אינטראדה איל ריי די לה אונרה׃
10 קיין אים איסטי ריי די לה אונרה? ה׳ די לוס פﬞונסאדﬞוס איל איס איל ריי די לה אונרה. סלה׃
כה
1 די דויד. אה טי ה׳ אימפריזינטו מי ﭏמה׃
2 מי דייו, אין טי אינפﬞיגוזייו. נונ קידﬞי ייו אבﬞירגואינסאדﬞו. נון סי אגוזין סובﬞרי מי מיס אינימיגוס׃
3 טאמביין טודﬞוס לוס קי איספיראן אה טי נון קידﬞאדאן אבﬞירגואינסאדﬞוס טודﬞוס לוס קי אפריטאן סין קאבﬞזה׃
4 ה׳, מוסטראמי טוס קאריראס. טוס קאמינוס אנביזאמי׃
5 אינקאמינאמי אין טו בﬞירדאדﬞ אי אנביזאמי. פורקי טו איריס איל דייו די מי סאלבﬞאסייון. אה טי איספידו טודﬞו איל דיאה׃
6 אימברה טוס פייאדﬞאדﬞיס, ה׳ אי טוס מירסידﬞיס. פורקי איטירנאס סון אילייאס׃
7 נון מינמינטיס לוס פיקאדﬞוס די מי מוסידﬞאדﬞ ני מיס דיבﬞילייוס. מימבראמי טו סיגון טו מירסידﬞ פור אמור די טו בונדאדﬞד, או ה׳!׃
8 בואינו אי דיריגﬞו איס ה׳. פור איסטו אמוסטרה אה לוס פיקאדﬞוריס לה קארירה׃
9 אינקאמינארה אה לוס אומילדיס אין איל גﬞואיסייו. אי אנביזארה אה לוס אומילדיס סו קארירה׃
10 טודﬞוס קאמינוס די ה׳ סון מירסידﬞ אי בﬞירדאדﬞ אה לוס קי גוארדאן סו פﬞירמאמיינטו אי סוס טיסטימונייוס׃
11 פור אמור די טו
