איוב יג
קיצור דרך: t2713
תנ"ך > איוב > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב
הפרק במהדורה המוטעמת
יג א הֶן־כֹּ֭ל רָאֲתָ֣ה עֵינִ֑י
שָֽׁמְעָ֥ה אׇ֝זְנִ֗י וַתָּ֥בֶן לָֽהּ׃
ב כְּֽ֭דַעְתְּכֶם יָדַ֣עְתִּי גַם־אָ֑נִי
לֹֽא־נֹפֵ֖ל אָנֹכִ֣י מִכֶּֽם׃
ג אוּלָ֗ם אֲ֭נִי אֶל־שַׁדַּ֣י אֲדַבֵּ֑ר
וְהוֹכֵ֖חַ אֶל־אֵ֣ל אֶחְפָּֽץ׃
ד וְֽאוּלָ֗ם אַתֶּ֥ם טֹפְלֵי־שָׁ֑קֶר
רֹפְאֵ֖י אֱלִ֣ל כֻּלְּכֶֽם׃
ה מִי־יִ֭תֵּן הַחֲרֵ֣שׁ תַּחֲרִישׁ֑וּן
וּתְהִ֖י לָכֶ֣ם לְחׇכְמָֽה׃
ו שִׁמְעוּ־נָ֥א תוֹכַחְתִּ֑י
וְרִב֖וֹת שְׂפָתַ֣י הַקְשִֽׁיבוּ׃
ז הַ֭לְאֵל תְּדַבְּר֣וּ עַוְלָ֑ה
וְ֝ל֗וֹ תְּֽדַבְּר֥וּ רְמִיָּֽה׃
ח הֲפָנָ֥יו תִּשָּׂא֑וּן
אִם־לָאֵ֥ל תְּרִיבֽוּן׃
ט הֲ֭טוֹב כִּֽי־יַחְקֹ֣ר אֶתְכֶ֑ם
אִם־כְּהָתֵ֥ל בֶּ֝אֱנ֗וֹשׁ תְּהָתֵ֥לּוּ בֽוֹ׃
י הוֹכֵ֣חַ יוֹכִ֣יחַ אֶתְכֶ֑ם
אִם־בַּ֝סֵּ֗תֶר פָּנִ֥ים תִּשָּׂאֽוּן׃
יא הֲלֹ֣א שְׂ֭אֵתוֹ תְּבַעֵ֣ת אֶתְכֶ֑ם
וּ֝פַחְדּ֗וֹ יִפֹּ֥ל עֲלֵיכֶֽם׃
יב זִֽ֭כְרֹנֵיכֶם מִשְׁלֵי־אֵ֑פֶר
לְגַבֵּי־חֹ֗֝מֶר גַּבֵּיכֶֽם׃
יג הַחֲרִ֣ישׁוּ מִ֭מֶּנִּי וַאֲדַבְּרָה־אָ֑נִי
וְיַעֲבֹ֖ר עָלַ֣י מָֽה׃
יד עַל־מָ֤ה ׀ אֶשָּׂ֣א בְשָׂרִ֣י בְשִׁנָּ֑י
וְ֝נַפְשִׁ֗י אָשִׂ֥ים בְּכַפִּֽי׃
טו הֵ֣ן יִ֭קְטְלֵנִי לא ל֣וֹ אֲיַחֵ֑ל
אַךְ־דְּ֝רָכַ֗י אֶל־פָּנָ֥יו אוֹכִֽיחַ׃
טז גַּם־הוּא־לִ֥י לִישׁוּעָ֑ה
כִּי־לֹ֥א לְ֝פָנָ֗יו חָנֵ֥ף יָבֽוֹא׃
יז שִׁמְע֣וּ שָׁ֭מוֹעַ מִלָּתִ֑י
וְ֝אַחֲוָתִ֗י בְּאׇזְנֵיכֶֽם׃
יח הִנֵּה־נָ֭א עָרַ֣כְתִּי מִשְׁפָּ֑ט
יָ֝דַ֗עְתִּי כִּי־אֲנִ֥י אֶצְדָּֽק׃
יט מִי־ה֭וּא יָרִ֣יב עִמָּדִ֑י
כִּֽי־עַתָּ֖ה אַחֲרִ֣ישׁ וְאֶגְוָֽע׃
כ אַךְ־שְׁ֭תַּיִם אַל־תַּ֣עַשׂ עִמָּדִ֑י
אָ֥ז מִ֝פָּנֶ֗יךָ לֹ֣א אֶסָּתֵֽר׃
כא כַּ֭פְּךָ מֵעָלַ֣י הַרְחַ֑ק
וְ֝אֵ֥מָתְךָ֗ אַֽל־תְּבַעֲתַֽנִּי׃
כב וּ֭קְרָא וְאָנֹכִ֣י אֶעֱנֶ֑ה
אֽוֹ־אֲ֝דַבֵּ֗ר וַהֲשִׁיבֵֽנִי׃
