תהלים כו

קיצור דרך: t2626

תנ"ך > תהלים > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה • נו • נז • נח • נט • ס • סא • סב • סג • סד • סה • סו • סז • סח • סט • ע • עא • עב • עג • עד • עה • עו • עז • עח • עט • פ • פא • פב • פג • פד • פה • פו • פז • פח • פט • צ • צא • צב • צג • צד • צה • צו • צז • צח • צט • ק • קא • קב • קג • קד • קה • קו • קז • קח • קט • קי • קיא • קיב • קיג • קיד • קטו • קטז • קיז • קיח • קיט • קכ • קכא • קכב • קכג • קכד • קכה • קכו • קכז • קכח • קכט • קל • קלא • קלב • קלג • קלד • קלה • קלו • קלז • קלח • קלט • קמ • קמא • קמב • קמג • קמד • קמה • קמו • קמז • קמח • קמט • קנ

<< | ספר תהלים • פרק כ"ו | >>

הפרק במהדורה המוטעמת

　　
כו א לְדָוִ֨ד ׀ שׇׁפְטֵ֤נִי יְהֹוָ֗ה
כִּֽי־אֲ֭נִי בְּתֻמִּ֣י הָלַ֑כְתִּי
וּבַיהֹוָ֥ה בָּ֝טַ֗חְתִּי לֹ֣א אֶמְעָֽד׃
ב בְּחָנֵ֣נִי יְהֹוָ֣ה וְנַסֵּ֑נִי
צרופה צׇרְפָ֖ה כִלְיוֹתַ֣י וְלִבִּֽי׃
ג כִּֽי־חַ֭סְדְּךָ לְנֶ֣גֶד עֵינָ֑י
וְ֝הִתְהַלַּ֗כְתִּי בַּאֲמִתֶּֽךָ׃
ד לֹֽא־יָ֭שַׁבְתִּי עִם־מְתֵי־שָׁ֑וְא
וְעִ֥ם נַ֝עֲלָמִ֗ים לֹ֣א אָבֽוֹא׃
ה שָׂ֭נֵאתִי קְהַ֣ל מְרֵעִ֑ים
וְעִם־רְ֝שָׁעִ֗ים לֹ֣א אֵשֵֽׁב׃
ו אֶרְחַ֣ץ בְּנִקָּי֣וֹן כַּפָּ֑י
וַאֲסֹבְﬞבָ֖ה אֶת־מִזְבַּחֲךָ֣ יְהֹוָֽה׃
ז לַ֭שְׁמִעַ בְּק֣וֹל תּוֹדָ֑ה
וּ֝לְסַפֵּ֗ר כׇּל־נִפְלְאוֹתֶֽיךָ׃
ח יְֽהֹוָ֗ה אָ֭הַבְתִּי מְע֣וֹן בֵּיתֶ֑ךָ
וּ֝מְק֗וֹם מִשְׁכַּ֥ן כְּבוֹדֶֽךָ׃
ט אַל־תֶּאֱסֹ֣ף עִם־חַטָּאִ֣ים נַפְשִׁ֑י
וְעִם־אַנְשֵׁ֖י דָמִ֣ים חַיָּֽי׃
י אֲשֶׁר־בִּידֵיהֶ֥ם זִמָּ֑ה
וִ֝ימִינָ֗ם מָ֣לְאָה שֹּֽׁחַד׃
יא וַ֭אֲנִי בְּתֻמִּ֥י אֵלֵ֗ךְ
פְּדֵ֣נִי וְחׇנֵּֽנִי׃
יב רַ֭גְלִי עָמְדָ֣ה בְמִישׁ֑וֹר
בְּ֝מַקְהֵלִ֗ים אֲבָרֵ֥ךְ יְהֹוָֽה׃

מהדורות נוספות

לחץ למטה על [הראה] להצגת התוכן ↓

כתיב (אותיות בלבד)

