משלי לא/הערות נוסח

שער מקרא · שער תורה · שער נביאים · שער כתובים · מקראי מועד · ויבינו במקרא (אודיו) · מידע על גופנים · English
תקציר המבוא למהדורה · המבוא המלא למהדורה · הערות הנוסח · הבסיס הטכני לפרויקט בגליון נתונים · GitHub · תעתיק (מקרא פונטי) · ייבין · מדריך טכני · דיווח על טעות
♦ תורה: בראשית · שמות · ויקרא · במדבר · דברים ♦ נביאים: יהושע · שופטים · שמואל · מלכים · ישעיהו · ירמיהו · יחזקאל · תרי עשר ♦ כתובים: תהלים · משלי · איוב · שיר השירים · רות · איכה · קֹהלת · אסתר · דניאל · עזרא · דברי הימים

　　
לא א דִּ֭בְרֵי לְמוּאֵ֣ל מֶ֑לֶךְ
מַ֝שָּׂ֗א אֲֽשֶׁר־יִסְּרַ֥תּוּ אִמּֽוֹ׃
ב מַה־בְּ֭רִי וּמַֽה־בַּר־בִּטְנִ֑י
וּ֝מֶ֗ה בַּר־נְדָרָֽי׃
ג אַל־תִּתֵּ֣ן לַנָּשִׁ֣ים חֵילֶ֑ךָ
וּ֝דְרָכֶ֗יךָ לַֽמְח֥וֹת מְלָכִֽין׃
ד אַ֤ל לַֽמְלָכִ֨ים ׀ לְֽמוֹאֵ֗ל
אַ֣ל לַֽמְﬞלָכִ֣ים לַֽמְﬞלָכִ֣ים
א=לַֽמֲלָכִ֣ים (חטף) שְׁתוֹ־יָ֑יִן
וּ֝לְרוֹזְנִ֗ים או אֵ֣י שֵׁכָֽר׃
ה פֶּן־יִ֭שְׁתֶּה וְיִשְׁכַּ֣ח מְחֻקָּ֑ק
וִ֝ישַׁנֶּ֗ה דִּ֣ין כׇּל־בְּנֵי־עֹֽנִי׃
ו תְּנוּ־שֵׁכָ֥ר לְאוֹבֵ֑ד
וְ֝יַ֗יִן לְמָ֣רֵי נָֽפֶשׁ׃
ז יִ֭שְׁתֶּה וְיִשְׁכַּ֣ח רִישׁ֑וֹ
וַ֝עֲמָל֗וֹ לֹ֣א יִזְכׇּר־עֽוֹד׃
　　
ח פְּתַח־פִּ֥יךָ לְאִלֵּ֑ם
אֶל־דִּ֗֝ין אֶל־דִּ֗֝ין
א=אֶל־דִּ֝ין (השמטת נקודת הרביע) כׇּל־בְּנֵ֥י חֲלֽוֹף׃
ט פְּתַח־פִּ֥יךָ שְׁפׇט־צֶ֑דֶק
וְ֝דִ֗ין עָנִ֥י וְאֶבְיֽוֹן׃
　　
י אֵֽשֶׁת־חַ֭יִל מִ֣י יִמְצָ֑א
וְרָחֹ֖ק מִפְּנִינִ֣ים מִכְרָֽהּ׃
יא בָּ֣טַח בָּ֭הּ לֵ֣ב בַּעְלָ֑הּ
