16
אינקובﬞריס טוס פﬞאסיס די מי?׃ 3 אסטה קואנדו פונדרי קונסיזﬞוס אין מי אלמה אי אנסייה אין מי קוראסון טודﬞו איל דיאה? אסטה קואנדו סי אינאלטיסירה מי אינימיגו סובﬞרי מי?׃ 4 קאטה! ריספונדימי, או ה׳ מי דייו! אלומברה מיס אוזﬞוס פארה קי נון דואירמה ייו אין לה מואירטי׃ 5 פארה קי נון דיגה מי אינימיגו, לו בﬞינסי! פארה קי נון סי גוזין מיס אנגוסטייאדﬞוריס פורקי מי איסמובﬞי׃ 6 אי ייו מי אינפﬞיגוזייו אין טו מירסידﬞ. מי קוראסון סי גוזארה אין טו סאלבﬞאסייון. קאנטארי אה ה׳. פורקי איזו ביין אה מי׃
יד
1 אל פרימיר קאנטאדﬞור. די דויד. איל לוקו דיזי אין סו קוראסון, נון איי דייו. סי דאנייאן, סי אזין אבוריסיבﬞליס קון סו אובﬞרה. נון איי קיין אגה ביין׃ 2 ה׳ קאטה די לוס סיילוס סובﬞרי לוס איזﬞוס די אומברי פארה בﬞיר, סי איי קיין אינטיינדה אי קיין בושﬞקי אל דייו׃ 3 לוס טודﬞוס סי טיראן אטראס. אאונה סי דאנייאן. נון איי קיין אגה ביין. נון איי טאמביין ני אונו׃ 4 אקאסו נון טיינין סינסייה טודﬞוס לוס קי אובﬞראן טורטורה. קומיינדו מי פואיבﬞלו קומו סי קומי פאן? אה ה׳ נון לייאמאן׃ 5 אימפירו אליי סי איספאנטאראן איספאנטו. פורקי איל דייו איסטה קון איל גﬞירינאנסייו די לוס גﬞוסטוס׃
