ויקרא יב/כתיב
א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז
ז תזריעיב א וידבר יהוה אל משה לאמר.
ב דבר אל בני ישראל לאמר אשה כי תזריע וילדה זכר וטמאה שבעת ימים כימי נדת דותה תטמא.
ג וביום השמיני ימול בשר ערלתו.
ד ושלשים יום ושלשת ימים תשב בדמי טהרהֿ בכל קדש לא תגע ואל המקדש לא תבא עד מלאת ימי טהרה.
[לוי]ה ואם נקבה תלד וטמאה שבעים כנדתה וששים יום וששת ימים תשב על דמי טהרהֿ.
ו ובמלאת ימי טהרה לבן או לבת תביא כבש בן שנתו לעלה ובן יונה או תר לחטאת אל פתח אהל מועד אל הכהן.
ז והקריבו לפני יהוה וכפר עליה וטהרהֿ ממקר דמיה זאת תורת הילדת לזכר או לנקבה.
ח ואם לא תמצא ידה די שה ולקחה שתי תרים או שני בני יונה אחד לעלה ואחד לחטאת וכפר עליה הכהן וטהרה.
הפרק ללא אותיות הפסוקים
וידבר יהוה אל משה לאמר.
דבר אל בני ישראל לאמר אשה כי תזריע וילדה זכר וטמאה שבעת ימים כימי נדת דותה תטמא.
וביום השמיני ימול בשר ערלתו.
ושלשים יום ושלשת ימים תשב בדמי טהרהֿ בכל קדש לא תגע ואל המקדש לא תבא עד מלאת ימי טהרה.
ואם נקבה תלד וטמאה שבעים כנדתה וששים יום וששת ימים תשב על דמי טהרהֿ.
ובמלאת ימי טהרה לבן או לבת תביא כבש בן שנתו לעלה ובן יונה או תר לחטאת אל פתח אהל מועד אל הכהן.
והקריבו לפני יהוה וכפר עליה וטהרהֿ ממקר דמיה זאת תורת הילדת לזכר או לנקבה.
ואם לא תמצא ידה די שה ולקחה שתי תרים או שני בני יונה אחד לעלה ואחד לחטאת וכפר עליה הכהן וטהרה.