משלי כא/הערות נוסח

<< · משלי · כא/הערות נוסח · >>

הסתר הערות נוסח

שער מקרא · שער תורה · שער נביאים · שער כתובים · מקראי מועד · ויבינו במקרא (אודיו) · מידע על גופנים · English
תקציר המבוא למהדורה · המבוא המלא למהדורה · הערות נוסח · תעתיק (מקרא פונטי) · ייבין · GitHub · תיקונים ושינויים · דיווח על טעות · מדריך טכני
♦ תורה: בראשית · שמות · ויקרא · במדבר · דברים ♦ נביאים: יהושע · שופטים · שמואל · מלכים · ישעיהו · ירמיהו · יחזקאל · תרי עשר ♦ כתובים: תהלים · משלי · איוב · שיר השירים · רות · איכה · קֹהלת · אסתר · דניאל · עזרא · דברי הימים

כא א פַּלְגֵי־מַ֣יִם לֶב־מֶ֭לֶךְ בְּיַד־יְהֹוָ֑ה
  עַֽל־כׇּל־אֲשֶׁ֖ר יַחְפֹּ֣ץ יַטֶּֽנּוּ׃
ב כׇּֽל־דֶּרֶךְ־אִ֭ישׁ יָשָׁ֣ר בְּעֵינָ֑יו
  וְתֹכֵ֖ן לִבּ֣וֹת יְהֹוָֽה׃
ג עֲ֭שֹׂה צְדָקָ֣ה וּמִשְׁפָּ֑ט
  נִבְחָ֖ר לַיהֹוָ֣ה מִזָּֽבַח׃
ד רוּם־עֵ֭ינַיִם וּרְחַב־לֵ֑ב
  נִ֖ר רְשָׁעִ֣ים חַטָּֽאת׃
ה מַחְשְׁב֣וֹת חָ֭רוּץ אַךְ־לְמוֹתָ֑ר
  וְכׇל־אָ֗֝ץ וְכׇל־אָ֗֝ץ
א=וְכׇל־אָ֝ץ (השמטת נקודת הרביע) אַךְ־לְמַחְסֽוֹר׃
ו פֹּ֣עַל אֹ֭צָרוֹת בִּלְשׁ֣וֹן שָׁ֑קֶר
  הֶ֥בֶל נִ֝דָּ֗ף מְבַקְשֵׁי־מָֽוֶת׃
ז שֹׁד־רְשָׁעִ֥ים יְגוֹרֵ֑ם
  כִּ֥י מֵ֝אֲנ֗וּ לַעֲשׂ֥וֹת מִשְׁפָּֽט׃
ח הֲפַכְפַּ֬ךְ דֶּ֣רֶךְ אִ֣ישׁ וָזָ֑ר
  וְ֝זַ֗ךְ יָשָׁ֥ר פׇּעֳלֽוֹ׃
ט ט֗וֹב לָשֶׁ֥בֶת עַל־פִּנַּת־גָּ֑ג
  מֵאֵ֥שֶׁת מִ֝דְיָנִ֗ים וּבֵ֥ית חָֽבֶר׃
י נֶ֣פֶשׁ רָ֭שָׁע אִוְּתָה־רָ֑ע
  לֹֽא־יֻחַ֖ן בְּעֵינָ֣יו רֵעֵֽהוּ׃
יא בַּֽעֲנׇשׁ־לֵ֭ץ יֶחְכַּם־פֶּ֑תִי
  וּבְהַשְׂכִּ֥יל לְ֝חָכָ֗ם יִקַּח־דָּֽעַת׃
