איוב לז/הערות נוסח
<< · איוב · לז/הערות נוסח · >>
שער מקרא · שער תורה · שער נביאים · שער כתובים · מקראי מועד · ויבינו במקרא (אודיו) · מידע על גופנים · English
תקציר המבוא למהדורה · המבוא המלא למהדורה · הערות הנוסח · הבסיס הטכני לפרויקט בגליון נתונים · GitHub · תעתיק (מקרא פונטי) · ייבין · מדריך טכני · דיווח על טעות
♦ תורה: בראשית · שמות · ויקרא · במדבר · דברים ♦ נביאים: יהושע · שופטים · שמואל · מלכים · ישעיהו · ירמיהו · יחזקאל · תרי עשר ♦ כתובים: תהלים · משלי · איוב · שיר השירים · רות · איכה · קֹהלת · אסתר · דניאל · עזרא · דברי הימים
לז א אַף־לְ֭זֹאת יֶחֱרַ֣ד לִבִּ֑י
וְ֝יִתַּ֗ר מִמְּקוֹמֽוֹ׃
ב שִׁמְע֤וּ שָׁמ֣וֹעַ בְּרֹ֣גֶז קֹל֑וֹ
וְ֝הֶ֗גֶה מִפִּ֥יו יֵצֵֽא׃
ג תַּֽחַת־כׇּל־הַשָּׁמַ֥יִם יִשְׁרֵ֑הוּ
וְ֝אוֹר֗וֹ עַל־כַּנְפ֥וֹת הָאָֽרֶץ׃
ד אַחֲרָ֤יו ׀ יִשְׁאַג־ק֗וֹל
יַ֭רְעֵם בְּק֣וֹל גְּאוֹנ֑וֹ
וְלֹ֥א יְ֝עַקְּבֵ֗ם כִּֽי־יִשָּׁמַ֥ע קוֹלֽוֹ׃
ה יַרְעֵ֤ם אֵ֣ל בְּ֭קוֹלוֹ נִפְלָא֑וֹת
עֹשֶׂ֥ה גְ֝דֹל֗וֹת וְלֹ֣א נֵדָֽע׃
ו כִּ֤י לַשֶּׁ֨לֶג ׀ יֹאמַ֗ר הֱוֵ֫א־אָ֥רֶץ
וְגֶ֥שֶׁם מָטָ֑ר
וְ֝גֶ֗שֶׁם מִטְר֥וֹת עֻזּֽוֹ׃
ז בְּיַד־כׇּל־אָדָ֥ם יַחְתּ֑וֹם
לָ֝דַ֗עַת כׇּל־אַנְשֵׁ֥י מַעֲשֵֽׂהוּ׃
ח וַתָּב֣וֹא חַיָּ֣ה בְמוֹ־אָ֑רֶב
וּבִמְע֖וֹנֹתֶ֣יהָ תִשְׁכֹּֽן׃
ט מִן־הַ֭חֶדֶר תָּב֣וֹא סוּפָ֑ה
וּֽמִמְּזָרִ֥ים קָרָֽה׃
י מִנִּשְׁמַת־אֵ֥ל יִתֶּן־קָ֑רַח
וְרֹ֖חַב מַ֣יִם בְּמוּצָֽק׃
יא אַף־בְּ֭רִי יַטְרִ֣יחַ עָ֑ב
יָ֝פִ֗יץ עֲנַ֣ן אוֹרֽוֹ׃
יב וְה֤וּא מְסִבּ֨וֹת ׀
מִתְהַפֵּ֣ךְ בְּתַחְבּוּלֹתָ֣ו לְפׇעֳלָ֑ם