כג כַּמָּ֣ה לִ֭י עֲוֺנ֣וֹת וְחַטָּא֑וֹת
פִּֽשְׁעִ֥י וְ֝חַטָּאתִ֗י הֹדִיעֵֽנִי׃
כד לָֽמָּה־פָנֶ֥יךָ תַסְתִּ֑יר
וְתַחְשְׁבֵ֖נִי לְאוֹיֵ֣ב לָֽךְ׃
כה הֶעָלֶ֣ה נִדָּ֣ף תַּעֲר֑וֹץ
וְאֶת־קַ֖שׁ יָבֵ֣שׁ תִּרְדֹּֽף׃
כו כִּֽי־תִכְתֹּ֣ב עָלַ֣י מְרֹר֑וֹת
וְ֝תוֹרִישֵׁ֗נִי עֲוֺנ֥וֹת נְעוּרָֽי׃
כז וְתָ֘שֵׂ֤ם בַּסַּ֨ד ׀ רַגְלַ֗י
וְתִשְׁמ֥וֹר כׇּל־אׇרְחוֹתָ֑י
עַל־שׇׁרְשֵׁ֥י רַ֝גְלַ֗י תִּתְחַקֶּֽה׃
כח וְ֭הוּא כְּרָקָ֣ב יִבְלֶ֑ה
כְּ֝בֶ֗גֶד אֲכָ֣לוֹ עָֽשׁ׃
מהדורות נוספות
לחץ למטה על [הראה] להצגת התוכן ↓
א הן כל ראתה עיני שמעה אזני ותבן לה
ב כדעתכם ידעתי גם אני לא נפל אנכי מכם
ג אולם אני אל שדי אדבר והוכח אל אל אחפץ
ד ואולם אתם טפלי שקר רפאי אלל כלכם
ה מי יתן החרש תחרישון ותהי לכם לחכמה
ו שמעו נא תוכחתי ורבות שפתי הקשיבו
ז הלאל תדברו עולה ולו תדברו רמיה
ח הפניו תשאון אם לאל תריבון
ט הטוב כי יחקר אתכם אם כהתל באנוש תהתלו בו
י הוכח יוכיח אתכם אם בסתר פנים תשאון
יא הלא שאתו תבעת אתכם ופחדו יפל עליכם
יב זכרניכם משלי אפר לגבי חמר גביכם
יג החרישו ממני ואדברה אני ויעבר עלי מה
יד על מה אשא בשרי בשני ונפשי אשים בכפי
טו הן יקטלני לא [לו] איחל אך דרכי אל פניו אוכיח
טז גם הוא לי לישועה כי לא לפניו חנף יבוא
יז שמעו שמוע מלתי ואחותי באזניכם
יח הנה נא ערכתי משפט ידעתי כי אני אצדק
יט מי הוא יריב עמדי כי עתה אחריש ואגוע
כ אך שתים אל תעש עמדי אז מפניך לא אסתר
כא כפך מעלי הרחק ואמתך אל תבעתני
כב וקרא ואנכי אענה או אדבר והשיבני
כג כמה לי עונות וחטאות פשעי וחטאתי הדיעני
כד למה פניך תסתיר ותחשבני לאויב לך
כה העלה נדף תערוץ ואת קש יבש תרדף
כו כי תכתב עלי מררות ותורישני עונות נעורי
כז ותשם בסד רגלי ותשמור כל ארחותי על שרשי רגלי תתחקה
כח והוא כרקב יבלה כבגד אכלו עש
א הֶן כֹּל רָאֲתָה עֵינִי שָׁמְעָה אָזְנִי וַתָּבֶן לָהּ.
