תהלים לב
קיצור דרך: t2632
תנ"ך > תהלים > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה • נו • נז • נח • נט • ס • סא • סב • סג • סד • סה • סו • סז • סח • סט • ע • עא • עב • עג • עד • עה • עו • עז • עח • עט • פ • פא • פב • פג • פד • פה • פו • פז • פח • פט • צ • צא • צב • צג • צד • צה • צו • צז • צח • צט • ק • קא • קב • קג • קד • קה • קו • קז • קח • קט • קי • קיא • קיב • קיג • קיד • קטו • קטז • קיז • קיח • קיט • קכ • קכא • קכב • קכג • קכד • קכה • קכו • קכז • קכח • קכט • קל • קלא • קלב • קלג • קלד • קלה • קלו • קלז • קלח • קלט • קמ • קמא • קמב • קמג • קמד • קמה • קמו • קמז • קמח • קמט • קנ
הפרק במהדורה המוטעמת
לב א לְדָוִ֗ד מַ֫שְׂכִּ֥יל
אַשְׁרֵ֥י נְֽשׂוּי־פֶּ֗שַׁע
כְּס֣וּי חֲטָאָֽה׃
ב אַ֥שְֽׁרֵי־אָדָ֗ם
לֹ֤א יַחְשֹׁ֬ב יְהֹוָ֣ה ל֣וֹ עָוֺ֑ן
וְאֵ֖ין בְּרוּח֣וֹ רְמִיָּֽה׃
ג כִּֽי־הֶ֭חֱרַשְׁתִּי בָּל֣וּ עֲצָמָ֑י
בְּ֝שַׁאֲגָתִ֗י כׇּל־הַיּֽוֹם׃
ד כִּ֤י ׀ יוֹמָ֣ם וָלַ֮יְלָה֮ תִּכְבַּ֥ד עָלַ֗י יָ֫דֶ֥ךָ
נֶהְפַּ֥ךְ לְשַׁדִּ֑י
בְּחַרְבֹ֖נֵי קַ֣יִץ סֶֽלָה׃
ה חַטָּאתִ֨י אוֹדִ֪יעֲךָ֡ וַעֲ֘וֺנִ֤י לֹֽא־כִסִּ֗יתִי
אָמַ֗רְתִּי אוֹדֶ֤ה עֲלֵ֣י פְ֭שָׁעַי לַיהֹוָ֑ה
וְאַתָּ֨ה נָ֘שָׂ֤אתָ עֲוֺ֖ן חַטָּאתִ֣י סֶֽלָה׃
ו עַל־זֹ֡את יִתְפַּלֵּ֬ל כׇּל־חָסִ֨יד ׀ אֵלֶ֮יךָ֮
לְעֵ֢ת מְ֫צֹ֥א
רַ֗ק לְ֭שֵׁטֶף מַ֣יִם רַבִּ֑ים
אֵ֝לָ֗יו לֹ֣א יַגִּֽיעוּ׃
ז אַתָּ֤ה ׀ סֵ֥תֶר לִי֮ מִצַּ֢ר תִּ֫צְּרֵ֥נִי
רׇנֵּ֥י פַלֵּ֑ט
תְּס֖וֹבְﬞבֵ֣נִי סֶֽלָה׃
ח אַשְׂכִּֽילְךָ֨ ׀ וְֽאוֹרְךָ֗
בְּדֶֽרֶךְ־ז֥וּ תֵלֵ֑ךְ
אִיעֲצָ֖ה עָלֶ֣יךָ עֵינִֽי׃
ט אַל־תִּהְי֤וּ ׀ כְּס֥וּס כְּפֶ֮רֶד֮ אֵ֤ין הָ֫בִ֥ין
בְּמֶתֶג־וָרֶ֣סֶן עֶדְי֣וֹ לִבְל֑וֹם
בַּ֗֝ל קְרֹ֣ב אֵלֶֽיךָ׃
י רַבִּ֥ים מַכְאוֹבִ֗ים לָ֫רָשָׁ֥ע
וְהַבּוֹטֵ֥חַ בַּֽיהֹוָ֑ה
חֶ֗֝סֶד יְסוֹבְﬞבֶֽנּוּ׃
יא שִׂמְח֬וּ בַיהֹוָ֣ה וְ֭גִילוּ צַדִּיקִ֑ים
וְ֝הַרְנִ֗ינוּ כׇּל־יִשְׁרֵי־לֵֽב׃
מהדורות נוספות
לחץ למטה על [הראה] להצגת התוכן ↓
א לדוד משכיל אשרי נשוי פשע כסוי חטאה
ב אשרי אדם לא יחשב יהוה לו עון ואין ברוחו רמיה
ג כי החרשתי בלו עצמי בשאגתי כל היום
ד כי יומם ולילה תכבד עלי ידך נהפך לשדי בחרבני קיץ סלה
ה חטאתי אודיעך ועוני לא כסיתי אמרתי אודה עלי פשעי ליהוה ואתה נשאת עון חטאתי סלה
ו על זאת יתפלל כל חסיד אליך לעת מצא רק לשטף מים רבים אליו לא יגיעו
ז אתה סתר לי מצר תצרני רני פלט תסובבני סלה
ח אשכילך ואורך בדרך זו תלך איעצה עליך עיני
ט אל תהיו כסוס כפרד אין הבין במתג ורסן עדיו לבלום בל קרב אליך
י רבים מכאובים לרשע והבוטח ביהוה חסד יסובבנו
יא שמחו ביהוה וגילו צדיקים והרנינו כל ישרי לב
א לְדָוִד מַשְׂכִּיל אַשְׁרֵי נְשׂוּי פֶּשַׁע כְּסוּי חֲטָאָה.