וְ֝שָׁלָ֗ל לֹ֣א יֶחְסָֽר׃
יב גְּמָלַ֣תְהוּ ט֣וֹב וְלֹא־רָ֑ע
כֹּ֗֝ל כֹּ֗֝ל
א=כֹּ֝ל (השמטת נקודת הרביע) יְמֵ֣י חַיֶּֽיהָ׃
יג דָּ֭רְשָׁה צֶ֣מֶר וּפִשְׁתִּ֑ים
וַ֝תַּ֗עַשׂ בְּחֵ֣פֶץ כַּפֶּֽיהָ׃
יד הָ֭יְתָה כׇּאֳנִיּ֣וֹת סוֹחֵ֑ר
מִ֝מֶּרְחָ֗ק תָּבִ֥יא לַחְמָֽהּ׃
טו וַתָּ֤קׇם ׀ בְּע֬וֹד לַ֗יְלָה
וַתִּתֵּ֣ן טֶ֣רֶף לְבֵיתָ֑הּ
וְ֝חֹ֗ק לְנַעֲרֹתֶֽיהָ׃
טז זָמְﬞמָ֣ה זָמְﬞמָ֣ה
א=זָמֲמָ֣ה (חטף) שָׂ֭דֶה וַתִּקָּחֵ֑הוּ
מִפְּרִ֥י כַ֝פֶּ֗יהָ נטע נָ֣טְעָה כָּֽרֶם׃
יז חָֽגְרָ֣ה בְע֣וֹז מׇתְנֶ֑יהָ
וַ֝תְּאַמֵּ֗ץ זְרוֹעֹתֶֽיהָ׃
יח טָ֭עֲמָה כִּי־ט֣וֹב סַחְרָ֑הּ
לֹא־יִכְבֶּ֖ה בליל בַלַּ֣יְלָה נֵרָֽהּ׃
יט יָ֭דֶיהָ שִׁלְּחָ֣ה בַכִּישׁ֑וֹר
וְ֝כַפֶּ֗יהָ תָּ֣מְכוּ פָֽלֶךְ׃
כ כַּ֭פָּהּ פָּֽרְשָׂ֣ה לֶעָנִ֑י
וְ֝יָדֶ֗יהָ שִׁלְּחָ֥ה לָאֶבְיֽוֹן׃
כא לֹא־תִירָ֣א לְבֵיתָ֣הּ מִשָּׁ֑לֶג
כִּ֥י כׇל־בֵּ֝יתָ֗הּ לָבֻ֥שׁ שָׁנִֽים׃
כב מַרְבַדִּ֥ים עָֽשְׂתָה־לָּ֑הּ
שֵׁ֖שׁ וְאַרְגָּמָ֣ן לְבוּשָֽׁהּ׃
כג נוֹדָ֣ע בַּשְּׁעָרִ֣ים בַּעְלָ֑הּ
בְּ֝שִׁבְתּ֗וֹ עִם־זִקְנֵי־אָֽרֶץ׃
כד סָדִ֣ין עָ֭שְׂתָה וַתִּמְכֹּ֑ר
וַ֝חֲג֗וֹר נָתְנָ֥ה לַֽכְּנַעֲנִֽי׃
כה עֹז־וְהָדָ֥ר לְבוּשָׁ֑הּ
וַ֝תִּשְׂחַ֗ק לְי֣וֹם אַחֲרֽוֹן׃
כו פִּ֭יהָ פָּתְחָ֣ה בְחׇכְמָ֑ה
וְת֥וֹרַת חֶ֝֗סֶד חֶ֝֗סֶד
א=חֶ֝סֶד (השמטת נקודת הרביע) עַל־לְשׁוֹנָֽהּ׃
כז צ֭וֹפִיָּה הילכות הֲלִיכ֣וֹת בֵּיתָ֑הּ
וְלֶ֥חֶם עַ֝צְל֗וּת לֹ֣א תֹאכֵֽל׃
כח קָ֣מוּ בָ֭נֶיהָ וַֽיְאַשְּׁר֑וּהָ
בַּ֝עְלָ֗הּ וַֽיְהַלְﬞלָֽהּ וַֽיְהַלְﬞלָֽהּ
א=וַֽיְהַלֲלָֽהּ (חטף)׃
כט רַבּ֣וֹת בָּ֭נוֹת עָ֣שׂוּ חָ֑יִל
וְ֝אַ֗תְּ עָלִ֥ית עַל־כֻּלָּֽנָה׃
ל שֶׁ֣קֶר הַ֭חֵן וְהֶ֣בֶל הַיֹּ֑פִי
אִשָּׁ֥ה יִרְאַת־יְ֝הֹוָ֗ה הִ֣יא תִתְהַלָּֽל׃
לא תְּנוּ־לָ֭הּ מִפְּרִ֣י יָדֶ֑יהָ
וִיהַלְﬞל֖וּהָ וִיהַלְﬞל֖וּהָ
א=וִיהַלֲל֖וּהָ (חטף) בַשְּׁעָרִ֣ים מַֽעֲשֶֽׂיהָ׃

הפרק בלי מספרים

　　
דִּ֭בְרֵי לְמוּאֵ֣ל מֶ֑לֶךְ
מַ֝שָּׂ֗א אֲֽשֶׁר־יִסְּרַ֥תּוּ אִמּֽוֹ׃
מַה־בְּ֭רִי וּמַֽה־בַּר־בִּטְנִ֑י
וּ֝מֶ֗ה בַּר־נְדָרָֽי׃
אַל־תִּתֵּ֣ן לַנָּשִׁ֣ים חֵילֶ֑ךָ
וּ֝דְרָכֶ֗יךָ לַֽמְח֥וֹת מְלָכִֽין׃
אַ֤ל לַֽמְלָכִ֨ים ׀ לְֽמוֹאֵ֗ל
אַ֣ל לַֽמְﬞלָכִ֣ים לַֽמְﬞלָכִ֣ים
א=לַֽמֲלָכִ֣ים (חטף) שְׁתוֹ־יָ֑יִן
וּ֝לְרוֹזְנִ֗ים או אֵ֣י שֵׁכָֽר׃
פֶּן־יִ֭שְׁתֶּה וְיִשְׁכַּ֣ח מְחֻקָּ֑ק
וִ֝ישַׁנֶּ֗ה דִּ֣ין כׇּל־בְּנֵי־עֹֽנִי׃
תְּנוּ־שֵׁכָ֥ר לְאוֹבֵ֑ד
וְ֝יַ֗יִן לְמָ֣רֵי נָֽפֶשׁ׃
יִ֭שְׁתֶּה וְיִשְׁכַּ֣ח רִישׁ֑וֹ
וַ֝עֲמָל֗וֹ לֹ֣א יִזְכׇּר־עֽוֹד׃
　　
פְּתַח־פִּ֥יךָ לְאִלֵּ֑ם
אֶל־דִּ֗֝ין אֶל־דִּ֗֝ין
א=אֶל־דִּ֝ין (השמטת נקודת הרביע) כׇּל־בְּנֵ֥י חֲלֽוֹף׃
פְּתַח־פִּ֥יךָ שְׁפׇט־צֶ֑דֶק
וְ֝דִ֗ין עָנִ֥י וְאֶבְיֽוֹן׃
　　
אֵֽשֶׁת־חַ֭יִל מִ֣י יִמְצָ֑א
וְרָחֹ֖ק מִפְּנִינִ֣ים מִכְרָֽהּ׃
בָּ֣טַח בָּ֭הּ לֵ֣ב בַּעְלָ֑הּ
וְ֝שָׁלָ֗ל לֹ֣א יֶחְסָֽר׃
גְּמָלַ֣תְהוּ ט֣וֹב וְלֹא־רָ֑ע
כֹּ֗֝ל כֹּ֗֝ל
א=כֹּ֝ל (השמטת נקודת הרביע) יְמֵ֣י חַיֶּֽיהָ׃
דָּ֭רְשָׁה צֶ֣מֶר וּפִשְׁתִּ֑ים
וַ֝תַּ֗עַשׂ בְּחֵ֣פֶץ כַּפֶּֽיהָ׃
הָ֭יְתָה כׇּאֳנִיּ֣וֹת סוֹחֵ֑ר