ב כְּדַעְתְּכֶם יָדַעְתִּי גַם אָנִי לֹא נֹפֵל אָנֹכִי מִכֶּם.
ג אוּלָם אֲנִי אֶל שַׁדַּי אֲדַבֵּר וְהוֹכֵחַ אֶל אֵל אֶחְפָּץ.
ד וְאוּלָם אַתֶּם טֹפְלֵי שָׁקֶר רֹפְאֵי אֱלִל כֻּלְּכֶם.
ה מִי יִתֵּן הַחֲרֵשׁ תַּחֲרִישׁוּן וּתְהִי לָכֶם לְחָכְמָה.
ו שִׁמְעוּ נָא תוֹכַחְתִּי וְרִבוֹת שְׂפָתַי הַקְשִׁיבוּ.
ז הַלְאֵל תְּדַבְּרוּ עַוְלָה וְלוֹ תְּדַבְּרוּ רְמִיָּה.
ח הֲפָנָיו תִּשָּׂאוּן אִם לָאֵל תְּרִיבוּן.
ט הֲטוֹב כִּי יַחְקֹר אֶתְכֶם אִם כְּהָתֵל בֶּאֱנוֹשׁ תְּהָתֵלּוּ בוֹ.
י הוֹכֵחַ יוֹכִיחַ אֶתְכֶם אִם בַּסֵּתֶר פָּנִים תִּשָּׂאוּן.
יא הֲלֹא שְׂאֵתוֹ תְּבַעֵת אֶתְכֶם וּפַחְדּוֹ יִפֹּל עֲלֵיכֶם.
יב זִכְרֹנֵיכֶם מִשְׁלֵי אֵפֶר לְגַבֵּי חֹמֶר גַּבֵּיכֶם.
יג הַחֲרִישׁוּ מִמֶּנִּי וַאֲדַבְּרָה אָנִי וְיַעֲבֹר עָלַי מָה.
יד עַל מָה אֶשָּׂא בְשָׂרִי בְשִׁנָּי וְנַפְשִׁי אָשִׂים בְּכַפִּי.
טו הֵן יִקְטְלֵנִי לא [לוֹ] אֲיַחֵל אַךְ דְּרָכַי אֶל פָּנָיו אוֹכִיחַ.
טז גַּם הוּא לִי לִישׁוּעָה כִּי לֹא לְפָנָיו חָנֵף יָבוֹא.
יז שִׁמְעוּ שָׁמוֹעַ מִלָּתִי וְאַחֲוָתִי בְּאָזְנֵיכֶם.
יח הִנֵּה נָא עָרַכְתִּי מִשְׁפָּט יָדַעְתִּי כִּי אֲנִי אֶצְדָּק.
יט מִי הוּא יָרִיב עִמָּדִי כִּי עַתָּה אַחֲרִישׁ וְאֶגְוָע.
כ אַךְ שְׁתַּיִם אַל תַּעַשׂ עִמָּדִי אָז מִפָּנֶיךָ לֹא אֶסָּתֵר.
כא כַּפְּךָ מֵעָלַי הַרְחַק וְאֵמָתְךָ אַל תְּבַעֲתַנִּי.
