תהלים סט/הערות נוסח

<< · תהלים · סט/הערות נוסח · >>

הסתר הערות נוסח

שער מקרא · שער תורה · שער נביאים · שער כתובים · מקראי מועד · ויבינו במקרא (אודיו) · מידע על גופנים · English
תקציר המבוא למהדורה · המבוא המלא למהדורה · הערות נוסח · תעתיק (מקרא פונטי) · ייבין · GitHub · תיקונים ושינויים · דיווח על טעות · מדריך טכני
♦ תורה: בראשית · שמות · ויקרא · במדבר · דברים ♦ נביאים: יהושע · שופטים · שמואל · מלכים · ישעיהו · ירמיהו · יחזקאל · תרי עשר ♦ כתובים: תהלים · משלי · איוב · שיר השירים · רות · איכה · קֹהלת · אסתר · דניאל · עזרא · דברי הימים

　　
סט א לַמְנַצֵּ֬חַ ׀ עַֽל־שׁוֹשַׁנִּ֬ים לְדָוִֽד׃
 

פרשה פתוחה ב הוֹשִׁיעֵ֥נִי אֱלֹהִ֑ים
  כִּ֤י בָ֖אוּ מַ֣יִם עַד־נָֽפֶשׁ׃
ג טָבַ֤עְתִּי ׀ בִּיוֵ֣ן מְ֭צוּלָה וְאֵ֣ין מׇעֳמָ֑ד
  בָּ֥אתִי בְמַעֲמַקֵּי־מַ֗֝יִם בְמַעֲמַקֵּי־מַ֗֝יִם
א=בְמַעֲמַקֵּי־מַ֝יִם (השמטת נקודת הרביע)
  וְשִׁבֹּ֥לֶת שְׁטָפָֽתְנִי׃
ד יָגַ֣עְתִּי בְקׇרְאִי֮ נִחַ֢ר גְּר֫וֹנִ֥י
  כָּל֥וּ עֵינַ֑י
  מְ֝יַחֵ֗ל לֵאלֹהָֽי׃
ה רַבּ֤וּ ׀ מִשַּׂעֲר֣וֹת רֹאשִׁי֮ שֹׂנְאַ֢י חִ֫נָּ֥ם
  עָצְמ֣וּ מַ֭צְמִיתַי אֹיְבַ֣י שֶׁ֑קֶר
    אֲשֶׁ֥ר לֹֽא־גָ֝זַ֗לְתִּי אָ֣ז אָשִֽׁיב׃
ו אֱֽלֹהִ֗ים אַתָּ֣ה יָ֭דַעְתָּ לְאִוַּלְתִּ֑י
  וְ֝אַשְׁמוֹתַ֗י מִמְּךָ֥ לֹֽא־נִכְחָֽדוּ׃
ז אַל־יֵ֘בֹ֤שׁוּ בִ֨י ׀ קֹוֶ֮יךָ֮
  אֲדֹנָ֥י יֱהֹוִ֗ה צְבָ֫א֥וֹת
    אַל־יִכָּ֣לְמֽוּ בִ֣י מְבַקְשֶׁ֑יךָ
    אֱ֝לֹהֵ֗י יִשְׂרָאֵֽל׃
ח כִּֽי־עָ֭לֶיךָ נָשָׂ֣אתִי חֶרְפָּ֑ה
  כִּסְּתָ֖ה כְלִמָּ֣ה פָנָֽי׃
ט מ֭וּזָר הָיִ֣יתִי לְאֶחָ֑י
  וְ֝נׇכְרִ֗י לִבְנֵ֥י אִמִּֽי׃
י כִּֽי־קִנְאַ֣ת בֵּיתְךָ֣ אֲכָלָ֑תְנִי
  וְחֶרְפּ֥וֹת ח֝וֹרְפֶ֗יךָ נָפְל֥וּ עָלָֽי׃
יא וָאֶבְכֶּ֣ה בַצּ֣וֹם נַפְשִׁ֑י
  וַתְּהִ֖י לַחֲרָפ֣וֹת לִֽי׃
יב וָאֶתְּנָ֣ה לְבוּשִׁ֣י שָׂ֑ק