א לדוד שפטני יהוה כי אני בתמי הלכתי וביהוה בטחתי לא אמעד ב בחנני יהוה ונסני צרופה [צרפה] כליותי ולבי ג כי חסדך לנגד עיני והתהלכתי באמתך ד לא ישבתי עם מתי שוא ועם נעלמים לא אבוא ה שנאתי קהל מרעים ועם רשעים לא אשב ו ארחץ בנקיון כפי ואסבבה את מזבחך יהוה ז לשמע בקול תודה ולספר כל נפלאותיך ח יהוה אהבתי מעון ביתך ומקום משכן כבודך ט אל תאסף עם חטאים נפשי ועם אנשי דמים חיי י אשר בידיהם זמה וימינם מלאה שחד יא ואני בתמי אלך פדני וחנני יב רגלי עמדה במישור במקהלים אברך יהוה

מנוקד

א לְדָוִד שָׁפְטֵנִי יְהוָה כִּי אֲנִי בְּתֻמִּי הָלַכְתִּי וּבַיהוָה בָּטַחְתִּי לֹא אֶמְעָד. ב בְּחָנֵנִי יְהוָה וְנַסֵּנִי צרופה [צָרְפָה] כִלְיוֹתַי וְלִבִּי. ג כִּי חַסְדְּךָ לְנֶגֶד עֵינָי וְהִתְהַלַּכְתִּי בַּאֲמִתֶּךָ. ד לֹא יָשַׁבְתִּי עִם מְתֵי שָׁוְא וְעִם נַעֲלָמִים לֹא אָבוֹא. ה שָׂנֵאתִי קְהַל מְרֵעִים וְעִם רְשָׁעִים לֹא אֵשֵׁב. ו אֶרְחַץ בְּנִקָּיוֹן כַּפָּי וַאֲסֹבְבָה אֶת מִזְבַּחֲךָ יְהוָה. ז לַשְׁמִעַ בְּקוֹל תּוֹדָה וּלְסַפֵּר כָּל נִפְלְאוֹתֶיךָ. ח יְהוָה אָהַבְתִּי מְעוֹן בֵּיתֶךָ וּמְקוֹם מִשְׁכַּן כְּבוֹדֶךָ. ט אַל תֶּאֱסֹף עִם חַטָּאִים נַפְשִׁי וְעִם אַנְשֵׁי דָמִים חַיָּי. י אֲשֶׁר בִּידֵיהֶם זִמָּה וִימִינָם מָלְאָה שֹּׁחַד. יא וַאֲנִי בְּתֻמִּי אֵלֵךְ פְּדֵנִי וְחָנֵּנִי. יב רַגְלִי עָמְדָה בְמִישׁוֹר בְּמַקְהֵלִים אֲבָרֵךְ יְהוָה.

מנוקד ובשורות

(א) לְדָוִד שָׁפְטֵנִי יְהוָה כִּי אֲנִי בְּתֻמִּי הָלַכְתִּי וּבַיהוָה בָּטַחְתִּי לֹא אֶמְעָד.

(ב) בְּחָנֵנִי יְהוָה וְנַסֵּנִי צרופה [צָרְפָה] כִלְיוֹתַי וְלִבִּי.

(ג) כִּי חַסְדְּךָ לְנֶגֶד עֵינָי וְהִתְהַלַּכְתִּי בַּאֲמִתֶּךָ.

(ד) לֹא יָשַׁבְתִּי עִם מְתֵי שָׁוְא וְעִם נַעֲלָמִים לֹא אָבוֹא.

(ה) שָׂנֵאתִי קְהַל מְרֵעִים וְעִם רְשָׁעִים לֹא אֵשֵׁב.

(ו) אֶרְחַץ בְּנִקָּיוֹן כַּפָּי וַאֲסֹבְבָה אֶת מִזְבַּחֲךָ יְהוָה.

