תהלים ע/טעמים

מתוך ויקיטקסט, מאגר הטקסטים החופשי
קפיצה לניווט קפיצה לחיפוש

מידע על התקנת גופנים לטעמי המקרא במסך המחשב
שער מקרא · שער תורה · שער נביאים · שער כתובים · מידע על גופנים · English
תקציר המבוא למהדורה · המבוא המלא למהדורה · הבסיס הטכני לפרויקט בגליון נתונים · מדריך טכני · דיווח על טעות



ע א לַ֝מְנַצֵּ֗חַ לְדָוִ֥ד לְהַזְכִּֽיר׃
   ב אֱלֹהִ֥ים לְהַצִּילֵ֑נִי
    יְ֝הֹוָ֗ה לְעֶזְרָ֥תִי חֽוּשָׁה׃
ג יֵבֹ֣שׁוּ וְיַחְפְּרוּ֮ מְבַקְשֵׁ֢י נַ֫פְשִׁ֥י
  יִסֹּ֣גוּ אָ֭חוֹר וְיִכָּלְמ֑וּ
  חֲ֝פֵצֵ֗י רָעָתִֽי׃
ד יָ֭שׁוּבוּ עַל־עֵ֣קֶב בׇּשְׁתָּ֑ם
  הָ֝אֹמְרִ֗ים הֶ֘אָ֥ח ׀ הֶאָֽח׃
ה יָ֘שִׂ֤ישׂוּ וְיִשְׂמְח֨וּ ׀ בְּךָ֗ כׇּֽל־מְבַ֫קְשֶׁ֥יךָ
  וְיֹאמְר֣וּ תָ֭מִיד יִגְדַּ֣ל אֱלֹהִ֑ים
  אֹ֝הֲבֵ֗י יְשׁוּעָתֶֽךָ׃
ו וַאֲנִ֤י ׀ עָנִ֣י וְאֶבְיוֹן֮
  אֱלֹהִ֢ים ח֫וּשָׁה לִּ֥י
עֶזְרִ֣י וּמְפַלְטִ֣י אַ֑תָּה
  יְ֝הֹוָ֗ה אַל־תְּאַחַֽר׃

הפרק בלי מספרים[עריכה]



לַ֝מְנַצֵּ֗חַ לְדָוִ֥ד לְהַזְכִּֽיר׃
  אֱלֹהִ֥ים לְהַצִּילֵ֑נִי
    יְ֝הֹוָ֗ה לְעֶזְרָ֥תִי חֽוּשָׁה׃
יֵבֹ֣שׁוּ וְיַחְפְּרוּ֮ מְבַקְשֵׁ֢י נַ֫פְשִׁ֥י
  יִסֹּ֣גוּ אָ֭חוֹר וְיִכָּלְמ֑וּ
  חֲ֝פֵצֵ֗י רָעָתִֽי׃
יָ֭שׁוּבוּ עַל־עֵ֣קֶב בׇּשְׁתָּ֑ם
  הָ֝אֹמְרִ֗ים הֶ֘אָ֥ח ׀ הֶאָֽח׃
יָ֘שִׂ֤ישׂוּ וְיִשְׂמְח֨וּ ׀ בְּךָ֗ כׇּֽל־מְבַ֫קְשֶׁ֥יךָ
  וְיֹאמְר֣וּ תָ֭מִיד יִגְדַּ֣ל אֱלֹהִ֑ים
  אֹ֝הֲבֵ֗י יְשׁוּעָתֶֽךָ׃
וַאֲנִ֤י ׀ עָנִ֣י וְאֶבְיוֹן֮
  אֱלֹהִ֢ים ח֫וּשָׁה לִּ֥י
עֶזְרִ֣י וּמְפַלְטִ֣י אַ֑תָּה
  יְ֝הֹוָ֗ה אַל־תְּאַחַֽר׃