5
סאנטו. סלה׃ 6 ייו ייאזקו אי דואירמו אי מי דיספיירטו. פורקי ה׳ מי סוסטייני׃ 7 נון טימירי די מילארייאס די פואיבﬞלו קי סי פונין דירידﬞור קונטרה מי׃ 8 אליבﬞאנטאטי ה׳! סאלבﬞאמי, מי דייו! פורקי טו איריסטי אה טודﬞוס מיס אינימיגוס סובﬞרי סו קישﬞאדﬞה. לוס דיינטיס די לוס מאלוס קיבﬞראסטי׃ 10 קון ה’ איס לה סאלבﬞסייון. סובﬞרי טו פואיבﬞלו טו בינדיסייון. סלה׃
ד
1 אל פרימיר קאנטאדﬞור. סובﬞרי לוס טאנייריס. סאלמו די דויד׃ 2 קואנדו לייאמו ריספונדימי, מי דייו גﬞוסטו. אין לה אנגוסטייה אינסאנגﬞאסטי אה מי. אפייאדﬞאטי די מי, אי אויי מי אוראסייון׃ 3 איזﬞוס די אומברי. אסטה קואנדו, {ק|טורנאריאישﬞ}} מי אונרה פור בﬞירגואינסה אי אמאריאישﬞ לה בﬞאנידﬞאדﬞ. אי בושﬞקאריאישﬞ מינטירה? סלה׃ 4 אי סאבﬞידﬞ קי אפארטו ה׳ אל בואינו פארה סי. ה׳ אואירה קואנדו ייו לייאמו אה איל׃ 5 איסטרימיסידﬞבﬞוס אי נון פיקיאישﬞ. אבﬞלאדﬞ אין בﬞואיסטרו קוראסון סובﬞרי בﬞואיסטרה קאמה אי קאלייאדﬞבﬞוס. סלה׃ 6 סאקריפﬞיסייאדﬞ סאקריפﬞיסייוס די גﬞוסטידﬞאדﬞ. אי אינפﬞיגוזייאדﬞבﬞוס אין ה׳׃ 7 מוגﬞוס דיזין, קיין נוס מוסטרארה ביין? אלסה סובﬞרי נוס לה לוז די טוס פﬞאסיס, או ה׳!׃ 8 דיסטי אליגריאה אין מי קוראסון. מאס קי קואנדו סו סיבﬞירה
