפְעָל.
טו הִנֵּה יְחַבֶּל אָוֶן וְהָרָה עָמָל וְיָלַד שָׁקֶר.
טז בּוֹר כָּרָה וַיַּחְפְּרֵהוּ וַיִּפֹּל בְּשַׁחַת יִפְעָל.
יז יָשׁוּב עֲמָלוֹ בְרֹאשׁוֹ וְעַל קָדְקֳדוֹ חֲמָסוֹ יֵרֵד.
יח אוֹדֶה יְהוָה כְּצִדְקוֹ וַאֲזַמְּרָה שֵׁם יְהוָה עֶלְיוֹן.
(א) שִׁגָּיוֹן לְדָוִד אֲשֶׁר שָׁר לַיהוָה עַל דִּבְרֵי כוּשׁ בֶּן יְמִינִי.
(ב) יְהוָה אֱלֹהַי בְּךָ חָסִיתִי הוֹשִׁיעֵנִי מִכָּל רֹדְפַי וְהַצִּילֵנִי.
(ג) פֶּן יִטְרֹף כְּאַרְיֵה נַפְשִׁי פֹּרֵק וְאֵין מַצִּיל.
(ד) יְהוָה אֱלֹהַי אִם עָשִׂיתִי זֹאת אִם יֶשׁ עָוֶל בְּכַפָּי.
(ה) אִם גָּמַלְתִּי שׁוֹלְמִי רָע וָאֲחַלְּצָה צוֹרְרִי רֵיקָם.
(ו) יִרַדֹּף אוֹיֵב נַפְשִׁי וְיַשֵּׂג וְיִרְמֹס לָאָרֶץ חַיָּי וּכְבוֹדִי לֶעָפָר יַשְׁכֵּן סֶלָה.
(ז) קוּמָה יְהוָה בְּאַפֶּךָ הִנָּשֵׂא בְּעַבְרוֹת צוֹרְרָי וְעוּרָה אֵלַי מִשְׁפָּט צִוִּיתָ.
(ח) וַעֲדַת לְאֻמִּים תְּסוֹבְבֶךָּ וְעָלֶיהָ לַמָּרוֹם שׁוּבָה.
(ט) יְהוָה יָדִין עַמִּים שָׁפְטֵנִי יְהוָה כְּצִדְקִי וּכְתֻמִּי עָלָי.
(י) יִגְמָר נָא רַע רְשָׁעִים וּתְכוֹנֵן צַדִּיק וּבֹחֵן לִבּוֹת וּכְלָיוֹת אֱלֹהִים צַדִּיק.
(יא) מָגִנִּי עַל אֱלֹהִים מוֹשִׁיעַ יִשְׁרֵי לֵב.
(יב) אֱלֹהִים שׁוֹפֵט צַדִּיק וְאֵל זֹעֵם בְּכָל יוֹם.
(יג) אִם לֹא יָשׁוּב חַרְבּוֹ יִלְטוֹשׁ קַשְׁתּוֹ דָרַךְ וַיְכוֹנְנֶהָ.
(יד) וְלוֹ הֵכִין כְּלֵי מָוֶת חִצָּיו לְדֹלְקִים יִפְעָל.
(טו) הִנֵּה יְחַבֶּל אָוֶן וְהָרָה עָמָל וְיָלַד שָׁקֶר.
(טז) בּוֹר כָּרָה וַיַּחְפְּרֵהוּ וַיִּפֹּל בְּשַׁחַת יִפְעָל.
(יז) יָשׁוּב עֲמָלוֹ בְרֹאשׁוֹ וְעַל קָדְקֳדוֹ חֲמָסוֹ יֵרֵד.
(יח) אוֹדֶה יְהוָה כְּצִדְקוֹ וַאֲזַמְּרָה שֵׁם יְהוָה עֶלְיוֹן.
א שִׁגָּיוֹן סוג של מנגינה (ראה חבקוק ג א) לְדָוִד אֲשֶׁר שָׁר לַיהוָה, עַל דִּבְרֵי כוּשׁ בֶּן יְמִינִי לא נתברר במי מדובר, ולפי חז"ל זהו שאול, שהיה משבט בינימין, ו"כוש" הוא כינוי של גנאי:
- ב יְהוָה אֱלֹהַי בְּךָ חָסִיתִי, הוֹשִׁיעֵנִי מִכָּל רֹדְפַי וְהַצִּילֵנִי.
