הוצאת ספר תורה

מתוך ויקיטקסט, מאגר הטקסטים החופשי
קפיצה לניווט קפיצה לחיפוש

אֵין כָּמוֹךָ בָאֱלֹהִים אֲדֹנָי וְאֵין כְּמַעֲשֶיךָ
מַלְכוּתְךָ מַלְכוּת כָּל עֹלָמִים וּמֶמְשַלְתְּךָ בְּכָל דֹּר וָדוֹר
יהוה מֶלֶךְ יהוה מָלָךְ יהוה יִמְלֹךְ לְעֹלָם וָעֶד
יהוה עֹז לְעַמּוֹ יִתֵּן יהוה יְבָרֵךְ אֶת עַמּוֹ בַשָּלוֹם

וַיְהִי בִּנְסוֹעַ הָאָרֹן וַיֹּאמֶר מֶֹשֶה
קוּמָה יהוה וְיָפֻצוּ אֹיְבֶיךָ וְיָנֻסוּ מְשַנְאֶיךָ מִפָּנֶיךָ
כִּי מִצִּיוֹן תֵּצֵא תּוֹרָה וּדְבַר יהוה מִיְרוּשָלָיִם
בָּרוּךְ שֶנָּתַן תּוֹרָה לְעַמוֹ יִשְרָאֵל בִּקְדֻשָּתוֹ

שְׁמַע יִשְׂרָאֵל יְהוָה אֱלֹהֵינוּ יְהוָה אֶחָד
אֶחָד אֱלֹהֵינוּ גָּדוֹל אֲדוֹנֵינוּ קָדוֹש שְמוֹ
גַּדְּלוּ לַיהוה אִתִּי וּנְרוֹמְמָה שְמוֹ יָחְדָּו


לְךָ יְהוָה הַגְּדֻלָּה וְהַגְּבוּרָה וְהַתִּפְאֶרֶת וְהַנֵּצַח וְהַהוֹד כִּי כֹל בַּשָּׁמַיִם וּבָאָרֶץ לְךָ יְהוָה הַמַּמְלָכָה וְהַמִּתְנַשֵּׂא לְכֹל לְרֹאשׁ

רוֹמְמוּ יְהוָה אֱלֹהֵינוּ וְהִשְׁתַּחֲווּ לַהֲדֹם רַגְלָיו קָדוֹשׁ הוּא

רוֹמְמוּ יְהוָה אֱלֹהֵינוּ וְהִשְׁתַּחֲווּ לְהַר קָדְשׁוֹ כִּי קָדוֹשׁ יְהוָה אֱלֹהֵינוּ