(ז) לַשְׁמִעַ בְּקוֹל תּוֹדָה וּלְסַפֵּר כָּל נִפְלְאוֹתֶיךָ.

(ח) יְהוָה אָהַבְתִּי מְעוֹן בֵּיתֶךָ וּמְקוֹם מִשְׁכַּן כְּבוֹדֶךָ.

(ט) אַל תֶּאֱסֹף עִם חַטָּאִים נַפְשִׁי וְעִם אַנְשֵׁי דָמִים חַיָּי.

(י) אֲשֶׁר בִּידֵיהֶם זִמָּה וִימִינָם מָלְאָה שֹּׁחַד.

(יא) וַאֲנִי בְּתֻמִּי אֵלֵךְ פְּדֵנִי וְחָנֵּנִי.

(יב) רַגְלִי עָמְדָה בְמִישׁוֹר בְּמַקְהֵלִים אֲבָרֵךְ יְהוָה.

עם ביאור

קישור לפרק זה במהדורה המבוארת

א לְדָוִד:

שָׁפְטֵנִי הוצא לאור את משפטי (לטובה) יְהוָה, כִּי אֲנִי בְּתֻמִּי בדרכי התמה, השלמה הָלַכְתִּי, וּבַיהוָה בָּטַחְתִּי, לֹא אֶמְעָד.

ב בְּחָנֵנִי יְהוָה וְנַסֵּנִי, (צרופה) צָרְפָה בבקשה תבחן (כפי שצורפים זהב כדי לדעת אם יש בו סיגים) כִלְיוֹתַי וְלִבִּי.

ג כִּי חַסְדְּךָ בריתך הנאמנה לְנֶגֶד עֵינָי, וְהִתְהַלַּכְתִּי בַּאֲמִתֶּךָ בדרכך, דרך האמת.

פסוק ח על חזית בית הכנסת ניצנים בירושלים

ד לֹא יָשַׁבְתִּי עִם מְתֵי שָׁוְא אנשי שקר, וְעִם נַעֲלָמִים העושים מעשים רעים בהחבא לֹא אָבוֹא.

ה שָׂנֵאתִי קְהַל מְרֵעִים, וְעִם רְשָׁעִים לֹא אֵשֵׁב.

ו אֶרְחַץ בְּנִקָּיוֹן כַּפָּי את ידי עד שתהיינה נקיות, וַאֲסֹבְבָה אֶת מִזְבַּחֲךָ ואלך סביב המזבח שלך (בבית המקדש) יְהוָה.

ז לַשְׁמִעַ בְּקוֹל תּוֹדָה שירי תודה בקול, וּלְסַפֵּר כָּל נִפְלְאוֹתֶיךָ.

ח יְהוָה! אָהַבְתִּי מְעוֹן בֵּיתֶךָ את המקום שהוא ביתך, בית המקדש, וּמְקוֹם מִשְׁכַּן כְּבוֹדֶךָ.

ט אַל תֶּאֱסֹף עִם חַטָּאִים יחד עם יתר הרשעים את נַפְשִׁי, וְעִם אַנְשֵׁי דָמִים חַיָּי אל תאסוף את חיי.

י אֲשֶׁר בִּידֵיהֶם זִמָּה, וִימִינָם מָלְאָה שֹּׁחַד.

יא וַאֲנִי בְּתֻמִּי אֵלֵךְ, פְּדֵנִי וְחָנֵּנִי.

יב רַגְלִי עָמְדָה בְמִישׁוֹר בדרך הישרה, בְּמַקְהֵלִים בפני קהל רב אֲבָרֵךְ יְהוָה.

המהדורה המוטעמת מציגה את נוסח המקרא על פי המסורה. יתר מהדורות המקרא בוויקיטקסט מציגות את נוסח כתב יד לנינגרד (מהדורת וסטמינסטר). לפרטים מלאים ראו את ויקיטקסט:מקרא.