שיחה:שיר השירים ה/טעמים
הוספת נושא"קול דודי דופק" בעיצוב שירי
[עריכה]א* ב אֲנִ֥י יְשֵׁנָ֖ה וְלִבִּ֣י עֵ֑ר
ק֣וֹל ׀ דּוֹדִ֣י דוֹפֵ֗ק
פִּתְחִי־לִ֞י
אֲחֹתִ֤י רַעְיָתִי֙ יוֹנָתִ֣י תַמָּתִ֔י
שֶׁרֹּאשִׁי֙ נִמְלָא־טָ֔ל
קְוֻצּוֹתַ֖י רְסִ֥יסֵי לָֽיְלָה׃
ג פָּשַׁ֙טְתִּי֙ אֶת־כֻּתׇּנְתִּ֔י
אֵיכָ֖כָה אֶלְבָּשֶׁ֑נָּה
רָחַ֥צְתִּי אֶת־רַגְלַ֖י
אֵיכָ֥כָה אֲטַנְּפֵֽם׃
ד דּוֹדִ֗י
שָׁלַ֤ח יָדוֹ֙ מִן־הַחֹ֔ר
וּמֵעַ֖י הָמ֥וּ עָלָֽיו׃
ה קַ֥מְתִּֽי אֲנִ֖י לִפְתֹּ֣חַ לְדוֹדִ֑י
וְיָדַ֣י נָֽטְפוּ־מ֗וֹר
וְאֶצְבְּעֹתַי֙ מ֣וֹר עֹבֵ֔ר
עַ֖ל כַּפּ֥וֹת הַמַּנְעֽוּל׃
ו פָּתַ֤חְתִּֽי אֲנִי֙ לְדוֹדִ֔י
וְדוֹדִ֖י חָמַ֣ק עָבָ֑ר
נַפְשִׁי֙ יָֽצְאָ֣ה בְדַבְּר֔וֹ
בִּקַּשְׁתִּ֙יהוּ֙ וְלֹ֣א מְצָאתִ֔יהוּ
קְרָאתִ֖יו וְלֹ֥א עָנָֽנִי׃
ז מְצָאֻ֧נִי הַשֹּׁמְרִ֛ים
הַסֹּבְבִ֥ים בָּעִ֖יר
הִכּ֣וּנִי פְצָע֑וּנִי
נָשְׂא֤וּ אֶת־רְדִידִי֙ מֵֽעָלַ֔י
שֹׁמְרֵ֖י הַחֹמֽוֹת׃
ח הִשְׁבַּ֥עְתִּי אֶתְכֶ֖ם בְּנ֣וֹת יְרוּשָׁלָ֑͏ִם
אִֽם־תִּמְצְאוּ֙ אֶת־דּוֹדִ֔י
מַה־תַּגִּ֣ידוּ ל֔וֹ
שֶׁחוֹלַ֥ת אַהֲבָ֖ה אָֽנִי׃