ב אַשְׁרֵי אָדָם לֹא יַחְשֹׁב יְהוָה לוֹ עָוֺן וְאֵין בְּרוּחוֹ רְמִיָּה.
ג כִּי הֶחֱרַשְׁתִּי בָּלוּ עֲצָמָי בְּשַׁאֲגָתִי כָּל הַיּוֹם.
ד כִּי יוֹמָם וָלַיְלָה תִּכְבַּד עָלַי יָדֶךָ נֶהְפַּךְ לְשַׁדִּי בְּחַרְבֹנֵי קַיִץ סֶלָה.
ה חַטָּאתִי אוֹדִיעֲךָ וַעֲוֺנִי לֹא כִסִּיתִי אָמַרְתִּי אוֹדֶה עֲלֵי פְשָׁעַי לַיהוָה וְאַתָּה נָשָׂאתָ עֲוֺן חַטָּאתִי סֶלָה.
ו עַל זֹאת יִתְפַּלֵּל כָּל חָסִיד אֵלֶיךָ לְעֵת מְצֹא רַק לְשֵׁטֶף מַיִם רַבִּים אֵלָיו לֹא יַגִּיעוּ.
ז אַתָּה סֵתֶר לִי מִצַּר תִּצְּרֵנִי רָנֵּי פַלֵּט תְּסוֹבְבֵנִי סֶלָה.
ח אַשְׂכִּילְךָ וְאוֹרְךָ בְּדֶרֶךְ זוּ תֵלֵךְ אִיעֲצָה עָלֶיךָ עֵינִי.
ט אַל תִּהְיוּ כְּסוּס כְּפֶרֶד אֵין הָבִין בְּמֶתֶג וָרֶסֶן עֶדְיוֹ לִבְלוֹם בַּל קְרֹב אֵלֶיךָ.
י רַבִּים מַכְאוֹבִים לָרָשָׁע וְהַבּוֹטֵחַ בַּיהוָה חֶסֶד יְסוֹבְבֶנּוּ.
יא שִׂמְחוּ בַיהוָה וְגִילוּ צַדִּיקִים וְהַרְנִינוּ כָּל יִשְׁרֵי לֵב.
(א) לְדָוִד מַשְׂכִּיל אַשְׁרֵי נְשׂוּי פֶּשַׁע כְּסוּי חֲטָאָה.
(ב) אַשְׁרֵי אָדָם לֹא יַחְשֹׁב יְהוָה לוֹ עָוֺן וְאֵין בְּרוּחוֹ רְמִיָּה.
(ג) כִּי הֶחֱרַשְׁתִּי בָּלוּ עֲצָמָי בְּשַׁאֲגָתִי כָּל הַיּוֹם.
(ד) כִּי יוֹמָם וָלַיְלָה תִּכְבַּד עָלַי יָדֶךָ נֶהְפַּךְ לְשַׁדִּי בְּחַרְבֹנֵי קַיִץ סֶלָה.
(ה) חַטָּאתִי אוֹדִיעֲךָ וַעֲוֺנִי לֹא כִסִּיתִי אָמַרְתִּי אוֹדֶה עֲלֵי פְשָׁעַי לַיהוָה וְאַתָּה נָשָׂאתָ עֲוֺן חַטָּאתִי סֶלָה.
(ו) עַל זֹאת יִתְפַּלֵּל כָּל חָסִיד אֵלֶיךָ לְעֵת מְצֹא רַק לְשֵׁטֶף מַיִם רַבִּים אֵלָיו לֹא יַגִּיעוּ.
