10
טוס אינימיגוס. פארה באלדאר אל אינימיגו אי אל בﬞינגאדﬞור׃ 4 קואנדו בﬞיאו טוס סיילוס, איל איגﬞו די טוס דידﬞוס, לה לונה אי לאס איסטרילייאס קי טו קומפוזיסטי׃ 5 קי איס איל אומברי קי טייניס מימורייה די איל. אי איל איזﬞו די אומברי קי לו בﬞיזﬞיטאס׃ 6 אי לו איזיסטי מינגואר פוקו דיל דייו. אי די אונרה אי מאייסטאדﬞ לו קורונאדאס׃ 7 לו אראס פודﬞיסטאר סובﬞרי לוס איגﬞוס די טוס מאנוס. לו טודﬞו פוזיסטי דיבאשﬞו די סוס פייס׃ 8 אובﬞיזﬞאס אי בואייאיס טודﬞוס אילייוס. אי טאמביין לאס קואטרופיאס דיל קאמפו׃ 9 לאס אבﬞיס דיל סיילו, אי לאש פישﬞיס די לה מאר. טודﬞו לו קי פאסה פור לוס קאמינוס די לאס מאריס׃ 10 ה׳ נואיסטרו סינייור. קואנטי פואירטי איס טו נומברי אין טודﬞה לה טיירה׃
ט
1 אל פרימיר קאנטאדﬞור. סובﬞרי מות לבן. סאלמו די דויד׃ 2 לוארי אה ה׳ קון טודﬞו מי קוראסון. ריקונטארי טודﬞאס סוס מאראבﬞילייאס׃ 3 מי אליגרארי אי מי אגוזארי אין טי. סאלמיארי טו נומברי, או אלטיסימו!׃ 4 קואנדו מיס אינימיגוס טורנארין אטראס. אינטרופיסאראן אי סי דיפירדיראן דילאנטי די טוס פﬞאסיס׃ 5 פורקי טו קורטאס מי גﬞוסטיסייה אי מי גﬞואיסייו. טו איסטאס אסינטאדﬞו סובﬞרי לה סילייה גﬞוזגאנדו קון גﬞוסטידﬞאדﬞ׃
