תהלים עט/הערות נוסח

שער מקרא · שער תורה · שער נביאים · שער כתובים · מקראי מועד · ויבינו במקרא (אודיו) · מידע על גופנים · English
תקציר המבוא למהדורה · המבוא המלא למהדורה · הערות הנוסח · הבסיס הטכני לפרויקט בגליון נתונים · GitHub · תעתיק (מקרא פונטי) · ייבין · מדריך טכני · דיווח על טעות
♦ תורה: בראשית · שמות · ויקרא · במדבר · דברים ♦ נביאים: יהושע · שופטים · שמואל · מלכים · ישעיהו · ירמיהו · יחזקאל · תרי עשר ♦ כתובים: תהלים · משלי · איוב · שיר השירים · רות · איכה · קֹהלת · אסתר · דניאל · עזרא · דברי הימים

　　
עט א מִזְמ֗וֹר לְאָ֫סָ֥ף

פרשה פתוחהאֱֽלֹהִ֡ים בָּ֤אוּ גוֹיִ֨ם ׀ בְּֽנַחֲלָתֶ֗ךָ
טִ֭מְּאוּ אֶת־הֵיכַ֣ל קׇדְשֶׁ֑ךָ
שָׂ֖מוּ אֶת־יְרוּשָׁלַ֣͏ִם לְעִיִּֽים׃
ב נָתְנ֡וּ אֶת־נִבְלַ֬ת עֲבָדֶ֗יךָ
מַ֭אֲכָל לְע֣וֹף הַשָּׁמָ֑יִם
בְּשַׂ֥ר חֲ֝סִידֶ֗יךָ לְחַיְתוֹ־אָֽרֶץ׃
ג שָׁפְכ֬וּ דָמָ֨ם ׀ כַּמַּ֗יִם
סְֽבִ֘יב֤וֹת יְֽרוּשָׁלָ֗͏ִם
וְאֵ֣ין קוֹבֵֽר׃
ד הָיִ֣ינוּ חֶ֭רְפָּה לִשְׁכֵנֵ֑ינוּ
לַ֥עַג וָ֝קֶ֗לֶס לִסְבִיבוֹתֵֽינוּ׃
ה עַד־מָ֣ה יְ֭הֹוָה תֶּאֱנַ֣ף לָנֶ֑צַח
תִּֽבְעַ֥ר כְּמוֹ־אֵ֗֝שׁ כְּמוֹ־אֵ֗֝שׁ
א=כְּמוֹ־אֵ֝שׁ (השמטת נקודת הרביע) קִנְאָתֶֽךָ׃
ו שְׁפֹ֤ךְ חֲמָתְךָ֗
אֶֽל־הַגּוֹיִם֮ אֲשֶׁ֢ר לֹא־יְדָ֫ע֥וּךָ
וְעַ֥ל מַמְלָכ֑וֹת
אֲשֶׁ֥ר בְּ֝שִׁמְךָ֗ לֹ֣א קָרָֽאוּ׃
ז כִּ֭י אָכַ֣ל אֶֽת־יַעֲקֹ֑ב
וְֽאֶת־נָוֵ֥הוּ הֵשַֽׁמּוּ׃
ח אַֽל־תִּזְכׇּר־לָ֮נוּ֮ עֲוֺנֹ֢ת רִאשֹׁ֫נִ֥ים
מַ֭הֵר יְקַדְּמ֣וּנוּ רַחֲמֶ֑יךָ
כִּ֖י דַלּ֣וֹנוּ מְאֹֽד׃
ט עׇזְרֵ֤נוּ ׀ אֱלֹ֘הֵ֤י יִשְׁעֵ֗נוּ
עַֽל־דְּבַ֥ר כְּבֽוֹד־שְׁמֶ֑ךָ
וְהַצִּילֵ֥נוּ וְכַפֵּ֥ר עַל־חַ֝טֹּאתֵ֗ינוּ
לְמַ֣עַן שְׁמֶֽךָ׃
י לָ֤מָּה ׀ יֹאמְר֣וּ הַגּוֹיִם֮ אַיֵּ֢ה אֱֽלֹהֵ֫יהֶ֥ם
יִוָּדַ֣ע בגיים בַּגּוֹיִ֣ם בגיים בַּגּוֹיִ֣ם
א-כתיב=בַּגֹּייִ֣ם לְעֵינֵ֑ינוּ
נִ֝קְמַ֗ת דַּֽם־עֲבָדֶ֥יךָ הַשָּׁפֽוּךְ׃
יא תָּ֤ב֣וֹא לְפָנֶ֮יךָ֮ אֶנְקַ֢ת אָ֫סִ֥יר
כְּגֹ֥דֶל זְרוֹעֲךָ֑
ה֝וֹתֵ֗ר בְּנֵ֣י תְמוּתָֽה׃
יב וְהָ֘שֵׁ֤ב לִשְׁכֵנֵ֣ינוּ שִׁ֭בְעָתַיִם אֶל־חֵיקָ֑ם
חֶרְפָּ֘תָ֤ם אֲשֶׁ֖ר חֵרְפ֣וּךָ אֲדֹנָֽי׃
יג וַאֲנַ֤חְנוּ עַמְּךָ֨ ׀ וְצֹ֥אן מַרְעִיתֶ֮ךָ֮
נ֤וֹדֶ֥ה לְּךָ֗ לְע֫וֹלָ֥ם
לְד֥וֹר וָדֹ֑ר
נְ֝סַפֵּ֗ר תְּהִלָּתֶֽךָ׃

