דברי הימים א יג/רכיבים

מתוך ויקיטקסט, מאגר הטקסטים החופשי
קפיצה לניווט קפיצה לחיפוש

מפרשי דברי הימים א יג

א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט



א וַ/יִּוָּעַ֣ץ דָּוִ֗יד עִם־שָׂרֵ֧י הָ/אֲלָפִ֛ים וְ/הַ/מֵּא֖וֹת לְ/כָל־נָגִֽיד׃ ב וַ/יֹּ֨אמֶר דָּוִ֜יד לְ/כֹ֣ל׀ קְהַ֣ל יִשְׂרָאֵ֗ל אִם־עֲלֵי/כֶ֨ם ט֜וֹב וּ/מִן־יְהוָ֣ה אֱלֹהֵ֗י/נוּ נִפְרְצָה֙ נִשְׁלְחָ֞ה עַל־אַחֵ֣י/נוּ הַ/נִּשְׁאָרִ֗ים בְּ/כֹל֙ אַרְצ֣וֹת יִשְׂרָאֵ֔ל וְ/עִמָּ/הֶ֛ם הַ/כֹּהֲנִ֥ים וְ/הַ/לְוִיִּ֖ם בְּ/עָרֵ֣י מִגְרְשֵׁי/הֶ֑ם וְ/יִקָּבְצ֖וּ אֵלֵֽי/נוּ׃ ג וְ/נָסֵ֛בָּה אֶת־אֲר֥וֹן אֱלֹהֵ֖י/נוּ אֵלֵ֑י/נוּ כִּי־לֹ֥א דְרַשְׁנֻ֖/הוּ בִּ/ימֵ֥י שָׁאֽוּל׃ ד וַ/יֹּאמְר֥וּ כָֽל־הַ/קָּהָ֖ל לַ/עֲשׂ֣וֹת כֵּ֑ן כִּֽי־יָשַׁ֥ר הַ/דָּבָ֖ר בְּ/עֵינֵ֥י כָל־הָ/עָֽם׃ ה וַ/יַּקְהֵ֤ל דָּוִיד֙ אֶת־כָּל־יִשְׂרָאֵ֔ל מִן־שִׁיח֥וֹר מִצְרַ֖יִם וְ/עַד־לְב֣וֹא חֲמָ֑ת לְ/הָבִיא֙ אֶת־אֲר֣וֹן הָ/אֱלֹהִ֔ים מִ/קִּרְיַ֖ת יְעָרִֽים׃ ו וַ/יַּ֨עַל דָּוִ֤יד וְ/כָל־יִשְׂרָאֵל֙ בַּעֲלָ֔תָ/ה אֶל־קִרְיַ֥ת יְעָרִ֖ים אֲשֶׁ֣ר לִ/יהוּדָ֑ה לְ/הַעֲל֣וֹת מִ/שָּׁ֗ם אֵת֩ אֲר֨וֹן הָ/אֱלֹהִ֧ים׀ יְהוָ֛ה יוֹשֵׁ֥ב הַ/כְּרוּבִ֖ים אֲשֶׁר־נִקְרָ֥א שֵֽׁם׃ ז וַ/יַּרְכִּ֜יבוּ אֶת־אֲר֤וֹן הָ/אֱלֹהִים֙ עַל־עֲגָלָ֣ה חֲדָשָׁ֔ה מִ/בֵּ֖ית אֲבִינָדָ֑ב וְ/עֻזָּ֣א וְ/אַחְי֔וֹ נֹהֲגִ֖ים בָּ/עֲגָלָֽה׃ ח וְ/דָוִ֣יד וְ/כָל־יִשְׂרָאֵ֗ל מְשַׂחֲקִ֛ים לִ/פְנֵ֥י הָ/אֱלֹהִ֖ים בְּ/כָל־עֹ֑ז וּ/בְ/שִׁירִ֤ים וּ/בְ/כִנֹּרוֹת֙ וּ/בִ/נְבָלִ֣ים וּ/בְ/תֻפִּ֔ים וּ/בִ/מְצִלְתַּ֖יִם וּ/בַ/חֲצֹצְרֽוֹת׃ ט וַ/יָּבֹ֖אוּ עַד־גֹּ֣רֶן כִּידֹ֑ן וַ/יִּשְׁלַ֨ח עֻזָּ֜א אֶת־יָד֗/וֹ לֶ/אֱחֹז֙ אֶת־הָ֣/אָר֔וֹן כִּ֥י שָֽׁמְט֖וּ הַ/בָּקָֽר׃ י וַ/יִּֽחַר־אַ֤ף יְהוָה֙ בְּ/עֻזָּ֔א וַ/יַּכֵּ֕/הוּ עַ֛ל אֲשֶׁר־שָׁלַ֥ח יָד֖/וֹ עַל־הָ/אָר֑וֹן וַ/יָּ֥מָת שָׁ֖ם לִ/פְנֵ֥י אֱלֹהִֽים׃ יא וַ/יִּ֣חַר לְ/דָוִ֔יד כִּֽי־פָרַ֧ץ יְהוָ֛ה פֶּ֖רֶץ בְּ/עֻזָּ֑א וַ/יִּקְרָ֞א לַ/מָּק֤וֹם הַ/הוּא֙ פֶּ֣רֶץ עֻזָּ֔א עַ֖ד הַ/יּ֥וֹם הַ/זֶּֽה׃ יב וַ/יִּירָ֤א דָוִיד֙ אֶת־הָ֣/אֱלֹהִ֔ים בַּ/יּ֥וֹם הַ/ה֖וּא לֵ/אמֹ֑ר הֵ֚יךְ אָבִ֣יא אֵלַ֔/י אֵ֖ת אֲר֥וֹן הָ/אֱלֹהִֽים׃ יג וְ/לֹֽא־הֵסִ֨יר דָּוִ֧יד אֶת־הָ/אָר֛וֹן אֵלָ֖י/ו אֶל־עִ֣יר דָּוִ֑יד וַ/יַּטֵּ֕/הוּ אֶל־בֵּ֥ית עֹבֵֽד־אֱדֹ֖ם הַ/גִּתִּֽי׃ יד וַ/יֵּשֶׁב֩ אֲר֨וֹן הָ/אֱלֹהִ֜ים עִם־בֵּ֨ית עֹבֵ֥ד אֱדֹ֛ם בְּ/בֵית֖/וֹ שְׁלֹשָׁ֣ה חֳדָשִׁ֑ים וַ/יְבָ֧רֶךְ יְהוָ֛ה אֶת־בֵּ֥ית עֹבֵֽד־אֱדֹ֖ם וְ/אֶת־כָּל־אֲשֶׁר־לֽ/וֹ׃

<< · דברי הימים א · יג/רכיבים · >>