9
אי סיגון מי פריניזמידﬞאדﬞ סובﬞרי מי׃ 10 סי אקאבﬞי אגורה לה מאליסייה די לוס מאלוס. אי קי טו קומפונגאס אל גﬞוסטו. אי טו איריס פריבﬞאדﬞור די קוראסוניס אי רינייוניס. דייו גﬞוסטו׃ 11 מי איסקודﬞו איסטה קון איל דייו איל סאלבﬞאדﬞור די לוס דיריגﬞוס די קוראסון׃ 12 איל דייו איס גﬞואיז גﬞוסטו. אי איל דייו איסטה אינסאנייאדﬞו קאדﬞה דיאה׃ 13 סי נון טורנארי איל מאלו, סו איספאדﬞה איסמולו. סו ארקו ארמו אי לו קומפוזו׃ 14 אי ייא אפאריזﬞו סובﬞרי איל ארמאס די מואירטי. סוס פﬞליגﬞאס איזו ארדיינטיס׃ 15 איק איל מאלו סי אדﬞולורייה קון טורטורה. אי סי אינסינטו לי לאזירייה, אי פארייו פﬞאלסידﬞאדﬞ׃ 16 טאזﬞו און פוזו אי קאבﬞולו. אי קאייו אין לה פﬞואיסה קי איזו׃ 17 סו לאזירייה טורנארה אה סו קאבﬞיסה. אי סובﬞרי סו קאשﬞקו סו אדﬞולמי דיסנידירה׃ 18 ייו לוארי אה ה׳ סיגון סו גﬞוסטידﬞאדﬞ. אי סאלמיארי אל נומברי די ה׳ אלטיסימו׃
ח
1 אל פרימיר קאנטאדﬞור. סובﬞרי לה גיטארה, סאלמו די דויד׃ 2 ה׳ נואיסטרו סינייור. קואנטו פﬞואירטי איס טו נומברי אין טודﬞה לה טיירה. קי דאס טו מאייסטאדﬞ סובﬞרי לוס סיילוס׃ 3 פור לה בוקה די גﬞיקיטוס אי מאמאנטיס טו אסימינטאסטי פﬞורטאליזה פור קאבﬞזה די