כב וּקְרָא וְאָנֹכִי אֶעֱנֶה אוֹ אֲדַבֵּר וַהֲשִׁיבֵנִי.
כג כַּמָּה לִי עֲוֺנוֹת וְחַטָּאוֹת פִּשְׁעִי וְחַטָּאתִי הֹדִיעֵנִי.
כד לָמָּה פָנֶיךָ תַסְתִּיר וְתַחְשְׁבֵנִי לְאוֹיֵב לָךְ.
כה הֶעָלֶה נִדָּף תַּעֲרוֹץ וְאֶת קַשׁ יָבֵשׁ תִּרְדֹּף.
כו כִּי תִכְתֹּב עָלַי מְרֹרוֹת וְתוֹרִישֵׁנִי עֲוֺנוֹת נְעוּרָי.
כז וְתָשֵׂם בַּסַּד רַגְלַי וְתִשְׁמוֹר כָּל אָרְחוֹתָי עַל שָׁרְשֵׁי רַגְלַי תִּתְחַקֶּה.
כח וְהוּא כְּרָקָב יִבְלֶה כְּבֶגֶד אֲכָלוֹ עָשׁ.
(א) הֶן כֹּל רָאֲתָה עֵינִי שָׁמְעָה אָזְנִי וַתָּבֶן לָהּ.
(ב) כְּדַעְתְּכֶם יָדַעְתִּי גַם אָנִי לֹא נֹפֵל אָנֹכִי מִכֶּם.
(ג) אוּלָם אֲנִי אֶל שַׁדַּי אֲדַבֵּר וְהוֹכֵחַ אֶל אֵל אֶחְפָּץ.
(ד) וְאוּלָם אַתֶּם טֹפְלֵי שָׁקֶר רֹפְאֵי אֱלִל כֻּלְּכֶם.
(ה) מִי יִתֵּן הַחֲרֵשׁ תַּחֲרִישׁוּן וּתְהִי לָכֶם לְחָכְמָה.
(ו) שִׁמְעוּ נָא תוֹכַחְתִּי וְרִבוֹת שְׂפָתַי הַקְשִׁיבוּ.
(ז) הַלְאֵל תְּדַבְּרוּ עַוְלָה וְלוֹ תְּדַבְּרוּ רְמִיָּה.
(ח) הֲפָנָיו תִּשָּׂאוּן אִם לָאֵל תְּרִיבוּן.
(ט) הֲטוֹב כִּי יַחְקֹר אֶתְכֶם אִם כְּהָתֵל בֶּאֱנוֹשׁ תְּהָתֵלּוּ בוֹ.
(י) הוֹכֵחַ יוֹכִיחַ אֶתְכֶם אִם בַּסֵּתֶר פָּנִים תִּשָּׂאוּן.
(יא) הֲלֹא שְׂאֵתוֹ תְּבַעֵת אֶתְכֶם וּפַחְדּוֹ יִפֹּל עֲלֵיכֶם.
(יב) זִכְרֹנֵיכֶם מִשְׁלֵי אֵפֶר לְגַבֵּי חֹמֶר גַּבֵּיכֶם.
(יג) הַחֲרִישׁוּ מִמֶּנִּי וַאֲדַבְּרָה אָנִי וְיַעֲבֹר עָלַי מָה.
(יד) עַל מָה אֶשָּׂא בְשָׂרִי בְשִׁנָּי וְנַפְשִׁי אָשִׂים בְּכַפִּי.
(טו) הֵן יִקְטְלֵנִי לא [לוֹ] אֲיַחֵל אַךְ דְּרָכַי אֶל פָּנָיו אוֹכִיחַ.
(טז) גַּם הוּא לִי לִישׁוּעָה כִּי לֹא לְפָנָיו חָנֵף יָבוֹא.
