7
סו לינגואה אילייוס אליזאן׃ 11 קולפאלוס, דייו! קאייגאן פור סוס קונסיזﬞוס. פור לה מוגﬞידﬞומברי די סוס דיליטוס אימפושﬞאלוס. פורקי דיבﬞילייארון קונטרה טי׃ 12 אי סי אליגראראן טודﬞוס לוס אבריגאדﬞוס אין טי. פארה סיימפרי קאנטאראן אי טו מאמפאראראס סובﬞרי אילייוס. אי סי גוזאראן אין טי לוס קי אמאן טו נומברי׃ 13 פורקי טו ה׳ בינדיזיראס אל גﬞוסטו. קומו די לה אדﬞאראגה לו רודﬞיאראס די טו פﬞאבﬞור׃
ו
1 אל פרימיר קאנטאדﬞור. סובﬞרי לוס טאנייריס. אה לה אוגﬞאבﬞה. סאלמו די דויד׃ 2 ה׳, נון מי ראזונה אין טו פﬞולור, אי נון מי קאסטיגה אין טו סאנייה׃ 3 אפייאדﬞאטי די מי, ה׳. פורקי איסטויי אינפﬞלאקיסידﬞו. סאנאמי, ה׳. פורקי מיס גואיסוס איסטאן אטורבﬞאדﬞוס׃ 4 אי מי אלמה איסטה אטורבﬞאדה מוגﬞו. אי טו ה׳, אסטה קואנדו?׃ 5 טורנה, ה׳! איסקאפה מי אלמה. סאלבﬞאמי פור טו מירסידﬞ׃ 6 פורקי אין לה מואירטי נון איי מימבראסייון די טי. אין לה פﬞוייה קיין טי לוארה?׃ 7 מי קאנסו אין מי סוספירו. אגו נאדﬞאר מי קאמה קאדﬞה נוגﬞי. קון מיס לאגרימאס דיזליאו מי ליגﬞו׃ 8 מי אוזﬞו איסטה קונסומידﬞו די פיזאדﬞומברי אי אינבﬞיזﬞיסידﬞו פור טודﬞוס מיס אנגוסטייאדﬞוריס׃ 9 טיראדﬞבﬞוס די מי,