  וָאֱהִ֖י לָהֶ֣ם לְמָשָֽׁל׃
יג יָשִׂ֣יחוּ בִ֭י יֹ֣שְׁבֵי שָׁ֑עַר
  וּ֝נְגִינ֗וֹת שׁוֹתֵ֥י שֵׁכָֽר׃
יד וַאֲנִ֤י תְפִלָּֽתִי־לְךָ֨ ׀ יְהֹוָ֡ה עֵ֤ת רָצ֗וֹן
  אֱלֹהִ֥ים בְּרׇב־חַסְדֶּ֑ךָ
    עֲ֝נֵ֗נִי בֶּאֱמֶ֥ת יִשְׁעֶֽךָ׃
טו הַצִּילֵ֣נִי מִ֭טִּיט וְאַל־אֶטְבָּ֑עָה
  אִנָּצְלָ֥ה מִ֝שֹּׂנְאַ֗י וּמִמַּ֖עֲמַקֵּי־מָֽיִם׃
טז אַל־תִּשְׁטְפֵ֤נִי ׀ שִׁבֹּ֣לֶת מַ֭יִם
  וְאַל־תִּבְלָעֵ֣נִי מְצוּלָ֑ה
    וְאַל־תֶּאְטַר־עָלַ֖י בְּאֵ֣ר פִּֽיהָ׃
יז עֲנֵ֣נִי יְ֭הֹוָה כִּי־ט֣וֹב חַסְדֶּ֑ךָ
  כְּרֹ֥ב רַ֝חֲמֶ֗יךָ פְּנֵ֣ה אֵלָֽי׃
יח וְאַל־תַּסְתֵּ֣ר פָּ֭נֶיךָ מֵעַבְדֶּ֑ךָ
  כִּי־צַר־לִ֗֝י כִּי־צַר־לִ֗֝י
א=כִּי־צַר־לִ֝י (השמטת נקודת הרביע) מַהֵ֥ר עֲנֵֽנִי׃
יט קׇרְבָ֣ה אֶל־נַפְשִׁ֣י גְאָלָ֑הּ
  לְמַ֖עַן אֹיְבַ֣י פְּדֵֽנִי׃
כ אַתָּ֤ה יָדַ֗עְתָּ חֶרְפָּתִ֣י וּ֭בׇשְׁתִּי וּכְלִמָּתִ֑י
  נֶ֝גְדְּךָ֗ כׇּל־צוֹרְﬞרָֽי כׇּל־צוֹרְﬞרָֽי
א=כׇּל־צוֹרֲרָֽי (חטף)׃
כא חֶרְפָּ֤ה ׀ שָׁ֥בְרָ֥ה לִבִּ֗י וָאָ֫נ֥וּשָׁה
  וָאֲקַוֶּ֣ה לָנ֣וּד וָאַ֑יִן
    וְ֝לַמְנַחֲמִ֗ים וְלֹ֣א מָצָֽאתִי׃
כב וַיִּתְּנ֣וּ בְּבָרוּתִ֣י רֹ֑אשׁ
  וְ֝לִצְמָאִ֗י יַשְׁק֥וּנִי חֹֽמֶץ׃
כג יְהִי־שֻׁלְחָנָ֣ם לִפְנֵיהֶ֣ם לְפָ֑ח
  וְלִשְׁלוֹמִ֥ים לְמוֹקֵֽשׁ׃
כד תֶּחְשַׁ֣כְנָה עֵ֭ינֵיהֶם מֵרְא֑וֹת
  וּ֝מׇתְנֵיהֶ֗ם תָּמִ֥יד הַמְעַֽד׃
כה שְׁפׇךְ־עֲלֵיהֶ֥ם זַעְמֶ֑ךָ
  וַחֲר֥וֹן אַ֝פְּךָ֗ יַשִּׂיגֵֽם׃
כו תְּהִי־טִירָתָ֥ם נְשַׁמָּ֑ה
  בְּ֝אׇהֳלֵיהֶ֗ם אַל־יְהִ֥י יֹשֵֽׁב׃
כז כִּי־אַתָּ֣ה אֲשֶׁר־הִכִּ֣יתָ רָדָ֑פוּ
  וְאֶל־מַכְא֖וֹב חֲלָלֶ֣יךָ יְסַפֵּֽרוּ׃
כח תְּֽנָה־עָ֭וֺן עַל־עֲוֺנָ֑ם
  וְאַל־יָ֝בֹ֗אוּ בְּצִדְקָתֶֽךָ׃
כט יִ֭מָּחֽוּ יִ֭מָּחֽוּ
א?,ל (דחי וקו של געיה להורות על מקום הטעם); הקו קצת נטוי כמרכא אך גם יכול להיות געיה (וכך במג"ה).