כֹּ֖ל אֲשֶׁ֥ר יְצַוֵּ֓ם ׀
עַל־פְּנֵ֖י תֵבֵ֣ל אָֽרְצָה׃
יג אִם־לְשֵׁ֥בֶט אִם־לְאַרְצ֑וֹ
אִם־לְ֝חֶ֗סֶד יַמְצִאֵֽהוּ׃
יד הַאֲזִ֣ינָה זֹּ֣את אִיּ֑וֹב
עֲ֝מֹ֗ד וְהִתְבּוֹנֵ֤ן ׀ נִפְלְא֬וֹת אֵֽל׃
טו הֲ֭תֵדַע בְּשׂוּם־אֱל֣וֹהַּ עֲלֵיהֶ֑ם
וְ֝הֹפִ֗יעַ א֣וֹר עֲנָנֽוֹ׃
טז הֲ֭תֵדַע עַל־מִפְלְשֵׂי־עָ֑ב
מִ֝פְלְא֗וֹת תְּמִ֣ים דֵּעִֽים׃
יז אֲשֶׁר־בְּגָדֶ֥יךָ חַמִּ֑ים
בְּהַשְׁקִ֥ט אֶ֗֝רֶץ אֶ֗֝רֶץ
א=אֶ֝רֶץ (השמטת נקודת הרביע) מִדָּרֽוֹם׃
יח תַּרְקִ֣יעַ עִ֭מּוֹ לִשְׁחָקִ֑ים
חֲ֝זָקִ֗ים כִּרְאִ֥י מוּצָֽק׃
יט ה֭וֹדִיעֵנוּ מַה־נֹּ֣אמַר ל֑וֹ
לֹֽא־נַ֝עֲרֹ֗ךְ מִפְּנֵי־חֹֽשֶׁךְ׃
כ הַֽיְסֻפַּר־ל֭וֹ כִּ֣י אֲדַבֵּ֑ר
אִֽם־אָ֥מַר אִ֗֝ישׁ אִ֗֝ישׁ
א=אִ֝ישׁ (השמטת נקודת הרביע) כִּ֣י יְבֻלָּֽע׃
כא וְעַתָּ֤ה ׀ לֹ֘א־רָ֤אוּ א֗וֹר
בָּהִ֣יר ה֭וּא בַּשְּׁחָקִ֑ים
וְר֥וּחַ עָ֝בְרָ֗ה וַֽתְּטַהֲרֵֽם׃
כב מִ֭צָּפוֹן זָהָ֣ב יֶאֱתֶ֑ה
עַל־אֱ֝ל֗וֹהַּ נ֣וֹרָא הֽוֹד׃
כג שַׁדַּ֣י לֹא־מְ֭צָאנֻהוּ שַׂגִּיא־כֹ֑חַ
וּמִשְׁפָּ֥ט וְרֹב־צְ֝דָקָ֗ה לֹ֣א יְעַנֶּֽה׃
כד לָ֭כֵן יְרֵא֣וּהוּ אֲנָשִׁ֑ים
לֹֽא־יִ֝רְאֶ֗ה כׇּל־חַכְמֵי־לֵֽב׃
הפרק בלי מספרים
[עריכה]אַף־לְ֭זֹאת יֶחֱרַ֣ד לִבִּ֑י
וְ֝יִתַּ֗ר מִמְּקוֹמֽוֹ׃
שִׁמְע֤וּ שָׁמ֣וֹעַ בְּרֹ֣גֶז קֹל֑וֹ
וְ֝הֶ֗גֶה מִפִּ֥יו יֵצֵֽא׃
תַּֽחַת־כׇּל־הַשָּׁמַ֥יִם יִשְׁרֵ֑הוּ
וְ֝אוֹר֗וֹ עַל־כַּנְפ֥וֹת הָאָֽרֶץ׃
אַחֲרָ֤יו ׀ יִשְׁאַג־ק֗וֹל
יַ֭רְעֵם בְּק֣וֹל גְּאוֹנ֑וֹ
וְלֹ֥א יְ֝עַקְּבֵ֗ם כִּֽי־יִשָּׁמַ֥ע קוֹלֽוֹ׃
יַרְעֵ֤ם אֵ֣ל בְּ֭קוֹלוֹ נִפְלָא֑וֹת
עֹשֶׂ֥ה גְ֝דֹל֗וֹת וְלֹ֣א נֵדָֽע׃
