11
6 טו אמינאזאסטי אה לאס גﬞינטיס. דיפירדיסטי אה לוס מאלוס. סו נומברי ארימאטאסטי פארה סיימפרי אי סיימפרי׃ 7 פור לוס אינימיגוס, סי אקאבﬞארון סוס דיסולאסייוניס פארה סיימפרי. טו דירוקאסטי סוס סיבﬞדאדﬞיס. סי דיפירדייו סו מימבראסייון קון אילייאס׃ 8 מה ה׳ פארה סיימפרי איסטארה אסינטאדﬞו. איל פוזו סו סילייה פארה איל גﬞואיסייו׃ 9 אי איל גﬞוזגארה איל מונדו קון גﬞוסטידﬞאדﬞ. איל גﬞוזגארה לוס גﬞינטיאוס קון דיריגﬞידﬞאדﬞיס׃ 10 אי סירה ה׳ אלטורה פארה איל פרובﬞי. אלטורה אה טיימפוס די אנסייה אין לה אנגוסטייה׃ 11 אי סי פﬞיגוזייאראן אין טי לוס קי קונוסין טו נומברי. פורקי טו נון דﬞישאס אה לוס קי טי בﬞושקאן, או ה׳!׃ 12 סאלמיאדﬞ אה ה׳ איל אסינטאדﬞו אין ציון. דינוסייאדﬞ אינטרי לוס פואיבﬞלוס סוס אובﬞראס׃ 13 פורקי איל ריקירידﬞור די לה סאנגרי לוס מימברה. נון סי אולבﬞידﬞה די לה איסקלאמאסייון די לוס דיסדיגﬞאדﬞוס׃ 14 אפייאדﬞאטי די מי ה׳. בﬞי מי אפﬞריאיסייון די פארטי די מיס אבוריסידﬞוריס, טו קי מי אינאלטיסיס די לאס פואירטאס די לה מואירטי׃ 15 פארה קי ריקונטי טודﬞוס טוס לואוריס אין לאס פואירטאס די לה איזﬞה די ציון. מי גוזארי אין טו סאלבﬞאסייון׃ 16 סי אונדיירון לאס גﬞינטיס אין לה פﬞואיסה קי איזיירון. אין לה רידﬞ קי איסקונדיירון פﬞואי פריזו סו