א?=יִ֭מָּח֥וּ (דחי ומרכא?); וכך הכריע ברויאר ובעקבותיו במכון ממרא מִסֵּ֣פֶר חַיִּ֑ים
  וְעִ֥ם צַ֝דִּיקִ֗ים אַל־יִכָּתֵֽבוּ׃
ל וַ֭אֲנִי עָנִ֣י וְכוֹאֵ֑ב
  יְשׁוּעָתְךָ֖ אֱלֹהִ֣ים תְּשַׂגְּבֵֽנִי׃
לא אֲהַלְﬞלָ֣ה אֲהַלְﬞלָ֣ה
א=אֲהַלֲלָ֣ה (חטף) שֵׁם־אֱלֹהִ֣ים בְּשִׁ֑יר
  וַאֲגַדְּלֶ֥נּוּ בְתוֹדָֽה׃
לב וְתִיטַ֣ב לַ֭יהֹוָה מִשּׁ֥וֹר פָּ֗ר
  מַקְרִ֥ן מַפְרִֽיס׃
לג רָא֣וּ עֲנָוִ֣ים יִשְׂמָ֑חוּ
  דֹּרְשֵׁ֥י אֱ֝לֹהִ֗ים וִיחִ֥י לְבַבְכֶֽם׃
לד כִּי־שֹׁמֵ֣עַ אֶל־אֶבְיוֹנִ֣ים יְהֹוָ֑ה
  וְאֶת־אֲ֝סִירָ֗יו לֹ֣א בָזָֽה׃
לה יְֽ֭הַלְﬞלוּהוּ יְֽ֭הַלְﬞלוּהוּ
א=יְֽ֭הַלֲלוּהוּ (חטף) שָׁמַ֣יִם וָאָ֑רֶץ
  יַ֝מִּ֗ים וְֽכׇל־רֹמֵ֥שׂ בָּֽם׃
לו כִּ֤י אֱלֹהִ֨ים ׀ י֘וֹשִׁ֤יעַ צִיּ֗וֹן
  וְ֭יִבְנֶה עָרֵ֣י יְהוּדָ֑ה
    וְיָ֥שְׁבוּ שָׁ֝֗ם שָׁ֝֗ם
א=שָׁ֝ם (השמטת נקודת הרביע) וִירֵשֽׁוּהָ׃
לז וְזֶ֣רַע עֲ֭בָדָיו יִנְחָל֑וּהָ
  וְאֹהֲבֵ֥י שְׁ֝מ֗וֹ יִשְׁכְּנוּ־בָֽהּ׃

הפרק בלי מספרים

　　
לַמְנַצֵּ֬חַ ׀ עַֽל־שׁוֹשַׁנִּ֬ים לְדָוִֽד׃
 

פרשה פתוחההוֹשִׁיעֵ֥נִי אֱלֹהִ֑ים
  כִּ֤י בָ֖אוּ מַ֣יִם עַד־נָֽפֶשׁ׃
טָבַ֤עְתִּי ׀ בִּיוֵ֣ן מְ֭צוּלָה וְאֵ֣ין מׇעֳמָ֑ד
  בָּ֥אתִי בְמַעֲמַקֵּי־מַ֗֝יִם בְמַעֲמַקֵּי־מַ֗֝יִם
א=בְמַעֲמַקֵּי־מַ֝יִם (השמטת נקודת הרביע)
  וְשִׁבֹּ֥לֶת שְׁטָפָֽתְנִי׃
יָגַ֣עְתִּי בְקׇרְאִי֮ נִחַ֢ר גְּר֫וֹנִ֥י
  כָּל֥וּ עֵינַ֑י
  מְ֝יַחֵ֗ל לֵאלֹהָֽי׃
רַבּ֤וּ ׀ מִשַּׂעֲר֣וֹת רֹאשִׁי֮ שֹׂנְאַ֢י חִ֫נָּ֥ם
  עָצְמ֣וּ מַ֭צְמִיתַי אֹיְבַ֣י שֶׁ֑קֶר
    אֲשֶׁ֥ר לֹֽא־גָ֝זַ֗לְתִּי אָ֣ז אָשִֽׁיב׃
אֱֽלֹהִ֗ים אַתָּ֣ה יָ֭דַעְתָּ לְאִוַּלְתִּ֑י
  וְ֝אַשְׁמוֹתַ֗י מִמְּךָ֥ לֹֽא־נִכְחָֽדוּ׃
אַל־יֵ֘בֹ֤שׁוּ בִ֨י ׀ קֹוֶ֮יךָ֮
  אֲדֹנָ֥י יֱהֹוִ֗ה צְבָ֫א֥וֹת
    אַל־יִכָּ֣לְמֽוּ בִ֣י מְבַקְשֶׁ֑יךָ
    אֱ֝לֹהֵ֗י יִשְׂרָאֵֽל׃
כִּֽי־עָ֭לֶיךָ נָשָׂ֣אתִי חֶרְפָּ֑ה
  כִּסְּתָ֖ה כְלִמָּ֣ה פָנָֽי׃
מ֭וּזָר הָיִ֣יתִי לְאֶחָ֑י
  וְ֝נׇכְרִ֗י לִבְנֵ֥י אִמִּֽי׃
כִּֽי־קִנְאַ֣ת בֵּיתְךָ֣ אֲכָלָ֑תְנִי
  וְחֶרְפּ֥וֹת ח֝וֹרְפֶ֗יךָ נָפְל֥וּ עָלָֽי׃
וָאֶבְכֶּ֣ה בַצּ֣וֹם נַפְשִׁ֑י
  וַתְּהִ֖י לַחֲרָפ֣וֹת לִֽי׃
וָאֶתְּנָ֣ה לְבוּשִׁ֣י שָׂ֑ק
  וָאֱהִ֖י לָהֶ֣ם לְמָשָֽׁל׃
יָשִׂ֣יחוּ בִ֭י יֹ֣שְׁבֵי שָׁ֑עַר
  וּ֝נְגִינ֗וֹת שׁוֹתֵ֥י שֵׁכָֽר׃
וַאֲנִ֤י תְפִלָּֽתִי־לְךָ֨ ׀ יְהֹוָ֡ה עֵ֤ת רָצ֗וֹן
  אֱלֹהִ֥ים בְּרׇב־חַסְדֶּ֑ךָ
    עֲ֝נֵ֗נִי בֶּאֱמֶ֥ת יִשְׁעֶֽךָ׃
הַצִּילֵ֣נִי מִ֭טִּיט וְאַל־אֶטְבָּ֑עָה
  אִנָּצְלָ֥ה מִ֝שֹּׂנְאַ֗י וּמִמַּ֖עֲמַקֵּי־מָֽיִם׃
אַל־תִּשְׁטְפֵ֤נִי ׀ שִׁבֹּ֣לֶת מַ֭יִם
  וְאַל־תִּבְלָעֵ֣נִי מְצוּלָ֑ה
    וְאַל־תֶּאְטַר־עָלַ֖י בְּאֵ֣ר פִּֽיהָ׃
עֲנֵ֣נִי יְ֭הֹוָה כִּי־ט֣וֹב חַסְדֶּ֑ךָ
  כְּרֹ֥ב רַ֝חֲמֶ֗יךָ פְּנֵ֣ה אֵלָֽי׃
וְאַל־תַּסְתֵּ֣ר פָּ֭נֶיךָ מֵעַבְדֶּ֑ךָ
  כִּי־צַר־לִ֗֝י כִּי־צַר־לִ֗֝י
א=כִּי־צַר־לִ֝י (השמטת נקודת הרביע) מַהֵ֥ר עֲנֵֽנִי׃
קׇרְבָ֣ה אֶל־נַפְשִׁ֣י גְאָלָ֑הּ
  לְמַ֖עַן אֹיְבַ֣י פְּדֵֽנִי׃
אַתָּ֤ה יָדַ֗עְתָּ חֶרְפָּתִ֣י וּ֭בׇשְׁתִּי וּכְלִמָּתִ֑י
  נֶ֝גְדְּךָ֗ כׇּל־צוֹרְﬞרָֽי כׇּל־צוֹרְﬞרָֽי
א=כׇּל־צוֹרֲרָֽי (חטף)׃
חֶרְפָּ֤ה ׀ שָׁ֥בְרָ֥ה לִבִּ֗י וָאָ֫נ֥וּשָׁה
  וָאֲקַוֶּ֣ה לָנ֣וּד וָאַ֑יִן
    וְ֝לַמְנַחֲמִ֗ים וְלֹ֣א מָצָֽאתִי׃