(יז) שִׁמְעוּ שָׁמוֹעַ מִלָּתִי וְאַחֲוָתִי בְּאָזְנֵיכֶם.
(יח) הִנֵּה נָא עָרַכְתִּי מִשְׁפָּט יָדַעְתִּי כִּי אֲנִי אֶצְדָּק.
(יט) מִי הוּא יָרִיב עִמָּדִי כִּי עַתָּה אַחֲרִישׁ וְאֶגְוָע.
(כ) אַךְ שְׁתַּיִם אַל תַּעַשׂ עִמָּדִי אָז מִפָּנֶיךָ לֹא אֶסָּתֵר.
(כא) כַּפְּךָ מֵעָלַי הַרְחַק וְאֵמָתְךָ אַל תְּבַעֲתַנִּי.
(כב) וּקְרָא וְאָנֹכִי אֶעֱנֶה אוֹ אֲדַבֵּר וַהֲשִׁיבֵנִי.
(כג) כַּמָּה לִי עֲוֺנוֹת וְחַטָּאוֹת פִּשְׁעִי וְחַטָּאתִי הֹדִיעֵנִי.
(כד) לָמָּה פָנֶיךָ תַסְתִּיר וְתַחְשְׁבֵנִי לְאוֹיֵב לָךְ.
(כה) הֶעָלֶה נִדָּף תַּעֲרוֹץ וְאֶת קַשׁ יָבֵשׁ תִּרְדֹּף.
(כו) כִּי תִכְתֹּב עָלַי מְרֹרוֹת וְתוֹרִישֵׁנִי עֲוֺנוֹת נְעוּרָי.
(כז) וְתָשֵׂם בַּסַּד רַגְלַי וְתִשְׁמוֹר כָּל אָרְחוֹתָי עַל שָׁרְשֵׁי רַגְלַי תִּתְחַקֶּה.
(כח) וְהוּא כְּרָקָב יִבְלֶה כְּבֶגֶד אֲכָלוֹ עָשׁ.
א הֶן כֹּל כל מה שאמרתם, כבר רָאֲתָה עֵינִי, שָׁמְעָה אָזְנִי וַתָּבֶן לָהּ. ב כְּדַעְתְּכֶם יָדַעְתִּי גַם אָנִי, לֹא נֹפֵל אָנֹכִי מִכֶּם. ג אוּלָם אֲנִי אֶל שַׁדַּי אֲדַבֵּר, וְהוֹכֵחַ ולדון אֶל אֵל אֶחְפָּץ. ד וְאוּלָם אַתֶּם טֹפְלֵי מורחים תרופות שָׁקֶר, רֹפְאֵי אֱלִל כֻּלְּכֶם. ה מִי יִתֵּן הַחֲרֵשׁ תַּחֲרִישׁוּן, וּתְהִי לָכֶם לְחָכְמָה. ו שִׁמְעוּ נָא תוֹכַחְתִּי, וְרִבוֹת טענות שְׂפָתַי הַקְשִׁיבוּ. ז הַלְאֵל האם לטובת האל תְּדַבְּרוּ עַוְלָה, וְלוֹ תְּדַבְּרוּ רְמִיָּה. ח הֲפָנָיו תִּשָּׂאוּן, אִם לָאֵל האם לצורכו של ה' תְּרִיבוּן. ט הֲטוֹב כִּי יַחְקֹר אֶתְכֶם, אִם כְּהָתֵל בֶּאֱנוֹשׁ תְּהָתֵלּוּ בוֹ. י הוֹכֵחַ יוֹכִיחַ אֶתְכֶם - אִם בַּסֵּתֶר פָּנִים תִּשָּׂאוּן ותתביישו עד כדי כך שלא תוכלו להרים את פניכם אפילו כשאתם נסתרים מאנשים. יא הֲלֹא שְׂאֵתוֹ רוממותו תְּבַעֵת אֶתְכֶם, וּפַחְדּוֹ יִפֹּל עֲלֵיכֶם. יב זִכְרֹנֵיכֶם כל הדברים שאתם מזכירים הם מִשְׁלֵי אֵפֶר, לְגַבֵּי חֹמֶר