הפרק בלי מספרים

　　
מִזְמ֗וֹר לְאָ֫סָ֥ף

פרשה פתוחהאֱֽלֹהִ֡ים בָּ֤אוּ גוֹיִ֨ם ׀ בְּֽנַחֲלָתֶ֗ךָ
טִ֭מְּאוּ אֶת־הֵיכַ֣ל קׇדְשֶׁ֑ךָ
שָׂ֖מוּ אֶת־יְרוּשָׁלַ֣͏ִם לְעִיִּֽים׃
נָתְנ֡וּ אֶת־נִבְלַ֬ת עֲבָדֶ֗יךָ
מַ֭אֲכָל לְע֣וֹף הַשָּׁמָ֑יִם
בְּשַׂ֥ר חֲ֝סִידֶ֗יךָ לְחַיְתוֹ־אָֽרֶץ׃
שָׁפְכ֬וּ דָמָ֨ם ׀ כַּמַּ֗יִם
סְֽבִ֘יב֤וֹת יְֽרוּשָׁלָ֗͏ִם
וְאֵ֣ין קוֹבֵֽר׃
הָיִ֣ינוּ חֶ֭רְפָּה לִשְׁכֵנֵ֑ינוּ
לַ֥עַג וָ֝קֶ֗לֶס לִסְבִיבוֹתֵֽינוּ׃
עַד־מָ֣ה יְ֭הֹוָה תֶּאֱנַ֣ף לָנֶ֑צַח
תִּֽבְעַ֥ר כְּמוֹ־אֵ֗֝שׁ כְּמוֹ־אֵ֗֝שׁ
א=כְּמוֹ־אֵ֝שׁ (השמטת נקודת הרביע) קִנְאָתֶֽךָ׃
שְׁפֹ֤ךְ חֲמָתְךָ֗
אֶֽל־הַגּוֹיִם֮ אֲשֶׁ֢ר לֹא־יְדָ֫ע֥וּךָ
וְעַ֥ל מַמְלָכ֑וֹת
אֲשֶׁ֥ר בְּ֝שִׁמְךָ֗ לֹ֣א קָרָֽאוּ׃
כִּ֭י אָכַ֣ל אֶֽת־יַעֲקֹ֑ב
וְֽאֶת־נָוֵ֥הוּ הֵשַֽׁמּוּ׃
אַֽל־תִּזְכׇּר־לָ֮נוּ֮ עֲוֺנֹ֢ת רִאשֹׁ֫נִ֥ים
מַ֭הֵר יְקַדְּמ֣וּנוּ רַחֲמֶ֑יךָ
כִּ֖י דַלּ֣וֹנוּ מְאֹֽד׃
עׇזְרֵ֤נוּ ׀ אֱלֹ֘הֵ֤י יִשְׁעֵ֗נוּ
עַֽל־דְּבַ֥ר כְּבֽוֹד־שְׁמֶ֑ךָ
וְהַצִּילֵ֥נוּ וְכַפֵּ֥ר עַל־חַ֝טֹּאתֵ֗ינוּ
לְמַ֣עַן שְׁמֶֽךָ׃
לָ֤מָּה ׀ יֹאמְר֣וּ הַגּוֹיִם֮ אַיֵּ֢ה אֱֽלֹהֵ֫יהֶ֥ם
יִוָּדַ֣ע בגיים בַּגּוֹיִ֣ם בגיים בַּגּוֹיִ֣ם
א-כתיב=בַּגֹּייִ֣ם לְעֵינֵ֑ינוּ
נִ֝קְמַ֗ת דַּֽם־עֲבָדֶ֥יךָ הַשָּׁפֽוּךְ׃
תָּ֤ב֣וֹא לְפָנֶ֮יךָ֮ אֶנְקַ֢ת אָ֫סִ֥יר
כְּגֹ֥דֶל זְרוֹעֲךָ֑
ה֝וֹתֵ֗ר בְּנֵ֣י תְמוּתָֽה׃
וְהָ֘שֵׁ֤ב לִשְׁכֵנֵ֣ינוּ שִׁ֭בְעָתַיִם אֶל־חֵיקָ֑ם
חֶרְפָּ֘תָ֤ם אֲשֶׁ֖ר חֵרְפ֣וּךָ אֲדֹנָֽי׃
וַאֲנַ֤חְנוּ עַמְּךָ֨ ׀ וְצֹ֥אן מַרְעִיתֶ֮ךָ֮
נ֤וֹדֶ֥ה לְּךָ֗ לְע֫וֹלָ֥ם
לְד֥וֹר וָדֹ֑ר
נְ֝סַפֵּ֗ר תְּהִלָּתֶֽךָ׃