איוב יב/הערות נוסח

<< · איוב · יב/הערות נוסח · >>

הסתר הערות נוסח

שער מקרא · שער תורה · שער נביאים · שער כתובים · מקראי מועד · ויבינו במקרא (אודיו) · מידע על גופנים · English
תקציר המבוא למהדורה · המבוא המלא למהדורה · הערות הנוסח · הבסיס הטכני לפרויקט בגליון נתונים · GitHub · תעתיק (מקרא פונטי) · ייבין · מדריך טכני · דיווח על טעות
♦ תורה: בראשית · שמות · ויקרא · במדבר · דברים ♦ נביאים: יהושע · שופטים · שמואל · מלכים · ישעיהו · ירמיהו · יחזקאל · תרי עשר ♦ כתובים: תהלים · משלי · איוב · שיר השירים · רות · איכה · קֹהלת · אסתר · דניאל · עזרא · דברי הימים

　　
יב א    וַיַּ֥עַן אִיּ֗וֹב וַיֹּאמַֽר׃
ב אׇ֭מְנָם כִּ֣י אַתֶּם־עָ֑ם
  וְ֝עִמָּכֶ֗ם תָּמ֥וּת חׇכְמָֽה׃
ג גַּם־לִ֤י לֵבָ֨ב ׀ כְּֽמוֹכֶ֗ם
  לֹא־נֹפֵ֣ל אָנֹכִ֣י מִכֶּ֑ם
    וְאֶת־מִי־אֵ֥ין כְּמוֹ־אֵֽלֶּה׃
ד שְׂחֹ֤ק לְרֵעֵ֨הוּ ׀ אֶהְיֶ֗ה
  קֹרֵ֣א לֶ֭אֱלוֹהַּ וַֽיַּעֲנֵ֑הוּ
    שְׂ֝ח֗וֹק צַדִּ֥יק תָּמִֽים׃
ה לַפִּ֣יד בּ֭וּז לְעַשְׁתּ֣וּת שַׁאֲנָ֑ן
  נָ֝כ֗וֹן לְמ֣וֹעֲדֵי רָֽגֶל׃
ו יִשְׁלָ֤יוּ אֹהָלִ֨ים ׀ לְשֹׁ֥דְﬞדִ֗ים לְשֹׁ֥דְﬞדִ֗ים
א=לְשֹׁ֥דֲדִ֗ים (חטף)
  וּֽ֭בַטֻּחוֹת לְמַרְגִּ֣יזֵי אֵ֑ל
    לַאֲשֶׁ֤ר הֵבִ֖יא אֱל֣וֹהַּ בְּיָדֽוֹ׃
ז וְֽאוּלָ֗ם שְׁאַל־נָ֣א בְהֵמ֣וֹת וְתֹרֶ֑ךָּ
  וְע֥וֹף הַ֝שָּׁמַ֗יִם וְיַגֶּד־לָֽךְ׃
ח א֤וֹ שִׂ֣יחַ לָאָ֣רֶץ וְתֹרֶ֑ךָּ
  וִיסַפְּר֥וּ לְ֝ךָ֗ דְּגֵ֣י הַיָּֽם׃
ט מִ֭י לֹא־יָדַ֣ע בְּכׇל־אֵ֑לֶּה
  כִּ֥י יַד־יְ֝הֹוָ֗ה עָ֣שְׂתָה זֹּֽאת׃
י אֲשֶׁ֣ר בְּ֭יָדוֹ נֶ֣פֶשׁ כׇּל־חָ֑י
  וְ֝ר֗וּחַ כׇּל־בְּשַׂר־אִֽישׁ׃
יא הֲלֹא־אֹ֭זֶן מִלִּ֣ין תִּבְחָ֑ן
  וְ֝חֵ֗ךְ אֹ֣כֶל יִטְעַם־לֽוֹ׃
