יואל ד/רכיבים

מתוך ויקיטקסט, מאגר הטקסטים החופשי
קפיצה לניווט קפיצה לחיפוש
<< | ספר יואלפרק ד' • מהדורת הרכיבים |


מפרשי יואל ד

א ב ג ד

א כִּ֗י הִנֵּ֛ה בַּ/יָּמִ֥ים הָ/הֵ֖מָּה וּ/בָ/עֵ֣ת הַ/הִ֑יא אֲשֶׁ֥ר אשוב [אָשִׁ֛יב] אֶת־שְׁב֥וּת יְהוּדָ֖ה וִ/ירוּשָׁלָ͏ִֽם׃ ב וְ/קִבַּצְתִּי֙ אֶת־כָּל־הַ/גּוֹיִ֔ם וְ/ה֣וֹרַדְתִּ֔י/ם אֶל־עֵ֖מֶק יְהֽוֹשָׁפָ֑ט וְ/נִשְׁפַּטְתִּ֨י עִמָּ֜/ם שָׁ֗ם עַל־עַמִּ֨/י וְ/נַחֲלָתִ֤/י יִשְׂרָאֵל֙ אֲשֶׁ֣ר פִּזְּר֣וּ בַ/גּוֹיִ֔ם וְ/אֶת־אַרְצִ֖/י חִלֵּֽקוּ׃ ג וְ/אֶל־עַמִּ֖/י יַדּ֣וּ גוֹרָ֑ל וַ/יִּתְּנ֤וּ הַ/יֶּ֙לֶד֙ בַּ/זּוֹנָ֔ה וְ/הַ/יַּלְדָּ֛ה מָכְר֥וּ בַ/יַּ֖יִן וַ/יִּשְׁתּֽוּ׃ ד וְ֠/גַם מָה־אַתֶּ֥ם לִ/י֙ צֹ֣ר וְ/צִיד֔וֹן וְ/כֹ֖ל גְּלִיל֣וֹת פְּלָ֑שֶׁת הַ/גְּמ֗וּל אַתֶּם֙ מְשַׁלְּמִ֣ים עָלָ֔/י וְ/אִם־גֹּמְלִ֤ים אַתֶּם֙ עָלַ֔/י קַ֣ל מְהֵרָ֔ה אָשִׁ֥יב גְּמֻלְ/כֶ֖ם בְּ/רֹאשְׁ/כֶֽם׃ ה אֲשֶׁר־כַּסְפִּ֥/י וּ/זְהָבִ֖/י לְקַחְתֶּ֑ם וּ/מַֽחֲמַדַּ/י֙ הַ/טֹּבִ֔ים הֲבֵאתֶ֖ם לְ/הֵיכְלֵי/כֶֽם׃ ו וּ/בְנֵ֤י יְהוּדָה֙ וּ/בְנֵ֣י יְרוּשָׁלַ͏ִ֔ם מְכַרְתֶּ֖ם לִ/בְנֵ֣י הַ/יְּוָנִ֑ים לְמַ֥עַן הַרְחִיקָ֖/ם מֵ/עַ֥ל גְּבוּלָֽ/ם׃ ז הִנְ/נִ֣י מְעִירָ֔/ם מִן־הַ֨/מָּק֔וֹם אֲשֶׁר־מְכַרְתֶּ֥ם אֹתָ֖/ם שָׁ֑מָּ/ה וַ/הֲשִׁבֹתִ֥י גְמֻלְ/כֶ֖ם בְּ/רֹאשְׁ/כֶֽם׃ ח וּ/מָכַרְתִּ֞י אֶת־בְּנֵי/כֶ֣ם וְ/אֶת־בְּנֽוֹתֵי/כֶ֗ם בְּ/יַד֙ בְּנֵ֣י יְהוּדָ֔ה וּ/מְכָר֥וּ/ם לִ/שְׁבָאיִ֖ם אֶל־גּ֣וֹי רָח֑וֹק כִּ֥י יְהוָ֖ה דִּבֵּֽר׃     ט קִרְאוּ־זֹאת֙ בַּ/גּוֹיִ֔ם קַדְּשׁ֖וּ מִלְחָמָ֑ה הָעִ֙ירוּ֙ הַ/גִּבּוֹרִ֔ים יִגְּשׁ֣וּ יַֽעֲל֔וּ כֹּ֖ל אַנְשֵׁ֥י הַ/מִּלְחָמָֽה׃ י כֹּ֤תּוּ אִתֵּי/כֶם֙ לַֽ/חֲרָב֔וֹת