- ג פֶּן יִטְרֹף כדי שהאויב שלי לא יטרוף כְּאַרְיֵה נַפְשִׁי, פֹּרֵק ויהיה משבר את איברי גופי וְאֵין מַצִּיל.
- ד יְהוָה, אֱלֹהַי אִם עָשִׂיתִי זֹאת את הכתוב בפסוק הבא, אִם יֶשׁ עָוֶל בְּכַפָּי אם ידי עשו דבר רע.
- ה אִם גָּמַלְתִּי החזרתי רעה שׁוֹלְמִי רָע לאיש ששילם לי רעה, וָאֲחַלְּצָה ואם הפשטתי (מבגדים, מנשק ומחפצי ערך) צוֹרְרִי את אויבי רֵיקָם והצגתי אותו חסר כל.
- ו יִרַדֹּף אוֹיֵב נַפְשִׁי וְיַשֵּׂג, וְיִרְמֹס לָאָרֶץ חַיָּי את נפשי, אותי, וּכְבוֹדִי לֶעָפָר יַשְׁכֵּן ישפיל ויניח שם סֶלָה לתמיד.
- ז קוּמָה יְהוָה בְּאַפֶּךָ, הִנָּשֵׂא בְּעַבְרוֹת צוֹרְרָי מתוך הכעס שמעוררים בך אויבי, וְעוּרָה אֵלַי עורר למעני מִשְׁפָּט צִוִּיתָ את הנקמה שיעדת.
- ח וַעֲדַת לְאֻמִּים אסיפת שבטי ישראל תְּסוֹבְבֶךָּ תקיף את מקדשך, להודות לך, וְעָלֶיהָ ובליווי שלה, כאשר אתה מרחף מעליה, לאחר שסיימת להלחם באויבינו לַמָּרוֹם שׁוּבָה.
- ט יְהוָה, יָדִין אתה ששופט עַמִּים - שָׁפְטֵנִי תשפוט גם אותי (לטובה) יְהוָה, כְּצִדְקִי וּכְתֻמִּי כפי שצדקתי ושלמותי ניכרים עָלָי.
- י יִגְמָר נָא יכלה בבקשה רַע רְשָׁעִים הרע שהרשעים עשו, יכלה אותם (הרעה שעשו לאחרים תשוב על ראשם), וּתְכוֹנֵן העמד ביציבות את ה- צַדִּיק, וּבֹחֵן שהרי אתה בוחן לִבּוֹת וּכְלָיוֹת, אֱלֹהִים צַדִּיק אתה ה' הצדיק.
- יא מָגִנִּי עַל בטחוני ב- אֱלֹהִים, מוֹשִׁיעַ יִשְׁרֵי לֵב.
- יב אֱלֹהִים שׁוֹפֵט צַדִּיק, וְאֵל זֹעֵם ומאידך גם שולח את זעמו ברשעים בְּכָל יוֹם תמיד (שופט וזועם).
- יג אִם לֹא יָשׁוּב לא יחזור בו הרשע מדרכיו, חַרְבּוֹ יִלְטוֹשׁ ואת חרבו ימשיך לחדד, קַשְׁתּוֹ דָרַךְ ואת קשתו ימשיך למתוח וַיְכוֹנְנֶהָ ולעמיד אותה ולכוון לירי.
- יד וְלוֹ הֵכִין אז בעצם לעצמו הוא הכין כְּלֵי מָוֶת, חִצָּיו לְדֹלְקִים יִפְעָל הכין לעצמו חצים טבולים ברעל.
- טו הִנֵּה יְחַבֶּל אָוֶן יכנס להריון של רשע, וְהָרָה עָמָל מילה מקבילה ל"אָוֶן", וְיָלַד שָׁקֶר.
- טז בּוֹר כָּרָה וַיַּחְפְּרֵהוּ, וַיִּפֹּל בְּשַׁחַת יִפְעָל בבור שעשה.
- יז יָשׁוּב עֲמָלוֹ בְרֹאשׁוֹ, וְעַל קָדְקֳדוֹ חֲמָסוֹ יֵרֵד.
- יח אוֹדֶה יְהוָה כְּצִדְקוֹ כי צידקו יצא לאור, וַאֲזַמְּרָה שֵׁם יְהוָה עֶלְיוֹן.
פסוקי הפרק
טקסטים נוספים העוסקים בפרק
פירושים ומאמרים על הפרק:
