איוב לא/הערות נוסח

<< · איוב · לא/הערות נוסח · >>

הסתר הערות נוסח

שער מקרא · שער תורה · שער נביאים · שער כתובים · מקראי מועד · ויבינו במקרא (אודיו) · מידע על גופנים · English
תקציר המבוא למהדורה · המבוא המלא למהדורה · הערות הנוסח · הבסיס הטכני לפרויקט בגליון נתונים · GitHub · תעתיק (מקרא פונטי) · ייבין · מדריך טכני · דיווח על טעות
♦ תורה: בראשית · שמות · ויקרא · במדבר · דברים ♦ נביאים: יהושע · שופטים · שמואל · מלכים · ישעיהו · ירמיהו · יחזקאל · תרי עשר ♦ כתובים: תהלים · משלי · איוב · שיר השירים · רות · איכה · קֹהלת · אסתר · דניאל · עזרא · דברי הימים

לא א בְּ֭רִית כָּרַ֣תִּי לְעֵינָ֑י
  וּמָ֥ה אֶ֝תְבּוֹנֵ֗ן עַל־בְּתוּלָֽה׃
ב וּמֶ֤ה וּמֶ֤ה
=א,ק13,פטרגבורג-EVR-II-B-34,פטרבורג-EVR-II-B-55 (אין קו של לגרמיה) וכך הכריעו במג"ה, וכמו כן בתיגאן (ק-מ,ב1 וכתב יד של יוסף בן בניה).
ל,ש1=<וּמֶ֤ה ׀> (בטעם מהפך לגרמיה) וכך הכריע ברויאר, וכמו כן בדפוסים וקורן וסימנים. חֵ֣לֶק אֱל֣וֹהַּ מִמָּ֑עַל
  וְֽנַחֲלַ֥ת שַׁ֝דַּ֗י מִמְּרֹמִֽים׃
ג הֲלֹא־אֵ֥יד לְעַוָּ֑ל
  וְ֝נֵ֗כֶר לְפֹ֣עֲלֵי אָֽוֶן׃
ד הֲלֹא־ה֭וּא יִרְאֶ֣ה דְרָכָ֑י
  וְֽכׇל־צְעָדַ֥י יִסְפּֽוֹר׃
ה אִם־הָלַ֥כְתִּי עִם־שָׁ֑וְא
  וַתַּ֖חַשׁ עַל־מִרְמָ֣ה רַגְלִֽי׃
ו יִשְׁקְלֵ֥נִי בְמֹֽאזְנֵי־צֶ֑דֶק
  וְיֵדַ֥ע אֱ֝ל֗וֹהַּ תֻּמָּתִֽי׃
ז אִ֥ם־תִּטֶּ֣ה אַשֻּׁרִי֮ מִנִּ֢י הַ֫דָּ֥רֶךְ
  וְאַחַ֣ר עֵ֭ינַי הָלַ֣ךְ לִבִּ֑י
    וּ֝בְכַפַּ֗י דָּ֣בַק מֽאוּם׃
ח אֶ֭זְרְעָה וְאַחֵ֣ר יֹאכֵ֑ל
  וְֽצֶאֱצָאַ֥י יְשֹׁרָֽשׁוּ׃
ט אִם־נִפְתָּ֣ה לִ֭בִּי עַל־אִשָּׁ֑ה
  וְעַל־פֶּ֖תַח רֵעִ֣י אָרָֽבְתִּי׃
י תִּטְחַ֣ן לְאַחֵ֣ר אִשְׁתִּ֑י
  וְ֝עָלֶ֗יהָ יִכְרְע֥וּן אֲחֵרִֽין׃
יא כִּי־הִ֥יא הוא זִמָּ֑ה
  והיא וְ֝ה֗וּא עָוֺ֥ן פְּלִילִֽים׃
יב כִּ֤י אֵ֣שׁ הִ֭יא עַד־אֲבַדּ֣וֹן תֹּאכֵ֑ל
  וּֽבְכׇל־תְּב֖וּאָתִ֣י תְשָׁרֵֽשׁ׃
יג אִם־אֶמְאַ֗ס מִשְׁפַּ֣ט עַ֭בְדִּי וַאֲמָתִ֑י
  בְּ֝רִבָ֗ם עִמָּדִֽי׃
יד וּמָ֣ה אֶ֭עֱשֶׂה כִּֽי־יָק֣וּם אֵ֑ל
  וְכִי־יִ֝פְקֹ֗ד מָ֣ה אֲשִׁיבֶֽנּוּ׃
טו הֲֽלֹא־בַ֭בֶּטֶן עֹשֵׂ֣נִי עָשָׂ֑הוּ
  וַ֝יְכֻנֶ֗נּוּ בָּרֶ֥חֶם אֶחָֽד׃
טז אִם־אֶ֭מְנַע מֵחֵ֣פֶץ דַּלִּ֑ים
  וְעֵינֵ֖י אַלְמָנָ֣ה אֲכַלֶּֽה׃
יז וְאֹכַ֣ל פִּתִּ֣י לְבַדִּ֑י
  וְלֹֽא־אָכַ֖ל יָת֣וֹם מִמֶּֽנָּה׃
יח כִּ֣י מִ֭נְּעוּרַי גְּדֵלַ֣נִי כְאָ֑ב
  וּמִבֶּ֖טֶן אִמִּ֣י אַנְחֶֽנָּה׃
יט אִם־אֶרְאֶ֣ה א֭וֹבֵד מִבְּלִ֣י לְב֑וּשׁ
  וְאֵ֥ין כְּ֝ס֗וּת לָאֶבְיֽוֹן׃
כ אִם־לֹ֣א בֵרְﬞכ֣וּנִי בֵרְﬞכ֣וּנִי
א=בֵרֲכ֣וּנִי (חטף) חֲלָצָ֑ו
  וּמִגֵּ֥ז כְּ֝בָשַׂ֗י יִתְחַמָּֽם׃
כא אִם־הֲנִיפ֣וֹתִי עַל־יָת֣וֹם יָדִ֑י
  כִּֽי־אֶרְאֶ֥ה בַ֝שַּׁ֗עַר עֶזְרָתִֽי׃
כב כְּ֭תֵפִי מִשִּׁכְמָ֣הֿ תִפּ֑וֹל
  וְ֝אֶזְרֹעִ֗י מִקָּנָ֥הֿ תִשָּׁבֵֽר׃
כג כִּ֤י פַ֣חַד אֵ֭לַי אֵ֣יד אֵ֑ל
  וּ֝מִשְּׂאֵת֗וֹ לֹ֣א אוּכָֽל׃
כד אִם־שַׂ֣מְתִּי זָהָ֣ב כִּסְלִ֑י
  וְ֝לַכֶּ֗תֶם אָמַ֥רְתִּי מִבְטַחִֽי׃
כה אִם־אֶ֭שְׂמַח כִּֽי־רַ֣ב חֵילִ֑י
  וְכִֽי־כַ֝בִּ֗יר מָצְאָ֥ה יָדִֽי׃
כו אִם־אֶרְאֶ֣ה א֭וֹר כִּ֣י יָהֵ֑ל
  וְ֝יָרֵ֗חַ יָקָ֥ר הֹלֵֽךְ׃
כז וַיִּ֣פְתְּ בַּסֵּ֣תֶר לִבִּ֑י