גַּבֵּיכֶם לערמות עפר נמשלו גיבובי הדברים שלכם. יג הַחֲרִישׁוּ מִמֶּנִּי מלהפריע לי וַאֲדַבְּרָה אָנִי, וְיַעֲבֹר עָלַי מָה מה שיעבור (מה שיקרה לי כעונש על דברי). יד עַל מָה אֶשָּׂא בְשָׂרִי בְשִׁנָּי אנשוך את שפתי בין שיני כדי להתאפק מלדבר, וְנַפְשִׁי אָשִׂים בְּכַפִּי ולמה אשים את נשימתי סגורה בכף ידי כדי למנוע ממנה מלהתבטא. טו הֵן יִקְטְלֵנִי גם אם יהרוג אותי (לא) לוֹ אֲיַחֵל עדיין אקוה שיודה בצדקתי, אַךְ דְּרָכַי אֶל פָּנָיו אוֹכִיחַ. טז גַּם הוּא ואז ה' יהיה לִי לִישׁוּעָה, כִּי לֹא לְפָנָיו חָנֵף יָבוֹא יבוא רשע להעיד נגדי. יז שִׁמְעוּ שָׁמוֹעַ מִלָּתִי, וְאַחֲוָתִי ואת דברי בְּאָזְנֵיכֶם. יח הִנֵּה נָא עָרַכְתִּי התכוננתי ל- מִשְׁפָּט, יָדַעְתִּי כִּי אֲנִי אֶצְדָּק. יט מִי הוּא יָרִיב עִמָּדִי האדם שיכול להתווכח איתי, כִּי עַתָּה אני בטוח שאין, ומוכן להתערב שאם יש אני אמות אַחֲרִישׁ וְאֶגְוָע.
כ אַךְ שְׁתַּיִם אַל תַּעַשׂ עִמָּדִי, אָז מִפָּנֶיךָ לֹא אֶסָּתֵר: כא כַּפְּךָ מֵעָלַי הַרְחַק, וְאֵמָתְךָ והבקשה השניה: שהפחד ממך אַל תְּבַעֲתַנִּי. כב וּקְרָא וְאָנֹכִי אֶעֱנֶה, אוֹ אֲדַבֵּר וַהֲשִׁיבֵנִי. כג כַּמָּה לִי מה מספרם של העוונות שלי עֲוֺנוֹת וְחַטָּאוֹת, פִּשְׁעִי וְחַטָּאתִי הֹדִיעֵנִי. כד לָמָּה פָנֶיךָ תַסְתִּיר, וְתַחְשְׁבֵנִי לְאוֹיֵב לָךְ. כה הֶעָלֶה נִדָּף תַּעֲרוֹץ תפחד ממנו, וְאֶת קַשׁ יָבֵשׁ תִּרְדֹּף. כו כִּי תִכְתֹּב עָלַי מְרֹרוֹת גזר דין של עונש מר, וְתוֹרִישֵׁנִי תעניק לי כאילו מדובר בירושה עֲוֺנוֹת נְעוּרָי עונש על עוונות שעשיתי בילדותי. כז וְתָשֵׂם בַּסַּד באזיקים רַגְלַי, וְתִשְׁמוֹר תעקוב כָּל אָרְחוֹתָי, עַל שָׁרְשֵׁי כפות רַגְלַי תִּתְחַקֶּה תרשום (לאן הלכתי). כח וְהוּא האדם באופן כללי (ר' המשך בתחילת הפרק הבא) כְּרָקָב כדבר רקוב יִבְלֶה, כְּבֶגֶד אֲכָלוֹ עָשׁ.
פסוקי הפרק
טקסטים נוספים העוסקים בפרק
פירושים ומאמרים על הפרק: