איוב מא/הערות נוסח

<< · איוב · מא/הערות נוסח · >>

הסתר הערות נוסח

שער מקרא · שער תורה · שער נביאים · שער כתובים · מקראי מועד · ויבינו במקרא (אודיו) · מידע על גופנים · English
מבוא למקרא על פי המסורה · הערות נוסח · תעתיק (מקרא פונטי) · ייבין · GitHub · תיקונים ושינויים · דיווח על טעות
♦ תורה: בראשית · שמות · ויקרא · במדבר · דברים ♦ נביאים: יהושע · שופטים · שמואל · מלכים · ישעיהו · ירמיהו · יחזקאל · תרי עשר ♦ כתובים: תהלים · משלי · איוב · שיר השירים · רות · איכה · קֹהלת · אסתר · דניאל · עזרא · דברי הימים

מא א הֵן־תֹּחַלְתּ֥וֹ נִכְזָ֑בָה
  הֲגַ֖ם אֶל־מַרְאָ֣יו יֻטָֽל׃
ב לֹֽא־אַ֭כְזָר כִּ֣י יְעוּרֶ֑נּוּ
  וּמִ֥י ה֗֝וּא ה֗֝וּא
א=ה֝וּא (השמטת נקודת הרביע) לְפָנַ֥י יִתְיַצָּֽב׃
ג מִ֣י הִ֭קְדִּימַנִי וַאֲשַׁלֵּ֑ם
  תַּ֖חַת כׇּל־הַשָּׁמַ֣יִם לִי־הֽוּא׃
ד לא לוֹ־אַחֲרִ֥ישׁ בַּדָּ֑יו
  וּדְבַר־גְּ֝בוּר֗וֹת וְחִ֣ין עֶרְכּֽוֹ׃
ה מִֽי־גִ֭לָּה פְּנֵ֣י לְבוּשׁ֑וֹ
  בְּכֶ֥פֶל רִ֝סְנ֗וֹ מִ֣י יָבֽוֹא׃
ו דַּלְתֵ֣י פָ֭נָיו מִ֣י פִתֵּ֑חַ
  סְבִיב֖וֹת שִׁנָּ֣יו אֵימָֽה׃
ז גַּ֭אֲוָה אֲפִיקֵ֣י מָגִנִּ֑ים
  סָ֝ג֗וּר חוֹתָ֥ם צָֽר׃
ח אֶחָ֣ד בְּאֶחָ֣ד יִגַּ֑שׁוּ
  וְ֝ר֗וּחַ לֹא־יָבֹ֥א בֵינֵיהֶֽם׃
ט אִישׁ־בְּאָחִ֥יהוּ יְדֻבָּ֑קוּ
  יִ֝תְלַכְּד֗וּ וְלֹ֣א יִתְפָּרָֽדוּ׃
י עֲֽ֭טִישֹׁתָיו תָּ֣הֶל א֑וֹר
  וְ֝עֵינָ֗יו כְּעַפְעַפֵּי־שָֽׁחַר׃
יא מִ֭פִּיו לַפִּידִ֣ים יַהֲלֹ֑כוּ
  כִּיד֥וֹדֵי אֵ֗֝שׁ אֵ֗֝שׁ
א=אֵ֝שׁ (השמטת נקודת הרביע) יִתְמַלָּֽטוּ׃
יב מִ֭נְּחִירָיו יֵצֵ֣א עָשָׁ֑ן
  כְּד֖וּד נָפ֣וּחַ וְאַגְמֹֽן׃
יג נַ֭פְשׁוֹ גֶּחָלִ֣ים תְּלַהֵ֑ט
  וְ֝לַ֗הַב מִפִּ֥יו יֵצֵֽא׃
יד בְּֽ֭צַוָּארוֹ יָלִ֣ין עֹ֑ז
  וּ֝לְפָנָ֗יו תָּד֥וּץ דְּאָבָֽה׃
טו מַפְּלֵ֣י בְשָׂר֣וֹ דָבֵ֑קוּ
  יָצ֥וּק עָ֝לָ֗יו בַּל־יִמּֽוֹט׃
טז לִ֭בּוֹ יָצ֣וּק כְּמוֹ־אָ֑בֶן
  וְ֝יָצ֗וּק כְּפֶ֣לַח תַּחְתִּֽית׃
יז מִ֭שֵּׂתוֹ יָג֣וּרוּ אֵלִ֑ים
  מִ֝שְּׁבָרִ֗ים יִתְחַטָּֽאוּ׃
יח מַשִּׂיגֵ֣הוּ חֶ֭רֶב בְּלִ֣י תָק֑וּם
  חֲנִ֖ית מַסָּ֣ע וְשִׁרְיָֽה׃
יט יַחְשֹׁ֣ב לְתֶ֣בֶן בַּרְזֶ֑ל
  לְעֵ֖ץ רִקָּב֣וֹן נְחוּשָֽׁה׃
כ לֹא־יַבְרִיחֶ֥נּוּ בֶן־קָ֑שֶׁת
  לְ֝קַ֗שׁ נֶהְפְּכוּ־ל֥וֹ אַבְנֵי־קָֽלַע׃
כא כְּ֭קַשׁ נֶחְשְׁב֣וּ תוֹתָ֑ח
  וְ֝יִשְׂחַ֗ק לְרַ֣עַשׁ כִּידֽוֹן׃
כב תַּ֭חְתָּיו חַדּ֣וּדֵי חָ֑רֶשׂ חַדּ֣וּדֵי חָ֑רֶשׂ
=א?,ל,ש1,ק-מ ובדפוסים (וכן הכריעו ברויאר ומג"ה)
א?=חַדּ֣וּדֵי־חָ֑רֶשׂ (מקף בתיבת משרת?)
האזור בין שתי התיבות מטושטש, והתיבות צמודות, אך בהגדלה נראה בקושי שאולי ייתכן שנשאר בו רושם של מקף.
  יִרְפַּ֖ד חָר֣וּץ עֲלֵי־טִֽיט׃
כג יַרְתִּ֣יחַ כַּסִּ֣יר מְצוּלָ֑ה
  יָ֗֝ם יָ֗֝ם
א=יָ֝ם (השמטת נקודת הרביע) יָשִׂ֥ים כַּמֶּרְקָחָֽה׃
כד אַ֭חֲרָיו יָאִ֣יר נָתִ֑יב
  יַחְשֹׁ֖ב תְּה֣וֹם לְשֵׂיבָֽה׃
כה אֵֽין־עַל־עָפָ֥ר מׇשְׁל֑וֹ
  הֶ֝עָשׂ֗וּ לִבְלִי־חָֽת׃
כו אֵֽת־כׇּל־גָּבֹ֥הַּ יִרְאֶ֑ה
  ה֗֝וּא ה֗֝וּא
א=ה֝וּא (השמטת נקודת הרביע) מֶ֣לֶךְ עַל־כׇּל־בְּנֵי־שָֽׁחַץ׃

הפרק בלי מספרים

הֵן־תֹּחַלְתּ֥וֹ נִכְזָ֑בָה
  הֲגַ֖ם אֶל־מַרְאָ֣יו יֻטָֽל׃
לֹֽא־אַ֭כְזָר כִּ֣י יְעוּרֶ֑נּוּ
  וּמִ֥י ה֗֝וּא ה֗֝וּא
א=ה֝וּא (השמטת נקודת הרביע) לְפָנַ֥י יִתְיַצָּֽב׃
מִ֣י הִ֭קְדִּימַנִי וַאֲשַׁלֵּ֑ם
  תַּ֖חַת כׇּל־הַשָּׁמַ֣יִם לִי־הֽוּא׃
לא לוֹ־אַחֲרִ֥ישׁ בַּדָּ֑יו
  וּדְבַר־גְּ֝בוּר֗וֹת וְחִ֣ין עֶרְכּֽוֹ׃
מִֽי־גִ֭לָּה פְּנֵ֣י לְבוּשׁ֑וֹ
  בְּכֶ֥פֶל רִ֝סְנ֗וֹ מִ֣י יָבֽוֹא׃
דַּלְתֵ֣י פָ֭נָיו מִ֣י פִתֵּ֑חַ
  סְבִיב֖וֹת שִׁנָּ֣יו אֵימָֽה׃
גַּ֭אֲוָה אֲפִיקֵ֣י מָגִנִּ֑ים
  סָ֝ג֗וּר חוֹתָ֥ם צָֽר׃
אֶחָ֣ד בְּאֶחָ֣ד יִגַּ֑שׁוּ
  וְ֝ר֗וּחַ לֹא־יָבֹ֥א בֵינֵיהֶֽם׃
אִישׁ־בְּאָחִ֥יהוּ יְדֻבָּ֑קוּ
  יִ֝תְלַכְּד֗וּ וְלֹ֣א יִתְפָּרָֽדוּ׃
עֲֽ֭טִישֹׁתָיו תָּ֣הֶל א֑וֹר
  וְ֝עֵינָ֗יו כְּעַפְעַפֵּי־שָֽׁחַר׃
מִ֭פִּיו לַפִּידִ֣ים יַהֲלֹ֑כוּ
  כִּיד֥וֹדֵי אֵ֗֝שׁ אֵ֗֝שׁ
א=אֵ֝שׁ (השמטת נקודת הרביע) יִתְמַלָּֽטוּ׃
מִ֭נְּחִירָיו יֵצֵ֣א עָשָׁ֑ן
  כְּד֖וּד נָפ֣וּחַ וְאַגְמֹֽן׃
נַ֭פְשׁוֹ גֶּחָלִ֣ים תְּלַהֵ֑ט
  וְ֝לַ֗הַב מִפִּ֥יו יֵצֵֽא׃
בְּֽ֭צַוָּארוֹ יָלִ֣ין עֹ֑ז
  וּ֝לְפָנָ֗יו תָּד֥וּץ דְּאָבָֽה׃
מַפְּלֵ֣י בְשָׂר֣וֹ דָבֵ֑קוּ
  יָצ֥וּק עָ֝לָ֗יו בַּל־יִמּֽוֹט׃
לִ֭בּוֹ יָצ֣וּק כְּמוֹ־אָ֑בֶן
  וְ֝יָצ֗וּק כְּפֶ֣לַח תַּחְתִּֽית׃
מִ֭שֵּׂתוֹ יָג֣וּרוּ אֵלִ֑ים
  מִ֝שְּׁבָרִ֗ים יִתְחַטָּֽאוּ׃
מַשִּׂיגֵ֣הוּ חֶ֭רֶב בְּלִ֣י תָק֑וּם
  חֲנִ֖ית מַסָּ֣ע וְשִׁרְיָֽה׃
יַחְשֹׁ֣ב לְתֶ֣בֶן בַּרְזֶ֑ל
  לְעֵ֖ץ רִקָּב֣וֹן נְחוּשָֽׁה׃
לֹא־יַבְרִיחֶ֥נּוּ בֶן־קָ֑שֶׁת
  לְ֝קַ֗שׁ נֶהְפְּכוּ־ל֥וֹ אַבְנֵי־קָֽלַע׃
כְּ֭קַשׁ נֶחְשְׁב֣וּ תוֹתָ֑ח
  וְ֝יִשְׂחַ֗ק לְרַ֣עַשׁ כִּידֽוֹן׃
תַּ֭חְתָּיו חַדּ֣וּדֵי חָ֑רֶשׂ חַדּ֣וּדֵי חָ֑רֶשׂ
=א?,ל,ש1,ק-מ ובדפוסים (וכן הכריעו ברויאר ומג"ה)
א?=חַדּ֣וּדֵי־חָ֑רֶשׂ (מקף בתיבת משרת?)
האזור בין שתי התיבות מטושטש, והתיבות צמודות, אך בהגדלה נראה בקושי שאולי ייתכן שנשאר בו רושם של מקף.
  יִרְפַּ֖ד חָר֣וּץ עֲלֵי־טִֽיט׃
יַרְתִּ֣יחַ כַּסִּ֣יר מְצוּלָ֑ה
  יָ֗֝ם יָ֗֝ם
א=יָ֝ם (השמטת נקודת הרביע) יָשִׂ֥ים כַּמֶּרְקָחָֽה׃
אַ֭חֲרָיו יָאִ֣יר נָתִ֑יב
  יַחְשֹׁ֖ב תְּה֣וֹם לְשֵׂיבָֽה׃
אֵֽין־עַל־עָפָ֥ר מׇשְׁל֑וֹ
  הֶ֝עָשׂ֗וּ לִבְלִי־חָֽת׃
אֵֽת־כׇּל־גָּבֹ֥הַּ יִרְאֶ֑ה
  ה֗֝וּא ה֗֝וּא
א=ה֝וּא (השמטת נקודת הרביע) מֶ֣לֶךְ עַל־כׇּל־בְּנֵי־שָֽׁחַץ׃