מִ֝מֶּרְחָ֗ק תָּבִ֥יא לַחְמָֽהּ׃
וַתָּ֤קׇם ׀ בְּע֬וֹד לַ֗יְלָה
וַתִּתֵּ֣ן טֶ֣רֶף לְבֵיתָ֑הּ
וְ֝חֹ֗ק לְנַעֲרֹתֶֽיהָ׃
זָמְﬞמָ֣ה זָמְﬞמָ֣ה
א=זָמֲמָ֣ה (חטף) שָׂ֭דֶה וַתִּקָּחֵ֑הוּ
מִפְּרִ֥י כַ֝פֶּ֗יהָ נטע נָ֣טְעָה כָּֽרֶם׃
חָֽגְרָ֣ה בְע֣וֹז מׇתְנֶ֑יהָ
וַ֝תְּאַמֵּ֗ץ זְרוֹעֹתֶֽיהָ׃
טָ֭עֲמָה כִּי־ט֣וֹב סַחְרָ֑הּ
לֹא־יִכְבֶּ֖ה בליל בַלַּ֣יְלָה נֵרָֽהּ׃
יָ֭דֶיהָ שִׁלְּחָ֣ה בַכִּישׁ֑וֹר
וְ֝כַפֶּ֗יהָ תָּ֣מְכוּ פָֽלֶךְ׃
כַּ֭פָּהּ פָּֽרְשָׂ֣ה לֶעָנִ֑י
וְ֝יָדֶ֗יהָ שִׁלְּחָ֥ה לָאֶבְיֽוֹן׃
לֹא־תִירָ֣א לְבֵיתָ֣הּ מִשָּׁ֑לֶג
כִּ֥י כׇל־בֵּ֝יתָ֗הּ לָבֻ֥שׁ שָׁנִֽים׃
מַרְבַדִּ֥ים עָֽשְׂתָה־לָּ֑הּ
שֵׁ֖שׁ וְאַרְגָּמָ֣ן לְבוּשָֽׁהּ׃
נוֹדָ֣ע בַּשְּׁעָרִ֣ים בַּעְלָ֑הּ
בְּ֝שִׁבְתּ֗וֹ עִם־זִקְנֵי־אָֽרֶץ׃
סָדִ֣ין עָ֭שְׂתָה וַתִּמְכֹּ֑ר
וַ֝חֲג֗וֹר נָתְנָ֥ה לַֽכְּנַעֲנִֽי׃
עֹז־וְהָדָ֥ר לְבוּשָׁ֑הּ
וַ֝תִּשְׂחַ֗ק לְי֣וֹם אַחֲרֽוֹן׃
פִּ֭יהָ פָּתְחָ֣ה בְחׇכְמָ֑ה
וְת֥וֹרַת חֶ֝֗סֶד חֶ֝֗סֶד
א=חֶ֝סֶד (השמטת נקודת הרביע) עַל־לְשׁוֹנָֽהּ׃
צ֭וֹפִיָּה הילכות הֲלִיכ֣וֹת בֵּיתָ֑הּ
וְלֶ֥חֶם עַ֝צְל֗וּת לֹ֣א תֹאכֵֽל׃
קָ֣מוּ בָ֭נֶיהָ וַֽיְאַשְּׁר֑וּהָ
בַּ֝עְלָ֗הּ וַֽיְהַלְﬞלָֽהּ וַֽיְהַלְﬞלָֽהּ
א=וַֽיְהַלֲלָֽהּ (חטף)׃
רַבּ֣וֹת בָּ֭נוֹת עָ֣שׂוּ חָ֑יִל
וְ֝אַ֗תְּ עָלִ֥ית עַל־כֻּלָּֽנָה׃
שֶׁ֣קֶר הַ֭חֵן וְהֶ֣בֶל הַיֹּ֑פִי
אִשָּׁ֥ה יִרְאַת־יְ֝הֹוָ֗ה הִ֣יא תִתְהַלָּֽל׃
תְּנוּ־לָ֭הּ מִפְּרִ֣י יָדֶ֑יהָ
וִיהַלְﬞל֖וּהָ וִיהַלְﬞל֖וּהָ
א=וִיהַלֲל֖וּהָ (חטף) בַשְּׁעָרִ֣ים מַֽעֲשֶֽׂיהָ׃