6
אי סו מוסטו סי מוגﬞיגוארון׃ 9 אין פאז אאונה ייאזיר אי דורמירי. פורקי טו ה׳ אה סולאס מי אראס איסטאר אין פﬞיגוזייה׃
ה
1 אל פרימיר קאנטאדﬞור. סובﬞרי לאס סואירטיס. סאלמו די דויד׃ 2 אה מיס דיגﬞוס איסקוגﬞה, או ה׳! אינטיינדי מי אבﬞלה׃ 3 איסקוגﬞה אה לה בוז די מי איסקלאמאסייון, מי ריי אי מי דייו. פורקי אה טי אגו אוראסייון׃ 4 ה', אין לה מאנייאנה אואיראס מי בוז. אין לה מאנייאנה אורדינארי מי אוראסייון אה טי אי איספירארי׃ 5 פורקי טו נון איריס און דייו קי אינבﬞילונטה אין מאליסייה. איל מאלו נון מורארה קונטיגו׃ 6 נון סי פאראדאן לוס לוקוס דילאנטי די טוס אוזﬞוס. טו אבוריסיס אה טודﬞוס לוס קי אובﬞראן טורטורה׃ 7 דיפירדיראס אה טודﬞוס לוס קי אבﬞלאן מינטירה. אל בﬞארון די סאנגריס אי די ארטי ה׳ אבוריסירה׃ 8 אי ייו אין לה מוגﬞידﬞומברי די טו מירסידﬞ בﬞינדרי אה טו קאזה. מי אינקורבﬞארי אה טו פאלאסייו סאנטו אין טו טימור׃ 9 ה׳, גיאמי אין טו גﬞוסטידﬞאדﬞ, פור קאבﬞזה די מיס אינימיגוס, אדיריזה דילאנטי די מי טו קארירה׃ 10 פורקי נון איי אין סו בוקה סיירטיזה. סו אינטראנייה איס ליינה די מאליסייאס. אונה פﬞואיסה אבﬞיירטה איס סו גאראנטה.
