17
6 בﬞוסוטרוס פונישﬞ פור בﬞירגואינסה איל קונסיזﬞו דיל פרובﬞי. פורקי ה׳ איס סו אבריגו׃ 7 קיין דיירה די ציון לה סאלבﬞאסייון די ישראל! קואנדו ה׳ טורנארי איל קאטיבﬞירייו די סו פואיבﬞלו, סי גוזארה יעקב, סי אליגרארה ישראל׃
טו
1 סאלמו די דויד. ה׳, קיין מורארה אין טו טיינדה, קיין פוזארה אין טו מונטי סאנטו?׃ 2 איל קי קאמינה קון פריניזמידﬞאדﬞ, אי קי אובﬞרה גﬞוסטידﬞאדﬞ, אי קי אבﬞלה בﬞירדאדﬞ אין סו קוראסון׃ 3 איל קי נון מאלסינה קון סו לינגואה. אי נון אזי מאל אה סו קומפאניירו. אי ריפודﬞייו נון קארגה סובﬞרי סו סירקאנו׃ 4 איל קי אין סוס אוזﬞוס איל דיזיגﬞאדﬞו איס מינוספריסייאדﬞו. אי קי אונרה אה לוס קי טימין אה ה׳. איל קי קואנדו גﬞורו פור אזיר דאנייו אה סי מיזמו נון לו טרוקה׃ 5 איל קי נון דה סו פלאטה קון לוגרו אי נון טומה שﬞואד קונטרה איל ליבﬞרי. איל קי אזי איסטאס קוזאס נון סירה מובﬞידﬞו פארה סיימפרי׃
טז
1 סאלמו פריסייאדﬞו די דויד. גוארדאמי או דייו! פורקי אין טי מי אבריגו׃ 2 טו, מי אלמה, דישﬞיסטי אה ה׳, אדני איריס טו. מי ביין נון איסטה אפﬞואיראס די טי׃
