תהלים קב

קיצור דרך: t26a2

תנ"ך > תהלים > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה • נו • נז • נח • נט • ס • סא • סב • סג • סד • סה • סו • סז • סח • סט • ע • עא • עב • עג • עד • עה • עו • עז • עח • עט • פ • פא • פב • פג • פד • פה • פו • פז • פח • פט • צ • צא • צב • צג • צד • צה • צו • צז • צח • צט • ק • קא • קב • קג • קד • קה • קו • קז • קח • קט • קי • קיא • קיב • קיג • קיד • קטו • קטז • קיז • קיח • קיט • קכ • קכא • קכב • קכג • קכד • קכה • קכו • קכז • קכח • קכט • קל • קלא • קלב • קלג • קלד • קלה • קלו • קלז • קלח • קלט • קמ • קמא • קמב • קמג • קמד • קמה • קמו • קמז • קמח • קמט • קנ

<< | ספר תהלים • פרק ק"ב | >>

הפרק במהדורה המוטעמת

　　
קב א תְּ֭פִלָּה לְעָנִ֣י כִֽי־יַעֲטֹ֑ף
וְלִפְנֵ֥י יְ֝הֹוָ֗ה יִשְׁפֹּ֥ךְ שִׂיחֽוֹ׃
ב יְ֭הֹוָה שִׁמְעָ֣ה תְפִלָּתִ֑י
וְ֝שַׁוְעָתִ֗י אֵלֶ֥יךָ תָבֽוֹא׃
ג אַל־תַּסְתֵּ֬ר פָּנֶ֨יךָ ׀ מִמֶּ֮נִּי֮
בְּי֢וֹם צַ֫ר־לִ֥י
הַטֵּֽה־אֵלַ֥י אׇזְנֶ֑ךָ
בְּי֥וֹם אֶ֝קְרָ֗א מַהֵ֥ר עֲנֵֽנִי׃
ד כִּֽי־כָל֣וּ בְעָשָׁ֣ן יָמָ֑י
וְ֝עַצְמוֹתַ֗י כְּמוֹקֵ֥ד נִחָֽרוּ׃
ה הוּכָּה־כָעֵ֣שֶׂב וַיִּבַ֣שׁ לִבִּ֑י
כִּֽי־שָׁ֝כַ֗חְתִּי מֵאֲכֹ֥ל לַחְמִֽי׃
ו מִקּ֥וֹל אַנְחָתִ֑י
דָּבְקָ֥ה עַ֝צְמִ֗י לִבְשָׂרִֽי׃
ז דָּ֭מִיתִי לִקְאַ֣ת מִדְבָּ֑ר
הָ֝יִ֗יתִי כְּכ֣וֹס חֳרָבֽוֹת׃
ח שָׁקַ֥דְתִּי וָאֶהְיֶ֑ה
כְּ֝צִפּ֗וֹר בּוֹדֵ֥ד עַל־גָּֽג׃
ט כׇּל־הַ֭יּוֹם חֵרְפ֣וּנִי אוֹיְבָ֑י
מְ֝הוֹלָלַ֗י בִּ֣י נִשְׁבָּֽעוּ׃
י כִּי־אֵ֭פֶר כַּלֶּ֣חֶם אָכָ֑לְתִּי
וְ֝שִׁקֻּוַ֗י בִּבְכִ֥י מָסָֽכְתִּי׃
יא מִפְּנֵֽי־זַעַמְךָ֥ וְקִצְפֶּ֑ךָ
כִּ֥י נְ֝שָׂאתַ֗נִי וַתַּשְׁלִיכֵֽנִי׃
יב יָ֭מַי כְּצֵ֣ל נָט֑וּי
וַ֝אֲנִ֗י כָּעֵ֥שֶׂב אִיבָֽשׁ׃
יג וְאַתָּ֣ה יְ֭הֹוָה לְעוֹלָ֣ם תֵּשֵׁ֑ב
וְ֝זִכְרְךָ֗ לְדֹ֣ר וָדֹֽר׃
יד אַתָּ֣ה תָ֭קוּם תְּרַחֵ֣ם צִיּ֑וֹן
כִּי־עֵ֥ת לְ֝חֶֽנְנָ֗הּ כִּי־בָ֥א מוֹעֵֽד׃
טו כִּי־רָצ֣וּ עֲ֭בָדֶיךָ אֶת־אֲבָנֶ֑יהָ
וְֽאֶת־עֲפָרָ֥הּ יְחֹנֵֽנוּ׃
טז וְיִֽירְא֣וּ ג֭וֹיִם אֶת־שֵׁ֣ם יְהֹוָ֑ה
וְֽכׇל־מַלְכֵ֥י הָ֝אָ֗רֶץ אֶת־כְּבוֹדֶֽךָ׃
יז כִּי־בָנָ֣ה יְהֹוָ֣ה צִיּ֑וֹן
נִ֝רְאָ֗ה בִּכְבוֹדֽוֹ׃
יח פָּ֭נָה אֶל־תְּפִלַּ֣ת הָעַרְעָ֑ר
וְלֹא־בָ֝זָ֗ה אֶת־תְּפִלָּתָֽם׃
יט תִּכָּ֣תֶב זֹ֭את לְד֣וֹר אַחֲר֑וֹן
וְעַ֥ם נִ֝בְרָ֗א יְהַלֶּל־יָֽהּ׃
כ כִּֽי־הִ֭שְׁקִיף מִמְּר֣וֹם קׇדְשׁ֑וֹ
יְ֝הֹוָ֗ה מִשָּׁמַ֤יִם ׀ אֶל־אֶ֬רֶץ הִבִּֽיט׃
כא לִ֭שְׁמֹעַ אֶנְקַ֣ת אָסִ֑יר
לְ֝פַתֵּ֗חַ בְּנֵ֣י תְמוּתָֽה׃
כב לְסַפֵּ֣ר בְּ֭צִיּוֹן שֵׁ֣ם יְהֹוָ֑ה
וּ֝תְהִלָּת֗וֹ בִּירוּשָׁלָֽ͏ִם׃
כג בְּהִקָּבֵ֣ץ עַמִּ֣ים יַחְדָּ֑ו
וּ֝מַמְלָכ֗וֹת לַעֲבֹ֥ד אֶת־יְהֹוָֽה׃
כד עִנָּ֖ה בַדֶּ֥רֶךְ כחו כֹּחִ֗י
קִצַּ֥ר יָמָֽי׃
כה אֹמַ֗ר אֵלִ֗י אַֽל־תַּ֭עֲלֵנִי בַּחֲצִ֣י יָמָ֑י
בְּד֖וֹר דּוֹרִ֣ים שְׁנוֹתֶֽיךָ׃
כו לְ֭פָנִים הָאָ֣רֶץ יָסַ֑דְתָּ
וּֽמַעֲשֵׂ֖ה יָדֶ֣יךָ שָׁמָֽיִם׃
כז הֵ֤מָּה ׀ יֹאבֵ֮דוּ֮ וְאַתָּ֢ה תַ֫עֲמֹ֥ד
וְ֭כֻלָּם כַּבֶּ֣גֶד יִבְל֑וּ
כַּלְּב֖וּשׁ תַּחֲלִיפֵ֣ם וְֽיַחֲלֹֽפוּ׃
כח וְאַתָּה־ה֑וּא
וּ֝שְׁנוֹתֶ֗יךָ לֹ֣א יִתָּֽמּוּ׃
כט בְּנֵֽי־עֲבָדֶ֥יךָ יִשְׁכּ֑וֹנוּ
וְ֝זַרְעָ֗ם לְפָנֶ֥יךָ יִכּֽוֹן׃

מהדורות נוספות

לחץ למטה על [הראה] להצגת התוכן ↓

כתיב (אותיות בלבד)

א תפלה לעני כי יעטף ולפני יהוה ישפך שיחו ב יהוה שמעה תפלתי ושועתי אליך תבוא ג אל תסתר פניך ממני ביום צר לי הטה אלי אזנך ביום אקרא מהר ענני ד כי כלו בעשן ימי ועצמותי כמוקד נחרו ה הוכה כעשב ויבש לבי כי שכחתי מאכל לחמי ו מקול אנחתי דבקה עצמי לבשרי ז דמיתי לקאת מדבר הייתי ככוס חרבות ח שקדתי ואהיה כצפור בודד על גג ט כל היום חרפוני אויבי מהוללי בי נשבעו י כי אפר כלחם אכלתי ושקוי בבכי מסכתי יא מפני זעמך וקצפך כי נשאתני ותשליכני יב ימי כצל נטוי ואני כעשב איבש יג ואתה יהוה לעולם תשב וזכרך לדר ודר יד אתה תקום תרחם ציון כי עת לחננה כי בא מועד טו כי רצו עבדיך את אבניה ואת עפרה יחננו טז וייראו גוים את שם יהוה וכל מלכי הארץ את כבודך יז כי בנה יהוה ציון נראה בכבודו יח פנה אל תפלת הערער ולא בזה את תפלתם יט תכתב זאת לדור אחרון ועם נברא יהלל יה כ כי השקיף ממרום קדשו יהוה משמים אל ארץ הביט כא לשמע אנקת אסיר לפתח בני תמותה כב לספר בציון שם יהוה ותהלתו בירושלם כג בהקבץ עמים יחדו וממלכות לעבד את יהוה כד ענה בדרך כחו [כחי] קצר ימי כה אמר אלי אל תעלני בחצי ימי בדור דורים שנותיך כו לפנים הארץ יסדת ומעשה ידיך שמים כז המה יאבדו ואתה תעמד וכלם כבגד יבלו כלבוש תחליפם ויחלפו כח ואתה הוא ושנותיך לא יתמו כט בני עבדיך ישכונו וזרעם לפניך יכון

מנוקד

א תְּפִלָּה לְעָנִי כִי יַעֲטֹף וְלִפְנֵי יְהוָה יִשְׁפֹּךְ שִׂיחוֹ. ב יְהוָה שִׁמְעָה תְפִלָּתִי וְשַׁוְעָתִי אֵלֶיךָ תָבוֹא. ג אַל תַּסְתֵּר פָּנֶיךָ מִמֶּנִּי בְּיוֹם צַר לִי הַטֵּה אֵלַי אָזְנֶךָ בְּיוֹם אֶקְרָא מַהֵר עֲנֵנִי. ד כִּי כָלוּ בְעָשָׁן יָמָי וְעַצְמוֹתַי כְּמוֹקֵד נִחָרוּ. ה הוּכָּה כָעֵשֶׂב וַיִּבַשׁ לִבִּי כִּי שָׁכַחְתִּי מֵאֲכֹל לַחְמִי. ו מִקּוֹל אַנְחָתִי דָּבְקָה עַצְמִי לִבְשָׂרִי. ז דָּמִיתִי לִקְאַת מִדְבָּר הָיִיתִי כְּכוֹס חֳרָבוֹת. ח שָׁקַדְתִּי וָאֶהְיֶה כְּצִפּוֹר בּוֹדֵד עַל גָּג. ט כָּל הַיּוֹם חֵרְפוּנִי אוֹיְבָי מְהוֹלָלַי בִּי נִשְׁבָּעוּ. י כִּי אֵפֶר כַּלֶּחֶם אָכָלְתִּי וְשִׁקֻּוַי בִּבְכִי מָסָכְתִּי. יא מִפְּנֵי זַעַמְךָ וְקִצְפֶּךָ כִּי נְשָׂאתַנִי וַתַּשְׁלִיכֵנִי. יב יָמַי כְּצֵל נָטוּי וַאֲנִי כָּעֵשֶׂב אִיבָשׁ. יג וְאַתָּה יְהוָה לְעוֹלָם תֵּשֵׁב וְזִכְרְךָ לְדֹר וָדֹר. יד אַתָּה תָקוּם תְּרַחֵם צִיּוֹן כִּי עֵת לְחֶנְנָהּ כִּי בָא מוֹעֵד. טו כִּי רָצוּ עֲבָדֶיךָ אֶת אֲבָנֶיהָ וְאֶת עֲפָרָהּ יְחֹנֵנוּ. טז וְיִירְאוּ גוֹיִם אֶת שֵׁם יְהוָה וְכָל מַלְכֵי הָאָרֶץ אֶת כְּבוֹדֶךָ. יז כִּי בָנָה יְהוָה צִיּוֹן נִרְאָה בִּכְבוֹדוֹ. יח פָּנָה אֶל תְּפִלַּת הָעַרְעָר וְלֹא בָזָה אֶת תְּפִלָּתָם. יט תִּכָּתֶב זֹאת לְדוֹר אַחֲרוֹן וְעַם נִבְרָא יְהַלֶּל יָהּ. כ כִּי הִשְׁקִיף מִמְּרוֹם קָדְשׁוֹ יְהוָה מִשָּׁמַיִם אֶל אֶרֶץ הִבִּיט. כא לִשְׁמֹעַ אֶנְקַת אָסִיר לְפַתֵּחַ בְּנֵי תְמוּתָה. כב לְסַפֵּר בְּצִיּוֹן שֵׁם יְהוָה וּתְהִלָּתוֹ בִּירוּשָׁלָ͏ִם. כג בְּהִקָּבֵץ עַמִּים יַחְדָּו וּמַמְלָכוֹת לַעֲבֹד אֶת יְהוָה. כד עִנָּה בַדֶּרֶךְ כחו [כֹּחִי] קִצַּר יָמָי. כה אֹמַר אֵלִי אַל תַּעֲלֵנִי בַּחֲצִי יָמָי בְּדוֹר דּוֹרִים שְׁנוֹתֶיךָ. כו לְפָנִים הָאָרֶץ יָסַדְתָּ וּמַעֲשֵׂה יָדֶיךָ שָׁמָיִם. כז הֵמָּה יֹאבֵדוּ וְאַתָּה תַעֲמֹד וְכֻלָּם כַּבֶּגֶד יִבְלוּ כַּלְּבוּשׁ תַּחֲלִיפֵם וְיַחֲלֹפוּ. כח וְאַתָּה הוּא וּשְׁנוֹתֶיךָ לֹא יִתָּמּוּ. כט בְּנֵי עֲבָדֶיךָ יִשְׁכּוֹנוּ וְזַרְעָם לְפָנֶיךָ יִכּוֹן.

מנוקד ובשורות

(א) תְּפִלָּה לְעָנִי כִי יַעֲטֹף וְלִפְנֵי יְהוָה יִשְׁפֹּךְ שִׂיחוֹ.

(ב) יְהוָה שִׁמְעָה תְפִלָּתִי וְשַׁוְעָתִי אֵלֶיךָ תָבוֹא.

(ג) אַל תַּסְתֵּר פָּנֶיךָ מִמֶּנִּי בְּיוֹם צַר לִי הַטֵּה אֵלַי אָזְנֶךָ בְּיוֹם אֶקְרָא מַהֵר עֲנֵנִי.

(ד) כִּי כָלוּ בְעָשָׁן יָמָי וְעַצְמוֹתַי כְּמוֹקֵד נִחָרוּ.

(ה) הוּכָּה כָעֵשֶׂב וַיִּבַשׁ לִבִּי כִּי שָׁכַחְתִּי מֵאֲכֹל לַחְמִי.

(ו) מִקּוֹל אַנְחָתִי דָּבְקָה עַצְמִי לִבְשָׂרִי.

(ז) דָּמִיתִי לִקְאַת מִדְבָּר הָיִיתִי כְּכוֹס חֳרָבוֹת.

(ח) שָׁקַדְתִּי וָאֶהְיֶה כְּצִפּוֹר בּוֹדֵד עַל גָּג.

(ט) כָּל הַיּוֹם חֵרְפוּנִי אוֹיְבָי מְהוֹלָלַי בִּי נִשְׁבָּעוּ.

(י) כִּי אֵפֶר כַּלֶּחֶם אָכָלְתִּי וְשִׁקֻּוַי בִּבְכִי מָסָכְתִּי.

(יא) מִפְּנֵי זַעַמְךָ וְקִצְפֶּךָ כִּי נְשָׂאתַנִי וַתַּשְׁלִיכֵנִי.

(יב) יָמַי כְּצֵל נָטוּי וַאֲנִי כָּעֵשֶׂב אִיבָשׁ.

(יג) וְאַתָּה יְהוָה לְעוֹלָם תֵּשֵׁב וְזִכְרְךָ לְדֹר וָדֹר.

(יד) אַתָּה תָקוּם תְּרַחֵם צִיּוֹן כִּי עֵת לְחֶנְנָהּ כִּי בָא מוֹעֵד.

(טו) כִּי רָצוּ עֲבָדֶיךָ אֶת אֲבָנֶיהָ וְאֶת עֲפָרָהּ יְחֹנֵנוּ.

(טז) וְיִירְאוּ גוֹיִם אֶת שֵׁם יְהוָה וְכָל מַלְכֵי הָאָרֶץ אֶת כְּבוֹדֶךָ.

(יז) כִּי בָנָה יְהוָה צִיּוֹן נִרְאָה בִּכְבוֹדוֹ.

(יח) פָּנָה אֶל תְּפִלַּת הָעַרְעָר וְלֹא בָזָה אֶת תְּפִלָּתָם.

(יט) תִּכָּתֶב זֹאת לְדוֹר אַחֲרוֹן וְעַם נִבְרָא יְהַלֶּל יָהּ.

(כ) כִּי הִשְׁקִיף מִמְּרוֹם קָדְשׁוֹ יְהוָה מִשָּׁמַיִם אֶל אֶרֶץ הִבִּיט.

(כא) לִשְׁמֹעַ אֶנְקַת אָסִיר לְפַתֵּחַ בְּנֵי תְמוּתָה.

(כב) לְסַפֵּר בְּצִיּוֹן שֵׁם יְהוָה וּתְהִלָּתוֹ בִּירוּשָׁלָ͏ִם.

(כג) בְּהִקָּבֵץ עַמִּים יַחְדָּו וּמַמְלָכוֹת לַעֲבֹד אֶת יְהוָה.

(כד) עִנָּה בַדֶּרֶךְ כחו [כֹּחִי] קִצַּר יָמָי.

(כה) אֹמַר אֵלִי אַל תַּעֲלֵנִי בַּחֲצִי יָמָי בְּדוֹר דּוֹרִים שְׁנוֹתֶיךָ.

(כו) לְפָנִים הָאָרֶץ יָסַדְתָּ וּמַעֲשֵׂה יָדֶיךָ שָׁמָיִם.

(כז) הֵמָּה יֹאבֵדוּ וְאַתָּה תַעֲמֹד וְכֻלָּם כַּבֶּגֶד יִבְלוּ כַּלְּבוּשׁ תַּחֲלִיפֵם וְיַחֲלֹפוּ.

(כח) וְאַתָּה הוּא וּשְׁנוֹתֶיךָ לֹא יִתָּמּוּ.

(כט) בְּנֵי עֲבָדֶיךָ יִשְׁכּוֹנוּ וְזַרְעָם לְפָנֶיךָ יִכּוֹן.

עם ביאור

קישור לפרק זה במהדורה המבוארת

א תְּפִלָּה לְעָנִי כִי יַעֲטֹף כאשר יחלש עד כדי עילפון, וְלִפְנֵי יְהוָה יִשְׁפֹּךְ שִׂיחוֹ:

ב יְהוָה שִׁמְעָה תְפִלָּתִי, וְשַׁוְעָתִי אֵלֶיךָ תָבוֹא.

ג אַל תַּסְתֵּר פָּנֶיךָ מִמֶּנִּי, בְּיוֹם צַר לִי הַטֵּה אֵלַי אָזְנֶךָ, בְּיוֹם אֶקְרָא מַהֵר עֲנֵנִי.

ד כִּי כָלוּ בְעָשָׁן נגמרו מהר ונעלמו כמו עשן יָמָי, וְעַצְמוֹתַי כְּמוֹקֵד כמו כלי שמדליקים בו אש נִחָרוּ התייבשו.

ה הוּכָּה כָעֵשֶׂב כמו עשב שהשמש מכה בו והוא מתייבש, כך וַיִּבַשׁ לִבִּי, כִּי שָׁכַחְתִּי עבר הרבה זמן מאז שאכלתי מֵאֲכֹל לַחְמִי.

ו מִקּוֹל אַנְחָתִי, דָּבְקָה עַצְמִי דבקו העצמות שלי לִבְשָׂרִי.

ז דָּמִיתִי לִקְאַת עוף לילה מִדְבָּר, הָיִיתִי כְּכוֹס חֳרָבוֹת כמו כוס (סוג של ינשוף) החי בחורבות.

ח שָׁקַדְתִּי הייתי ער בלילות וָאֶהְיֶה כְּצִפּוֹר בּוֹדֵד עַל גָּג.

ט כָּל הַיּוֹם חֵרְפוּנִי אוֹיְבָי, מְהוֹלָלַי הלועגים לי בִּי נִשְׁבָּעוּ שבועה של קללה: אם... אז יקרה לי מה שקרה לפלוני.

י כִּי אֵפֶר כַּלֶּחֶם כאילו היה האוכל הרגיל שלי אָכָלְתִּי, וְשִׁקֻּוַי משקאותי בִּבְכִי בדימעותי הנופלות לתוך כוסי מָסָכְתִּי מזגתי, ערבבתי.

יא מִפְּנֵי זַעַמְךָ וְקִצְפֶּךָ, כִּי נְשָׂאתַנִי הרמת אותי למקום גבוה (כדי שכאשר תשליך אותי הנפילה תהיה כואבת יותר) וַתַּשְׁלִיכֵנִי.

יב יָמַי כְּצֵל נָטוּי המוטל לעת ערב, ואורכו מסמן שקרב סוף היום, וַאֲנִי כָּעֵשֶׂב אִיבָשׁ.

פסוקים ב-ג בלטינית, מתוך פסלטר רמסי, המאה ה-10

יג וְאַתָּה יְהוָה לְעוֹלָם תֵּשֵׁב, וְזִכְרְךָ לְדֹר וָדֹר.

יד אַתָּה תָקוּם תְּרַחֵם צִיּוֹן, כִּי עֵת לְחֶנְנָהּ זהו זמן מתאים לחון אותה, כִּי בָא מוֹעֵד הגיע מועד ראוי לכך, שהרי סבלה מספיק.

טו כִּי רָצוּ אהבו עֲבָדֶיךָ אֶת אֲבָנֶיהָ, וְאֶת עֲפָרָהּ יְחֹנֵנוּ חיבבו.

טז וְיִירְאוּ והלוואי ויפחדו גוֹיִם אֶת שֵׁם מכבודו של יְהוָה, וְכָל מַלְכֵי הָאָרֶץ אֶת כְּבוֹדֶךָ.

יז כִּי ...הגויים יראו את ה' כי בָנָה יְהוָה צִיּוֹן, נִרְאָה בִּכְבוֹדוֹ.

יח פָּנָה אֶל תְּפִלַּת הָעַרְעָר עץ הגדל במדבר, משל לישראל בגלות

, וְלֹא בָזָה אֶת תְּפִלָּתָם.

יט תִּכָּתֶב זֹאת תכתב תפילה זו על בניית ציון לְדוֹר אַחֲרוֹן כך שתהיה ידועה לדורות הבאים, וְעַם נִבְרָא והדורות הבאים, העתידים להיוולד יְהַלֶּל יָהּ.

כ כִּי הִשְׁקִיף מִמְּרוֹם קָדְשׁוֹ, יְהוָה מִשָּׁמַיִם אֶל אֶרֶץ הִבִּיט.

כא לִשְׁמֹעַ אֶנְקַת אָסִיר, לְפַתֵּחַ לשחרר בְּנֵי תְמוּתָה נידונים למוות.

כב לְסַפֵּר בְּצִיּוֹן שֵׁם את כבוד יְהוָה, וּתְהִלָּתוֹ בִּירוּשָׁלָ͏ִם.

כג בְּהִקָּבֵץ עַמִּים יַחְדָּו, וּמַמְלָכוֹת לַעֲבֹד אֶת יְהוָה.

כד עִנָּה בַדֶּרֶךְ בנדודי בגלות (כחו) כֹּחִי, קִצַּר יָמָי.

כה אֹמַר: אֵלִי, אַל תַּעֲלֵנִי תסלקני בַּחֲצִי יָמָי, בְּדוֹר דּוֹרִים שְׁנוֹתֶיךָ בכל הדורות אתה קיים, ולנו בני האדם חיים קצרים, ולכן לפחות תן לי לחיות את הזמן המוקצב לי.

כו לְפָנִים בעבר הרחוק הָאָרֶץ את העולם יָסַדְתָּ, וּמַעֲשֵׂה יָדֶיךָ שָׁמָיִם הם גם השמיים.

כז הֵמָּה יֹאבֵדוּ וְאַתָּה תַעֲמֹד, וְכֻלָּם כַּבֶּגֶד יִבְלוּ, כַּלְּבוּשׁ תַּחֲלִיפֵם אתה מחליף את בני האדם בדורות אחרים, כמו שאדם מחליף בגדים וְיַחֲלֹפוּ ויאבדו.

כח וְאַתָּה הוּא הווה, קיים, וּשְׁנוֹתֶיךָ לֹא יִתָּמּוּ.

כט בְּנֵי עֲבָדֶיךָ הלוואי שבני אברהם, יצחק ויעקב יִשְׁכּוֹנוּ יחיו בארץ שהבטחת להם, וְזַרְעָם לְפָנֶיךָ יִכּוֹן יהיה קיים.

המהדורה המוטעמת מציגה את נוסח המקרא על פי המסורה. יתר מהדורות המקרא בוויקיטקסט מציגות את נוסח כתב יד לנינגרד (מהדורת וסטמינסטר). לפרטים מלאים ראו את ויקיטקסט:מקרא.