כִּ֤י לַשֶּׁ֨לֶג ׀ יֹאמַ֗ר הֱוֵ֫א־אָ֥רֶץ
וְגֶ֥שֶׁם מָטָ֑ר
וְ֝גֶ֗שֶׁם מִטְר֥וֹת עֻזּֽוֹ׃
בְּיַד־כׇּל־אָדָ֥ם יַחְתּ֑וֹם
לָ֝דַ֗עַת כׇּל־אַנְשֵׁ֥י מַעֲשֵֽׂהוּ׃
וַתָּב֣וֹא חַיָּ֣ה בְמוֹ־אָ֑רֶב
וּבִמְע֖וֹנֹתֶ֣יהָ תִשְׁכֹּֽן׃
מִן־הַ֭חֶדֶר תָּב֣וֹא סוּפָ֑ה
וּֽמִמְּזָרִ֥ים קָרָֽה׃
מִנִּשְׁמַת־אֵ֥ל יִתֶּן־קָ֑רַח
וְרֹ֖חַב מַ֣יִם בְּמוּצָֽק׃
אַף־בְּ֭רִי יַטְרִ֣יחַ עָ֑ב
יָ֝פִ֗יץ עֲנַ֣ן אוֹרֽוֹ׃
וְה֤וּא מְסִבּ֨וֹת ׀
מִתְהַפֵּ֣ךְ בְּתַחְבּוּלֹתָ֣ו לְפׇעֳלָ֑ם
כֹּ֖ל אֲשֶׁ֥ר יְצַוֵּ֓ם ׀
עַל־פְּנֵ֖י תֵבֵ֣ל אָֽרְצָה׃
אִם־לְשֵׁ֥בֶט אִם־לְאַרְצ֑וֹ
אִם־לְ֝חֶ֗סֶד יַמְצִאֵֽהוּ׃
הַאֲזִ֣ינָה זֹּ֣את אִיּ֑וֹב
עֲ֝מֹ֗ד וְהִתְבּוֹנֵ֤ן ׀ נִפְלְא֬וֹת אֵֽל׃
הֲ֭תֵדַע בְּשׂוּם־אֱל֣וֹהַּ עֲלֵיהֶ֑ם
וְ֝הֹפִ֗יעַ א֣וֹר עֲנָנֽוֹ׃
הֲ֭תֵדַע עַל־מִפְלְשֵׂי־עָ֑ב
מִ֝פְלְא֗וֹת תְּמִ֣ים דֵּעִֽים׃
אֲשֶׁר־בְּגָדֶ֥יךָ חַמִּ֑ים
בְּהַשְׁקִ֥ט אֶ֗֝רֶץ אֶ֗֝רֶץ
א=אֶ֝רֶץ (השמטת נקודת הרביע) מִדָּרֽוֹם׃
תַּרְקִ֣יעַ עִ֭מּוֹ לִשְׁחָקִ֑ים
חֲ֝זָקִ֗ים כִּרְאִ֥י מוּצָֽק׃
ה֭וֹדִיעֵנוּ מַה־נֹּ֣אמַר ל֑וֹ
לֹֽא־נַ֝עֲרֹ֗ךְ מִפְּנֵי־חֹֽשֶׁךְ׃
הַֽיְסֻפַּר־ל֭וֹ כִּ֣י אֲדַבֵּ֑ר
אִֽם־אָ֥מַר אִ֗֝ישׁ אִ֗֝ישׁ
א=אִ֝ישׁ (השמטת נקודת הרביע) כִּ֣י יְבֻלָּֽע׃
וְעַתָּ֤ה ׀ לֹ֘א־רָ֤אוּ א֗וֹר
בָּהִ֣יר ה֭וּא בַּשְּׁחָקִ֑ים
וְר֥וּחַ עָ֝בְרָ֗ה וַֽתְּטַהֲרֵֽם׃
מִ֭צָּפוֹן זָהָ֣ב יֶאֱתֶ֑ה
עַל־אֱ֝ל֗וֹהַּ נ֣וֹרָא הֽוֹד׃
שַׁדַּ֣י לֹא־מְ֭צָאנֻהוּ שַׂגִּיא־כֹ֑חַ
וּמִשְׁפָּ֥ט וְרֹב־צְ֝דָקָ֗ה לֹ֣א יְעַנֶּֽה׃
לָ֭כֵן יְרֵא֣וּהוּ אֲנָשִׁ֑ים
לֹֽא־יִ֝רְאֶ֗ה כׇּל־חַכְמֵי־לֵֽב׃