וַיִּתְּנ֣וּ בְּבָרוּתִ֣י רֹ֑אשׁ
  וְ֝לִצְמָאִ֗י יַשְׁק֥וּנִי חֹֽמֶץ׃
יְהִי־שֻׁלְחָנָ֣ם לִפְנֵיהֶ֣ם לְפָ֑ח
  וְלִשְׁלוֹמִ֥ים לְמוֹקֵֽשׁ׃
תֶּחְשַׁ֣כְנָה עֵ֭ינֵיהֶם מֵרְא֑וֹת
  וּ֝מׇתְנֵיהֶ֗ם תָּמִ֥יד הַמְעַֽד׃
שְׁפׇךְ־עֲלֵיהֶ֥ם זַעְמֶ֑ךָ
  וַחֲר֥וֹן אַ֝פְּךָ֗ יַשִּׂיגֵֽם׃
תְּהִי־טִירָתָ֥ם נְשַׁמָּ֑ה
  בְּ֝אׇהֳלֵיהֶ֗ם אַל־יְהִ֥י יֹשֵֽׁב׃
כִּי־אַתָּ֣ה אֲשֶׁר־הִכִּ֣יתָ רָדָ֑פוּ
  וְאֶל־מַכְא֖וֹב חֲלָלֶ֣יךָ יְסַפֵּֽרוּ׃
תְּֽנָה־עָ֭וֺן עַל־עֲוֺנָ֑ם
  וְאַל־יָ֝בֹ֗אוּ בְּצִדְקָתֶֽךָ׃
יִ֭מָּחֽוּ יִ֭מָּחֽוּ
א?,ל (דחי וקו של געיה להורות על מקום הטעם); הקו קצת נטוי כמרכא אך גם יכול להיות געיה (וכך במג"ה).
א?=יִ֭מָּח֥וּ (דחי ומרכא?); וכך הכריע ברויאר ובעקבותיו במכון ממרא מִסֵּ֣פֶר חַיִּ֑ים
  וְעִ֥ם צַ֝דִּיקִ֗ים אַל־יִכָּתֵֽבוּ׃
וַ֭אֲנִי עָנִ֣י וְכוֹאֵ֑ב
  יְשׁוּעָתְךָ֖ אֱלֹהִ֣ים תְּשַׂגְּבֵֽנִי׃
אֲהַלְﬞלָ֣ה אֲהַלְﬞלָ֣ה
א=אֲהַלֲלָ֣ה (חטף) שֵׁם־אֱלֹהִ֣ים בְּשִׁ֑יר
  וַאֲגַדְּלֶ֥נּוּ בְתוֹדָֽה׃
וְתִיטַ֣ב לַ֭יהֹוָה מִשּׁ֥וֹר פָּ֗ר
  מַקְרִ֥ן מַפְרִֽיס׃
רָא֣וּ עֲנָוִ֣ים יִשְׂמָ֑חוּ
  דֹּרְשֵׁ֥י אֱ֝לֹהִ֗ים וִיחִ֥י לְבַבְכֶֽם׃
כִּי־שֹׁמֵ֣עַ אֶל־אֶבְיוֹנִ֣ים יְהֹוָ֑ה
  וְאֶת־אֲ֝סִירָ֗יו לֹ֣א בָזָֽה׃
יְֽ֭הַלְﬞלוּהוּ יְֽ֭הַלְﬞלוּהוּ
א=יְֽ֭הַלֲלוּהוּ (חטף) שָׁמַ֣יִם וָאָ֑רֶץ
  יַ֝מִּ֗ים וְֽכׇל־רֹמֵ֥שׂ בָּֽם׃
כִּ֤י אֱלֹהִ֨ים ׀ י֘וֹשִׁ֤יעַ צִיּ֗וֹן
  וְ֭יִבְנֶה עָרֵ֣י יְהוּדָ֑ה
    וְיָ֥שְׁבוּ שָׁ֝֗ם שָׁ֝֗ם
א=שָׁ֝ם (השמטת נקודת הרביע) וִירֵשֽׁוּהָ׃
וְזֶ֣רַע עֲ֭בָדָיו יִנְחָל֑וּהָ
  וְאֹהֲבֵ֥י שְׁ֝מ֗וֹ יִשְׁכְּנוּ־בָֽהּ׃