יב מַשְׂכִּ֣יל צַ֭דִּיק לְבֵ֣ית רָשָׁ֑ע
  מְסַלֵּ֖ף רְשָׁעִ֣ים לָרָֽע׃
יג אֹטֵ֣ם אׇ֭זְנוֹ מִזַּעֲקַת־דָּ֑ל
  גַּֽם־ה֥וּא יִ֝קְרָ֗א וְלֹ֣א יֵעָנֶֽה׃
יד מַתָּ֣ן בַּ֭סֵּתֶר יִכְפֶּה־אָ֑ף
  וְשֹׁ֥חַד בַּ֝חֵ֗ק חֵמָ֥ה עַזָּֽה׃
טו שִׂמְחָ֣ה לַ֭צַּדִּיק עֲשׂ֣וֹת מִשְׁפָּ֑ט
  וּ֝מְחִתָּ֗ה לְפֹ֣עֲלֵי אָֽוֶן׃
טז אָדָ֗ם תּ֭וֹעֶה מִדֶּ֣רֶךְ הַשְׂכֵּ֑ל
  בִּקְהַ֖ל רְפָאִ֣ים יָנֽוּחַ׃
יז אִ֣ישׁ מַ֭חְסוֹר אֹהֵ֣ב שִׂמְחָ֑ה
  אֹהֵ֥ב יַֽיִן־וָ֝שֶׁ֗מֶן לֹ֣א יַעֲשִֽׁיר׃
יח כֹּ֣פֶר לַצַּדִּ֣יק רָשָׁ֑ע
  וְתַ֖חַת יְשָׁרִ֣ים בּוֹגֵֽד׃
יט ט֗וֹב שֶׁ֥בֶת בְּאֶֽרֶץ־מִדְבָּ֑ר
  מֵאֵ֖שֶׁת מדונים מִדְיָנִ֣ים וָכָֽעַס׃
כ אוֹצָ֤ר ׀ נֶחְמָ֣ד וָ֭שֶׁמֶן בִּנְוֵ֣ה חָכָ֑ם
  וּכְסִ֖יל אָדָ֣ם יְבַלְּעֶֽנּוּ׃
כא רֹ֭דֵף צְדָקָ֣ה וָחָ֑סֶד
  יִמְצָ֥א חַ֝יִּ֗ים צְדָקָ֥ה וְכָבֽוֹד׃
כב עִ֣יר גִּ֭בֹּרִים עָלָ֣ה חָכָ֑ם
  וַ֝יֹּ֗רֶד עֹ֣ז מִבְטֶחָֽהֿ׃
כג שֹׁמֵ֣ר פִּ֭יו וּלְשׁוֹנ֑וֹ
  שֹׁמֵ֖ר מִצָּר֣וֹת נַפְשֽׁוֹ׃
כד זֵ֣ד יָ֭הִיר לֵ֣ץ שְׁמ֑וֹ
  ע֝וֹשֶׂ֗ה בְּעֶבְרַ֥ת זָדֽוֹן׃
כה תַּאֲוַ֣ת עָצֵ֣ל תְּמִיתֶ֑נּוּ
  כִּֽי־מֵאֲנ֖וּ יָדָ֣יו לַעֲשֽׂוֹת׃
כו כׇּל־הַ֭יּוֹם הִתְאַוָּ֣ה תַאֲוָ֑ה
  וְצַדִּ֥יק יִ֝תֵּ֗ן וְלֹ֣א יַחְשֹֽׂךְ׃
כז זֶ֣בַח רְ֭שָׁעִים תּוֹעֵבָ֑ה
  אַ֗֝ף אַ֗֝ף
א=אַ֝ף (השמטת נקודת הרביע) כִּֽי־בְזִמָּ֥ה יְבִיאֶֽנּוּ׃
כח עֵד־כְּזָבִ֥ים יֹאבֵ֑ד
  וְאִ֥ישׁ שׁ֝וֹמֵ֗עַ לָנֶ֥צַח יְדַבֵּֽר׃
כט הֵעֵ֬ז אִ֣ישׁ רָשָׁ֣ע בְּפָנָ֑יו
  וְ֝יָשָׁ֗ר ה֤וּא ׀ יכין דרכיו [יָבִ֬ין דַּרְכּֽוֹ] יכין דרכיו [יָבִ֬ין דַּרְכּֽוֹ]
א-מ"ק=יבין דרכו קרי׃
ל אֵ֣ין חׇ֭כְמָה וְאֵ֣ין תְּבוּנָ֑ה
  וְאֵ֥ין עֵ֝צָ֗ה עֵ֝צָ֗ה
=ל ושיטת-א ובדפוסים (וכן הכריעו ברויאר ומג"ה)
א!=עֵ֝צָה (חסרה נקודת הרביע באות צד"י); לפי ברויאר ההשמטה רק בספק, אמנם מעיון בכתב־היד בהגדלה הוא ודאי. לְנֶ֣גֶד יְהֹוָֽה׃
　　
לא ס֗וּס מ֭וּכָן לְי֣וֹם מִלְחָמָ֑ה
  וְ֝לַיהֹוָ֗ה הַתְּשׁוּעָֽה׃

הפרק בלי מספרים

פַּלְגֵי־מַ֣יִם לֶב־מֶ֭לֶךְ בְּיַד־יְהֹוָ֑ה
  עַֽל־כׇּל־אֲשֶׁ֖ר יַחְפֹּ֣ץ יַטֶּֽנּוּ׃
כׇּֽל־דֶּרֶךְ־אִ֭ישׁ יָשָׁ֣ר בְּעֵינָ֑יו
  וְתֹכֵ֖ן לִבּ֣וֹת יְהֹוָֽה׃
עֲ֭שֹׂה צְדָקָ֣ה וּמִשְׁפָּ֑ט
  נִבְחָ֖ר לַיהֹוָ֣ה מִזָּֽבַח׃
רוּם־עֵ֭ינַיִם וּרְחַב־לֵ֑ב
  נִ֖ר רְשָׁעִ֣ים חַטָּֽאת׃
מַחְשְׁב֣וֹת חָ֭רוּץ אַךְ־לְמוֹתָ֑ר
  וְכׇל־אָ֗֝ץ וְכׇל־אָ֗֝ץ
א=וְכׇל־אָ֝ץ (השמטת נקודת הרביע) אַךְ־לְמַחְסֽוֹר׃
פֹּ֣עַל אֹ֭צָרוֹת בִּלְשׁ֣וֹן שָׁ֑קֶר
  הֶ֥בֶל נִ֝דָּ֗ף מְבַקְשֵׁי־מָֽוֶת׃
שֹׁד־רְשָׁעִ֥ים יְגוֹרֵ֑ם
  כִּ֥י מֵ֝אֲנ֗וּ לַעֲשׂ֥וֹת מִשְׁפָּֽט׃
הֲפַכְפַּ֬ךְ דֶּ֣רֶךְ אִ֣ישׁ וָזָ֑ר
  וְ֝זַ֗ךְ יָשָׁ֥ר פׇּעֳלֽוֹ׃
ט֗וֹב לָשֶׁ֥בֶת עַל־פִּנַּת־גָּ֑ג
  מֵאֵ֥שֶׁת מִ֝דְיָנִ֗ים וּבֵ֥ית חָֽבֶר׃
נֶ֣פֶשׁ רָ֭שָׁע אִוְּתָה־רָ֑ע
  לֹֽא־יֻחַ֖ן בְּעֵינָ֣יו רֵעֵֽהוּ׃
בַּֽעֲנׇשׁ־לֵ֭ץ יֶחְכַּם־פֶּ֑תִי
  וּבְהַשְׂכִּ֥יל לְ֝חָכָ֗ם יִקַּח־דָּֽעַת׃
מַשְׂכִּ֣יל צַ֭דִּיק לְבֵ֣ית רָשָׁ֑ע
  מְסַלֵּ֖ף רְשָׁעִ֣ים לָרָֽע׃
אֹטֵ֣ם אׇ֭זְנוֹ מִזַּעֲקַת־דָּ֑ל
  גַּֽם־ה֥וּא יִ֝קְרָ֗א וְלֹ֣א יֵעָנֶֽה׃
מַתָּ֣ן בַּ֭סֵּתֶר יִכְפֶּה־אָ֑ף
  וְשֹׁ֥חַד בַּ֝חֵ֗ק חֵמָ֥ה עַזָּֽה׃
שִׂמְחָ֣ה לַ֭צַּדִּיק עֲשׂ֣וֹת מִשְׁפָּ֑ט
