תהלים כא
קיצור דרך: t2621
תנ"ך > תהלים > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה • נו • נז • נח • נט • ס • סא • סב • סג • סד • סה • סו • סז • סח • סט • ע • עא • עב • עג • עד • עה • עו • עז • עח • עט • פ • פא • פב • פג • פד • פה • פו • פז • פח • פט • צ • צא • צב • צג • צד • צה • צו • צז • צח • צט • ק • קא • קב • קג • קד • קה • קו • קז • קח • קט • קי • קיא • קיב • קיג • קיד • קטו • קטז • קיז • קיח • קיט • קכ • קכא • קכב • קכג • קכד • קכה • קכו • קכז • קכח • קכט • קל • קלא • קלב • קלג • קלד • קלה • קלו • קלז • קלח • קלט • קמ • קמא • קמב • קמג • קמד • קמה • קמו • קמז • קמח • קמט • קנ
הפרק במהדורה המוטעמת
כא א לַמְנַצֵּ֗חַ מִזְמ֥וֹר לְדָוִֽד׃
ב יְֽהֹוָ֗ה בְּעׇזְּךָ֥ יִשְׂמַח־מֶ֑לֶךְ
וּ֝בִישׁ֥וּעָתְךָ֗ מַה־יָּ֥גֶל יגיל מְאֹֽד׃
ג תַּאֲוַ֣ת לִ֭בּוֹ נָתַ֣תָּה לּ֑וֹ
וַאֲרֶ֥שֶׁת שְׂ֝פָתָ֗יו בַּל־מָנַ֥עְתָּ סֶּֽלָה׃
ד כִּֽי־תְ֭קַדְּמֶנּוּ בִּרְכ֣וֹת ט֑וֹב
תָּשִׁ֥ית לְ֝רֹאשׁ֗וֹ עֲטֶ֣רֶת פָּֽז׃
ה חַיִּ֤ים ׀ שָׁאַ֣ל מִ֭מְּךָ נָתַ֣תָּה לּ֑וֹ
אֹ֥רֶךְ יָ֝מִ֗ים עוֹלָ֥ם וָעֶֽד׃
ו גָּד֣וֹל כְּ֭בוֹדוֹ בִּישׁוּעָתֶ֑ךָ
ה֥וֹד וְ֝הָדָ֗ר תְּשַׁוֶּ֥ה עָלָֽיו׃
ז כִּֽי־תְשִׁיתֵ֣הוּ בְרָכ֣וֹת לָעַ֑ד
תְּחַדֵּ֥הוּ בְ֝שִׂמְחָ֗ה אֶת־פָּנֶֽיךָ׃
ח כִּֽי־הַ֭מֶּלֶךְ בֹּטֵ֣חַ בַּיהֹוָ֑ה
וּבְחֶ֥סֶד עֶ֝לְי֗וֹן בַּל־יִמּֽוֹט׃
ט תִּמְצָ֣א יָ֭דְךָ לְכׇל־אֹיְבֶ֑יךָ
יְ֝מִֽינְךָ֗ תִּמְצָ֥א שֹׂנְאֶֽיךָ׃
י תְּשִׁיתֵ֤מוֹ ׀ כְּתַנּ֥וּר אֵשׁ֮ לְעֵ֢ת פָּ֫נֶ֥יךָ
יְ֭הֹוָה בְּאַפּ֣וֹ יְבַלְּעֵ֑ם
וְֽתֹאכְלֵ֥ם אֵֽשׁ׃
יא פִּ֭רְיָמוֹ מֵאֶ֣רֶץ תְּאַבֵּ֑ד
וְ֝זַרְעָ֗ם מִבְּנֵ֥י אָדָֽם׃
יב כִּי־נָט֣וּ עָלֶ֣יךָ רָעָ֑ה
חָֽשְׁב֥וּ מְ֝זִמָּ֗ה בַּל־יוּכָֽלוּ׃
יג כִּ֭י תְּשִׁיתֵ֣מוֹ שֶׁ֑כֶם
בְּ֝מֵֽיתָרֶ֗יךָ תְּכוֹנֵ֥ן עַל־פְּנֵיהֶֽם׃
יד ר֣וּמָה יְהֹוָ֣ה בְּעֻזֶּ֑ךָ
נָשִׁ֥ירָה וּֽ֝נְזַמְּרָ֗ה גְּבוּרָתֶֽךָ׃
מהדורות נוספות
לחץ למטה על [הראה] להצגת התוכן ↓
א למנצח מזמור לדוד
ב יהוה בעזך ישמח מלך ובישועתך מה יגיל מאד
ג תאות לבו נתתה לו וארשת שפתיו בל מנעת סלה
ד כי תקדמנו ברכות טוב תשית לראשו עטרת פז
ה חיים שאל ממך נתתה לו ארך ימים עולם ועד
ו גדול כבודו בישועתך הוד והדר תשוה עליו
ז כי תשיתהו ברכות לעד תחדהו בשמחה את פניך
ח כי המלך בטח ביהוה ובחסד עליון בל ימוט
ט תמצא ידך לכל איביך ימינך תמצא שנאיך
י תשיתמו כתנור אש לעת פניך יהוה באפו יבלעם ותאכלם אש
יא פרימו מארץ תאבד וזרעם מבני אדם
יב כי נטו עליך רעה חשבו מזמה בל יוכלו
יג כי תשיתמו שכם במיתריך תכונן על פניהם
יד רומה יהוה בעזך נשירה ונזמרה גבורתך
א לַמְנַצֵּחַ מִזְמוֹר לְדָוִד.
ב יְהוָה בְּעָזְּךָ יִשְׂמַח מֶלֶךְ וּבִישׁוּעָתְךָ מַה יָּגֶיל מְאֹד.
ג תַּאֲוַת לִבּוֹ נָתַתָּה לּוֹ וַאֲרֶשֶׁת שְׂפָתָיו בַּל מָנַעְתָּ סֶּלָה.
ד כִּי תְקַדְּמֶנּוּ בִּרְכוֹת טוֹב תָּשִׁית לְרֹאשׁוֹ עֲטֶרֶת פָּז.
ה חַיִּים שָׁאַל מִמְּךָ נָתַתָּה לּוֹ אֹרֶךְ יָמִים עוֹלָם וָעֶד.
ו גָּדוֹל כְּבוֹדוֹ בִּישׁוּעָתֶךָ הוֹד וְהָדָר תְּשַׁוֶּה עָלָיו.
ז כִּי תְשִׁיתֵהוּ בְרָכוֹת לָעַד תְּחַדֵּהוּ בְשִׂמְחָה אֶת פָּנֶיךָ.
ח כִּי הַמֶּלֶךְ בֹּטֵחַ בַּיהוָה וּבְחֶסֶד עֶלְיוֹן בַּל יִמּוֹט.
ט תִּמְצָא יָדְךָ לְכָל אֹיְבֶיךָ יְמִינְךָ תִּמְצָא שֹׂנְאֶיךָ.
י תְּשִׁיתֵמוֹ כְּתַנּוּר אֵשׁ לְעֵת פָּנֶיךָ יְהוָה בְּאַפּוֹ יְבַלְּעֵם וְתֹאכְלֵם אֵשׁ.
יא פִּרְיָמוֹ מֵאֶרֶץ תְּאַבֵּד וְזַרְעָם מִבְּנֵי אָדָם.
יב כִּי נָטוּ עָלֶיךָ רָעָה חָשְׁבוּ מְזִמָּה בַּל יוּכָלוּ.
יג כִּי תְּשִׁיתֵמוֹ שֶׁכֶם בְּמֵיתָרֶיךָ תְּכוֹנֵן עַל פְּנֵיהֶם.
יד רוּמָה יְהוָה בְּעֻזֶּךָ נָשִׁירָה וּנְזַמְּרָה גְּבוּרָתֶךָ.
(א) לַמְנַצֵּחַ מִזְמוֹר לְדָוִד.
(ב) יְהוָה בְּעָזְּךָ יִשְׂמַח מֶלֶךְ וּבִישׁוּעָתְךָ מַה יָּגֶיל מְאֹד.
(ג) תַּאֲוַת לִבּוֹ נָתַתָּה לּוֹ וַאֲרֶשֶׁת שְׂפָתָיו בַּל מָנַעְתָּ סֶּלָה.
(ד) כִּי תְקַדְּמֶנּוּ בִּרְכוֹת טוֹב תָּשִׁית לְרֹאשׁוֹ עֲטֶרֶת פָּז.
(ה) חַיִּים שָׁאַל מִמְּךָ נָתַתָּה לּוֹ אֹרֶךְ יָמִים עוֹלָם וָעֶד.
(ו) גָּדוֹל כְּבוֹדוֹ בִּישׁוּעָתֶךָ הוֹד וְהָדָר תְּשַׁוֶּה עָלָיו.
(ז) כִּי תְשִׁיתֵהוּ בְרָכוֹת לָעַד תְּחַדֵּהוּ בְשִׂמְחָה אֶת פָּנֶיךָ.
(ח) כִּי הַמֶּלֶךְ בֹּטֵחַ בַּיהוָה וּבְחֶסֶד עֶלְיוֹן בַּל יִמּוֹט.
(ט) תִּמְצָא יָדְךָ לְכָל אֹיְבֶיךָ יְמִינְךָ תִּמְצָא שֹׂנְאֶיךָ.
(י) תְּשִׁיתֵמוֹ כְּתַנּוּר אֵשׁ לְעֵת פָּנֶיךָ יְהוָה בְּאַפּוֹ יְבַלְּעֵם וְתֹאכְלֵם אֵשׁ.
(יא) פִּרְיָמוֹ מֵאֶרֶץ תְּאַבֵּד וְזַרְעָם מִבְּנֵי אָדָם.
(יב) כִּי נָטוּ עָלֶיךָ רָעָה חָשְׁבוּ מְזִמָּה בַּל יוּכָלוּ.
(יג) כִּי תְּשִׁיתֵמוֹ שֶׁכֶם בְּמֵיתָרֶיךָ תְּכוֹנֵן עַל פְּנֵיהֶם.
(יד) רוּמָה יְהוָה בְּעֻזֶּךָ נָשִׁירָה וּנְזַמְּרָה גְּבוּרָתֶךָ.
א לַמְנַצֵּחַ, מִזְמוֹר לְדָוִד:
- ב יְהוָה! בְּעָזְּךָ בכח שלך בו אתה מגן עליו יִשְׂמַח מֶלֶךְ, וּבִישׁוּעָתְךָ מַה יָּגֶיל מְאֹד.
- ג תַּאֲוַת לִבּוֹ נָתַתָּה לּוֹ, וַאֲרֶשֶׁת שְׂפָתָיו את הבקשה שביטא בשפתיו בַּל מָנַעְתָּ, סֶּלָה.
- ד כִּי המלך ישמח על אשר תְקַדְּמֶנּוּ תשים לפניו בִּרְכוֹת טוֹב, תָּשִׁית לְרֹאשׁוֹ עֲטֶרֶת פָּז כתר זהב.
- ה חַיִּים שָׁאַל מִמְּךָ - נָתַתָּה לּוֹ, אֹרֶךְ יָמִים עוֹלָם וָעֶד.
- ו גָּדוֹל כְּבוֹדוֹ בִּישׁוּעָתֶךָ משום שאתה מושיע אותו, הוֹד וְהָדָר תְּשַׁוֶּה תשים עָלָיו.
- ז כִּי תְשִׁיתֵהוּ תשים עליו בְרָכוֹת לָעַד, תְּחַדֵּהוּ תשמחהו בְשִׂמְחָה בשמחה של ראיית אֶת פָּנֶיךָ.
- ח כִּי אכן הַמֶּלֶךְ בֹּטֵחַ בַּיהוָה, וּבְחֶסֶד עֶלְיוֹן ולכן בזכות השגחת ה' על יראיו בַּל יִמּוֹט.
- ט תִּמְצָא תשיג יָדְךָ לְכָל אֹיְבֶיךָ, יְמִינְךָ תִּמְצָא שֹׂנְאֶיךָ.
- י תְּשִׁיתֵמוֹ תשים אותם כְּתַנּוּר אֵשׁ כאילו הם תנור הבוער באש לְעֵת פָּנֶיךָ כאשר אתה כועס, יְהוָה בְּאַפּוֹ יְבַלְּעֵם, וְתֹאכְלֵם אֵשׁ.
- יא פִּרְיָמוֹ הפירות שלהם, בניהם מֵאֶרֶץ תְּאַבֵּד, וְזַרְעָם מִבְּנֵי אָדָם.
- יב כִּי נָטוּ חשבו עָלֶיךָ רָעָה, חָשְׁבוּ מְזִמָּה בַּל יוּכָלוּ שאין בהם היכולת לבצע אותה.
- יג כִּי אכן תְּשִׁיתֵמוֹ שֶׁכֶם תשים אותם כך שיפנו אליך את שיכמם (אחוריהם) כאשר יברחו ממך, בְּמֵיתָרֶיךָ במיתרי הקשת שלך תְּכוֹנֵן תכין את החצים כדי לירות אותם עַל פְּנֵיהֶם.
- יד רוּמָה יְהוָה בְּעֻזֶּךָ והראה את כוחך, נָשִׁירָה וּנְזַמְּרָה גְּבוּרָתֶךָ.
פסוקי הפרק
טקסטים נוספים העוסקים בפרק
פירושים ומאמרים על הפרק:
