תהלים צז/הערות נוסח
<< · תהלים · צז/הערות נוסח · >>
שער מקרא · שער תורה · שער נביאים · שער כתובים · מקראי מועד · ויבינו במקרא (אודיו) · מידע על גופנים · English
תקציר המבוא למהדורה · המבוא המלא למהדורה · הערות נוסח · תעתיק (מקרא פונטי) · ייבין · GitHub · תיקונים ושינויים · דיווח על טעות · מדריך טכני
♦ תורה: בראשית · שמות · ויקרא · במדבר · דברים ♦ נביאים: יהושע · שופטים · שמואל · מלכים · ישעיהו · ירמיהו · יחזקאל · תרי עשר ♦ כתובים: תהלים · משלי · איוב · שיר השירים · רות · איכה · קֹהלת · אסתר · דניאל · עזרא · דברי הימים
צז א יְהֹוָ֣ה מָ֭לָךְ תָּגֵ֣ל הָאָ֑רֶץ
יִ֝שְׂמְח֗וּ אִיִּ֥ים רַבִּֽים׃
ב עָנָ֣ן וַעֲרָפֶ֣ל סְבִיבָ֑יו
צֶ֥דֶק וּ֝מִשְׁפָּ֗ט מְכ֣וֹן כִּסְאֽוֹ׃
ג אֵ֭שׁ לְפָנָ֣יו תֵּלֵ֑ךְ
וּתְלַהֵ֖ט סָבִ֣יב צָרָֽיו׃
ד הֵאִ֣ירוּ בְרָקָ֣יו תֵּבֵ֑ל
רָאֲתָ֖ה וַתָּחֵ֣ל הָאָֽרֶץ׃
ה הָרִ֗ים כַּדּוֹנַ֗ג נָ֭מַסּוּ מִלִּפְנֵ֣י יְהֹוָ֑ה
מִ֝לִּפְנֵ֗י אֲד֣וֹן כׇּל־הָאָֽרֶץ׃
ו הִגִּ֣ידוּ הַשָּׁמַ֣יִם צִדְק֑וֹ
וְרָא֖וּ כׇל־הָעַמִּ֣ים כְּבוֹדֽוֹ׃
ז יֵבֹ֤שׁוּ ׀ כׇּל־עֹ֬בְדֵי פֶ֗סֶל
הַמִּֽתְהַלְﬞלִ֥ים הַמִּֽתְהַלְﬞלִ֥ים
א=הַמִּֽתְהַלֲלִ֥ים (חטף) בָּאֱלִילִ֑ים
הִשְׁתַּחֲווּ־ל֗֝וֹ הִשְׁתַּחֲווּ־ל֗֝וֹ
א=הִשְׁתַּחֲווּ־ל֝וֹ (השמטת נקודת הרביע) כׇּל־אֱלֹהִֽים׃
ח שָׁמְעָ֬ה וַתִּשְׂמַ֨ח ׀ צִיּ֗וֹן
וַ֭תָּגֵלְנָה בְּנ֣וֹת יְהוּדָ֑ה
לְמַ֖עַן מִשְׁפָּטֶ֣יךָ יְהֹוָֽה׃
ט כִּֽי־אַתָּ֤ה יְהֹוָ֗ה
עֶלְי֥וֹן עַל־כׇּל־הָאָ֑רֶץ
מְאֹ֥ד נַ֝עֲלֵ֗יתָ עַל־כׇּל־אֱלֹהִֽים׃
י אֹֽהֲבֵ֥י יְהֹוָ֗ה שִׂנְא֫וּ־רָ֥ע
שֹׁ֭מֵר נַפְשׁ֣וֹת חֲסִידָ֑יו
מִיַּ֥ד רְ֝שָׁעִ֗ים יַצִּילֵֽם׃
יא א֭וֹר זָרֻ֣עַ לַצַּדִּ֑יק
וּֽלְיִשְׁרֵי־לֵ֥ב שִׂמְחָֽה׃
יב שִׂמְח֣וּ צַ֭דִּיקִים בַּיהֹוָ֑ה
וְ֝הוֹד֗וּ לְזֵ֣כֶר קׇדְשֽׁוֹ׃
הפרק בלי מספרים
[עריכה]
יְהֹוָ֣ה מָ֭לָךְ תָּגֵ֣ל הָאָ֑רֶץ
יִ֝שְׂמְח֗וּ אִיִּ֥ים רַבִּֽים׃
עָנָ֣ן וַעֲרָפֶ֣ל סְבִיבָ֑יו
צֶ֥דֶק וּ֝מִשְׁפָּ֗ט מְכ֣וֹן כִּסְאֽוֹ׃
אֵ֭שׁ לְפָנָ֣יו תֵּלֵ֑ךְ
וּתְלַהֵ֖ט סָבִ֣יב צָרָֽיו׃
הֵאִ֣ירוּ בְרָקָ֣יו תֵּבֵ֑ל
רָאֲתָ֖ה וַתָּחֵ֣ל הָאָֽרֶץ׃
הָרִ֗ים כַּדּוֹנַ֗ג נָ֭מַסּוּ מִלִּפְנֵ֣י יְהֹוָ֑ה
מִ֝לִּפְנֵ֗י אֲד֣וֹן כׇּל־הָאָֽרֶץ׃
הִגִּ֣ידוּ הַשָּׁמַ֣יִם צִדְק֑וֹ
וְרָא֖וּ כׇל־הָעַמִּ֣ים כְּבוֹדֽוֹ׃
יֵבֹ֤שׁוּ ׀ כׇּל־עֹ֬בְדֵי פֶ֗סֶל
הַמִּֽתְהַלְﬞלִ֥ים הַמִּֽתְהַלְﬞלִ֥ים
א=הַמִּֽתְהַלֲלִ֥ים (חטף) בָּאֱלִילִ֑ים
הִשְׁתַּחֲווּ־ל֗֝וֹ הִשְׁתַּחֲווּ־ל֗֝וֹ
א=הִשְׁתַּחֲווּ־ל֝וֹ (השמטת נקודת הרביע) כׇּל־אֱלֹהִֽים׃
שָׁמְעָ֬ה וַתִּשְׂמַ֨ח ׀ צִיּ֗וֹן
וַ֭תָּגֵלְנָה בְּנ֣וֹת יְהוּדָ֑ה
לְמַ֖עַן מִשְׁפָּטֶ֣יךָ יְהֹוָֽה׃
כִּֽי־אַתָּ֤ה יְהֹוָ֗ה
עֶלְי֥וֹן עַל־כׇּל־הָאָ֑רֶץ
מְאֹ֥ד נַ֝עֲלֵ֗יתָ עַל־כׇּל־אֱלֹהִֽים׃
אֹֽהֲבֵ֥י יְהֹוָ֗ה שִׂנְא֫וּ־רָ֥ע
שֹׁ֭מֵר נַפְשׁ֣וֹת חֲסִידָ֑יו
מִיַּ֥ד רְ֝שָׁעִ֗ים יַצִּילֵֽם׃
א֭וֹר זָרֻ֣עַ לַצַּדִּ֑יק
וּֽלְיִשְׁרֵי־לֵ֥ב שִׂמְחָֽה׃
שִׂמְח֣וּ צַ֭דִּיקִים בַּיהֹוָ֑ה
וְ֝הוֹד֗וּ לְזֵ֣כֶר קׇדְשֽׁוֹ׃