  וּ֝מְחִתָּ֗ה לְפֹ֣עֲלֵי אָֽוֶן׃
אָדָ֗ם תּ֭וֹעֶה מִדֶּ֣רֶךְ הַשְׂכֵּ֑ל
  בִּקְהַ֖ל רְפָאִ֣ים יָנֽוּחַ׃
אִ֣ישׁ מַ֭חְסוֹר אֹהֵ֣ב שִׂמְחָ֑ה
  אֹהֵ֥ב יַֽיִן־וָ֝שֶׁ֗מֶן לֹ֣א יַעֲשִֽׁיר׃
כֹּ֣פֶר לַצַּדִּ֣יק רָשָׁ֑ע
  וְתַ֖חַת יְשָׁרִ֣ים בּוֹגֵֽד׃
ט֗וֹב שֶׁ֥בֶת בְּאֶֽרֶץ־מִדְבָּ֑ר
  מֵאֵ֖שֶׁת מדונים מִדְיָנִ֣ים וָכָֽעַס׃
אוֹצָ֤ר ׀ נֶחְמָ֣ד וָ֭שֶׁמֶן בִּנְוֵ֣ה חָכָ֑ם
  וּכְסִ֖יל אָדָ֣ם יְבַלְּעֶֽנּוּ׃
רֹ֭דֵף צְדָקָ֣ה וָחָ֑סֶד
  יִמְצָ֥א חַ֝יִּ֗ים צְדָקָ֥ה וְכָבֽוֹד׃
עִ֣יר גִּ֭בֹּרִים עָלָ֣ה חָכָ֑ם
  וַ֝יֹּ֗רֶד עֹ֣ז מִבְטֶחָֽהֿ׃
שֹׁמֵ֣ר פִּ֭יו וּלְשׁוֹנ֑וֹ
  שֹׁמֵ֖ר מִצָּר֣וֹת נַפְשֽׁוֹ׃
זֵ֣ד יָ֭הִיר לֵ֣ץ שְׁמ֑וֹ
  ע֝וֹשֶׂ֗ה בְּעֶבְרַ֥ת זָדֽוֹן׃
תַּאֲוַ֣ת עָצֵ֣ל תְּמִיתֶ֑נּוּ
  כִּֽי־מֵאֲנ֖וּ יָדָ֣יו לַעֲשֽׂוֹת׃
כׇּל־הַ֭יּוֹם הִתְאַוָּ֣ה תַאֲוָ֑ה
  וְצַדִּ֥יק יִ֝תֵּ֗ן וְלֹ֣א יַחְשֹֽׂךְ׃
זֶ֣בַח רְ֭שָׁעִים תּוֹעֵבָ֑ה
  אַ֗֝ף אַ֗֝ף
א=אַ֝ף (השמטת נקודת הרביע) כִּֽי־בְזִמָּ֥ה יְבִיאֶֽנּוּ׃
עֵד־כְּזָבִ֥ים יֹאבֵ֑ד
  וְאִ֥ישׁ שׁ֝וֹמֵ֗עַ לָנֶ֥צַח יְדַבֵּֽר׃
הֵעֵ֬ז אִ֣ישׁ רָשָׁ֣ע בְּפָנָ֑יו
  וְ֝יָשָׁ֗ר ה֤וּא ׀ יכין דרכיו [יָבִ֬ין דַּרְכּֽוֹ] יכין דרכיו [יָבִ֬ין דַּרְכּֽוֹ]
א-מ"ק=יבין דרכו קרי׃
אֵ֣ין חׇ֭כְמָה וְאֵ֣ין תְּבוּנָ֑ה
  וְאֵ֥ין עֵ֝צָ֗ה עֵ֝צָ֗ה
=ל ושיטת-א ובדפוסים (וכן הכריעו ברויאר ומג"ה)
א!=עֵ֝צָה (חסרה נקודת הרביע באות צד"י); לפי ברויאר ההשמטה רק בספק, אמנם מעיון בכתב־היד בהגדלה הוא ודאי. לְנֶ֣גֶד יְהֹוָֽה׃
　　
ס֗וּס מ֭וּכָן לְי֣וֹם מִלְחָמָ֑ה
  וְ֝לַיהֹוָ֗ה הַתְּשׁוּעָֽה׃