וּ/מַזְמְרֹֽתֵי/כֶ֖ם לִ/רְמָחִ֑ים הַֽ/חַלָּ֔שׁ יֹאמַ֖ר גִּבּ֥וֹר אָֽנִי׃ יא ע֣וּשׁוּ וָ/בֹ֧אוּ כָֽל־הַ/גּוֹיִ֛ם מִ/סָּבִ֖יב וְ/נִקְבָּ֑צוּ שָׁ֕מָּ/ה הַֽנְחַ֥ת יְהוָ֖ה גִּבּוֹרֶֽי/ךָ׃ יב יֵע֙וֹרוּ֙ וְ/יַעֲל֣וּ הַ/גּוֹיִ֔ם אֶל־עֵ֖מֶק יְהֽוֹשָׁפָ֑ט כִּ֣י שָׁ֗ם אֵשֵׁ֛ב לִ/שְׁפֹּ֥ט אֶת־כָּל־הַ/גּוֹיִ֖ם מִ/סָּבִֽיב׃ יג שִׁלְח֣וּ מַגָּ֔ל כִּ֥י בָשַׁ֖ל קָצִ֑יר בֹּ֤אֽוּ רְדוּ֙ כִּֽי־מָ֣לְאָה גַּ֔ת הֵשִׁ֙יקוּ֙ הַ/יְקָבִ֔ים כִּ֥י רַבָּ֖ה רָעָתָֽ/ם׃ יד הֲמוֹנִ֣ים הֲמוֹנִ֔ים בְּ/עֵ֖מֶק הֶֽ/חָר֑וּץ כִּ֤י קָרוֹב֙ י֣וֹם יְהוָ֔ה בְּ/עֵ֖מֶק הֶ/חָרֽוּץ׃ טו שֶׁ֥מֶשׁ וְ/יָרֵ֖חַ קָדָ֑רוּ וְ/כוֹכָבִ֖ים אָסְפ֥וּ נָגְהָֽ/ם׃ טז וַ/יהוָ֞ה מִ/צִּיּ֣וֹן יִשְׁאָ֗ג וּ/מִ/ירוּשָׁלַ͏ִ֙ם֙ יִתֵּ֣ן קוֹל֔/וֹ וְ/רָעֲשׁ֖וּ שָׁמַ֣יִם וָ/אָ֑רֶץ וַֽ/יהוָה֙ מַֽחֲסֶ֣ה לְ/עַמּ֔/וֹ וּ/מָע֖וֹז לִ/בְנֵ֥י יִשְׂרָאֵֽל׃ יז וִֽ/ידַעְתֶּ֗ם כִּ֣י אֲנִ֤י יְהוָה֙ אֱלֹ֣הֵי/כֶ֔ם שֹׁכֵ֖ן בְּ/צִיּ֣וֹן הַר־קָדְשִׁ֑/י וְ/הָיְתָ֤ה יְרוּשָׁלַ͏ִ֙ם֙ קֹ֔דֶשׁ וְ/זָרִ֥ים לֹא־יַֽעַבְרוּ־בָ֖/הּ עֽוֹד׃     יח וְ/הָיָה֩ בַ/יּ֨וֹם הַ/ה֜וּא יִטְּפ֧וּ הֶ/הָרִ֣ים עָסִ֗יס וְ/הַ/גְּבָעוֹת֙ תֵּלַ֣כְנָה חָלָ֔ב וְ/כָל־אֲפִיקֵ֥י יְהוּדָ֖ה יֵ֣לְכוּ מָ֑יִם וּ/מַעְיָ֗ן מִ/בֵּ֤ית יְהוָה֙ יֵצֵ֔א וְ/הִשְׁקָ֖ה אֶת־נַ֥חַל הַ/שִּׁטִּֽים׃ יט מִצְרַ֙יִם֙ לִ/שְׁמָמָ֣ה תִֽהְיֶ֔ה וֶ/אֱד֕וֹם לְ/מִדְבַּ֥ר שְׁמָמָ֖ה תִּֽהְיֶ֑ה מֵֽ/חֲמַס֙ בְּנֵ֣י יְהוּדָ֔ה אֲשֶׁר־שָׁפְכ֥וּ דָם־נָקִ֖יא בְּ/אַרְצָֽ/ם׃ כ וִ/יהוּדָ֖ה לְ/עוֹלָ֣ם תֵּשֵׁ֑ב וִ/ירוּשָׁלַ֖͏ִם לְ/ד֥וֹר וָ/דֽוֹר׃ כא וְ/נִקֵּ֖יתִי דָּמָ֣/ם לֹֽא־נִקֵּ֑יתִי וַֽ/יהוָ֖ה שֹׁכֵ֥ן בְּ/צִיּֽוֹן׃

<< · יואל · ד/רכיבים