  וַתִּשַּׁ֖ק יָדִ֣י לְפִֽי׃
כח גַּם־ה֭וּא עָוֺ֣ן פְּלִילִ֑י
  כִּֽי־כִחַ֖שְׁתִּי לָאֵ֣ל מִמָּֽעַל׃
כט אִם־אֶ֭שְׂמַח בְּפִ֣יד מְשַׂנְאִ֑י
  וְ֝הִתְעֹרַ֗רְתִּי כִּֽי־מְצָ֥אוֹ רָֽע׃
ל וְלֹא־נָתַ֣תִּי לַחֲטֹ֣א חִכִּ֑י
  לִשְׁאֹ֖ל בְּאָלָ֣ה נַפְשֽׁוֹ׃
לא אִם־לֹ֣א אָ֭מְרוּ מְתֵ֣י אׇהֳלִ֑י
  מִי־יִתֵּ֥ן מִ֝בְּשָׂר֗וֹ לֹ֣א נִשְׂבָּֽע׃
לב בַּ֭חוּץ לֹא־יָלִ֣ין גֵּ֑ר
  דְּ֝לָתַ֗י לָאֹ֥רַח אֶפְתָּֽח׃
לג אִם־כִּסִּ֣יתִי כְאָדָ֣ם פְּשָׁעָ֑י
  לִטְמ֖וֹן בְּחֻבִּ֣י עֲוֺנִֽי׃
לד כִּ֤י אֶעֱר֨וֹץ ׀ הָ֘מ֤וֹן רַבָּ֗ה
  וּבוּז־מִשְׁפָּח֥וֹת יְחִתֵּ֑נִי
    וָ֝אֶדֹּ֗ם לֹא־אֵ֥צֵא פָֽתַח׃
לה מִ֤י יִתֶּן־לִ֨י ׀ שֹׁ֘מֵ֤עַֽ לִ֗י
  הֶן־תָּ֭וִי שַׁדַּ֣י יַעֲנֵ֑נִי
    וְסֵ֥פֶר כָּ֝תַ֗ב אִ֣ישׁ רִיבִֽי׃
לו אִם־לֹ֣א עַל־שִׁ֭כְמִי אֶשָּׂאֶ֑נּוּ
  אֶעֶנְדֶ֖נּוּ עֲטָר֣וֹת לִֽי׃
לז מִסְפַּ֣ר צְ֭עָדַי אַגִּידֶ֑נּוּ
  כְּמוֹ־נָ֝גִ֗יד אֲקָֽרְﬞבֶֽנּוּ אֲקָֽרְﬞבֶֽנּוּ
א=אֲקָֽרֲבֶֽנּוּ (חטף)׃
לח אִם־עָ֭לַי אַדְמָתִ֣י תִזְעָ֑ק
  וְ֝יַ֗חַד תְּלָמֶ֥יהָ יִבְכָּיֽוּן׃
לט אִם־כֹּ֭חָהּ אָכַ֣לְתִּי בְלִי־כָ֑סֶף
  וְנֶ֖פֶשׁ בְּעָלֶ֣יהָ הִפָּֽחְתִּי׃
מ תַּ֤חַת חִטָּ֨ה ׀ יֵ֥צֵא ח֗וֹחַ
  וְתַֽחַת־שְׂעֹרָ֥ה בׇאְשָׁ֑ה
תַּ֗֝מּוּ דִּבְרֵ֥י אִיּֽוֹב׃

הפרק בלי מספרים

בְּ֭רִית כָּרַ֣תִּי לְעֵינָ֑י
  וּמָ֥ה אֶ֝תְבּוֹנֵ֗ן עַל־בְּתוּלָֽה׃
וּמֶ֤ה וּמֶ֤ה
=א,ק13,פטרגבורג-EVR-II-B-34,פטרבורג-EVR-II-B-55 (אין קו של לגרמיה) וכך הכריעו במג"ה, וכמו כן בתיגאן (ק-מ,ב1 וכתב יד של יוסף בן בניה).
ל,ש1=<וּמֶ֤ה ׀> (בטעם מהפך לגרמיה) וכך הכריע ברויאר, וכמו כן בדפוסים וקורן וסימנים. חֵ֣לֶק אֱל֣וֹהַּ מִמָּ֑עַל
  וְֽנַחֲלַ֥ת שַׁ֝דַּ֗י מִמְּרֹמִֽים׃
הֲלֹא־אֵ֥יד לְעַוָּ֑ל
  וְ֝נֵ֗כֶר לְפֹ֣עֲלֵי אָֽוֶן׃
הֲלֹא־ה֭וּא יִרְאֶ֣ה דְרָכָ֑י
  וְֽכׇל־צְעָדַ֥י יִסְפּֽוֹר׃
אִם־הָלַ֥כְתִּי עִם־שָׁ֑וְא
  וַתַּ֖חַשׁ עַל־מִרְמָ֣ה רַגְלִֽי׃
יִשְׁקְלֵ֥נִי בְמֹֽאזְנֵי־צֶ֑דֶק
  וְיֵדַ֥ע אֱ֝ל֗וֹהַּ תֻּמָּתִֽי׃
אִ֥ם־תִּטֶּ֣ה אַשֻּׁרִי֮ מִנִּ֢י הַ֫דָּ֥רֶךְ
  וְאַחַ֣ר עֵ֭ינַי הָלַ֣ךְ לִבִּ֑י
    וּ֝בְכַפַּ֗י דָּ֣בַק מֽאוּם׃
אֶ֭זְרְעָה וְאַחֵ֣ר יֹאכֵ֑ל
  וְֽצֶאֱצָאַ֥י יְשֹׁרָֽשׁוּ׃
אִם־נִפְתָּ֣ה לִ֭בִּי עַל־אִשָּׁ֑ה
  וְעַל־פֶּ֖תַח רֵעִ֣י אָרָֽבְתִּי׃
תִּטְחַ֣ן לְאַחֵ֣ר אִשְׁתִּ֑י
  וְ֝עָלֶ֗יהָ יִכְרְע֥וּן אֲחֵרִֽין׃
כִּי־הִ֥יא הוא זִמָּ֑ה
  והיא וְ֝ה֗וּא עָוֺ֥ן פְּלִילִֽים׃
כִּ֤י אֵ֣שׁ הִ֭יא עַד־אֲבַדּ֣וֹן תֹּאכֵ֑ל
  וּֽבְכׇל־תְּב֖וּאָתִ֣י תְשָׁרֵֽשׁ׃
אִם־אֶמְאַ֗ס מִשְׁפַּ֣ט עַ֭בְדִּי וַאֲמָתִ֑י
  בְּ֝רִבָ֗ם עִמָּדִֽי׃
וּמָ֣ה אֶ֭עֱשֶׂה כִּֽי־יָק֣וּם אֵ֑ל
  וְכִי־יִ֝פְקֹ֗ד מָ֣ה אֲשִׁיבֶֽנּוּ׃
הֲֽלֹא־בַ֭בֶּטֶן עֹשֵׂ֣נִי עָשָׂ֑הוּ
  וַ֝יְכֻנֶ֗נּוּ בָּרֶ֥חֶם אֶחָֽד׃
אִם־אֶ֭מְנַע מֵחֵ֣פֶץ דַּלִּ֑ים
  וְעֵינֵ֖י אַלְמָנָ֣ה אֲכַלֶּֽה׃
וְאֹכַ֣ל פִּתִּ֣י לְבַדִּ֑י
  וְלֹֽא־אָכַ֖ל יָת֣וֹם מִמֶּֽנָּה׃
כִּ֣י מִ֭נְּעוּרַי גְּדֵלַ֣נִי כְאָ֑ב
  וּמִבֶּ֖טֶן אִמִּ֣י אַנְחֶֽנָּה׃
אִם־אֶרְאֶ֣ה א֭וֹבֵד מִבְּלִ֣י לְב֑וּשׁ
  וְאֵ֥ין כְּ֝ס֗וּת לָאֶבְיֽוֹן׃
אִם־לֹ֣א בֵרְﬞכ֣וּנִי בֵרְﬞכ֣וּנִי
א=בֵרֲכ֣וּנִי (חטף) חֲלָצָ֑ו
  וּמִגֵּ֥ז כְּ֝בָשַׂ֗י יִתְחַמָּֽם׃
אִם־הֲנִיפ֣וֹתִי עַל־יָת֣וֹם יָדִ֑י
  כִּֽי־אֶרְאֶ֥ה בַ֝שַּׁ֗עַר עֶזְרָתִֽי׃
כְּ֭תֵפִי מִשִּׁכְמָ֣הֿ תִפּ֑וֹל
  וְ֝אֶזְרֹעִ֗י מִקָּנָ֥הֿ תִשָּׁבֵֽר׃
כִּ֤י פַ֣חַד אֵ֭לַי אֵ֣יד אֵ֑ל
  וּ֝מִשְּׂאֵת֗וֹ לֹ֣א אוּכָֽל׃
אִם־שַׂ֣מְתִּי זָהָ֣ב כִּסְלִ֑י
  וְ֝לַכֶּ֗תֶם אָמַ֥רְתִּי מִבְטַחִֽי׃
אִם־אֶ֭שְׂמַח כִּֽי־רַ֣ב חֵילִ֑י
  וְכִֽי־כַ֝בִּ֗יר מָצְאָ֥ה יָדִֽי׃
אִם־אֶרְאֶ֣ה א֭וֹר כִּ֣י יָהֵ֑ל
  וְ֝יָרֵ֗חַ יָקָ֥ר הֹלֵֽךְ׃
וַיִּ֣פְתְּ בַּסֵּ֣תֶר לִבִּ֑י
  וַתִּשַּׁ֖ק יָדִ֣י לְפִֽי׃
גַּם־ה֭וּא עָוֺ֣ן פְּלִילִ֑י
  כִּֽי־כִחַ֖שְׁתִּי לָאֵ֣ל מִמָּֽעַל׃
אִם־אֶ֭שְׂמַח בְּפִ֣יד מְשַׂנְאִ֑י
  וְ֝הִתְעֹרַ֗רְתִּי כִּֽי־מְצָ֥אוֹ רָֽע׃
וְלֹא־נָתַ֣תִּי לַחֲטֹ֣א חִכִּ֑י
  לִשְׁאֹ֖ל בְּאָלָ֣ה נַפְשֽׁוֹ׃
אִם־לֹ֣א אָ֭מְרוּ מְתֵ֣י אׇהֳלִ֑י
  מִי־יִתֵּ֥ן מִ֝בְּשָׂר֗וֹ לֹ֣א נִשְׂבָּֽע׃
בַּ֭חוּץ לֹא־יָלִ֣ין גֵּ֑ר
  דְּ֝לָתַ֗י לָאֹ֥רַח אֶפְתָּֽח׃
אִם־כִּסִּ֣יתִי כְאָדָ֣ם פְּשָׁעָ֑י
  לִטְמ֖וֹן בְּחֻבִּ֣י עֲוֺנִֽי׃
כִּ֤י אֶעֱר֨וֹץ ׀ הָ֘מ֤וֹן רַבָּ֗ה
  וּבוּז־מִשְׁפָּח֥וֹת יְחִתֵּ֑נִי
    וָ֝אֶדֹּ֗ם לֹא־אֵ֥צֵא פָֽתַח׃
מִ֤י יִתֶּן־לִ֨י ׀ שֹׁ֘מֵ֤עַֽ לִ֗י
  הֶן־תָּ֭וִי שַׁדַּ֣י יַעֲנֵ֑נִי
    וְסֵ֥פֶר כָּ֝תַ֗ב אִ֣ישׁ רִיבִֽי׃
אִם־לֹ֣א עַל־שִׁ֭כְמִי אֶשָּׂאֶ֑נּוּ
  אֶעֶנְדֶ֖נּוּ עֲטָר֣וֹת לִֽי׃
מִסְפַּ֣ר צְ֭עָדַי אַגִּידֶ֑נּוּ
  כְּמוֹ־נָ֝גִ֗יד אֲקָֽרְﬞבֶֽנּוּ אֲקָֽרְﬞבֶֽנּוּ
א=אֲקָֽרֲבֶֽנּוּ (חטף)׃
אִם־עָ֭לַי אַדְמָתִ֣י תִזְעָ֑ק
  וְ֝יַ֗חַד תְּלָמֶ֥יהָ יִבְכָּיֽוּן׃
אִם־כֹּ֭חָהּ אָכַ֣לְתִּי בְלִי־כָ֑סֶף
  וְנֶ֖פֶשׁ בְּעָלֶ֣יהָ הִפָּֽחְתִּי׃
תַּ֤חַת חִטָּ֨ה ׀ יֵ֥צֵא ח֗וֹחַ
  וְתַֽחַת־שְׂעֹרָ֥ה בׇאְשָׁ֑ה
תַּ֗֝מּוּ דִּבְרֵ֥י אִיּֽוֹב׃