יב בִּישִׁישִׁ֥ים חׇכְמָ֑ה
  וְאֹ֖רֶךְ יָמִ֣ים תְּבוּנָֽה׃
יג עִ֭מּוֹ חׇכְמָ֣ה וּגְבוּרָ֑ה
  ל֗֝וֹ ל֗֝וֹ
א=ל֝וֹ (השמטת נקודת הרביע) עֵצָ֥ה וּתְבוּנָֽה׃
יד הֵ֣ן יַ֭הֲרוֹס וְלֹ֣א יִבָּנֶ֑ה
  יִסְגֹּ֥ר עַל־אִ֗֝ישׁ וְלֹ֣א יִפָּתֵֽחַ׃
טו הֵ֤ן יַעְצֹ֣ר בַּמַּ֣יִם וְיִבָ֑שׁוּ
  וִ֝ישַׁלְּחֵ֗ם וְיַ֖הַפְכוּ־אָֽרֶץ׃
טז עִ֭מּוֹ עֹ֣ז וְתוּשִׁיָּ֑ה
  ל֗֝וֹ ל֗֝וֹ
א=ל֝וֹ (השמטת נקודת הרביע) שֹׁגֵ֥ג וּמַשְׁגֶּֽה׃
יז מוֹלִ֣יךְ יוֹעֲצִ֣ים שׁוֹלָ֑ל
  וְֽשֹׁפְטִ֥ים יְהוֹלֵֽל׃
יח מוּסַ֣ר מְלָכִ֣ים פִּתֵּ֑חַ
  וַיֶּאְסֹ֥ר אֵ֝ז֗וֹר בְּמׇתְנֵיהֶֽם׃
יט מוֹלִ֣יךְ כֹּהֲנִ֣ים שׁוֹלָ֑ל
  וְאֵ֖תָנִ֣ים וְאֵ֖תָנִ֣ים
=א,ל,ש1 (טפחא ומונח) ובדפוסים וקורן (וכן ברויאר ומג"ה); אמנם נטיית הקו לצד ימין קלה בשלושת כתבי־היד (הנטייה הכי ברורה נמצאת בכתר).
הקלדה=וְאֵֽתָנִ֣ים (געיה ומונח) כנראה בעקבות BHS, אמנם לא כך נראה בצילום כתי"ל (דעתנו לגבי כתי"ל מסכימה עם דותן ושתיקתו של ברויאר); גם ממ=וְאֵֽתָנִ֣ים אמנם לא כך נראה בצילום הכתר. יְסַלֵּֽף׃
כ מֵסִ֣יר שָׂ֭פָה לְנֶאֱמָנִ֑ים
  וְטַ֖עַם זְקֵנִ֣ים יִקָּֽח׃
כא שׁוֹפֵ֣ךְ בּ֭וּז עַל־נְדִיבִ֑ים
  וּמְזִ֖יחַ אֲפִיקִ֣ים רִפָּֽה׃
כב מְגַלֶּ֣ה עֲ֭מֻקוֹת מִנִּי־חֹ֑שֶׁךְ
  וַיֹּצֵ֖א לָא֣וֹר צַלְמָֽוֶת׃
כג מַשְׂגִּ֣יא לַ֭גּוֹיִם וַֽיְאַבְּדֵ֑ם
  שֹׁטֵ֥חַ לַ֝גּוֹיִ֗ם וַיַּנְחֵֽם׃
כד מֵסִ֗יר לֵ֭ב רָאשֵׁ֣י עַם־הָאָ֑רֶץ
  וַ֝יַּתְעֵ֗ם וַ֝יַּתְעֵ֗ם
=ל
א!=וַ֝יַּתְעֵם (חסרה נקודת הרביע באות עי"ן) בְּתֹ֣הוּ לֹא־דָֽרֶךְ׃
כה יְמַֽשְׁﬞשׁוּ־חֹ֥שֶׁךְ יְמַֽשְׁﬞשׁוּ־חֹ֥שֶׁךְ
א=יְמַֽשֲׁשׁוּ־חֹ֥שֶׁךְ (חטף) וְלֹא־א֑וֹר
  וַ֝יַּתְעֵ֗ם כַּשִּׁכּֽוֹר׃

הפרק בלי מספרים

　　
   וַיַּ֥עַן אִיּ֗וֹב וַיֹּאמַֽר׃
אׇ֭מְנָם כִּ֣י אַתֶּם־עָ֑ם
  וְ֝עִמָּכֶ֗ם תָּמ֥וּת חׇכְמָֽה׃
גַּם־לִ֤י לֵבָ֨ב ׀ כְּֽמוֹכֶ֗ם
  לֹא־נֹפֵ֣ל אָנֹכִ֣י מִכֶּ֑ם
    וְאֶת־מִי־אֵ֥ין כְּמוֹ־אֵֽלֶּה׃
שְׂחֹ֤ק לְרֵעֵ֨הוּ ׀ אֶהְיֶ֗ה
  קֹרֵ֣א לֶ֭אֱלוֹהַּ וַֽיַּעֲנֵ֑הוּ
    שְׂ֝ח֗וֹק צַדִּ֥יק תָּמִֽים׃
לַפִּ֣יד בּ֭וּז לְעַשְׁתּ֣וּת שַׁאֲנָ֑ן
  נָ֝כ֗וֹן לְמ֣וֹעֲדֵי רָֽגֶל׃
יִשְׁלָ֤יוּ אֹהָלִ֨ים ׀ לְשֹׁ֥דְﬞדִ֗ים לְשֹׁ֥דְﬞדִ֗ים
א=לְשֹׁ֥דֲדִ֗ים (חטף)
  וּֽ֭בַטֻּחוֹת לְמַרְגִּ֣יזֵי אֵ֑ל
    לַאֲשֶׁ֤ר הֵבִ֖יא אֱל֣וֹהַּ בְּיָדֽוֹ׃
וְֽאוּלָ֗ם שְׁאַל־נָ֣א בְהֵמ֣וֹת וְתֹרֶ֑ךָּ
  וְע֥וֹף הַ֝שָּׁמַ֗יִם וְיַגֶּד־לָֽךְ׃
א֤וֹ שִׂ֣יחַ לָאָ֣רֶץ וְתֹרֶ֑ךָּ
  וִיסַפְּר֥וּ לְ֝ךָ֗ דְּגֵ֣י הַיָּֽם׃
מִ֭י לֹא־יָדַ֣ע בְּכׇל־אֵ֑לֶּה
  כִּ֥י יַד־יְ֝הֹוָ֗ה עָ֣שְׂתָה זֹּֽאת׃
אֲשֶׁ֣ר בְּ֭יָדוֹ נֶ֣פֶשׁ כׇּל־חָ֑י
  וְ֝ר֗וּחַ כׇּל־בְּשַׂר־אִֽישׁ׃
הֲלֹא־אֹ֭זֶן מִלִּ֣ין תִּבְחָ֑ן
  וְ֝חֵ֗ךְ אֹ֣כֶל יִטְעַם־לֽוֹ׃
בִּישִׁישִׁ֥ים חׇכְמָ֑ה
  וְאֹ֖רֶךְ יָמִ֣ים תְּבוּנָֽה׃
עִ֭מּוֹ חׇכְמָ֣ה וּגְבוּרָ֑ה
  ל֗֝וֹ ל֗֝וֹ
א=ל֝וֹ (השמטת נקודת הרביע) עֵצָ֥ה וּתְבוּנָֽה׃
הֵ֣ן יַ֭הֲרוֹס וְלֹ֣א יִבָּנֶ֑ה
  יִסְגֹּ֥ר עַל־אִ֗֝ישׁ וְלֹ֣א יִפָּתֵֽחַ׃
הֵ֤ן יַעְצֹ֣ר בַּמַּ֣יִם וְיִבָ֑שׁוּ
  וִ֝ישַׁלְּחֵ֗ם וְיַ֖הַפְכוּ־אָֽרֶץ׃
עִ֭מּוֹ עֹ֣ז וְתוּשִׁיָּ֑ה
  ל֗֝וֹ ל֗֝וֹ
א=ל֝וֹ (השמטת נקודת הרביע) שֹׁגֵ֥ג וּמַשְׁגֶּֽה׃
מוֹלִ֣יךְ יוֹעֲצִ֣ים שׁוֹלָ֑ל
  וְֽשֹׁפְטִ֥ים יְהוֹלֵֽל׃
מוּסַ֣ר מְלָכִ֣ים פִּתֵּ֑חַ
  וַיֶּאְסֹ֥ר אֵ֝ז֗וֹר בְּמׇתְנֵיהֶֽם׃
מוֹלִ֣יךְ כֹּהֲנִ֣ים שׁוֹלָ֑ל
  וְאֵ֖תָנִ֣ים וְאֵ֖תָנִ֣ים
=א,ל,ש1 (טפחא ומונח) ובדפוסים וקורן (וכן ברויאר ומג"ה); אמנם נטיית הקו לצד ימין קלה בשלושת כתבי־היד (הנטייה הכי ברורה נמצאת בכתר).
הקלדה=וְאֵֽתָנִ֣ים (געיה ומונח) כנראה בעקבות BHS, אמנם לא כך נראה בצילום כתי"ל (דעתנו לגבי כתי"ל מסכימה עם דותן ושתיקתו של ברויאר); גם ממ=וְאֵֽתָנִ֣ים אמנם לא כך נראה בצילום הכתר. יְסַלֵּֽף׃
מֵסִ֣יר שָׂ֭פָה לְנֶאֱמָנִ֑ים
  וְטַ֖עַם זְקֵנִ֣ים יִקָּֽח׃
שׁוֹפֵ֣ךְ בּ֭וּז עַל־נְדִיבִ֑ים
  וּמְזִ֖יחַ אֲפִיקִ֣ים רִפָּֽה׃
מְגַלֶּ֣ה עֲ֭מֻקוֹת מִנִּי־חֹ֑שֶׁךְ
  וַיֹּצֵ֖א לָא֣וֹר צַלְמָֽוֶת׃
מַשְׂגִּ֣יא לַ֭גּוֹיִם וַֽיְאַבְּדֵ֑ם
  שֹׁטֵ֥חַ לַ֝גּוֹיִ֗ם וַיַּנְחֵֽם׃
מֵסִ֗יר לֵ֭ב רָאשֵׁ֣י עַם־הָאָ֑רֶץ
  וַ֝יַּתְעֵ֗ם וַ֝יַּתְעֵ֗ם
=ל
א!=וַ֝יַּתְעֵם (חסרה נקודת הרביע באות עי"ן) בְּתֹ֣הוּ לֹא־דָֽרֶךְ׃
יְמַֽשְׁﬞשׁוּ־חֹ֥שֶׁךְ יְמַֽשְׁﬞשׁוּ־חֹ֥שֶׁךְ
א=יְמַֽשֲׁשׁוּ־חֹ֥שֶׁךְ (חטף) וְלֹא־א֑וֹר
  וַ֝יַּתְעֵ֗ם כַּשִּׁכּֽוֹר׃