15
יב
1 אל פרימיר קאנטאדﬞור. אה לה אוגﬞאבﬞה. סאלמו די דויד׃ 2 סאלבﬞה, או ה׳! פורקי סי אטימו איל בואינו. פורקי סי אמינגוארון לוס פﬞיאיליס די אינטרי לוס איזﬞוס די אומברי׃ 3 פﬞאלסידﬞאדﬞ אבﬞלאן קאדﬞה אונו קון סו קומפאניירו. קון לאבﬞייוס אליזאדﬞוס, קון קוראסון דובﬞלי אבﬞלאן׃ 4 קי טאזﬞי ה׳ טודﬞוס לאבﬞייוס אליזאדﬞוס, לה לינגואה קי אבﬞלה גראנדיזאס׃ 5 קי דיזין, פור נואיסטרה לינגואה סומוס פﬞואירטיס. נואיסטרוס לאבﬞייוס סון קון נוסוטרוס. קיין איס סינייור אה נוסוטרוס?׃ 6 פור איל איספוזﬞו די לוס דיסדיגﬞאדﬞוס. פור איל גﬞימידﬞו די לוס דיזיאוזוס אגורה מי אליבﬞאנטארי, דיזי ה׳. לוס פונדרי אין סאלבﬞאסייו די איל קי סופלה אה אילייוס׃ 7 לוס דיגﬞוס די ה׳ סון דיגﬞוס לימפייוס קומו פלאטה איסמיראדﬞה, פאטרון די לה טיירה, ריפﬞינאדﬞה סייטי בﬞיזיס׃ 8 טו ה׳ לוס גוארדאראס. לוס אינקובﬞריראס די איסטי גﬞירינאנסייו פארה סיימפרי׃ 9 לוס מאלוס סי אנדאן אל דירידﬞור. קומו אינשﬞאלשﬞאדוס סון קונטאדﬞוס לוס בﬞיליס אינטרי לוס אומבריס׃
יג
1 אל פרימיר קאנטאדﬞור. סאלמו די דויד׃ 2 אסטה קואנדו, או ה׳, מי אולבﬞידﬞאס סיימפרי? אסטה קואנדו