(ז) אַתָּה סֵתֶר לִי מִצַּר תִּצְּרֵנִי רָנֵּי פַלֵּט תְּסוֹבְבֵנִי סֶלָה.
(ח) אַשְׂכִּילְךָ וְאוֹרְךָ בְּדֶרֶךְ זוּ תֵלֵךְ אִיעֲצָה עָלֶיךָ עֵינִי.
(ט) אַל תִּהְיוּ כְּסוּס כְּפֶרֶד אֵין הָבִין בְּמֶתֶג וָרֶסֶן עֶדְיוֹ לִבְלוֹם בַּל קְרֹב אֵלֶיךָ.
(י) רַבִּים מַכְאוֹבִים לָרָשָׁע וְהַבּוֹטֵחַ בַּיהוָה חֶסֶד יְסוֹבְבֶנּוּ.
(יא) שִׂמְחוּ בַיהוָה וְגִילוּ צַדִּיקִים וְהַרְנִינוּ כָּל יִשְׁרֵי לֵב.
א לְדָוִד, מַשְׂכִּיל מזמור שמלמד מוסר השכל:
- אַשְׁרֵי נְשׂוּי פֶּשַׁע מי שנמחל לו עוונו כְּסוּי חֲטָאָה.
- ב אַשְׁרֵי אָדָם לֹא יַחְשֹׁב יְהוָה לוֹ שה' לא יחשיב לו עָוֺן, וְאֵין בְּרוּחוֹ רְמִיָּה.
- ג כִּי הֶחֱרַשְׁתִּי כאשר שתקתי בָּלוּ עֲצָמָי נשחתו עצמותי, בְּשַׁאֲגָתִי כָּל הַיּוֹם ובלו עצמי גם כאשר זעקתי בתפילה.
- ד כִּי יוֹמָם וָלַיְלָה תִּכְבַּד עָלַי יָדֶךָ, נֶהְפַּךְ לְשַׁדִּי לחלוחית השומן שבעצמותי התהפכה והפכה ליבשה בְּחַרְבֹנֵי קַיִץ בגלל החום הרב של הקיץ, סֶלָה.
- ה חַטָּאתִי אוֹדִיעֲךָ וַעֲוֺנִי לֹא כִסִּיתִי. אָמַרְתִּי: אוֹדֶה עֲלֵי אתוודה על פְשָׁעַי לַיהוָה. וְאַתָּה נָשָׂאתָ סלחת ל- עֲוֺן חַטָּאתִי, סֶלָה.
- ו עַל זֹאת יִתְפַּלֵּל כָּל חָסִיד אֵלֶיךָ לְעֵת מְצֹא בזמן שתמצא אותו רעה: רַק לְשֵׁטֶף מַיִם רַבִּים זרם חזק של מים שסוחף הכל - משל ליסורים רבים הבאים ביחד אֵלָיו לֹא יַגִּיעוּ.
- ז אַתָּה סֵתֶר לִי, מִצַּר תִּצְּרֵנִי מאויב תשמור עלי, רָנֵּי פַלֵּט תְּסוֹבְבֵנִי בקולות רינה של הצלה תקיף אותי, סֶלָה.
- ח אַשְׂכִּילְךָ ה' מבטיח: אלמד אותך את הדרך בה תלך להצלחה וְאוֹרְךָ בְּדֶרֶךְ זוּ תֵלֵךְ, אִיעֲצָה עָלֶיךָ עֵינִי אצוה על עיני שתביט בך ותייעץ לך.
- ט אַל תִּהְיוּ כְּסוּס כְּפֶרֶד או פרד אֵין הָבִין שאין להם בינה, בְּמֶתֶג ברזל ששמים בפי הבהמה וָרֶסֶן רצועות הנקשרות בראשה עֶדְיוֹ לִבְלוֹם שהם כמו קישוט שלהם, אך באמת הם מיועדים לבלום אותם - והם משל ליסורים שה' מביא על האדם בשביל "לבלום" אותו - בַּל קְרֹב אֵלֶיךָ מי יתן ויסורים כאלו לא יבואו עליך, הקורא.
- י רַבִּים מַכְאוֹבִים לָרָשָׁע, וְהַבּוֹטֵחַ בַּיהוָה חֶסֶד יְסוֹבְבֶנּוּ.
- יא שִׂמְחוּ בַיהוָה וְגִילוּ צַדִּיקִים, וְהַרְנִינוּ כָּל יִשְׁרֵי לֵב.
פסוקי הפרק
טקסטים נוספים העוסקים בפרק
פירושים ומאמרים על הפרק:
